يارب تخليه وتبقيه لعنين ترجيه الجزء الثاني

بعد ماطلعت منيرة...
فواز: نواف ... من جدك بتتزوج رؤى ؟؟؟
نواف: ايه ايش فيها؟؟؟
فواز: ابد ما فيها شي ... بس انت طول اليوم تناجرها ... ولا تطيق تسمع اسمها ... ودايم عندك انها تتدلع
نواف: الفكرة نفسها ما تغيرت
فواز: نواااااااااااااااااااااااف ... شلون تبي تتزوجها اذا كذا ؟؟؟
نواف: عناااااااااااااااااااد فيها ... عشان مرة ثانية تتأدب وما تتشمت فيني ... وترسل مسجات مثل وجهها
فواز: لا مو صاحي ... امي تبي تزوجها عشان تريحها وانت هذا تفكيرك
نواف: لا انا بعاملها بالحسنى بس اول شي بأدبها
فواز: مستحيييييييل اخليك ... البنت يتيمة ومالها احد ... مسكينة حتى في زواجها ماتتهنى
نواف: انت اسكت وما عليك
فواز: شلون تبيني اسكت ؟؟؟
نواف: طيب اسكت خلنا نشوف ايش يصير ... يمكن البنت ماترضى!!!
فواز: واذا رضت ؟؟؟ ما راح ارضى بالظلم يانواف ... فاهمني!!! كل شي الا الظلم



في الجامعة...
رؤى حاطة راسها عالدرج ونايمة بين المحاضرتين... ( مسكينة ما تدري ايش ناوي عليه نواف )
خلود صديقتهم: رؤى ... اذا تعبانة اتصلي عالسواق وروحي
رؤى: يبيله الصراحة
خلود: انا ما ادري ليش مداومة؟؟؟ اكيد نمتي متاخر امس!!!
رؤى: مانمت اصلا عشان يكون بدري ولا متأخر
خلود :لييييييييييييييييييييش ؟؟؟
رؤى: كذا مافيني نوم
خلود: طيب لينا واحنا متأكدين انها ما نامت مع ان ماشفناها اليوم
رؤى: ليش متأكدة يعني؟؟؟
خلود: اكييييييييييييد طول الليل تكلم حبيب القلب
رؤى:هههههههههههههههه صادقة
خلود: شلون ملكت كذا من غير ما تقولنا
رؤى: خلي تقول لنفسها اول بعدين
خلود: ليش يعني
رؤى: اقولك ... وقالت لها السالفة
خلود: حركااااااااااااااااااااات ... طلع مو بهين خالد
رؤى: شفتي شلون
خلود: المهم تقولين للينا انها ما بتدخل الجامعة الا ومعاها الصور ... نبي نتفرج عليها وعلى خالد
رؤى: اوكي بقولها ... بس وخري عني خليني اكلم السواق واقوله يمر علي
خلود: ذكرتيني ليش مانمتي امس؟؟؟ اكيد شفتي لك واحد حلو ومزيون ؟؟؟
رؤى: ياحسرة قلبي وين بشوف؟؟؟
خلود: يمكن كنتي واقفة عند الشباك تدورين لك واحد ... اكيييييييييد غرتي من لينا
رؤى: ههههههههههههههههههههه ماتبطلين سوالفك
خلود: لا تضيعين السالفة ... ايش فيك؟؟؟
رؤى وهي تبكي: احس بضياااااااااااااااع يا خلود ... احس اني ضايعة
خلود: ليش حبيبتي
قالت لها رؤى كل اللي صار ...
خلود: لاحول ولا قوة الا بالله ... عيال خالتك متى بيعقلون ويبطلون هالحركات؟؟؟
رؤى: اكرههههههههههههههههههههههههم لاتجيبين لي طاريهم
خلود: طيب ليش ارسلتي لنواف المسج؟؟؟
رؤى: حسيت بتأنيب الضمير تجاه خالتي وعمي عبدالعزيز ... زعلوا ولدهم عشان خاطري ... وما تبيني ارد لهم شي من جمايلهم علي
خلود: طيب وابوك؟؟؟
رؤى: هو معه حق ... ادري انه يحتاج زوجة ... بس هو مو راضي يتزوج الا اذا تزوجت ... ولا انا مستعدة اني بنفسي ادور له واخطب له بعد
خلود: يعني انتي موافقة ان ابوك يتزوج على امك؟؟؟
رؤى: امي الله يرحمها ... وانا مو من حقي امنع ابوي من حقه ... اذا كانت امي موجودة فما اقدر اتكلم واعارضه لانه ابوي ... شلون وامي متوفية؟؟؟
مالي داعي اصلا اذا رفضت ... هذا حقه ... والله يجزاه خير انه انتظر علي كل هالسنين
خلود: طيب ليش ضايق خلقك؟؟؟
رؤى: لاني احس اني صرت حمل ثقيل على ابوي
خلود: طيب والحل؟؟؟
رؤى: اوافق على اول واحد يتقدم لي ... لو كان سواقنا
الا يدق جوال رؤى ...
رؤى: عمره طويل
خلود: مين؟؟؟
رؤى: السواق هذا هو وصل
خلود: الظاهر انك من جد حاطة العين عليه ... ومسوية كل هالتمثيلية عشان تاخذينه ومحد يوقف بوجهك
رؤى: ترى مالي مزاج اتكلم اكثر من كذا .. وخري عني خليني اروح
خلود: ههههههههههههههههههههههههههه الله معاك ... وسلمي لي على سواقكم


طلعت رؤى للبيت وهي ميتة من التعب ... من امس مانامت ولا كلت شي ...



بيت عبدالعزيز ...
الظهر كلهم قاعدين في الصالة منتظرين الغدا ... وعيونهم ما تنفتح من النوم ... بس كالعادة ابوهم مايرضى ان احد يتخلف عن الوجبات ... لازم الكل يكون موجود ... والكل شكله معتفس ماعدا لينا اللي بطبيعتها هادية ونعومة وزادها جمال شبهها من فواز اخوها ...
نواف: فيني نووووووووووووووووووووووووووم
فواز: اسكت لا تجيب طاريه
نواف: لا وهذا ابوي كان ناوي اني اداوم الصبح ... ماله امل
فواز: جتك من الله طيحتي امس
نواف: أي والله ... اول مرة تسوي شي فيه خير
فواز: هههههههههههههههههههههههههه
التفت فواز على لينا وشافها لابسة وشكلها مستعدة وليان غطا راسها بجنبها ... ابتسم ابتسامة خبث
فواز: لينا ... ليش كاشخة كذا؟؟؟؟
لينا: ابد ... عادي من قال اني كاشخة ... لابسة لبس عادي
فواز: اها ... قلتي لي عادي؟؟؟
منيرة: لينا ... كلمي خالد شوفيه ليش تاخر ... نبي نحط الغدا
هنا حمرت لينا ... وناظرت في فواز ونزلت راسها
فواز: اها ... قلتي لي لابسة لبس عادي؟؟؟
لينا: فواااااااااااااااااااااااااااااااااز
فواز: هههههههههههههههههههههههههه ... روحي اتصلي على عريس الغفلة شوفيه ليش تاخر بس
دق الجرس وركضت لينا
الكل: ههههههههههههههههههههههههههههههه

عند الباب...
خالد: السلام عليكم
لينا: وعليكم السلام ... ليش تاخرت؟؟؟
خالد: اشتقتي لي؟؟؟
لينا: لا بس امي تسال عنك ... واخرتنا عالغدا
خالد وهو ماد بوزه: افا ... يعني ما اشتقتي لي ... هذا وانا جاي ركض مشتاااااااااااااق لك مووووووووووت
لينا: خااااااااااااااالد
خالد: عيونه ... وبعدين ... ايش هالاناقة والجمال
لينا: خلصنا من فواز جيتني انت

فواز من وراهم: ايش فيه فواز؟؟؟؟
لينا: ابد سلامتك ... احلى اخو في الدنيا
خالد: هي انتي ... ترى ما ارضى تمدحين احد غيري
فواز: اقوووووول ... اختي قبل لا تصير زوجتك .. تكلم بس واشق وجهك
خالد: انا لله انا مدري ليش الله باليني باخوان زوجة كذا
لينا: والله اذا مو عاجبينك اخواني عادي تقدر ترجعني بيت ابوي ... وسط اخواني
خالد: لا والله ... عسى ما كلفتي على عمرك بس؟؟؟
فواز: وهي الصادقة ... اذا اخوانها مو عاجبينك حتى هي مابتعجبك!!!
يسمعون صرخة نواف...
نواف: ابي اعرف ... عاجبتكم الوقفة في الشمس؟؟؟
فواز: ايش حارق رزقك؟؟
نواف: سلامتكم ... بس ميت للنوووووووووووووم ... ابي انام لي ساعتين قبل دوام العصر
فواز: الغدا جاهز؟؟؟
نواف: صوتي راح وانا اناديكم واخرتها تسالني الغدا جاهز؟؟؟
وبعدين ايش هالخيانة ؟؟؟ شكلك تغلس عى خالد ولينا ولا تناديني؟؟؟
فواز: والله انت اللي اخلاقك في خشمك !!!!
نواف: لا بس في الغلاسة جاهز لو ايش
خالد: كملللللللللللللت
لينا: هههههههههههههههههههه
خالد: تضحكين مع وجهك ... هذولي اخوانك اللي ميسوطة عليهم
لينا: واااااااي ... فديت اخواني والله
خالد: هذه اللي بذبحها اليوم
فواز ونواف: هههههههههههههههههههههههههههههههههه
ودخلوا كلهم يتغدون ...


على الغدا...
عبدالعزيز: ليان ... ما كلمتي رؤى تتغدا معنا ...
ليان: كلمتها ... بس كانت طالعة من الدوام وتقول تعبانة بتروح بيتهم تنام
نواف: ليش هي داومت؟؟؟
ليان: ايه ... بس تعبت في الدوام وما كملت ... رجعت البيت
نواف: والله محد قالها تتفلسف من البداية وتداوم
عبدالعزيز: يعني امس مسوي قصة وسالفة على طوالة لسانك ... ولا يفيد فيك
الكل: هههههههههههههههههههههههههههههه

بعد الغدا طلعوا فواز ونواف ينامون لهم ساعة قبل دوام العصر ... وراحت لينا مع خالد للمجلس ...
اول ما وصلوا الاولاد لغرفتهم ... دخل عليهم ابوهم
عبدالعزيز: فواز ... نواف ... عمكم احمد اتصل علي ويقول ان رؤى اغمى عليها ونقلها للمستشفى ... قوموا نشوف ايش فيها
نواف: والله يبه داخل الغرفة الغلط في الوقت الغلط !!!
عبدالعزيز: مافهمت؟؟؟
نواف: ميت نووووووووووووووم ... وتخصصي عظام وفواز اطفال ... اعتقد مابنفيدك ... الا اذا خليتني ما اداوم العصر
عبدالعزيز: اصلا الشرهة مو عليكم علي انا اللي جاي عندكم ... الله يفكني منكم اثنينكم وارتاح كثر ما انتوا معورين قلبي
وطلع عبدالعزيز وصكر الباب وراه بقوة ...
اثرت الكلمة فيهم وااااااااااجد ... بس نواف ما يبطل عناده ... من زعله عالكلمة حط راسه ونام ... اما فواز طلع ورا ابوه


في المستشفى ...
احمد: عبدالعزيز ... تكفى مالي غير هالبنت
عبدالعزيز: لا تحاتي ... سوء تغذية مع قلة نوم ونفسية سيئة ... ساعتين عالمغذي وتصير احسن
احمد:اكيد يا عبدالعزيز؟؟؟
عبدالعزيز: اكيدين ... لا تحاتي ولا تشيل هم ... رؤى بنتي مثل ما هي بنتك
احمد: الله يطمنك
عبدالعزيز: لا تحاتي ... فواز واقف عندها

في الغرفة ...
رؤى نايمة ولافة حجابها على راسها ... وجهها اصفر وباين عليه التعب ... وشفايفها جافة ... نايمة بهدوء وسلام
فواز واقف عند راسها وكسرت خاطره مرة وقال في نفسه ( مسكينة يارؤى ... طول عمرك وانتي عايشة بحيرة ... ونواف بيكملها عليك ... الله يعينك عليه يارؤى ... لازم اكلمه اليوم ... اذا نيته كذا يخلي البنت بحال سبيلها ... وان شاء الله يجيها اللي يعوضها )

يا ترى هل بيخطب نواف رؤى ؟؟؟
ولا بيسمع كلا فواز ويبطل ؟؟؟
ولا كعادة نواف يستمر في عناده من غير حساب للعواقب ؟؟؟


في المستشفى...
فتحت عينها واستوعبت انها في المستشفى ... بلعت ريقها وحست ان حلقها ناشف ... لفت وجهها شافته قاعد يناظر فيها وهو مبتسم ... حاولت تعدل جلستها ...
فواز: ارتاحي وخليك على وضعك
حطت يدها على حجابها وتأكدت ان شعرها مو باين
فواز بابتسامة: يعني لو في شي باين ... بقعد واناظر فيك ؟؟؟؟
رؤى وهي لافة وجهها الجهة الثانية: كل شي اتوقعه منك ومن اخوك
فواز: افا ... للدرجة هذه حاقدة علينا ؟؟؟
رؤى: ولك عين تسأل ؟؟
فواز: ما توقعتك كذا يا بنت الخالة
رؤى: تعرف ايش اعظم بلاء ابتلاني فيه ربي؟؟؟؟
فواز: ........................
رؤى: انك انت ونواف عيال خالتي ... ليتكم ما كنتوا عيال خالتي ... اكرهههههههههههههههكم ... اكرههههههههههههههههههههههكم
فواز وهو منصدم:..................................
رؤى: اطلع براااااااااااااا ... مابي اشوف وجهك لا انت ولا اخوك
فواز وكانه تذكر افكاره الشيطانة: والله مستشفى ابوي وتطرديني ؟؟؟\
رؤى: نــــــــــــــــعـــــــــــــــــم
فواز: ايه ... مستشفى ابوي ولي الحق ادخل أي غرفة من غير اذن
رؤى: فواز ... اطلع دام النفس عليك طيبة
فواز: واذا ما طلعت ؟؟؟
رؤى: بتـــــــــ
قطع عليهم صوت الباب ...
احمد بلهفة: صحيتي !!!
رؤى: هلا بابا
احمد: الحمد لله على سلامتك حبيبتي
رؤى: الله يسلمك
احمد: خرعتيني عليك ... قلبي شوي ويوقف
رؤى: سلامة قلبك ..
دق الباب ودخل عبدالعزيز ...
عبدالعزيز: هلا بست البنات واحلاهم واجملهم واطيبهم واعقلهم و...
احمد: قول لا اله الا الله ... بتحسد بنتي
رؤى في نفسها: على ايش يحسدوني يا بابا ... على الهم اللي عايشة فيه ... بس ما اقول الا الحمد لله على كل حال ... وضعي احسن من غيري مليون مرة
عبدالعزيز: افا ... انا احسد بنتي ... الظاهر ما تعرف غلاة رؤى عندي ... يالله شدي حيلك بس يخلص المغذي على بيتنا على طول
رؤى: لا عمي شكرا ... انا تعبانة وابي ارتاح
عبدالعزيز: لانك تعبانة لازم تروحين بيتنا ... تبين خالتك تذبحني ؟؟؟ تنومني اليوم بالشارع
الكل: ههههههههههههههههههههههههههه
رؤى: عمي خلها مرة ثانية ... واذا على خالتي بتصل فيها وبعتذر منها
عبدالعزيز: الظاهر انك زعلانة يارؤى مو تعبانة؟؟؟
رؤى: ......................
عبدالعزيز: شوفي ... اللي صار امس ابد ما عجبني ... واعتقد انك سمعتي باللي صار ... اذا حاسة اني لسه ما اخذت حقك ... انا حاضر باللي تامرين فيه ... لو تبيني اطردهم من البيت طردتهم
فواز وهو فاتح عيونه: يبه
عبدالعزيز: اسكت انت ولا كلمة ... انت واخوك اخر من يتكلم
رؤى: جزاك الله خير يا عمي ... ما يحتاج الموضوع لكل هذا ... انا بس وقتها شلت في خاطري بس بعدين نسيت
عبدالعزيز: سلمت ايد ربتك يا بنتي ... طول عمرك طيبة وقلبك كبير ... بس لاتلعبين علي بهالكلمتين ... من هنا على بيتنا على طول ... وانا اللي بوصلك ... ايش تبين بعد؟؟؟
رؤى: الله لا يحرمني منك ياعمي
احمد: ياسلام ... وانا عادي تنحرمين مني!!!!
رؤى: الله لا يجيب هاليوم ... يا عل عيني ماتبكيك
احمد: الله يحفظك ويخليك
عبدالعزيز: يالله المغذي خلص ... بنطلع وانتي جهزي نفسك
رؤى: بس يا عمي الجامعة
عبدالعزيز: بكتب لك اجازة لا تحاتين
رؤى: لا يا عمي مابي اغيب ... مابي المحاضرات تطوفني .. اذا نمت وارتحت بصير احسن
عبدالعزيز: خلاص روحي بيتكم مع ابوك وحطي اغراضك وعلى بيتنا ... تروحين وترجعين مع لينا ماعندنا مشاكل ... بس اهم شي تقعدين تحت عين خالتك اسبوع لين ترجع صحتك
رؤى: الله يعيني يا عمي ... بنبط من الاكل
احمد: مع اني يصعب علي فراقك ... بس خليها تستلمك ... دامك ما تسمعين كلامي
الكل: هههههههههههههههههههههههههههههههه
طلعت رؤى من المستشفى وراحت بيتها ووعدت عمها انها في الليل تكون عندهم


