حظي المنسدح الجزء الأول

هاي جميعا اول شي احب اعرفكم على نفسي انا اسمي

شوق وعمري 16 سنه في مرحلة الثانويه

الدراسه لا تسألوني عنها لاني ولا فخر

فاشلـــــــــــــــــــــــــــــــــــه

الصراحه بقولكم شي عني سر انا بنت

غير محظوووظه <<< لا يختي مبروكه احسن

ومع اني مؤمنه بالله بس مع القصه بتعرفون ليش حظي كذا

شسوي بحظي اللي منسدح ورافض قطعيا انه يقوم

على قولت الشاعر :

ياحظي المنسدح وشفيك مشقيني ... قم يمال الوجع قم غير احوالي..

صح لسانه

يؤؤؤ نسيت اعرفكم بعايلتي

ماتشوفون اختي الصغيره تحشر نفسها بالكامره

اعرفكم بأكبر العايله ..

امي حفضها الله ورعاها ..
&الجازي (37) مطلقه من خمس سنوات
بسبت ان ابوي يبي ولد وامي كل ذريتها بنات<<< تخلف

المهم

&هند اختي الكبيره عمرها )20(
عزباء اللي عنده رجال يفكنا منها تدرس في كليه اساسيه تخصص
رياض اطفال..
&نوره الثانيه ) 18( هم عزباء
تدرس سكرتاريه
اعقل وحده في البيت<<< معصي

&البندري )14( خويت دربي
في كل شي خبال مغامرات .. إلخ

&هيونه (هيا) )8(

قعدت البيت يعني اخر العنقود سكر معقود
.........................
بعد ما عرفت عن عايلتي المصونه التي تسكن في شقه في بيت خوالي
سكناها عقب ما ابوي طلق امي
وتركنا لا يسأل عنا ولا شي
الله يسامحه

المهم بعرفكم بخوالي ..؟.؟.
...............................
&جدتي (ام محمد) العمر غير مصرح به <<< تعدى العداد

&خالتي عنود )35(
عندها ولدين وبنت
*خالد 9 و*منيره 7 و*د حومي 3

&خالي محمد)31(
زوجته عبير )28(
وعندهم ولد
ناصر << كريهه مزعج

ترى مالهم دور بالقصه بس اسمي عرفتكم عليهم

...........................................

هذا تعريف بسيط عن عايلتنا طبعا لي عمان 6 وعمات 2
واما العلاقه معهم ميح بسب ضروف عايليه صعبه سالفه معقده
ومانعرفهم لان ابوي كان يمنع امي من زيارتهم
.....................
وابوي تزوج على طول يوم طلق امي يعني من خمس سنوات
وعنده ولدين توؤم )3(
نواف ونايف

بس عمري ماشفتهم <<<< احسن لاني انقهر لا شفتهم

المهم اللحين بندخل في القصه ..؟.؟.؟


الجزء (1)

هند جالسه في الصاله ومعاها *كتاب كيف تحللين شخصية الذي امامك*
وكانت تطبق على اختي هيونه << فار تجارب البيت

امي جالسه قدام التلفزيون وتكتب من هالخلطات اللي في الشات

انا ونوره والبندري نلعب جنجفه
<<<<<< مبزره
................................

امي .تصيح: بناااااااات قصروا صوتكم ماني قادره اركز
انا:يماااااا شوفي نوره جالسه تخش
امي.. وهي تطالع التلفزيون: نوره بسك غش
نوره.وتسوي حركة بتذبحني : ان شالله يوما

هند تصيح بوجهه هيونه : ركزي ركزي معاي
هيونه: والله انتي مجنونه مدري شتقولين انا اقوم احسن لاني ان قعدت
بنجن اكثر

البندري : هيه فزت فزت هياه
وقامت تغني وانتصرنا والناصر الله
انا: نعيد اللعب كله غش
البندري:لالحين عندك امل يبا كسرت راسك خلاص ماكو لعب
وككككككوووووووكككككككك
انا : معصبه واللقط بقايا وجهي اثر هزيمتي الشنيعه من قبل البندري
نوره . تطبط عل كتفي: تعيشي يختش وتفوزي بغيرها هاردلك
انا : تهي تهي تهي تهي خلاص قررت اني اعتزل اللعب ..
البندري: خلاص بنقيم لك حفل اعتزال غدا هههههههه

انا : معصبه هجمت على ظهر البندري وامتطيته كما يمتطي الفارس حماره
أأأ اقصد حصانه

البندري : يماااا هعههههههه شوفيها
امي تقوم خلاص وصلت حدها بالكتاب تصقع فيه راسي : أأأأأأيييييي
امي: بسكم ازعااج
انا : يماا اح والله تعور
امي: ذلفي غرفتك
انا: الله والغرفه ترى الشقه كلها غرفه ومطبخ وحمام وصاله وين غرفتي
اهاا قصدك زريبة العزابيه
امي: وتطقني بنفس الكتاب : أأأأأأأأأأأأي خلاص اقصد قصر بيكنهام
ولا تزعلين
امي: انا شيقعدني عندكم انزل عند امي ابرك لي

وتطلع امي من الشقه متوجها عند جدتي تشتكي لها الحال.
طبعا جدتي تزيد من الطيب بله وتحرشها علينا
مثل وانا امج وديهم عند ابوهم خلاص انتي ماقصرتي .. إلخ

بس امي قلبها ما يطاوعها ما تستحمل دون ازعاجنا ..؟..

.................................

انا : امي وراحت والشقه مافيها غيرك نيهااهااهااي من بيفكك مني تعالي
البندري: شوق تعوذي من نفسك يماا ذلفي عني
انا.. هااهااهااهااهااي تعالي << فلم رعب
البندري.. تدور في الشقه .. تكفون يالربع الفزعا خويتكم بتموت ياربي
دخيلك ياربعي يا أحبتي
نوره : شباب هوب هوب كل واحد يصلح سيارة الثاني .
انا: بو حمود ما تشوفه شفيه علي
البندري.. هااه بدينا بالكذب بو جسوم
نوره.. شباب خلاص حب خشوم بعض
انا .. خشمك
البندري.. خشمك
تك<< حبت الخشم

هند . تطالعنا وهي ناقده : مدري ليش الوالد طلق امي مع ان عنده اقدع
عرابجه بو حمود وبو جسوم
نوره .:يابنات في حشرات هنا دابله كبدي وحامصتن مرارتي تسمحون نلعن جدفها
هند: لا هيه شنو شقلت انا ماعرفكم
انا: نوره ابشري بعزك ما طلبتي شي

وشمرت عن ايدي وبدينا في طق وتدغيغ هند ..

هيونه واقفه عند الكنبه ..

عاشو عاشو يمين يسار وتلفح بشعرها روح روح

وفجأه يقطع علينا الهوشه صوت التلفون

طبعا مثل كل مره الخمسه هجوم على التلفون ومن ايد وحده لين ايد الثانيه

طبعا ينتج عن ذالك اصابات بليغه ومنهم في غرفة الانعاش ومنهم تحت الانقاذ

والناجيه دايما انا لاني عصله فأزرق بينهم


*****مشهد التلفون*****

هيونه : ألو من معاي
المتصل:هذا بيت ام هند
هند:في رقه لم نعهدها من قبل . هند تحت امركم هي وعايلتها
البندري راكبه فوقها تبي تاخذ التلفون
هند : تصيح: أأأأأأأأأأأأأأأأأاي<<<< فجرت أذن المتصل
البندري: خير وش عندك داق
المتصل: بسم الله شسالفه
نوره : تبكي : ابي اكلم كلكم كلمتم الا انا
البندري عطفت عليها وعطتها .
نوره. انت من تبي يؤؤؤ جيبيه جيبيه شووق

اخيرا استقر التلفون بيدي

المتصل: لحظه هذا بيت ولا مستشفى الطب النفسي
انا: لا وانت الصاج مقبره
الاخوات: ههههههههههههههههههههههههههههه
المتصل: اعوذ بالله انزين التلفون اللحين بيد منو عشان اقدر اتفاهم
انا: معاي انا اولا عرف عن نفسك والبطاقه الشخصيه وان لم تجد فالجواز ينفع
ولماذا متصل ولما تريد امي وهل ربحنا بمسابقه
المتصل: اقول اسمك بالخير
انا: وشعليك بتخطبني قل لا يكثر هرجك
المتصل: يابنت امي تسلم عليك وتقول حبا حبا علي
انا:يعني أللحين انت قاط نكته يابنات اضحكوا عشانه

حطيت السماعه على افواههم .. هههههههههههههههههههاي

المتصل:ههههههههه والله مجانين انزين انا
سلطان ولد عمكم صالح بغيت الوالده ضروري

لحظه صمت طويله دامت 30 ثانيه

انا: مستحيه .. الوالده تحت اتصل بعد خمس دقايق تلاقيها
سلطان: اوكي بعد ربع ساعه بتصل مع السلامه
انا : خبط من غير لا قول مع السلامه

