اخذيني لاعجبتكـ بس ردّيني الجزء الرابع

مشعل دخل الغرفه وهو ينهي المكالمه : مشكوره صبا ,, فمان الله
فواز انتبه والتفت على اسم صبا وشاف مشعل وجهه منفعل حيل : شفيك .. مشعل ؟
..... : ابد .. انت اللي شفيك .. كأن فيه شي مو عاجبك
فواز التفت وكنه مستحي منه : تكلم صبا ؟ ... عيب يامشعل ..
مشعل وكنه ناقص .. رد وهو يرمي نفسه ع السرير : كانت تقول لي كلام اوصله لابوي لانه نايم
..... بثقه : كذاب ..
زفر مشعل : فواز شتبي ؟
فواز قام واقف يصلح بلوزته : البيت .. ابي ارجع ..
مشعل رفع ظهره ووجهه ضايق : ليه فواز انا ضايقتك بكلامي صح ؟
فواز ابتسم وهو ماسك الباب : تكلمها ليه ؟ عيب تكلم عييييب .. انا احبها .. بس ماكلمتها ..!
مشعل طاح وجهه وبنفس الوقت استغرب ان فواز يحب صبا بس ماحب يسأله شكله غار , فابتسم : خلاص يامرايتي ,, آي آم سوووري ..
نزل فواز جسمه يربط شوز بوما الكحليه : في امريكا تحسب نفسك .. مسلمين احنا ..!
مشعل قلبه ذاااب من عتب ولوم صبا والحين فواز .. فقام رايح للباب شايل معاه مفاتيحه : آسف فوازي خلاص ماعيدها ..
فواز انشرح صدره : طيب ,, بس عشانك ,, قلت فوازي .. زي فدوى .. !!!!!


في المدرسة

ساره وهي تعلك بطريقة قروية : ابلتنا الأوّليه احسن
نوره : ايه والله ابله علياء ياحبيلها عند ذي .. بس حسافه خلوها تدرس ابتدائي
ساره : لا مو مره حلوه احسها تتكشخ كنها رايحة لعرس وخشتها كلها مكياج
..... : اصلا يقولون انها ماخذه اجازه اظاهر بتعرس
..... ساره وهي تطلع صوت بالعلك وتحرك يدها : بتعرس الله يوفقها شعلينا منها
نوره وهي تنفض بقايا الشبس من حضنها : مو كانت ديم تقول انها تصير اخت صديقتها ؟
..... بدون اهتمام : الا بس مالت عليهم .. انا ديم تقهرني احيان
..... : ليش
..... : مادري شايفه نفسها ,, يعني هي اللي تربّت بمزرعة وعاشت هناك والحين مسوية نفسها جايه من امريكا .. وبعدين خالتي نوال ليش تخطبها لولدها والله احنا احلى ..
نوره عفست وجهها : من زينه هو عاد .. واصلا ماصار شي شكلها بس كذا
ساره وهي تحلم : الله لو انا اتزوج ثابت ,, وانتي شهاب ,, وسعد اخوي ياخذ ميثه اختهم كان وناااااسه
نوره شقت الضحكة : ياليت ... !

[ الرصــاصي او الرمادي .. فتور وبرود .. إلى حد الملل والضيق .. يحتاج له لون ثاني ينعشه شوي .. ! ] ..


في بيت ام ياسر .. جلست ام ياسر وجلست العيال قدامها تحاول تفهمهم الموضوع ..

ياسر ببراءه : يعني الحين انتي قلتي ايه ؟
ناصر هو الثاني : يعني انتي بتتزوجين ؟
ام ياسر تحاول يكون الموضوع هادي ومافيه تعقيدات : ان شاء الله
ياسر قام وتكتف : مانبي
ناصر قلد نفس الحركه : وبعدين ,, يقعدون اصحابنا يسألون ليه يكتبون لكم اسم ابو في المدرسة وابوكم اللي من اول واللي مات اسمه غير ,,
...... : تروحون تجيبون لنا واحد ثالث بعد
ام ياسر : ياحبايبي هذي سنة الحياه .. انتوا تحتاجون لابو بعد محمد الله يرحمه
ناصر والدمعه بعينه : لا .. انتوا قلتوا لنا ان ابونا وامنا الصدقيين ماتو في حادث وانتوا اخذتونا عندكم
ياسر يكمل : ايه ايه ,, وبابا محمد الله يرحمه صح كان تعبان بس كان يحبنا ,, شيدرينا هذا اللي تتزوجينه يطلع زين ومايضربنا هااااااه ؟
ام ياسر بهدوء : لا الرجال سائلين عنه .. وانا والله مايهمني شي كثركم انتم .. ماتبون ماعندي مانع بكلمهم واقول رفضت
سكتوا شوي بعدها قال ياسر وهو طالع الدرج : اذا ضربنا تخلينه يطلقج طييييب ؟
ناصر وراه : ايه واذا جا يعني اذا تزوجتيه لازم هو يجيبنا من المدرسه عشان نوري الناس ان عندنا ابو
خنقتها العبره بس هزت راسها وابتسمت
ياسر : وبعد يشتري لنا سوني جديد
ناصر يأيده وهو يركض لفوق : ايه ..
[ حــيــاة ياسر وناصر .. ينقصها تواصل اجتماعي وانفتاح .. وعدم خوف من نقد او كلام الآخرين .. يعني .. يبيلها كم شخطه باللون الأصفر .. ! ]

ابو فهد معصب : يافوووواااااز تعال ساعدني
فواز نزل ركض : سم
ابو فهد وراسه ورا الدولاب يحاول يصلحه .. : هات السكروب
اخذ له دقيقتين يحوس ويحاول يتذكر وشو السكروب .. اخيرا لقاه واعطاه ابوه ..وقام ابوه يحوس شوي لين زهق ومد اغراض العدّه لفواز
فهد جاي لعندهم : ها وش فيه
ابو فهد ضاق خلقه : مكسور شكله
فهد زفر وراح يشوف .. اما فواز مازال ماسك السكاريب بيده ..

فواز ببراءه : احطهم ... وين ؟
فهد يستهبل : سؤال غبي ..! حطهم بفيش الكهرب .. !!
فواز وبدون أي تفكــــير .. نفذ اللي قال عليه فهد بالحرف الواحد .. !!

[لأنه وبكل بســــاطه .. .. برئ ,, مســـــــالم .. وطيّب .. لأنه غالبا فردي وانعزالي .. لأنه حاس بالانطوائية .. فهو فواز .. الأبيض .. ! ]

فهد صرخ : يلعن اممممممممممم الغباااااااااء
فواز ولسّه متجمّد من الكهرب اللي مسكه ..
ابو فهد : وش فيه ذا
فهد وهو يسحب يد اخوه ويرمي السكروب في الارض ويهزّه من كتفه : هآي .. هآآي انت
فواز رجع لوضعه بس لسه يده تحت التأثير , وفهد رجع يخانق : ماتفهم انت ؟ استهبل عليك تقوم تصدق .. ؟ احد يدخل سكروب بفيش كهرب
فواز : انت .. انت قلت .. لي
فدوى من وراهم باستغراب : شالسالفه ؟
فهد مشى طالع : شوفي اخوج
وقفت فدوى قدام فواز وارتاعت من شكله : فوااااز شفيك
فواز وهو يحاول يحرك يده : الكهرب ,, فهد قال لي ,, والله
فدوى خنقتها العبرة ومدت يدها صلحت شعره اللي وقف شوي من قدام : منت صاحي يافهد ..!وربي انك ... آآآآخ ماني قايله بس ..
فواز : يدي تعورني .. فدوى ...!
[فواز برضو يبي له لون اخضر لو على الهامش .. يمكن يقدر يسيطر على نفســه .. ] .. !


طلع فهد وركب السيارة .. وعلطول اتصل ع رهف

رهف : حياااااااااتي والله انت مانسيتني
فهد بابتسامه : وانا اقدر انســـاج ؟ انتي ماتغيبين عن بالي ثانيه وحده
يقالها انحرجت : هههههه فهد
..... : عيون فهد
..... : كلمت اهلك ولا لا
# ماشاء الله تعرف تسوي ثقيله ..

فهد بصدق : والله ناوي اليوم اكلمهم بس قلت في الليل ان شاء الله بفاتحهم بالموضوع
رهف : يافهّودي انا خايفه انهم مايوافقون
..... : بقول لهم اخت صديقي ولا بشوف لي صرفه ثانيه ان مامشت عليهم ..
..... : ياي وربي مو مصدقه متى يجي الليل بس .. آآه يافهد وربي اني اتمنى هالشي من كل قلبي
..... : مو اكثر مني والله .. اخ نفسي اكلم اهلي الحين الحين بس اعرفهم مايتفرغون الا بالليل ويروّقون ..
..... بمصاله : معليش معليش احنا صبرنا كثير .. نصبر ان شاء الله لليل ... الله يصبر قلبي بس .. ياربي مره احس اني بدوخ واموت كل ماتخيلت اننا بنتزوج ونعيش ببيت واحد ههههههههه
ابتسم فهد : ان شاء الله نحول هالخيال لواقع .. باقرب وقت ..

[ باختــــصار .. فهد ورهف .. هم علبة الألوان الفاضية .. !! ] ..

[13]

(شبّ الفحــــــم .. وهات البخـــور .. !! )

مساعد وهو يدخل الشقه : الله الله شالحلاه شالزين
علياء ابتسمت وهي تطالع نفسها .. لابسه بنطلون وبلوزة بيضا كت ساااده ..
مساعد قرب لها يطالع فيها من فوق لتحت : احب البساطه انا
علياء حمرت : الله يعيني عليك ,, انا ماحبها ..
ضحك : اعلّمك تحبينها ؟ شرايك
هجّت علياء للمطبخ من شافت نظرة الخبث بعيونه .., وهو ضحك وراح يبدل ملابسه وهو يحمد ربه وللآن يضحك كل ماتذكر خوفه باول يوم واللي كان كله من مكياج .........
صح بعض المخاوف .. غبيه ..! وتافهه لدرجة أنها تحـــرقنا مثل الفـــحم .. وتتبددّ بســــرعه . مثل البخور .. !

في الامارات

ميثه قامت مفزوعه : شوووووووووووووووووووووووووووو ؟
نوال بهدوء : سعد مافيه شي
ميثه قرفانه : وع يلوّع الجبد
شهاب وهو لاهي بالتلفزيون : قصدج شكله
ميثه : لا لا كله على بعضه
ثابت ابتسم : ياميثه مايصير جي ,, مو انتي تحبينهم بتكونين جريب منهم
ميثه وهي تتخصر : لا مو هو واخواته انا احب ديم بس , تبونا نقرب منهم انت روح تزوج ديم اما انا سعد هذا ماريده
ثابت ضحك ع طريقة كلامها وقال بهدوء : مالج خص بديم , عليج بسعد
ميثه تكتفت : شيبي فيني مالقى غيري يعني عمى بعينه
نوال : امه تقول انج معجبته حيل ,, يقول حتى البنت كشخه وذوق
..... عصبت : ماشاء الله الاخ لحق يلقط كل هذا من اخر مره رحنا فيها ,, صج سبال
...... : يابنتي فكري ع الاقل
..... : يمه تبيني اعيش معاهم ؟ هذووووول بدو قرااااااااااوى
... شهاب وهو يحرك الملعقه بالصحن : الميث لاتصيرين سطحية جيه
...... : سطحيه بكيفي انت ماشفت خواته عشان تقول جيه
...... : بلى

انصدم الكل والتفتوا له وهو انتبه اول ماحط الملعقه بفمه , واول مابلع قال بهدوء : شفتهم بالغلط ,,
ميثه ويدها على خصرها : وكيف حلوين ؟ اعجبوك ؟ نخطب وحده منهم لك
شهاب حط الملعقه : لاااااا ماريد
..... : شفتي يمه , حتى شهاب شايفهم وعايفهم
ثابت بعقل : مو شرط يظلون جيه هم بعدهم صغار
شهاب قام واقف وهو يشرب بقية العصير : طيب تزوجيه وتطلعين انتي اكشخ وحده بينهم ويشوفونج ويقلّدونج ..
...... : لا ! هذا سعد عينه زايغه شللي يضمّني انه اذا تزوج مايطالع باحد غيري , بموت بقهري وغيرتي
ثابت وهو يحوس لها شعرها وهو طالع ورا اخوه : يعني ماتقدرين تخلينه مايطالع بغيرج
...... : .......
غمز لها ثابت ولف لامه وابتسم .. وطلع ..




ديم : لولولولولولوولولولولوولولولولييييييييش الف الصلاة والسلام عليك ياحبيب الله محماااااااااااااااااااااااااد ,, ماصدقنا وااااااافقوااااا
حمود ضحك : بعد طقّي ورقصي
ابراهيم ابتسم ووجهه احمر .. اما ديم راحت لابوها ضمته وهي تضحك ..
حمود : وانا باركي لي ترى ابعرس هههههههههههههههههه
ديم ضحكت ومن الوناسه راحت لجدها وضمته

ابراهيم بضحكه : ديم انتبهي لاتشيلينه وياج ههههههه
ديم ضحكت من قلبها ع جدها قصير ونحيف وحالته حاله وهي فعلا من فرحتها شوي وتشيله
حمود : بس يابنت فقصتيني
ديم : سوووري بس فرحاااانه هههههههههه
حمود جلس ع الارض ومغط رجوله : يللا اجل همّزيني
ابراهيم : بس يبه ترا البنت بتزهق منا
ديم ومن سعادتها ماهمها : لاا شدعوه ,, (وراحت لجدها تهمّزه )
وجيني في المطبخ سمعت واحترررقت من القهر .. شوي الا ديم داخله للمطبخ تفتح الثلاجه تدور شي تشربه

جيني تستعبط : ايس فيه فيه صراخ ؟
ديم : مالج شغل
جيني عصبت .. وديم راحت جمبها تفتح الدولاب تطلع كاس : ديور الجديد ولا اللي قبله ؟
جيني : سنو ؟
ديم وهي تشرب العصير وترد بتطنز : العطر .. اللي انتي حاطته .. ديور صح ؟
جيني بثقه : ايوه
ديم حطت الكاس طالعه : ايه يصير خير , اتحدى اذا ماكان من محل بو عشره ..!
جيني ضربت رجلها : يصير كير أنا يورّي انتا .. ويورّي هذا بابا مايبي انا ..
راحت ديم وهي مبسووطه .. بس بما ان ابوها وام ياسر ثنينهم كبار .. رح تكون ملكه وحفله صغيره بس .. وبعدها رح تجي لعندهم .. دق تلفون البيت وراحت ديم ترد بحماس : الووووووو
ولاء من الطرف الثاني : الوووووين
.....استغربت : منو ؟
ولاء : انتي ديم اكيد .. صح ؟ انا بنت ام ياسر
.....تفشلت : هههههه اهلييين هلا والله , شخباركم
ولاء : الحمد لله تمام انتوا شخباركم ؟ مبرووووك زواج أبوج
.... : مبروووووك زواج امج
الثنتين سوا : هههههههههههههههههههههههههههههههههههههههههههههههههه
ولاء : هههههههه شنو هذا شالدنيا هذي ؟
..... : ههههه مادري , مارح تجون من الرياض ؟ فكّوا عنها شوي
ولاء : هههههه بلى ان شاء الله الاربعاء جايين للملكه ان شاء الله
.... : شدعوه تعالو قبل
..... : مانقدر والله دوامات تعرفين
..... : اممم صح الله يعينكم ..
...... : طيب انا استأذن الحين دقيت ابارك بس ,, باركي لابوج وجدج ترا استحي اكلمه ههههههههههههه
...... : عادي انتي متزوجه صح ؟
..... : يسسس بس استحي بكيفي
..... : يابنت بيصير زوج امج ليش تستحين
..... : كيفي يختي استحي وبس ..
..... : هههههههه تكككفين بس .. (وسكتت شوي ) عادي ترا شكلي خذت راحتي وياج هههههههه
ولاء : اوووو عاااادي حتى انا حسيت انج صديقتي منذ اول وهله
.... : ههههههههههههههه احلى يا أول وهله .. طيب انتي قدي صح ؟
..... : اممممممممم لا انا اكبر منج بسنه اظاهر ..
..... : اها , نو بربلم .. وميييين هذي النونو اللي تصيح عندج
ولاء وهي ترفع جوري لحضنها : وين نونو جوري عمرها 5 سنوات بس دلوعه من تشوفني ماسكه التلفون الا تبي تكلم كل العالم ..
..... : وه ياقلبي عشان كذا تصيح ؟
..... : ايه عفست لها وجهي وأشرت لها تروح عني وصاحت ههههههههههههه
...... : يعمري عليها هاتيها بكلمها
ولاء : تحملي اللي يجيج اجل .. هاج ..
ديم تحمست : الووووو جوري
جوري بنعومه وهي تلعب بشعرها : الو.. انتي .. مين ؟
رفعت جوري السماعه وطالعت امها : ماما .. مين هذي؟
ولاء : ههههههههه.. هذي تصير .. امممم بنت زوج ام امج .. (نفضت راسها ) اقول هاتي بس
ديم : ههههههههههههههههههههههههههههههههههههه ياخال ابوي حك ظهري ههههههههه مسكينه شكلها تعقدت .. بوسيها بليز
.... : ان شاااء الله , يللا حبيبتي سلمي عليهم ونشوووفكم ع خير
.... : ان شاء الله ,, فمان الله
سكرت ديم والتفتت لهم وهي شاقه الابتسامه

حمود : هالحين من متى وهي صديقتج هاااا ؟
ابراهيم بهدوء : هذي بنتها ؟
حمود : انت يالمستحي مسوي نفسك ماتدري .. ايه بنتها
ديم خلاص بتتقطع ضحك : تبارك لكم تراها
حمود وابراهيم : الله يبارك فيها
ديم : والاربعاء بينزلون الدمام ..
حمود بأمر : اجل قوم اتصل على رجلها عطهم وصف البيت
ابراهيم : ان شاء الله ..