بيت عبدالعزيز ...
عالساعة 9 دخلوا عبدالعزيز واولاده البيت ... والكل موجود في الصالة ...
عبدالعزيز: السلام عليكم
الكل وقف وراح يسلم على ابوه
نواف: يا هو كرفنا اليوم كرف ... ابي الفراش بس
عبدالعزيز: اصلا انت لو طول اليوم على الفراش بعد بتقول ابي الفراش
الكل: ههههههههههههههههههههههههههه
عبدالعزيز: كلمتوا رؤى ؟؟
ليان: ايه ... قالت نص ساعة وهي هنا
نواف: الله يعينا
عبدالعزيز بنظرة: شوف يا نواف ... ان فتحت فمك بكلمة لا تلوم الا نفسك فاهم؟؟؟
نواف: فاهم يبه فاهم ... لا تحاتي
عبدالعزيز: وانت يافواز
فواز: ما تكلمت ؟؟؟
عبدالعزيز: ولا ابيك تتكلم ... البنت بتقعد عندنا اسبوع ان ضيقتوا عليها بكلمة وحدة يا ويلكم
ليان: لا تحاتي بابا ... بنقلك الاخبار اول باول
نواف وهو يشد شعرها: انتي خلك في مذاكرتك احسن
ليان: أي أي أي ... اترك شعري يالمتوحش
منيرة: عبدالعزيز ابيك بغرفتنا شوي ... ممكن؟؟؟
عبدالعزيز: طبعا ... ما يبيلها سؤال انتي تامرين
نواف: يا عيني يا عيني ... والله مو مخربنا الا امي وابوي ...
وقعد يغني ... يا عيني عالحب
كمل فواز: وسيرة الحب
نواف: وفوزية الدريع
لينا: ايش دخلها بالموضوع؟؟؟
نواف: قال سيرة الحب ... مو هذا اسم برنامجها؟؟؟
عبدالعزيز: من كثر ما تبي تتكلم ما تعرف ايش تقول ... تدخل المواضيع في بعض ... قومي معاي يا منيرة


فواز: على طاري المذاكرة ... لينا شخبار درجاتك ؟؟؟ هالسنة ثانوية عامة
ليان: من غير ما تسال... طبعا فل مارك ... ان شاء الله اول مقعد في كلية الطب لي انا ليان عبدالعزيز الـ.......
نواف: مالت عليك بس ... ايش لك بالطب؟؟؟ صدعة وعوار راس
لينا: ليش تحطم البنت ... اذا فيها شدة ليش لا
نواف: انا ما قلت شي ... بس الصراحة مشواااااااااااااار
فواز: أي والله .. انا من راي نواف ... ادخلي كلية العلوم الطبية احسن لك ... واذا خلصتي وحسيتي ان فيك طاقة ... اخذي الماجستير والدكتوراة
ليان: بس انا حابة الطب
نواف: اللي يريحك بس مو تقولين اخواني ما نصحوني
ليان: لا تخافون ... ماني بقايلة


في غرفة عبدالعزيز ...

منيرة: ايش قلت افاتحها اليوم بالموضوع ؟؟؟
عبدالعزيز ببرود: طبعا لا
منيرة: ليش؟؟؟
عبدالعزيز: ببساطة لاني مو موافق
منيرة: ليش ايش ناقصها رؤى؟؟؟
عبدالعزيز: مو ناقصها شي ... ولا في احسن منها ... بس ما بي عيالي ينجبرون في زواجاتهم
منيرة: ومن قال اني جبرته؟؟؟
عبدالعزيز: اللي اشوفه انهم ما يطيقون بعض ... فما راح اصدق ان نواف ببساطة يجي ويقولك ابي اتزوج رؤى !!!
منيرة: لا هو ما قال ... انا قلت لهم سالفتها ونواف قال ابيها
عبدالعزيز بعصبية: يعني اجبرتيهم ... شوفي يامنيرة انا عيالي ما يتزوجون غصب
منيرة: والله ما اجبرته ... هو بروحه قال
عبدالعزيز: اكيد يقول ... داخلة عليهم تقولين لهم ابي واحد منكم يتزوج رؤى ... طبعا بيوافقون ... ما يبون يزعلونك ... بس في داخلهم مو راضين
منيرة: ومن قالك انه بداخله مو موافق ... دخلت بقلبه ؟؟؟
عبدالعزيز بعصبية: اسمعي يا منيرة ... الكلام هذا مابي اعيده مرة ثانية ... نواف ما يتزوج رؤى ... ولا بيتزوج أي وحدة بهالطريقة ... تسكتين عنه وعن اخوه لحد ما هم بانفسهم يجون يقولون اخطبي لنا ... غير هالكلام ما عندي ... مابي الغلطة تتكرر يا منيرة
منيرة: غلطة ... لسه تسميها غلطة ... بعد كل اللي سويته لك ولعيالك تسميها غلطة ... انذبح في اليوم الف مرة وتقول لي غلطة ... اشوف عيالي والقهر مالي قلبي وساكتة وتقول لي غلطة ... اربي ولد ضرتي مثل ما اربي ولدي وتسميها غلطة ... بس الظاهر انا الغلطانة اللي سكت عن حقي طول هالسنين ... ولا انت ما يبين في عينك شي ياعبدالعزيز ... وطلعت من الغرفة وهي ومعصبة ودموعها على خدها
عبدالعزيز: اووووووف ... انا ايش قلت ... ما اعرف امسك لساني شوي ... اووف



راحت منيرة لغرفة اولادها .. ووقفت عند الباب تمسح دموعها ... ما تبيهم يشوفونها وهي بهالحالة
نواف: انا ابي اعرف ... ما يحلالك الا ملابسي ؟؟؟
فواز: تقدر تقول
نواف: ماعندك بجايم .. لابس بجامتي؟؟؟
فواز وهو يضحك: ابي اتذكرك في كل لحظة ياخوي
نواف: هالكلام وفره لمرتك ... اضحك عليها بكلمتين مو علي انا
فواز: هههههههههههههههه كاشفني
منيرة: السلام عليكم
فواز: هلا والله ... وانا اشوف الغرفة نورت ... امي منورتنا
منيرة من غير ماترد: نواف ... ابوك ما وافق على خطبتك لرؤى ... انسى الموضوع ... وطلعت منيرة من الغرفة
فواز: يووووووووووووه ايش فيها امي
نواف: زعلانة لان ابوي ما وافق ... بس ليش ؟؟؟ ابوي يموت في رؤى
فواز: الله اعلم ... بس انت مو زعلان ؟؟
نواف: وليش ازعل ؟؟؟ اصلا انا ما بي اتزوج ... امس من قهري عليها وافقت ... ولا انا مو ناوي اتزوج ابببببببببببببببببببد
فواز: احسن لك ... اليوم كسرت خاطري بالحيل ... بس لما صحت فقعت مرارتي بكلامها ... ورديت لها الكلمة بعشر
نواف: صج ... فاتني والله ... قول لي ايش صار بالتفصيل الممل
وقاله فواز ايش صار بالمستشفى من الالف للياء


عند الباب ...
لينا: هلا والله برؤى ... الحمد لله على سلامتك
رؤى: الله يسلمك حبيبتي
ليان جاية ررررررررركض وحضنتها على طول: خوفتينا عليك
رؤى: هههههههههه ... خنقتيني وخري عني
ليان: شوفي الدفشة ... ما تعرفين للرومانسية ... الله يعين رجلك عليك
رؤى: هههههههههههههههههههه
لينا: يطول هو اصلا رؤى احمد الـ..... توافق عليه
البنات: ههههههههههههههههههههههههههههه

على العشا الكل قاعد وحاس بتوتر بين ابوهم ومنيرة بس ما علقوا وكان العشا هادي بالمرة ... والكل يفكر ايش السبب ... ونواف وفواز مستغربين من رفض ابوهم لرؤى اللي ماله مبرر بالنسبة لهم مع انه يموت فيها ويحبها ...


بعد يومين ...
اتصلت رشا بسمر بالتلفون وهي تغلي وميتة من القهر ....
سمر: الو
رشا: بكل برود تقولين الو ... وانتي ولا دارية باللي يصير
سمر:ليش ايش صاير؟؟
رشا: الكرييييييييييهة اللي مدري على ايش شايفة نفسها
سمر: مييييييييين
رشا: رؤى
سمر: ايش فيها بعد
رشا: تدرين ان لها يومين نايمة في بيت خالي عبدالعزيز ؟؟؟
سمر: ليش ان شاء الله ؟؟؟
رشا: يقولون مريضة ... بس واضحة وضوح الشمس
سمر: ما يبلها كلام ... اكيد تبي تشبك واحد من الاولاد
رشا: ياربي بموت من القهر اذا خذت واحد منهم
سمر: ذبحها على يدي اذا فكرت بس مجرد تفكير بهالشي
رشا: طيب بنحط يدنا على خدنا ونقول بنذبحها ... ترى اذا شبكتهم ما يفيد شي بعدين
سمر: أي والله ... اذا فات الفوت ما ينفع الصوت
رشا: انا مو متصلة فيك تسمعين لي الامثال اللي حافظتهم ... ابي حل
سمر: من وين اجيب لك حل؟؟؟ ايش درانا ايش يسون هم هناك
رشا: نطب عليهم كل يوم
سمر: حتى لو رحتي لهم كل يوم ... ما راح تقعدين اليوم كله ... ما نستفيد شي
رشا: طيب فكري معاي
سمر:همممممممممممممممممممممم
رشا: شنو ؟؟؟ تكلمي
سمر: عندي فكرة ... بس ما ادري اذا امهاتنا يرضون اولا ؟؟؟
رشا: انتي قولي ... اذا السالفة فيها عيال خالي بيوافقون مية بالمية
سمر: اسمعي ....





الخميس في بيت عبدالعزيز ...
قاعدين في الصالة والكل مبسوط ومستانس ... والوضع هادي بين رؤى والاولاد ... طبعا بعد تهديد ابوهم واللي صار ... بس مايبطلون حركاتهم ونغزاتهم بالكلام ... بس طبعا بالنسبة لرؤى هذا ولا شي ويعتبر ان الوضع هادي
فيصل: اسمع يبه هالنكتة
عبدالعزيز: نسمع ... نكتك ما تخلص انت ...
فيصل: اثنين محششين واقفين فوق برج العرب
قاطعه فواز باستهبال: اين يقع هالبرج؟؟؟
الكل: فواااااااااااااااااااز
ليان: اووووووف منك خله يكمل
فواز: ههههههههههه طيب طيب
فيصل: اثنين محششين واقفين فوق برج العرب ... واحد منهم قال: لو اطيح كم يبيلي واصقع الارض؟؟ قاله الثاني: تقريبا يبيلك ثلاث ايام ... قال الاول: ...
قاطعه نواف: قصة ذي مو نكتة ... انا خبري النكتة سطر واحد مو عشرة
فيصل: بابا ... شوووووووووووووفهم
عبدالعزيز وهو يضحك: خله يانواف يكمل ولا تقاطعه
فيصل: اثنين محششين واقفين ...
فواز: بتعيدها من اول
فيصل: ايه ... ليش تقطعوني النكتة موحلوة من النص حلاتها مع بعض
نواف: والله انك متفرغ ... كمل ليش تعيد
لينا: هالوقت اللي تناقشونه فيه امداه عادها ... خلوه يتكلم
فيصل: اثنين محششين واقفين فوق برج العرب ... واحد منهم قال: لو اطيح كم يبيلي واصقع الارض؟؟ قاله الثاني: تقريبا يبيلك ثلاث ايام ... قال الاول: ...
فواز: طيب الاول كم عمره والثاني بعد؟؟؟
فيصل: يوووووووووووووووووووووووووووووه
نواف: استح على وجهك ولا تصرخ على اللي اكبر منك
رؤى: حرام عليكم خلوه يكمل ...
فواز: تكلم الناطق الرسمي
رؤى: فيصل تعال جنبي ... ما عليك منهم ... تعال عندي وقول النكتة وعيدها من اول ... نبي نسمع ... اللي مايبي يسمع بكيفه
هنا صفقوا فواز ونواف: اوووووووووووه اوووووووووه حركااااااااااااااااات وطلع لنا لسان وصرنا نعرف نرد ونعاند
رؤى: ومنكم نستفيد
فيصل: قبل لاتتهاوشون ابي اقول النكتة
الكل: هههههههههههههههههههههههه
عبدالعزيز: يالله يافيصل قول
راح فيصل وقعد جنب رؤى وحطت يدها على كتفه وحضنته: اثنين محششين واقفين فوق برج العرب ... واحد منهم قال: لو اطيح كم يبيلي واصقع الارض؟؟ قاله الثاني: تقريبا يبيلك ثلاث ايام ... قال الاول: ظنك اموت ؟؟؟
قال الثاني: شي طبيعي ... 3 ايام من غير اكل ولا شرب ...
الكل: ههههههههههههههههههههههههههههههههههه


شوي الا يسمعون جرس الباب وراحت الخدامة تشوف مين عالباب ...
ثواني ودخلت عليهم رشا مع لثمتها وعيونها حمرة ومليانة دموع وتسحب وراها شنطتها ... الكل التفت عليها وهم مندهشين
رشا اول ما شافت خالها ركضت له ورمت نفسها في حضنه وتبكي
عبدالعزيز: رشا ... ايش صاير
رشا: ..............
عبدالعزيز: وقفي بكا وفهميني ... طيحتي قلبي
رشا: ما اقدر اتكلم هنا يا خالي
عبدالعزيز: طيب ... تعالي المكتب خليني افهم
وراحت معه للمكتب والكل يطالع فيهم وهو مندهش ...


في المكتب ...