هند: علام وجهك قام يلقط الوان منو هذا لايكون بيخطبني
انا: شايفه وجهك اول عشان يخطبك شوفي لا وضحه بنت جارنا
تزوجت انتي تتزوجين
هند: وتغطي وجهاا بيدينها .. لالالالا تهي تهي تهي
نوره. منو هذا الشاب الوسيم
البندري.. شدراك انه وسيم
نوره. صوته جبار وبدت تغني قباااااااار قبااااااااار<<< فاكره نفسها عبدالحليم على غفله
انا.. جب جب انزين تتوقعون منو هذا
هيونه.. امممممممممم يمكن بيعطونا فلوس ربحنا مسابقه صح
انا.. والله صج انطمي وروحي نادي امي قولي لها تلفون يبيك
هيونه. يؤؤؤؤ كل انا
انا.. ابقق عيوني @@ : يالله روحي
هيونه.. انزين وهي معصبه
هند.. منو خلصينا
انا.. سلطان ولد عمي صالح
الكل.. هااااااااااااااااااااااه
انا.. ولد عمي
هند.. شذكرهم فينا شيبون هذولا
انا.. مدري

امي : تدخل علينا بسرعه هااه منو يبيني
انا.. اللحين بيتصل
امي.. رجال
انا.. ايه
امي.. مستغربه: خير اللهم اجعله خير

بعد عشرة دقايق اتصل التلفون امي شالت السماعه
وهنا متجمعين حولها ورازين اذننا عندها علبونه بنسمع عدل
امي.. وتدرزنا بيدها لانا ضايقناهاا
تعبت منا اخذ التلفون وراحت غرفتنا وقفلت الباب وكلمت ولد عمي


الجزء (2)

على الباب
هند : أي دستي على رجلي نوره وخري عني
نوره .. مو انتي ماخذه كل المكان
انا .. تسمعون شي
البندري. ليش ما طفيتي المكيف ما نسمع شي
هند : اوووووووووووووووف خلاص بروح ومصير امي تعلمناا
رحنا كلنا جلسنا قدام التلفزيون وطالعنا مسلسلنا اللي نتابعه

هند .. شوفو شحلات مكايجها
نوره.. ولا بدلتها شلون مربطه عليها الفيونكات قمت الذرابه
انا.. ووووووع موحلو ماعجبني
هند.. شعرفك انتي بالذوق انتي حدك ملابس سوري على دينار
انا: وشفيها ساتراتنا..هالملابس اللي مو عاجبتك

وقطع علينا حوارنا الشيق حول الملابس والمكياج وقلت لهم مقرره انزل مكياج
بأسمي مو احسن مني خبراء التجميل

امي : وهي ماسكه التلفون
كلنا : هااه يما شيبي
امي: شقول لكم بعد
كلنا.. يما شسالفه
امي.. ابوكم مريض من 6 شهور ويبي يشوفكم قبل ما تتدهور حالته ومايشوفكم
كلنا .. قمنا نطالع بعض مستغربين وشعور ماله وصوف هو خوف هو حزن هو فرح
شعور ما ينوصف
هند.. خلاص بنات قوموا نلبس نروح لبونا
امي. لا لا ابوك مو بالكويت ابوك بلندن يعالج
نوره.. وشلون نشوفه
امي.. ولد عمكم بياخذكم هناك عند ابوكم والسفره بعد خمس ايام
انا : نقزت على طول لغرفتي وقمت اطلع ملابسي
امي.. صبر صبر شفيك بيمرنا ولد عمكم اليوم ويسوي جواز لهيونه ويجدد جواز شوق
انا .. لا هذا وقته ينتهي جوازي
امي. ماتبين تصورين
انا.. واااو اصور ..

ورحت احط مكياج واطلع احسن ملفع عندنا عشان تطلع الصوره جنان

امي.. بس شرطي ماتحطين مكياج بس كحل وخفيف بعد
انا. لا ليش هالتحكم
امي.. هذا شرطي
انا.. يؤؤؤؤ ورحت لبست أي شي حتى كحل ما حطيت

ورحنا صورنا انا وهيونه طبعا صار فلم عند المصور تهاوشت انا وهيونه من يصور قبل
لولا تدارك المصوره للامر وحل النزاع بعمل قرعه
كان تلاقينها متشرده بالشارع لانا بنكسر المحل

طبعا صورنا صور مستعجله صورتي انا حدث ولا حرج تقول
هنديه منحاشه من معزبتها ولاعنين خيرها المكتب من الطق
عقب ما شفت صورتي ايقنت ان الجمال جمال الروح لا الوجهه

.................................................

البيت استنفار اللي تكتب شنو ناقصها من ملابس
واللي ترتب ملابسها واللي تغسل ملابسها واللي تجمع ألعابها واللي تتصل بريفجاتها وتحرهم
انها بتسافر في الصيف لندن
واما امي فكانت محتاسه لانه ولد عمي بيجي
وهي مستحيه منه
ماهي عارفه شنو تسوي

وصل ولد عمي اخذ الاوراق وسوى جوازاتنا وحنا انحلت ازمتنا خلصت كل وحده فينا
جنطتها وحطتها عند الباب طبعا هالكلام قبل السفره بيوم
امي تبكي اول مره بحياتها بتودعناا

حنا طبعا ضحك وفرفشه وناسه بنروح لندن يعني اخر استهبال ناس اجانب
مايفهمن لغتك يعني بالعربي ... مصخره...


من بكره


اول وحده قايمه انا الساعه 7 الصبح رحت تسبحت ولبست ملابسي ولبست مانتو بيج
مع نقابي ولفه بيج
وخواتي طبعا مثلي عدا البندري اللي مو منقبه وهيونه

انا : شنو اروح لندن لابسه نقابي
امي.. وصيه ما تقط نقابها هالبنت لاني اعرفها بتسوي بلاوي بلندن
هند. لا توصين حريص انا لهاا
نوره. شواقه حبيبتي ياقلبي حنابنروح مع ولد عمي يعني فشله تقطين نقابك
اصلن احمدي ربك مخلينك لابسه مانتو ولا مخلينك على عباة الراس
انا.. عشان اول ما اوصل مطارهم الا انا بالسجن على طول حاطين مع قايمة المطلوبين
الكل.هههههههههههههههههههههههه

سمعنا صوت دقات هرن .. دييد دييييييد
امي.. هذا ولد عمكم يالله نزلو تحت

نزلنا سلمنا على جدتي وطبعا وداعنا كان طويل حيل
وعقبها ركبا مع ولد عمي

اول ماشفناه كلنا شهقنا ..

هند.. يهبل شحلاته انا حاجزته
نوره.. يالله عاد انا شفته قبلك
هند.. بس انا اكبر
انا.. والله مصخره هلحين رايحين حنا لندن عند جورج وتوم وتطالعون سليطين
صج بنات فقر
البنات استحوا على وجيههم وركبا السياره ..كانت جيب رنج روفر لونها سماوي

الكل.. سلام عليكم
سلطان.. وعليكم السلام هاه كاملين نمشي
هند.. ايه

ومشى سلطان فينا طبعا قام يسأل اسأله انتي منو وكم عمرك وش تدرسين
اسألت مليغ

انا.. سلطان ناقص مقاس جوتيي ووزني ماعرفتهم
الكل.. هههههههههههههههههههههههههه
سلطان.. هااه اجل انتي شوق قالو لي والله عنك انك مو صاحيه
وامك اكثر وحده تحذر منها انتي
انا.. لا حووووول وش بسوي انا يختك ذلونا انتي بتسوين بلاوي ينخاف منك
يعني شنو بشرب خمر ياربي
الكل.. ههههههههههههههههههههههههههههه

وصلنا المطار

صح نسيت اقولكم ان ولد عمي سلطان طيار وهو اللي بيقود طيارتنا
بيقود شفتوا شلون جبتها الشاطر اللي يقول وين محلها من الاعراب..
نرجع لقصتنا


هيونه.. يعني انت سواق الطياره يعني سايق
سلطان.. احد يفهم هالبنت اني طيار
هند.. هيا حبيبتي تعالي ومسكتها اختنا هند << اخيرا سوت حاجه فيها خير

وعقب اجراءات السفر والتذاكر
وقعدنا في استراحة قعدنا نضحك
ونعلق طبعا ولد عمي بعد عنا شوي وراح يكلم طاقم الطياره ويوصيهم علينا

وانا والبندري كنا نعلق على الناس ونشكك الواحد بنفسه

نادوا على الطياره وركبا طبعا كلنا درجه اولى وااو كان شي جميل

هند وهيونه جنب بعض قدامي انا والبندري
اما نوره فكانت جنب حرمة كبيره
كنت انا صوب الممر وكان في الطرف الاخر في نفس مكان مقعدي شاب بالعشرين من عمره
كان غايه في الشياكه والجمال ..
يطالعنا ويضحك على تعليقاتنا انا والبنات
وعلى هيونه يوم قامت تصفق وتغني درويلنا عاش عاش دريولنا طيط طيط
كان الموقف تحفه
اما العقيديه اللي جنبي البندري فكانت مبحلقه بالدريشه وتتكلم بصوت عالي كأن الطياره
باسم ابوهاا

مثال..