مشعل في الجهه الثانيه .. كان يدور بغرفته محتار كيف يضبط الموضوع .. اخيرا نقزت في باله فكره وعلطول راح اخذ جواله واتصل

...... : هآآي آنت (عمتي ) مضاوي
مضاوي : هههههه مشيعل ؟ حسبي الله على بليسك
مشعل ضحك : شخبارك عمتي ان شاء الله بخير
..... : الحمد لله , مشيعل اخلص شتبي ؟
مشعل : ههههه مره ماخذه فكره عني اني مصلحجي
..... : يعني تبي شي ولا ؟
...... : هههههه الا والله , اسمعي (وقال لها الفكره )
مضاوي : والله ياولدي فواز احبه حيل واحب قربه بس فاطمه اختي الله يهداها ماتحب تخلي احد يحتك فيه
..... : يعني موافقه ع الفكره ولا لا ؟ عمتي ابيج تساعديني
..... : ان شاء الله من عيوني والله
..... : تسلمين
..... : مشعل , كل هذا عشان فدوى ؟
تنهد مشعل وابتسم : حتى انتي ياعمتي تقولين كذا ؟
.... : ايه , انا ادري انك تحب فواز بس فدوى هي السبب الرئيسي صح ولا ؟
...... : .......
...... : لاتستحي يامشعل , مافيها شي .. اذا انت تبي شي من هالدنيا لاتتوقع انها بتعطيك اياه .. لازم انت تكون اناني شوي .. وتتحداها
..... : صح كلامج خالتي



ومايدرون عن فواز وفدوى ..!

رهف : فهووود قلبي يدق بقوه كل ماقربت الدقايق
فهد بهدوء : معليه حبيبتي الحين بدخل البيت وبكلمهم .. خليج جمب الجوال .. عشان ابشرج ..
..... : مره واثق انهم بيوافقون يافهد ؟
..... : ان شاء الله , هم من زمان يبوني اتزوج
سكر فهد منها ودخل البيت نافخ صدره .. وكان الكل مجتمع في الصاله وهالشي سهل عليه الموضوع .. دام اخوانه موجودين خلهم يعرفون مره وحده .. هو الكبير والمسيطر ماحد يقدر يمنعه عن اللي يبي ..

فهد : يمه ..
ام فهد : مصمّه .. شتبي
فهد وبعد مالتفتوا عليه الكل : كنت بقول لكم .. ابي اتزوج
ام فهد علطووول رفعت يدها تتطنز : لولولولولولييييييش مابغيت
ابو فهد وحاس بارتباك ولده : صبري يامره ,, من هي بنته اللي تبي تاخذها ؟
فهد بارتباك حاول يخبيه : اخت واحد من ربعي
فواز وفدوى منصتين بهدوء .. .. وابو فهد قام يسأله ..
..... : شيقال لهم ؟
فهد منحرج شوي : الفلاني ..
ابو فهد : شسمها ؟
...... : رهف
فواز طلع من سرحانه يركز بكلام اخوه .. من قال اسم رهف ....وحاول يتذكر هو وين سمع اسمها فيه ..
..... : وش معنى هي بالذات انت شايفها بمكان ؟
..... فهد حاول يدور تصريفه : لا ,,ها .. ؟ مره بالغلط وبصراحه ... اعجبتني ..
ابو فهد عصب : وانت تحكم ع البنت من شكلها ,, اهم شي اخلاقها
# والاخلاق عاد ..!

فهد : ليه يبه انا اعرف اخوها ورجّال وانت أسأل عنهم ..
ابو فهد كنه مو مقتنع : لا لا ,, عندك بنات العايله كثار .. لاتاخذ من ناس مانثق فيهم
فهد انقهر وتوّه بيدور كلام .. الا وينط فواز : حرام ..! خلوه يتزوجها .. خلوه
فهد انبسط لانه لقى احد يوقف معاه حتى لو كان فواز ,, اما ام فهد صرخت ع الولد : وانت شدخلك فيه يتزوجها ولا مايتزوجها ..
فواز مقهور : هو يحبها .. خلوه ... يتزوجها
فهد طلعت عيونه من كلام فواز هذا ناوي يفضحه بغباءه
ام فهد رفعت حاجب : وتحبها بعد ؟ من متى ان شاء الله ؟
فهد حاول يدافع عن نفسه : لاتاخذين ع كلامه يمه , ماعليج منه , انا اقول لكم عجبتني والاخ يفهم على كيفه هو ومخّه ذا ..
ابو فهد عصب : فواز شقصدك يحبها تستهبل انت ؟
فواز قام واقف : مسكين ,, يكلمها كل يوم ,, يحبها ,, يبوسها .. احبج رهف .. رهف عمري .. حياتي رهف .. مسكين يحبها ... يتزوجها خلّوه
ابو فهد قام واقف ووصلت معاه : بعااااااااااد .. تكلمها وتحبها بعد هاااااه ؟ وحركات قلة حيا بوس ومادري شنو
ام فهد هي الثانيه عصبت : لا لا منت صاحي .. احلم بس , تبي تتزوج لك وحده من اللي تعاكسهم وتنصب علينا
فهد قام واقف وراهم يحاول يجلسهم ويصرف الموضوع : لا لااا , يبه يمه هدّوا شوي انتوا مصدقين هالخبل هذا ..
...... : انا .. مو خبل ..
فدوى : فهد انت تعرف ان فواز مايكذب ..
ابو فهد قام يصارخ : اسمع عاد ,, كلامي مارح اثنّيه .. هالبنت لاتحلم تتزوجها
فهد بترجي : يبه احبها والله احبها ..
ام فهد : ماعندنا شي اسمه حب ,, هذي تنصب عليك وتلعب معاك .. وزي ماتكلمك اكيد تكلم غيرك , وبعدين حظرتك رافع الكلفه معاها ذي ماتستحي على وجهها .. وجهها مرشوش بمرق
ابو فهد : اذلف عن وجهي هالبنت منت متزوجها ولا والله اموت وانا غاضب عليك
ام فهد تمشي طالعه : هذا اللي ناقص بعد
فهد غمض عيونه وكنه يمنع نفسه ينفجر .. وشوي لما حس بالقهر مالقى نفسه الا يمسك فواز بعنف من بلوزته ويصرخ فيه : انت حماااار ,, شسووووويت انت شسوووووويت
فواز ببراءه وخوف وهو يرجع على وراه : انا اقولهم , ,,, خلوه يتزوجها
..... : لا انت حيوان .. انت متخلف وغبي .. انت خربت علي كل شي .. انت دمرتني .. غبي ماتفهم غبي وبتظل طول عمرك غبي
فواز وهو يحاول يفك يدين اخوه العنيفه : انااااااا مو غبي ,, احبك والله .. ابيهم يخلونك .. تتزوج
فدوى جات بينهم تمسك فهد تحاول تفكه بصعوبه والاثنين متشادين سوا .. فهد لما وصلت معاه فك فواز بقوه طيّحته ع الارض : انا اوريك يافواز .. اوريك
فدوى تصارخ : فهد حرام عليك هو مو قصده مسكين يبي يتوسط لك ماله ذنب
.... : خلّ ينطم بس ,, قالت ماله ذنب .. الحين ابوي وامي حلفوا ماآخذ البنت اللي احبها بسبّة غبائه , يعني خلاص انا انهدمت كل احلامي وامنياتي ,, وبسبة مين .. بسبب هذا .. الله ياخذك ان شاء الله وافتك منك
فواز والدمعة بعيونه : الله ياخذني .. وتفتك مني .. (وقام واقف ) احسن اموت احسسسسن
فهد راح لفوق وقلبه محترق ويحس انه وده يقتل اخوه .. ماله وجه يكلم رهف بس هو تعود يقول لها كل شي ,و مالقى نفسه الا يدق عليها ..ويقول لها عن اللي صار

رهف بسخافه : ياحبيبي هونها وتهون
..... : صاحيه انتي وين اهونها ,, اقول لج اهلي حلفوا انج ماتكونين لي . خلاص انا بموت وربي بموت
..... : ليه حلفوا اكيد معصبين , اصبر كم يوم ويروقون شوي وقول لهم ثاني مره
..... : لاحوووول ,, رهف هذول اهلي وانا اعرفهم .. قالوا مافيه يعني مافيه ..
..... : طيب والحل يعني مارح نتزوج ؟
...... جت بباله فكره جنونية : نهرب ونتزوج بعيد عنهم ..
..... : صاحي انت ؟ فهد وين قاعدين احنا
..... عصب : مادري راسي بينفجر ,, رهف اوعديني انج تكونين لي .. تنتظريني العمر كله لين احاول بأهلي
..... بمياعه : لا يافهد .. انا مستحيل ارضى اعيش وسط ناس ماتحبني ,, يعني حتى لو وافقوا اهلك بيكون بس عشانك وبعدين يمكن يتقصّدوني لا ماقدر
طلعت عيون فهد لبرا : يعني شقصدج .... ممكن افهم ؟
.... : يافهد انا قايلة لك إني مسمّية لولد عمتي بس ما أحبه احبك انت ,, لكن اذا انت بتعلّقني وبتعيشني حياة كلها مشاكل اجل اروح اتزوجه اصرف لي
فهد سكت مصدوم يدور ع كلام يقوله : بذمتج هالكلام من قلبج ؟
.... بثقه : أي اسمح لي .. احبك بس راحتي اهم
ضحك : احبك ؟ مادري حسستيني بكلامج انج ماتعرفين معنى هالكلمة .. !
رهف : لا والله انت تدري اني احبك ,, بس كل شيّ له شي
..... عصب : لاتقولين هالكلمه , تحبين ها ؟ اللي يحب يضحي بس هذا حب الناس السنعه مو حبج انتي .. انا الحمار .. انا الحمار اللي مصدقج ورايح افاتح اهلي بالموضوع احسب امنياتج مثل امنياتي
..... : وانا احسب اهلك فري بيوافقون وبيفرحون لي ..
..... : اللهم طولك ياروح .. اللهم طولك ياروح
...... : فهد حبيبي ,, شوف عندك اسبوع تقنع اهلك واذا مارضو انا بقول لامي اني موافقه ع ولد عمتي لانه قريب بيتخرج
فهد فقد اعصابه وحس انها تمنّ عليه بحبه لها : اقول رهف ..!
..... : عيون رهف ..
...... : خلي عيونج لج .. اهلي ماني مكلمهم ثاني مره ,, ولا رح اضحي بشي .. وولد عمتج روحي تزوجيه واشبعي فيه .. ان شاء الله ينضرب على راسه ويحبج
...... : فهد شفييييك عصبت وخذت الموضوع جدي ؟ بليز فهد افهمني انا مو لعبه عندك تخليني انتظر
..... : وانا مو بزر عندج تمشيني على كيفج ..! رهف اسمحي لي انا ماتوقعتج كذا .. انا ضحيت عشانج ورحت كلمت اهلي واخرتها انتي تقولين كذا
...... : كيف يعني الحب اللي بيننا ينتهي بغمضة عين ... ؟
..... : انتي دقّيتيني بكلامج .. روحي رهف الله يوفقج .. خلاص ماعاد ابي منج شي .. مو هذا كلام وحده تحب تقوله لحبيبها .. مالت عليج ومالت على حبج .. ومالت علي فوقكم
..... : ليش ليش
...... : لأني ماخذ الموضوع بجديه ,, ولما جيت اشب الفحم .. مارضيتي تحطين البخور .. ! خليتيه يحترق ويحترق ويحترق .. بس هين هين .. انا بخليه يطفى .. وربي يا رهف النار اللي شبيتيها انت وفوازوه بقلبي لا أطفيها .. والله لا أطفيها ..


فواز بهدوء : فدوى .. انا خبل .. لايكلّمني .. احد .. !
فدوى بحنان : بس قول لي فهّد عورك ؟
فواز يمسك يد البلاي ستيشن كالعاده بالمقلوب : .......
انقهرت فدوى من حست بالقهر بعيون فواز .. وهدوئه يخوف كأن اللي صار( قشة قصمت ظهر البعير ) .. وعلطول راحت لغرفتها تفكر في الناس اللي يحبون فواز غيرها ..

اتصلت على خالتها مضاوي وكان جوالها مقفل .. احتارت موت والعبره خنقتها .. مافيه غير مشعل .. لازم تبدّي حبها لفواز على احاسيسها وحبها لمشعل .. وراحت لرقمه واتصلت وهي تنتفض ..