عبدالعزيز: يعني تبين تفهميني ان امك بتجبرك على الزواج؟؟؟
رشا: ايه ياخالي ... وقالت لي مو بكيفك ... موافقتك ماتهمني
عبدالعزيز بنفسه: ما جبتيه من بعيد يا حصة
عبدالعزيز: هدي نفسك وارتاحي وما يصير الا الخير ... بكلم امك واتفاهم معها ... وان شاء الله تنامين في بيتك اليوم
رشا في نفسها: هذه المصيبة
رشا: لا ياخالي ... مابي ارجع البيت
عبدالعزيز: شلون يا بنتي ... في بنت تطلع من بيتهم؟؟؟
رشا: اخاف امي تجبرني
عبدالعزيز: لا لاتخافين ... بكلم امك واتفاهم معها
رشا في نفسه: هذا اللي ما يفهم
رشا: حتى لو رضت ابي ارتاح لي يومين من جو البيت ... والمكان اللي احس اني انظلمت فيه
عبدالعزيز: لا ان شاء الله ... ما راح تنظلمين ... بس هدي نفسك
رشا: اذا ما تبيني اسكن عندك يا خالي بروح لبيت خالي عبدالرحمن
عبدالعزيز: ايش هالكلام يا بنتي ... البيت بيتك والعين اوسع لك من المكان
رشا: طيب ليش مو موافق اني اقعد عندكم؟؟؟
عبدالعزيز: خلاص يا بنتي اللي يريحك سويه ... واقعدي على راحتك
رشا بابتسامة خافيتها: شكرا ياخالي ما تقصر
وتقول في نفسها: شكرا يا سمر على هالافكار اللي مادري من وين تجيبينها


طلعوا من المكتب ...
عبدالعزيز: ليان ... خذي اغراض رشا ووديها لغرفتك
وطلع عبدالعزيز لغرفته واشر لمنيرة تلحقه ...
رشا: لا انا ابي انام مع لينا
ليان: بس غرفة لينا فيها رؤى
رشا بدلع: بس انا خاطري انام مع لينا ... واحشتني مووووووووووت

نواف وفواز وهم يتساسرون ...
نواف:وجججججججججججججججع
فواز: صوتها ينرفزني
نواف: من سمعك

رؤى: خلاص ياليان ودي اغراضها لغرفة لينا
لينا: وانتي؟؟؟
رؤى: انا صرت احسن وبرجع لبيتنا
ليان: مو بكيفك ... ابوي قال اسبوع ... احلمي تطلعين من هنا قبل الاسبوع
لما: ايه رؤى الله يخليك ... انا ما صدقت انك تنامين عندنا
فيصل: رؤى اذا رحتي بيتكم بزعل منك
رؤى: هههههههههه حبيبي تقول بيتكم ... يعني مصيري برجع
لما: ايه بس بعد اسبوع
فيصل: احنا حاطين في بالنا انك بتقعدين اسبوع ... لا تخربين الجدول
رؤى: أي جدول؟؟؟
فيصل: الجدول اللي براسنا
الكل: ههههههههههههههههههههههههههه
فواز: خلاص لا تذلينهم مساكين ....قعدي
نواف: اصلا مو بكيفها ... انتوا قاعدين تسالونها؟؟؟ غصبا عنها بتقعد
رؤى: انت كل شي في حياتك غصب ؟؟؟
نواف: تقدرين تقولين !!!!
ليان: ايش قلتي .. انكسر ظهري من الشنطة
نواف: ليش شكثر فيها اغراض
ليان: اسال رشا ؟؟
رشا اللي ما صدقت احد يعبرها وهي منقهرة انهم يترجون في رؤى وملزمين عليها: يالله حطوا لي جدول انا بعد في راسكم على قولة فيصل
فواز بقرف: ليش كم ناوية تقعدين عندنا؟؟؟
رشا بدلع: لين تزهقون وتملون مني وتقولون لي طلعي
نواف: اذا كذا من احين اقولك طلعي
هنا حمر وجه رشا وانحرجت ..
ليان ترقع الموضوع: هههههههههههه ماتبطل سوالفك يا نواف ... شوي شوي عالبنت توها داخلة واستلمتها بمقالبك اللي ما تخلص
نواف يطالع ليان بنظرة وسكت
لينا وهي تاشر لنواف بعينها: صادقة ياليان ... ترى نواف يمزح يا رشا لا تزعلين
رشا: ما عاش من يزعل من نواف
نواف في نفسه: وججججججججججججججججججع
ليان: ما اتفقتوا؟؟؟ وين اودي شنطة رشا؟؟؟
رؤى: وديها لغرفة لينا
لينا: مصرة عالروحة يعني
رؤى: لعيونكم بقعد ... بس بنام مع ليان
لينا: بس ما يصير اطلعك من الغرفة ... احسها مو عدلة
رؤى: عادي حبيبيتي ... اصلا ليان وحشتني وبنام معاها
لما: تعالي نامي عندي
رؤى: غالي والطلب رخيص
ليان: مو بكيفكم ... انا ما صدقت انها تكرمت وتركت لينا شوي .. تبين تاخذينها يا لما مني .. بالاحلام
رؤى: خلاص يومين عند ليان ويومين عند لما
فيصل: وانا متى دوري؟؟؟
رؤى: انت المرة الجاية ان شاء الله
فيصل: جت علي يعني ؟؟؟
رؤى: خلاص بعد لازم ارجع بيتنا
ليان: ايش عندك في بيتكم مو موجود هنا؟؟؟ كل شوي بروح بيتنا وبروح بيتنا
رؤى: انتوا ما تقصرون ... بس بعد الواحد ما يحصل مثل بيته


صعدت ليان وحطت شنطة رشا في غرفة لينا مثل ما طلبت رشا ... وصعدت رؤى وراها تنقل اغراضها لغرفة ليان
لينا: طيب خلي اغراضك يارؤى ... بس النوم نامي هناك
رؤى: لا ما يصلح ... شلون اتنقل من غرفة لغرفة بملابس النوم
لينا: من بيشوفك ... ابوي يكون نايم .. والاولاد مو في البيت
رؤى: حتى لو ... الحرص واجب .. انا جاية عندكم مابي اضيق عليهم ... انا اخذ احتياطي وهم يمشون في البيت على راحتهم
ليان: اصلا من قالك اني بخليك تخلين اغراضك
رؤى: حتى اغراضي؟؟؟
ليان: ايه ... ابي اتطمن انك ما تغيرين رايك
رؤى: ههههههه يالله ساعديني انقل الاغراض
وفعلا نقلت رؤى اغراضها لغرفة ليان ... وتركت الغرفة لرشا اللي موعاجبها اهتمامهم برؤى اببببببببد ...



في غرفة عبدالعزيز ...
عبدالعزيز: ما ادري مو مقتنع بالسالفة ابد ... احس مو حلوة تقعد البنت هنا وهي زعلانة من بيت ابوها
منيرة: .................................
عبدالعزيز: منيرة ... علامك؟؟؟ اكلم نفسي؟؟؟
منيرة: اللي تبيه سويه ياعبدالعزيز ... انا خلاص تعبت ... ما راح اتناقش معاك بولا شي
عبدالعزيز: منيرة ... اذا زعلانة من الكلمة اللي قلتها ذاك اليوم ... صدقيني بالغلط ... ماكنت قاصد ومو منتبه اصلا
منيرة: الكلام اللي يقوله الواحد وهو مو منتبه هو الكلام اللي في قلبه يا عبدالعزيز
عبدالعزيز: صادقة ... بس انتي ما فهمتي قصدي
منيرة: ايش تبي تفهمني ... تسمي زواجنا غلطة وتقول لي ما فهمتي!!!!\
عبدالعزيز: انا قصدي انه في البداية كان غلطة ... واعتقد انك عاصرتي المشكلة ... وشفتي شلون اني ماكنت متاقلم ... بس مع الوقت خلاص ... تاقلمت وصرت ما استغنى عنك
منيرة: شفت ... قلتها بنفسك ... تاقلمت ... يعني ماحبيتني ؟؟؟
عبدالعزيز: اللي اعرفه اني ما استغنى عنك
منيرة: مستخسر فيني كلمة احبك ؟؟؟
عبدالعزيز: .....................................
منيرة: عالعموم انا راضية بهالشي ياعبدالعزيز ... بس اهم شي ما تسمعني كلام يضايقني
وبالنسبة لرشا ... احنا بنضيفها ونعاملها احسن معاملة لين نشوف اخرتها هي وامها ... يالله ننزل نتغدا ... لانتأخر عالعيال ... وطلعت منيرة من الغرفة
عبدالعزيز في نفسه: اصيلة يا منيرة ... ولا في مثلك ... بس القلب ما نبض الا لسارة ... الله يرحمها ... ويحفظ لي ولدها ويخليه ويبقيه لعنين ترجيه


في الصالة الكل قاعد ... والهدوء يعم المكان ... اببببببد مو طايقين رشا ... ولا قادرين يتكلمون باي موضوع وهي موجودة ...ولا قادرين يصعدون لغرفهم مايبونها تحس
فواز ونواف يتساسرون ...
فواز: اقوووووووووووول ... الى متى هالوضع ؟؟؟
نواف: لا تضيق صدري اكثر مما هو ضايق
فواز: ودك من يقوم ويصفقها
نواف: كله بصوب والفل ميك اب بصوب
فواز: لا لا لا تظلمها ... طاقة لك اللثمة
نواف: هههههههههههههههههههههههه اهم شي
فواز: ودي اقولها تكشف ... على الاقل اسمها كاشفة عادي
نواف: انت قولها وهي ما بتصدق ... على بالها معجب فيها
فواز: وعععععععععععععععععععع ... هذا اللي ناقصني

شوي الا يدق جرس الباب ... وتدخل سمر وهي تمثل البكا ... وتركض تحضن رشا
سمر: ياقلبي يارشا ... كل هذا يصير فيك وانا اخر من يعلم
طبعا الحوار كله وهم ميتين من البكا ( ابي اعرف بس شلون تنزل الدموع )
رشا: شفتي شلون
سمر: لا ما تستاهلين
رشا: وانتي من قالك ؟؟؟
سمر: ادق على جوالك من الصبح ولا تردين ... دقيت على خالتي وقالت لي السالفة ... وجيتك على طول
رشا: ما تقصرين حبيبتي ... طول عمرك راعية واجب

منيرة: فواز ... نواف ... فيصل ... ابوكم ينتظركم عالغدا ... روحوا تغدوا معه
لما: واحنا يا ماما ... انا ميتة جوع
منيرة: تبين روحي تغدي معهم ... احنا بنتغدى بعدين
لما: ليش يعني ؟؟؟ ايش صاير اليوم ؟؟؟
منيرة: البنات موجودات ... ما نقدر نتغدا على سفرة وحدة
رشا: عادي يا خالة ... انا اكل بروحي في المطبخ
( يعني انها ما تكشف على الاولاد ... مسوية فيها محترمة )
منيرة: ليش كل هذا .. ناكل كلنا سوا بعد مايخلصون الاولاد
سمر بخبث: طيب كل يوم شتسون ورؤى موجودة؟؟؟
اييييييييييييييييه ... نسيت انها تكشف ... خلاص عرفت


نواف من وراهم: اهم شي انها محترمة نفسها ... والوجه فيه اختلاف ... على الاقل احسن من ناس يعني انهم مغطين وهم حاطين الغطا يبرز مفاتنهم
رشا وسمر :..................................
نواف: يمه ... ابوي يقولك تعالي تغدي معنا ... وخلي البنات بروحهم يتغدون بعدين
منيرة: طيب ... لاحقتك ... عن اذنكم بنات
البنات: اذنك معك
سمر في اذن رشا: الظاهر الاخ حاط عينه على رؤى
رشا: والله الثاني بعد مو مقصر معها ... الله يعين ... شكلهم اثنينهم بياخذونها
سمر: فال الله ولا فالك ... محد بيتزوجهم الا انا وانتي ... بس خلك معي
رشا: معاااااااااااااااااك على طول



على الغدا ...
فواز: ترى العشا بروح لجدتي وامي نورة
نواف: وانا معك
منيرة: على راحتكم
فيصل: يعني انتوا بتفتكون من ريا وسكينة وانا تخلوني بروحي
فواز ونواف: ههههههههههههههههههههههههههه
عبدالعزيز وهو ماسك ضحكته: عيب يا بابا ... بنات عماتك ضيوف عندنا
فيصل: طيب يا بابا ... الله يعيني
فواز ونواف: ههههههههههههههههههههههههههه

على الغدا رن جوال عبدالعزيز ... شاف رقم حصة ... اشر لعياله يسكتون ...
عبدالعزيز: الو
حصة وهي تبكي: شفت يا خوي بنات اخر زمن
عبدالعزيز: هدي ياحصة ... وفهميني الموضوع
حصة: ليش هي ما قالت لك؟؟؟
عبدالعزيز: قالت لي انك بتجبرينها على زواجه ماتبيها
حصة: وهذا هو الموضوع
عبدالعزيز: طيب ليش تجبرينها ؟؟؟
حصة: البنت كبرت ... ومالها الا بيت زوجها
عبدالعزيز: مو كلام هذا ... كل واحد ياخذ نصيبه
حصة: تبي الصراحة الولد لك عليه شوي
عبدالعزيز: بعد ... على ايش مصرة اذا كذا ؟؟؟
حصة بخبث: عندك غيره ياخوي ؟؟؟
عبدالعزيز: كل واحد قبل لا ينخلق مكتوب له رزقه ... محد يعرف ايش قدامه ... لا انا ولا انتي ولا أي انسان ... محد يعرف غيره سبحانه
حصة: والنعم بالله ... يعني من رايك ما استعجل؟؟؟
عبدالعزيز: اكيد ... مايبيلها سؤال
حصة: طيب خلها عندك يومين ... لين تتحسن نفسيتها ... يا قلبي قطعت قلبي وهي تبكي وتاخذ اغراضها
عبدالعزيز وهو رافع حاجب: البيت بيتها ... كثر ماتبي تقعد ... على راحتها
حصة: الله يخليك لنا ولا يحرمنا منك

فواز لنواف": الموضوع كلش مو داخل مزاجي
نواف: ولا انا ... بس ماعليك بعرف بعرف ... وين بتروح


بعد ما تغدوا البنات ...
سمر: بشري
رشا: ايش ابشر ... البيت كله رازها ... ومعطينها اهمية ... من خالي الى لمو الدبة ... حتى خدامتهم تحبها
سمر: من زمان وهم يحبونها ... بس ودي اعرف على ايش
رشا: أي والله ... انسانة معقدة ... ودايما مادة البوز
سمر: المهم ... ما عليك منها ... بقولك ايش تسوين
رشا: الله لا يحرمنا من افكارك
سمر: اسمعي


بعد الغدا الاولاد صعدوا لغرفهم ... مايبون يشوفون البنات ... والعصر طلعوا مع ربعهم كالعادة ... والعشا راحوا لبيت جدتهم ام محمد