شوووووووق شوفي السحااب لونه ابيض
انا.. بالله علبالي اخضر
هي.. شووووووووووق شوفي اشوف الناس صغار
انا.. فضحتينا الناس كلها عرفت اسمي

اما هيونه فكانت تصيح علي بصوت عالي ..
شووق متى بيجبون الاكل متى امي تقول بيعطونكم ملفوف
انا.. حشى كبد ملفوف بالهصبح توك ماكله مسرع ما جعتي
هيونه.. بطني ولا بطنك كيفي

نوره تهمس للحرمه اللي جنبها .. كيف اشغل التلفاز
الحرمه بكل كبر .. تسويه لنوره
نوره.. مشكوره
طالعتها بنظره غريبه وحطت السماعات بأذنهاا


نوره.. تأشر لي .. شواقه شواقه <<<<(كلامنا كان بهمس )
انا : نعم شعندك
نوره.. تبادلين اماكن هالحرمه مليغه حدها تصدقين مغروره
انا.. يابنت انثبري مكانك ان غيرنا اماكنا بتصير صيحه وهواش تعرفين خواتك
المفضحاات حطي على الراديو واسمعي لك شي وانطمي
نوره.. تشكورات اختي كم الحساب
انا.. خمسطعشرين فلس
نوره.. أي لغه هذي

الشاب اللي جنبنا ميت ضحك على خبالنا ..؟.؟..

وصلت المضيفه وقامت توزع اكل

هيونه: هياا اكل اكل
هند: شفيك انتي تقولين مجوعينك بس انطمي فضحتينا
هيونه: كيفي دافعين فلوس
انا: ياعوب هالبنت جيبيها لي اطرمها لك
هند: لا فكينا من شرك

اختي نوره نايمه وقام يصدر من خشمها وانفها سمفونيات
لم اسمع مثلها من قبل ولا مقسمه عدل

اللي جنبها منقرفه ومنزعجه ..

انا : نوره نوره نوره
نوره: طسي عن يور فيس
انا: بدايتها بدليات بالانقلش هذا وانتي احسن وحده فينا
نوره: وصلنا
انا: لا ريضين بس قومي صوت شخيرك واصل للطياره اللي جنبنا
نوره: انزين قمت قمت ياهم بلشه هالخوات
اسمعي طلع معي بيت شعر
انا: قولي وش عندك
نوره: البطن فاضي والخوات قشرات..... والنوم محروم منا وألينا
انا: كم مره اقول لك لاعاد تكتبن قصيد كملي نومتك

بعد ساعه اركدوا خواتي لانهم جميعهم طخوا وناموا مو بس خواتي كل اللي معانا
في الدرجه الاولى

اما انا فمن الفرحه مانمت قعد اقرى مجله واسمع للراديو كان حاطين اغنية جميله
حيل
(( شكواي للي يفتهم شكواي))

لاعت كبدي من هالوضع لاني ما احب اقعد كذا فاقمت استهبل على اختي البندري
ادخل الكلينكس في خشمهاا واضحك عليهاا

واستمر هالحال لين قامت وقمنا نسولف ونقول نكت مليييغه حيييل
مثال:
البندري: في واحد تغدى وعقبها راح للحمام ليش :
انا: ليش << قلت شكلها داهيه
البندري: بيغسل ايدينه .. هههههههههههههههه
انا.. من ملاغتها قمت اضحك..هههههههههههه
انا.. اجل بقول لك نكته في عنز مثلك وشرواك منسدحه على البحر ليش
البندري.. اممممممممممممم تتشمس
انا.. لا ميته..هههههههههههههههه.. اعلمك شلون الملاغه

وقضينا وقتنا هذا سوالف ونكت مليغه وجانا ولد عمي يتطمن علينا اخذ هيونه
وسوا لها جوله حول الطايرة
وهي مصره انه سواق لين اقنعته انه سوااق..؟..

وصلنا لندن ونزلنا من الطياره طبعا قعدنا اخر الناس نزلوا الركاب و حنا قعدنا لين جانا ولد
عمي واخذنا معااه

سوينا اجراءات الوصول و...إلخ ومشينا ..

وحنا نمشي ما درينا ولا نشوف واحد جاي عند سلطان ويحظنه ويسلم عليه
وقاموا يضحكون ويسولفون وبعدها عرفنه عليه طلع ولد عمنا اخووه متعب

ركبنا سيارته وودانه للفندق اللي ساكنينه كان الفندق قريب من مستشفى ابوي يعني نروح ونجي له
مشي على الاقدام عادي ويبعد عنه بشارع سوق مع هايدبارك
اول ما وصلنا الفندق اقصد الشارع بعد ما استوحشنا المكان لان كل اللي نشوفهم
عرب وياكثرهم العرب فيه مطاعم محلات كافيهاات والخ ..

وصلنا الفندق راح متعب قدامنا اخذ مفاتيح السويت اللي حنا ساكنينه وامر القرسون انه
ياخذ شناطنا منا

كان شعور حلو وكأنك ملكه الله يا حظهم الاغنياء مستانسن بحياتهم

المهم

وصلنا للسويت حقنا كان عباره عن غرفه كبيره مره مع كنبتين وقدامهم تلفزيون بلازما
وحمام << الله على حمامهم
ومطبخ تحظير صغير مره ..؟.؟.؟...

متعب.. بنات انا بالروم اللي جنبكم أي شي تبونه تعالوا لي وانا طبعا بجيكم كل شوي اتطمن عليكم
هند.. انزين متى بنشوف ابونا
متعب.. هو اللحين عنده فحوصات ماتخلص الا الساعه 5 العصر وطبعا راح يكون تعبان تشوفونه باجر احسن انتوا ارتاحوا وانشالله تشوفونه ...

راح متعب وخلانا وعطانا بعض التوضيحات ارقام مطاعم عربيه ورقم طوارئ ورقم الرسبشن
ورقمه هو ورقم مستشفى ابوي..

وجلسنا حنا نضحك ونسولف ونعلق وكنا جالسين بالبلكونه نشوف العالم ونضحك
وكان اخر فله

وعقبها تفرقنا اللي راحت تنام واللي تطالع التلفاز والي تلعب بعرايسها
واما انا والبندري فلم يعجبنا الوضع فقررنا اننا نقول لمتعب بنتمشى شوي ونجي

رحنا لمتعب وطلع لنا ..
متعب: خير صاير شي
انا: لا والله بس ودنا نتمشى شوي بالحديقه ونرجع
متعب: هااه حديقه .. وقام يفكر .. بس اخاف يصير لك شي
انا: لا تخاف حنا سبااع ناكل الضباع ومحنا مبعدين كاهي الحديقه مو بعيد وراجعين
ان صار لنا شي اتصلنا فيك معانا تلفون ومعانا فلوس ومعانا ديو
متعب: ديو شنو
انا. بيبسي اوي ألبك
متعب: هههههههههه اوكي لكم ساعه ساعه وحده وبس وان مارجعتوا بدوركم الحديقه وبس انزين
اانا: انزين

+++++++++++++++++++++++++++++++++


الجزء (3)


رحت عند خواتي وقلنا لهم فا رحنا انا وهيا ونوره والبندري وهند نايمه

وقفنا عند الأصنصير طول ما جاء لنا كنا في دور العشرين فالسالفه طويله

قضينا وقت فراغنا في التزحلق على الرخام <<< كان يزلق واخر وناسه ماكان في احد بس حنا واستهبال

نتزحلق ومع ضحك وخبال

لين فتح الاصنصير وكان شاب اجنبي واقف قدامنا يطالع مصخرتنا حنا استحينا على وجيهنا
وركبنا معاه بالاصنصير

طبعا هو اجنبي وحنا عربيات لهجات تختلف فاكنا مأمنات ونسولف في صوت عالي ..

نوره: الله يفضحك يا شوق هاللحين وش بيقول هالاشقر عنا همجيات متخلفات
انا: أي والله لو انه جيكر كان قلنا بلعنته لاكنه يشق الجيب يهول
البندري: شوقوه شوفي شعره يما عمرك شفتي شعر نفس نعومته وطوله
انا: بالله عليك شوفي جوتيه يفضخ القلب
نوره: الله لو انه كويتي
انا: والله تخسين مالك الا ولد عمك متعب وهند سلطان وانا هالاشقر المزيون
تهقون بنات لا تزوجته وشلون بتكون ذريتي
هيونه: وراعنك بيطلعون يتكلمون عنقريزي
انا: هالبنت فهيمه ماشالله عليهاا طالعه على منو
نوره : وتغمض عينها الله لو صج اتزوجه
انا: جربتي هالنعل على وجهك يختك تصدقين لولا الحيا كان قلت له بالعنقرزي تتزوجني والمهر علي
الكل.. ههههههههههههههههههههههههههههههههههه
نوره : اسكتي الله يفضحك
انا: وش قلت صج هو يجنن هيه يالمزيون يالحلو هيه يالاشقر
الكل: هههههههههههههههه اسكتي اسكتي

كان الاشقر يطالعنا ويبتسم وكان بالاخصر يطالعني انا مدري يمكن عجبته عويناتي
الحوله ..؟..

