رواية اما غرام يشرح الصدر طاريه ولا صدود وعمرنا ماعشقنا الجزء الأول

أما غرام يشرح الصدر طاريه ولا صدووود وعمرنا ماعشقنا
الكاتبة صدووود

البارت الأول:

أغالب الليل الحزين الطويل
أغالب الداء المقيم الوبيل

أغالب الآلام مهما طغت
بحسبي الله ونعم الوكيل

فحسبي الله قبيل الشروق
وحسبي الله بُعيد الأصيل

وحسبي الله إذا رضنّي
بصدره المشؤوم همي الثقيل

وحسبي الله إذا أسبلت
دموعها عين الفقير العليل

يا رب أنت المرتجى سيدي
أنر لخطوتي سواء السبيل

قضيت عمري تائهاً ، ها أنا
أعود إذ لم يبق إلا القليل

الله يدري أنني مؤمن
في عمق قلبي رهبة للجليل

مهما طغى القبح يظل الهدى
كالطود يختال بوجه جميل

أنا الشريد اليوم يا سيدي
فاغفر أيا رب لعبد ذليل

ذرفت أمس دمعتي توبة
ولم تزل على خدودي تسيل

يا ليتني ما زلت طفلاً وفي
عيني ما زال جمال النخيل

أرتل القرآن يا ليتني
ما زلت طفلاً .. في الإهاب النحيل

على جبين الحب في مخدعي
يؤزني في الليل صوت الخليل

هديل بنتي مثل نور الضحى
أسمع فيها هدهدات العويل

تقول يا بابا تريث فلا
أقول إلا سامحيني .. هديل


للمرحوم باذن الله ,,غازي القصيبي ,,






جالس على مكتبه ,,بنظرات مصدوومة مرعبة كالسوط واشد حدة ينهال بها على ذاك الشخص المواجه له ,,
كيف يجرؤ على روية الأموااات ,, بل كيف يجرؤ على ذكرهم بهذا الشكل ,,
أيعوود الأموات من ذاااك المكااان ,,كيف لهم ان يعوودوا ؟؟!
أحقا الأموات يعودووون ,,

.......بصووت غااضب كااسح\وين شفتها ؟؟
سالم \ قبل يومين با السفارة ..سألت ايوب عنها وقالي عن مشكلتها شدني اسمها واسم الشخص اللي معها
انصدمت لما لقيتهم يحملون نفس اسمك ونفس اسم العائلة ..
.....\ سافرت؟؟
سالم\ والله ما ادري ياطويل العمر .. بس ما اعتقد لان ايووب قال مشكلتها يبيلها وقت لحتى يتم حلها وتكتمل
أوراقها وبعدين تقدر تسافر ..

وقف وخرج من المكتب مثل الاعصااار المدمر معمي عيونه عن كل شيء ..يبي يصدق ..وبنفس الوقت
مو مصدق لساتها حية معقوولة هي عاايشة .. ويلك من الله ياسالم لا تعلقني با الأطياااف ..

تكفيين كوني ميته ..كووني ميته ..
ياويلك مني ياوييييييييييييييلك ..بتتمني لو كنتي ميته وخااالصة ..
بتتمني لو كنتي طيييييييييييف مو نفس ..
كووني حقيقة علشاااني ,, وكوني طييف علشاان نفسك ,,
ارجعيلي بس اهربي لابعد حد تقدرييينه ,,
كووني عااايشة واحمي نفسك مني احمي نفسك ,,


ركب السياارة وبصرخة على الساائق \ السفااااااااااااااااااااارة ..




قبل خمس سنوات من الان ,,


واقفة على الباب وتسمع صوت مخنووق من البكاء ,, دموعها ماوقفت من سنة وهي على ها الحال ,,
ياربي الى متى بتتعذب ها العذاب ياربي ارحمها ارحمها وارحمنا يااااارب ..
فتحت الباب ودخلت ومثل كل مرة لقتها جالسة على سجادتها تبكي وتدعي ..
توجهت لها وجلست بجنبها .. حضنت كفوفها بين يديها وقبلتها بمحبة ..
هديل\ يومه استهدي با الله .. مايصير كل اللي تسوينه بنفسك .. الله مايرضى .. ابوي واحنا مانرضى
يومه خففي من حزنك وارجعيلنا ..مصيره يرجع يومه مصيره يرجع وتقر عينك بشوفته ..
أم علي\ متى ياهديل متىىىىى متى يرجعلي يااويل حالي عليه ضاااع وضيعنا معه <<وانخرطت في بكاااء يدمي الروووح متى يرجعلي والدم الى الحين مغرق ثيااابه .. كيف يرجع وهو مسفووك دمه يااقلبي عليك ياهادي ياااقلبي عليك يوووومه هديل شاركت امها النووح\يوومه تكفييين بس تكفييين ..ارجعيلنا يومه ارجعي والله محتااجينك أبووي واخواني وانا والله محتاجينك .. هادي الله بينجيه منهم وبيرجع بعوون الله بيرجع .. أم علي\ياليتني القى طريقة وارد الزمن ياهادي ياليتني افديييك بكل ما املك حتى عيوني ونظرها .. ياهديل ذبحني الشووق له ذبحنييييييييييي اقربي مني تعاالي بحضني ابي اشم ريحته ابي اشم ريحته << ضمت هديل بقوووووة وهي تشم ريحتها << اااه ياريحت الغالي ..اشتقتلك يا بعد عيني اشتقتلك كل يوم اضم هديل واتخيلك فيها كل يوم ..عذبتها من كثر ما ابكي وابكيها .. بعد ماسدحت امها طلعت من الغرفة وقابلت ابوها اللي حالته ماتسر ابد .. أسواء من حال زوجته بس متصبر .. أبوعلي\وين امك ؟؟ هديل تمسح باقي دموعها\نامت يوبه أبوعلي يقرب منها ويضمها\تصبحين على خير يا ابووي <<وشم ريحة شعرها ..بعدها عنه ودخل غرفته << ياويل قلبي عليكم ااااه منكم وعليكم .. تشموون ريحتي تبوون تلقوونه فيني ..وش اسوي انا اللي متعلقه برووحه من يوم ولدنا هذا رووحي وقطعة مني هذا غلاااي ودنيتي ..راافقني من يومني نطفة في بطن امي .. ويوم ولدت انولد واياي ..كبرت وكبر معاااي ..يااويل قلبي عليك ياهاادي يااارب يااارب رحمتك قبل عذاابك ..يارب اجمعنا بهادي اجمعنا فييه .. ريح قلب ها الشايب والعجوووز ..يااارب ارفق بحالنا .. اللهم افده برووحي ودمي اللهم ارجع ضي عيني الي .. ياربي ياحبيبي اجمعني بنوور دربي ..>>

غادة\هديل حبيبتي ارفقي بعمرك.. مايصير تواسي أمي وماتواسي نفسك
هديل انهارت\ياويل قلبي ياغاادة بأمووت مخنووقة أبي اشووفه ابي اكلمه محتاااجة اضمه ياغاادة والله
غادة\وانا مشتاقة له مووت الله يبشرنا برجوووعه ورجووع سلمان معه
هديل\انتوا مو فاهمين هادي توئمي رووحي ماعاد اقدر على فراقه ابي اشووفه ابي اسمع صوته..مدري هو مشتاقلي مثل ما انا مشتاقة له
مدري فاقدني ويضيق مثلي ..دبريني ياغاادة ريحي قلبي
غادة\ياروحي انتي أكيد فاقدك وفاقدنا كلنا .. احنا الحمدلله شوفينا مع بعض موجودين حواليك بس هو بعييد ومتغرب
ضيقته وحزنه اشد منا وخوفه علينا وعلى حالنا ..قومي ياروحي قومي نامي فديتك ..

وأول ماحطت راسها ع المخدة وتمر في بالها تفاصيل هذاك اليووم المشئوم يوم وصلهم الخبر ..وكانه صاار الامس ..
كيف دخل عمها عليهم وفجعهم با الخبر ..
أبوراكان\ياحسين الحق الحق ربي غضب علينا عيالنا رااحوا ياحسييين عيالنا رااحوا ..
خذاهم ابليس في ساعة غضب
أبوعلي\ انت وش تقوول وش العلم اللي وراااك انطق ذبحتني اننننطق
أبوراكان\هادي وسلماان قتلوا لهم رجااال من عرب ال جالي
ابوعلي بصدمة\والله ان تقوول غير ذا الكلام تكفى يا اخووك لا تكسر ظهري تكفى ياعلي لا تفجعني في ولدي
ام علي بصرااخ\يااااويل قلبي غلييك يووومه يااويل حااالي عليك ياهاااادي ..
رااح الولد يا حسيين بيذبحوون ولدي