بيت ام محمد ...
كانت امهم نورة وبناتها كلهم موجودين ...
طبعا فواز ونواف قلبوا البيت على راسهم من الهبال والصراخ ... ما يحتاج احد يوصيهم ... وخصوصا انهم مكبوتين في البيت بسبب تواجد رشا وكملتها سمر
فواز: ايش فيها وعودة زعلانة؟؟؟
وعد وهي زعلانة: مافيني شي
فواز وهو يقلد صوتها: مافيني شي ... تعالي عندي
قامت وعد وراحت عند فواز ... سحبها وقعدها في حضنه ... ليش الحلو زعلان
وعد وهي تطالع امها اللي تناظرها بنظرات تهديد: .................
نواف: امي نورة ... خلي البنت تتكلم ... شايفك وانتي تهددينها بنظراتك
فواز: وعودة ... قولي ... ليش زعلانة
وعد: ابي لاب توب ... وامي مو راضية تشتريه لي
فواز" ليش ؟؟
وعد: تقول لي ما تحتاجينه ... واذا احتجتي اخذي لاب توب جود ... بس انا ابي يكون عندي واحد ... كل صديقاتي عندهم الا انا ( ودمعت عيونها )
فواز: بكرة الساعة كم تخلصين واجباتك؟؟؟
وعد: مخلصة من اليوم ... لو ماخلصت امي ما خلتني اطلع من البيت
فواز: خلاص ... العصر امر عليك وتروحين تشترين لك اللاب توب اللي تبينه
وعد: صددددددددددق
فواز: صدقين
وعد وهي تبوس فواز: الله يخليك ولا يحرمني منك يا خوي
جود: بما انك فاتح سوق خيري ... ابي اغير جوالي واكشخ على البنات
نورة بعصبية: لا بعد طلعوا اللي عندكم ايش تبون بعد؟؟؟
نواف: يمه ... ليش زعلانة ؟؟؟
نورة: مدلعين لي هالبنات
نواف: اذا ما دلعنا خواتنا ندلع مين؟؟؟
فواز: ندلع رشا وسمر
نواف:هههههههههههههههههههههههههههه
فواز: وانتي شهد!!! ليش زعلانة ؟؟؟
نورة وهي تطالع بنتها بنظرة تسكتها ومحد انتبه لها الا شهد
نواف: الظاهر تبي لاب توب وبندر ماشراه لها
الكل: هههههههههههههههههههههههههههه
شهد وهي متنكدة: سلامتك حبيبي ... بس تعبانة مع الحمل شوي
فواز: الظاهر حبيب خاله ماخذ راحته
شهد: عالآخر
نواف: ما عندي صبر يشرف واشوفه ... بذبحه من الطق
فواز: ليش يعني؟؟؟؟
نواف: كشخت ... صرت خال
فواز: يوووووووه ... واذا صرت عم ايش بتسوي؟؟؟
نواف: بذبحهم ... مو بس بطقهم ... هم وامهم بعد
فواز: وامهم ليش؟؟؟
نواف: لانها اكيد بتاخذك مني
الكل: ههههههههههههههههههههههه
ام محمد: مو ناوين تفرحون قلبي؟؟؟
نواف: فتحت علينا الموال
فواز: الله يعينا
رغد: عندي لكم خبر حلو
نواف وفواز: خييييييييييييير
جود: اكيد لقت لكم عرايس
نواف: ذلفي ... هذا خبر حلو ... خليه لك
رغد: لا حرام عليكم ... مو كذا
فواز: خلوا البنت تتكلم
رغد وهي مستحية: انا حامل
فواز ونواف: مبروووووووووووووووووووووووووك
رغد: الله يبارك فيكم



بيت عبدالعزيز ...
رؤى وليان نايمين ... اما لينا فرشا ما خلتها تنام ... وصجتها بسوالفها اللي مالها داعي ... واللي ما تعجب لينا ... فجأة نقزت رشا
رشا: بروح اجيب لي شي من المطبخ ... جوعانة
لينا: خلك مرتاحة ... انا بروح
رشا: لا حبيبتي مابي اتعبك ... انا بطلع بنفسي
لينا: على راحتك ( وفكرت انها تسوي نفسها نايمة لما ترجع وتفتك من سوالفها )
وقفت رشا عند الباب تبي تطلع
لينا: رشا
رشا: نعم
لينا: بتطلعين كذا؟؟؟
(كانت لابسة شورت وتي شرت كت)
رشا: ايش فيها ... ملابس النوم
لينا: واذا احد من اخواني مر
رشا: مافي احد ... هم مو موجودين ... واليوم خميس اكيد بيتاخرون
وطلعت وما عطت لينا فرصة انها تتكلم ... ونزلت تحت ... وراحت المطبخ تسوي نفسها تدور لها شي تاكله ... وهي بالاساس منتظرة الاولاد يرجعون
قعدت فترة تحوس في المطبخ ... ولما سمعت اصواتهم تاكدت انهم دخلوا البيت ... وانها اذا طلعت بيشوفونها...

نواف: فواز
فواز: نعم
نواف: نور المطبخ شغال ... من يكون هناك؟؟؟
فواز: يمكن وحدة من البنات
نواف: بس الدور العلوي ظلام ... شكل البيت نايم
فواز: ادخل شوف وانا بنتظرك هنا

طبعا رشا سمعت الحوار ... وانتظرت نواف يقرب من باب المطبخ ... سوت نفسها بتطلع من المطبخ ركض ... على دخلة نواف ... وصقعت فيه وضربت بصدره ... نواف لا اراديا مسكها من كتوفها لاتطيح ... ولما استوعب انها رشا ... وشاف ايش لابسة ... دفها باقصى قوة عنده ... لدرجة انها طاحت على الارض
رشا: اسفة نواف ... مادري انكم لسه برى ... على بالي نايمين
نواف: حتى لو نايمين ... في وحدة محترمة تنزل بهالوقت للمطبخ بهاللبس في بيت تدري انه في اولاد
رشا وهي تبكي وتحاول تغطي جسمها يعني انها مستحية: صدقني مادري
نواف: عالعموم الشرهة مو عليك ... الشرهة على ام تاركتك كذا بلا رقيب ولا حسيب
وطلع من المطبخ وصعد الدرج وفواز وراه اللي كان حاضر الموقف كامل

في الغرفة...
نواف: بعمري ما شفت وحدة وقحة مثلها
فواز: أي والله ... يعني ترد بكل قواة عين
نواف: حتى بنات الليل مايسون كذا
فواز: الله يستر علينا
نواف: رؤى طول عمرها في بيتنا ... عمرنا ما شفنا طرف شعرها
فواز: لا تجيب رؤى لهالاشكال ... فيه ظلم لرؤى
نواف: وانت الصادق


تحت على ارضية المطبخ ...
مسكت جوالها بكل قهر ودقت على مستشارتها سمر
سمر: الو
رشا: الله ياخذه
سمر: مين؟؟
رشا: نوافو بعد مين
سمر: ليش ايش صار؟؟؟
رشا: اسمعي ... وحكت لها اللي صار
سمر: ولا تحرك فيه شعرة
رشا: ولا نظرة ولا شي ... انسان من حجر ... هالعلة خليته لك ... شكلي بحول على فواز ...
سمر: لا تخافين محد بيطيح هالمتكبر الا سمر الـ........

يوم الجمعة في بيت عبدالعزيز ....
العصر طلع نواف مع ربعه ... وفواز قاعد في الحديقة وماطلع مع نواف ... لانه بيوصل جود ووعد السوق ويشتري لكل وحدة اللي خاطرها فيه ...

فواز وهو قاعد في الحديقة ... سرحان ويلعب بجواله ...
: فواز
رفع فواز راسه: نعم
رشا وهي تقعد مقابله: شلونك ؟؟؟
فواز: والله مافي قدامي مراية اشوف فيها لوني
رشا: ههههههههههههههههههههههههههههههههههه ... دمك خفيف
فواز بنفسه: ياسسسسسسسسسسسسخفك
رشا: ليش قاعد بروحك ؟؟؟
فواز: والله بيتنا اقعد مكان ما ابي ... ووقت ما ابي
رشا: طيب بقولك شي بس ما دري شلون ابدأ
فواز: لا لا تستحين ... مع اني ما اعرفك تستحين !!!
رشا: الموضوع يخص رؤى
فواز بدون اهتمام: ايش فيها ؟؟؟
رشا: يووووووووووووه لا خلاص ماني بقايلة
فواز: لا تكلمي ... اسمعك
رشا: الصراحة انا شاكة برؤى
فواز: شلون يعني ؟؟
رشا: يعني انها انها انها
فواز: تتكلمين ولا اقوم واتركك
رشا: رؤى تكلم شباب
فواز: ههههههههههههههههههههههههه
رشا: ما اعتقد اني قلت شي يضحك
فواز: مو شي يضحك ... الا نكتة الموسم
رشا: صدقني فواز ... انا كم مرة سمعتها تتكلم بالتلفون بروحها ... وفي اوقات مشبوهة ... ولما تسمعت لها ... حسيت انها تكلم شباب
فواز: طيب مو عيب انك تتسمعين للناس
رشا: لا انا مو قصدي ... وبعدين مين الغلطان انا ولا هي ... الصراحة انا خايفة على خواتك ... اخاف تخربهم ... ولا هي ما همتني
فواز بجدية: اسمعي يا بنت ... اللي يتكلم على رؤى اقص لسانه ... تعرفين ليش ؟؟؟ لان اللي يتكلم عليها كانه يتكلم على خواتي ... كلهم نفس الاخلاق ونفس التربية .. واللي يمس رؤى يمس خواتي وبالتالي يمسني انا ونواف
رشا: بس ...
فواز: من غير بس ... انا عارف ان الكلام هذا كله من خيالك ... اقصد من تاليفك ... ولو سمعته مرة ثانية ما تلومين الا نفسك .... فاااااااااااااهمة؟؟؟؟
سكتت رشا وما علقت ...

: رشا
التفت رشا وشافت خالها تركي
فواز: هلا تركي ... حياك
تركي: هلا فواز ... وين نواف عنك؟؟؟
فواز: طلع مع الشباب ... وانا احين بطلع مواعد خواتي ... تامرني بشي قبل لا اطلع؟؟
تركي: سلامتك ... دير بالك على نفسك
وراح فواز وتركهم لحالهم ...
رشا: هلا خالي تركي ... كيفك
تركي من غير مقدمات: ايش هالسالفة الجديدة ؟؟؟
رشا وتغير لونها: شفت يا خالي ... شفت امـ ...
قاطعها تركي: مين هذا اللي خاطبك وامك بتجبرك عليه ؟؟؟
رشا: ...............................
تركي: تكلمي ... مين العريس
رشا: ..............................
تركي: طبعا ماعندك رد ... لانه مافي عريس اصلا
رشا: خالي ...
تركي: ما بي اسمع صوتك ... انا عرفت بنواياك ... يا بنت استحي على وجهك ... وحتى لو وصلتي للي تبينه ... بترضينها على نفسك ؟؟؟ انك انتي اللي عرضتي نفسك وانتي اللي ارخصتي بنفسك ؟؟؟؟
رشا: ..............................
تركي: تدخلين وتاخذين اغراضك ... وانا اللي بوصلك لبيتكم احين
رشا: يا خالي ..
تركي: قلت مابي اسمع صوتك ... بس الشرهة مو عليك الشرهة على امك اللي مخليتك على كيفك ... بسرعة جيبي اغراضك
دخلت رشا ركض وهي تمسح دموعها ...

( طبعا تستغربون تركي شلون عرف السالفة ... اتصلت فيه اخته مريم ... وقالت له السالفة اللي ما كانت عاجبتها ابد ولا رضت فيها ... واستنكرت على خواتها انهم موافقين بناتهم ... مريم انسانة طيبة بس حصة وفوزية مسيطرين عليها )


دخل فواز البيت ياخذ مفتاحه ... ولما دخل شاف شنطة رؤى عند الباب ...
فواز: على وين رؤى ؟؟؟
رؤى: ......................
ليان: بتروح بيتهم تقول ابوها واحشها واجد وما تقدر تبعد عنه اكثر
قالت ليان جملتها على دخلة رشا ... طالعت فيهم بحقد وركضت فوق تجيب اغراضها قبل لا يعصب عليها خالها تركي


لمت رشا اغراضها وركبت مع تركي ووصلها لبيتها من غير ما يكلمها بولا كلمة ... واول مانزلت ... حرك السيارة على طول ... قبل لاينتظرها تدخل ... منقهر عليها وعلى امها وخالتها ...

بيت احمد...
برجعة رؤى للبيت رجعت الحياة ... احمد كان متضايق بالمرة من غياب رؤى عن البيت ... بس ما تكلم لانه حاس ان بنته مبسوطة في بيت خالتها ...
بعد العشا ... نادى بنته وحط راسها في حضنه وقعد يمسح عليه ... ويسولف عليها وهي تضحك وتنكت معاه ... قطع عليهم صوت جوال احمد ... وكان الرقم غريب
رد احمد على التلفون ...













احمد: خلاص ... بشوف وارد عليكم ... مع السلامة
بعد ما قفل احمد الخط ... قامت رؤى من حضنه ...






رؤى: بابا ... انا مـــــــــــــــوافـــــــــــــــــــقـــــــــــ ــــــــة
الجزء السادس ...

احمد وهو فاتح عينه: نعم ... على ايش موافقة ؟؟؟
رؤى: على الزواج
احمد: انتي تعرفين مين اللي خاطبك ؟؟؟
رؤى: سمعت المكالمة يا بابا ... وانا موافقة
احمد: رؤى ... انتي اكيد تمزحين !!!
رؤى: لا انا اتكلم جد
احمد: الظاهر الطيحة الاخيرة اثرت على مخك
رؤى: عقلي زين وما فيه شي ... وانا موافقة
احمد: بابا ... هذا ابراهيم الــ ...... تعرفين يعني مين ؟؟؟
رؤى: ايه ... ولد جيران بيت خالتي منيرة
احمد: انسان ضايع ... ما كمل المتوسطة بعد ... ليته على ظروف اوشي جبره .. كان ماهمني ... قلت الظروف حدته ... بس هذا ترك الدراسة بسبب صياعته وخرابيطه
رؤى: يتعدل
احمد: رؤى ... باي منطق تتكلمين ؟؟؟؟؟؟
رؤى: بابا ... انا موافقة ... ما يجوز انك تمنعني من الزواج ... وانا بنشر خبر خطبتي بين الناس ... يا ليت تدق عليهم وتقول لهم انا موافق
وقامت رؤى وصعدت فوق وابوها يطالع فيها وهو متعجب من موقف بنته ...


في حجرة رؤى ... ارسلت المسج وانشرت خبر خطبتها للكل ... رمت الجوال بقوة على الارض ... ورمت نفسها على السرير وهي تبكي بقوة .... هذه اخرتها يارؤى ... هذه اخرتها ... ابــــــــــــــــــــراهـــــــــــــــــيـــــــ ـــــــــم

كل اللي وصلهم المسج ... فتحوا عينهم عالآخر ... معقولة رؤى اللي الكل يتمناها .. واللي ابوها رد ناس احسن من ابراهيم بمليون مرة تتزوج ابراهيم ؟؟؟؟



منيرة: شفت يا عبدالعزيز ... هذه اخرتها ... لو انك موافق ان نواف يتزوجها كان ما صار هذا حالها
عبدالعزيز: انا اللي مستغرب منه شلون احمد وافق عليه !!!
منيرة وهي تبكي: هذا اللي الله قدرك عليه ... بس انا اكلم مين ؟؟؟ انسان قلبه حجر ... وطلعت وتركت عبدالعزيز لحاله
عبدالعزيز: والله اني احب رؤى ... بس بعد هذا ولدي ولا ارضى انه يتزوج غصب!!!!