انا : نوره سمعتي شتقول الشاعره
نوره. اسلمي وش تقول

انا..مل قلبي على دراجي ومهايف .... الحر الاشقر تصيبني مخلايبه
والله لولا الحيا ومن العرب خايف .... لانهب عشيري على البنزات وسريبه

البندري: عاشت عاشت ناقصك طار وتقلبينها طقاقه ..
هيونه: هيه وصلنا

انفتح الاصنصير وطلعنا كلنا والاشقر قدامنا

رحنا للهايدبارك وقعدنا على الثيل معانا حب وبيبسي وقمنا نقرف حب وحش بالعالم

كانت جالسه جنبنا عجوز اجنبيه وكانت تطالعنا وتتراعد وخايفه حدهاا

انا: بنات بنات تشوفون اللي جنبي
نوره: منهي العجوز
انا: ايه
نوره: شفيها
انا: حدهاا خايفه مال اقول لها بخ وامرج قلبها
الكل: نتحدااك

كان الف اطلعها .. واقول. نيهااهااهااهااهااااااي
العجوز: أأأأأأأأأأ وانحاشت

حنا متنا ضحك عليها وعلى شلون انحاشت كان موقف لا ينساا

ضحكنا ولعبنا واستهبلنا وعقبها قلنا خلونا نمشي نروح للكفي اللي جنب الهايدبارك
وحنا نمشي ونضحك ولا نشوف الاشقر جالس على كرسي ويحتسي فنجان قهوه
تخصبقت وجهوهنا من جماله وشكله وجلسته وكل شي فيه

وجلسنا بالطاوله اللي ورااه ..؟..

وطلبنا المنيو وكنا بنطلب كفي لكن صعقنا من اسعار القهوه
انا: والله اطلب لكم عشى وعقب حلا وعقب قهوه ما جاء هالسعر ياربي وش ذا الطغى
نوره: اسكتي بس انتي بنت فقر الناس الشيك تطلب هنا ولا يهمها سعر
انا: أي والله كفار ما يخافون من الله وحتى هالاشقر مايستحي بقره
الكل: ليش
انا: يعنى من اليوم جالسين ولافكر يعزمناا
الكل: ههههههههههههههههههههههه
انا: انت هيه انت يالاشقر هيه انت اعزمني على قهوه ولا شاي حليب كرنيش

كان يلتفت علينا ويقول بالحرف الواحد من غير زيادات : نـــــــــعم << وباللغه العربيه

انا عيوني قلبت حول اكثر ..خواتي اللي غصت بالبيسبي ..واللي مبطله حلقها على الاخر
واللي من هول الموقف طاحت لكم ضحك

الاشقر: امري وش تبين تطلبين

طبعا عقب هالكلام حنا كل وحده فينا عضت على طرف ثوبه وانحاشت يم الفندق

دخلنا الفندق وحنا نركض وركبا الاصنصير وصلنا لغرفتنا وحنا نلهث
جلسنا نطالع بعض وعقبها بطيناها ضحك

انا:: بتذكر انا شقلت يافضحي فضحااه طلع خليجي يمااا
هند: قايمه من النوم متروعه ...شفيكم
الكل: ههههههههههههههههههههههههههههههههههههههه
هند: علامكم احد مات
البندري: يهب يا وجهك ما تبشر بخير هالبنت ابد
نوره: هند لو نقول لك شصار لنا
هند: شصار قولو

قلنا لها السالفه وماااتت ضحك..
هند: امبيه فشله.
انا: ياكثر طفاقتي يناس امبيه.
نوره: حلات وجيهينا مأمنات انه مايعرف لغتنا وطلع واحد مناا.
البندري: خلاص بنات انسوا السالفه وخليه يولي.
بنات ارجعوا للطبيعه
انا: الاخت مريم نور على غفله

رحنا كلنا تسدحنا نبي ننام وطبعا البنات راحوا بسابع نومه

إلا انا قعدت افكر ب اممممم مستحيه لا قول
خلاص بغمض عيني واقول قعدت افكر










بي الاشقر

اه يازينه <<<< اختشي يابت

المهم ما اخذ هالتفكير مني دققتين وعلى طول بسابع نومه

تخيلت نفسي عروس وهو بجنبي <<<< ماعندي لف ودوران

المهم

نمنا واصبحنا من الصبح على صوت ضرب الباب

طبعا منو غير متعب المزعج والكريه

رحنا لبسنا عبينا وملافعنا ونقاباتنا ....إلخ

وتوجهنا للمستشفى ...

دخلنا للجناح وللغرفه وكان ابوي قاعد على كرسي وحرمه جنبه توكله

عرفت من خلال تفكيراتي وتمحيصاتي وتقليباتي مع اللجوء الى ابن عمي
لمعرفة من هي هذه الحرمه

واكتشفت اكشاف انها زوجة ابي

الحقيقه كرهتهاااااا حيل لانها سبب طلاق امي وابوي

اول ماشافنا الوالد ابتسم ابتسامه كبيره وقام حبنا وحده وحده
واللي يشوفه تقول مو مصدق ان حنا بناته
ضم هيونه لصدره وقام يبكي
طبعا حنا قمنا نهديه وقمنا نسولف عليه من اهبالنا وضحكنا ورقالتنا

استانس الوالد واستانست زوجة ابي
وعقبها شفنا اخوانا الصغار نايف ونواف

كانوا يجنون سوالفهم تضحك وعفويتهم تجنن طبعا انا لازم اتحرش فيهم
لين كرهتهم فيني ولعنت خيرهم ..؟..

جلسنا عند الوالد مدة خمس ساعات وعقبها أستأذناه انتهى موعد الزياره

ورحنا مع متعب ولد عمنا
كان يبي يطلعناا ويتمشى فينا في انحاء لندن
لكن طلبوا منه المستشفى يجيب

تحليلات والدي من مدينه تبعد عن لندن مسافة 40 دقيقه

فا أجلت طلعتنا وقررنا نروح حنا نتمشى بالحديقه ونروح للسوق نتبضع

رحنا السوق دخلنا اول محل يبيع اكسسوارات مع شنط
طبعا حدث ولا حرج اشكال وانواع وبلاوي تشيب الراس
ولا الاسعار

تحطمت على جنطة قيمتها 400 دينار
ساحت كبدي ابي اشتريها لكن اختي هند رجعتني للواقع

هند: هيه انتي حسبالك الوالده جالسه على بنك الراجحي تشترين اللي تبينه
اصحي انتي من وين لنا 400 دينار
انا: تكفون ابيها ابيها
البندري: والله ان شريتها شوق اصير لك بودي قارد عشان مايصير فيها شي
نوره: هيه لحد يسمعكم يقلون بنات فقر
انا: صراحه والله انا بنت فقر والله ما اشتري كل شي ابيه
لازم فيه تضحيه لخواتك ولأمك متى خواتي يضحون من اجلي
هند: ايووه انت يالمضحيه والله اكثر وحده ماخذه حقها انتي وزود بعد
حنا المسكينات
هيونه : عندي فكره ليش ما نصرقها
انا: بعرف انتي امي يوم ولدتك متوحمه على حراميه شسالفتك انتي صج بواقه وصروق
هيونه: مالت عليج هذا وانا ابي اساعدك
انا: تشكرات فكينا منك . بنات طلعنا لاني تعبانه نفسيه وبسبت هالجنطه
الكل: ههههههههههههههههههههههههه

وحنا طالعين طبعا راعي المحل عيد لاننا جنناه مو عارفين نتكلم انقليش ولا هو فاهم عربي

المهم وقمنا نتمشى على اطراف المحلات وماندخل لاننا بننصدم بالاسعار

شفنا فرقه تعزف وعندها 3 اشخاص يستمعون وطبعا ناس تروح وتجي
ولاهمها هالناس

وقفنا قدام الفرقه واختنا الموقره هيونه قامت ترقص على ألحانهم وطبعا حنا متسدحات ضحك
على اختنا الرقله

وعقبها قمنا نتمشى مني مناك جلسنا بالحديقه شوي

وبعدها رحنا للفندق اللي حنا فيه نبي نتعشى رحنا للمطعم جلسنا على طاوله مجهزه لنا
من قبل مجهزها لنا ولد عمي قبل ما يروح يجيب تحاليل ابوي..؟؟..
قمنا نسولف ونضحك مادرينا ولا يمر من قدامنا الاشقراني وكان يطالعني
عيني طاحت في عينه
وابتسم ابتسامة خبث مدري ابتسامة ضحكه

كان انزل راسي وانغز اختي هند :

انا: هنوده هنوده ترى هذا الاشقر
هند: قامت تتلفت . وينه وينه
انا: اصقعها بالمنيو اللي معاي لا تتلفتين
هند: قامت تلف راسها شوي شوي <<< كأنه لقطة مطارده باللقطه البطيئه
البندري: وينه وراي هو
نوره: بنات خلونا نقوم فشله
انا: نعم نقوم لا والله سوف اتعشى واترس معدتي واغذي عضيماتي
البندري: والله لو تاكلين مني لي بكره ما تمتنين
انا: علامج تحبين تحبطيني
البندري: لا ليش احبطك بس ارجعك للواقع ارجعوا للطبيعه
نوره: يؤؤؤؤؤ بنت الحلال تتابع برنامج مريم نور وتطبق علينا اقول لا يكثر
هند : شوق وينه أي واحد فيهم ماشالله اشوف 3 شباب

انا والتفت بشوف أي واحد فيهم << كأنني فلم هندي البطل ضاربينه 70 رصاصه ويبي يموت باللقطه البطيئه