<<من بعدها ماعاد نظروا هاادي ولا دروا وين اراضيه واهل القتيل ساافكين دم هادي وسلمان ولد عمه .. ومرت سنة وكأن الجريمة صارت امس .. والجالي لسات قلوبهم حااقدة وبااغضة لقبيلة ال جاسم عاامة وعائلة اليحيى با الخااصة وكم حااولت القبايل الثانية تدخل في الموضوع وتصلح بين القبيلتين ..بحيث يرضون ال جالي با الدية عن راس ولدهم اللي انقتل .. بس كان الراي الاول والأخير بيده هو لوحده .. شخص واااحد كانت الكلمة له ولا يثنيها .. ولارضى بكلام ولا وسااطة في رااس أخووه .. مايبي الا راس هادي لان هادي هو اللي قتل اخووه .. انسااان أول صفة تذكر عند وصفة هي القسوووة الغلضة ..لا كلام بعد كلامه ولا شور بعد شوره .. لايهتم با المشااعر الانسانية ولا يعترف بوجود الطيبة والسلاام .. مخلووق من طين ولكن مصقووول كا الجلموووود.. ومع انسان كهذا لاوجود لبصيص الامل بعودت هادي وسلمان .. << يشد على الجواال بقووة كااد ان يتحطم في قبضته ..وهو يستمع الى المتحدث من الطرف الاخر وهو تابع له.. .....\ يعني ماعندهم نية يرجعوون السعودية ؟؟ التاابع \ لا طال عمرك مارجعوا السعودية .. وأبوعلي وابوراكان وشيووخ من قبيلتهم كل يومين وهم جايين للقصر يبوونك ..ويبوون يجيبون معهم جاهة من باقي القبايل يبوون يصلحون بينكم .. ....باابتسامة سخرية\جهز اللي قلتلك انا نازل السعودية قفل الخط وهو يتوعد ..طيب ياهادي مصيرك ترجع اول ماتسمع الخبر .. أنا مااسويت شيء انت اللي بديت يا البزر وتطاولت على اسياادك .. ومثل مايقولون العين با العين والسن با السن .. وأنا اقووول الأخ با الأخت .. والله لأحرق قلبك وقلب هلك وقبيلتك عليها .. وأجعل هامتكم تحت مأطااااي.. دمك ماهو مرجعلي أخوي .. بس أختك توئمك بتحرق قلبك مثل ما احترق قلبي على اخوي.. &&&&&&&&&&&&&&&&&&&&&&&&&&&&&&&&&&&&&&& البارت الثــــــــــــــــــــــــاني : عندما ترحل عني.. لا! لا تطعني شموخ الوداع بتفاهة الإيضاح . لا تشرحي لماذا كان علينا أن نفترق. فأنا أدرك أنه ما كان ينبغي لنا أن نلتقي . إذن ، كانت نزهتنا القصيرة بين النجوم زمردة سرقناها من خزائن الزمن الحديدية بدون حق. وإذن ، كان جنوننا اللذيذ انفلاتا مؤقتا من سلاسل الحكمة والاتزان . وإذن ، كان الانفجار المتدفق شعرا وعطرا وكروما وشلالات حرير نزوة عابرة عاد بعدها البركان الصامت القديم إلى وقاره الصامت القديم . أريد أن أقول. إن ما كان ، على قصره ، يظل دائماً جزأ من خارطة الزمن ، زمني و زمنك وزمن الأشياء التي أحببناها وأحبتنا. الأشياء؟ صخور البحر ، القارب العتيق ، الغروب ، الشجيرات وشريط الموسيقى الذي يجهش "عندما ترحل عني". تذكرين؟! أما أنا فعندما أعود إلى الكثبان والوديان فسأحمل في صدري ربيعاً صغيراً متنقلاً تختزنه نظرة من نظراتك الكستنائية . أما العطر .. أما العطر فقد التحم بخلايا الذاكرة واختفى بين الكريات البيضاء والحمراء. لا تتكلمي! اذهبي إلى الشاطئ واجلسي على الصخور وتأملي الغروب يلف الشجيرات والقارب العتيق ودعي شريط الموسيقى يحقق كل تنبؤاته الدامعة! عندما ترحل عني.. المرحوم,,باذن الله غازي القصيبي ,, في الجامعة ,, في القاعة والانوار مطفئة والبرجكتر شغال ,, شهد حطت راسها على الطاولة \اذا نمت اماانة عليكم مااتصحوني الا لما يخلص ابو الشباب هذرة امنتكم با الله . غيداء\بسك عبط كل محااضرة لها الدكتور وانتي نااايمة اسحبي على الجاامعة ابرك شهد\عاد با الله ابي اسالكم وجاوبوني ,,أنا وش كنت افكر فيه لما دخلت ها التخصص ..يعني با الله من زوود الفلاحة ولا من التناااكة حسبي الله علي يومني ضيعت مستقبلي وانا اليووم ادرس رمووز وطلاسم ما انزل الله بها من سلاطاااان هديل تضحك عليها \ ههههههههههه البلا يومك ورانا ورانا انتي وشلك بها التخصص الله اعلم ..ليش تهورتي ما احد يدري شهد\وخزيااااااااااه انا ادرس ارضااائيااات وارقاام وص والسين ومدري وشهو ..لا والله ضاعت علووم العرب غيداء\وش ضيع علووم العرب الحين وشدخل العرب بتخصصك شهد\جب انتي مااتعرفين اني لو احااول او افكر اغير التخصص ان يصلبووني اهلي على بااب الجامعة هديل\جزاااك ماسمعتي نصيحتي لك أعرفك تنكة قووطي مالك وماال الارقاام بس انتي فازعة على غير سنع ,,دواااك غيداء\هديل وصلكم خبر عن هادي اخوك؟؟ هديل بصدمة من سؤال غيداء\لا والله ماوصلنا عنه اي خبر ماندري وينه او وش مسوية فيه الدنيا الله يرده لنا با السلامة شهد\لعلك الجرب يا غيداء وش طرالك على ها السؤال الحين؟؟ هدهد حبيبتي الله بيرجعه انشاء الله .وينك من رب العالمين قادر على كل شيء .. هديل وكانها تكلم نفسها\كتبه الى الحين على حالها ملابسه واغراضه وكانها واثقة برجعته ..كل يوم ادخل غرفته ابي ارتبها بس مايهون علي احرك شيء من مكانه ..حتى صوري انا واياه من يومنا صغار معلقها بغرفته شهد تقاطعها \خلاااص هدوولة مو كل شوي تعيشين با الذكرى الغايب بعوون الله بيرجع <<تخز غيداء بنظرة <<وانتي ان مالفيتي لساانك قطعته غيداء بدفاع عن نفسها\أنا ماالي دخل جومانة قالتلي اسالك واردلها خبر شهد\أي جومانة ؟؟! ما اعرفها..تعرفيها هديل هديل تهز راسها با النفي غيداء\حتى انا ما اعرفها الا با السم بس سالتني امس عن هديل واذا كان وصلهم خبر عن اخوها هادي ..قلتلها ما ادري ..اصرت الا تدري وهي تنتظر مني جواب هديل باستغراب\ومن تكون جومانة هذي .وليش تسال عن اخوي .ومصرة بعد وش سالفتها؟؟ شهد\مااعليك منها نلقاها ونشووف وش لها بعلووم الرجاال تتخبر عنه ..بس اثارت فضوولي هديل\ماهمني سؤالها انشااء الله يرجع هادي ويرتاح قلبي خلود اول مرة تشاركهم الكلام\عفوا منك ياهديل ..أنا اتمنى يرجع اخووك با السلامة .. بس متعاطفة انا مع اهل القتيل كل شوي وانتي تتمني رجووع اخوك طيب وهم مايتمنوا رجوع ولدهم انتي عندك امل برجووعه بس هم خلااص الموت خطفه منهم ما ابي اكون قاسية معك ..بس شوفي مصيبة غيرك. هم لهم حق ينتقموا لولدهم وياخذوا حقه من اللي قتلووه .لو كنتي انتي مكانهم ماراح تتركي قاتل اخوك في خير راح تعذبيه وتقتليه الف مرة قبل لا يتم الحد عليه .. عيشي الحالتين وخليك قوية. هديل مصدووومة من هجوم خلود عليها بها الشكل ,, شهد\انتي استخفيتي وش ها الكلام اللي تقولينه ياليتك سااكتة ابركلك من قلة الاحساس خلود\أنا ماقلت شيء يزعل اللي ابيه من هديل تحمدربها انه الى الحين اخوها حي مو ميت وتحاول تعيش مصيبت غيرها اللي فقدوا ولدهم بسبت اخوها هديل\أنا مو مجبورة أعيش هم غيري وحزن غيري ..الله قسملي من الحزن والهم اللي يكفيني فماراح اروح اشيل هم المقتوول واهله أنا حزني وهمي باخوي وامي وابوي وهلي وبس .. وكلن له نصيبه من الهم .فاهمة عليك ياخلود بس اعتقيني من قسوة لسانك خلود وقفت وبحسرة\مو من قلت غلاتك قلت اللي قلته .أنا ابوي مات مقتووول ولافكروا الناس الابا القااتل كيف يخلصونه با الدية وهذا القاتل اليوم قتل غير ابوي وبكره بيقتل غيره .ان لكم في القصاص حياة يا أولي الألباب . أبو علي\متى قالك بيقابلنا؟؟ أبوراكان\ماحدد لي موعد قال خلال ها اليومين أبوعلي مستبشر\اجل يا الله با الخير خلنا نكلم شيوخ القبايل يروحون معنا ..كود انه مابيردنا وانا اخوك ويقبل با الدية على راس اخوه . أبوراكان\لا وانا اخوك قال مايبي غيرنا انا واياك بس حتى عيالنا لا يجون معنا .. الله يستر منه ماني مرتاح ياحسين أبوعلي\ليش وش نيته تهقى يبي صلح ولاوش يبي ؟؟ أبوراكان\مدري با الضبط وش اللي وراه بس الوكاد انه مايفكر با الدية الله معطيه ومكثرله ماظنتي بيطمع في الفلووس ابوعلي\لا ياخوك لاتصكها بوجهي تفال خير اكيد انه يبي يصلح معنا واللي يبيه البيه له من عيوني بس يرجع لنا عيالنا ونرتاح أبوراكان\ليته يطلب مايبي ومايريد بس قلبي ماهوب مرتاح احسه بيعجزنا معه ..الله يستر بس الله يستر أبوعلي\انا متفال انشاء الله خير شل من بالك ها الاوهام له مايبي عهدن علي انفذله مايطلب .. في بيت حسين .با الصالة علي ماسك ولده ويدرسه وحنان زوجة علي قريب منهم تقهوي ام علي والجدة ام حسين غادة\علي خف عليه حرام عليك علي \غادووه مالك شغل خليه يدرس حنان\ماالك شغل غادة خلي ابووه يتوطى في بطنه ذبحني بتناكته أم علي\ياماال الصلااح خفوا على الولد بعده بزر علي\ياامااال العاافية يا اميمتي خليني ادرسه الولد مهمل عبدالله بضيق\لا يووبه ماني بمهمل بس ماني بشااطر حنان تضربه على ارجوله\مبسووط مع وجهك ما انت مهمل ولا شاطر علي\جب ولا كلمة ماقلتلك تكلم كمل المسالة لا تصير علووم الحين عبدالله\يوبه الله يصلحك تونا في الرياضيات وش جاب العلوم غادة\ههههههههههههههههههههههههههههه لبى قلبك عبودي علي مسكه مع اذونه\تنكت يافرخ تنكت كمل لا اتوطاك الحين دخلت هديل مع محمد اخوها توها واصلة من الجامعة هديل\السلام عليكم الكل ردوا السلام هديل جلست\كيفك يا عسل يا قشطة يا قمر انتي يا احلى جدة الجدة ماترد عليها\............... هديل\تيتة ياتيتة يا أم حسين وش دعووة ماتردين علينا لا نكوون يهوود لا سمح الله الجدة لافة وجها ولا ترد على هديل غادة\هديل , هديل\هاه الجدة ماصدقت\هاويتي في بير مالها قااع قولي امين هديل تبتسم بسخرية\ااااااااااااااااااااااامين ..مابغيتي تسمعيني صوتك يا عسوولة انتي الجدة عصبت\جب يا اللي ماتستحين وش جلسك معنا ماني قايلتلك ما ابي اشوف وجهك يانكد هديل تغطي وجها با الطرحة\هذا وجهي غطيته ماعاد لك عذر ياتيتة ها كيف حالك سولفي معي الجدة\علي ياولدي علي\لبيه يومه الجدة بقهر\شل هديييل من قدام وجهي لا اكفر فيها الحين هديل\لا والله مايشلني افا يا العلم تبينه يشلني وخزيااه وخزيااه ياتيته وين حنا فيه يشلني الجدة وصلت حدها\انقلعي يا البوومة يا المشئوومة يا النحس المنحووسة هديل\طيب طيب بانقلع هدي يا ام حسين هدددي وترى التشائم والتنحس ماهو با الدين والشرع ياعسوولة انتي غادة كاتمة ضحكتها\حسبي الله على ابليس خلااص طفشتيها طسي هديل\ادري انها تتمنى تضمني وتبووسني بس لو تخلي عنها التشاائم والنحس علي بحدة\هديل خلاص قومي فووق هديل تقرب من جدتها وتبوسها على راسها\مالنا غنى عنك ياعسوولتي انتي طلعت هديل وتركتهم ام علي\مالك حق ياعمة والله مالك حق من سنة وانتي مكرهتها في حالها قولت انها نحست هادي هذا هي واياه من يوم ولدتهم وهم في خير ..غير الله كتب لهادي اللي كتبه الجدة\مالي فيها ولا لها فيني ليين يوصلني هادي واضمه .. وهي ما ابي اشوفها ولا تحكي معي علمن يوصلكم ويتعداكم. بعد يومين في مجلسه ينتظر دخول ابوعلي وابو راكان ,,كل شيء حوله ينطق با الفخامة والجمال .. مجلس ملكي بألوانه الغامقة والرجولية ..جالس بكل اريحية منتظر دخولهم ومتوعد يهزهم با الصميم . والله لا اخلي القاصي والداني يجيب معدلكم وفضيحتكم على كل لسان .. اجل تبون الصلح في دم أخوي واللي قتله بزر ماخط الشنب وجهه لا والله الا تعقبوون وتهبون .. لا اخليكم تجيبون هادي بنفسكم وترمونه تحت مطاااي .. دخل ابوعلي وابوراكان المجلس وابوعلي يستبشر خير بها الجية ..بس اول ماطاحت عينه على الرجل المتراس المجلس حس الدنيا قفلت بوجهه ..وين نلقى الصلح مع ها الجلمووود شكله يوحي با القسوة ماظنتي انك راجع ياهادي لا والله ماظنتي. أبوراكان يطالع باخوه وكانه يقول صدق احساسي .. أبوعلي بصوت جهوري\السلام عليكم ورحمة الله وقف واستقبلهم بكل جموود\ تفضلوا والفضل لله استريحوا أبوعلي وأبوراكان\زاد فضلك سؤال عن الحال بشكل بارد ومقتضب ... بعد صمت زاد عن الحد تنحنح ابو علي وبداء با الكلام .. أبوعلي\يا أبوذياب جيناك طالبينك الصلح وحفظ الدم ..وش ما تامر عليه حن جاهزين .. أبوراكان\ماطلبناك الا لثقتنا بكبر عقلك وسماحة قلبك ..مانطلبك تنسى اخوك وتنسى دمه ..مير الله كتب موته على يد عيالنا ولا لنا على المكتوب اي حيلة ..يا ابو ذياب الحي ابقى من الميت وموت اخوك كانت لحظة ابليس وابليس ملعووون خرج ابونا من الجنة ..نطلبك الصلح ولك ماتامر عليه ..وابشر بشيووخ كل القبايل يجونك لطلب الصلح بعد فترة صمت كان المفروض يرد عليهم .. أبوعلي\ماسمعنا ردك يا أبو ذياب انك تبي الصلح فعز الله اصلحنا وانك تبي الثار فماعادلنا حيلة فيك.. ....\الصلح ابوراكان وابوعلي استبشروا\ الله يبشرك با الخير الله يبشرك با الخير ....\على هونك يا ابوعلي على هونك ..الصلح عندي له شروووط.. ابوراكان\لك اللي تبي وش ماطلبت من الحلال والمااال فهو ينساقلك بغمضة عين بعوون الله ابوعلي\صدق علي لك ماتطلب ولا احدن يراددك بمطلبك ...بخبث\متأكد يا ابوعلي محدن بمراددني ابوعلي بفزعة\لك وجهي محدن برادك بشيء ....\مالي الا طلب واحد وبس ما ابي غيره وبعدها يرجعوالكم عيالكم ..سالمين غانمين ماعليهم قصوور تنفذون لي ها الطلب خلال يومين بس وان زادت فوالله والله في سماه ما اتنازل عن دمهم لو السيف على رقبتي .. أبوعلي بحذر\اشغلتني وش الطلب اللي تبيه ؟؟! ابوراكان\نسمعك اطلب وانشاء الله يومين وهو عندك ,, ابوعلي بخوف وحدة\وش تبي انطق.. غازي\ هديل سكوووون من بعد ها الكلمة صدمة شلت التفكير والادراك .. أبو علي :يبي بنتي يبي يتزوج بنتي ..ليه وش الحكمة وش يبي في توئم قاتل اخوه مير انه يعذبها ويحرق قلبها وقلب اخوها ..ماهو بصاحي يومه يظن اني باعطيها اياها حسبي الله ونعم الوكيل مافتحتها بوجيهنا ياغازي الا عشان تقفلها با الاستحالة وتختم عليها بالموووت أبوراكان\تبي هديل ؟!تبي تتزوج اخت قاتل اخووك ؟؟ وشلك من ذا الطلب ياغازي؟؟ ابوعلي\الوكاد انك ماتبي القرب منا ولاتبي نسبنا ,, ولا تبي يكون خوال عيالك هم قااتلين اخوك؟؟ ليش تبي تتزوج بنتي ياغازي؟؟ غازي بحدة\ومن قال اني ابي اتزوجها ؟؟! حيييييييييييييرة صدمممممممممممممة .. دوااااااااامة عيشهم فيها ..يطلب هديل ثم ينكر انه طلبها .. وش يبي هذا وش اللي يفكر فيه ..لوين بيوصلنا واياه ,, ابوعلي بقلة صبر\وضح طلبك وش قصدك لما قلت ان طلبك هديل ؟؟!مالطلبك تفسير غير اللي فهمناه غازي بجموود\ايه ابي هديل بس ما ابي اتزوجها ..ابيها تصير ملك يميني أمة جارية عندي .. &&&&&&&&&&&&&& كونوا بخيــــــــــــــــــــــــــــــــر ,,, صدووود’’’ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ البارت الثالث: و ترحل عني يوما واشعر بأنك سافرت من ألف عام اعيش وحيدا في غربتي فحين تغيب ينوح الغدير و حين تعود يعود شعاع القمر إلى غرفتي ليتني ما انتظرته ما تجلدت للسهر ليتني ضعت في السبات و أبحرت في الخدر ليتني ما انتظرته هاهنا أرقب السحر و أرى الليل كالخضم هوى نحوه القمر المرحوم,,باذن الله غازي القصيبي,, غازي\ هديل سكوووون من بعد ها الكلمة صدمة شلت التفكير والادراك .. أبو علي :يبي بنتي يبي يتزوج بنتي ..ليه وش الحكمة وش يبي في توئم قاتل اخوه مير انه يعذبها ويحرق قلبها وقلب اخوها ..ماهو بصاحي يومه يظن اني باعطيها اياها حسبي الله ونعم الوكيل مافتحتها بوجيهنا ياغازي الا عشان تقفلها با الاستحالة وتختم عليها بالموووت أبوراكان\تبي هديل ؟!تبي تتزوج اخت قاتل اخووك ؟؟ وشلك من ذا الطلب ياغازي؟؟ ابوعلي\الوكاد انك ماتبي القرب منا ولاتبي نسبنا ,, ولا تبي يكون خوال عيالك هم قااتلين اخوك؟؟ ليش تبي تتزوج بنتي ياغازي؟؟ غازي بحدة\ومن قال اني ابي اتزوجها ؟؟! حيييييييييييييرة صدمممممممممممممة .. دوااااااااامة عيشهم فيها ..يطلب هديل ثم ينكر انه طلبها .. وش يبي هذا وش اللي يفكر فيه ..لوين بيوصلنا واياه ,, ابوعلي بقلة صبر\وضح طلبك وش قصدك لما قلت ان طلبك هديل ؟؟!