مشعل نطّ ذيك النطه ورد بوله : هلا والله هلا
فدوى باحراج : هـ .. هــلا ..
مشعل بوله : اممممم هاو آر يو ؟..
..... : الحمد لله , شخبارك
..... : تمام .. عال العال ..
..... انحرجت موت من نفسها : .. انا والله .. كنت يعني .. بطلب منك .. طلب .. (وقامت تترجاه ) والله مضطره والله غصب عني مشعل ماحب ازعجك
مشعل خاف وبان في صوته نبرة حنية غصب عنه : بس بس فدوى عمري ليه كذا .. شوي وتصيحين .. قولي آمريني عيوني لج لا ازعاج ولا شي
..... : .......
انتبه مشعل لكلامه اللي احرجها وهي ماتحبه يكلمها كذا فابتسم : معليه لاتاخذين بكلامي طلع كذا .. سمّي
...... : ......
....... : افا يافدوى تستحين مني ؟
...... : مشعل .. فواز وفهد تخانقوا سوا بعنف وانا خايفه على فواز شكله تعور وحتى صاير هادي مو راضي يكلمني .. اول مره اشوفه كذا
مشعل ميل رقبته يمسك بها الجوال وهو يسكر ازرار بلوزته بقلق : طيب والحين هو كيف
فدوى بان على صوتها الخوف : هدوئه يخوف .. يخوف يامشعل والله مو مخليني اقرب له .. الله يخليك تعال طلّعه من بيتنا لاتخليه يقعد عند فهد
مشعل علطول اخذ مفاتيحه وشوي الا هو واصل عند الباب : الحين جاي
....... : ......
ركب مشعل السياره وشغلها : فدوى تسمعين صوت السياره ؟ هذا انا جاي والله
فدوى ماعرفت شتقول .. ! بهالسرعه ركب السياره .. !
مشعل يحاول يهدي فدوى شوي : طيب ماتبين تقولين لي ليش تخانقوا ؟
فدوى والعبره بصوتها : مايصلح اكلمك وانت تسوق
..... : ماعليج مني .. ولا ماتبين تقولين لي السالفه ها ؟
انحرجت فدوى : لا مشعل والله السالفه سخيفه .. انت تعرف فهد عنيف .. حتى حاولت افكهم ماقدرت
مشعل جاه شي بقلبه : وليه تقربين لهم ها ؟ دفج احد بالغلط ولا صار لج شي ؟
...... : ......
....... : فدوى لاتعوّرين قلبي .. فهد سوا لج شي ؟
...... : لا
...... : حلفي فدوى !
...... : والله
..... تنهد براحه : زين , الحمد لله . خلاص عشر دقايق وانا عندكم , باخذ فواز نتمشى شوي واتفاهم معاه طيب ؟
فدوى خلاص بتصيح بتصيح .. مو لانه بس لبى طلبها .. لانها كل يوم تحس بحبه الكبير لها .. وكن الايام تبي تثبت لها هالشي غصب .. : طيب ..
..... ابتسم : بعدين بقول لج فكره حلوه نبيج تساعدينا فيها
فدوى وماهمها غير فواز الحين تحسبه يقصد فكرة عنهم : طيب .. مشعل
...... : لبيه
....... : شكرا ... والله شكرا ..
مشعل انهبل من سمعها تصيح : شوف البنت قامت تصيح اظاهر تبيني اصدم ..! بس يابنت حرام عليج .. خلاص هذاني جاي والله ماله داعي تشكرين
..... : طيب , مع السلامه
ناداها : مولان ..
..... : هلا
..... : ماودج تضحكين لي شوي ؟ ترا من جيت وانتي كله صياح
..... ضحكت شوي غصب عنها : احسن تستاهل لأنك أنت تصيّحني ..
....... : هههههههههههههههههههههههههههههههههههههههه
فدوى لما ارتبكت من ضحكته وحست انه يبي يغير الموضوع : طيب مشعل شكرا مع السلامه
..... : هههه ولو انه شلّوت محترم .. بس اوكي .. مع السلامه .. انتبهي لنفسج ها ؟
..... : ان شاء الله ..

سكرت فدوى ووقفت قدام المرايه .. دموع تنزل بس مع ابتسامه ,, ليه ؟

تذكرت ان فيه احد يحبها مستعد ينفذ كل الي تبيه عشان يريحها ويسعدها .. من سافر مشعل عنها وهي تحس انها تشبّ وتشب وتشب لحالها لين تطفي ..
وجود مشعل الحين .. يخليها تحس انها شي مهمّ وحلو.. زي البخور .. يحرق نفســــه عشان الناس تتبخّر فيه .. !
الحين مين البخور فدوى ولا مشعل ؟ ولا يمكن ثنينهم يتشابهون بهالنقطه .. !

يوم الأربعـــــاء ..

قرروا تكون الملكه متواضعه .. في البيت بينهم وبين بعض يتعارفون .. والخميس جمعة وعزيمة عشا للكل .. نظرا لظروف ابراهيم وام ياسر .. استعد الكل وشبّوا الفحم ومعه احرقوا كل الايام اللي مضت .. وحطوا البخور وانتشر في كل المكان بغرور .. .. وكنه يعلن ان الايام .. مازالت تدور ..

اما في بيت ابو فهد .. كان فهد على اعصابه .. مازال يفكر بطريقة ينتقم فيها من فواز على اللي سواه فيه .. صح قلبه عاف رهف من قالت له الكلام اللي كدّر خاطره ولايمكن يكافح ويضحي ويتحدى احد عشان وحده زيها .. للاسف ما اكتشف هالشي الا متأخر ..

#يمكن حرقة قلبه جزا له ع اللي يسويه في اخوه .. بس وين يتوب ؟

فواز بالغرفه منسدح يفكر .. لما طلع مع مشعل قبل يومين .. حتى مشعل ماعرف ياخذ منه لاحقّ ولا باطل .. وصل لمرحله حس انه فعلا منبوذ وان فيه شي غلط .. دامه يتصرف ببراءه وفي النهايه تصرفاته تقلب عليه اللي حوله .. معناها انه فعلا شي غير مرغوب فيه .. ! صار يكره حتى نفسه

قال له مشعل ان عنده فكره حلوه .. بس فواز تجاهله .. وشكل مشعل لسه ماضبّط الفكره براسه ولا كان اصر عليه ..

سمع امه تناديه للغدا وشال نفسه ونزل .. وكالعاده لزق جمب فدوى .. وفهد مقابله وبعيونه شرر كنه ناوي على انتقام مو سهل ..

فواز من الربكه خبط الكاس بملعقته وانكب على السفره .. والكل تضايق من هالحركه بس هو ماتحرك .. فدوى قامت جابت فوطه ومسحته وهو في حالة صمت مفتشل من نفسه .. وخايف من الكل .. وحاس باكبر ذنب .. على اللي سواه بدون مايدري ..

فدوى همست له : فواز ليش ماتاكل ؟
فواز مانتبه لها .. كلام فهد كل الايام اللي راحت ظل يتردد في راسه .. ظل يحسسه انه عاله عليهم .. انه يخرّب ويدمر حياة الناس .. وان حتى جوده في هالحياة غلط ..

وطاحت الملعقه من يده اللي ظلت ترجف وانتثر كل الرز بشكل فوضوي

ابو فهد : الله يقلعك يالبزر حست المكان
فهد : ماتعرف تاكل انت الله ياخذك
فواز : ..............
فدوى خنقتها العبره وقربت له وهو جامد .. نفضت عن بنطلونه الاكل ورتبت المكان شوي .. ونطقت بهدوء : كان سرحان .. خلاص حصل خير
فواز بصوت ماسمعه الا هي : لا .. ماحصل .. خير
فهد اعتدل بجلسته وباين انه ناوي على شي : يبه .. يمه ..
ابو فهد : هااا .. لاتفتح لي موضوع البنت انا حالف عليك ماتتزوجها
فهد بهدوء وهو يراقب نظرات فواز : لا خلاص مابيها , بس مازلت ابي اتزوج ..
ام فهد : ومن لقيت غيرها ؟
فهد وهو يطالع فواز بخبث : صبا بنت خالتي ..!

[14]

(لا تمــــوت ..! )


فواز تعلّقت عيونه بأخوه والكل التفت له وانتبه للصدمه بوجهه ..
اما فدوى صرخت : ايييييييييييييييش
رد فهد بلا مبالاه : صبا .. انا قلت صبا ..
فدوى وكنها تبي تفهّمه ان فوازيحبها : فهـد ..
قاطعها ابوها وكن الموضوع عجبه : سكتي انتي دقيقه .. متأكد من قرارك ؟
ام فهد برضو حبت الفكره : ايه متأكد ؟
هز فهد راسه .. والكل وجه انظاره لفواز في انتظار ردة فعله ..
قام فواز بهدوء .. ووقف بمكانه ماتحرك .. دارت عيونه على فهد .. ابوه .. امه .. فدوى .. ورجعت عيونه تدور ثاني مره .. وتطيح بعيون فهد وتتعلق فيها شوي ..

فدوى ماشالت عيونها عنه .. تراقبه بكل رمشة يرمشها .. لين فجأه وبوسط الصمت .. تنزل دمعة من عينه .. لما حس هو فيها حرّك نفسه ومشى ..

فهد بسخرية : تصيح من الفرحة لان اخوك بيتزوج ؟
فواز بدون مايلتفت له : أصيـــح .. لأني أبي أموت .. وعارف انه .. حرام
ابو فهد نزل راسه يكمل اكله : منت صاحي بلا هبل اجلس كمل اكلك
ام فهد : فوازوه اجلس وجع وشهوله هالزعل ؟ ندري من زمان انك تحبها بس مافيه نصيب خلاص , بنخطبها لاخوك وان شاء الله اختي بتوافق ..
فواز مقهور ,. مكسور .. مشتت , مجروح , مطعون .. وفهد يكمل عليه : لا عادي مو حرام الانتحار للمجانين ,,
فواز وهو طالع اول درجة : طيب ,, تشوفني .. معلّق بالسقف .. نفسي
فهد يتطنز : لا حرام تتعور بعدين , روح اشرب أسيد و لا ديتول أي شي ترا يقولون مفعوله شيّ ..!
لف له فواز وعطاه نظرة مانشف دمعها .. وطلع فوق ..

شوي وتصرخ فدوى لما تستوعب : فووووووااااااااااااااااااااااااااااااااااااااااااا ااااااااز
فهد رفع راسه لما شافها نطت للدرج : شفيج انهبلتي ؟
فدوى بكلام مقطع : حسبي الله عليك يافهد الحين بيسوي بنفسه شي ..
قطعت فدوى الدرج بكل قوتها رايحة تركض لفوق تدوّره .. وعلى اقرب حمام دخلت ووقفت عند الباب .. ونشف دمها لما شافت شكله .. تبي تنطق تتكلم تصارخ بس صوتها مو راضي يطلع ..
طلع صوتها اخيرا وهي تشوفه جالس على الأرض اللي غرقانه من علبة المنظف .. والمنظف مرمي على جمب.... : فــ فــ .. فــوازز
فواز وهو يضرب الأرض : ليه حرام اموت ........... ليه ليييييييييييييييييييييييييييييييييه
فدوى جلست جمبه ودموعها تنزل : استغفر ربك فواز حرام تقول كذا
فواز يبعد يدها عن كتفه : روحي .. كلكم روحو
فدوى انهارت وهي تشوفه بهالشكل : فواز خلاص .... فواز ارحم نفسك
فواز منزل راسه للأرض ومايرد عليها .. فدوى ماعادت تقدر تفكر قامت ومسكت الجوال وهي ترجف : الووو خالتي مظاوي آآآآآآآآآهئ
مظاوي خافت : بسم الله عليج فدوى شفيج خررررعتيني ..
فدوى وهي تشاهق : خالتي الله يخليج تعالي .. تعالي
....... : فدوى لاتخوفيني قولي شالسالفه
فدوى حاولت تهدي نفسها : فواز .. خالتي تعالي ضمّيه بس .. بس ضمّيه .. والله قاعد يرجف .. مايخليني اكلمه
مظاوي سكرت : يللا جايه جايه
سكرت فدوى وهي ترجف ورجعت تدق على مشعل برضو بدون ماتحس ..
مشعل كان نايم وبعد كم دقة رد معصب بدون مايركّز في الشاشة : واااااات ؟
فدوى : مشعـــــــــــــــــــــــــل الله يخليك مشعل
مشعل فزّ ونطّ ذيك النطه : فدوى ؟ فدوووووى شصاير
فدوى زاد صياحها : تعال فواز يحتاجك مايخليني المسه , تهاوش مع فهد ثاني مره
...... : خلاص خلاص انا جاي ,, فدوى لاتروحين له
...... : .......
...... : فدوى تسمعيني ؟ لاتروحين لعنده
..... : ليه ؟
....... : اكيد مايبيج تحسين بضعفه , مولان قلبي خليه خلاص انا جاي
..... : مشعل
..... : لبيه
..... كتمت صيحتها : الله يخليك بسرعه .. !

[ لاتــــــموت .. ! كـــــافح يافرحـــــي .. واصـــرخ بعالي الصــوت ..! أصرخ قول أبي أعيش .. واخرس كل الأصوات .. [صهـ ,,,,, سكــــووووووووووت] ...! ]


في مكان ثاني .. بيت ابراهيم .. كان الوضع العكس .. الكل فرحان ومبسوط .. ابراهيم ملّك والجمعة عائلية جداً .. بس الفرحة واضحة بعيون الكل .. تركوهم لحالهم .. حمود راح يرتاح .. وديم اخذت ولاء لغرفتها ..

ديم جلست على ركبتينها ومدت يدها لجوري : ياحلوه ليش مو راضيه تسلمين علي من جيتي ؟
جوري تمسكت بامها وبوّزت .. ضحكت ديم وفتحت ثلاجة غرفتها الصغيرة : شوووفي جوري تعالي اختاري اللي تبين
جوري انهبلت وهي تشوف كل انواع الشوكلت ومسوية مستحية
ولاء :يالخبلة منتي صاحيه كل هالشوكلت .؟
ضحكت ديم : ههههههه لا ما آكله كله .. بعض الاحيان مع ابوي وجدي , (وتلفتت ) الا صح اخوانج وينهم ؟
..
ولاء حطت يدها على فمها تمنع ضحكتها : جدج شالهم معاه .. اسمعه يقول بيسولف لهم عن مناسبات أيام اول
ديم : ههههههههههههه مايتوب .. تعالي انتي يادبه (وراحت لجوري شالتها بسرعة خلتها تضحك .. وودتها للثلاجه )
ولاء : اوه عاد الحين بتموت عليج وبتتمصلح هههههههههه
ديم : وه بس ياحلوها
ولاء بعد تردد : اقول ديم , عادي اسألج سؤال ؟
...... : اكيد عادي
...... : اممم امج وابوج ليه انفصلوا .؟ والله مو قصدي لقافة بس امي ذاك اليوم تسألني .. ومادري صراحة مستغربين يعني
ديم ضحكت وميلت راسها : لااا عادي ,, شوفي انا برضو ما أعرف كل شي ,, بس بابا وماما لما تزوجوا .. عاشو مع بعض فتره .. بس سبحان الله القلوب ما تآالفت .. جدي كان يقول انهم مايحبون بعض ابد .. مو يكرهون يعني .. بس نفس قلوبهم مو على بعض .. حاولوا حاولو بس هالشي من ربي .. لما وصلت فيهم انهم بيقصرون بحق وواجبات بعض .. قرروا ينفصلون , لان مكروه يغصبون نفسهم على هالشي ,, الحين ياولاء عادي والله ماتحسينهم حاقدين على بعض مثلا او شي .. انا احمد ربي ان علاقتهم حلوه وماحد في قلبه شي على الثاني .. وعايشة برضا بينهم واحبهم ثنينهم ..
ولاء سرحت : غريبة والله , اول مره اشوف ناس كذا
ديم وهي تفتح المالتيزرز لجوري : لاااا عادي , كثير اسمع يحصل لهم كذا , لا بوسه اول .. (واشرت على خدها )
جوري استحت وقربت لديم باستها ع خدها
ديم انهبلت وضمتها : هههههه ياويلي على بنت بنت زوجة ابوي هههههههههههههههههههههههههههههههههههههههههههههههههه ههههههههه
ولاء ضربتها على راسها : لو سمحتي يا بنت زوج امي .. ترا لو نقول خوات احسن من هالمشاوير ..
الثنتين : هههههههههههههههههههههههههههههههههههههههههههههههههه ههه
ديم قامت واقفة : ايييه بروح اسلم على اخوانج .. اخاف بعد هم مصلحجيين ’ أي تشوكلت يحبون ؟
ولاء ضحكت : هههههههههههههههههههه ناصر مارس وياسر سنكرس ,, (وسكتت شوي ) انتي وبقّالتج ذي
ضحكت ديم وطلعوا سوا رايحين للعيال .. وكل وحده مبسوطة بعلاقتها مع الثانية


مساعد عفس وجهه : علياء !
علياء تستعبط : شفيك ؟
مساعد أشر على روجها وهو معصب : كم مره اقول لج مااااااااااااااااحب
علياء انفجرت ضحك وجلست على الكنبة ونزلت راسها .. وتكلمت وسط ضحكها : بشويش لاينط لك عرق ...كل هذا .... عشان روج
مساعد زمّ شفته ورفع راسها ماسك ضحكته : بتمسحينه ولا شلون ؟
علياء قامت ورفعت خشمها : طيب حرام عليك انا أشتهي أحط
مساعد حط يده على خصره : وانا ما أشتهي طيب ..!
علياء مسوية زعلانه تبي تهبل فيه : خلاص اجل بروح ارمي مكياجي كله لان شكلي بعيش بدون مكياج لين اموت
ضحك مساعد وقرب لها : حطي زي ماتبين اذا ماكنت موجود .. تبين تروحين عند أي احد حطي ماقلنا شي .. بس لما اكون انا موجود ... هالأشياء (أشر على شفتها ) تنمسح .. وهذا (مسك شعرها ) يظل كذا زي ماهو .. انا احبه كذا .. سشوار لفّ مادري ايش هالاشياء ما أحبها ..
رفعت علياء راسها لفوق كانها تفكر ,, وهو مسكها من بلوزتها وقال بهدوء معاه ضحكه : ابله علياء بتمسحين الروج ولا ؟
علياء فكت يده ومشت : بمسحه وبرميه في الزباله بعد
ضحك عليها وهو يشوفها ماشيه عنه .. ولحقها يراضيها ..