انا: اللي لابس جنز وبدي ابيض علاق
هند: أي ابو شعر طويل واشقر
انا: ايه
هند: يمااااااااااااااااااااااااااا يهبل شحلاته
الكل: انطمي لا يسمعناا

جانا اكلنا وقمنا نزرط لين قلنا بس وطلبنا عقبها عصير برتقال فرش
شربناه ودفعنا الحسااب

المطعم فضى مابقى الا حناا وعقبها طلعنا

وحنا بنركب الاصنصير ولا الاشقر واقف شافنا مقبلين عليه
انفتح باب الاصنصير
اشر بيده مثل ادخلوا ركبنا حنا وهو وقف سكر الباب
ومشى فينا الاصنصير

هند... واااو قمت الشياكه والذوق
نوره: الله يجنن يابخت مريته
انا: من ناداني
نوره: محد ناداك
انا: لا تقولون مريته
الكل : ههههههههههههههههههههههههههههههههههه هبله صج

+++++++++++++++++++++++++++++++++++++

الجزء الرابع (4)

الصبح

قمنا ولبسنا ورحنا عند ابوي وجلسنا مثل امس نسولف ..:

رن موبايل زوجة ابي : وقامت تضحك
مافهمنا من ماكلمتها شي بس تضحك

ايه ايه تعال متى تجي
يؤؤؤؤؤ
هههههههههههههههههههههههههه
انزين تعال اللحين اخذهم مزعجين حيل
اوكي
وليد وليد لاتنسى تجيب معاك خفايف كاكاوات ومثل جذي
باي اوكي هههههه باي

سكرت السماعه

وطبعا زوجة ابوي لازم تتكلم ووتفاخر بملابسها والماساتها وبيتها
وفلوس اهلها وانهم ناس اغنياء ... إلخ سوالف مليغه
طبعا حنا كنا نقهرها ونبتسم بوجهاا ونقول الله يهنيك
كثر الله خيركم ماشالله

وهي كانت تحتر بس كاتمتها بقلبها
وقامت تسولف عن اخوها وليد وبطولاته وشنو وظيفته وانه اخوها الوحيد
وعندها اختين وحده صغيره والثانيه متزوجه بس ربي مارزقها عيال
ويملكون شركتين وبيتهم قصر في منطقه راقيه
وكانت تقول انشالله لازم تجون بيتي عشان اوريكم اغراضي

ماقعدنا ساعه الا الباب يدق
تك تك تك تك

راحت نطت مرت ابوي نطو عليها عفاريت الدنيا
المهم
وفتحت الباب : وليـــــــــــــــــــــــــــــــــــــــــــد وقامت تحب اخوها بس
حنا ماكنا نشوفه
وعقبها قامت تمسك ايده

بعلة ابي: تعال لا تستحي مافي احد حياك حياك
اول ما ادخل
كلنا صعقنا وانصدمنا
طلع
طلع



7
7
7
7
7
7
7
7
7
7
7
77













الاشقر << كما نلقبه حنااا

اول ماشافنا الاشقر وقف وقام يطالعنا ويضحك

بعلة ابي قامت تطالع وتقول شسالفه مو فاهمه شي من نظراته لنا

بعلة ابي : شنو متقابل انت وياهم من قبل
وليد: هاااه هههههههه لا لا
بعلة ابي: هااه شحقه تضحك وتطالعهم كذاا
وليد: امممممممم شسالفه هي تحقيق وخري بقعد بريح تعبان

وجلس قدامي ..

انا طول الجلسه منطرمه اللهم بعض القفشات اعلق عليها واسكت
ليه هو شويه اللي سويته فيه ..؟..

ابوي: وليد اتصل على متعب ما تحس تأخر ..
وليد: خله يولي مرتاح انا عاد تكفا برتاح بعد يوم ..
ابوي: شوف لا يكون الولد صار له شي
وليد: شنو بيصير فيه يعني بسبع ارواح مايموت
الكل: ههههههههههههههههههههههههههههههههههه

ولا يرن تلفون وليد : طالع الرقم وابتسم <<< لما يبتسم تحسون انكم بعالم ثاني.
وليد: شوفوا لا طريتوا الكلب جهزوا العصا هذا هو داق

الو
هلا
ايه
وينك انت
وش عليك
هههههههههههههههههههه
يرحم امك انا معطيك اجازه بعد يومين تصدق من 6 شهور انام عدل امس
هههههههههههههههههههه
ايه
ايه
متى جاي
لالالالالالالا
اوكي باي

وليد: هذا هو بالطريق تطمنت
ابوي: ايه ارتحت ..
وليد: انا ترى بعد يومين مسافر
بعلة ابي: وييين
وليد: الكويت
ابوي: لا صج ومتى بترجع لنا
وليد: يمكن بعد شهر او اقل او اكثر او مدري
ابوي: خلاص ليش نعني سلطان يجي ياخذ البنات ليش مايرجعون مع وليد
وليد: افا تخلي سلطانوه يجي وانا هني هذولا نفس خواتي ولايهمك
ابوي: كفو والله كفو

انا الصراحه كنت مستانسه الله بنسافر مع وليد واااااو بنشوفه اكثر
بس عيبه شي واحد اخته بعلة ابي


المهم

مروا اليومين مثل البرق وتمشينا بأماكن واجد لندانيه وشفنا ساعه بين ورحنا للسوقه وللمتاحف ..إلخ

وجاء موعد الرحله والعوده الى الكويت

++++++++++++++++++++++++++++++++++++++++++
الجزء (5)

في المطار ..

وليد : نايف نواف هيا بسكم تعالو اقعدوا فضحتونا قدام العالم..
هيونه: فضحناك ليش قاعدين نلعب مو قاعدين نصرق.
وليد: يا عيوبك عوبااه .
هند: ياعيال تعالو عندي بلعبكم

راحوا الجهال يركضون مثل البرق عند هند

انا والبندري ونوره كنا جالسين بعيد عنهم وقاعدين نسولف وكنت انا والبنات
منبطه كبدنا حدها من هندوه اللي قاعده جنب وليد وتسولف معاه

انا: يما يما بقوم اذبحها هدوني عليها
نوره: الحمد لله والشكر صج هبله تغيرين من اختك
انا: شوفيها تحرني تحرني بعدين انا اللي شايفته قبلها وانا اللي احبه
البندري: مو توك تقولين كرهتيه بسبة اخته
انا: اللحين حبيته شسوي عاد
نوره: صج مراهقه ماعندك ماعند جدتي
انا: بعدين ما تستحي ليش قاعده جنب الرجال مو عيب والله لقول لامي
نوره: وانا اقول لمي شقلتي له
انا: يافضحي لا تذكريني احس ودي انتحر تهي تهي تهي
البندري: خلاص انسيه عشان انتي اللي قلتيه مو شويه
انا: خلاص الله يهنيهم
الكل: هههههههههههههههههههههههههههههههه
نوره: صج هبله وربي انك هبله
انا: خلاص انتهينا
البندري ونوره: هههههههههههههههههههههههههههههههه
نوره: عاد والله من صجك حبيتيه
انا: اه ايه حبيته القلب وما يحب بس عادي بكره انساااااااااه
قلبي على كيفي
البندري: والله تكسرين الخاطر دايمن حضك كذا متى يتعدل
انا: لا تعدلت اسنان وضحه بنت جيرانا
نوره: ههههههههههه شفيك على وضحه كل امثالك عليها
انا: خويت دربي وش اسوي يعني ياحليلها والله اني اشتقت لها


اعلنت الطائره موعد الاقلاع وكل الركاب توجهوا للبوابه
وركبوا الطياره ..

صارت لخبطه بالكراسي والاماكن والحجوزات اللغيت وربكه

فصار
وليد وهند ونواف ونايف وهيونه ونوره في الدرجه الاولى
واما
البندري وانا في الدرجه السياحيه

.................................................. ...........

انا واجلس على الكرسي و ضايق صدري : بعرف انا ليش كذا شمعنا انا اللي اللتغى حجزي
البندري: لعله خيره لنا
انا: صح يمكن تنفجر الطياره ويموتون هم قبلنا لانهم هم الاولين
البندري: يماا شوفوا شلون تفكر هيه هذولا اهلك
انا: ههههههههههه شفيك اضحك ولا ما يسوي يضحك
البندري: ادري عنك رقله المهم عطيني المجله اللي عندك ذي
انا: ليش
البندري: بشتري عطر لي
انا: اهااا والله صج يبعون عطور
البندري: ايه اكيد
انا: واعطيها المجله وقمت اقرى وياها ونختار عطر لها ولي

طبعا انا شريت عطرين واحد لي والاخر لوضحه .

لكن قبل ما نشتري العطر قمنا انا والبندري نضحك على المضيفات
وهن يأشروون ( تعليمات السلامه )

انا: ايوه 1 2 3 يمين يسار
البندري: عاشوا روح روح

اللي ورانا ماتوا من الضحك كانوا بنات ويعلقون معانا

بعدها شرينا العطر وقمنا نضحك ونسولف ونجنن المضيفات مع البنات اللي ورى
كانوا 3 بنات

عقب ما الطائره تعدلت في الجو جاء عندنا وليد يتطمن عليناا..؟..