مالطلبك تفسير غير اللي فهمناه غازي بجموود\ايه ابي هديل بس ما ابي اتزوجها ..ابيها تصير ملك يميني أمة جارية عندي .. أبوعلي وقف وبحمية وقهر\الا تخسي وتهبي يامضيع سلوم العرب والرجاجيل .. مانرضى نعطيك ايها زوجةعاد اعطيك اياها جارية.. مالك عندنا الا الدم وكنك تبي دم عيالنا فحلال عليك يا الرخمة ولا تنكس رووسنا بين العرب وتاخذ عرضنا ابوراكان يمسك اخوه\لو قلنا كلامك من حرقت قلبك على اخوووك مااعذرناك ..اجل تبي تهينا وتاخذ شوفتنا لو طلبتها زوجة تفاهمنا معك وقلنا مالك عندنا مرة..بس ثقتك بنفسك وتطلب ها الطلب من قلة الشيمة والدين غازي بهدوء ظاهري\انا ماخالفت الدين والشرع ..تكون جارية خادمة عندي اي بمعنى عبدة من زمان الجاهلية انا والي امرها وماتصير حرة الا بعد موتي .. ابوعلي\بنتي المسلمة الحرة بنت الاحرار ..ماهي سبية حرب يومك تبي تستعبدها عندك .. غازي وقف وبصووت جهنمي\الاسبية حرب ..اللي بيني وبينكم حرب ودم وقتل..انارضيت احفظ الدم واصون الارواح ..يرجعون عيالكم وانا اخذ نصيبي من الحرب اللي انتوا بديتوها.. ابوراكان\ما نساوم على عرضنا وشرفنا .. وبنتنا مالك عليها من مجااال .. كنك تبي الصلح مثل باقي القبايل وترضى بما انزله رب العالمين فلك اللي تبي ..وكنك تبي قصاص الرقاب فهذا حقك وحق الدولة .. أبوعلي\ماعاد عندنا غير اللي قلناه خذ بثارك من الرجاجيل واترك الحريم منك.. قص رقابهم ولا خسارة لشرفنا وبنتنا..والوجه من الوجه ابيض.. غازي بوعييد\مايكفيني دمهم ولايشفي غليلي ..مايرضيني الاحرقت قلوبهم وخسارتهم لأخت مثل ما خسرت اخوي الوحيد وعضيدي با الدنيا .. <<مد عليهم بظرف اسود غازي\اسلم يا ابوعلي شوفوا وش جايب لكم وتقر عيونكم بهم ابوراكان مد يده واخذ الظرف يوم شاف اخوه معرض وخرج من مجلس غازي... غازي لابوراكان\ياابوراكان ولدك بيرجعلك وهادي بيرجع معه .. حتى الحق العام ل الدولة ماراح اخليهم يطالبون فيه ..تقر عينكم بشوفتهم وسلامتهم أبوراكان كان قلبه يتقطع وهو يشوف صور سلمان وهادي ويسمع كلام غازي غازي بخبث\ترى كنت اعرف مكانهم طووول الوقت وكان بامكاني اخلص عليهم .. يظنون انهم اذا ظلوا بقطر ومارجعوا السعودية فماعليهم شر .هذاني دحرت ابليس وطلبت الصلح وان مارضيتوا بشرطي وطلبي فوالله ان توصلك جثثهم مقطعين مشوهين. ابوراكان جلس بكدر\لوطلبتنا المال والخير سقنالك ماتطلب وتامر ميرانك طلبت المستحيل خيرتنا بين لمس السماء وورجوع الازمان ولالنا حيلة في واحد منها .. غازي بتصميم\ما ابي المال ابي البنون ومن البنون ما ابي الا هديل وهديل با الذات.. وانا ماني بمئذيها ولاني بموجعها ابي افرقها عن اخوها ابيه يعيش بحسرة الفراق مثل ماعيشني اياها بتكون معززة ومكرمة عندي..وماينمس شرفها خلك عاقل يا ابو راكان اشتروا رقاب عيالكم وعطوني ماطلبته قام ابوراكان فاقد الامل مكسووور الظهر\فمان الله قبل لا يطلع من المجلس وصله صوت غازي\يا ابوراكان يومين مالكم غيرها تجيبون هديل ولكم سلامة عيالكم يومين ولا عليهم زيادة .. غادة بهمس\هدول هديل\همممم غادة\الحين ابوي وش فيه من اول ماجلس وعيونه عليك؟؟ هديل\والله مدري بس يمكن مشتاق لهادي وجالس يناظرني غادة\دائما يناظرك بس اليوم غير غريبة محمد\والله صادقة غادة ابوي اليوم غريب ماهو بطبيعي من بعد صلاة العصر الى الحين وهو سرحان ويفكر غادة\ليش وش صار العصر محمد\والله ماعندي علم طلع مع عمي علي ورجعوا جلسوا با المجلس ولا نطقوا بحرف مبهتييين هديل<< وش فيك يانظر عيني ..وش اللي مكدر خاطرك..مشتاق لهادي مشتااق لعديل الروح وتشوفه فيني عساني ما اذوق حزنك يا ابوي عساني ما ابكيك..<<ابتسمت لابوها وقامت وجلست عنده هديل بدلع\ياحبني لنفسي الشيخ حسين يتأملني لبى قلبي انا <<باسته على كتفه ابوعلي يناظرها بتعب ولا يرد هديل بحنية\يوبه فديت روحك خفف من حمولك..هونها يا ابوعلي وتهون .. وش اللي مكدر خاطرك يانظر عيني علمني فاقد هادي مشتاق له؟؟ يا ابوي الدنيا فانية ومابيبقى غير وجهه سبحانه.. وهادي بعون الله راجع لك عسااني فدوة له .. ابوعلي عند اخر كلمه قالتها هديل ضاااقت روحه ..تبين تصيرين فدوة له فدووووة لهادي يارووح هادي صار يتنفس بقووة والدم يتجمع بوجهه وتبين الدمع بعيونه ..هديل من منظر ابوها صارت تصارخ هديل تبكي\يووبه يوبه وش فيك ..علييييييييييييييييي محمممد ابووي تعالوا لابوووي العيال قاموا ركض على صوت هديل وانصدموا من ابوهم لما قطع جيب ثوبه ويصرخ بقهر علي يحضن ابوه\بسم الله عليك بسم الله عليك صل على النبي يا ابوي صل على النبي اذكر الله محمد يثبت ابوه مع علي \لا اله الا الله محمد رسول الله ..وصار يقراء المعوذات على ابوه ابوعلي خلص نفسه منهم بقوة وقف وسحب هديل وخرج بها برا البيت في الحوش هديل تبكي بحسرة\يا ابوي تكفى خل الحزن منك يا ابووووي احبك جعلني فدوة لك ريح قلبك يوووبه أبوعلي يضمها بقووووووة حتى كتم انفاسها\ماني براخصك والله ما ارخصك لو يذبحوون عيالي كلهم قدام عيني..كلهم فدوة لك كللللهم .. هديل تضم ابوها\بعزة الله ووجه الله عليك ان تريح قلبك وتهدي روووحك يا ابوي حلفتك با الله مالي في الدنيا نور الا نورك لاتحرمني من نورك يوبه ..الحزن يذبح يابعد قلبي الهم يقتل المسلم يوووبه خل الزعل منك.. علي يحاول يهدي ابوه\يوبه صل على النبي اذكر ربك مايصير اللي انت تسويه ..انت الكبير المؤمن مصلي وراضي با المكتووب..ان رجع هادي فخيرة من الله ..وان مارجع فلله حكمة محمد يبعد هديل عن ابوه ويدخلها البيت..لانها موقادرة تتحرك من رجفتها .. أبوعلي بحزن\لا اله الا الله حسبي الله ونعم الوكيل حسبي الله ونعم الوكيل.. علي\ايه كذا الله يسلمك اذكر ربك يخف همك أبوعلي\خوفتها با اللي سويته فيها عساني ما افقدها..علي يا ابوك علي\لبيه اامرني فديتك ابوعلي\ابي عمك علي خله يجيني ابيييه خله يجي علي\ابشر يا ابوي باروح اجيبه بس تعال خلنا نصلي ركعتين لله تهداء نفسك شوي.. هديل بحضن امها وتبكي بصوت عالي وغادة وامها على نفس الحال .. الجدة\هو وش اللي صارله وش فيه وش انتي قايلة له يا هدييل؟؟ هديل تضم امها\والله والله مدري..خاايفة عليه يومه خايفة عليه اول مرة اشووف ابوي كذا غادة\حتى محمد يقوله قال من العصر وحالته غريبة هو وعمي علي مدري وش صاير معهم هديل تناظر غادة\يعني محمد يدري وش في ابوي؟! غادة\لا مايدري قال ماحكى معهم لا ابوي ولا عمي راحوا العصر مشوار با الحالهم وماخذوا احد من العيال معهم ويوم رجعوا تقولين هم الدنيا فيهم .. هديل<<والله الموضوع يخص هادي ولا ليش انهيار ابوي دموعه وقهره وصراخه حتى ضمه لي بها الشكل .. وليش حزنه وكانه فقد الامل برجوع هادي..معقوولة وصلهم خبر مووت اخوي ..اخووي مات خرجت تركض من البيت رايحة للمجلس الخارجي كان علي وراكان جالسين با الحوش لان الشيبان يبون يظلون با الحالهم علي لماشاف هديل راح لها يبي يرجعها البيت لان راكان موجود..وراكان عطاهم ظهره علي بعصبية\وين رايحة انتي ؟؟ماتشوفين الرجال واقف قدام ارجعي البيت هديل وهي تبكي\بعد عن طريقي ياعلي بعععععععد ابي ابوووي ابعد عن طريقي علي يمسكها يبي يرجعها البيت\ابووي ماصدقت انه يهداء لا تزيدين عليه خليه يرتاح هديل تسحب نفسها منه وتصرخ\يووووووبه يوووووبه عميييييييييييييييييييييييييييييييييي خرج ابوراكان وراح لهديل اللي ضمته وهي تبكي\امنتك با الله العلي العظيم تقولي وش صار؟؟ ابوراكان حط يده على فمها ودخلها معه المجلس..تحت انظار علي وراكان المصدومين من الوضع.. راكان\الحين ماخلونا ندخل ولا حكوا معنا من عصر..وحالتهم وتصرفاتهم غريبةمع هديل ..وش السالفة؟؟ علي بحيرة\والله علمي علمك مير الله يستر هديل جلست بين ابوها وعمها <<حالتكم ماهي بطبيعية وش فيكم ..عمركم ما اهتزيتوا من شيء حتى يوم وصلكم خبر الجريمة اللي سووها عيالكم ماانهرتوا بها الشكل .. هديل بدموع \يووبه عمي حلفتكم با الله قولوا لي هادي مات هادي صارله شيء .. حلفتكم با الله العظيم لاتخبون علي,, ابوراكان\صلي على النبي يا ابوك وش ذا الكلام اللي تقولينه لا بسلامته لامات ولافيه الا العافية وابشرك انه بخير وسلاامة .. هديل بفرحة\صدق ياعمي وصلكم عنه خبر وينه وش علووومه ؟؟تكفى ياعمي طمني ابوراكان\ايه هو بخير ولاعليه خلاف وعلومه تسرك وتسر خاطرك.. هديل\ويييينه؟؟ ابوراكان\في قطر هديل\قطر ..من اللي علمكم عنه من وصل لكم الخبر ؟؟ أبوعلي يوقف يبي يطلع تمسكه هديل\ليش زعلان يا ابوعلي وصلك خبر سلامته وانه بخير وش اللي مزعلك ومكدر خاطرك دامه طيب وانشاء الله راجع.. ابوعلي يبوس راسها\وش الله مكلفني افرح بواحد وافقد اللي اغلى منه..لا يا ابوووك لاتعلقين امال برجوعه اخووك قتل ويتحمل فعل يدينه.. تركها بعد قسوة كلامه وخرج من المجلس ..ظلت هي وعمها هديل\عمي ليش ابوي متشااائم ؟؟ وش قصده من كلامه ال جالي مايبون الصلح ؟؟! ابوراكان<<اعلمها ولا اسكت واخلي عيالنا يموتون ..حسبي الله ونعم الوكيل حسبي الله ونعم الوكيل << هديل تمسك يده\عمي حلفتك با الله العلي العظيم وجهتك با الله واسالك بعزة جلاله الا مجاوبني با الصدق وش صاير معكم على موضوع هادي وسلمان حلفتك با الله يا عمي .. ابوراكان يطلع الصور ويعطيها هديل..فتحت الظرف بسرعة وصارت تتامل الصور ..ياعديل الروح يادنيتي وقلبي وحشتني يا نظر عيني ..كانت تلمس الصورة وكانها تلمسه فديتك يا هادي شكلك كبرت طالعلك لحية معذوور ياقلبي من الهم ..لعلني فدوة لك ياخوي دربي .. أبوراكان\تغير كثيير ؟؟ هديل تمسح دموعها\تغير با الحيل يا عمي متى يرجع وترجع روحنا معه..ياليت اللي صار ماكان .. لو بيدي امحي كل شيء والله ما اقصر واياه.. ابوراكان بتهور\تقدرين يا ابووك تقدرين هديل ناظرته باستفهام\كيف ياعمي ..وش اقدر اسوي وش يطلع بيدي ..أسالك با الله علمني ابوراكان\باقولك كل شيء وانتي احكمي ,, حكى ابوراكان كل اللي صار لهديل .. هديل\الحمدلله رب العالمين يعني يبي الصلح .. ابوراكان بحسرة\يبي الصلح بس بشروطه.. هديل\وش شروطه..دامه مايبي الدم فاكيد شرطه مقدوور عليه ياعمي .. ابوراكان\الا هذا الشرط يا ابوك ماينقدر عليه والله ماينقدر عليه هديل بوجع\وشهو شرطه ياعمي ؟؟ وش اللي شرطه عليكم واوجعكم بها الشكل؟؟ ابوراكان\أنتي هديل باستغراب\أنا !! ابوراكان بتاكيد\ايه ياهديل يبيك انتي .. هديل>>وش يبي فيني ..موفاهمة يبي يتزوجني ولاوش سالفته ..وش بيستفيد من زواجه مني .
طيب واذا يبي يتزوجك يا الهبلاء لايكوون تبين ترفضين وتخلينه يقتل اخووك وولد عمك ..
لا والله الا اتزوجه من غير كلام..
هديل\واذا كان يبيني ياعمي ..ليش ماتزوجوني اياه وتنهون المشكلة.مدام هذا شرطه فمقدوور عليه ..
ابوراكان بحنية\لا ياابوك مايبي يتزوجك انتي فكرتي بنفس تفكيرنا ..
هديل بحيرة\حيرتني ياعمي قلي وش يبي ..
ابوراكان\يبيك تصيرين خادمة عنده او مثل ماقال يبيك جارية وعبدة عنده,,
هديل شعوور لا يووصف وكانها ارتفعت لاعااااالي السماء وفجاءة انضربت با الارض ..
كيف اصير عبدة عنده ..ليش هذا يجوزز اصلا ولا حرام ..وش معنى جارية ..
ماني فاهمة ..يبي يتخذني خادمة له ويتنازل عن رقبة اخوي..
وش بيستفيد من ها الشيء.. وليش يبيني انا اكوون جارية عنده
هذا وش جنسه من البشر ؟؟!
<<كانت تفكر بعمممممق وعمها يتكلم ويكمل لها كلام غازي.. ابوراكان\هديل يابنتي ماردت عليه لانها كانت بدوااامة التفكير ..مسك يدها وهزها بخفيف.. هديل بفزع\وشهو ابوراكان\ريحي بالك يا ابووك مابيصيرلك شيء حنا رفضنا شرطه وهاوشناه .. هديل وقفت بقووة\كييييييييييف وليش ترفضوون ليييش؟؟ تدري انتوا وش سويتوا انتوا قتلتوا اخوووي قصيتوا رقبته برفضكم ..ماالكم حق لا مالكم حق ابوراكان\انتي جنيتي تبينا نساوم عليك يا الخبلاء هديل\وش فيها ياعمي ..حالي حال اي خدامة تخدم عنده ..ماعندي مانع خله يشغلني خدامة عنده ويحل اخووي وولد عمي ابوراكان برحمة\يابنتي انتي مو فاهمة طلبه مو فاهمته هديل بتسرع\بلى فاهمته يبيني خادمة عنده في بيته حالي حال الخدم اللي يجون من برا .. وخير ياطير خلني اصير خدامه.. دام خدمتي له بترجع الغالي فوالله لاخدمه بعيوني ابوراكان بصراخ\يابنت اهجدي لا اذبحك يابنتي انتي مووفااهمة ماانتي فاهمة شيء هديل بصراااخ\ما ابي افهمممممممممممم ما ابي انا موافقة اخدمه طووول عمري بس يرجع اخووي يرجع . دخل علي وراكان على صراخ ابوراكان وهديل علي بعصبية\وش بلا صوتك واصلني للخلا يا قليلة الحياء وش ترادين عمي فيه؟؟ ووجه راكان كان اسوود من العصبية ..هم ماسمعوا الا الصراخ بس مافهموا شيء هديل عطتهم ظهرها ماتبي راكان يشوفها .. أبوراكان بعصبية\وش دخلك انت واياه هنا ؟؟برااا اطلعواااا محد طلبكم الخلاااااااااااا راكان بقهر\يوبه وش فيكم وش صاير معكم ؟؟وش مخبين علينا ؟؟ أبوراكان\اطلعوااااااااااااااا خرجوا بعد صراخ ابوراكان عليهم .. جلست هديل وهي تبكي <<ليش مايبوني اصير خدامه عنده عاادي مافيه اي مشكلة ..اخدمه وارجع البيت .. ارجع لهلي وامي وابوي وتوئم روحي يكوون معنا ..ليش مصعبين الامووور.. ماني فاهمة وش لهم من التعقيد هذا كله .. أبوراكان بهدؤ\يابنتي الامور ماتنحل بها الطريقة..أنتي مو فاهمة طلب غازي.. هديل ببحة\غازي ابوراكان\ايه غازي هذا اسمه.. هوطلب تكونين جارية عنده يعني تظلين تحت امره وولايته لحتى يموت او هو يعتقك هديل بالم\ماعندي مشكلة عادي اخدمه ويكونوا اهلي بخير ابوراكان بصبر\يابنتي اسمع كلامي زين..غازي اذا خذاك بيحرمك من هلك ومن ربعك..بتصيرين تابعة له وبامره..ماعاد تشوفين اهلك ولا تعرفينهم..اللي يبيه من طلبه هذا يفرقك عن هلك وعن اخووك هديل بالم\كيف يمنعني عن هلي..قصدك يبيني اترك اهلي وافترق عنهم ..طيب الى متى ؟؟ ابوراكان\هذا طلبه..اما الى متى فهذا شيء راجعله يمكن يعتقك او يمووت وتصيرين حرة من بعده.. هديل\ومتى بيخليني اشوف اهلي؟؟ ابوراكان\اذا خذاك من هلك فمستحيييييل يرجعك لهم..يابنتي غازي شخص قااسي فرعوني.. مايدخل بحسابه رحمة او تعاطف مع احد..يبي يخليك حسرة بقلب هلك وبقلب هادي لانه توئمك.. وبيحترق قلبه عليك.. هديل بخوووف\وش رديتوا عليه؟؟ أبوراكان\قلناله مالك الا الدم خذ حقك من عيالنا والوجه من الوجه ابيض.. هوقال لكم يومين ان ماعطيتوني اياها توصلكم جثث عيالكم مقطعين.. هديل شهقت بقوووة وصارت تبكي وترتجف..ضمها ابوراكان وحاول يهديها.. أبوراكان\يابنتي صلي على النبي ولاتخافين مابيلحقك ضر ولا شر ..أنتي بأمان الله .. مايوصلك لو يطوول السماء.. وعيالنا هذا قدرهم.. >>باقي يومين ياهديل يومين اما تروحين معه او يقتل اخووك..لا ما ابي ارووح معه ..هذا مو انسان
هذا جلموود متوحش..لا لا ما ابيه يذبح أخووي ..باروح معه يووومه ماابي ما ابيييييييييييييييي
ياااربي ياحبيبي اغثني من عندك..وان رحت معه يعني فراق امي وابوي جدتي غادة علي وحنان محمد وعبوودي
وعديل الروووح خوي دربي ..كلهم بانحرم منهم..مابيسمحلي اشوفهم او القاهم..
طيب وان رحت معه هادي بيرجع وترجع روح امي ويطيح هم ابوي وترضى عني جدتي..بينور البيت من جديد
وبعون الله الغيمة السوداء تترك هلي وماعاد تمطر عليهم..
واذا رحت معه بيرجع سلمان ولد عمي بتقر عين عمتي برجووعه..وعمي بيرتاح قلبه بشوفت ضناه..
وراكان بيرجعله عضيده الوحيد بدنيته..
وش السواااة ياربي اعني عليه وعلى نفسي..
والله اهون علي اتعذب وانظام طوول عمري ولايمووت هادي ويحزنون هلي..
أنتي وش تفكرين فيه اذا مارحتي معه وصرتي جارية له بيموت اخووك..وعندها وش تستفيدين..
مووت اخووك وحسرة هلك..انتي بيدك رقبة اخووك وسعادة هلك..