اما في بيت ابو فهد .. مقرّ الصراعات ..!

فواز جالس بغرفته بالزاوية .. والكلمة اللي اقدر اوصف حالته فيها .. (جامد )
شفتوا لما الانسان تضيع مشاعره ,, ينظلم من اقرب الناس له .. ينقهر وموعارف حتى يعبر .. هذي حالته .. هدوء وسكون ..! بس عيونه العســـلية تتحرك بألم وجرح .. تغمّض شوي كنّها تسحب الدمعه لورا ..
مضاوي جلست قدامه وحطت يدها ورا ظهره بهدوء : بسم الله عليك ..
فواز لف راسه ورد بصوت كله انين : خالتي .. آسف بس .. روحي
مضاوي تفهمت انه مايبي احد يشفق عليه اكثر من كذا .. بس ماهي قادره تخليه .. بعدت يدها وقالت بحنان : خلاص بروح .. بس اذا تبي شي انا موجوده
..... : ابي اموت ,, تقدرين تموتيني ... يللا
مشعل حط يده على كتف مضاوي : معليه عمتي خليه .. انا بجلس معاه ..
لفت مضاوي عليه كأنها شاكه بكلامه ,, وكمل مشعل : انا وياه نتفاهم ..
طلعت مضاوي ونزلت لتحت معصبه على اختها .. اول ماشافتها بوجهها انفجرت : حسبي الله عليكم شسويتوا في الولد
ام فهد عصبت : مالج شغل لاتتحسّبين علينا , ماسوينا له شي هو بزر تهاوش مع اخوه وطقها زعله ..
مضاوي عصبت ومسكت الباب وطلعت .. وام فهد راحت مولّعه لفدوى شوي وتضربها : انتي حماره انتي
فدوى تصيح بخوف : ايه حماره عشان ادور احد يهتم بفواز ويخاف عليه
ام فهد ماده يدها بتضربها : لا والله ,, ماقصرتي قلتي للناس كلهم ,, الحين شتبين يقولون عنا ها .. فضحتينا عند الناس
فدوى وهي تبعد عشان مايجيها شي : مايهمني خليهم

ام فهد عارفه ماتقدر على فدوى بروحها .. فانقهرت وطلعت برا وهي تهدد وتتوعد ..وفدوى قفلت الباب وراحت تدور بخاخها وتتمنى لو هذا حلم وتصحى منه ..

حتى باب غرفة فواز انقفل .. مشعل سكره ووقف وراه وقال بهدوء : هآي مآن , وتز أب ؟
فواز : ماني .. لك رايق
مشعل مشى لعنده وجلس جمبه وتسنّد للجدار : شفيك فواز ها ؟ وضعك مو عاجبني .. اللي فيك مايقول انه هواشه بسيطة ..
فواز وكنه ماصدق يلقى احد يتكلم معاه : صبا , يتزوجها فهد
مشعل انصدم بس ردّ بعد ثواني : فواز انت تحبها ؟
لف فواز عليه وطالعه ورجع يلف راسه ثاني مره : مالك ... شغل ..
...... : يعني ماتحبها ؟
...... : انا احبهم كلهم .. مايحبوني ليش .. فهد كذا قال .. عشان يقهرني .. حرام
مشعل حس ان الحين الوقت المناسب : امممم فواز .. عادي عندك لو تترك البيت فترة
...... : اتركه .. وين اروح ؟
...... : شي زي المدرسة او المعهد ..
...... ابتسم فواز : قول مستشفى .. عادي
انحرج مشعل : لا والله مو مستشفى .. مركز ,, وكل اللي فيه ناس عاديين
فواز رجع راسه لورا : أي مكان .. عادي .. الا هنا ..
ابتسم مشعل ونفخ صدره .. ولمعت عيونه باصرار .. !

وعدّا هاليوم العصيب ,, بس خبر الخطوبة وصل بسرعه لصبا .. وكأنهم ماصدقوا .. !


يوم الخميس .. جا الكل يبارك هالمناسبة الحلوة ..بالرغم من اللي فيهم ! وكانوا كلهم جالسين .. فدوى سرحانه .. وصبا سرحانه .. وديم تطالعهم ..

ديم بصوت واطي : بنت انتي وياها
فدوى وصبا : ها ؟
ديم زمّت شفايفها بضيق : خلاص عاد ..
فدوى ابتسمت لصبا : انا وربي مو زعلانه ومو ذنب صبا
صبا : والله انا مالي دخل , امس ابوي يحاول يقنعني اوافق لاني اذا تزوجت ,, بيرتاح شوي من مسؤليتي ,, ويقدر اذا سافر ياخذ امي معاه ويصيرون خفيفين لحالهم ,, لكن لو كنت معاهم صعبه ,, وماما تقول لي برضو ولد خالتج مافي احسن منه , وانا ادري يافدوى بدون ماتقولين , فهد مو طالبني حبا فيني ,, !
ديم ضاقت من المشاكل اللي بين صديقاتها .. لكن مابيدها شي

فدوى اتسعت ابتسامتها : قلت لج وهذا ديم تشهد , مافيه شي يتخبى عنكم ,, وخناقات غيرنا مارح تفرقنا عن بعض ,, والله لو وافقتي على فهد بفرح لج , في النهاية انتي بنت خالتي وهو اخوي ,,
ديم بتلقائية : وفواز ؟
فدوى بعيون حزينة وكلها حب : مشعل اتفق مع خالتي مضاوي وكلموا الكل انهم بياخذونه عشان اعاده تأهيل ,, وقتها انحرجوا امي وابوي يطلعون مقصرين ,, واضطروا يوافقون ..!
ديم انقهرت : مفروض من زمان كذا ..
صبا سرحت تفكر ... يعني فواز بيرجع لحالته الطبيعية ان شاء الله ؟ بس مو اكيد ,, اللي مثل حالته مو اكيد يتشافون ,,

فدوى بعد تنهيده : أمس كان يوم الله لايعيده ..
الثنتين : آآآمين ..
ديم تبي تغير الموضوع : اقول يادبيات ماقلتوا لي شرايكم بفستاني ههههههههههههههه
فدوى تتطنز : ايييييه مررره يجنن صراحه
صبا : واااااو مره خيال
ديم عفست وجهها : انقلعوا
..... : هههههه لا والله راااايق ..
ديم وهي تضبط فستانها الوردي والفوشي البسيط .. بس محلّيه انه مركب فيه كم قطعة قماش وطالع بتناقض حلو : جدي يقول خلااااقين ..!
صبا ضحكت : هههههههههه ماعليج منه .. اهو يبيج تماشين الجيل حقهم
فدوى ضحكت : هههههههه تخيلي لابسه بخنق ههههههههههههههههههههههه ولا جلابية ذيك حقت القديمين ,, هههههههههههههههه
ديم انفجرت وراهم : مابقى الا البس على كيف ذوق جيل جدي ,, !
ولاء وهي تطل بوجههم : بس قطعتوا عمركم ضحك ضحكوني وياكم
صبا وفدوى وقفوا منحرجين مايعرفونها ,, وديم تمووون عادي ..
ديم وهي توقف عند ولاء وتشبك ذراعها بيدها : بنات اقدم لكم ,, ولاء اختي ,, وجوري بنتها
ولاء ضحكت : هههههههههههههههه اول مره تختصرين الطريق
ضحكوا البنات وسلموا عليها وعلطول دخلوا جو معاها .. وبدوا يسولفون

صبا : لا والله اطلبه يطلقني
ديم : لا من حقه يتزوج غيرج ثلاث مالج حق تطلبين الطلاق
فدوى : لا اذا كان فيني عيب ولا انا مقصره معاه ساعتها يتزوج اللي يبي بس مو كذا
ديم : لا عادي يسوي اللي يبي مرده لي انا اتحدااااه يروح لغيري (ورفعت حواجبها ونزلتهم )
ولاء ضربتها على فخذها : استحي يابنت ,,
ديم تمسح مكان الضربه : هااااا شفيج خليني اقول اللي بقلبي .. (وحبت تهبل فيها ) انتي شرايج ؟
ولاء بخوف : والله انهبل لو يتزوج زوجي علي ,,
ديم رفعت كتوفها ببراءه : ماتدرين يمكن يطلع مسويها اغلبهم كذا
ولاء بدت تخاف صج : لاااا عبد الملك يحبني مايسويها
ديم قامت تعفس بوجهها تبي تخوف البنت زياده ,, والبنات فهمومها واتحدوا عليها
صبا : والله صج ولاء يعني بالله مايسافر زوجج احيان ؟
.... : إ ... إلا
.... : خلاص تلقينه رايح لها
..... : لاااااااااا حرام عليكم
فدوى بابتسامه : عادي مو معناها انه مايحبج ,,
ولاء علطووول فتحت شنطتها وطلعت الجوال وشوي وتصيح ,,ودقت رقمه علطول ,,
عبد الملك قام من عندهم ورد بابتسامه : هلا والله غـــــلاي .. هلا بنجمة سماي ,,
ولاء والعبره خانقتها : عبد الملك ليش تتزوج علي ؟
انصرع عبد الملك : نعم ؟
...... : قصدي لاتتزوج علي .. صج انك مو شيّ ..
بغى ينفجر ضحك بس حب يهبل فيها : مين قال لك ؟ كنت عارف يوم اتصلتي انك عرفتي
ولاء خلااااااااااص وصلت معاها : .......
خاف عبد الملك تزعل فضحك : ههههههههههههههههههههههههههههههههه يابعد قلبي انتي امزح معاك .. يعني ظنك اقدر ابيع غلاك ؟ احد عنده مثلك ويدور غيرها ملاك ؟
ولاء عصبت : لا والله ؟ انت أصلا دب ,, تحبّ ترفع ضغطي تحبببببببببببببببببببببببببببب
ابتسم عبد الملك ابتسامته المايله وقلب شرقاوي : منو قصّ عليج وقالج ؟ وقلب حالج ؟
ولاء ضحكت : فديييييييييييييته الشرقاوي , (وتذكرت الاخت انها معصبه ورجعت تقلب صوتها ) ماعليك مين قال لي انت ليش تلعب باعصاااااابي هااااااا؟
..... ابتسم يقلدها : هاااااااااااااااااااا
ولاء : وبعدين وياك ؟
عبد الملك : ههههههه ياحليل المعــصبة .. خلاص الحين اجي اخذك من عندهم واراضيك , وانسّيك الزعل اللي فيك
ولاء استحت : مابي ابي اجلس .. انت ارجع للمجلس
..... : افا ! تبدّينهم علي ..؟
..... : أي ,,, انت مو شيّ ..!
...... : يابنت خليني اراضيك ..
...... : مابي بروح اقعد معاهم ,, السوالف تحلى وياهم , روح ما أبيك
...... : قددددددها ؟
....... تحب تعاند : يس , احسن تستاهل عشان ماتخوفني ..
..... : هههههه طيب طيب ,, بعدين يصير خير ,,
فهمته ولاء وحمر وجهها : روح بس , باي
..... : هههههههههههه طيب ..

سكرت ولاء ورجعت لهم وعطت كل وحده ضربه على راسها لانهم كانوا يراقبونها وهي تكلم وفاطسين ضحك على شكلها لما صدقتهم وخافت على روحها ..

وشوي الا يجون ناس جدد يسلمون .. من ضمنهم منال ام ديم ..! اللي قررت انها لازم تجي تبارك .. ! مهما كان .. صح الكل استغرب ,, بس هي بادلتهم بابتسامه , حضنت بنتها وسلمت على ام ياسر وولاء ... ! وفي الغرفه البعيدة .. جيني تربط خيوط واشياء هي عارفه لأيش ..!

بعدها بكم يوم ..في المـــركـــز ..

مشعل ساحب كرسي وجالس قبال فواز .. : نو , الثانيه
فواز ومغمض يحاول يركز عشان يقلب يدينه الثنتين سوا بوقت واحد .. ومشعل مع المدرب ماسكين يدينه يساعدونه ..
مشعل : ركز فواز ,, ركز ..
وفواز يركز بكل صمت وهدوء .. بعد فترة بسيطة من التدريب .. عطوه بريك لأنه توّه جديد عندهم ومايقدرون يضغطون عليه ..
المدرب يأشر على التلفون : فواز ,, مكالمه عشانك
ابتسم فواز ومسك السماعه : فدوى ؟
فدوى علطووول دموعها نزلت : كيف عرفتني ؟
فواز ضحك : مادري ,, اعرف بس .. ان تحبني فدوى ,, .. وتكلمني ..
(هنا ابتسم مشعل وقلبه دق )

فدوى كلمته شوي وتطمنت عليه وطمنت باله , بس كانت كاتمه شي بصدرها لايمكن تقوله له وتأثر على حالته النفسيه ,, : فواز امي تبي تكلم مشعل جمبك هو ؟
.... : اها , لحظه
استغرب مشعل لما اشر له فواز ومسك السماعه ,, شتبي فيه عمته هي تكرهه كره العمى ..!
مشعل : هلا
فدوى علطول : مشعل فواز لايدري اني اكلمك
مشعل ابتسم : امري عمتي ولايهمج , شخباركم عسام بخير ؟
فدوى ارتاحت شوي : مشعل امي لو درت اني داقه اتطمن على فواز بتذبحني , تقول اني ممكن ااثر على حالته وعلى علاجه ويروح تعبكم بدون فايده ..
مشعل استغرب , كل مالها عمته وتصغر في عينه زياده : اممممم لا عادي فواز مبسوط والحمد لله بخير ..
...... كتمت صيحتها : لا اوصيك عليه .. انا اذا شفتهم ناموا بدق , طيب ؟
...... ابتسم : اكيد عمتي فواز بعيوني ,,
..... : تسلم , مشعل لاتفهمني غلط , بس مالنا غيرك .. !
تمناها مشعل تقول (مالي) مو (مالنا) : لا ابد و الله حتى احنا .. والله
حست فدوى بصدقه وعشان كذا بدت تضعف : طيب ,, مشكور ,, مع السلامة ..
مشعل : فمان الله
ضحك فواز ورجع يجلس على الكرسي ويسند ظهره لورا : كذابه امي ,, .. ماتحبني هي ,, داقة يمكن تبي شي ,, تخانقك يمكن وانت قدامي ,, كذا تقول ..
مشعل سرحان .. كل مامر يوم على بعدهم .. يشتاق لقربهم اكثر ,, لدرجة انه احيان يحس .. ان الدنيا ممكن تفرق بينهم بأي لحظه .. مع ان الكل يعرف انه يحبها ,, بس هم يفكرون ان هالحب مع الايام بيخف .. مايدرون انه اقوى منهم ..