لينا: الحمارة ... مقفلة جوالها ... اكيد مالها وجه ترد علينا
ليان: انا لسه مو مصدقة ... لينا كم التاريخ اليوم ؟؟؟
لينا: والله انك متفرغة ... هذا وقت السؤال عن التاريخ ؟؟؟
ليان: يمكن تكوت كذبة ابريل !!!
لينا: خلصنا ابريل ودخلنا في شهر 5
ليان: تدرين بتصل على البيت
لينا: ما بترد عليك ؟؟؟
ليان: بجرب ... وان شاء الله ابوها يرد علي
وركضت لتلفون البيت واتصلت على بيت رؤى ... ردت عليها الخدامة وقالت لها ان رؤى نايمة
ليان: ردت الخدامة ... تقول نايمة
لينا: قلت لك ما بترد ... اعرفها
ليان: ايش نسوي ؟؟؟
لينا: مدري والله ... احس ان النار شابة بصدري

نواف: بسم الله على صدرك ... ليش النار شابة فيه ؟؟؟
فواز: اكيد خلود جاطلها ... وهي مطرطعة
نواف: يوووووه ... اذا على كذا الله يعينك على خالد
فواز: ايش رايك يا نواف نقولها عن خرابيط خويلد !!!
نواف: لا لا لا حرام نخرب عليهم ... خليها تكتشف بنفسها
فواز ونواف: ههههههههههههههههههههههه
نواف وفواز استغربوا من سكوت خواتهم وعدم تعليقهم على الموضوع ... ولا كانهم يتكلمون ... كل وحدة حاطة يدها على خدها وسرحانة
فواز: هي .. شفيكم انتي وياها ... كانه احد ميت لكم
ليان: تكفون مالنا خلق لسخافاتكم
نواف: تتكلمين عدل ولا اقوم اعدل خشتك
قامت لينا من مكانها وهي تبكي ...
فواز: ليان ... ايش صاير ؟؟؟ طيحتوا قلبي
ليان: رؤى
فواز ونواف بصوت واحد: ايش فيها ؟؟؟
ليان: بتتزوج
نواف: الله ياخذك ... كل هالمناحة لانها بتتزوج ... انتوا البنات ما تبطلون سخافاتكم
فواز: اي والله ... انا بقوم ادور قلبي ... من الخرعة طاح مني ... واخرتها بتتزوج ... خير يا طير ... لا هي اول وحدة ولا اخر وحدة
ليان: تدرون بتتزوج مين ؟؟؟
نواف: مين يعني ؟؟؟
ليان: ابراهيم الـــ................
فواز: ولد جيرانا ما غيره ؟؟؟
ليان وهي تبكي: ايه
نواف: انجنت هذه
فواز: لا والله ابوها اللي انجن اللي وافق عليه
ليان: مدري ايش اللي صار ... ارسلت لنا مسج بالخبر ... وبعدها قفلت جوالها ... تعبنا واحنا نكلمها
نواف: طيب كلموا البيت !!!
ليان: كلمنا وردت علينا الخدامة تقول نايمة ... اكيد ضايق خلقها .. هي دايم كذا
فواز: بالذمة هذه زواجه ينفرح فيها ... اكيد ضايق خلقها
نواف: قوم معي فواز خلنا نروح لها ونأدبها .. مو على كيفها
ليان: جد بتروحون لها!!!!!
فواز: طبعا ... بنروح نعقلها ... اكيد انجنت
ليان: طيب بجي معاكم
نواف: قومي لبسي عباتك بسرعة ونادي لينا اذا بتجي



بيت حنان عمة رؤى ...
عمتها حنان اول ما وصلها المسج ارسلت مسج لاخوها احمد وطلبت منه يجي بسرعة .. وهو راح لها وهو خايف ومو عارف ايش السالفة ...
حنان: عاد انا قلت لك خلها تتزوج ... بس عاد مو هذا !!!!
احمد: ومن قالك اني موافق ؟؟؟
حنان: هي ارسلت لي مسج اعلان خطوبتها
احمد: مدري ايش فيها ... استخفت البنت ... دايم لو بالمزح نجيب لها طاري العرس تقول لي بدري وصغيرة ... وعلى ابراهيمو نقزت لي وقالت ابي اتزوج
حنان: بنتك حساسة ... واكيد بعد اللي سمعته مني ومنك قررت هالقرار
احمد: شسوي فيها ؟؟؟ مصرة على رايها ... لا ومعلنة الخبر بعد
حنان: تبي اكلمها انا ؟؟؟
احمد: ياليت ... على الاقل انتي حرمة وتعرفين لها احسن مني
حنان: خلاص ما يصير خاطرك الا طيب ... امر عليكم اليوم بالليل
احمد: صــــــار ... يالله عن اذنك بروح الشركة ... اتاخرت
حنان: بحفظ الله يا خوي



بيت احمد ...
نواف للخدامة: وين رؤى ؟؟؟
الخدامة: نايمة
فواز: روحي صحيها ... ما يمشي علينا هالكلام
الخدامة: هي في قولي ما في قوم انا
نواف: يلعن ابو العربي ... روحي صحيها
الخدامة وقفت وهي تطالع فيهم
فواز بعصبية وصراخ: ما تسمعين ... روحي صحيها
ركضت الخدامة على فوق تصحي رؤى من الخوف

رؤى بعد مافتحت الباب: نعم ... نا ما قلت مابي احد يصحيني ؟؟؟
الخدامة: هذا بابا فواز وبابا نواف تحت
رؤى: ايش يبون بعد ... كمل اليوم ... قولي لهم نايمة
الخدامة: واجد في سوي جنجال ... انا في خوف
رؤى: اوووووووووووووووووووووف ... حتى انتي ما سلمتي منهم ... طيب نازلة



بعد حوالي ربع ساعة نزلت رؤى ...
رؤى ببرود: السلام عليكم
نواف وفواز: وعليكم السلام
ركضوا لينا وليان وحضنوها وقاموا يبكون
رؤى: ليش البكا
لينا: ايش هالخبر يارؤى ؟؟؟
رؤى بفرحة مصطنعة: شفتي شلون ... غرت منك !!!
لينا: اذا كل هذا من الغيرة بقول لخالد يطلقني
رؤى: ليييييييش ؟؟؟
نواف: يعني ما تعرفين ليش؟؟؟؟
رؤى: حتى في خطبتي ما سمعت منكم كلمة حلوة ... طيب على الاقل مبروك
فواز: وهذه خطبة تستاهل احد يبارك فيها ... يبلك احد يكسر راسك عليها
رؤى: والله ما عرفت لكم ... كنت بنت واتدلع على قولتكم بتكسرون راسي ... صرت حرمة سنعة وبتزوج بتكسرون راسي ... ايش يرضيكم ؟؟؟؟
نواف: رؤى ... من جدك مبسوطة على هالخطبة
رؤى: لو مو مبسوطة ما وافقت
فواز: وعمي احمد موافق؟؟
رؤى: يعني بتزوج من غير شوره ؟؟؟ وين قاعدين ؟؟
نواف: وما حصلتي غير ابراهيمو
رؤى: لو سمحت لاتغلط عليه ... هذا خطيبي
فواز: الله ياخذك انتي معاه
رؤى: فواااااااااااااااااز!!!
فواز: فواز بعينك ... انتي عارفة هالانسان خاطب كم وحدة ؟؟؟ وليتهم يردونه بس ... الا يهزئونه انه تجرأ وخطب بناتهم ...
رؤى: ما في انسان يظل على حاله ... انا بتزوجه وبيتعدل
نواف: اهله من سنين يحاولون فيه ولا تعدل ... انتي على آخر العمر بتعدلينه ؟؟؟
رؤى: مين يدري ؟؟؟ يمكن هدايته على يدي
فواز: ومن اللي بيخليك تتزوجينه اصلا ؟؟؟
رؤى: ومن اللي بيمنعني اصلا ؟؟؟
فواز: انــــــــــــــــــــــــا
رؤى: هههههههههه وشلون بتمنعني ... لا انت ابوي ولا اخوي ولا ولي امري
فواز: بتشوفين يا رؤى !!! ما راح تتم هالزواجة الا على جثتي ... وقولي فواز ماقال ... وطلع من البيت معصب ونواف وراه لايقل عنه في العصبية


بعد ما طلعوا الاولاد ...
لينا: ممكن تهدين وتفهمينا اللي صار ؟؟؟
رؤى بعصبية: ايش افهمكم ؟؟؟ وحدة انخطبت وبدل ما تباركون عكننتوا عليها فرحتها
ليان: بذمتك فرحانة يارؤى
رؤى: اييييييييييييه ... فرحانة تبين اغني لكم اياها بعد ؟؟؟؟
لينا: طيب ليش معصبة؟؟؟
رؤى: مو معصبة بس انتوا مدري شلون اسلوبكم
ليان: احين اسلوبنا ما صار يعجبك ؟؟؟
رؤى: ..........................................
لينا: تدرين ان ابراهيم هذا كان خاطب ليان ؟؟؟
رؤى: اول شي له اسم ماينقال له هذا ... ثانيا واذا خطب ليان ايش فيها يعني ؟؟؟
ليان: يعني انه مو كويس ... لانه لو كويس مارده ابوي
رؤى: اوووووووووووووووووووه اذا بتروحون وترجعون على هالموضوع روحوا بيتكم احسن
لينا: تطردينا يارؤى؟؟؟
رؤى: والله انا ما عزمتكم عشان اطردكم ..
ليان: رؤى ... شاربة شي
رؤى: .................................
لينا: كفاية يا ليان ... انهنا بما فيه الكفاية ... قومي نروح بيتنا احسن
ليان: انتظري ادق عالسواق
لينا: نروح مع سواقهم ... واذا ما حصلناه نروح بتاكسي ... ولا نقعد هنا دقيقة وحدة زيادة
وطلعوا لينا وليان من البيت وهم معصبين
ورؤى معطيتهم ظهرها ... بس من داخلها تغلي ... وودها تحضنهم وتقولهم لاتزعلون مني ... انا من غيركم ما اسوى


في سيارة نواف ...
نواف: شلون بتمنعها يا فواز؟؟
فواز: مدري والله ... بس اللي اعرفه اننا مو رجال اذا خليناها تتزوج هالانسان
نواف: بس شلون ... ما لنا كلمة عليها
فواز: ......................................
عم الهدوء في السيارة ...
وفجأة ..
.
.
.
.
.
.
.
.
.
.
.
.
.
.
.
: بتزوجها


نواف: شنووووووووو
فواز: اللي سمعته ... بتزوجها
نواف: شلون
فواز: بروح اخطبها ... وعمي احمد بيقدمني على العلة ابراهيمو
نواف: وين اللي يقولي ما بخليك تتزوجها وانت ما تحبها ... وكسرت خاطري ... ومن هالكلام ... ولا هالكلام بس علي انا؟؟؟
فواز: انا غير وانت غير
نواف: ليش غير ان شاء الله ... انا خبري جدة بس اللي غير
فواز: انا شعوري بالنسبة لها عادي ... ما اكرهها ولا اشوفها تتدلع ... بالعكس دايما اشفق عليها ... عكسك انت تماما .. وتتوقع اني اذا تزوجتها بذلها ... مستحيييييييييييييييل ... هي بنت خالتي قبل لا تصير زوجتي ... وما برضى عليها شي يضرها
نواف: صدعت راسي بهالمحاضرة على كلمة ... يا كلمة ردي مكانك ...
وبعدين كل هالموال وابوي اصلا مو موافق
فواز: هذا اللي خايف منه ... مدري ليش مو موافق ؟؟؟ مع انه يموت في رؤى ولا يرضى عليها
نواف: الله اعلم
فواز: بكلمه وبحاول اقنعه
نواف: واذا ما رضى ... ايش بتسوي مع رؤى ؟؟؟
فواز: الله لا يقوله ... ان شاء الله يوافق ... بس اهم شي ... انت مو حاط في خاطرك؟؟؟
نواف: وليش احط في خاطري ؟؟؟
فواز: يعني كنت تبي تتزوجها وابو...
نواف: انت عارف ظروف خطبتي لها ... انا لا احبها ولا خاطري فيها ... كنت باخذها عناد فيها بس
فواز: يعني اتوكل واكلم ابوي
نواف: من غير تفكير ... ما بتحصل احسن من رؤى
فواز: الله يقدم اللي فيه الخير


دخلوا فواز ونواف البيت .... ولقوا امهم وابوهم في الصالة ....
: السلاااااااااام عليكم
عبدالعزيز ومنيرة: وعليكم السلام
نواف: شلون احلى ابو في الدنيا
عبدالعزيز: اخلص كم تبي؟؟؟
نواف: افا ... يبه ابي اعرف ليش دايم ظالمني
عبدالعزيز: هذا وانا ظالمك على قولتك ... وطلعت لي كذا ... لو معطيك وجه ايش بتصير؟؟؟
فواز: بيطلع مثلي يبه
عبدالعزيز: ما طاح الا انبطح
منيرة: هههههههههههههههههههههههه
نواف: يمه ... مبسوطة على عزيزك ها ؟؟؟
منيرة: استح على وجهك
فواز: يمه لسه تستحين ؟؟؟ عادي صرنا رجال طول بعرض
عبدالعزيز: ايه ... بس العقول عقول ابتدائي
نواف لفواز: بدايتها سمعنا هالكلام ... لا تقول موضوعك ... خلنا نحتفظ بالباقي من ماي وجوهنا
فواز: من كثر ما في وقت بعد تبي تأجل ... نتوكل على الله ونفاتحه بالموضوع
نواف: من رايك ؟؟؟
فواز: ما يبيلها كلام
عبدالعزيز: ابي اعرف في ايش تتساسرون ؟؟؟
نواف: سلامتك يبه
قام فواز وقعد قدام ابوه على الطاولة الصغيرة اللي قدامه: يبه ... طلبتك
عبدالعزيز: قلبي حاس من البداية ... من اول ما دخلتوا
فواز: يبه ... بتزوج
عبدالعزيز: هذه الساعة المباركة ...
فواز: يعني موافق؟؟؟
عبدالعزيز: انا موافق ... بس وين نحصل واحد بايع بنته ويعطيك اياها ؟؟؟
قام نواف وقعد جنب ابوه: يببببببببببببببببببببببه ... نتكلم جد
عبدالعزيز: اثر فيكم مزحي ؟؟؟
فواز: طبعا
عبدالعزيز: ابيكم تحسون فيني ... لما اكلمك بمواضيع هامة وتقلبونها لي هبال
نزلوا نواف وفواز روسهم ...
عبدالعزيز: مين بنته ؟؟؟
فواز: رؤى
عبدالعزيز: لا
من سمعت منيرة كلمة لا قامت وتركت لهم المكان وهي معصبة ... وقالت في نفسها ( ما رضى لنواف ... مستحيييييييييييييييل بيرضى لفواز )
فواز: ليش يبه ؟؟؟ ايش شايف عالبنت ؟؟؟
عبدالعزيز: ما فيها شي ... وشيخة البنات ... بس رؤى لا
نواف: طيب ليش لا
عبدالعزيز: عيالي ما يتزوجون غصب
فواز: ومن قالك غصب ... ومن اللي بيغصبنا ... يبه انا ابيها
عبدالعزيز: انتوا تبون تتزوجونها عشان امكم
نواف: يبه من قال ؟؟؟
عبدالعزيز: محد قال ... بس انا ادري ... والدليل ان خلال الاسبوع مرة نواف يبيها ومرة فواز ... ايش معناته ؟؟؟
نواف: معناته انك فاهم الموضوع غلط ... لما انا قلت بتزوجها ... كان لغرض في نفسي .. اما فواز هو اللي يبيها
عبدالعزيز: مافهمت
فواز: حصل موقف تحدي بينهم ... وكان يبي يكسر راسها ... قال اتزوجها ... بس انا غير يبه ... انا ابيها
سكت عبدالعزيز فترة ...
فواز: يبه طلبتك لا تكسر بخاطري
عبدالعزيز: يعني امكم مالها دخل بالموضوع؟؟؟
نواف: ولا عندها خبر بالموضوع ...
عبدالعزيز: فواز ... متاكد انك تبيها
فواز: مثل ما انا متاكد انك قدامي
عبدالعزيز: طيب البنت مخطوبة !!!
نواف: من زينها من خطبة
فواز: اتصل في عمي احمد ... انا اولى فيها من الغريب
عبدالعزيز: طيب افكر بالموضوع وارد لكم خبر
فواز: لا يبه ... احين تكلم عمي احمد ... انا مستعجل
عبدالعزيز: ايش عاجلك ؟؟؟
فواز: اخاف تطير يبه
عبدالعزيز: طول هالسنين قدامك .. ما حلت لك الا لما انخطبت ؟؟؟
فواز: بعد ...
رفع عبدالعزيز جواله واتصل في احمد ...
وركض نواف يبشر امه بموافقة ابوه ....