خرجت من غرفتها وتوجهت لغرفة ابوها وناوية تقنعه با الحل الصح بنظرها ..



&&&&&&&&&&&&&&&&&&&&&&&&&&&&

كونوا بخيـــــــــــــــــــــــــــــــر ,,



صدووود’’’


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


البارت الرابع :


أنت كريم حقاً..
عندما تعطي ..
ثن تشيح بوجهك..
حتى لا ترى..
حياء الذي يتلقى العطية..
* * *
أن أكون أصغر إنسان..
وأملك أحلاماً..
والرغبة في تحقيقها..
أروع من أكون ..
أعظم إنسان..
بدون أحلام ..
بدون رغبات..
* * *
عندما كنت أنت ..
كلمة صامتة على شفاه الحياة المرتعشة..
كنت أنا أيضاً هناك..
ثم نطقت الحياة..
وعبرنا السنين..
تنبض بذكريات الأمس..
وبالحنين إلى الغد..
فقد كان الأمس ..
الموت الذي قهرناه..
والغد..
الميلاد الذي تبعناه..

المرحوم ,باذن الله ,غازي القصيبي,,
دقت على الباب بهدوء بس ماسمعت رد..توقعت اهلها نايمين كانت بترجع غرفته ..بس ابوها خرج من غرفته..
لماشافها استغرب انها صاحية الى الحين..
ابوعلي\وش فيك يوبه؟؟انتي دقيتي على الباب ؟؟
هديل بمحبة\لايكون صحيتك من النووم
ابوعلي يبتسم لها\لا ياقلبي أنا ماكنت نايم ..
هديل تمسك يده وتاخذه لغرفتها..
هديل\اجل مادامك صاحي تعاال معي ابيك بسالفة ..
أبوعلي\وش السالفة اللي مسهرتك الى الحين ؟؟
جلست جنب ابوها على السرير وشدة على يده..
هديل\وش اللي مسهرك ومجفيك النوم؟؟ قلي واقولك عن سالفتي ,,
ابوعلي بغصة\مابه شر وانا مانمت لاني حاس بارق بس ..
هديل\يوبه اسمعني للاخر وافهمني.. لاتتسرع بقرارك..
أبوعلي باستغراب\اسمعك تكلمي.
هديل تحاول تهدي نفسها عشان ماتبكي او يرتجف صوتها..
\يوبه انا عرفت بطلب غازي
ابوعلي قام بسرعة\وشهو من اللي قالك..اكيد ما احد قالك الا علي صح ؟؟
هديل تتمسك فيه بقوة وتجلسه با الغصب\ايه عمي علي هو اللي قالي..يوبه اذا وافقنا على طلب غازي بيرجعون اخواني
بيصدر عليهم العفو ولا تنقص رقابهم..وترجع حياتنا مثل اول ونعيش بسلاام
أبوعلي بعصبية\انتي كيف تفكرين هاه؟؟كيف ترجع حياتنا ..يابنتي الرجال يبي ياخذك معه لازواج ولا دستور
يبيك تصيرين جارية عنده وتحت امره.. مايحللك الا موته
هديل تبسط الوضع\عادي ياخذني خدامه عنده.. هذا بيتنا فيه خدم وماحولهم شر..
وبيصير حالي حال الخدم اللي عنده..
أبوعلي بمودة\يابنتي طلب غازي غييير عن الخدم والعمال.. هذولاء لهم وضع خاص يجون يخدمون
ويرجعون بلدهم متى ماقرروا..بس انتي بيظل امرك بيده طووول العمر..ياهديل هذا ان خذاك حرمك منا
وحرمنا منك ..
هديل تحاول تقنع نفسها با الكلام\الحين بذمتك يوبه انت مصدق كلامه..
طيب وان اخذني معه وصرت خادمته
كيف بيقدر يحرمني منكم..أنا اعرف مكانكم واعرف اوصلكم واقدر اجيكم به او بدونه..
مااحد يقدر يمنعني حتى هو.يوبه الجوالات موجودة وطرق الاتصال كثيرة..
كل يوم باكلمك واتواصل معك ماراح اسمحله بها الشيء..يبيني خادمة عشان يقهركم ويفرقني عنكم
ماايطول يقهركم لاني باكووون مبسوطة با اللي راح اسويه ..لاني فديت هلي واخوي..راح اكون مبسوطة
لاني ادري انكم بخير وسلامة..
أبوعلي\خلي عنك الهذرة ما انتي برايحة معه ولاهو بعارفك,,
هديل وهي تبكي\والله الا ارووح معه واخدمه بعيوني..يوبه اخواني يرجعون سالمين وانا بعد كم شهر ارجع
مايقدر يحرمني منكم..مايقدر يفرقنا الا اذا مسحكم من ذاكرتي وحياتي..وهذا شيء مايقدر عليه..
أبوعلي\يابنتي الوضع ماهو هين..
هديل تقاطعه وهي تمسح دموعها\ادري ماهو هين..بس ماعندنا وقت نفكر اكثر مابقى الا يوم من مهلته
انا باروح معه وهو بنفسه بيكتشف انه ماربح شيء من طلبه هذا لاني راح اكون متواصلة معكم غصبا عنه..
يوبه انا باكون خادمته بنقابي وعباتي..هونها يوبه وبتلقاها سهلة..
ابوعلي بقهر\سهلة انك تصيرين خادمة عنده بنتي وتاج راسي تخدم عند الناس؟؟
هديل بوجع\وليه ما اخدم..وش انا احسن من الخدم فيه..هم يشتغلون يبون الرزق وانا اشتغل ابي
العفو وراحة هلي وراحتي..لاتصعبها فديت ارجوولك يا الغالي..
قلي كيف بتطيب لنا الدنيا من دونهم..
ابوعلي وقف\انهي الموضوع ولاعاد تطرينه,,
هديل وقفت وضمته من وراه وتبكي بصوت عالي\والله والله والله ما اتركه يذبح اخوي وروحي
وانا اتفرج عليه.. ماني بقادرة اعيش يوبه ان قتل اخوي..باكون انا اللي قتلته
أبوعلي بحسرة\ماهو انتي اللي قتلتيه قتله فعل يدينه..فكي عني ياهديل
هديل تتمسك فيه\وعزة الله عليك ماتقهرني ياابووي وجه الله عليك ماتقهرني باخوووي
أبوعلي يسحبها لحضنه\يا ابوووك هذا قدرنا ونصيبنا..مالي على فراقك وظيمك قدرة يا بنتي
هديل\ماهو انت اللي ظلمتني..هذا اللي مكتوب يووبه حلفتك با الله ماتضحي باخوي تكفىىىىىىىىىى
أبوعلي بغبنة\اجل اضحي بك انتي؟؟
هديل\ايييه تكفى يوبه تكفى..والله اني لا ارجعلك غصبا عليه والله لا ارجع اوعدك.
ابوعلي\انتي متهورة الحين ومقررة بطييش فكري بنفسك يا ابووك تكفييين..فكري في عواقب ها القرار..
هديل\لا مو قرار طايش هذا الصح واللي لازم يصير..انا باخدم عنده وفي بيته..مااشوفها صعبة ابدا..
ابوعلي\وش اقوول ل النااس ان نشدوني عنك..وامك واخوانك مستحيل يرضون..صعبة ياهديل صعععبة
هديل\ماهو ضروري ان امي واخواني يعرفون با الموضوع ..
ابوعلي\ماني فاهم عليك..
هديل\ قوول لهم اني رحت ادرس برا وبطووول ولا يقدرون يزوروني ولا اقدر ارجع الا بعد ما اخلص دراسة..
ابوعلي\يعني ماتبينهم يعرفون؟؟وماتبين تودعينهم,,
هديل بغصة\بلى راح اودعهم بس امانة يوبه ما ابيهم يدرون اني بغيب عنهم الا بعد ما اروح..
ابوعلي\ماني براضي ياهديل والله ماني براضي..
هديل\ان ظليت عندك مت بحسرتي وحزني لان حياة اخوي صارت بين يدي..
وان رحت عنك عشت بحسرتي على بعدكم بس مصير الحي يتلاقى يا ابوي..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


اشرقت الشمس لا نامت هديل ولا نام ابوها ..ظلوا سهرانين بصمت لحتى صحت الجدة وام علي ..
الجدة\صبحكم الله با الخير ..
الجميع\هلا وانتي با الخير ..
الجدة\كيف اصبحت يا ابوي عسااك ارتحت من بعد البارحة ؟؟
ابوعلي يحب يدها\الحمدلله يومه..ضيقة وراحت عساها ماتعود
الجدة\الحمدلله ..
تناظر بهديل السرحانة ..وتنغزها بعصاها..
الجدة بحزم\انتي يابنت قومي من عندي ماتشوفيني جيت..روحي جامعتك ولا اطلعي غرفتك
هديل تبتسم لجدتها\ولاني رايحة مكان الجامعة عندي اوف اليووم ..بأجلس معك مشتاقتلك يا عسوولة
الجدة تغطي وجها\ما ابي اشووفك رووحي منااك
هديل\مو ضروري تشوفيني انا ابي اشوووفك يا قمر انتي>>تقرب منها تحاول تكشف وجه الجدة
الجدة\حسين شووف بنتك تتحرش فيني ..
علي ميت من الضحك\ههههههههههههههههههههههههههههه ههههههههههههههههههههه ياويل حالي يا اللي يتحرشوون فيني ..
هههههههههههههههههههههه قسم ب الله خطيرة يا ام حسين ..
هديل تبتسم\وش زينك يا تيتة هااتي بووست الصبح يا الله اشوووف
الجدة\مناااك ما ابيك تبوسيني انقلعي ورااك يا البوومة
ابوعلي بحسرة\ضميها يومه ماتدرين وش الله كاتب بعد وجودها جنبك
الجدة بخوف تناظر هديل\هدييل يومه مستوجعة من شيء؟؟!
هديل بمحبة\لا فديتك ماني مستوجعة
الجدة\اجل امقلعي دامك بخير لا اشووفك
علي\ههههههههههههههههههههه لقطي وجهك ويا الله اجهزي اوديك الجامعة
هديل ببحة\ماني رايحة الجامعة مافيه شيء مهم اليوم
غادة وهي نازلة\غريبة مو وقت اختباراتك الحين؟؟!
هديل بخوف\غادة وين رايحة؟؟
غادة\الصناعية ههههههههههههه وين رايحة يعني رايحة المدرسة عاد المناوبة علي اليوم ..باتاخر..
هديل تمسك يدها\لا غادة لاتروحين تكفيين لا تروحين
غادة باستغراب\ليه ياروحي وش فيك ماتبيني اروح المدرسة اليوم
هديل\خليك معي اليوم تكفييين ابي اشبع منك قدلي منك
غادة\هدوول وش سالفتك تشبعي مني وتفقديني بسم الله عليك ماحولك شر غلاتي
هديل برجاء\عشاااني لاترووحين تكفين
ابوعلي بوجع\لاتروحين ياغادة خليك مع اختك
غادة\يوبه وش فيها هديل..انا عندي مناوبة اليوم لازم اداوم
هديل تمسك يد غادة وبدمووع\لا تروحين ابيييك معي تكفييين
غادة ضمتها بقووة\لابو المدرسة لابووهااااااااااااا مااردك يااختي الوحيدة لبى الدلع بس
هديل تبكي بصوت مكتوم\لا تخليني تكفييين
غادة سحبت هديل معها وطلعت معها فوق\هديل حبيبتي وش فيك انتي مو طبيعية ابدا..
هديل تحط راسها بحضن غادة\مافيني شيء بس خايفة
غادة تمسح على شعرها\من ايش؟؟
هديل بصوت خافت\منه
غادة\منهو؟؟!
هديل\الكابوس
غادة\حبيبتي انتي شفتي كابوس ومخوفك كذا,,ياروحي هذي اضغاث احلام ..من الشيطان يخوفك
هديل تهز راسها بقووة وتبكي\ايه ايه من الشيطان هو شيطان
غادة مو مطمنة لحالت هديل الغريبة ..صحيح كانت تشكي من كوابيس من خوفها على هادي..
بس اول مرة تنهار كذا ..أكيد كابوسها ها المرة مخييف ياربي احفظها وافرج همنا يااارب..
ناظرت بهديل شافتها نايمة سدحتها على فراشها وخرجت عند امها..
بس هديل ماكانت نايمة ..وكيف يجيها النوم ..,

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ابوعلي وابوراكان با المجلس ..
ابوراكان\حسين انت من جدك؟؟!
ابوعلي\ايه هذا قرار هديل
ابوراكان بعصبية\وانت بتخلي البزر تقرر وتمشي على رايها؟؟انت صاحي بنتك تروح منك بكل بساطة..
ابوعلي\ماهو بقادر يمنعنا منها نقدر نوصل لها ونشوفها ولو من بعيد..المهم انها راح تكون بخير..
ابوراكان\وش عرفك انها راح تكون بخير؟؟
ابوعلي\ماظنتي ياذيها بتخدم عنده مثل الخدم..ولاعادله عليها شيء ثاني..
ابوراكان\يا ابوعلي لاتفرط في بنتك..لاتامن الزمن ياخوووك
ابوعلي بعصبية\وانت تظنني راضي لا والله ماني براضي ولامرتااح..بس ياخووك لنا امل نلقى البنت ونتطمن عليها
الزمن ماهو باغبر عشان ننحرم منها..وبيته ماهو ببعيد عنا بنلقاها وترجع لنا ..مير البلا في عيالنا لو تم قصاصهم
من بيرجعهم لنا ..؟
ابوراكان\وش بتقول لعيالك وهلك وش بتقوول ل الناااس؟؟
ابوعلي\كل شيء هين ومحلول بافهمك كل شيء..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انتبهت على صوت جوالها ..شافته رقم غريب ماردت عليه ..رجع اتصل ثلاث مرات ولا ردت..
وصلتها رسالة <<هديل انا جومانة ردي علي >>
حاولت تتذكر من جومانة.. هذي اللي كلمتني عنها غيداء..بس وش تبي فيني؟؟
لما دق الجوال بنفس الرقم ردت هديل
جومانة\السلام عليكم.
هديل بهدؤ\وعليكم السلام والرحمة هلا ..
جومانة\كيفك هديل ؟؟
هديل\الحمدلله طيبة..أنتي كيفك
جومانة\الحمدلله بخير
صممممممت
هديل\انتي معي؟؟
جومانة\ايه معك..
هديل\تفضلي حابة تقولين شيء..؟
جومانة\هديل راح تجين الجامعة اليوم؟؟
هديل\لا ما اقدر اجي..وش بخاطرك؟؟
جومانة\هديل انا عندي اخبار عن اخوك هادي
هديل مصدومة مو مصدقة كيف يكون عندها اخبار عن هادي..ومن تكون ها البنت..وكيف وصلت لهادي..
معقووولة ولا تكذب علي.
جومانة تكمل\اخوك هادي يسلم عليك ومحملني امانة لك..
هديل\حلفتك با الله لا تكذبي علي تراني مو ناقصة واللي يرحم والدينك..
جومانة\ما اكذب عليك اخوي يعرف اخوك وهو اللي طلب منه اوصلك كلامه..
هديل بشووق\اي كلام قولي اسمعك
جومانة\قال وافقي على الشرط..وهو عنده الحل..انتي وافقي عشان يصير عفو عنه ويقدر يرجع
ولما يرجع ..بيبطل الشرط لانه غير مشرووع با الدولة..
هديل يعني هادي يدري بكلام غازي وشرطه ويبيني اوافق..ماني مصدقة معقوولة هادي عادي عنده ها الشيء
اكييد ماقال كذا الا وهو وااثق انه بيرجعني..ويخلي غازي مثل الغبي لا اخذ بثار ولا ذل اهلي..
بس متى يطلع العفو عنه ومتى يجي يرجعني البيت..يمكن يتاخر..واذا تاخر عادي المهم انه راح يرجعني..
جومانة\هديل وينك؟؟
هديل\موجودة والله موجودة..كملي وش بعد قالك..
جومانة\هذا كل اللي قاله مدري اذا انتي فهمتي او لا..
لأني ما اعرف شيء عن موضوعكم..
هديل بغصة\ايه فهمت فهمممت..تكفين وصلي له اني مواافقة وراح يصير كل شيء مثل ما يبي والله..
جومانة\اوكي راح اقول لاخوي يقوله..تامرين على شيء
هديل بمحبة\تسلميييين ربي يسعدك ان شاااء الله ويطمن قلبك..
جومانة\اوكى مع السلامة..
هديل\مع السلامة

::::::::::::::::::::::::::::




في الليل ..
جالسة بين محمد وعلي وحاطه عبدالله بحضنها ..اذا جاء واحد يبي يقوم مسكته وجلسته غصب..
غادة\هههههههههههههههههههههههههههه حسبي الله على ابليس كنها بطة واحنا فروخها..
علي\يا اختي انتي وش فيك عندك نقص حنان ولا وش سالفتك؟؟!
محمد\ترااك فلة هدووولة من ساعة قاضبتنا ومتمسكة فينا كل هذا من الكابوس اللي شفتيه
عبدالله\هدوولة ابي العب بلايستيشن..فكي عني شوي
هديل تناظرهم بتعب\احبكم..وابيكم تجلسون معي الليلة بس تكفووون
محمد\يااحبيبت قلبي..طيب وش فرق اليوم عن بكره..حن معك ولا بنروح عنك
علي\يااانااااااااااااسو اللي يدلع ويبي يكوش علينا..ولا يهمك كلنا تحت امرك بس خفي دلع..
غادة\له له له يا خااينة وانا احسب انك حابتني با الحالي اتاريك حابة ها الخبلاان معي..
وانا جالسة عند ارجوولك كني جاارية ياكليوبتراء ..
هديل ناظرت بغادة وشهقت بقووة وصارت تبكي بقووة..من ذكرت غادة اسم الجارية..
علي لفها عليه\هديل بسم الله عليك وش فيك؟؟
غادة جلست على ركبها عند ارجول هديل\هدوولة ياقلبي صلي على النبي..مو معقولة كابوس يسوي فيك كذا ..
احنا معك..بس ابليس يوسوس لك..
علي\هديل ناظريني شوي..
هديل تضمه اكثر\ماابيييييييييييييييييييييي ..احبكم والله مقدر مقدر
محمد\هدوولة حبيبتي هذا احنا معك نحبك والله يشهد علينا خلي عنك الهواجس والاوهام..مانبعد عنك
بس هديل ماقدرت تسكت يزيد القهر والهم بقلبها كل ماتذكرت انها راح تبعد عنهم ,,
قامت من عندهم بسرعة ودخلت بغرفة الجدة اللي كانت تصلي العشاء,,
الجدة\هدييل وش جاابك عندي هاه؟؟
هديل دفنت وجها بحضن الجدة وبكت\احبببببببببببببببببببك والله العظيم احبك وامووت فيك ..
مقدر على فراااقك مقدر ..
الجدة بجزع\بسم الله عليك يا امي وش فيك والله اني احبك يا الخبلة والله اني احبك ..
سامحيني بس والله انك تعرفين غلاتك عندي..ماانتي بمفارقتني يا امك..هدي يابنتي هدي..
هديل\تكفين يومه لاتزعلين علي ولاتضيقين ادري انك تحبيني وانك بتفقديني بس لاتحملي نفسك وجع وهم..
هادي بيرجع يومه اوعدك بيرجع وتقر عينك فيه..بس تكفين لاتقسين عليه مثلي..
الجدة\امك ياحسييين..وليه يوم افقدك..يابنتي هادي ان رجع فياااعيدي وان مارجع فربي واعدني به في الجنة..
هديل\يااحسرتي علينا يومه ياااحسرتي..
الجدة\يابنت وش فيك؟؟ وش مزعلك ومبكيك؟انطقي
هديل\ولاشيء ..مشتاقة لهادي ولاعادبي فووض من الزعل..
الجدة تضمها\هدي رووحك يا البوومة فديت عيوونك مايجيك ولا يجيه شر بعوون الله ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ابوعلي>>
ياعزة الله كيف انتي تودعينهم ياهديل..وش انتي جنيتي يوم حصدتي اللي حصدتيه..
والله مايهنى فيك يارووح ابووك..مير ارجعك غصب عليه..
بس خليه يتنازل واخذك منه غصب عنه وعن اللي خلفووه..
شافها تدخل غرفة امها ..صار الحين وقت امك تودعينها.. مادخل الغرفة نزل وجلس با الصالة..
ماعاد يتحمل يشووف دموعها وونينها..