[ لاتمــــــوت .. ياعشقي اللي بصدري لاتمــــوت ..!

ياكلّي اللي يحرّكـــــني .. لاتمـــوت ..

ناضل لاجل حبيبك يكون معــــكـ .. او ارحل وخذه معـــكـ للتابوت .. ! ] ..

فواز غمض عيونه : لاحوووول منه ..! يطالع فوق .. ! مايشبع
انتبه مشعل وضحك والتفت اشر للمدرب ..

وفدوى صاحت وطلعت اللي فيها ,, وراحتت تتصل على صديقاتها .. تشتكي لهم من الدنيا اللي حرمتها حتى تتكلم مع اخوها وتتطمن عليه ..


[15]
(عشــــــــــــــ بس ..! ــــــــــــــــــانكـ ... )

بعدها بيومين

ديم باصرار : مالي شغل ..
صبا : ديم بلا سخافه , انتوا اللي مالكم شغل
ديم : لووو سمحتي يا أخت , خلي مشاعرج لفدوى على جمب , وفكري بفهد وبأهلج , انتي عارفه فدوى اكبر من كذا
صبا محتاره : اصلا وربي حاسه بالضغط من اهلي , احسهم يبغوني اتزوجه غصب طيب
ديم تنهدت : طيب , وفواز ؟
صبا عصبت : شدخّل ابو ام جد فواز الحين
..... : انا حاسه انج ماتبين فهد عشانه
..... : انقلعي بس ..! شاللي خلاج تقولين كذا ؟
...... : مادري قلت يمكن عشانه رايح يتعالج حطيتي عينج عليه
..... : ............
....... : صبا ؟
...... : ديم انقلعي ! انقلعيييييييي ظنج انا بهالسخافة يعني ,, اصلا فواز لو يتعالج انا ما أبغاه
..... : وليش ان شاء الله ؟
...... : كذا بس ..
ديم ضحكت : بسم الله على كبريائج سوري شكلي جرحته .. ياحبيبتي انا صديقتج واعرف اللي تفكرين فيه
...... : ديييييم ! لاترفعون ضغطي , فواااااااز ماله شغل برايي تسمعين
ديم ومو مصدقه : ايه اسمع .. طيب وبعدين يعني ؟ صبا فدوى بنفسها قالت لي انها بتفرح وبترقص في عرسج بعد بلا هبل
..... : آآآف منكم . الحين بروح اقول لابوي اني موافقه على رجل الامان احسن !
ديم تحاول تهديها : انا ما أغصبج على شي , انتي كل شوي تغيرين رايج . انا احاول اماشي كبريائج شوي واخليه يشوف الدنيا صح
..... : ديم ! كلي تبن
..... : هههههههههههههههههههههههههههههههههههههههههههههههههههههههه يحليلها عصبت ههههههههههههههههههههههههههههههههههههههههههههههه
..... ضحكت غصب عنها : طيب شكرا خلاص ولّي ..
..... : تيييييب , اصلا ماني رايقة لكم ولا لعيلتكم .. بروح لزوجة ابوي ههههههههه
..... : ذلفي
..... : ثانكيوووووو , يللا باي

سكرت ديم وهي تبتسم , وحطت الجوال وتنهدت تنهيده قويييية ,, موقفها صعب , تحب الثلاثه فدوى وصبا وفواز ! ولاتبي احد منهم يتضرر , وبرضو ماتبي تتدخل بقرار احد وتظلمه وتحس بالذنب بعدين

نزلت للصاله وكان الكل جالس .. وناصر وياسر منسدحين على الارض يحلّون واجب متحمسين ..

ضحكت لهم وسلمت وجلست جمب ام ياسر وسولفت شوي ,, الايام الماضيه اللي راحت .. تعودوا فيها على بعض .. بسرعه ماحد غيرهم كان يقدر يأقلم نفسه فيها ..

ياسر يدف اخوه بكوعه : كيف نحل هذي ؟ (يأشر على سؤال بالكتاب )
ناصر رفع كتوفه : مدري (وخفض صوته واشر على ديم ) اسألها هذي ديم شكلها حليله
التفتوا عليها ورجعوا يطالعون كتبهم باحراج ,, وهي انتبهت وجت عندهم وهي تضحك .. وجلست على ركبها جمبهم : أبله ديم جت , يللا اسألو لاتستحووووون ..

التفتت ام ياسر لابراهيم وابتسمت .. نطق حمود بعد دقايق من الصمت : ديمااااااه
ديم صكت اذانها : هنا هنا قريبه لاتصارخ جدي
حمود اشر على الباب : حاسّني قلبي فيه شي , روحي شوفي الشغاله شتسوي ..
استغرب الكل , وردت ديم : شبتسوي يعني يبه ؟
...... : مادري عنها روحي شوفيها قلبي ناغزني
قامت ديم بسرعه وراحت لغرفتها والعيال تركو كتبهم وراحوا وراها بفضول ..
ديم بصدمه : انتي هيه !
جيني ارتاعت ومامداها تصرف .. الا والكل واقف عند باب غرفتها ..
ديم انفجعت وهي تأشر على الأشياء اللي بيد الشغاله : شنو هذا هااا , شالخرابيط ؟ انتي مجنونة انتي
جيني حاولت تلم الاشياء اللي قدامها بس مالحقت من كثر خوفها ,, ناصر وياسر حسوا ان فيه شي غلط فراحوا بسرررررررعه لموا الاشياء واعطوها لديم
حمود اقبل من وراهم يطالع يد ديم .. : ماشاء الله ,, ناوية تسحرين البيت كله ها ؟ ماخذه شعر من ديم ومن الابو .. اشوف .. الا والله اظاهر ذي الشيبه لي ..

وقفت جيني معصبه وسحبت يد ديم بقوه ودفاشه ,, وديم انقهرت وعفست وجهها شوي وتصيح : هاي انتي وجع عورتيني ,,(وعصبت ) هاج خرابيطج (ورمت الاشياء بالارض ) يللا اسحرينا اشوف
جيني مستقوية : اعوز بالله , انتا مافي مدام بيت .. ديم انت ان شاء الله يموت بس سوي جنجال سوا انا
ديم تجمدت بمكانها .. لهالدرجة تتمنى لها الموت بس عشانها تحاول تمنعها عن اهلهم .. ؟

ياكره بعضهم .. خاصة اللي عينهم قوية !#

ام ياسر ودها تتكلم ,, بس مازالت منحرجه لان بنظرها ماصار لها وقت كثير معاهم ,, انتبه لها ابراهيم وابتسم وهز راسه يبيها هي تعالج الموضوع ..

تقدمت ام ياسر وسط هدوء الكل ورجفة ديم .. وبنظرة قوية اعطتها لجيني قالت وهي رافعة راسها : شوفي انتي , الحين تلمين كل اغراضج , ووالله ماني متحركة لين أفتش كل قطعة , والله ماتطلعين من هنا معاج شي لأحد ..
جيني بدت تترجى : لا ماما مايبي روه انا مافي فلوس انا واجد مسكين
ام ياسر : لا والله ؟ كسرتي خاطري صراحة , يللا قدامي اشوف ..
حمود قرص ولده وابراهيم التفت بابتسامه : ها يبه ؟
ضحك حمود : ليتك متزوجها من زمان ..
ابتسم ابراهيم بخجل ورجع يتأمل الموقف باعجاب
ام ياسر بصرامه : شوفي انتي , محد يمد يده على بنتي وله قعده هنا تفهمين ؟
ديم رددت الكلمة ببلاهه : بــ نــ تــ ي ؟
ناصر لكزها بكوعه : ايه ياذكيه تقول بنتها احسن مو زي انتي وولاء تقولون ام ام ام ام ام زوج بنت ابو خالتي
ديم ماقدرت تمسك نفسها وضحكت وهي تطالع ام ياسر بعيون تلمع .. ياحظها دامها بهالسرعه اعتبرتها بنتها .. رق قلبها حيل لام ياسر ماتوقعت بهالسرعه بتتآلف قلوبهم ..

كملت ام ياسر وهددتها بكم كلمه .. ولفت عنها وطاحت عيونها بعيون ديم اللي تلقائيا ضحكت بحرج تمنع دموعها تنزل ..
ومشت للباب وين ماكانوا ابراهيم وحمود واقفين .. قابلت ابراهيم وابتسم لها باعجاب .. وهي ردت الابتسامه بخجل ونزلت راسها ومشت
حمود بضحكه : آآآقول ديمه
ديم ضحكت :هههه شنو
...... : ياشينها على كبر هاهاهاهاهاهاهاهاهاهاهاها


بيت ام سعد

ام سعد : اسمع , بكره ان شاء الله توديني الشقه الي قلت عليها اشوفها , مابغينا البنت توافق وانت تبي تتزوج بسرعه
ترد نوره وهي تفصّم حب : مايحصل لها سعد اصلا
سعد : شكرا شكرا شعندها الاخت اليوم حابتني ؟
ساره تقشر فستق ومنشغله ترتب القشور على شكل اطار على الصينية : احمد ربك , صج ماينقال لك شي
طل سعد بالصينية وفطس ضحك : لا لا تكفين سوي قلب ,, تككككككفين
نوره وهي تطلع الليبتون وتدخله سبعطعش مره لين حاست الصينية : آآوف منه هذا مو راضي يستوي شكل الماي بارد
ساره تضغط الليبتون بيدها : سوي كذا يطلع زين
انقرف سعد وصرخ وهو طالع للدرج : يمه كلميهم يخلون الملكة بكره تكفوووووووون

الحمد لله الذي عافانا مما ابتلاهم به ! #

ام سعد : هآي انت , لاتعايب على خواتك ترا مالك غيرهم , ولا ترى بعدين مايأثثون معك الشقه
سعد عفس وجهه :اصلا ولا احد بيلمس شي , ولا قطعه في البيت ولا نتفه باخذ راي احد فيها
نوره التفتت على اختها : مغرور صح ؟
ساره : ايه شايف نفسه !
سعد : مهابيل !


اما مساعد وعلياء خلصت اجازتهم القصيره .. ورجعوا يداومون .. حلوه حياتهم صح فيها عناد شوي ,, بس هذا اللي محليها

راحت علياء تزور اهلها وتسلم عليهم قبل تروح الشقه , خاصة انها عرفت بخبر صبا ...
صبا ضحكت : وجع شالوجه ؟ جايه من مستشفى انتي ؟
علياء ضحكت وطلعت الكحل من شنطتها وبسرعه شخطته وطلعت روج وضبطت حالها قبل تسلم على امها وابوها : شسوي في اللي عندي معذذذذذبني .. دقيييقه امشي نروح لهم وبعدين اقول لج ..

جلست العائلة الكريمة تسولف وتتناقش .. وكان موضوع الحوار هو صبا .. وكأن مضاوي وحمد يبون علياء تقول لصبا انها معاها في موافقتها على فهد .. وشوي قاموا عنهم عشان ياخذون راحتهم ..

صبا دخلت الغرفة ودخلت وراها علياء وقفلت الباب : صبا مانتي صاحيه
صبا : لاحووول منكم , قسم بالله حسيت انهم يبون يفتكون مني !
..... : لا ياحبيبتي مايبون الفكة , بس بالنسبة لهم فهد جا من السماء عليهم , وبوقت مناسب ..
..... : .......
..... : المشكله ياصبا , ان السالفه كلها تضحيه , يعني ياهم يضحون عشانا , او احنا نضحي عشانهم ..
..... : يعني الحين هم مره يضحون سبحان الله
..... : ايه , والدليل على كذا انهم يبون مصلحتج ياخبله ..
تكتفت صبا وسكتت تفكر .. وتركتها علياء شوي لأفكارها ...


بعد اسبوعين .. في المركز ..

مشعل جالس على الكرسي مقابل فواز يراقبه و بدون مايحس مالت رقبته وغمضت عينه بشكل مضحك ..
فواز وهو يرجع ظهره للسرير : مشعل ,, روح نام .. بيتكم .. عادي
مشعل ابتسم بنعاس : لا ماعليك شبعان نوم
ابتسم فواز : شبعان وين ؟ ,, وانت طول الوقت .. هنا ..
مشعل يبي يغير الموضوع فقام ومسح وجهه وشعره بيدينه : يللا كمل فواز ماعليك مني .. يللا
فواز لف راسه يمين يسار : تعبت ... مشعل .. تعبت .
مشعل انكسر خاطره وماوده يضغط عليه .. فقرب له وجلس جمبه على السرير وضحك : خلاص ارتاح , الدنيا ماتطير صح ؟
..... : مافهمتك ؟
رمى مشعل ظهره لورا بحركة تحسس بطفش بدا ينمزج بشوي يأس : اقول يعني , الدنيا مارح تطير اكثر من ماهي طايرة , اللي ربي كاتبه بيصير .. ,اسمعهم دايم يقولون يمكن بكره اجمل .. والواقع ياولد عمتي ان اليوم نفسه بكره .. نفسه امس .. مافيه شي اجمل .. كل شي ضدك في هالحياة ..
فواز تربع : مجنون !
.... لف راسه باستغراب : ليه ؟
..... ضربه فواز على ذراعه بخفه وابتسم : تقدر .. انت .. تسوّي .. بكره اجمل ..!
رفع مشعل حاجبه كنه قاعد يفهم كلام فواز .. فيما سرح فواز شوي وهو يتأمل التلفون : مادقت ,, من زمان .. فدوى ..
اشتغل قلب مشعل من اسم فدوى بس رد علطوول وكنه مجهز الكذبة :لا دقت ,, بس انت كنت نايم ..
..... : ماقلت لي .. ليش ؟
مشعل وهو يحوس شعره من الربكة : هي قالت خلاص انا بدق بعدين
ضحك فواز ورفع جسمه من على السرير : ههه كذاب .. زي دايمن
سكت يراقبه وهو ماسك الكتاب وشادّ على نفسه وراص عيونه يركز باهتمام ويربط بين الأشياء
سحب مشعل الكتاب : فواز قلت لك لاتجهد نفسك
رجع فواز يسحب الكتاب : مالك شغل ,,خل المدرب .. يجي ..
مشعل مايدري شيقول : فواز .. خلاص بكره ان شاء الله نكمل ..
فواز ابتسم له بامتنان : لا .. أنا أبي .. أسوي لك .. بكره أجمل ..!
رنّت كلمات فواز بأذنه وفتح مشعل فمه لثواني وبعدها تحولت الفغره لابتسامه واسعه .. على كل اللي فيه , فواز حاس بالامتنان له , وكل واحد يحاول يعبر للثاني .. وحبهم لبعض لايمكن يغيره شي .. كل واحد يبدي الثاني عشانه بس ..

مشعل : فــواز .. أنـــا ..
فواز : اششششش , أبي اركز .. خلّني ,, عشان اجيب لك بكره حلو ,, تتزوج فيه فدوى اختي ..
جمدت ملامح مشعل ثاني مره بس هالمره بشكل اكبر .. , ماكان فيه شي يتحرك بوجهه غير عيونه ترمش لفواز بغير تصديق .. اكيد يدري بس معقوله متذكر ومايبغى يقول ويفتح السالفة ؟ ولا ماكان فيه مناسبه ينفتح فيه الموضوع , فتخزن في ذاكرته لين ذكره شي ؟ ولا شلوووووون ؟

فواز رفع راسه وضحك : يعني كذا ,, شكلي .. اذا استغربت ,, (عفس وجهه )
ضحك مشعل غصب عنه وراح يوقف عند المرايه يشوف شكله : ههههههه حمار
...... :الا اقول فواز .. انت تتذكر من زمان ولا تو الحين ؟ (قصده سالفة الملكة )
فواز مايبي يقوله : خلني اركز ..