وليد .. ويطالعنا ويبتسم : هااه عساكم بخير تبون شي
البندري: واحد فلافل و3 بيبسي
وليد: ههههههههه و3 بيبسي ليش
البندي: عطشانه
وليد: ههههههههه انزين من عيوني متضايقين تبون شي احد أزعجكم شي مني مناك
لايردكم الا لسانكم
انا: سلامتك مانبي شي<<< من غير نفس
وليد: وشفيك زعلانه
انا: ليش جايه اشكي لك الحال واغني لك

جيت اشتكي لك يابن باز .... محبوبي ويش اسوي بها
وليد: ههههههههههههههههههههه لا
انا: اجل خلاص
وليد: انزين انا بروح قدام واي شي تبونه تعالو قولو لي
انا: عندنا لسان ان بغينا شي بنقول للنضيفه
وليد: هههههههههههههههههههههههه نضيفه اوكي ماشي بس لا تاكليني
انتي هند صح
انا: أي هند
وليد: ولا تزعل هند مني خلاص باي

وراح عناا

اللي ورى قامت تطق الكرسي .. شوق شوق هذا اخوك
انا: المفروض
هي: ياحلاته امه لبنانيه
انا: لا صوماليه
هي: خلاص بقلب صوماليه
الكل: ههههههههههههههههههههههههههه يالصوماليه


قرب موعد هبوط الطياره والوصول الى الكويت وقلبناها حنا ورى
صفقه واغاني من شوقنا للكويت وقمنا نغني ..


............................
>>>>لا تلومني اذا ذبت بهواها او تمادينا محبتها وغلاها القمر وده يسمونه
الكويت
والنجوم اتغار والله من حلاها يابعد عمري وقلبي يالكويت<<<<<<<<
..............................

وصلنا المطار لقينا بستقبالنا امي وخالي وطبعا صار صيحه وضحك
وبكي وعناق يوم امي شافتنا ورحنا لبيتنا

اما وليد فراح لبيته هو وعيال اخته

....................................


انا اول ماجيت البيت على طول اتصلت بوضحه وقلتها تعالي سيري علي جايبتن لك هديه
وهي من سمعت طاري الهديه جت ركضه مو لسواد عيوني للهديه

اقل من خمس دقايق االا باب شقتنا يرقع

دتك تك تك بطلوا الباب

انا: من على الباب
وضحه : حرامي بخطفكم
انا.. فتحت الباب: يماا حرامي
وضحه: نيهااهااهاااي شلونج شخبارتج شعلومتج وين هديتي
انا: عقاب لك هديتك لمدة خمس ايام ما راح توصلك
وضحه: شدعوه راده عليك جيبو هديتي

البندري: وتطلع من الغرفه:: اوووه وضحوه هنيه لالحينك عايشه
وضحه: يهب يالعاليه تبا فرقاي بس ابشركن عقب شهرين بفارقكم
انا: افا عسى ماشر
وضحه: وتلعب بيدينها وتمد ايدها قدام عيني: لا ماشر بس اعرست
انا والبندري: ىلالالالالالالالالالالالالالالالالالالالا ههههههههه
مبرووووووووووووووك الف مبروووووووووووووك

وقمنا نرقص ونغني ..؟.؟.

<<<< لولوشو لولوشو يالحظراتي لولشو لولشو يالحاظراتي
مايزين الفرح لاصار سكاتي مايزين الفرح لا صار سكاتي>>>>

كلولووووووووووووووووووووووووووووش

ووضحه تسوي نفسها مستحيه ...

انا: منو تعيس الحظ اللي بياخذك.
وضحه: منو تتوقعين يابقره.
انا: امممممممم يمكن سايقكم راجو.
وضحه: لا حرام عليك راجو احبه وماحبيت اضلمه فصرفت النظر عنه.
البندري: ههههههه كفوك هندي
وضحه: بلا مصاله قولو منو
انا: ههههههههه صج خبله حنا نقول منو انتي اللي متزوجه ولا حنا.
وضحه: خلاص استسلمتو بقول .
هو هو ولد خالتي ابراهيم
انا: اهاااا ماشالله زين رضى فيك
وضحه: وتمسك المخده تغفص وجهي فيه.
انا: أأأأأأأأأأأأأأأأأأأأأأأأأأاي يا بنت خلاص زين رضيتي فيه بس فكيني
وضحه: اعلمك شلون تحترمين عمتك يالله قومي جيبي هديتي امي تقول لك اقل من ربع ساعه وتجين تعرفين اللحين صرت غاليه عشان ولد اختها
انا: هههههههههههههههه اوكي البندري روحي جيبي الصندوق الوردي اللي على سرير امي
البندري: وليش ماتروحين انتي
انا: @@ ابقق عيوني . روحي بسرعه بقول لها سالفه
البندري: انزين اووووووووووووف

انا: قمت اقول لها سوالف لندن وسالفتي مع الاشقروطبعا هي متسدحه ضحك علي وعلى خبالي..
وضحه: هههههههههههههههه الله يقطع سوالفك بس ماقدر اتأخر امي اللحين بتزفني
انا: انزين بس اجيب لك الكيس
ورحت اركض اجيب لها الكيس طبعا قامت تحبني وتشكرني اني ذكرتها وسلمنا على بعض وراحت...

رحت نزلت تحت عند خالتي وجدتي ومرت خالي وامي وجلست اسولف لهم
عن بعلة ابي طبعا امي شبت عندها الغيره وصل العداد عندها صفر وزعلت علي
مدري ليه
المهم ذاك اليوم امي ماقامت تكلمني وكل ماشافتني تكشر
مدري هي تتخيل وجهه مرت ابوي فيني مدري انا ملوعه كبدهااااا
ماعلينا
+++++++++++++++++++++++++++++++++++++++++++++

الجزء (6)


مرت الايام وكنت جالسه انا واختي هند نسولف ونهرج ونضحك ونشوف بلوتوثاتها
ونقرى النكت وكل شي
عاد مسكت التلفوون من ايدها وقمت اقرى وهي راحت عني راحت تتسبح

رحت عند الصندوق الوارد اقرى ريسايلهاا .. <<مع انها ماتحب احد يقرى رسايلها
بس الطفاقه وماتسوي


فتحت اول رساله وكان الرقم غريب مو مسجل بتلفونها طبعا هذي السالفه عقب سفرتنا بسبوعين

نص الرساله يقول

(( هند انا وليد وخذيت رقمك من اختي شيخه (زوجة ابي)
بس حبيت اسألك انتي ليش زعلانه مني صدر مني
شي ازعجك انتظر ردك على احر من الجمر ))


نص الرساله الثانيه

(( إلا لما جيت سألتك كنتي مطنقره وما تردين علي بس على العمرم
ريحتيني انك مو زعلانه علي تامريني شي يالغاليه ))

<<<<<<<<<<< داش جامد الاخ


نص الرساله الثالثه

(( ههههههههههههههههههه اوكي اوكي دريت بااي بتصل عليك شوي )))

.................................................. ........................

طبعا انا انصدمت حدي ما توقعت اختي هند الغاليه يصدر منها هالأمور
حتى ولو كان الاشقر المزيون

سكرت التلفون ورحت انسدحت بفراشي وانتظرت اختي نوره تصحى من النوم
بس لم استطيع صبرا فرحت وقومتها

نوره: هااه شتبين بنام اووف يالأزعاج ..؟
انا: بقول لك شي خطير وربي خطير
نوره: ماعندك ماعند جدتي
انا: قمت اسوي نفسي ابكي ابيها تقوم
نوره: قامت من النوم متخرعه شوق شفيك يما تعالي قولي شعندك
انا: اختك هند اللي ماتستحي تكلم رجال من ورانا
نوره: وتمسك فمها : هاه وش تقولين انتي
انا: اقري الرسايل اللي بتلفونهاا
نوره : مسكت التلفون وقامت تقرى الرسايل
لالالالا ماصدق ماصدق
انا: صدقي صدقي شوفي اختك الكلبه من ورانا ماتقول عندي اخت اسمها شوق تزوجني اخوه
نوره: وانتي هذا اللي هامك استحي على وجهك انا بصارحها اللحين من تدخل

بعد خمس دقايق دخلت هند ولافه راسها بفوطه
هند: عطيني تلفوني احد اتصل علي
نوره: ايه احد اتصل
هند: وبلهفه: منو
نوره: وبخبث : وليد
هند: وتنصدم .. هااااااااااااااااااه انتي شحقه تتعبثين بتلفوني
نوره: ليش اتعبث بتلفونك انتي اللي ماتستحين وهين راح اقول لأمي عن سوالف هذي
هند: لا تكفين لا تقولين بس هو كان يكلمني يقول لازم تحسنون علاقتكم مع ابوكم
انا: ليش مصلح اجتماعي ان اتصل مره ثانيه انا بتفاهم وياه واعلمه شلون يتصل فيك
هند: لا اصلن هو كان يكلمني على باله اني شوق مدري من قايل له اسمك هند
انا: ماعلينا منه انا اوريه الشغل ..
هند: بس ماتلعلمون امي
انا: لا بعلمها
هند: وقامت تبكي والله والله اللحين بدق وتفل بوجهه بس امي لا تعرف بالسالفه
انا ونوره: اوكي بس تتفلين بوجهه قدامنا
هند: لا استحي بس بقول لاعاد تتصل