ام علي وهي متمددة بفراشها\هديل..وش فيك يا امي؟؟تعالي هنا
هديل انسدحت جنب امها وحطت راسها على صدرها
ام علي\هديل وش فيك يومه؟؟
هديل بصوت مكتوم\سمي علي يومه ..

يومه وكم كآبوس الآيام أفزعني
وآمسيت بأحضآن :أشبـآح تهآديني
سمي علي : مآعآد كبري يمتعني
طفلة بحنآنك : ولو شآبت بـي سنيني

مااعاد قدرت تنطق بحرف..السكووت ابلغ من الكلام..وش اقوول وانا اسمع نبضات قلبك..
يبي يحرمني منك يومه..يبي يحرمني ريحتك وحضنك..شوفيه ما اقساااه يبعدني عنكم يفرقنا على كيفه..
يرجع هادي وياخذني..صرت جارية عنده يومه صرت قربااان وخذاني غصب..
الله بيرد هادي لكم وتقر عيونك بشوفته..وأنا بارجع ماني مطوولة عنكم بارجع..بس خلوا قلوبكم مفتوحة لي يومه..
ان نسوني كلهم انتي لا تنسيني..راح اكون جنبكم باهرب منه وارجع..ماباكون بعيدة,,بارجع..بارجع بارجع
غفت وهي تردد ها الكلمة بارجع..
طلع ابو علي وشاف هديل نايمة جنب زوجته قرب الكرسي وظل يناظرها ودمووعه تودعها..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

العصر في بيت ابوعلي..

غادة\باارووح معكم..
ابوعلي بحزم\وين تروحين..اسنانها تعورها انتي وش يجيبك؟؟
غادة\يوبه دائما ترووح معي لما اروح الدكتور ليش ما اروح معها..
علي\خلها يوبه انا اوديها..
ابوعلي\لا انا باوديها ..
محمد\خلني اكفيك يوبه..
ابوعلي\لا ياابوووك عندي كم شغلة باخلصها بما اني رايح..
ام علي\يابنتي وش مخوفك من الدكتور
هديل تمسح دموعها\اخاف يخلع سني ويعورني..
الجدة\خليني ارووح معك ان اوجعك كسرت عظامه با العصا
هديل تضمها\باشتاق لريحتك ياعسوولة
الجدة تضمها اكثر\يا البوومة رايحة المستشفى ما انتي رايحة لحرب..
هديل<<والله انها حرب يا الغالية حرب وانا الخسرانة فيها ..تكفى ياهادي ارجع ورجعني.. غادة\هديلووه ابي ارووح معك.. علي يتمقت عليها\حشا كنها رايحة السوق ولا الالعاب يومك تبين تصاحبينها,, غادة\ماتعرف علاقة الخوااات علاقة عظيمة هديل ضمت غادة\احبك غادة دمعت عيونها\اموووت فيك..لا تخلينه يخلع كل ضروووسك ضرس واحد يكفي الكل ضحك عليهم ..وهي خارجة تناظرهم للمرة الاخيرة.. ركبت السيارة بمساعدة عمها لها اللي حلف الا يروح معهم.. بعد وقت من الصمت والتفكير ماكان احد قادر ينطق بكلمة او حرف..الموقف والحالة ماعاد ينفع فيها كلام.. ابوراكان\ادخل من هنا ..الله يصلحه في اخر الدنيا ابوعلي\ياليته باخر الدنيا ونظل طول عمرنا با الطريق.. أبوراكان بهمس\لاتزيدها على البنت يا ابو علي.. عم الصمت مرة ثانية..لحتى وصلوا للمكان اللي حدده لهم غازي.. نزلوا بس هديل ماقدرت تتحرك حاولت بس ارجولها مو شايلتها ..حواسها ما انصاعت لها.. حست بشلل وخدر بكل جسمها..حتى لسانها مو قادرة تحركه..ولادموعها توقف.. أبي اتنفس ابي اتنفس..مقدر مقددددددددددددددددددددر ما ابي اروح معه ما ابي..لازم اقول لابوي نرجع البيت أنا مو كفوو لها الشيء مقدر على فراق هلي ما اقدر..يوووبه>>تبي تناديه بس مو قادرة
شافت واحد يتقدم من ابوها ويتكلم معه ومع عمها..رجع ابوها ل السيارة فتح الباب وهمس لها
أبوعلي\بارجع الحين لا تخافين..باشوف وش يبي وراجعلك..قفلي الباب عليك
هديل بصوت مقطع\ي يوو يوو به ما مم ابي مقق مقدر
راح ابوعلي مع اخوه يقابلون غازي..
مرت نص ساعة وهم غايبين عنها..ماتدري وش اللي صاير معهم ليش تاخروا..
لا خلاص ماني رايحة معه باظل مع ابووي ايه باظل مع ابووي ..
شافت حرمتين قربوا من السيارة ودقت عليها الطاقة..نزلتها هديل بدون تفكير
الاولى\ممكن تفتحين الباب؟؟ لو سمحتي
هديل تهز راسها با النفي ..
....\ابووك قال لنا نجيبك داخل يبيك
هديل فتحت الباب وحاولت تتحرك بس تحس برجفة من اعلاها لارجولها..
هديل بصوت باكي\مو قادرة اتحرك
ساعدتها تنزل من السيارة وظلت ماسكتها وهم يمشون ..بعدوا ووقفوا بمكان تقدر تشوف فيه السيارة..
هديل بخوف\وينه ابوي؟؟
بس ما جاوبوها ولا حتى التفتوا لها..سحبت نفسها منهم بس ماتركوها..
هديل بصرااخ\وين ابووووي وينه ؟؟
وحدة منهم تاشر على مكان\هذاك هو
ناظرت على تفس المكان وشافت ابوها مقفي رايح ل السيارة
هديل بصرخة\يوووووووووووووووووووووووووووووووبه
التفت ابوها وشافها بعيييد عنه... مشى راجع لها بس قطع عليه الطريق شخص ووقف في وجهه..
ابوعلي\ماقد ودعتها ..ماضميتها ابعد عن طريقي
غازي بقسوة\مع السلامة
ابوعلي يحاول يبعده عن طريقه\ابعد ابعد ابي بنتي ابي اودعها
غازي يثبته\ولا تعرفها طووووول ما انا حي..اتفاقنا واضح.. وكلن يعرف حقوقه..
بنتك ماتت يا ابوعلي..شيع جنازتها..
ابوعلي برجاء\تكفى خلني اودعها
غازي\من بعد اللي صار داخل مستحيل اخليك تقرب منها او تحكي معها..وداعة الله
اركب سيارتك والله معك..حرك يا ابوعلي..
أبوراكان يمسك يد اخوه ويركبه السيارة شغل السيارة ومشى فيها..
هديل كانت تشوف ظهر الرجال اللي ساد عليها شوفت ابوها ولا كانت تدري وش صاير ..
كانت تسحب نفسها بس الحريم كانوا ماسكينها با القوة..
لما شافت ابوها ركب السيارة ومشوا..صارت تصرخ بهستيرية..
هديل\يووووووووووووووووووووووبه يوووووووووووووووووووووووبه تكفى ارجع ارجع
يوبه لاتخلييييييييييييييييييييييني تكفى يووووووووووووووووووووووبه ..
عمييييييييييييييييييييييييييييي ارجعوووا ماعاد ابي ماا ابي ارووح معه يوووووووووووووووووووبه

غازي كان يسمع صراخها وندائها لف بجسمه ناظرها من بعيد ومشى باتجاها...








كونوا بخيــــــــــــــــــــــــــــر ..


صدووود’’’

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


البارت الخامس:

لآلئ من بحار ناجي..
شوق الكهولة


أأرى شروقكِ في أفول مغــاربي؟***وأشم عطرك في ذبول شبابي؟
تجارة
أشتري الأحلام في سوق المنى***وأبيع العمر في سوق الهمــوم
الجهل القديم
آه! من يــــأخذ عـــمري كلــــــــه***ويعيد الطفل والجهل القديـــــم
الغربة
يا حبيبي! كــان اللقـــــاء غريبــــاً***وافترقنا ... فبات كلٌ غريبــــــــاً
الحمّى
أيها الأسى لنــــــــاري هــــــــذه***ما الذي تصنع بالنار الدفينــــــة؟
الرحمة
نضبت رحمـــــــة الوجــــود جميعاً***وبك الرحمة التي ليس تنضـــب
الدنيا
إنمـــــا الدنيــــا عبـــــاب ضمنـــــا***وشطوط من حظوظ فرقتنــــــــا
في المرآة
أبصرت في المرآة آخـــر قصتـــــي***ونعى نفسي إليّ النـــــــــاعي
الآخرون
لن يحبوك كحبي .. لــــن تــــــرى***ضاحكاً مثلي .. ولا حزناً كحزني
فجر الأسى
لم أكن أعلم يا ليــــــل الأســــى***أن في جنحك لي فجراً جنينــــا
ابنة الشاعر
ما تلتقي عيني بعينـــك لــــحظة***إلا رأيتُ صباي في عينيــــــــــك
لحظة الوداع
وكأن ثغرك والنوى تعدو بنـــــــــا***شفق يلوح على نضيد زنابـــــــق
الدميم
يا عبقريـــــــاً في شنـــــــــاعته***ولدتك أمك وهي معتـــــــــــــذرة
الخديعة
خدعتنـــــا مقلتاه!..خدعتنــــــــا***وجنتاه!خدعتنــــــــا شفتـــــــــاه


المرحوم ,باذن الله ,غازي القصيبي,,



من اول ماتحركت السيارة وهو يبكي بحرقت قلب على بنته..ماهو مصدق سواته فيها..
توها ماغابت عن نظر عينه ومشتااق لشوفها..كيف سمحت لها تضحي بنفسها معه..
كيف امنته وقلت اقدر اخذها منه..وين كان عقلي يوم رميتها هذي الرمية..الله لايغفر لي الله لا يسامحني
ولا يسامحه حسبي الله علينا..كيف اقدر ارجعها بعد اللي سواه..والله مايتركها في الديرة..
..وين بياخذ ضناي..متى بيرجعها..ياحسرة بقلب ابوووك ياهديل..
أبوراكان يمسح دموعه\حسين يااخوك صل على النبي اذكر الله جعلني فداك يا اخوي
ابوعلي يشتد في البكاء\وش سوينا ياعلي في البنت..ليه يوم ناخذها بجراير اخوها ليه يوم ارميها ل العناء والضيم
وش اللي جبرنا نضحي بضنااي والله ماعاد يخليني اشوفها ولا اعرفها..خذاها مني ولاعاد يرجعها..
ابوراكان يوقف السيارة بمحطة\ربك معها يا اخوي ربك معها..ماهو بتاركها..
وهديل بترجع البنت ذيبة وعاقلة..بتواصل معنا بتكلمنا وتطمنا عليها..
ابوعلي بحرقة قلب\لا والله ما يخليها تعرفنا ولا تدل لنا طريق..انت ماشفت قسوته معنا كيف يكلمنا ويهدد
كيف قطع فينا منها..وش بيسوي فيها ياعلي..وش بيسوي في بنتي..ياحرقة قلبي عليك ياهديل
ابوراكان نزل ونزل اخوه من السيارة ودخله مسجد عشان يصلون المغرب اللي فاتهم ..
أبوراكان\صل على النبي يا اخووك وتعال نصلي فرضنا وربك بيعدلها يا ابوعلي
ابوعلي\وربي بيقبل مني صلاة ؟؟!بعد سواتي في بنتي..ربي بيسامحني ويرجعها لي؟؟
ابوراكان يحضن اخوه\اذكر الله ربك ارحم بهديل مني ومنك والله مابيضيعها بيردها لنا,,
ابوعلي\مابترجع والله مابترجع..
صلوا فرضهم وجلسوا فترة طوويلة وهم ساكتين ..دخل وقت صلاة العشاء صلوا وظلوا على حالهم..مالهم نية يطلعون من المسجد.
أبوراكان يمد عقال اخوه عليه\خذ عقالك وخلنا نتوكل على الله
ابوعلي يصد عنه\والله ماينحط عقال على راسي لين ترجع هديل ولا فانا ماني بكفو عقال ومراجل
ابوراكان مفجووع\استغفر ربك يارجال تراك تحلف بمسجد ..
ابوعلي بحسرة\مستكثر عقال على هديل يا ابوراكان
ابوراكان متفهم حال اخوه\طيب خلنا نمشي نرجع البيت تاخر الوقت ياحسين
ابوعلي بغبنة\ماني بقادر ارجع البيت والله مالي حيلة..ارجع من دونها..وش اقول لامها واخوانها..
وش اقول لامي وهادي ان رجع..صعبة يا ابوراكان ظهري مكسووور يا اخووك
ابوراكان\وش نقول لهم بنقول اللي اتفقنا مع هديل عليه..انها رايحة في دراسة وبترجع..
ابوعلي\ماهي براجعة..واخوانها بيقولون ليه ماعلمتنا كان رحنا معها وبتطوول السالفة وكلن بيسال ويشره حتى الناس
بيتكلمون فيها..وهديل ماهي براجعة يا اخووك ماهي براجعة
ابوراكان بترقب\وش ناوي تقول لهم؟؟
ابوعلي\ماتت..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


الجدة\نعنبو غيرك دق على ابوووك انتصف الليل مابعد جاء
محمد بضيق\يومه مايرد علينا مايرد مدري وش اللي صايرن معهم..الله يستر وبس
غادة تبكي\حتى جوال هديل ماترد عليه..اتصلت مئة مرة ماااترد
ام علي بخوف\اتصل على عمك ماهو راح معهم
علي\اتصلنا عليه حتى هو مايرد جواله مقفل
غادة\ياويل حالي عليهم وش صاير معهم يووومه وش فيهم
الجدة بغضب\اركدي يابنت لا با العصا ماحولهم شر بيرجعون ان شاء الله..
دق تلفون علي وكان راكان ولد عمه\هاه بشر وش قالوالك؟؟.........يا ابن الحلال قلهم ماهي بعوايدهم
يغيبون ها الكثر.......ادري انهم بالغين وكبار مير انه صاير معهم شيء........
بصراخ <<وحن بننتظر لين تمر 24 ساعة يكفي تسع ساعات ولا بينوا ولا اتصلوا....... اتصل على شباب القبيلة خلنا نجمعهم ونتفرق ندور عليهم ........ على خير .......وداعة الله قام يبي يطلع لحقه محمد وامه تركض وراهم ومعها غادة ام علي\تكفى يا علي لا ترجع الا بهم تكفى يووومه علي باستعجال\ان شاء الله..اذا كلموكم ولا اتصلوا علموني الجدة>>وش وراكم يا عيالي وش اللي غيبكم عني..وهديييل وش سالفتكم معها..البنت ماهي بطبيعية تبكي وتودع
كانها مفااررقة..وانت ياحسين تبكي وتشق ثيابك وش اللي قاهرك ياولدي..والله ان وراكم بلا وشين كبير..
ماحن بناقصين فجيعة ووجع..لاتفجعوني بتالي عمري ..يا الله ياكريم بعالي سماك ان ترحم وتلطف بحالنا..
غادة شهقت بقووة
أم علي بفزع\وش فيك يا بنت؟؟ّ
غادة تتصل على اخوها علي\علي رووح لعيادة الاسنان ...ايه هو نفس الدكتور اللي توديني له..طيب
قفلت وناظرت بامها\كيف مافكرنا نسال با لعيادة
الجدة\وش اللي يخليهم با العيادة تسع ساعات ,,
غادة بضيق\مدري يومه بس لازم يدورون بكل مكان ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛


هديل\يووووووووووووووووووووووبه يوووووووووووووووووووووووبه تكفى ارجع ارجع
يوبه لاتخلييييييييييييييييييييييني تكفى يووووووووووووووووووووووبه ..
عمييييييييييييييييييييييييييييي ارجعوووا ماعاد ابي ماا ابي ارووح معه يوووووووووووووووووووبه

غازي كان يسمع صراخها وندائها لف بجسمه ناظرها من بعيد ومشى باتجاها...
وصل للمكان اللي واقفين فيه الحريم وماسكين هديل..ماوقف ولا حتى التفت عليها
أشر بيده لهم\هاتوها..
صارت تمشي معهم غصب عنها ماتشوف شيء من الدموع اللي مالية عيونها
تتعثر بخطواتها بس يمسكوها الحريم اللي بجنبها..
حست روحها انسلخت عنها الهم كل ماله يكبر بقلبها مو قادرة توقف ومو قادرة تمشي..
ركبوها بسيارة سوداء وانسحبوا الحريم بعيد عنها..مشت السيارة مامعها احد هي لوحدها من الحين
الى طول العمر..شهقت بقووووووة وهي تضم شنطتها الصغيرة وكانها بتنقذها من ها المجرمين..
ماتدري كم مضى من الوقت وهي تبكي والسيارة تمشي..وقفت السيارة وشوي انفتح الباب..
انكمشت على نفسها ورجعت على ورى..
السائق\انزلي هنا..
هديل بخوف\لا ما بانزل
السائق\السيد ينتظرك..لو سمحتي لا تاخرينا
هديل\لااااااا لااااااااا
انسحب السائق بهدو..وبعد لحظات انفتح الباب بقوووة ويد من حديد مسكت ذراعها بقوة وسحبتها من السيارة..
هديل صرخت بخوف وصارت تبكي بقوووة
هديل\لااااااااااا اتركني ابعد عنيييييييييي يوببببببببببببببببببببببببه يوبببببببببببببببببببه ابعد عني
دخلها بغرفة غريبة وقفها بمكان معين ومقصود
غازي بحدة وهو يسحب الغطاء عن وجها بكل قسوة
يكلم المصور\بسرعة شوف شغلك
هديل بشكل الي جدااااا اول ما انشال الغطاء عن وجها حطت يدينها تخبيه..بس هو سحب يدينها وكفتها بقوووة
غازي\صورها ..لحظة
مسح وجها بطرحتها وثبت وجها قدام الكميرا
غازي\الحين صور
كانت تحس با الفلاش يضرب عليها بشكل قوي ومرات متعددة..لما وقف التصوير سحبها بنفس القسوة ورجعها السيارة..
تحركت السيارة من جديد..وهي موعارفة وين بياخذونها..
ياربي ياحبيبي لا تخليني لوحدي ياربي انصرني وكن معي ياربي احمني منهم..اااه ليتني مت قبل كل هذا..
وش بيصير الحين..وليش صوروني..ليش يعاملوني بقسووة..وين بياخذوني..موعارفة الطريق ماراح ادل
يوووومه تعالي تكفين..هادي لاتخليني رجعني تعااااال..ما ابي ارووح ما ابيييييي<<وظلت على نفس الحال تبكي وتتحسر..

بعد فترة مو قصيرة..انتبهت ان السيارة وقفت مرة ثانية..انفتح الباب وكانت حرمه اللي فتحته
الحرمه\هاتي يدك
مسكت يدها وساعدتها تنزل من السيارة..مشت معها بصمت متمسكة بشنطتها اللي بيدها تتبع مصيرها المظلم
دخلوا بمكان ماتعرف وش يكون فيلا اواستراحة موقادرة تركز..خذتها الحرمة على غرفة جانبية دخلتها فيها ودخلت معها..
الحرمة\راح تنامين هنا الليلة..وتمشي بكرة الصباح نامي لان المشوار راح يكون طويل
هديل بتعب\تكفين ابي ابووي ابي اكلمه الله يخليك
الحرمه ماردت عليها خرجت وقفلت الباب من برا..وهديل رجعت تنهار مرة ثانية وثالثة..
انا وش سوييييت وش سويييييت وين بيوديني ..موقادرة بامووووت والله بامووووووت..كيف انام وانا ادري
بكرة موتي..ياليتك ماقلتلي ياعمي ياليتك ماوافقتني يوبه..ياليتك معي ياهااادي..
ياربي ساعدني كن معي يارب لا تخليني ياربي ياحبيبي..
نامت ولا تدري كيف نامت متمسكة بشنطتها الشيء الوحيد اللي بقى معها من بيتها من اهلها..
خذت لكل شخص من اهلها شيء وحطته با الشنطة..تبيهم يظلون معها ولو بغرض خاص في كل واحد منهم..
فزت من نومها والشمس توها ما اشرقت الا بنور بسييط ..وضت وصلت الفجرولمت نفسها بين يديها وتتخيل انها بحضن امها..
بكت ومو قادرة تتماسك..تحاول تفكر او تستوعب موقفها والمكان اللي هي فيه بس مو قادرة..
انفتح الباب بقوووة ودخلت نفس الحرمة اللي صاحبتها با الامس..مشت باتجاه هديل مسكتها من يديها ووقفتها..
الحرمة\يا الله صار الوقت ..مانبي نتاخر..
هديل تسحب نفسها منها\وين بتودوني ماراح امشي معكم الا لما تتكلموا..وين بتاخذوووني؟؟
الحرمة بقلة صبر\ما ادري الاوامر تقول نمشي الحين
هديل برجاء\تكفيين الله يخليك بس ابي اكلم ابوي مرة وحدة واخيرة تكفييين ابي اودعه ماودعته الله يخليك..
الحرمة\امشي معي ما ابي اعاملك بقسوة
هديل تبعد عنها\ماراح اروح معك اتركيني..ماراح امشي الا بعد ما اكلم ابوي
الحرمة طلعت وهديل ظلت بمكانها ترجف من الخوف..شوي الا ودخلت الحرمة ومعها رجل ضخم البنية اسمر البشرة
الحرمة\ما ابي اعاملك بقسوة لو سمحتي امشي معي او اضطريت اخليه يشيلك
هديل برعب\لا لايلمسني ابعدييييييييييييييه
الحرمة\تاخرنا وانتي مو راضية تمشي
هديل باستسلام\خلاص بامشي معك بس خليه يبعد
اشرت الحرمة ل الرجال وطلعت وهي ماسكة يد هديل..طلعوا من البيت اللي كانوا فيه..ركبت السيارة والحرمة كانت معها
مشت فيهم السيارة باقصى سرعتها..
بعد وقت ادركت هم وين ماخذينها على المطار..شهقت وصارت تتلفت يمين وشمال..وادركت انهم ماخذينها لغير ديرتها..
اول ما استوعبت ها الشيء صارت تصارخ وتضرب الحرمة وتحاول تفتح الباب,,
هديل بصراخ\لااااااااااااااا لا لا لا لا ما اتفقنا على كذا لا انا ماراح اسافر هذا مو اتفاقنا
لااااا غش غشااااش كذابين
والله افضحكم با المطااار والله العظيم ابهذلكم واسوي فضيحة ابعدوووووووووووووا
الحرمة حاولت تهدي هديل او تثبتها بس ماقدرت..طلعت جوالها واتصلت

بشخص..
قالت له ان هديل تصارخ وحالفة تفضحهم با المطار..قفلت منه وهي تبعد عن هديل..
الحرمة تكلم السائق\لا توقف امش على طووول
نفذ السائق كلامها ولا وقف بالمطار..هديت هديل وانبسطت انها قدرت تخوفهم ..
ومايقدروا يسوون لها شيء أويسفرونها غصب عنها..
وقفت السيارة ونزلت الحرمة منها..وشوي الا انفتح الباب اللي هديل جالسة عنده ويدخل رجال لابس ثوب وشماغ..
دف هديل بقسوة وركب جنبها..تحركت تبي تبعد عنه بس هو مسكها بقووة لف ذراعه على رقبتها وثبت ظهرها على صدره..
غازي بوعيد يهمس باذنها وراسها على كتفه\وعزة الله وجلاله لو فتحتي فمك بحرف ..
ولا قلتي كلمة في صالة المطار او صرختي وسويتي مشكلة..ان ابووك مايمسي الليلة الا في المقبرة..
هديل شهقت بقووة حطت يدها على يده تبي تبعدها عنها بس ماقدرت..ضربته على فخذه وعلى بطنه بس مافاد..
غازي يثبتها اكثر\ولااا كلمة ولا حرف من اول ماندخل المطار لحتى نوصل ما ابي اسمع حرف منك..
هديل تبكي بوجع\لاااا ابوي لا حرام عليك ابوي لااااا لا
غازي\اتفقنا؟؟
هديل تهز راسها بقوة علامة الرضى\ايه ايه والله ما اقول شيء والله ابوي لا لااااا
بعد عنها واشر ل السائق يمشي..وصلوا المطار نزل ونزلها با القوة..
مسك يدها وشد عليها وحست انها راح تنكسر..طوول ماهم في المطار وهو ماسكها..يخاف يتركها وتسوي مشكلة
او تتهور..ماكان يسمع منها الا شهقاتها المكتومة.كل ماسمع صوت منها شد اكثر على يدها وكانه يهددها..
خلص اوراقهم وتوجهوا ل الطائرة الخاصة بغازي..كان منتبه لها وهي تلتفت على ورى كل لحظة تعثرت كم مرة وهي تمشي
بس هو كان يثبتها ويسحبها غصب..
وصلوا أول مارفعت راسها وشافت الطائرة قدامها صرخت وسحبت نفسها منه رجعت كم خطوة على ورى ..
بس هو كان اسرع منها سحبها با القوة مشاها قدامه ..بدت تصرخ بصوت حط يده على فمها..
مارضت ترفع ارجولها ل السلم رفعها وطلعها الطيارة قبل لا احد ينتبه عليهم..
جلسها بمقعد با القوة ورفع يده من على فمها..
غازي بغضب\أنا مو قاعد العب معاااك انا حذرتك من اي حركة غبية ممكن تسوينها..
بس انا اوريك كيف تتحديني..
لمت نفسها بيدينها بخووف وانفجرت بصوت باكي مقهوووور ماقدرت تتكلم بس دمووع ..
أقلعت الطائرة ..وهديل تودع السعودية لأخر مرة..شافت جواز سفرها بيده..
يعني الصور اللي اخذوها لها با الامس كانت للجواز.. يعني بياخذني بعيييييد..
خلاص انتهيت كنت اظن راح اخدمه في بيته هنا..بس هو يبي يوديييييييييييين لبعييييييييييييييييييد
يبي يفرقني عن اهلي با المكان وبا الرووح والجسد..
سافرت يوووبه سافرت معه وين بتلقاني انت الحين وييييييييييين..
كيف بتعرف اني سافرت وتجيني كييييف..

هذا كان تفكير هديل بهذي اللحظة..ماكانت تدري ان ابوها ناوي يشيعها ويدفنها با الحياء..

وبنفس اللحظة كان ابوعلي يناظر ل السماء ويشوف طائرة محلقة ورايحة للبعييييييييييد..


لملمت احساسك..
شعورك وقلبك خلاص بتسافر

زين التفت لحظة..
عطني جروحك بس..
خلها تسليني
في غيابك الكافر,,

وخذ النظر مني وخبه مع أشيائك
ما أبي أشوف الناس ..
واشلون اشوف الناس؟؟!
وشوفي معك سافر....

مدري وين خذاك يا رووح ابووك..كيف باعيش من بعدك..كيف احط عيني بعيون امك واخوانك..
كيف اقابل النااس بعد سواتي فيك..كيف اقابل ربي يوم الحساب..
كيف اشووف الدنيا يا عيوون حسين..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كونوا بخيــــــــــــــــــــــــــــــــر ,,,




صدووود ,,,,

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


البارت السادس,,


إذا جاءت الريح..
وانحت أمامها شجيرات .........
ألا تنحني أنت أيضاً..
أمام ريح الحب؟!
أتنوي الذهاب الآن؟
كم أتمنى لو بقيت ..
لو أن السماء أمطرت..
وأمطرت .. وأمطرت !
يقولون لي:
"هذا جنون! .. هذه حماقة! "..
ولكنني لا أستطيع الخروج..
من ظلمات الحب..
أتذكّره في الليل ..
وأتحدث إلى وسادتي :
"تكلمني! .. تكلمني ! ..فأنا أحترق.."
كما يلتصق الضباب ..
بقمة الجبل الشاهق..
تلتصق عيناي به..

المرحوم ,باذن الله ,غازي القصيبي,,


طوال الرحلة وعينه عليها يراقبها ويراقب كل حركة تسويها .. هي ماكانت تتحرك..
بس نفضة غريبة بين فترة وفترة فسرها بكثرت البكاء..
ساندة راسها على الطاقة وتناظر بولاشيء بس سرحانة..
يدري انها خايفة لا مرعوووبة منه ومن المجهول اللي ينتظرها..
يراقب عيونها الشيء الوحيد الظاهر منها كانت متلثمة بعد ماهو اخذ غطاها امس ورماه..استخدمت طرحتها..
استغرب لما حاول يسترجع شكلها بس ماقدر وهو مو من عادته ينسى اي وجه يشوفه..فمابالكم بهديل جاريته..
يحس بحقد وكره واحتقااار لها الانسانة المواجهة له بصمت وضعف.. يبي ينتقم منهم فيها هي..
متاكد من قدرته على السيطرة عليها وسجنها واهانتها لانها ضعييفة سوا با الجسد او الروح المكسورة..
صد عنها وهو يتنهد ..خلينا نوصل ونصفي الحساب ..


هديل’’’

هي اول مرة يا السعودية اودعك..وياحسرتي كانها اخر مرة ..ياويل حالي على ابوي بيدورني بكل مكان فيك..
بيقلب الدنيا علي..وهادي اشلون بيلقاني..كيف راح يعرفون اني ماعدت على ارضك..تكفين علميهم..
قوليلهم انه خرجني منك وغدر فيهم..دليهم علي ..دلييييييهم على مكاني..
يومه حسي فيني تكفين..ادعيلي ارجع ادعيلي.. خايفة منه يومه خاااايفة مووت..
قاسي با الحيل هذا وهو باقي مافضى لي وشوفي قسوته معاي..
كيف باتحمل بعدي عنكم..كيف اعرف اخباركم واتطمن عليكم..متى بالقاكم متى؟؟!
رفعت عيونها وناظرت فيه اول مرة تشوف وجهه..كان مبدل الثوب ولابس بدلة رسمية بدون ربطة العنق..
كان مشمر عن يدينه ويشتغل على اللاب توب..
عيونه تخووف بنظرتها الحادة حواجبه عاقدها بقووة..وجهه يعبر عن القسووة والجلافة..
ناظرت بايدينه وتذكرت قسوته وهو ماسكها..وكيف خنقها باالسيارة..
شعور كره بغض واحتقار ينموا بقلبها اكثر واكثر..
رفعت يدها ومسحت دموعها غمضت بقووة تحاول تبرد عيونها اللي تحرقها من كثر البكاء..
فتحت الا وعيونه بعيونها نظرة ماقدرت تفسرها الا انها تحمل كلللللللللللل المعاني الا السلام ماتعرفه ها العيون..
صدت عنه بسرعة ولمت نفسها بيدينها بشكل دفاعي..ولا رفعت عينها مرة ثانية لحتى غفت من دون احساس..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

ابوراكان لازال يحاول في اخوه يرجعون لبيتهم واهلهم..بس ابوعلي ماعنده لا القدرة ولا الجرئة انه يرجع
البيت من دون بنته..حتى انهم ما اتصلوا باهلهم ولا طمنوهم..
ابوراكان\يعني ان ظليت على ها الحال بترجع بنتك؟انت تاخر شيء تظنه بيتغير..
ابوعلي\لاتشد علي خلني يا ابوراكان وجه الله عليك مافيني حيلة لشوفت عيونهم وحزنهم على موتها
ابوراكان\طيب وش بنقول لهم ..قصدي عن سبب الوفاة ..وبيسالون عن جثتها..
ابوعلي\جعل يومي قبل يومها..
ابوراكان\عسى عمرك طويل
أبوعلي بمرارة\بنقول انها ماتت بحادث..السيارة اندعمت والبنت فيها وحن كنا نصلي ..ولا قدرنا نلحق عليها
ابوراكان\والحين وش بتسوي باالسيارة..والجثة..
ابوعلي\بارميها من فوق الجبل ماهي باغلى من اللي راحت..والبنت دفناها بحدى القرى القريبة منا ..وخلصنا
ماابيهم يسالون عن شيء ثاني..لايزيدون حرقة القلب والروح..
ابوراكان\لا اله الا الله هيا نرجع لهلنا ياحسين
ابوعلي بضيقة\ماهو اليوم ياعلي تكفى ماهو اليوم..
ابوراكان ترك اخوه على راحته ولا اجبره على الرجوع لاهلهم ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛

حست بهزة خفيفة على كتفها وصوت غير مفهوم يناجيها..
فتحت عيونها بتعب وناظرت با المظيفة اللي جالسة جنبها..
المظيفة بابتسامة\مرحبا..طمنيني عنك انتي منيحة؟؟
هديل تناظرها ولاترد..
المظيفة\خوفتينا عليكي كنتي عم تتكلمي كلام غريب مافهمتو..
هديل بتعب\مافيني شيء
المظيفة\ايه الحمدلله..شورايك تاكلي شيء خفيف..رحلتنا طويلة..
هديل بصوت مكتوم\لا ما ابي
المظيفة\شكلك كتير تعبانة لازم تاكلي
هديل هزت راسها ودموعها تنزل بصمت,,المظيفة بحنية مدت يدها ومسحت وجه هديل..
بها اللحظة ادركت هديل ان وجها مكشوف سحبت طرحتها من على كتوفها ولفتها بشكل سريع على راسها..
هديل بقهر\ليش شلتي طرحتي من سمحلك؟؟
المظيفة\مش انا وحياة الله مش انا
هديل\مييين شال طرحتي عني؟؟
المظيفة\خلاص هدي شوي شوبييكي..
هديل بخوف\ما ابي احد يلمسني..ما ابي احد يلمسنيييييييييييي<<شهقت بقوووة وحطت يدينها على وجهها..
المظيفة\اطمني حبيبت قلبي ماحدا بيقدر يئزيكي..
هديل من بين دموعها\احنا وين رايحين؟؟ باي مطار راح ننزل؟؟
كانت المظيفة راح تجاوب عليها بس صوته الحازم منعها من اكمال كلامها مع هديل..
غازي بحدة\كيندا..
كيندا وقفت باحترام\نعم استاز غازي..
غازي\انصرفي.
كيندا استئذنت وانسحبت بهدؤ..تمنت هديل لو تروح معها ماتبي تظل لوحدها مع ها الشخص..
بس كانت تدري انها لو تحركت من مكانها ماراح يتركها بخير..وهي تعرف ليش صرف كيندا بها الاسلوب..
مايبيها تعلمني وين رايحين..يبيني أظل مثل العمياء ما اعرف وين رايحة ..بس امشي وراه..
مرتها كيندا مرة ثانية تبي تقدم لها وجبة بس هديل مارضت..
كيندا\اوكى براحتك..ازا بدك شيء ما تستحي مني اتفقنا..
هديل باحراج\اممم انا
كيندا تشجعها\شو احكي ..بدك التواليت
هديل باحراج\لا لا خلاص ما ابي
كيندا\ليش خجلانة هيك تعي معي
هديل\لا
كيندا باسف\متل مابدك بس الرحلة كانت طويلة..بس مابقى وقت ونوصل..

هديل بهم وين راح نوصل..وش ينتظرني بمطار المجهول هل هي نهايتي او بدايت نهاية..
تعبت من التفكير مستحيل اظل على ها الحال لازم اقوي نفسي ولو شوي..الحين مامعي احد
مافيه غيري..انا الوحيدة اللي راح احمي نفسي واسند نفسي..اول شيء راح اسويه امسح دموعي
واخفي خوفي..ماراح ينفعني لا البكاء ولا الحزن..الهي لاتكلني الى نفسي طرفة عين وكن معي واحمني..

طلبت منها كيندا تربط الحزام لانهم على وشك الوصول..اول ماتوقفت الطيارة شافت الطاقم يتحركون
ويفتحوا الباب تراقبهم بصمت وترقب..ماحست الابا الحزام ينفك بيدين قاسية متوحشة..
عرفتها من دون ماترفع راسها لصاحب هاليدين..مسك يدها وسحبها توقف..مشت وراه بصمت..
حاولت تسحب يدها بس هو شد عليها اكثر وكانه يحذرها لو حاولت مرة ثانية راح يشد اكثر ويعورها..
وصلوا عند الجوازات طلبوا منها تكشف عن وجهها ترددت بس هو ماترك لها الفرصة نزل لثمتها بهدؤ..
بعد ماطلعوا كانت تبي تتلثم بس يده سحبتها بقوة
غازي\الحجاب يكفي..
هديل بعناد وقهر تلثمت..سكت عنها مشوا لمواقف السيارات وكان السائق ينتظر..
فتح الباب دخلها السيارة بقوة وسكر الباب وركب من الجهة الثانية..
مشت السيارة ..وهديل تتلفت تبي تعرف هي وين انتبهت للعلم بس ماعرفت لأي دولة..
الجو كان باااارد واليل توه بداء ..الحين وين بياخذني..
ماحست الابطرحتها تنسحب بقوة لدرجة انها جرحت رقبتها من شدة سحبه لطرحتها..
التفتت باتجاه غازي بخوف شافت طرحتها بيده..ونظرات غااضبة..
غازي\لما اقول كلمة ما اثنيها وما احد يتحداني..قلتلك حجاب يكفي.والحين اقول مافيه حجاب.
فتح الطاقة خرج يده والطرحة فيها ظل ماسكها لحظات وهي تطير مع الهواء من يده الى ال لامكان ..

با الامس رمى نقابي واليوم طرحتي ياخوفي بكره يشق عباتي..
نزلت راسها بانكسار فكت شعرها عشان يغطي رقبتها ووجها وصدت عنه..
مااقدر اقول ولا اتصرف مالي حيلة وش ماسوى فيني..
من البداية بين طريقت تعامله معي أخذني جارية وراح يعاملني من ها النقطة مجرد جارية..
عيونها معلقة بالطريق لاشدتها المناظر ولاالشوارع المضيئة بكل الانوار..
ماكانت تشوف شيء غير السوااااد واحيانا انعكاس صورته على الطاقة اللي بجنيها تشوف
وجهه الجامد الحقوووود القاااسي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛


وصلوا البيت على الساعة 9 الصباح..جايين بتكسي..انتبهوا على التجمهر الكبير اللي صاير باالقرب من بيوتهم..
نزلوا وابوراكان يسند اخوه خايف عليه من مواجهت هل بيته من دون بنته..
قرب منهم رجال يعرفونه من اهلهم..
الشاب\الحمدلله على السلامة الحمدلله على السلامة..
سلم عليهم وحبهم على الراس وراح يعلم باقي الشباب برجوع الغايبين..
وفي دقيقة كانوا محاطين برجال وشباب قبيلتهم اللي كانوا يدورون عليهم من ثلاث ليالي..مالقوا لهم ارض ولاسماء..
علي وهو يحب راس ابوه\الحمدلله على السلامة يا ابوي وينكم فيه ضاقت بنا من بعدكم
ابوراكان\الله يسلمكم..هذا حن وصلنا..وكله بيد الله.
رجال كبير في السن\وين كانت غيبتكم يا ابو علي؟؟ عسى ماخلاف
ابوعلي نزل راسه بحزن مافات احد من الموجودين..
علي بخوف\عسى ماشر يوبه..وش فيك جعلني فداك..
ابوراكان\تفضلوا با المجلس
دخلوا الشواب مع ابوعلي وابوراكان وقرايبهم المجلس الخارجي في بيت ابوعلي..
راكان\عمي يوبه وش صار معكم شكلكم ماهو يطمن.
ابوعلي مارد على احد ولا رفع راسه..
أبوراكان\صار علينا حادث بالطريق .
كل اللي با المجلس صار يتحمدلهم با السلامة ويباركون على رجعتهم بخير
محمد بنفاذ صبر\يووووبه وش فيك..اختي وينها ما اشوفها معكم.
ابوراكان\أختك الباقي وجه الله..ماتت با الحادث.
صدمة طعنة لا كانت امر واقوى..الأخت الحنونة الدلوعة..الاخت الصغيرة ماتت..
الغالية اختنا ماتت..غابت عن حياتنا هجرتنا..
حاولوا يستوعبون الخبر القاسي اللي نزل عليهم مثل الصاعقة..
علي طاح عند ارجول ابوه محمد خرج من المجلس اول ما استوعب كلام عمه واللي اكد له انكسار ابوه..
وزاد عليه صوت الرجال اللي بالمجلس يعزونهم ..
محمد دخل البيت مفجوووع شاف امه وغادةوحنان حتى جدته واقفين ينتظرون ابوه يدخل بس انفجعوا من شكله
أم علي بخوف\وين ابوووك؟؟
محمد تركهم وطلع يركض على الدرج غادة راحت تركض وراه ..
فتح باب غرفتها بقوة دخل وصار يدورها بكل مكان مو مستوعب ولا مصدق ولاطراء في باله ابدا انها ممكن
تموت او ينحرم منها..
غادة بصراخ\انت وش فيييك ..محمد اكلمك أنا ..أبووي وينه وش صار فيه؟؟
جلس على سريرها يتأمل مكانها دفاترها اغراضها على التسريحة الخاصة فيها..مسك البندانة تبعها..
وسرح في ذكرياته معها..ويردد بقلبه هديل ماتت..
غادة تصارخ في محمد تبيه يرد عليها بس ماكان منه اي كلمة ..لحتى سمعت صراخ امها يتعالى في البيت..
نزلت تركض شافت ابوها واقف وامها متعلقة بجيب ثوبه وتصرخ..وعلي جالس على الارض حاضن جدته..
حنان ماكانت بعيد عنهم كانت تبكي بصووت عالي..
مسكت يد ابوها وناظرت فيه من فوق لتحت..بس ماشافت فيه شيء مستوجع..
مافيه الاوجهه هذا ماهو بوجه ابوي..بس الحمدلله هذا هو رجع..ليش امي تبكي ..وجدتي منهارة ليش..
لا لا لايكون عمي علي صار فيه شيء..ياويل حالي على عمي..
أم علي بحسرة\تكفى ياحسيييييييييييييييين تكفى رجعها حرام علييييك باقي ابيها بعدني ماشبعت منها
ياويل حالي ااااااااااااااااااااااااااااااااه
ابوعلي يضمها\انا لله وانا اليه راجعون الموت حق يا ام علي
غادة\من اللي مات؟
علي وقف واتجه لغادة وضمها والدموع على وجهه\هديل تطلبك الحل.
غادة هذا وش يقول هو صاحي لاماهو صاحي كيف يعني هديل تطلب الحل..صح انا شفت ابوي بس باقي ماشفت هديل.
سحبت نفسها من علي اللي ماتركها بس هي ضربته وصرخت عليه
غادة بغصة\ابعععععععععد اتركني علي اتركنييييي...ضربته على ظهره..ابعد عنييييييييييييييييي
بعد عنها بس ظل ماسك يدها..
سحبت يدها وراحت لابوها\يوبه يوبه وينك تاخرت علينا..وش اللي اخرك يوبه؟ ماعلينا المهم انت جيت
طيب وين هديل؟؟كل هذا تخلع سنها يعني..<<وبنظرات رجاء..يوبه وينها
ابوعلي بدموع\راحت ماعاد ترجع راااحت يا ابووك.
غادة بتوسل\يبه تكفىىى روح جيبها يوبه والله مالي غيرها لاتحرمني منها يوبه..علي رووح جيب اختي
علي تكفىىىىىىىىىىى رووح جيب هديل..يوومه قوليلهم يجيبوها..ابي اختي ابيييييييييها حرام عليكم
علا صراخ غادة وصراخ ام علي وكلاهما تطالبان برجووع هديل..
ام علي بنحيب\ليتني ماخليتها ترووح ليتني ماتركتها..كانت حاسة والله كانت حاسة انها مودعة
غادة\انتوا كذابييين كذابييين هديل ماتموت كيف تموت وتخليني انا اختها الوحيدة
هديل ماتقدر تموت وتتركني..انتوا ماتفهمون انا واياها مانترك بعض مانفترق.ماتموووت لااا ماتموووت
يومه تسمعين وش يقولون يقولون اختي ماتت يومه لاااااااااااااااااااااا لا لا ماتموووت مماتموووت يوماااااااااااااااااااه
علي كان ماسك غادة ويحاول يهديها بس هي مو مستوعبة مو مصدقة بمعنى ادق هي مفجووعة..
علي\غادة اذكري ربك يا بنت..حرام اللي تسوينه حرااام ادعيلها الله يرحمها
غادة بصراخ\لاااااااااااااااا ماتموووت انا مالي غيرها مالي غيرها لاتمووووووت هديييييييييييييييييييل
حنا خوات والخوات مايخونوا بعضهم مايجرحوا بعض اختي ماتتركني ماتخليني هدييل تعالي تعاااااااااااالي
ام علي غابت عن وعيها من شدة الصدمة وغادة ظلت على نفس الحال صراخ وبكاء يجرح القلب..


هناك قلب اول ماسمع ها الخبر احترق ذاب انكسرت روحه وعمت عيونه..قلب حنون قلب صافي..
ماحمل الا الحب لهديل أو هدييل على ماتسميها الجدة..
أفا والله ياهدييل تموتين قبلي تسبقيني على قبري الا ياالقاسية..وين حنيتك علي وين حبك لي..
يومك تموتين وتخليني..ماهو با العشم فيك تعذبيني وتقطعين قليبي..وش عجلك على الموت يا امك..
وش اللي خذاك مني ومن امك وابوك..توك ماقوى عودك تموتين..لمن تركتيني..
وهادي مافكرتي فيه من ينتظره مثلي ومثلك من يحارشني واقوله بومة وفال شين..؟
تموتين معقولة ياهدييل هنت عليك هانت عليك عسوولة ..
أبوعلي\يومه يومه اذكري الله انتي الكبيرة ماتخفى عليك حكمة رب العالمين..
الجدة\انا لله وانا اليه راجعون..لاحول ولا قوة الا بالله العلي العظيم..
اللهم اجرني في مصيبتي واخلف لي خيرا منها..
أبوعلي يبوس راس امه ويحضنها..بس مافاتته نظراتها له المليئة با الشك.
يستمر النحيب والحزن..وتم العزاء على انسانة تعيش حياة ميته..
انتشر الخبر الشين ..ومثل ماهو معرووف دائما الخبر الشين ينتشر بسرررعة الريح..بعكس الخبر الطيب..
شهد وصابها انهيار عصبي على موت الصديقة الغالية..أصحاب من ايام الابتدائية..مكتفين في بعضهم ..
صحيح لهم زميلات بس مايوصلون للعلاقة المتينة اللي تربط شهد وهديل..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مرت ثلاث ايام وهي محبوسة مثل السجينة تنتظر وللاسف ماهي عارفة وش ينتظرها..
من ليلة وصولها لهذا المكان ماشافته ولا شافت غيره..
تذكر قسوته لما نزلها من السيارة بهمجية وسحبها وراه لحتى دخلها بهذي الغرفة ورماها فيها بقسوة..
غازي\هذا سكنك ماتطلعي منه لحتى استدعيك أنا..ولاتفكري او يخطر في بالك اني ممكن اتسامح معك لو خالفتي اوامري.
اشتري سلامتك لاني بايعها..والملابس اللي عليك بالعباية في الزبالة فاهمة..
من صرخته ضمت نفسها وهي لامة شنطتها..حست فيه يقرب منها سحب شنطتها بقوة بس هي تعلقت فيها..
فك يدينها وشال الشنطة ..فتحها وصار يتامل محتوياتها..
غازي يبتسم بخبث\شايفك شايلة معك ذكريات من الوطن..لا ياحلوة انسي مابقى لك شيء غيري انا.
طلع والشنطة معه وهي تصارخ تبيه يرجعها بس هو كان مبسووط بقهرها..

خرج وقفل الباب بصوت جهنمي..ظلت جالسة على الارض تناظر حولها بجموود..ملابسي عباتي حتى شنطتي
ذكرياتي يبي يحرمني من كل شيء يخفف حنيني..مجنون اهبل يحسب اني بانساهم اذا حرمني اغراضهم..
قال مابقى لي غيره واللعنة اللي تلعنة ..