في الجامعة ..

الثلاث جالسين .. ومن زمان ماجلسوا بصفاء ..

فدوى راسها بحضن ديم .. غافيه وتنفسها شوي ملخبط.. كانت قبل شوي توصف لهم حالة البيت بدون فواز , وانها تروح تنام بغرفته كل يوم من كثر ماهي فاقدته ..
صبا جالسه قبال ديم ..

ديم طلعت دفترها ماتبي فدوى تسمعها ,, وكتبت لصبا (ياحماره شوفي حالتها ) واشرت على فدوى بحضنها
صبا خذت الدفتر وكتبت ( طيب شنسوي برايج ) ؟
"نكلم لها فواز ونقول له انها تسلم عليه لان اهلها مانعينها تكلم , ونطمنها عليه "
" اممم فكره , والمشكله هم عارفين انه ممنوع تتصل الصباح فترة التدريب وهي ماتقدر تكلم الا هنا "
" يقطع ابو الخط عمى اكتبي زين مافهمت شي "
" اقووول انطمي يللا انتي بتدقين على فواز "
" لا والله شمعنى انا " ؟
" لانج حماره , ولان انا لو دقيت يمكن أأثر عليه ماتفهمين انتي ؟ "
سكتت ديم تستوعب , ماودها بس من نزلت راسها تشوف حالة فدوى .. قررت انها تبدّي خوفها على صديقتها .. وهزت راسها لصبا بموافقة وتصميم ..

كان الكل نايم لما وصلت من الجامعة .. صح كانت خايفة .. صح كانت مرتبكة وماودها , بس لازم تقدم على هالخطوة .. عشان فدوى .. ولانها الوحيده اللي تقدر تكلمه ,, حست فجأه ان الحظ غصب يجمعه فيها .. وضحكت على نفسها بسخرية لما قالت لها " تخيلي انتي تتزوجين فواز .. احسج صراحه تحبينه مو بس تشفقين عليه "فواز .. " "حلوه ذي اتزوجه .. اللي يسمعج يقول الحين ما كأني لذاك الشي ثابت , ولاكأن ابوي وجدي فرررييي مره ! ,,

فز فواز للتلفون اول مادق : الوووووووووووووو
ديم باحراج " هـ .. هــلا
فواز ماميز الصوت : مين ؟
...... : انا ددديم . صدددديقة فدوى ..
ابتسم فواز وسوى حركة لمشعل برجله كنه يشوته ومشعل فقع ضحك وقال وهو طالع ( مو صاحي الولد بعد شكله يشبك بنات ) ..!
...... : هلا ديم ..
ديم ماعرفت شتقول : امممم , فدوى تسلم عليك ..
..... فهم فواز ان اهله مانعينها : عليك السلام .. وعليها ..
...... : .......
...... : ديم
ركزت ديم شوي في طريقة نطقه لاسمها : هلا
...... : فدوى ؟ شخبارها .. تنتبهون لها عسى ؟ ماتتعب ..! ها ؟
......تحمست : اكيد والله انها في عيوننا يافواز , قسم بالله اني مادقيت عليك الا عشان اطمنها ووالله مابيها تتعب
.....ضحك : طيب .. لاتعصبين ..!
ضحكت على نفسها لانها شدت اعصابها ومنحرجه منه , مهما كان فهو شاب له صوت شاب وتفكير شاب برضو ..
..... : طيب , تزوج فهد ؟ ولا ..؟ مو راضي يقول لي .. مشعل
.....ارتبكت : لا, مو الحين لسه تو الناس ...بس أنت لاتشيل هم بكيفهم
ابتسم فواز : ديم .. اول فدوى تقول .. مانبي .. اللي مايبينا
..... : ..........
.... ضحك ولو انها مو من قلبه : ههههه , الله يوفقهم ..
...... : طيب معليش بسكر ..
فواز وكأنه ماوده بس مايبي يحرجها ويخاف يلخبط بالكلام ويفتشل من نفسه زياده : اوكي , شكرا ديم
..... : عفوا .. باي
سكرت ديم وظلت واقفه بمكانها بغباء .. ! حتى ياسر وناصر صحو شافوها وماتوا من الضحك

ياسر : هههه كأنج .. تمثال ههههههه
ناصر يحرك يدينه في الهوا : هآآآي ديم هاااااااي
ديم انتبهت وضحكت : هاااا شتبون ؟
ناصر : الللله يخليييج سووووي لنا زي هذااااك اللي تسووووينه
ياسر : ايه و الله حلقي يعورني هذاك حلو حاااااار فيه شوكلاته
فهمت ديم ان قصدهم هت شوكلت وضحكت : اسوووووي كل اللي تبوووون مدام الاخت جيني طست فأنا أقدر اخذ راحتي ..

فرحوا العيال وهي راحت للمطبخ تفكر بفواز شوي وشوي تطالع المطبخ من غير الشغالة الغبية اللي راحت وريّحتهم , بس ماتوقعت ابد .. انها ممكن بيوم تخاف من ام ياسر زي كذا ..فرحت ان لها سند وناس كثير تحرص عليها ..
دارت شوي في المطبخ وضحكت على نفسها وضحكوا العيال وراها

في الجهه الثانيه .. فهد يفكر .. مازال مقهور من رهف .. خطب صبا عشان بس يقهرها ويقهر اخوه ..

ومافكر في نفسه .. عشان كذا جلس للحظات يحاول يتذكر شكل صبا وشخصيتها .. والمواقف اللي صارت له معاها .. يمكن يقتنع شوي باللي هو سوّاه ..


[16]

بعد ست شهور ..

(اخذيني .. مابـــيني ..! ) ..


الخميــس 3/12/1428 هـ ..


الساعه تسع وربع
تررررررررررررررررررررررن ..

ضربت فدوى المنبه بانزعاج .. وخذت لها ثانيتين تستوعب وهي تطالع الساعة .. وشوي تنقز ذيك النقزة من السرير بفزع ..
لما تذكرت هي .. ان
في مثل هذا اليوم .. قبل كم سنه .. كان موعد الملكة .. اللي ماحصلت ..
واليوم .. موعد الملكة .. مع الزواج ..!!!!!
يعني جا بكره الأجمل .. !

ديم معصبه : لاياشيخه تعالي بسرعة انا في الطريق مابي اروح لحالي ..
صبا متنرفزة من فهد : طيب شوي وجآيه ..

سكرت صبا وراحت لفهد اللي من صار زوجها من 3 شهور وهي خناق معاه .. بس عناد وغرور وكبرياء في بعض .. مع بعض بس قلوبهم مو على بعض .. وكأن كل واحد مايحاول يحب الثاني , كل واحد له كبرياء مايسمح لاحد يدوسه ..
عيشه صعبه وسخيفه ,, ومرت فيها ايام قهرت الاثنين ..
بس هي اكتشفت طريقة شكلها اخيرا بتنفع .. وحست انها لازم تتفاهم معاه ويتوصلون لاسلوب يقدرون يعيشون فيه بمشاعر !

فهد بنفس شينه : صبا مالي خلقج
صبا : طيب هذي اختك وانا صديقتها لازم اكون معاها ..
...... عفس وجهه : بلا تفاهات ,, البنت مارح تموت بلحالها
صبا مالها خلق تترجاه اكثر وقررت تلجلأ للأسلوب الثاني ..
: فهااااااااد ..
عصب فهد مايحب احد يحن عليه : اوووف صبا فكيني بلا حنّه
لمعت بعيونها نظرة عناد وقربت له مسكته من ياقة ثوبه وقالت بهدوء : اولا , لاتصارخ ترا اسمع , ثانيا , بتوديني عند فدوى الحين
فهد تخصبق (ارتبك ) ولف وجهه عنها : لاحوول من ذي
صبا شدته اكثر باصرار وجرأه : اروح البس عباتي ولا لا ؟
فهد يقال له مايحط عيونه بعيونه .. كبرياء مايبيها تحس انها بهالطريقة قاعده تضعفه : صبا وخري عني ,, ماني رايق لج
صبا مايأست ولفت وجهه لها بيدها وطالعته باصرار : اقولك بتوديني ولا لا ؟
فهد فضحته ملامحه لأنها اثرت فيه بحركتها ذي .. وقال وهو يبعد يدها ويمشي : لبسي عباتج لابارك الله فيج انتي وصديقتج ..

وقت صبا تراقبه بانتصار وهو يفتح ازرار ثوبه كنه يبي يتنفس ويدخله الهوا بعد هالموقف ,, شكله مات من الحر هههههه يستاهل .. "

وطول الطريق وفهد سااااكت وهي تعانده تشغل المكيف شوي وتلعب فيه , وشوي تغل الراديو وتغير المحطة , وشوي تدخل شريط وتطلعه
..... صرخ : صبا !
صبا تستهبل : نعم ؟
فهد عصب : بلا سخافه لاتنرفزيني كذا ماعرف اسوق ..
صبا انبسطت لانها عصبته بس حست انها زودتها .. فمدت يدها وطفت المكيف وهو التفت علها علطول كأنه يسألها ليش ..
صبا : شكلك بردان
فهد زفر : لا خليه مو بردان
مسكت صبا يده وكانت فعلا بارده : شووف يدك بارده
وقف فهد السياره فجأه على جمب وحط يدينه على راسه وقال بهدوء : صبا خليج ساكته لو سمحتي لين اوصلج البيت
كتمت صبا ضحكتها : خلاص طيب ..

وعلى الطريق اللي يودي لبيت فدوى .. التقوا الثنتين وراحوا لعندها ..

صبا بميانة الدنيا كلها سحبت ديم معاها وسلموا على اهل فدوى وطلعوا لغرفتها ..
فدوى ضحكت من شافتهم : بدا الازعااااااج
ديم تفصخ عبايتها : شف قليلة الأدب .. هذا وانا خناق مع اهلي عشان اجي لعندج ..
فدوى ضحكت : امزح وياااااااااكم
صبا سكرت الباب : يللا خلينا نرتبج
فدوى سرحااااانه تتأمل هذاك القلب اللي هي مازالت معلقته ع التسريحة ....... :......
صبا ماتت من الضحك وهي تكلم ديم : لااااا الاخت رايحه فيها
فدوى ابتسمت بس مانقلت انظارها لهم :كان 1425
طالعوا الثنتين في بعض بغير فهم .. فكملت فدوى بعدما انتفضت من الذكرى : مستوعبين انتم .. انه نفس اليوم بس بعد سنوات ... ؟
صبا تتذكر : ايييييييه صح كان نفس اليوم ..
ديم ابتسمت : فدو اهم شي ان هاليوم جاااااااا صح ؟
ضحكت فدوى ورجعت تعلق عيونها على القلب العشبي ..

في الغرفة الثانيه

الجوال يدق باستمرار وبشكل مزعج ,, لين اخيرا استسلم فواز ورد بعصبية : وااااااااااات ؟
مشعل : وت طل بعينك وجع للحين نايم ؟ فواااااااااااااااااااااااااااااااااااااااااااااااا ااااز اتز ماي ودينج داااااي
ابتسم فواز وهو يحك شعره : تصدق عاد .. اني نسيت .. وراح عن بالي ..
عصب مشعل : اقول انقلع بس
..... : هههههههه , لاتعصب .. خلاص .. شوي وجآيك ..
..... : لا لا عادي خذ راحتك مو لازم تجي , ستيوبد
...... : ههههههههههههههههههههههههههههههههههههههههههههه , خلاص والله .. صحيت .. وبروح ابدل ..
مشعل : يللا انتظرك , تمنّ علينا وذ يور فيس (ويا وجهك )
...... : هههههههههههههههه , مشعل .. تيرن يور فيس (اقلب وجهك)
.... ...طووط طووووط
ضحك فواز وهو قايم .. " انا اوريه .. الحمار .. "

بيت ابراهيم

حمود وهو رافع حاجب .. : لا والله ؟ ناوي تلطع الناس كم شهر ان شاء الله عشان ترد عليهم ؟
ابراهيم : يبه افهمني ,, ديم بنتي وقطعة مني وانا ماأعطيها لأي واحد ..
...... : يابراهيم كبر عقلك .. الولد مافيه شي .. اهله اهملوه ولاكان من اول تعالج
..... : ايه يبه بس اللي اعرفه ان طريقة كلامه مازالت شوي بطيئة , وبعدين يبه لاتنسى ان اهله جاو وخطبوا البنت بدون مايدري هو ...!
...... : ماقالوا له لانهم متوقعين انك بترفض ويخافون عليه .. وبعدين هم اكيد سائلين صديقة بنتك ..
ابراهيم معنّد وراكب راسه : يبه ديم تستاهل اكثر من كذا ..
..... : ديمه يمكن ترضى فيه , ماتعرف بنات هالجيل انت
..... : يبه ماتعرف شباب هالجيل انت , وبعدين انا نسيت ان امها قايلة لي ان ولد خالتها يبيها
...... : يبيها ؟ والله ليش ماتحرك وخطبها , بعدين ثبوت هذا اللي انت تقول عنه ماطلبها رسمي,
ابراهيم : يبه اليوم زواج صديقتها واخت فواز , خله يعدي على خير وبكلم البنت ..
حمود قام واقف وهو يكلم نفسه ( لا والله مايعدي على خير ) : بروح اجيب البنت من بيت صديقتها ..
ابراهيم استغرب : خلاص يبه هذاني قايم اجيبها
حمود دفه : اشتهيت اجيبها اليوم , دق على السواق
استسلم ابراهيم مع انه مايحب ان ابوه يتدخل ,, بس ماله غير يسكت لرضاه ..

عند البنات .. علياء كانت توها داخله ..

ديم : بنات احد يتصدق عليها بروج هههههههه
علياء ضربتها : هههههه وجع
صبا : لا ديم اخاف تنسى تمسحه وترجع البيت ويشوفها مساعد ويطلقها
الكل : ههههههههههههههههههههههه
علياء تجلس على السرير : ماتدرون شسوى فيني امس , توني مفصله نظاره وكنت جالسه احضّر والاخ انهبل جاب كرسي وجلس جمبي يطالع ماخلاني اعرف شسوي
ديم رفعت يديها : حمدي ربج .. الله يكثر من امثالك يامساااااااااااااااااعد
الكل : ههههههههههههههههههههه
علياء فتحت الشنطة طلعت جوالها والتفتت لفدوى : اييييه صح عندي لج شي من مشيعل حسبي الله على بليسه بغى يوهقني مع مساعد
فدوى قلبها قام يرقع : ....................
فتحت علياء جوالها على صورة لمشعل كان فيها يضحك بسعاااااااااااااده ,, وورتها فدوى وطبعا قطوا البنات كلللهم

فدوى طلعت لسانها : قدييييييييييمة , سارقتها من جوال فوازي
...... : وووووعمى ياقوة عينج ياقليلة الادب
....... : ههههههههههه كيفي حقي
طالعوها البنات كلهم بعد كلمتها وهي طاح وجهها لانها ماحست بنفسها وهي تقولها

ديم : لا ماشاء الله فدوى عيالكم بيطلعون جنان , ماعندج زيه تسلفينه شوي (قالتها بعفوية )
صبا : الللللا في النسخة الثانية الاخ فواز ولا نسيتي ؟
ديم انحرررررررجت مووووت لأنها قالت جملتها بعفوية .. وكلهم سكتوا كأنهم عارفين شي هي ماتعرفه ..