اخذت التلفون وقامت تتصل بالاشقر اقصد وليد
وليد: هلا وغلا
هند: أهلين وليد بقول لك شي لا عاد تتصل بالتلفون ومع السلامه
وليد: هاااه
هند: لا عاد تتصل
وليد: انزين متى اتصلت انا عشان ما اتصل مره ثانيه
هند: دبر روحك مالي شغل فيك
وليد: هههههههه اوكي ولا يهمك باي سلميلي على شوق
هند: باي


انا: وش قال
هند: فشلتوني معاه بس يقول سلميلي على شوق
انا: والله صج كان عطيتنياه اسلم عليه
هند: يالله اقلبي وجهك
نوره: هههههههه بعلم امي هين ليش ما خليتي شوق تكلمه
انا: ايه ليه
\هند: تبون تعلمون امي علموهاا بقول اتصل يتطمن علينا والرسايل بمسحهاا لووووووول
انا: انزين شب بس واقلبي وجهك ولا عاد تعودينهاا


رحت انا جلست في الصاله اخطط شلون اقضي وقتي وانا جالسه أتأمل النمل والصراصير
ولا تدخل علي امي مستانسه :

انا: هاااه اشوفك مستانسه احد خطبك..
امي: لو احد خطبني كان قعدت عندك انقلعي بس
انا: لا صج ونسيني معاك
امي: ايه صح نسيت اقولك ابوك الخميس الجاي بيرجع الكويت والجمعه بيسون له حفله
بفندق رجنسي
انا: وهذا اللي مونسك
امي: لا شكو مستانسه لان اخوي الله يخليه لي بيشتري لي سياره
انا: اهاا وانشالله بتسوقين فيها
امي: لا بحنطها بره انا جايه اللبس وبروح اتعلم اسوق ... وتأشر بيدها سي يا
انا: اشلع والله الجازي بتسوق دنيا خوربت والله
امي: انطمي بس تروحين معانا تشوفين شلون اسوق
انا: يما ليش عايفه روحي لا انتي روحي وان رجعتي فالحمد لله على السلامه
امي: ههههههه ماراح اركبك معاي ان تعلمت موتي حره
وتروح امي عني

رحت للبنات اعلمهم الخبر ..

نوره: وااااااااااااااااااااااو امي بتسوق وناسه بطلع الليسن واخذها منها لا بغيت اروح المعهد
هند : والله ماعاد الا نوير تسوق اقول انطمي انا بسوق قبلك بقول لخالي يطلع لي ليسن واسوق واروح للجامعه
انا: والله صدقتم روحكم بس عاد محد يسوق الا لما انا اسوق

وطبعا انقلبت جلستنا الى ملاسن وصياح وتمشع بالشعور وقررنا ان محد يسوق فينا رأفه بالمجتمع العربي والعالم اجمعين

انا: يؤؤؤؤؤؤؤؤؤؤؤؤؤؤه ملل ملل
نوره: شتبين نسوي يعني
انا: يؤؤؤ ماقلت لكم حبايبي الاسبوع الجاي مسوين حفله لبوي على رجعته بالسلامه بفندق
الكل: لالالا ونااااااااااسه
هند: من تجي امي لازم تاخذنا نروح السوق مايصير كذا نروح بملابسنا القديمه
نوره: لا انا الحمد لله شريت بدله من لندن تجنن ومايحتاج اشتري بدله جديده
انا: انا ماعندي شي البسه لازم اروح اشتري اقدع بدله عشاان اكشخ وخلي الحريم يخطبوني
هند: مسكين ياحظي اللي بياخذك امه اكيد داعيه عليه
انا: والله امه داعيه له بليله القدر من رمضان وبيوم الجمعه الساعه 12 بليل وهي صايمه
البندري: بالله ذي وين اصرفها
انا: بنك ام هند خخخخخخخخخ
هند: لا تجبين اسمي على لسانك
انا: من زين اسمك هند لا احسن باكستان اكملت شرق اسيا في بيتنا
الكل: ههههههههههههههههههههههههههههههه
هند: ماتضحكين بس انقلعي عاد عطيتك وجهه انا بروح عند مرت خالي اخذ منها مكياج
انا: ايه لانك شحاذه
وتطلع هند وسفهتني ..

بعدها
رحنا السوق وشرينا بدال واكسسوارات حق الحفله وجاء موعد الحفله ..

طبعا انا لبست بدله لونها احمر كت وفيها فتحه طويله من عند الساق ومطرز على الصدر كرستال شوار فسكي ونازل لين جوانب الخصر <<< كانت حيل ناعمه وراقيه
وخليت شعري مفتوح وكان طويل ورفعته بي ماشه على شكل فراشه صغيره حمره
مع مكياج ناعم وخفيف

اما: هند فلبست تنوره قصيره لونها اوفوايت ومنثر عليها كرستال مع قميص علاق من نفس اللون عليه بعض الحركات ومفتوح من عند الظهر وكان شعرها قصيرقاصته قصت الاسد ولونه كستنائي ولابسه تاج صغير وحلو
ومكياجها كان ثقيل شدو اسود مع عدسات هيفاء وهبي شكلها تحفه

اما نوره: فلبست تنوره بنيه طبقات ساده مع بدي تايقر جلد شزلونق وفوقه قميص دانتيل ومشكوك بترتر ذهبي بنحاسي بفضي
وكانت رافعه شعرها مسويه تسريحه كريزي
ومكياجها جدا خفيف وناعم مكياج لبناني

والبندري : لبست بدله غجريه تنوره مقطعه مع خامات داخله في بعض وكانت الوان البدله اسود في بيج في وردي واحمر
وبديها اسود مقطع من عند الكموم ونازل منها شرايط وكانت مسويه شعرها كيرلي
ورابطته بسكارف وكان شكلها صج غجري بس يجنن مع مكياجها اللي زادها روعه كان اسود الشدو كامل عينها مع حمره حمره

اما هيونا فلبست فستان قصير لونه وردي وعليه لولو واكسسوار نازل من التنوره ولافينه على ايدها وبينه فصوص زرقه ومبطلين شعرها كان كاريه وملبسينها قبعه من نفس الثوب عليها تور ودانتيل ولولو وحاطين لها كلس كان بعد شكلها جناان

عقب ما لبسنا وخلصنا طبعا امي كانت لابسه دراعه بني بعنابي فلوه وحزام كرستال مع برقع عليه حركات حلوه وملفع زري رحنا للحفله مع سايق خوالي واول ما دخلنا للقاعه
كان بستقبالنا
حريم مانعرفم اللهم بعله ابوي اللي عرفناها دخلنا ورحنا جلسنا بطاوله قريبه من بست الرقص
قطينا عبينا وعدلنا شكلنا وجلسنا حنا يالبنات بطاوله لان كل طاوله فيها خمس كراسي
والطاوله اللي ورانا امي ومرت خالي واختها وخالتي مع هيونه
طبعا كنا نسولف ونضحك ونلف عليهم ونعلق قدموا القهوه والشاي والحلو الفطاير والعصاير بنواعها
وكان الدي جي شغال والبنات والناس يرقصون وهذي ترقص مع هذي وكذا مرت الحفله
لما جت اغنية هلي لا تحرموني منه

قمت انا وخواتي نرقص وكان رقصنا يجنن وطبعا فليناها وقمنا نرقص ونستهبل وتعرفنا على بنات عمنا وصرنا صحاب
واما بنات عماتنا فكانو جدا مغرورات كانوا بنات عمي وعمانا مايقارب عشرين بنت
بس اللي تعرفنا عليهم بنات عمي صالح وخالد
وكانو خمس بنات ..

بنات صالح : اسرار (17) و ابرار (15)
وخالد: عذبيه (19) و عذاري (16) و عفاف (14)
كانو حيل طيبات وعلى نياتهم عكس بنات عمنا الثانيات وبنات عمانا
خذينا ارقام بعض وقمنا نرقص ونستهبل ونعلق وبعدها قالوا بيدخل ابونا يسلم على الجماعه
ويتحمدون له بالسلامه ودخل معاه كل عماني وبعض عيالهم مايقارب 8 رياجيل

رحنا لبسنا عبينا وجلسنا بمكانا بس اللي استغربناه ان بنات عمنا عادي قعدوا من غير لايلبسون شي بس شال بحكم ان ملابسهم عاريه
وقامو يرقصون كل وحده مع اخوهاا وكان بينهم وليد وكان يتلفت بين الحضور يدور على احد

بحكم ان طاولتنا قريب من البست فكان يشوفنا بوضوح طالعنا وابتسم عرف ان حنا بنات ام هند من هيونه اختنا

نوره: تشوفون وليد يطالعنا شكله عرفنا
انا: اه شحلاته تجنن عليه الغتره والعقال شكله كنه امير
هند: هو امير يهبل يهبل يهبل
انا: وجع لا ينط لك عرق بس انطمي

كان تقرب منا زوجة ابوي : بنات ماتجون تسلمون على ابوكم لاتستحون ترى كلهم عمانكم وعيالهم

انا: انشالله بنجي

وقمنا انا والبنات نسلم على ابوي
ابوي: هلا وغلا بناتي ابو سلطان شوف بنات اخوك
ابو سلطان: ماشالله ماشالله كبروا وصاروا عرايس اجل لازم ازوجهم عيالي
ابوي: ههههههههههههههههههههههههه
والكل: ضحك معااه

الا حنا اللي خاس وجهناا وتفشلنا
انا قلت بقلبي كان بتزوجني وليد ماعندي مانع ..
وليد كان يطالعنا ويضحك : وكان وده يقول شي بس سكت

وبنات عمي وعماتي حدث ولا حرج كلهم ماتوا يوم دخل وليد حسيت كل وحده تقول للثانيه وليد لي يتنافسون عليه
انا طبعا طنقرت وغرت وقررت اني ارجع مكاني ...؟؟
ورجعنا انا وخواتي وجلسنا ننطر الرياجيل يروحون

سلطان : ويصيح هيا تعالي تعالي ويقول للي جنبه : هذي اللي غيرت وضيفتي من طيار الى سواق والشباب كانو ميتين ضحك

طبعا كانو يتحرشون بي هيونه ومسانسين على عوابتها
بالاخير كان يمسكها وليد ويشيلها ويساسرها بذنها وهي ترد عليه وبعدها قام يضحك ونزلها وقال لها شي وبعدها طلع وطلعوا وراه الرياجيل ..