المكان مايليق بخادمة..
كان مثل الملحق صالة مطبخ تحضيري صغير غرفة ملحقة بحمام..
غريبة هذا سكن الخدم عنده..وهو وش يقصد اشتري سلامتي مافهمت عليه..الى الان ما استدعاني ..
ياربي يكون نساني ونسى وجودي..الثلاث الايام اللي مرت علي صحتني على نفسي..اذا كنت ضعيفة
وسمحتله بكل شيء يامر فيه راح ينهيني..اعرف نفسي خوافة بس لازم اتغلب على خوفي..
بس هو يخووف هو قاسي جلللف جدا..أجل وش تنتظرين منه غير القسوة هو ناوي يقهرك..
يارب توقف على القهر وبس..أنا خايفة على نفسي منه..
بس لو اعرف انا وييين..المكان مرررة روعة اللي اشوفه من الطاقة مزرعة كبيييرة تمتد على طول النظر..
وبيت كبير من الطراز الفكتوري القديم..يشبه بيوت الافلام..هذا وين عايش؟؟
الجوووو بررررد ماهو طبيعي طوول الوقت وانا متلحفة با البطانية ملابسي خفيفة ماتدفيني ومافيه تدفئة هنا..
حسبي الله عليه الحقير يبيني امووت من البرد ..حتى وقت الصلاة ما اعرفه ولا اعرف القبلة..
ياربي سامحني والله انا اصلي باتجاه ما ادري اذا كان القبلة او لا ياربي ذنبي برقبته هو ..هو السبب والله..
يا ابوي ياحبيبي كيفك الحين..تفكر فيني اكيد..امي واخواني معصبين علي بيقولون ليش سافرت
ولا عندهم خبر..يحسبون الدراسة اغلى منهم ااااه بس لو يدروون با الحقيقة..
فديتك علااوي ماترضى علي بشيء ومحمد حبيبي دووم نتهاوش بس حنوون مرة..
غادة ياغلاروحي لايزعلك غيابي بارجعلك يا الغالية مالي غيرك ومالك غيري..
عسووولة لبى قلبك الحين تدعي علي هههههههههههه على البوومة فال الشين..
بس ماعليهم هادي بيرجع لهم وينسيهم غيابي لحتى ارجع..بيشوفوني فيه مثل ماكانوا يشوفونه فيني..
عسى عمرك طويل ياعديل الروووح..
ابووي سراجي على درووب الألم..متعلقة بوعدك لي يوبه لا تتاخر علي..دورني وتعال رجعني.
أمي غناة الروح يوم الروح مغلووبة..ياويل قلبي عليك مانشفت عيونك على هادي زدتها بخبر دراستي العوجاء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
علي\ليش ماجبتوها ندفنها قريب منا ياعمي؟؟
ابوراكان\خلاص ياابووك الى متى بنعيد الكلام..ماتت بساعتها والديرة اللي كنا فيها مقطوعة لا ابراج اتصالات
ولا اسعاف مثل ماعندنا..حتى المستشفى عندهم لا ثلاجات موتى ولاشيء..دفناها وصلى عليها مطوع ومعنا رجاجيل من هل الديرة..
محمد بقهر\وانتوا وش وداكم ل الديرة؟؟ليش ماقلتوا لنا كان واحد منا وداكم
أبوعلي اول مرة يتكلم\وش كنت بتسوي كنت بترد الموت وقضى ربك..كنت بتحرص عليها اكثر مني..
ولاماني بمالين عينك يا الورع..
كان يتكلم بقهر وحرقت قلب ماحد منهم حااس با اللي في جوفه..
احزنوا الحين ابكوا عليها وعزوا..خلوني انا لحالي شايل حسرتها في قلبي..
اعتبروها ماتت وانكم تعرفون انها عند رب كريم..ولا تدرون انها بعرين أسد قاسي..
الله قادر ينسيكم اياها..وعسى ربي يصبرني عليها..عسى ربي يسامحني..
محمد يحب راس ابوه\استغفر الله العظيم..يوبه من حزني عليها من فجيعتي والله.
أبوعلي بصوت جريح\هديل الله يرحمها واللي يبي يعذبني ويقهرني يرجع يسالني عن موتها ..
ماعاد ابي احد يسالني عن موت هديل ارحموا حالي ارحموووها..
الكل سكت ولارفعوا عينهم فيه..احتراما لرغبت أبوعلي الكل بلع اسئلته بجوفه وكتم الضيقة بقلبه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


قامت من على السرير مرعووبة بعد ماسمعت الطق على باب الملحق..وش ذكره فيني الحين توني مصلية الفجر
وش ناوي عليه..طلعت ل الصالة بتردد ووقفت ماقدرت تكمل طريقها..بس سمعت صوت مفتاح في قفل الباب..
انكمشت على نفسها اكثر..شوي الا ودخلت عليها حرمه شايلة بيدها شنطة صغيرة..
الحرمه رفعت راسها وناظرت بهديل ابتسمت وقربت منها..
هديل وقفت بمكانها ماتحركت وهي توش الحرمه تقرب منها..مدت يدها بتلقائية لحتى تصافح اليد الممودة لها..
الحرمه\ماريا
هديل ماردت عليها ..الا بهز راسها فقط.
ماريا بانجليزية متكسرة\السيد يطلب حضورك,,
هديل\أين هو؟؟
ماريا\في القصر..
هديل هزت راسها\اوكى
ماريا مدت بالشنطة اللي بيدها على هديل..
أخذتها هديل فتحتها وشافت فيها بنطلونين جنز باهت ثلاثة تيشيرت ابيض سادة وملابس داخلية وحجاب واحد بس..
ماريا\استبدلي ملابسك بسرعة فا السيد يكره الانتظار.
هديل دخلت غرفتها طلعت الملابس وتاكدت انها نظيفة وجديدة من ال لاصق اللي عليها..
غيرت ملابسها بسرعة وارتباك لفت الحجاب على شعرها وهي تتذكر كلامه لما قال مايبيها تلبس حجاب..
زين انه خاف الله وعطاني حجاب الحقير..لبست عبايتها واحكمت الحجاب وطلعت.
مشت ماريا قبلها وهي مشت وراها..بس اول ماطلعت من الملحق صارت ترجف من البرد والخووف..
ناظرت حواليها المكان هادىء جدا..الشمس مالها نية تهزم الغيم وترسل اشعتها تدفيني..
وكأن المزرعة مهجورة مافيها احد..القصر قدامها تتمنى لو تغير وجهتها وتركض لجهة ثانية ومكان ثاني ..
والاكيد يكون مكان مايوصله غازي ولا يعرفه..
دخلت ورى ماريا المدخل الحجري البااارد باالصور الغامضة المعلقة فيه..البيت متااهة احس اني راح اضيع
أكييد راح اضيع..
فتح ماريا باب وطلبت من هديل تدخل..هديل سمت باالله الرحمن الرحيم ودخلت والرجفة تنفضها من فووق لتحت..
غرفة كبيييرة مكااتب ضخمة انارة خفيفة الطاقات طويلة ومقفلة.. تحس المكان مخنووق مافيه هواء..
رفعت عينها ل الشخص الجالس على مقعد منفرد يقراء بأوراق وغير مبالي ابدا بدخولها عليه..
بعد عشر دقايق رفع راسه وناظرها بحدة..اخترعت من نظرته وتراجعت خطوة..
وهي تسب نفسها على ضعفها وخوفها..ظل يناظرها بنفس النظرة المخيفة وهي منزلة راسها..
غازي\أنا قلت العباية هذي في الزبالة..
هديل تبي ترد تبي تهااوشه بس مو قادرة الخووف سلطاان عليها..
غازي يكمل\اول ماتطلعي من هنا ترمي العباية وانا ما اعيد كلامي..اسمك ماراح يظل كا المعهوود<<مايبي ينطق اسمها
راح اغيره..من اليوم ورايح اسمك رسل وبس لا أب لاأم ولا اخوان ولا قبيلة ولا حتى دولة تنتمين لها رسل وبس.
رفعت راسها بقووة وناظرت فيه بصدمة..
اسمي يبي يغير اسمي..مصدق نفسه هذا عاايش الدور صح..
كانت تفكر وغازي مستمر بالكلام\ماتنتمين الا لي انا..كل شيء يخصك راجعلي..انتي جاريتي محكومة بامري
مفهووم يارسل .
لا والله ماتطووول تغير اسمي وتمحي هلي وربعي لي اهل غصبا عليك وماراح تقدر تحذفهم من حياتي..
احكي تكلمي ياهديل لا تخلينه يقضي عليك بسبب ضعفك وخوفك منه..راح تعيشي معه جاارية عنده ..
لا تسمحي له يهينك ويمتهن انسانيتك وحقوقك..حافظي على اسمك اهم شيء تملكينه ..
غازي بصرخة\قولي اسمك.
هديل\هديل اسمي هديل حسين الجاسم لي ام واخوان ولي قبيلة وربع وهااامة..
غازي عقد حواجبه وكان كلامه صدمه وماكان متوقع منها ترد عليه بها الشكل..
غازي بامر\تعالي هنا.
هديل قربت منه وهي ترجف بس خلااص وقت الخوف فات لازم تظل على موقفها وتدافع عن اسمها وكيانها..
وقفت قدامه وعيونها بعيونه ..كان يبي يكسر عينها بس هي ظلت معلقة عينها بعينه ..
غازي\اسمك.
هديل بتحدي\هديل حسين الجاسم.
اول ما انهت كلامها..
ما انتبهت انه في لحظة بس رفع رجله وبكسها بجزمته بكل قوة على بطنها..
لحتى طارت وضرب ظهرها بالطاولة اللي وراها..
تحس بحرييقة تحرقها من جوة الللللللللم ماعمرها ماحست فيه..
لفت يدينها على بطنها وصدرها من الوجع وصارت تأن وتبكي بصوووت مكتوووم..
وقف وتوجه لها\حذرتك من التحدي وقلتلك اشتري سلامتك..احذري تراديني او تخالفي شوري يارسل
قفا عنها وراح يبي يطلع من المكتب بس سمع همسها له.
هديل\ه هدي هديل اس مي.



كونوا بخيــــــــــــــــــــــــر ,,,


صدووود’’’





ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ


البارت السابع,,,


تسألين : كيف أعرف عنوانك؟!
كيف أجهله ؟
عنوانكِ حيث تأوي العصافير مجهدة تشقشق بعد رحلة نهار طويلة ..
عنوانكِ حيث تتفتح الورود في ربيع دائم بلا شتاء ولا صيف ولا خريف..
عنوانكِ حيث تؤوب الأمواج لتستريح من عناء المد والجذر..
عنوانكِ في تلك الغيمة البعيدة التي تزورها القمر خفية كيلا تغار الشمس..
وإلى عنوانكِ تصل قصائدي..
أما أنا لا أستطيع الوصول ..
وكيف أصل إليك؟
وأذني لا تسمع شقشقة العصافير..
و شذا الورود ضاع من ذاكرتي..
وعيني لا ترى الأمواج العائدة ..
والسماء لا تعرفني على غيومها..
كيف أصل إليك؟
وبيننا هذا العالم المحنّط المثلج .. يسد الطريق..
وبيننا هذا الآدمي الماكر.. يسد الطريق..
وبيننا القرون والعصور والأحقاب .. تسد الطريق..
عنوانكِ؟؟؟
من قال إني أعرف عنوانك؟!!!


المرحوم .باذن الله .غازي القصيبي ,,,



غازي\اسمك.
هديل بتحدي\هديل حسين الجاسم.
اول ما انهت كلامها..
ما انتبهت انه في لحظة بس رفع رجله وبكسها بجزمته بكل قوة على بطنها..
لحتى طارت وضرب ظهرها بالطاولة اللي وراها..
تحس بحرييقة تحرقها من جوة الللللللللم ماعمرها ماحست فيه..
لفت يدينها على بطنها وصدرها من الوجع وصارت تأن وتبكي بصوووت مكتوووم..
وقف وتوجه لها\حذرتك من التحدي وقلتلك اشتري سلامتك..احذري تراديني او تخالفي شوري يارسل
قفا عنها وراح يبي يطلع من المكتب بس سمع همسها له.
هديل\ه هدي هديل اس مي.
لف بجسمه عليها وكان ناوي يرجع لها بس تراجع وطلع من المكتب ..
هديل ظلت على الارض حاضنة نفسها..تحاول تخفف من الوجع اللي شاب في صدرها وبطنها..
موقادرة تتحمل الالم..تحس الدم بيطلع من فمها..تتلوى بشكل يقطع القلب وتئن بصووووت مخنووق..
حست بيدين تحاوطها وتحاول ترفعها عن الارض..صرخت برعب وانكمشت على نفسها..
هديل بوجع\لاااااا ابعد عني لاتلمسنييييييييي اااااااااه
....\بسم الله ماتخافي أنا فرح راح ساعدك توقفي
هديل سمعت صوت انثى وتطمنت انه مو غازي ..بس ماقدرت تكتم الالم
فرح\شوصار معك؟؟ شو وجعك؟؟
هديل تئن مو قادرة تتكلم الا با الهمس\با استفرغ مو قادرة اااااه
فرح\قومي معي تئبريني قومي راح اسندك ليكي فيه هون حمام
حاولت هديل توقف بس ارجولها مو شايلتها من الرجفة والضربة بظهرها مو مساعدتها ابدا..
هديل\مو قادرة اااااااه اااااااااااااه
فرح لفت يدينها حوالين خصر هديل ووقفتها سندتها حتى دورت المياه ووقفتها عند المغسلة..وظلت ماسكتها
بينما هديل حست روحها تطلع من شدة الحرقة اللي في بطنها..
هديل\اااه احس رو روحي ااااه بأموووووت يووومه تعاالي اااه
فرح\ماتخافي انا حدك انتي قوليلي من شو عم بتتوجعي وانا راح اتصل با الدكتور
هديل ماردت عليها ظلت تبكي وتتوجع ..ساعدتها تطلع من الحمام كانت راح تجلسها في المكتب..
بس هديل ترجتها تطلعها وماتتركها لوحدها..
هديل\لا ما ابي اظل هنا ما ابيييييي طلعيني ما ابي <<تعلقت فيها وهي تبكي بألم
فرح\طيب راح نطلع بس بدي اياكي ترتاحي شوي
هديل توقف وهي متمسكة فيها\لا ما ابييي اشوفه ما ابيييي طلعيييييني بيرجع يضربني ما ابييييي
فرح بارتباك\اوكى تعي معي ماتخافي
رفعت راسها للي جالس ورى هديل على مكتبه\عن ازنك استاز غازي
هديل طاحت على الارض من عرفت انه موجود وفرح تحاول تسندها..بس ارجولها ماقدرت تثبت من الخوف..
الحقير موجود هنا..وش يبي اكيد بيرجع يضربني..ما اقدر اتحمل الضرب لااا ما اقدر ..والله عورني بمووووت
من الالم..ابي اهرب منه ابي اهررررب..يومه وينك..
فرح\ياقلبي خوفتيني..استاز غازي البنت تعبانة كتييير..شو أعممل؟؟؟؟
غازي ماكانت له اي ردت فعل ..كان يراقب كل اللي صار وهو جالس على مكتبه..من اول مادخلت فرح
ووقت ما استفرغت هديل يسمعها وهي تتألم وتنادي أمها..وخوفها من رجوعه وضربه لها..
وقف واتجه لهم جلس على ركبه قدام هديل وهي لمت نفسها بيدينها..قرب منها رفع وجها بيده وناظرها بقووة..
غازي بصوت هادي\ماأبي اضربك او اوجعك..اللي صار اليوم لاتخليه يتكرر لمصلحتك..
اشتري سلامتك يارسل..احمي نفسك قد ماتقدري..لاتعانديني تخسرين الكثير..
هديل كانت الدموع عابثة بوجها وعيونها..الوجع اللي تحس فيه من جوه ظااهر على ملامحها المتألمة..
وقف ومد يده يبي يوقفها بس هي ضربتها وبعدته عنها..
غازي\فرح وديها ع السكن تبعها..
وقفت با الغصب وهي منحنية على قدام ومتمسكة بفرح بقوووة..ماتبي تظل معه..أو تشوفه..
طلعوا من المكتب وهو يراقبهم بغضب..
وصلت لسكنها سدحتها فرح على سريرها وغطتها من البرد اللي مجمد الغرفة..
فرح تناظر حواليها\ييه انتي عم بتنامي هون؟؟
هديل هزت راسها بوجع\ايه
فرح\راح شغل التدفئة المكان بارد كتيير
حاولت تشغلها بس كانت عطلانة..
فرح\راح خبر الاستاز غازي عن التدفئه مشان يصلحوها
هديل برعب\لااا لا تقوليله شيء ماله دخل
فرح\انتي كيفك هلا؟؟لساتك موجوعة اتصل با الدكتور؟
هديل بتعب\راح اكون بخير لاتشيلي هم راح انام
فرح تبتسم\اوكى انا لازم رووح هلا عندي شغل كتير..
هديل\الله معك.
طلعت فرح وقفلت الباب بعد ما اكد عليها غازي تقفله..اول ماسمعت هديل صوت المفتاح انهاارت
تبكي وتشهق من الوجع والخوف..والسجن اللي تعيش فيه..
ياويلك ياهديل هذي بدايتها مارحم ضعفك ولا غربتك..كان بيقطع احشائك كان بيذبحك بركلة منه
يااارب ماهقيت ان هذي بتكون معاملته..مو الضرب ياربي مو الضرب ما باتحمل الضرب
اااااااااااااااه يوبه تعااال ما اقدر اصبر عليه والله ما اقدر..هادي حبيبي تعااال بيذبحني..
ليتك قتلته هو وتركت اخووه ليتك قتلته بينتقم منك فيني بيذبحنيييييييييي..



............... تكملة الجزء الثاني ..............

0 التعليقات:

إرسال تعليق