ديم تصرف : حمارات اصلا انتم تتزوجون وتخلوني .. واوووووووول تقولون خيانه ومدري ايش , وييييين كلامكم
علياء ضحكت : لا ان شاء الله بتنضمين لهم قريب
طلعت ديم لسانها .. وثواني يدق جوال فدوى وتبتسم : هلا فواز
فواز : شنو هذا .. ضحككم وصراخكم .. مالي البيت
طلعت فدوى لسانها : عادي مافيه احد انت شقعّدك للحين مفروض طالع من سنة جدي ..
..... : هههههه , قلت يمكن .. تخليني اطل .. شويه
..... : هههههههههههههه
...... : اقول اطلعي لي .. بكلمج
..... : طيب
سكرت فدوى وضحكت لهم .. : فواز يبيني لحظه
وعلطووووووول كلهم التفتوا لديم وهي عصبت : شفيييييييييييييييكم شدخلني اناااااااااااااااا
فتحت فدوى الباب لقته متركّي على الزاويه بيده سيزر برتقال وجزر , واول ماطلعت ضحك لها ..

فدوى باحراج : نعم شتبي ..
فواز وهو يشرب شوي : بروح الحين .. لمشعل .. هههههههههههههههههههههه
حمر وجهها : فووووووووووووااااااااااااااااااااااز
فواز : هههههههه
علياء نطت من ورا الباب : فوووواز شخبارك ؟
فواز ركز شوي في الصوت : منو علياء .. هههههههه شخبارج .. وووين الناس .. كح كح سو أولد (قديمه)
..... : هههههه شنسوي الدنيا مشاغل
فواز ابتسم : ومنو بعد وياكم .. عشان نسلم يعني ..
صبا : هلا فواز
..... فواز بكل نفس حلوه : مرت اخوووووووي بعد .. شخباركم , ها عسى مرتاحة .. مع فهد ؟
صبا بابتسامه لما حست انها ماعادت تعني له : ايه الحمد لله
فواز : دوم يارب ,, قولي لي بس .... لو سوّى أي شي .. هههه
صبا : تسلم

علياء نغزت ديم : سلمي عليه
ديم انصرعت : شدخخخخلني انا
صبا بلقافه : فواز صديقتنا هنا بعد ..يقالها مستحيه بس تسلم عليك
فواز ضحك وهو يسكر علبة العصير ويلعب بها بيده : ههههه هايدي .. شخبارج ..
الكل التفت لها .. مين هايدي البنت اسمها ديم .. !

فدوى باستغراب : اسمها ديم مو هايدي
ضحك فواز على زلة لسانه : سوري سوري ,, ديم ... كيف الحال ..
ديم من داخل : ..........................
صبا : ماعليك منها تستحي
..... : ليش تستحي .. عشاني بستها لما كنت .. خبل كككككككككككككككككككككككككككككككككككككككك دونكي فواز معليش .. اعذريه
فدوى ضربته : انهبلت انت ؟ شقاعد تقول , شنو بستها ؟
فواز مو قادر يوقف ضحك : خلاص روحي .. زل لساني .. الجرس .. يدق .. آوه ماي جاد .. ككككككككككك
تركته فدوى ودخلت والكل مستغرب ويطالع ديم اللي بالزاوية وشوي وتصيح ..

فدوى : فواز انهبل اتوقع .. صح هم قالوا انه يقدر يتذكر الاشياء اللي سواها حتى قبل , خاصة الاشياء اللي تتعلق بالناس الي يمرون على باله دايم ... بس شكله قام يهذي
صبا : لا لا شوفي وجه ذي ,, شكله صج باسها مره , اعترررررفي متى صار كل هذا
علياء : لححححظه , انا اصلا قاعده افكر كيف غلط باسمها وقال هايدي ماقال ريم ولا ديمه .. بس الحين عرفت ليش ..
فدوى : ليش ؟
..... : مو الأخ معاشر مشعل ؟ خلاص اذا انتي مولان هذي بتطلع هايدي (ورفعت حواجبها بخبث ) علمممينا شالساااالفه ؟
صبا : وانا شطلع ؟
فدوى : كرويلا درفيل اللي في مية مرقش ومرقش
...... : ههههههههههههههههههههههههههههه
ديم وصلت معاها : اسكتووووووا اكرهكم اكرهههههههككككككككمممممم حماااااراااااااااااااااااات
وغرق الكل بالضحك على شكل ديم ...

فتح فواز الباب .. ولقى شايب يستقبله باكبر ضحكه تختفي منها عيونه
فواز : ياهلا ..
حمود ضرب على صدره : انا جد ديم , جيت باخذ البنت ابوها نايم ..
فواز علطووول فتح الباب على وسعه : سم أبو ...
حمود : ابو ابراهيم ..
فواز يفتح لمبة المجلس : تفضل ... تفضل ابو ابراهيم

تحرك حمود الي بان قصير قدام فواز ودخل وهو شاق الضحكه فرحان ..

فواز : عن اذنك .. لحظه
دخل فواز للمطبخ : يمه
...... : مصمّه وجع شتبي ماني فاضية لك ..
ابتسم : الى متى يعني .. بتصارخين علي ,, كني بزر ..
...... : اخلص شتبي ..
...... : ابو ابراهيم .. بالمجلس .. صلحوا .. قهوه ..


بالمجلس ..
حمود قام واقف : خلهم ينادون البنت يللا عشان امشي
فواز ابتسم : لا وش دعوه .. القهوه جايه
حمود وهو يبي يجلس بس مسوي فيها : لا والله اني جاي بوقت غلط بس زهقت في البيت وقلت اجي اخذ البنت تونسني شوي ..
...... : لا ابد .. والله ماتطلع .. لين تتقهوى
جلس حمود وكنه ماصدق : اقول ياولدي انت شسمك ؟
ابتسم فواز وجلس جمبه : فواز
..... : ايييييييه انت فواز اجل ..
...... هز راسه : آمرني ..
...... : وش هاللبس اللي انت لابسه ؟
طالع فواز في ثيابه باستغراب فكمل حمود : الحين اليوم مو عرس اختك شحقّه مالبست ثوب هااا
فواز : ههههه , بلبس .. بس تو الناس ..
...... ضرب راسه بخفه : وشعرك وش فيه كذا
استغرب فواز منه بس ماشره عليه : هذا هو .. شعري كذا
رفع حمود طاقيته وضرب على صلعته : خلف الله علي .. شف هاه .. ماتعطيني شوي ؟
ضحك فواز بحرج ,, شفيه هذا يتكلم معاه وكأنه يعرفه ..

جات القهوه وتقهوى شوي معاه ومشعل متنرررفز كل شوي داق على فواز والاخ رامي جواله مبسوووط مع حمود يحس ان وراه شي .. وخاصة انه يتعلق بديم ..وحمود كان بوده انه يسولف مع فواز شوي عشان لاجا يكلم ولده مايصير ابراهيم له حجه

فواز قام واقف : ان شاء الله
طلع فواز ودق لفدوى

فدوى سككتهم : نعم ؟
فواز : ابو ابراهيم تحت يقول خلوا البنت تنزل له ...
ديم انصدمت : شيبي جدي .. ؟ غريبه وانا اقول بابا شفيه تأخر ماجا ..
علياء : خخخخخ وانتي مازلتي على بابا , بابا خلاص مو فاضي لج عقب ماتزوج
ديم لبست عبايتها بسرعه :هههههه وصلوني يلا , يللا فدوى اشوووفج بعد العصر اخاف اتأخر مايجيبوني , يللا صبا هذا بيت اهل زوجج يلا وصليني تحت ..
نزلت معاها صبا وهي لابسه جلال ووصلتها للباب اللي يطلع للحوش وراحت ..

فواز نزل لقى حمود اختفى من المجلس ! ومن الحوش , بس سمع صوت السياره برا .. شفيه كذا طلع فجأه كنه يقصد شي ..

لف فواز لوراه بيدخل البيت وشاف ديم تسكر عبايتها بتطلع , بس وقفت لما شافته ..

ابتسم فواز وحب يهبل فيها : وين هايدي .. تو الناس .. ليه مستعجلين .. ؟
ديم وعيونها نزلت علطوووول لبلوزته الاورنج اللي فوقها جاكت بني خفيف مسكر لنص صدره وماعرفت ترد : بس .. ابي اروح بيتنا .. !
ضحك فواز : طيب .. اقول لج ؟
ديم تلفتت حولها للتهوية الفاااااضية تماما الا منهم : شــ شـــنو ؟
فواز ابتسم بجاذبيه وهو يحط يده على جبهته عن الشمس : تاخذيني ؟
..... : نعم؟
..... : ههههه .. تاخذيني .. وياج ؟
ديم مخها قفل : اخذك وين ؟ انا بروح البيت
....... : ههههههههههههههههههههههههههههههههههه
انحرجت ديم لما حست بغبائها .. بس هو وقف ضحكته وكمل : قصدي يعني .. من اول قلت لج .. يوم تكلمين بالمستشفى .. اللي مايبينا مانبيه صح ؟
...... غباءها ماوقف وماتدري ليه للحين واقفه تكلمه : صح , طيب وبعدين ؟
...... ماعرف فواز يفهمها وشكل مخها وقف فقال بهدووووء : اخذيني مابيني ..

/
/
/

ديم عصبت وشوي وتصيح : وين اخذك فيه تستهبل انت ؟
ابتسم فواز بصبر واشر على قلبه : هنا ..
مشت ديم بأقصى سررررررررررعه ماتدري كيف تحركت ووصلت للسياره وصفقت الباب بقوه ..

حمود : ماتسلمين ؟
ديم بصوت مبحوح ويرجف : السسسسسلام عليكم
حمود عرف انها قابلته وكلمها وصار كل اللي يبي يصير ,, فانبسط حيييييييييل : هاهاهاهاهاهاهاهاهاهاهاهاهاهاها
حست ديم ان جدها ناوي على شي والخبلة نزلت دمعتها من الموقف ..
# بعض الاحيان على ان اجدادنا متشددين , الاحظهم يتساهلون في اشياء ! , وبعضهم اذا بغو الشي يصير قاموا يحطون قوانين على كيفهم ..


الساعه 3 ونص العصر .. بيت ام سعد ..

كانوا يشربون شاهي .. العائلة الكريمة مع ميثه !

نوره تهمس لساره : شوووفي شكل سعد اخوي من تزوجها قام يصير عنده فلوس ولا اول بس يكذب علينا
..... : ليه ؟
..... : شوووووفي الطقم اللي عليها , تهقين من ذاك المحل اللي جابوه بالدعايه ؟
..... : أي وااااحد ؟
..... : محل الذهب ذاك زارولدي ..
..... ضربتها : ياحماره اسمه زمرّدي
..... : شدراني عاد
ميثه ابتسمت لهم : اقول بنات شرايكم نطلع السوق نتمشى بعد العصر , فيه اشياء ناقصتني ماودي اتسوق لحالي ,, شرااايكم نطلع سوا ؟
هزوا الثنتين راسهم متحمسين للفكره .. فهي كلمت سعد وصلوا وطلعوا .. وركبوا السياره

في السياره

ميثه بصوت واطي : اشوفك ترا
سعد التفت وضحك : ماطالعت بأحد .. !
ميثه سحبت يده ومسكتها ..
ساره تهمس لنوره وهم جالسين ورا : إه شووووووفي عمى بعينها ماسكه بيد سعد
نوره : يختي زوجها وكيفها
...... : لا عاد مو كذاااااا قدام العالم والناس , اصلا احس حركة مسكة اليد ذي متخلفه مالها معنى .. ها شوفي شوفي (ومسكت يد اختها ) هذاني مسكت يدج تحسين بشي ؟
نوره سحبت يدها وضربتها : انلقعي بس
وقفوا عند الاشاره وسعد مبسوووط ع الآخر ويده تحضن يد زوجته .. والتفت ع اليمين وكان فيه سياره فيها سواق وبنات ورا ..

وماحس الا بميثه تقرصه ذيك القرصة اللي خلته يسحب يده ويلتفت مرتاع يشوفها لفت راسها عنه
ضحك سعد : عجبني نوع السياره و الله ..
ميثه ملتفته عنه : حسابك في البيت كمل طريجك
هز سعد راسه وضحك براحه .. ومد يده للدركسون ثاني مره وكمل الطريق رايحين لمارينا مول ..


الساعه 5 ونص ..

صبا دخلت البيت ع السريع تبي تلبس وتتجهز وتكون عند فدوى .. وفهد نايم بسابع نومه
ابتسمت .. لانها قبل امس تخانقت معاه بس يطلع ينام احيان عند اصدقائه او بيت اهله ! وهي من بعد موقف العامل تخاف تقعد لحالها .. وشكله الاخ ناسي ..
يعني كأنه بدا يحس شوي .. بواجباته تجاهها

صبا وهي ترتب اغراضها ومكياجها وتدور في الغرفة .. : فهد .. فهد المغرب اذن من سنة جدي قووووم
تحرك فهد ولف جسمه بدون مايقوم ..

..... : فهااااد
..... : بلا ازعاج يامره , خليني انام ..
عصبت صبا .. وبراسها عناد .. انتظرت شوي يستغرق بالنوم ثاني مره , وسحبت روج اححححمر لماع وحطته .. وراحت له وطبعت أكبر بوسه على خده ..
فهد لف وغطى وجهه بالمخده يحسبها رمت عليه شي ما انتبه هي شسوت

# ياعيني ع الاحاسيس

اما هي تركته وراحت للصاله تكوي شماغه اذا قام .. بعد شوي سمعته صحى وسمعت حتى صوت الدش , وبدا قلبها يدق .. الله يستر منه شبيسوي فيها
الاخ صلى وبدل ومابعد ينتبه لوجهه .. وشوي

..... : صباااااااااااااااااااااااااااااااااااااااااااااااا ااا

انتفضت وهي تمسك ضحكتها وركضت له : نعم ؟
فهد وهو يأشر على خده معصب : شنو هذا تستهبلين انتي ؟ بطلع الحين !
صبا ابتسمت ببرود : امسحه طيب
تنرفز فهد وسحب كم كلينكس ومسح وجهه بدفاشه بس صبا متوصّيه فيه وحاطه روج ماينمسح !
....... : آآآآوووووف , يابنت ماراح , اطلع كذا قدام الناس يعني ؟ ها ؟ قولي لي اطلع كذا ؟
صبا رفعت كتوفها تستعبط : عادي وحده زوجته بايسته , مافيها شي !
فهد غصب عنه ابتسم : لايكثر .. ومسحيه اخلصي علي .. بطلع
ابتسمت صبا وراحت سحبت مزيل الميك اب وهو جلس على طرف السرير : الاحظ انج تحبين تنرفزيني ..!
..... : صح ..
رفع فهد حواجبه .. وهي اتسعت ابتسامتها وقربت له مسكت وجهه من دقنه وقامت تمسح الروج : هههه ياليتك طلعت وما انتبهت كان بتصير مقطع بلوتوث برا ..
فهد ومستسلم لها تمسح وجهه : .........
...... طالعت بعيونه : شفيك؟ الاحظ لاقربت منك تسكت ؟
فهد اشر على خده : اخلصي علي راح ولا ؟
ضحكت : أي راح
.......تحرك بيقوم : شكرا , بس لاعاد تعودينها , هاتي شماغي انا تأخرت
حست انه يتكلم من ورا قلبه ويكابر , فقامت جابت شماغه واعطته اياه .. ووقفت قباله تسكر ازرار ثوبه ..

فهد بكبرياء : شايفتني بزر ماعرف اسكّر ازاريري
صبا : لا بس كذا اشتهيت تصدق !
فهد طبعا مايقدر يوخرها عنه .. بس مايبيها تعرف انها بالطريقة تأثر فيه ,, مايدري انها تتعمد ..
صبا : اصبر شوي ووديني على طريقك لفدوى
..... : لا كذا بتأخر ..
صبا : طيب يعني بتخليني لحالي بالشقه ؟
..... : مارح تموتين كلها ربع ساعه وانتي طالعه صح ؟
بوزت صبا : خلاص روح
.... حس بالذنب : لاحوووووووول , خلاص اخلصي بسرعه
تحركت صبا وكملت اغراضها واخذت مناكير من الدرج وصارت تحط وتمسح تعانده
..... : ماله داعي بكره بتخلصين مع هالمناكير .. آآوف صبا لاتعاندين ..
صبا تنفخ على اضافيرها : خلاص خلصت .. (وسحبت الطقم من العلبه ولبسته وبقّت العقد )
صبا بجديه : فهد لبسني هذا
فهد زفر : لبسي لحالج
..... : ماقدر فتحته مره صغيره وقصير ماقدر اجيبه لقدام (وبدون ماتشاوره جلست قدامه وعطته العقد بيده ) ..