ورحنا نزلنا عبينا وملافعنا والنقبات ورحنا نتعشي على البوفيه طبعا انا مارحت معاهم مالي نفس وجلست انا و البندري وهيونه والباقي راحو يجبون عشا ناكل مع بعض

انا : مسكت هيا : وليد شقال لج
هيا: بحقاره: مالك شغل
البندري: واخليك تلعبين بالبلاي ستيشن اليوم
هيا: والله
البندري: والله
هيا: قال كل خواتك جايين قلت له ايه كلهم بس انا اكشخهم صكيت عليهم وهو ضحك وبعده قال لي وين شوق
انا: وقف قلبي : صج قال كذا وش قلتي
هيا: ايه وقلت: اللي لابسه احمر قال يعني بشوف ثوبها انا وينها قلت اول وحده قاعده بالطاوله وبعده نزلني وقال سلميلي عليها وقولي لها يقول وليد اسف اذا زعلتك بشي وبس
انا: واحط راسي على الطاوله لا يابعيدي مازعلتني
البندري: وجع اركدي ..؟..
انا: هيونه لاتقولين لحد شقال لك خليه سر انزين
هيونه: بس اللعب باللبلاي ستيشن يومين ورى بعض
انا: اوكي
لبندري: لا والله ماكو
انا: شب انتي ولا كلمه ترى احرمك منها انتي بعد
البندري: يماا تسلط شنو هذا

وعقبها رحنا كلينا من البوفيه وصورنا مع مرت ابوي والبنات صوره جماعيه ورحنا البيت


طبعا انا مو مصدقه اللي صار من وليد همت بوديان وتخيلته راكب فارس جايني يركض فيه
ويقول حبيبتي شوق هلمي بنا نذهب الى مدينة الحب السرمديه<< اللعن ام الحلم

اه الله يقلعك وليد شسويت فيني ماعلينا نرجع لمشهدنااا ...

++++++++++++++++++++++++++++++++++++++++++++++++

الجزء (7)

جالسه بالصاله عقب الحفله بيومين واشرب فنجال قهوه وامخمخ واهرج مع روحي واضحك
لاني قلت سالفه اول مره اسمعها المهم

وانا اقول من هالقصيد ومن هالسوالف ومن هالهروج اللي تروح وتجي الا البندري
داخله علي

البندري: عندي لك خبر بمية دينار
انا: اخلصي
البيندري: في وحده بالبيت انخطبت تتوقعين منو
انا: لا يكون سواها وليدوه وخطبني وااااااو الله هيه موافقه
البندري: لا مب انتي هنوده
انا: لا يكون خطبها وليد<<< امسك قلبي الخاين
البندري: احد جاب سيره سي وليد لا سلطانوه
انا: ههههههههههههههههههههههههه يصلحون لبعض خخخخ تصدقين
البندري: اسمله على هنوده شناقصها ولا سلطان شلي عايبه
انا: بسم الله وش قلت انا الله يهنيهم
البندري: بس شكل اختك بترفض
انا:ليه من ناطره الاخت وليد بن طلال يجي يخطبها اقول خل توافق لا ابط عيونها
البندري: روحي كلميها
انا: يالله جايه


واقوم واروح لغرفتنا وارفس الباب برجلي وامسك النعل بيدي الاخرى

انا: وين هند فينا ورجيني وشك
هند: بسم الله المعلم ابو الزلم شعنده اليوم ..
انا: شو سمعت انك رافضه ابن عمك شو الحكي صحيح
هند: لا بس افكر
انا: كلامن يوصلك ويتعادك ويروح للخفجي ويجيني ترانزيت وثم يعدي ويمر على الربع بالدوانيه ويجيني مدخن باكيت احمر ان رفضتيه لا ادوس بخشمك
هند: بسم الله شقلت ما قلت شي بس بفكر شفيها
انا: المهم اخذي ولد عمك بيعزك ويكرمك ولا كلامن يرجع
هند: حاظر ماما
وعقبها جلسنا نفكر شنسوي بعرس هند <<< خليها تملك الاول بس حنا طبعنا حار بحار

المهم


في بيت اهل وليد ..؟..

وليد نازل من الدرج لابس بدله مغربيه لونها بيج وفارق شعره كان طويل وحاط عطر ويلعب بمفتاحه ويغني : عزااااااه ياقلبي من الهم عزاااه << كان صوته نشاز

وهو نازل ولا يسمع صوت اغاني ورقع غير مسار مشيه وراح للغرفه اللي فيها قاعدين خواته اللي هم شيخه .. بعلة ابي .. وسارا اختهم الصغيره عمرها 12 .. وهاجر اختهم اللي ماعندها عيال

ولا يشوفهم يطالعون شريط الحفله وقف ورى الباب عشان ما يشوفونه وقام يطالع بالشريط ..
ويشوف رقص البنات وخبالهم
قام يفكر يربي شلون بعرف شوق طرى على باله لما قالت هيونه شوق اللي لابسه احمر

وطالع ولا يشوف وحده لابسه احمر جميله بس مو الجمال الفتان شعرها طويل حيل وكثيف ورقصها كان حلو فيه عبط شوي قام ضحك على خبالها

كانت ترقص على اغنيه ياسلامي عليكم يالسعوديه وكانت تسوي حركه ياسر القحطاني القناص

عرف انها شوق ..

وعقبها قرر انه يدخل .. تنحنح احم احم

طفت الشريط اخته شيخه ..

شيخوه << حاقده عليها : هاه ولوده وين رايح
وليد: كنت طالع مع الربع .
سارا : مو تقول ربعك مسافرين
وليد: الحمد لله ربعي واجد علبالك حنا نفسكم يالحريم ماعندي غير رفيقه وحده لا حنا أي واحد اسلم عليه صار خويي
هاجر: خويي شنو خويي تعلم الذرابه
وليد: اجل لازم الوي حنكي عشان اصير ذرب اقول الخلا بس الخلا
شيخه: ههههههههههه
وليد: بستعباط : كنت اسمع صوت طقاقه شكنتم تشوفون
شيخه: كنا نشوف شريط الحفله
وليد: اهاا شغلوه خلونا نشوف
سارا: لا والله لا هذي امانه عيب تشوف بنات العالم
وليد: ببراءه .. لا غرضي شريف اللي تعجبني اتزوجهاا
شيخه: لا قلبي انا خاطبه لك وحده مافي مثلها مزيونه وجمال واخلاق ودين ودلال ونسب
وليد: منو هذي بعد اللي كل هذا فيها
سارا: في غيرها طابعا بنت عمك ريما
وليد: بضيق : اعوذ بالله قلو بنات الديره ماعاد الا ريما اخذها
هاجر: بسم الله شناقصها ريما
وليد: ناقصها اني ما اطيقها يكفي جرأتها فوق هذا محاميه لسانها طول اذانها
وانا ان بغيت اتزوج اول شي انا اختارها محد يختارها لي وثاني شي ابيها قاعده بالبيت ابيها لي انا بس
شيخه: منو اللحين من البنات جالسه في البيت
وليد: وهو قايم : انا اعرف وحده تسوي كل بنات العالم وفاشله دراسيا وانا ابيها
سارا: منو هذي
وليد: هذي حبيبة وليد اللي جميلات العالم ما فتنوه وهي على انها مو جميله حيل بس اشوفها تسواهم كلهم ياخي يكفي خفة نفسها وعبطها
شيخه: ايه انت مايصلح لك الا وحده مثل هيا شعيبي
وليد: عليك نور انا ابي وحده مثل هيا الشعيبي ابيها نكته عشان ان دخلت البيت اضحك
ومع السلامه

طلع من البيت وراح لربعه اللي قاعدين على البحر ..


في بيتنا :


انا اصيح وارقص واستهبل ولاعبه بوجهي بالمكياج واللحق خواتي ابي احببهم
وارقص رقص خبال
ومعاي اختي البندري وهيونه 

................................ تكملة الجزء الثاني .........................................

منشورة في: روايات