بيت احمد ...
العمة حنان: ليش تبينه ؟؟؟
رؤى: كذا ... دخل مزاجي
حنان: بالذمة هذا يدخل المزاج ؟؟؟
رؤى: .............................
حنان: انا عارفة ليش تبينه ؟؟؟ لانك سمعتي كلامي انا وابوك ... صح ؟؟؟
رؤى: ................................
حنان: تكلمي ... صح ؟؟؟
رؤى: لا يا عمة ماله دخل .. .انا ابي اتزوج ... حاسة اني محتاجة زوج يوقف معاي بكل شي ... انا دايم معتمدة على ابوي ...
حنان: والرجال هذا ابراهيم؟؟؟
رؤى: ما همني ابراهيم اوغيره ... اهم شي اتزوج


: خلاص اذا كذا حصلت اللي يستاهلك واحسن من ابراهيم
رؤى: بابا
احمد: ايه بابا ... شلونك ياحنان؟؟؟
حنان: ماني بخير طالما بنتك معندة وراكبة راسها
رؤى: عمتي انا شرحت لك وجهة نظري
احمد: وانا قلت لك ... جاك عريس افضل منه ... وانا موافق عليه
حنان: صحيح يا احمد ... مين ؟؟
احمد: فواز ولد خالتها
فتحت رؤى عينها عالآخر :..............
حنان: صحيح ... هذا العريس اللي يفتح النفس ... مبروووووووك يارؤى
رؤى: بس انا مابي فواز
احمد: ليش ايش فيه؟؟؟
رؤى: كذا ... احسه مثل اخوي
حنان: ايش هالكلام ؟؟
احمد: خلاص على راحتك .. انا ما اجبرك على شي ... بس اذا ما تزوجتي فواز ... مافيه ابراهيم
رؤى: ليييييييييييييييييش ؟؟؟
احمد: لاني ببساطة مو موافق على ابراهيم ومستحيل احط يدي بيده ... فاذا كنتي رافضة فواز براحتك ... تقعدين معززة مكرمة في بيتك ... لين يجي الرجال اللي ارضى عليه وتوافقين عليه وما تحسينه مثل اخوك
رؤى: بس انا ابي ابراهيم ؟؟؟
احمد: الكلام ما بي اعيده ... ابراهيم لا ... مو بس لا ... مستحيييييييييييييييييييييييييل ... تبين فواز اهلا وسهلا ... ما تبين براحتك ... غير هالكلام ما عندي... وطلع وتركهم واول ما وص الدرج ...
: بابا
التفت احمد لرؤى: ..........................









رؤى والدموع في عينها: انا موافقة على فواز
احمد: مابيك تتزوجين بالغصب ... اخذي وقتك وفكري بالموضوع
رؤى: انا مقتنعة ... كلم عمي وقوله اني موافقة
هز احمد راسه وصعد فوق ....
حضنتها حنان: مبروووووووووك يا رؤى .... الله يتمم لك على خير ... ان شاء الله انك ماتندمين ... فواز رجال والنعم فيه
رؤى وهي تبكي: ادري ... بس انا ما ابيه ... ما اطيقه
حنان: مع الايام بتحبينه ... اسمعي يا بنتي ... انتي تشوفين معاملته معاك احين ... هو يعاملك كاخت او بنت خالة ... اكيد معاملته جافة ... بس اذا تزوجتيه بتتغير معاملته ... بيعاملك كزوجة ... وبتحبينه اكيد
رؤى: بس هو يعامل الكل بلطف الا انا
حنان: ماتدرين يمكن يحبك ...
رؤى: شلون يعني ... اول مرة اشوف احد يحب احد يعامله كذا
حنان: يمكن انه يحاول يخفي حبه بالتصرفات هذه
رؤى: ياسلاااااااام ... هو يحبني واخوه العلة الثانية ... انا ادري هو ليش تقدم لي ... بس انا اوريه ... ان ماخليته يتحسف ... ما اكون رؤى
حنان: رؤى ... هذا زواج مو حرب ... اذا ما تبينه ارفضي وخلاص
رؤى: لا ... انا متمسكة فيه اكثر من الاول ... واذا ما تزوجته ما بتزوج غيره
حنان: الله يهديك بس
مسكت رؤى جوالها وفتحت على مذكرة اليوم: ناويلك على نية ... بس انت اصبر شوية





غرفة نواف وفواز ....
نواف: هي انت ... احولت عيني منك ... رايح جاي ... اهجد
فواز: ماني قادر اقعد ... ما عندي صبر اعرف الرد
نواف: ليش انت متوقع انهم يردون اليوم ؟؟؟ سلق بيض هو ؟؟؟
فواز: وليش ما يردون ؟؟؟ انا منهم وفيهم ... لا يبون يسالون عني ولا شي
نواف: بس ولو ... انت خاطب اليوم ... لا ليته من الصبح ... خاطب عالعشا ... وتبي الرد بنفس اليوم ؟؟؟
فواز: يوووووووووووه ... ايش يصبرني لبكرة ؟؟؟
نواف: اللي يشوفك يقول بتموت لو ما تزوجتها ... ما كانك ماخذها عناد
فواز: لا لا لا لا ... انا مو ماخذها عناد ولا شي ... انا ابي احميها من نفسها ... انا اعز رؤى ولا ارضى عليها ...
نواف: والله حتى انا اعزها ... بس اذا هي اختارت بكيفها
فواز: لا مو كيفها ... ترضى على خواتك يتزوجون واحد مثل ابراهيمو؟؟
نواف: يخسي
فواز: شفت شلون ... لازم ما ترضى على رؤى بعد


: السلام عليكم
نواف: وعليكم السلام ... هلا يبه حياك
عبدالعزيز: لسه مو نايمين ؟؟؟
نواف: وين نقدر ننام وبعض الناس موترينا
حذفه فواز بالمخدة
عبدالعزيز: طيب فواز ... اممممممممممممم
فواز: يبه شفيك ؟؟؟
عبدالعزيز: عمك احمد تو مكلمني
فواز: طيب ؟؟؟
عبدالعزيز: ويقول انهم ...... انت اخذت دواك اليوم
فواز: يبه .. انا راضي باللي الله كاتبه لي ... عادي اذا مو موافقين ما راح ازعل
عبدالعزيز: هو قالي قالي ... اممممممممممم ... قالي



















شرفونا باي وقت ... ولو هي ذبيحة ما عشتكم
فواز وكان الروح ردت له: صدق يبه ؟؟؟؟
عبدالعزيز: صدقين ... مبروك يا فواز
ركب نواف على ظهر فواز : مبروووووووووووووووووووووووووووووك ...
واخيرا بتصير معرس وبفتك من خشتك وتخلي لي الغرفة بروحي
فواز: الله يبارك فيكم ....يوووووووووووه كاني استحيت !!!!!
عبدالعزيز: والله جا اليوم اللي اشوفك فيه تستحي يا فواز ... عقبال ما اشوف نواف مستحي يارب
نواف: مبطي يبه ... باقي واااااااااااجد
عبدالعزيز: ومن قال اني بصبر عليك ؟؟؟؟ يالله دور لك على عروس والحق اخوك ... ابي اشوف عيالكم قبل لا اموت
نواف وفواز: بعد عمر طويل ان شاء الله
عبدالعزيز: الله يخليكم ويحفظكم
منيرة واقفة عند الباب وتمسح دموعها ... فرحتها مو سايعتها ... بس التفكير اللي شال عقلها ... مين اللي بيتزوج بنت اختها اللي تعتبرها مثل بنتها ... ولدها ولا ولد سارة ...




فجأة نقز فواز .. عن اذنكم انا بروح مشوار وارجع
نواف: وين؟؟؟؟
فواز: ما بطول ... على ما ارجع صج البنات وبلغهم الخبر ... ابي البيت كله يرتج ... ابي احس اني معررررررررس ... يالله عن اذنكم وطلع وتركهم
نواف: استخف الولد
عبدالعزيز: اللي يسمعك يقول كان عاقل بالاول
نواف: وانت الصادق
عبدالعزيز: على فكرة ... تراك ما تقل هبال عنه
نواف: طيب على الاقل مرة وحدة في الدنيا لا تحطمني وكمل القعدة من غير ما تسم بدني
عبدالعزيز: تسنع انت واخوك وتسمعون الكلام اللي يسركم
نواف: مافي امل يبه
عبدالعزيز وهو يضربه على راسه: عارف
نواف: هههههههههههههههههههههههههههههه



بيت احمد ...
احمد قاعد في الصالة يتفرج على التلفزيون ... ورؤى في حجرتها فوق من راحت عمتها ما نزلت ... سمع صوت الجرس
احمد: مين جاي هالوقت ؟؟؟ حتى الخدامة نايمة !!! اللهم اجعله خير ... وقام يفتح الباب ... لما فتح الباب انصدم !!!!!
خير ان شاء الله .... صاير شي ؟؟؟
فواز: هلا عمي ... لا موصاير شي ... ايش فيك متخرع ؟؟؟
احمد: انت شايف الساعة كم ؟؟؟ ولا مو لابس ساعة؟؟؟
فواز: الصراحة نسيت ساعتي من العجلة ... ليش الوقت واجد متأخر ؟؟؟
احمد: شكلي بغير رايي في الزواجه ؟؟؟ اذا من احين رجة وهبال ؟؟؟
فواز: لا عمي تكفى اذا يتغير رايك بروح خلاص ... ولف يبي يروح
سحبه احمد: هههههههههههههههه حياك ... اقلط
دخل فواز مع احمد للصالة ...
احمد: ان شاء الله من احين بتلزق عند باب بيتنا .. كل يوم ماعندك شغلة الا رايح راجع على رؤى
فواز: بعد يا عمي ... لزوم الخطبة
احمد: هههههههههههههههههههههههههههههههههه


رؤى من سمعت الجرس خافت ... ايش صاير ؟؟؟ وطلعت من غرفتها ووقفت على راس الدرج ... بحيث انها تسمع الموجودين في الصالة من غير ما تشوفهم ولا يشوفونها ... واول ما سمعت صوت فواز لاعت كبدها ..
يا ربي شلون بستحمله بعد ما يملك علي ... اوووووووف الله يعيني

تحت في الصالة ...
( الحوار بين فواز واحمد ... بس رؤى تسمع لهم من فوق ... والكلام اللي في الحوار بتقوله في نفسها ... يعني هم مايسمعونها )

فواز: عمي طلبتك ... قول تم ....
احمد: خير يا فواز
فواز: عمي قول تم
رؤى: لا يبه ... لا تقول تم ... انت مو عارف على ايش ناوي
احمد: لك اللي تبيه يا ولد عبدالعزيز
فواز: ابي الملكة يوم الاحد
رؤى: خييييييييييييييييييييييييييييييييييييييييييييييييي يييييييييييييييير
قام احمد ومسك راس فواز: شكلك محموم يا ولدي
فواز: ليش ؟؟؟؟
احمد: شنو ليش ؟؟؟ اليوم الجمعة وتبي الملكة الاحد ؟؟؟
رؤى: استخخخخخخخخخخخخخخخخف
فواز: ايه ياعمي ... ماله داعي التأخير
احمد: يا ولدي حتى التحاليل ما يمديها تخلص
فواز: يمدي ... بكرة الصبح نروح نسحب العينات ... وانا اعرف واحد يشتغل بالمركز المختص ويخلص لي اياها في يوم واحد ... يعني الاحد الصبح التحاليل جاهزة ... ونملك بالليل
احمد: ما دري شقولك ؟؟؟
رؤى: شتقول يبه ... طبعا ترررررررفض
فواز: عمي انت وعدتني !!!!
احمد: طيب ليش العجلة ؟؟؟؟
فواز: خير البر عاجله ... وانا مستعجل يا عمي
احمد: ...........................................
رؤى: لا يبه ... لا توافق
فواز: ايش قلت يا عمي ؟؟؟
احمد: طيب البنت ما يمديها تتجهز ؟؟؟
فواز: مستعد الف فيها الاسواق من بكرة الصبح الى الاحد المغرب ... ولو ما عجبها شي اوديها البحرين
رؤى: وععععععععععععععععع ... هذا اللي ناقص ؟؟؟ توديني السوق !!!!
احمد: .............................................
فواز: تكفى عمي ... طلبتك ؟؟؟
رؤى: لا لا لا لا لا لا لا ... مايصير كل شي على كيفه !!!!
احمد: لك اللي تبيه يا فواز
نقز فواز وحب راس عمه: الله لا يحرمنا منك يا عمي
هنا رؤى وصل حدها وعصبت ودخلت حجرتها : الله ياخذذذذذذ ك ... اكرهههههههههههك
احمد: اهم شي عندي يا فواز سعادة بنتي ... حطها في عينك
فواز: من غير ما توصي يا عمي ... رؤى في عيني
بعد ما حصل فواز اللي يبيه طلع ورجع بيتهم ...
وصعد احمد لغرفة رؤى وهو يحاتي شلون ينقلها هالخبر ...
رؤى بعصبية: تفضل
دخل احمد: ما نمتي ؟؟؟
رؤى: وشلون يجيني نوم وفواز سم لي بدني
احمد: رؤى .. انتي رافضة فواز
هنا تحكمت رؤى باعصابها: لا ... من قال ؟؟؟
احمد: مدري ... احسك معصبة ومو متقبلة الفكرة
رؤى: قلتها بابا ... مو متعودة على الفكرة ... توني اتقبل اني انخطبت ... على طول الملكة ؟؟؟؟
احمد: بس انتي عارفة فواز ... يعني ما في شي ينخاف منه !!!
رؤى: بابا ... الله يخليك كلمه وقوله اقل شي اسبوعين
احمد: اظنك سمعتي الحوار ... الولد شوي ويحب يدي ... شلون ارده
رؤى: مايمديني
احمد: اتصلي بعمتك حنان ... وبكرة بعد التحليل ابدي جهزي ... وربي بيساعدك
رؤى: .................................
احمد: السكوت علامة الرضا ؟؟؟
رؤى: خلاص بابا .... اللي تبيه
احمد: الله يرضى عليك يا بنتي
رؤى في نفسها: الله يصبرني عليك يا فواز





بيت عبدالعزيز ...
دخل فواز والبيت هدوووووووووووء ... شكله الكل نايم ... الساعة 12 بالليل
فواز: يا سلام .... نايمين ولا كانه عندهم معرس ... طيب انا اوريكم
وقف على اول درجة في السلم وصرخ باعلى صوته : يااااااااااااااااااااااااااا اهههههههههههههههههههل البيييييييييييييييييييييييييييييييييييييييييييت ...... يااااااااااااااااااااااااااا اهههههههههههههههههههل البيييييييييييييييييييييييييييييييييييييييييييت ...... يااااااااااااااااااااااااااا اهههههههههههههههههههل البيييييييييييييييييييييييييييييييييييييييييييت
نزل الكل وهم مخترعين ... كلهم فزوا من نومهم
عبدالعزيز: خير يافواز ... ايش صاير ؟؟؟
منيرة: طيحت قلبنا
فواز: ليش نايمين
ليان: بالذمة هذا سؤال ... شايف الساعة كم ؟؟؟
فواز: ياربي ليش كلكم تسالون عن الساعة ؟؟؟
لينا: ليش من سالك بعد ؟؟؟
فواز: عمي احمد
عبدالعزيز: ليش انت اتصلت بعمك احمد ؟؟؟
فواز: لا ... كنت عندهم
منيرة: فوااااااااااااااز ... من جدك تتكلم
فواز: ايش فيكم ؟؟؟
عبدالعزيز: هالولد بيجلطني !!!
لينا: ما علينا من هذا كله ... ليش مصحينا ؟؟؟
فواز: اولا ... ابي اشوف الفرحة وتباركون لي وكذا يعني ... اخوكم صار معرس
لينا وليان: معررررررررررررررررررررررررس
فواز: ليش نوافو ما قالكم ؟؟؟؟
ليان: ايش يقولنا ؟؟؟
فواز: خطبببببببببببببببببببببببببببت
ليان ولينا: مبروووووووووووووووووووووووووك .
ليان: مين تعيسة الحظ ؟؟؟؟
كفخها فواز: تعدلي وانتي تكلمين اخوك المعرس
لينا: هههههههه مين العروووووسة ؟؟؟
فواز: رؤى
لينا وليان بفرحة: كلللللللللللللللللوووووووووووووووش
فواز: ههههههههههههههههههه ماسمعت الزغروطة الا لما سمعتوا اسم رؤى
ليان: طبعا ... تبي تجيب لنا اي علة وننبسط .. لازم تكون وحدة فرفوشة
فواز: هههههههههههههههههههههههههههههههه
عبدالعزيز: انا ابي اعرف ... ليش مصحينا ... تكلم لا اذبحك
فواز: ابي اقولكم ان ملكتي الاحد
لينا: بعد بكرة ؟؟؟؟
فواز: ايه نعم
عبدالعزيز: استخفييييييييييت رسمي
فواز: ليش يبه
عبدالعزيز: شنو ليش ... ان شاء الله فشلتنا مع عمك احمد؟؟؟؟
نواف: اكيييييييييييييييييييييد يبه .... لا توصي حريص
فواز: ههههههههههه اشوفك قلبت ؟؟؟
منيرة: فواز ... من جدك؟؟؟ مايمدينا حتى نعزم الناس
فواز: يمدي يمه يمدي ... انتوا شدوا حيلكم وبيمدي
لينا: لا فواز ما يمدي
فواز: انتي سكتي ... دريتي عن ملكتك قبلها بساعة بس
منيرة: بس لينا حفلتها كانت جاهزة ... يعني مستعدين لحفلة ربى وكل شي جاهز
فواز: انتي اكتبي اللي تبينه وبيوصلك ... واذا ما وصلك بحلق شنبي
منيرة: ايه وفشلنا قدام النس
نواف: هههههههههههههههههههههه
عبدالعزيز بعصبية: فواز ... كل شي ماخذه بالعجلة ... ما يصير ؟؟؟
فواز: يبه البنت وابوها موافقين ... وانا مستعجل
عبدالعزيز بعصبية: وليش العجلة
فواز: .................................
هنا تدخلت منيرة: عبدالعزيز هدي ... اذا هو متفق مع احمد ورؤى خلهم براحتهم
عبدالعزيز: اصلا كل شي براحتهم ... متى هم دوروا راحتي ... طول عمرهم همهم انفسهم بس
فواز بحزن: خلاص يبه ... اذا مو موافق بكلم عمي احمد واقوله نأجل ... وانت حدد اليوم اللي تبيه وانا حاضر ... ان شاء الله بعد 10 سنوات
عبدالعزيز: يعني ما عندك حل وسط ؟؟؟ يا بكرة يا بعد 10 سنوات ؟؟؟
فواز: ..............................
نواف: يبه انت ليش محتج على الاحد ؟؟؟ عندك ارتباط ؟؟؟
عبدالعزيز: هو خلانا نشوف ارتباطاتنا ؟؟؟ مقرر على كيفه ؟؟؟
فواز: ...........................
منيرة: خلاص يا عبدالعزيز ... لا تخرب على الولد فرحته
عبدالعزيز: ......................
نواف: تكفى يبه ... لا ترد فواز
عبدالعزيز: خلاص اللي تبونه سووه
وطلع وتركهم ...
منيرة: لا تزعل يا ولدي ... اهم شي انه وافق
فواز: مو زعلان ولا شي ... بس وين البنات؟؟؟ ابيهم يسون لي عرس !!!
منيرة: اركضوا يتصلون برؤى يباركون لها
نواف: الله يعينا بيسون عليك حزب
فواز ومنيرة: ههههههههههههههههههههههههههههه