استسلم هو ولف يدينه حلو رقبتها وجلس ساعتين يسكر العقد وهو يلعنه في نفسه .. لما انهى المهمه بعد عنها بس تعلقت عيونها بعيونه شوي ..
.... : ......
.... : .......
فهد نفض راسه : يللا انا في السياره قفلي الشقه !
صبا حطت راسها على رجله : يوووه تصدق , ظهري يعورني شرايك البس الصندل الثاني اللي كعبه مو عالي مره ؟
فهد وهو يطالعها على رجله : ..............
..... : فهد ! اكلمك انا
فهد : صبا براسج عناد اليوم بكيفج انا تأخرت وابي اطلع
صبا بدون ماتطالعه : روح احد ماسكك
فهد يبي يقوم بس قلبه ماطاوعه يبعد راسها عن حضنه .. مايدري وش الحاله اللي جاته بس ماقدر يقسى ويدفها .. فمرت عشر دقايق كل واحد يعاند الثاني ..لين صبا حست انها مصختها وقامت لبست عبايتها .. ووصل الكل بسلاام ..!


الساعه 11 ..

في العرس .. كانت الفرحة باينه على وجه الكل .. كان ممكن مشعل وفدوى يرتبطون ببعض قبل كذا ,, بس فيه قوانين نصّتها محكمة البشر .. ! منعتهم كل هالسنوات .. بس ماقدرت تغير اللي في القلوب .. ويرجعون يجتمعون غصب عنهم ..

هاللحظات أصعب من أنها تنوصف .. نفس الاحاسيس والمشاعر والقلق والربكة والسعادة كانوا حاسين فيها الاثنين قبل سنوات .. بس هالمره بزياده ..

انزفت فدوى لحالها وبانت الابتسامه على وجهها .. والتم الكل حواليها .. كانوا طالبين انهم يزفون مشعل .. بس هو رفض وحتى فدوى ماحبت تشوفه ويشوفها كذا قدام الناس كلهم .. وكأنها تبي اول لحظه تكون خاصة فيهم ..

جلست بالغرفة .. على أعصابها .. خلاص هي انسانه ماعادت تبي نفسها من كثر ماضحت للناس ,, وجا اليوم اللي يجي فيه مشعل وياخذها ..

كانوا كلهم مجتمعين معاها بالغرفة .. وهي سرحااانه .. سرحاااانه بكل معنى الكلمة , لدرجة أنها شافت ان الغرفة فضت من الكل فجأه وبدون ماتحس ..
شالت نفسها من الكرسي وراحت للمرايه .. تراقب فستانها الابيض ,, واللي كان طايح على جسمها .. وشعرها اللي طال وراح لون الصبغه .. ورجع للونه الأسود , لون مولان !!

انفتح الباب وفدوى قلبها رقع بقوه , بس فواز ضحك : هههههههههههههههههههههههههههه
فدوى ماتت من الاحراج : حسبتك مشعل ..
فواز سكر الباب : لا , ترا مشعل مو حاط عوارض .. زيي
نزلت فدوى راسها وجا فواز لعندها : اقول فدوى .. !
.... : هلا
.....تلفت حوله وضحك على نفسه : والله ماعاد يهموني .. تعالي .. (فتح يدينه )
فدوى غرقت عيونها ..

فواز : يعني تخافين ابوي ولافهد .. يخانقون .. ؟
...... : ........
..... : يابنت تعالي ,, بعدين .. مشعل مارح يخلينا نشوفج ابد ..!
ضحكت فدوى بحرج بس ماقدرت تقرب له .. فقرب هو وضمها : الله يوفقج ..
..... : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآىهئ
بعد فواز بسرعه : لاحوووول .. الحين مشعل .. بيذبحني .. مهددني ما أدخل ... يقول لاتصيّح البنت .. خلاص فدوى بس ..
فدوى مسحت دموعها وهو طبع لها بوسه على جبينها : فدوى شكرا .. ما انساها لك
..... : على ايش ؟
.... ابتسم : انك ..كنتي اهلي , ها لا أوصيج .. مشعل لاتعطينه وجه .. وتدارينه حيل .. تراه ماصل شوي هههههههههه
ضحكت فدوى وراسها للارض .. وهو سلم عليها وطلع .. وباكبر ابتسامه مستعد يستقبل حياته بدون فدوى , لأنه يقدر يواجههم لحاله خلاص ..

طلع ووصل أهله للبيت .. والشي اللي ما انتبه له امه وابوه ,, شكلهم متخانقين ..

فهد دخل وقابل فواز بالدرج : شالصراخ ؟
فواز رفع كتوفه : مادري والله ..
فهد ومن تشافى اخوه ماقدر يحط عينه بعين فواز : شكلهم يتهاوشون
ام فهد : وين اودي وجهي من الناس , ماسمعت كلامهم اليوم في العرس , الكل يغلطني , طاعت انا الغلطانه , طلعت انا اللي واقفه بطريق العيال ,, كله بسببك انت , انت اللي تعاملهم غلط , انت اللي قصرت بحق فواز ومارضيت انه يتعالج
..... : اص ولا كلمه يامره , كل الغلط غلطج انتي , انتي الام , انا ما اكون موجود بالبيت كثير ..
.... : لا انت الغلطان , انت الابو وانت اللي سامح لهم وتاركهم على كيفهم , انت اللي مخلي فهد يتحكم فيهم ويمشيهم على كيفه .. وين اودي وجهي من خواتي ومن اخواني
(فهد وفواز برا يطالعون ببعض بخوف )

..... : شوفي لاتخليني اتهور , الغلطه ماهي غلطتي , وفواز يوم خطبنا له صديقة فدوى ماردوا علينا .. لو هم ناوين يوافقون كان ماتركونا , بس اكيد مايبون يعطون بنتهم واحد مثل فواز عنده ام قاسيه مثلج
.... : ومايبون يعطونه واحد عنده ابو مهمل مثلك
تراااااااااااااااخ

فهد وفواز غمضوا عيونهم سوا بألم

فواز : ابوي ... ضرب امي !
فهد مسكه من ذراعه بهدوء : خلهم فواز
فواز تركه ودخل علطوووول لأمه ومسكها : ضربتها يبه ؟ ضربتها
عصب ابو فهد لان العيال تدخلوا : انتو ماتستحون تتدخلون بيننا انا وامك
فهد تنرفز : يبه ليه تضربها مالك حق ترفع يدك عليها
ابو فهد يصارخ : خوووش , انا الغلطان الحين ,, ياسلام ..!
فواز محوط امه ويقول بحنان : يمه لاتبكين ,, بس .. يمه
ام فهد تصيح : ياويلك من الله يالظالم , تضربني عقب هالعشره وقدام عيالك اللي صارو اطول منك
ابو فهد وعيونه طالعه لبرا : انتي ماقدرتيني ولا حشمتيني , انتي الغلط منج , انتي اللي ضيعيتينا كلنا ..
فهد صرخ : لا انا الغلطان .. انا الغلطان .. (وبدا فهد يرجف ) انا اللي ضيعت الكل , انا الله ياخذني , انا مو انتم .. مو انتي يمه , مو انت يبه .. انا السبب بكل اللي حصل .. انا حتى مو قادر احط عيوني بعيون فواز ,, بس مو بسببي انا , بسببكم انتوا اللي علمتوني اتحكم فيه ..
فواز وهو جالس على ركبتينه ماسك امه : فهد ! انت ماسويت شي , خلاص حصل خير .. انا الحمد لله بخير ..
ابو فهد صرخ : الله ياخذكم كلكم ., انتي طالق .. طالق .. طاااااااااااااااااااااااااااااااااااااالق .. !
انهارت ام فهد بين يدين فواز اللي لأول مره يحضنها ..! اما فهد طلع برا لأي مكان .. ماشاف نفسه الا وهو يفتح باب الشقه ..

صبا كانت جالسه على الكنبه وانتبهت لوجهه وارتاعت : فهد ! شفيك !
تحرك فهد قدامها بدون مايتكلم وهي من خوفها قامت له ومسكته : فهد انت تنتفض ! اعصابك يافهد شاللي سوا فيك كذا
غمض فهد عيونه ويده على جبهته مو قادر يتكلم .. وهي سحبته للكنبه وجلسته جمبها : فهد قول لي شفيك ..
..... : ........
قامت صبا بسرعه وجابت له ماي ورجعت لقته منسدح وفاتح ثوبه من قدام ,, جلست جمبه علطول ورفعت راسه على رجلها وشربته : فهد والله خوفتني .. قول شفيك
...... : محد قال لي اني ظالم , ليه انتي ماقلتي لي ..
حركت صبا شعره بيدها : قول شالسالفه اسمعك

رفع فهد راسه وطالعها .. وقتها حس أنها هي اللي المفروض تاخذه من ظلمه , هي اللي بتبقى له , يمكن هي الوحيده اللي هو ماظلمها كثير زي ماظلم كل الي يعرفهم .. بس كذا الدنيا ماعلمّته الا متأخر ..

ارتاعت صبا لما شافت عيونه تدمع .. ويلف وجهه يدفنه بحضنها ويتمسك فيها من ظهرها ويصيح بشهاق كنه طفل صغير ..!

# يمكن كان عقابه .. شي اقسى من قسوته .. يسمونه ( حنان أنثى ) !


ابراهيم بعدما اقتنع اخيرا : شوف يبه هذا البنت عندك واذا هي موافقه بكيفها انا مابي اظلم احد ..
حمود يطالع ديم اللي تصيح : ها يابنتي شقلتي ..
ناصر جلس على يسار ديم : ديم لاتصيحين , يبه حمود خلها ماتبي تقول لك الحين
ياسر : ايه خلوها يمكن تبي تصيح .. !
قامت ديم واقفه وراحت لغرفتها علطووول , ومالقت نفسها الا وتدق رقم فواز الي كانت محتفظه فيه للضروره , كأنها مو مصدقه انه يبيها هي

فواز بكل هموم الدنيا : الو
ديم : .............
فواز : مين ؟
..... : انا ديم ..
ابتسم فواز ابتسامه ناقصه : هلا و الله
..... : ......
فواز : صدقيني ديم .. ماكنت ادري .. ان اهلي كلموا اهلج والله
..... : ولا انا ..
...... : ....
...... كتمت صيحتها : فواز شفيه صوتك ؟ فدوى فيها شي ؟
..... : لا مافيها شي , بس انا خـلاص مابيني .. امي وابوي تطلقوا .. بسببي .. فهد تعب بسببي .. مشعل وفدوى ماتزوجوا متأخر إلا بسببي .. ! يارب اموت .. يارب اموت وافك الناس مني
..... عصبت : فواز !
..... : هلا
..... : لا تدعي على نفسك , اذا انت ماتبي فواز ترا فيه ناس يبونه ..!
فواز ابتسم : مين هم هذولا ... اعرفهم انا ولا ؟
..... حاولت تهدي : الا تعرفهم ..
..... : طيب أسأليهم شوفي .. هم يبونه يعني .. يبونه يكون عايش .. ولا .. يبونه ياخذونه لهم ؟
.... : .....
..... : اساليهم عندهم استعداد .. ياخذونه لهم عن الناس ... ويخبونه .. ومايخلون احد يزعله ولا يضيق خلقه ..
...... : .....
...... : ديم اسأليهم .... اذا بس بيحنّون عليه .. وبياخذونه ومايحبّونه .. اجل يخلونه .. احسن
..... : سألتهم
..... : شقالوا .. ؟
..... ضحكت وهي تمسح دمعتها : يقولون من زمان اصلا .. وهم يبونه .. بس هو ماكان يبيهم ..!
..... : هههه هايدي ..
..... : هلا
...... : احبج
........... طوط طوط طوووووط ..


الساعه 1 ..

تحركت يد الباب .. واللي بيدخل الحين مشعل لامحاله ..!

فعلا دخل بالبشت .. وعلى وجهه اكبر ابتسامه ... !
سكر الباب وشال البشت .. وهي منزلة راسها لدرجة رقبتها قامت تعورها ..
كانت واقفه تصلح شعرها قبل يدخل .. فما قدرت تتحرك

تكلم مشعل : مبروك مولان ..
..... : الله .. يبارك فيك ..
.... بدون ماتحس : مشعل !
..... : عيون مشعل .. ولا صح انتي عندج زيهم .. تبين قلبه ؟ شرايج ؟
فدوى احترق وجهها : تسلم .. بس من زمان وانا ودي .. اعرف .. شمعنى انا مولان ؟
ابتسم مشعل وهو مازال بعيد : البنت في الفلم كان شعرها طويل .. وحلو .. وهي قصته وتخلت عن نفسها وماهتمّت عشان تحارب بس لأهلها .. لأنها ماهمها نفسها ,, وقلبها لغيرها دايم .. فهذي كنت اشوفها انتي ,, على قد مافيها رقه .. فيها شجاعة وتضحية ..!

فدوى ماعادت الارض تشيلها فطاحت على ركبها وهي تطالعه يبتسم .. ويقرب شوي ويجلس على ركبه مقابلها ..

اغلب الناس لقاءاتهم الاولى سلام وكلام ,, كل اللي تعرفهم فدوى متزوجين .. كان اول احتكاك لهم بالنص الاخر ,, هو مصافحه مثلا .. او بوسة على خد او جبين .. او حتى لمسه بسيطه ..

وهي بتحترق من جلسة مشعل قبالها بهالطريقة .. حتى مالمسها ..
.... : فدوى !
..... رفعت راسها : .........
..... ضحك : مو قايل لج باخذج ؟
ضحكت فدوى وعلطوووول غرقت عيونها .. وكأن مشعل ماصدق أنها له ومافيه حدود او قيود بينهم .. .. تحرك وبأكبر قوه ضمها لصدره وهو يضحك : فاااينلي ضمّيتها ههههههههههههههههههه اخييييييييييييييييييرا ..

( تمــــــت ) ...

بعض الشخصيات تلعب دور ثانوي في القصه , لانها في الحياة ثانوية !

بعضنا يحتاج لاحد يأثر عليه ويغار منه ( مثل ساره ونوره )

احيانا نحتاج نضحي ونلعب اكثر من دور اذا كان غيرنا تخلى عن ادواره وواجباته .

حلو نضحي بس نعيش بسلام

تكبير حجم المشكلة يكبرها فعلا .. لان لو كان ابو فهد وام فهد متفهمين وحاولوا يعرفون المشكله .. كان حلت من الاساس .. كل اللي كان يحتاجه فواز .. بيئه ايجابيه تخليه يفكر صح .. !

ممكن نتخطى بعض الحدود احيانا, اذا كان هالشي في مصلحتنا ..

ممكن الانسان يمر في مرحله .. تكون مشاعره فيها متلخبطه .. ويحب أي شخص قدامه .. بعدها يكتشف انه مجرد نزوة .. ماعادت تعنيه ..

ممكن نحاول نفهم بعض لو ماتشابهت شخصياتنا ..

ممكن نحن لبعض ..ونشتكي لبعض

ممكن نضحي لبعض ..

ممكن نحسّ ..!

ونتعاطف ونساعد

ممكن نشتــــاق ونحتاج

ونحب بعض ! ..
ممكن اذا قريت هذي القصه وظنيت انها من الخيال ..

فهذا يعني انك مو عايش بالواقع !

منشورة في: روايات