الجزء السابع ...

اليوم الاحد ... يوم ملكة فواز ورؤى ...

مروا اليومين بسررررررررررعة وحوسة مالها اول ولا آخر بسبب عجلة فواز ... كل واحد يجهز من صوب ... ومنيرة كل شوي تعصب عليه ... كله منك ... وانت اللي عجلتنا ... مايمدينا ... بتفشلنا قدام الناس ... ومن هالكلام ... وفواز مطنش عالآخر ... اللي براسه بيمشيه ...

رؤى ... حاولت تبين انها طبيعية ... وانها مبسوطة ... وجهزت نفسها ولا قصرت على عمرها بشي ... وبينت لخالتها وبنات خالتها انها مو بس مبسوطة ... الا طايرة من الفرح انها بتعيش بوسطهم ... بس في داخلها تحترق ... هي من تسمع اسم فواز تحوم كبدها ... وتدعي عليه في داخلها ... وما في احد يعرف عن الموضوع الا عمتها حنان ... اللي هددتها رؤى انها اذا تكلمت بتزعل منها طول عمرها ... واللي مخلي حنان تسكت انها واثقة ان سعادة رؤى مع فواز ...

بيت عبدالعزيز ....

الظهر والبنات في الصالون ... اكيد فرحتهم باخوهم الكبير مالها حدود ... واللي زاد فرحتهم انه بيتزوج حبيبة قلبهم رؤى ...
منيرة ... رايحة راجعة وتحوس بالبيت وتتاكد ان كل اغراضها جاهزة ... ما تبي تتاخر على رؤى ... لازم تروح بدري هناك ... هي تعتبر نفسها ام العريس والعروسة في نفس الوقت ...
عبدالعزيز ... مبسوط وعايش في حيرة مالها اول ولا آخر ...
متمدد على سرير الغرفة ويشوف منيرة وهي طالعة وداخلة وما غابت عن عيونه نظرتها ... مع فرحتها الا انه حاس انها بالعة المر وساكتة ...
عبدالعزيز في قلبه: ياربي اقولها مين ولدها ... اليوم واحد منهم بيتزوج ... ليش احرمها من شعورها ... ليش اخليها بحيرتها ... ليش ما ابدل نظرتها هذه لنظرة ثانية ... بس لا ... هذا ولدي وما ارضى عليه ... طيب هم كبار ... وان شاء الله مابتفرق بينهم ... وبقولها انها ما تعلم احد ... بس هي بتعرف ... ما بي العيال ينصدمون ... ولا يحس ولدي بنقص عن اخوانه ... خلاص انا لازم اقولها ... حرام انا عارف ومبسوط وهي تنحرم من هالفرحة ... زواجهم شي ما يتعوض ...
دخل فيصل: بابا ... ماما تقول الغدا جاهز
انتبه عبدالعزيز من سرحانه: ها ... طيب ... عمك تركي وصل ؟؟؟
فيصل: من زماااااااااااااااااان وقاعد ينتظرنا تحت
عبدالعزيز: يالله اسبقني وبلحقك
نزل عبدالعزيز ولقى الاولاد ومنيرة وتركي ينتظرونه عالغدا ...
عبدالعزيز: السلام عليكم
قام تركي وحب راس اخوه: وعليكم السلام ... بالمبارك ياخوي ملكة فواز ... الله يتمم له على خير ويوفقه ... وعقبال نواف يا رب
عبدالعزيز: الله يبارك فيك ... قبل نواف ابي افرح فيك
تركي: لا لا لا لا لا لا لا لا انا انساااااااااااااااني بالمرة ... زواج ما في
عبدالعزيز: والله توني اكتشف اني مدلعك ... المفروض سحبتك من كشتك وخطبت لك من زمان
تركي: ههههههههههه لا اعرفك اخو متفهم ما تسويها
نواف: هو اخ متفهم بس للاسف اب مو متفهم
ناظره عبدالعزيز بنص عين: ويقول ابوي يسم بدني بكلامه ... اذا ما تبي تسمع شي يغثك اعقل
فواز: يوووووووووووووه حتى يوم ملكتي بتتخانقون؟؟؟
نواف: غثيتنا ... كانه محد بيملك غيرك ... حومت كبودنا
تركي: هههههههههههههههه اصلا من دريت انه خاطب الجمعة وملكته الاحد اغسل يدك منه ... انا على بالي عندنا خبل واحد في العيلة اللي هو خالد ... بس الحمد لله على العقل ... طلعوا كثار
نواف: هههههههههههههههه تركي لاتسمعك لينا ... تجيك ركض ... حاسة السمع تزداد مع اسم خالد
الكل: هههههههههههههههههههههههههههههههههههه
عبدالعزيز معاهم ومو معاهم ويقول في نفسه: لازم اعلمها ... لازم ... بس قبل اتاكد منها انها ما تفتح فمها بكلمة لاحد




بعد الغدا صعد عبدالعزيز الغرفة وتمدد على السرير ... دخلت منيرة وهي حايسة ...
عبدالعزيز: منيرة
منيرة: هلا والله
عبدالعزيز: مشغولة ؟؟؟؟
منيرة: اكيييييييييد ... فوازو عفسنا مع هالملكة اللي بين يوم وليلة
عبدالعزيز: الله يصلحه ... منيرة
منيرة وهي تقلب في الدفتر المكتوب فيه اسماء المعازيم ... قرته 20 مرة ... خايفة تنسى احد وهي ما تحب تزعل احد وبالها مو مع عبدالعزيز: ممممممممممممم
عبدالعزيز: لو عرفتي مين ولدك ايش اول شي تسوينه ؟؟؟
منيرة رمت الدفتر اللي بيدها والتفتت لعبدالعزيز وقالت لاشعوريا: احضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضن ولدي بقوة ... واعوضه بهالحضن كل سنين الحرمان اللي عشتها
عبدالعزيز بغضب: وتلوميني لما ما اعلمك؟؟؟ مبيتة نية التفرقة !!! وتضحكين علي وتقولين لي ما بفرق بينهم واثنينهم عيالي
منيرة بعد ما انتبهت للكلام اللي فلت من لسانها: عبدالعزيز ... مو قصدي ... لاشعوريا طلع مني الكلام ... تكفى كمل فرحتي اليوم وقولي مين ولدي ؟؟؟ ولدي اللي بيتزوج اليوم او لا ؟؟؟ الله يخليك يا عبدالعزيز ... ابوس يدك
عبدالعزيز: انسسسسسسسسسسسسسسسسسسسسسسسسسي انك تعرفين ... كنت ناوي اقولك وما احرمك من الفرحة اليوم ... بس بعد اللي سمعته انسسسسسسسسسسسسسسسسسسسسسسسسسسسسسسسسسسسسسسسسسسسسي تعرفين مين ولدك ... طال ما انا عايش ... وطلع من الغرفة وهو معصب ...
منيرة وهي تبكي: حرااااااااااااااااااام عليك يا عبدالعزيز ... حرام عليك ... ذبحتني ...ذبحتني ... عيشتني بحلم وبثواني صحيتني منه ... الله يساااااااااااااااااااااامحك




بالليل في بيت احمد ...
عمات رؤى من العصر وهم موجودين وشايلين المكان كله ... عماتها بالمرة حبوبات ويحبون رؤى لدرجة كبيرة ... واقربهم لها حنان ... يمكن لانه اقرب وحدة لعمرها ... حنان هي العمة الصغيرة عمرها حوالي 35 سنة ... واقفين في الاستقبال مع منيرة والفرحة موسايعتهم ... رؤى بنت حبوبة وفواز رجال والنعم فيه ...

وصلت ام محمد مع نورة وبناتها ...ام محمد دخلت والدمعة في عينها ... اصلا دموعها ما جفت من اتصل فيها فواز وعلمها بالخطبة ... واول ما دخلت حضنت منيرة وقامت تبكي ومنيرة اللي ماسكة نفسها بالغصب ما استحملت وقامت تبكي معها ...
ام محمد: منيرة ... حلفتك بالله ... ما تعرفين اذا كان ولدي اللي بيتزوج اليوم او لا؟؟
منيرة: يا خالتي ... والله اني عجزت مع عبدالعزيز ... وانا شي واثقة منه ما اعرف ... وقلبي دلني على واحد منهم ... بس مستحيييييييييل اعتمد على احاسيسي ... واظلم واحد منهم
ام محمد: لا حول ولا قوة الا بالله ... العيال كبروا واليوم واحد منهم بيتزوج واحنا لسه ما حصلنا ممسك واحد على عبدالعزيز ؟؟؟
منيرة: للاسف لا ... الله كريم يا ام محمد ... مسحي دموعك الناس تناظر فينا ... احنا اللي صبرنا طول هالسنين مع كل المواقف ... بنستحمل اليوم هذا
ام محمد: الله كريم

عند الحمامات ... نورة وبناتها واقفات يضبطون اشكالهم والفرحة مو سايعتهم ... طبعا خوات المعرس ... من قدهم ...
سحبت نورة بنتها شهد على جنب: شهد ... لا تخربين على اخوك فرحته
شهد: ماما ... معقولة اخرب على فواز؟؟؟ ايش هالكلام ؟؟؟
نورة: لانك موشايفة وجهك في المراية ... نظرتك فيها حزن مو طبيعي
شهد: لا تخافين ماما ... اول ما اطلع للناس بنسى وبنشغل بفواز وفرحته
نورة: اهم شي انك ما تبينين لاخوك ... تراه حافظكم وفاهم نظراتكم
شهد: لا توصين حريص يمه
نورة: الله يكملك بعقلك



غرفة رؤى ....
واقفة وبكامل اناقتها ... فستانها مرة ناعم وفخم ... واقفة وراسمة على وجهها احلى ابتسامة ... واقفة بوسط خواتها وبنات خالتها وحبايبها ...
لينا: قمرررررررررررررررررررر ... ما شاء الله عليك
ليان: الصراحة استكثرتك على فواز !!!
لينا: حرام عليك ... والله فواز طيوب
رؤى بنفسها: اما طيوب ... كثري منها
دخلت عليهم حنان ومعها الدفتر: يالله رؤى ... سمي بالله ووقعي ...
التقت عيونهم ببعض ولحظة صمممممممت: .................................
قربت حنان من رؤى ومسكتها من كتفها ومسحت على ظهرها بحنان: سمي بالله ( وشددت على الكلمة )
مسكت رؤى القلم والدمعة في عينها ووقعت
لينا وليان: كللللللللللللللللللللللللللللللللللووووووووووووووو ووووووش
ركضوا لها وحضنوها: مبروووووووووووووووووووووووووووووك
رؤى: الله يبارك فيكم ... عقبالك يا ليان
ليان: لا ... انا لسه بدري علي
لينا: كلنا قلنا مثلك ... وهذه اخرتها
حنان وهي تحضن رؤى: مبرووووووووك حبيبتي ... وهمست في اذنها ... الله يطمن قلبك حبيبتي ... وطلعت بالدفتر للرجال






وقت الزفة ...
نزلت رؤى على الدرج بهدوء وعلى احلى زفة وراسمة على وجهها احلى ابتسامة ... حوالينها لينا وليان وربى ... ومنيرة وعماتها يسمون عليها ويدعون ربي يحفظها ... الكل منبهر بجمالها وبثقتها بنفسها ... فعلا كانت ملاك نازل على الدرج ...



رشا لسمر: وااااااااااااااااااااااااااااااااااي بموت من القهر
سمر: لاتحاتين ... وربي مابتطول فرحتها ... صدقيني
رشا: طيب وين اللي بتعكنن عليها فرحتها اليوم ؟؟؟
سمر: لا تحاتين ... مجهزة كل شي
رشا: طيب ايش بتسوين ؟؟؟ ومتى ؟؟؟
سمر: لاتستعجلين ... كل شي بوقته حلو يا حلو ... وبعدين انتي ايش دخلك فيها ... انتي تحبين تاخذين الشي الجاهز ... عندك نواف ضبطيه ... انا احب اتعب على الشي قبل لا احصله ... فواز بيكون لي انا مو لغيري
رشا: احاتيك حبيبتي واتطمن عليك
سمر: خلك في حالك احسن




الحفلة ولا اروع ... والرقص على اصوله ... حماس ووناسة ... وجا وقت دخول فواز ... اللحظة الي كارهتها رؤى ... هي لسه مو متقبلته كزوج ... بس هذا شر لابد منه بالنسبة لها ... دخل فواز بوسامته وابتسامته اللي ما فارقت شفته طول ما هو بمجلس الرجال ... وعيونه معلقة بالملاك اللي قدامه ... ابد ما توقعها تكون جميلة كذا ... معقولة الحجاب يخبي ملامح الوحدة للدرجة هذه ... وصل عندها وسلم عليها وباس راسها ...
رؤى ... راسمة ابتسامة على وجهها ... مجرد ابتسامة ... ولا في داخلها حايمة كبدها وودها ترجع من الانسان اللي واقف بجنبها ... بس شي بديتيه يا رؤى لازم تكملينه
طبعا فواز واقف وسط خواته وتعليقاتهم اللي ما تخلص ... وفرحة امه اللي ما تنوصف ... ودموع جدته ام محمد اللي ما جفت واللي الكل يعتقد انها دموع الفرح ...
بس للاسف هي دموع حيرة والم ...




رشا: سمممممممممممر ... خلصت الحفلة وانتي ما سويتي شي
سمر: انتظري ... على ايش مستعجلة
رشا: تقول لي على ايش مستعجلة ... انا حاسة ان الضغط وصل عندي مليون ... شوفيه يهببببببببببببببببببببببببببببببببببببببببببببل
سمر: قولي ما شاء الله ... لا تحسدينه علي
رشا: واثقة انه بيكون لك
سمر: طبببببببببببببببببببعا





لبسها فواز الشبكة وصوروا ... ووقفوا بيطلعون للمجلس ... وقف فواز ومسك يد رؤى وهو ميت من الوناسة ... حاولت تفك يدها بس ما قدرت ... كان ماسكها بالقوة ... ولا حبت تسحب يدها والناس تنتبه ... مشوا وسط الناس ومنيرة تقرا وتسمي عليهم ... فعلا كانوا ثنائي رائع




سمر في نفسها: يالله ... وييييييييينك ؟؟؟ تأخرت ؟؟؟ بيطلعون خلاص !!!



مشوا رؤى وفواز بثقة ... ولما قربوا من الباب ... فكت رؤى يدها منه ... وهو استسلم لرغبتها وهو مبتسم ... وقبل لا يطلعون ... ما حست رؤى الا بشي يصدم فيها بقوة ويطيحها على ورى ... بس يد فواز كان اقرب لها ومسكها قبل لا تطيح ... بس تقريبا طاحت نص طيحة ... والناس كلها شهقت شهقة وحدة ... هنا رؤى تفشلللللللللللللللللللللللللللللللت ... اولا .. من الناس اللي كلهم شافوها وهي تطيح يوم ملكتها ... وثانيا ... من فواز اللي كان محاوطها بيدينه ويسندها توقف مرة ثانية ... وما حست الا بفواز يهمس لها باذنها ... ســــــــــــــلــــــــــــمــــــــــــتــــــــ ـي
رؤى ... تجمعت الدموع بعينها ... خصوصا بعد ما التم الكل حوالينها ... يشوفون ايش اللي صار ...




طبعا تبون تعرفون اللي صار





















اللي صدم برؤى ... كان اخو سمر الصغير ... عمره 10 سنوات ... طبعا بوصاية من سمر ... بس هي ما كان ودها الموقف يكون عند الباب ... كان ودها يكون وسط الصالة ... ووسط الناس ... بس اخوها ما عرف التوقيت ... وتاخر بالنسبة لها



رشا: حللللللللللللللللللللللللللللللللللللللللللللللللل للوة الحركة ... تسلمين يا احلى سمر
سمر: اخخخخخخخخخخخخخخ يالقهر ... هالحمار مدري ليش تاخر ... كان ودي تطيح وسط الناس
رشا: لا تخافين ... كل الناس شافتها
سمر: ولو ... لما يكون في وسطهم احلللللللللللللى
رشا: اهم شي انها تفشلت
سمر: هذا اول كف لها ... عشان تعرف مرة ثانية وما تقرب لشي من ممتلكات سمر
رشا: ههههههههههههههههههههههههههههههههههههههه




طبعا رؤى دخلت المجلس ودموعها على خدها من الفشيلة والاحراج ... وكلهم حوالينها ... وفواز مو عارف ايش يسوي
ليان: قسم بالله انه متعمد
لينا: لا تحطي في ذمتك يا ليان ... بزر ايش عرفه
رؤى: ....................................
ليان: هذا وجهي اذا ما كان متعمد ... باينه وواضحة وضوح الشمس ... جاي مسرع ليش ؟؟؟ ايش بيفوته يعني ؟؟؟
فواز واقف وسطهم بس مو معاهم ابد ... مع رؤى المسكينة اللي تحاول ان دموعها توقف ... بس هو حاس باحراجها وفشيلتها



دخلت منيرة مع العمات ... وكلهم توجهوا لرؤى
منيرة: سلامتك يمه ... عسى ما تعورتي
رؤى وهي تمسح دموعها: لا يا خالتي ... الحمدلله ما تعورت
جود تحاول تلطف الجو: وشلون تتعور ... والاسعاف واقف بجنبها ... حتى ما امداها تميل
الكل ضحك وضربها فواز على راسها وهو يبتسم



شوي دخلوا عمات فواز ...
حصة: مبروك يا فواز
فواز: الله يبارك فيك يا عمة
فوزية: مبروك ... مع اننا تفشلنا قدام الناس ... كلهم يسالون ايش فيها مرت ولدكم ماتعرف تمشي ؟؟؟
هنا رؤى نزلت دموعها مرة ثانية ...
مريم: لا ماشاء الله تبارك الله ... عروستك قمر يا فواز ... والله وعرفت تختار
ابتسم فواز لعمته: عقبال ما تفرحين بعيالك ياعمة
طبعا مريم حصلت لها نظرة نارية من حصة وفوزية على الكلام اللي قالته


ليان: لو سمحتوا عماتي ... عمي احمد بيدخل
حصة: بس نبي نسلم على عبدالعزيز
ليان: عمتي اقولك الرجال واقف عند الباب يبي يدخل لبنته ... تقولين لي بسلم على عبدالعزيز ؟؟؟
منيرة: ليـــــــــــــان
ليان: وانا صادقة ماما ... فشلة في الرجال
هنا طلعوا العمات وهم معصبين ... وكالعادة عيال عبدالعزيز قليلين ادب بالنسبة لهم



دخل عبدالعزيز ومعاه احمد واعمام رؤى ... وسلموا عليهم وصوروا ... واطلعوا ... بعد ما طلعوا بقى في المجلس لينا وليان

فواز: ممكن تهوونا
ليان بهبال: يووووووووووه جتك الحالة ياخوي ... اجيب الدوا وارجع عادي
فواز: لا شكرا ... مو محتاج خدماتك ... انتي ساحبة اكسجين الغرفة كله ... اطلعي وبصير احسن من غير ادوية
طلعوا لينا وليان من الغرفة وهم يضحكون على اخوهم ...

اول ما طلعوا قرب فواز من رؤى ومسك يدها: مبروووووووووووووووووك
هنا نفضت رؤى يدها بقوة: هي انت ... لا يكون مصدق عمرك بس؟؟؟
استغرب فواز: .........................
رؤى بعصبية: لا تطالع فيني كذا ... انا متزوجتك قدام الناس بس
فواز: نـــــــــــــــــــــعــــــــــــــــــــــــم
رؤى: ايه ... تزوجت لاني ابي ابوي يتزوج
فواز وهو يتكتف: يا سلاااااااااااااااااام ... وانا ايش ذنبي ؟؟؟
رؤى: والله انت اللي تليقفت وخطبتني ... ولا انا كنت ناوية اتزوج ابراهيم
فواز: وعععععععععععععععععع ... لا تجيبين لي طاري هالانسان
رؤى: قلت لك انت اللي تليقفت ... تحمل نتيجة لقافتك
فواز: إلى متى يعني ؟؟؟
رؤى: لين اشوف لي حل وازوج ابوي ... وبعدين طلقني
فتح فواز عيونه عالآخر: اول مرة اشوف وحدة تتكلم عن الطلاق في يوم ملكتها
رؤى: انا كذا ... عاجبك اهلا وسهلا ...مو عاجبك بالطقاق
فواز: صادق نواف لما يسميك دللللللللللللللللللللللللع
وتوجه للباب بيطلع
رؤى: هي انت وين رايح ؟؟؟
فواز بعصبية: بطلع ... تبين اجابل وجهك بعد الكلام اللي سمعتيني اياه ؟؟؟
رؤى: قلت لك ... انا يهمني الزواج قدام الناس ... ولو طلعت احين الناس بتتكلم
فواز: يعني اخلي الشباب ومجلسهم الونيس ... واقعد هنا من غير ما اتكلم !!!!
رؤى: ممممممممممممممممممممممممممممم طيب عندي حل
فواز: اتحفينا ... حلولك بجيبك ما شاء الله عليك
رؤى: انت تطلع للشباب وانا للبنات ... بحجة انك بتسهر معاي بالليل ... اوكي ؟؟؟
فواز: وبالليل شسوي ؟؟؟
رؤى: بعدين نصرف عمرنا ... اهم شي احين قدام الناس ... في الليل ما في الا ابوي بيمشي الحال
فواز بعصبية: بشوووووووووووووووووف ايش اخرتها معك يارؤى


وفعلا طلع للشباب وهي رجعت للبنات ... مع انها كانت متفشلة من الموقف اللي صار ... بس الناس قامت تبارك لها ونست شوي الموضوع مع الرقص والوناسة



رشا: شوفي الكلبة ... ولا كان صارشي ؟؟؟
سمر: أي والله ... انا لو منها من الفشيلة ما اطلع من بيتنا طول عمري ... تطيح يوم ملكتها ولا همها شي ... ترجع تبتسم وتسولف عادي
رشا بخبث: يمكن فواز طيب خاطرها
هنا انقهرت سمر: الله لايقوله ... وحتى لو طيب خاطرها هالمرة ... المرة الجاية ما بتعدي كذا ... وبتشوفين



عند الشباب ...
دخل فواز المجلس وهو يدور على نواف ... وده يقوله باللي صار ... ونواف اكيد عنده الحل ... ابد ما توقع منها هالشيء ... توقع انها تزعل ... تبكي ... كالعادة يعني ... بس انها تصده للدرجة هذه ابد ماتوقعها ... حصل نواف ... بس واقف وسط الشباب ... قبض على يده بقوة ... ما يقدر يكلمه ... اووووووووووف ايش هالحالة

فواز: سلااااااااااااااااام
الشباب: وعليكم السلااااااااااااااااام
نواف: ها ... شخبار المعرس ؟؟؟
فواز بقلبه: أي معرس بس ...
فواز: تممممممممممممممممممام
تركي: يعني تنصحنا ؟؟؟
فواز: اكييييييييييييييد ياعمي
تركي: وانا كم مرة قايل لك لا تقول لي عمي قدام الشباب ... فضحتنا
الشباب: هههههههههههههههههههههههههه
مسك خالد راسه بقوة وضغط عليه ... انتبه له فواز
فواز: خالد ... علامك ؟؟؟
خالد: ابد سلامتك ... مصدع شوي
تركي: اذا عالصداع هين ... كلنا مصدعين ... من هالاهبل اللي مسوي ملكته وسط الاسبوع !!!!!
خالد: وانت الصادق يا تركي ... الواحد راجع من الدوام هلكان ... وفي الليل ملكة وحوسة وزحمة ناس ... ضيف هذا وباشر هذا
نواف: اقوووووووووووووووووووول اسكت بس
خالد: ليش؟؟
نواف: طبيب اسنان وتتفلسف ... ايش عندك قاعد في عيادتك لا شغلة ولا مشغلة ... حتى وانت تشتغل قاعد على كرسي ... احنا ايش نقول؟؟؟ من الصبح لف ودوران في المستشفى ... هذا غير العمليات وحوستها ... حتى اذا كانت عيادة ... واقفين على رجلنا
خالد: والله محد ضربكم على يدكم وقالكم تدخلون طب ... يعني مو عارفين الطب وحوسته
نواف: والله انت الاناني اللي ما شرت علينا
خالد: من دلعكم ... ويقلد صوتهم ( ما نبي نروح الرياض ونترك اهلنا ) اكلوها ... هذا انا وسلطان استحملنا خمس سنوات وارتحنا ... مو انتوا
نواف: لا وقرادة الحظ فتحوا القسم في الشرقية بعد ما دخلنا الطب
تركي: طيب حولوا
نواف: نــــــــــــــــــــعــــــــــــــــــم ... وارجع ادرس مرة ثانية ؟؟؟ لا لا لا استحمل غثى الشغل ولا ارجع للدراسة
سلطان: هيييييييييييييييي ... يا بو الشباب ... وين وصلت ؟؟؟ ( يكلم فواز ... اللي سرحان وماهو معهم ابد )
خالد: كلنا ملكنا ... بس ما فهينا مثلك كذا
الشباب: ههههههههههههههههههههههههه
فواز: بس ما في احد عنده مثل زوجتي ... الله يخليها لي ولا يحرمني منها ... وفي نفسه ( الله يهديها وتعدي الموضوع على خير )
نواف: حركااااااااااااااااااااااااااااااااااااااااااااااا ااااااااااااااااااااااات
الكل: ههههههههههههههههههههههههههههههههههه



عند البنات ...
لينا وليان وربى محضرين مفاجأة لرؤى ... بعد العشا ... طلبوا من الدي جي تحط لهم اغنية معينة ... وبالمايك قالت الاغنية اهداء من العريس فواز الى احلى عروسة وبنوتة شافها ... رؤى ... الكل قام يصفق والبنات يصفرون من الحماس
هنا رؤى دوروا عليها .... من الاحراااااااااااااااااااااج ... والغضضضضضضضضضضضضضضب عليه ... وتقول في نفسها ... طيب يا فواز ... تستهبل ... اورييييييييييييييييييييك ... ما تدري ان فواز مايدري ايش السالفة
اشتغلت الاغنية ... وكانت اغنية راشد الماجد ... تنحط عالجرح يبرى ... وقاموا البنات يرقصون



في الليل مثل ما اتفقوا رؤى وفواز ... رجع للمجلس ... وهو مقهور .. ما قدر يكلم نواف ويسأله ... نواف عنده حل لكل مشكلة ... بس اخخخخخخخخخ يالقهر .. شوي دخلت رؤى ومعها لينا وليان وجود ...
لينا: يالله ليان وجود ... نحترم نفسنا ...مو مثل قبل شوي
ليان: لا لا لا لا انا ابي اقعد واتعلم
فواز: ايش تتعلمين ؟؟؟
ليان: اتعلم الرومانسية ... عشان اذا انخطبت اكون جاهزة
جود: وانا بعد
فواز: ههههههههههههههه هذا اللي يقول مجهزين الدوا قبل الفلعة ... ضفي وجهك انتي واختك واختي ... لا اقوم اكفخكم بالعقال اللي على راسي
ليان: يوه يوه يوه ... شفتي يا جود ... رؤى قلبت اخونا علينا ... ولا هو من اول طيب وحبوووووووووووووووووووووووووووووووووب
جود: وانت الصادقة يا ليان ... ولا مين يصدق ان فواز يقول كذا ؟؟؟
لينا: هههههههههههههههههههه
فواز: تضحكين مع خشتك ؟؟؟
لينا: طبعا اضحك ... نسيت ايش سويت فيني انت ونواف يوم ملكتي ؟؟؟
فواز: شوف الحمارة ... مو ناسية يعني؟؟؟
لينا تهز راسها وتضحك ...
سكت شوي وقام ورفع العقال ... تطلعون ولا شلون ؟؟؟
ركضوا البنات لبرى وهم يضحكون ...
رؤى: هي انت تستهبل حضرتك ؟؟؟
فواز طالعها بنص عين: نعم
رؤى: لا تطالعني كذا ... تمثل قدام خواتك انك مشتاق ومو قادر تستغني عني ؟؟؟
فواز: اللهم طولك ياروح ... احين مو هذا طلبك ؟؟؟
رؤى: ايه ... بس مو للدرجة هذه ... خف شوي
فواز: امرك ... اوامر ثانية؟؟؟
سكتت رؤى شوي وتذكرت: ايه تذكرت ... انت متى بتبطل حركاتك السخيفة؟؟؟
فواز يطالعها وعينه مفتوحة عالآخر: هذا اللي يقول يا قاعدين يكفيكم شر الجايين ... قاعد بحال سبيلي ... ايش سويت !!!!!!
رؤى: لا تستهبل .... ايش هالاغنية اللي مهدي لي اياها؟؟؟
فواز: اغــــــــــــــــــنــــــــــــيــــة ؟؟؟
رؤى: ايه ... الاغنية ... لا وبعد اغنية راشد الماجد ... والله لو درى راشد انك تسمع له كان اعتزل من زمااااااااااااااااان اذا اشكالك يسمعون له
فواز: اشكالي ها ؟؟؟
رؤى: ايه اشكالك ... ادري ليش سويت كذا ... تبي تحرق اعصابي وتفشلني قدام الناس ... بس انا اوريك
فواز: ايش توريني ؟؟؟ اكثر من كذا ؟؟؟
رؤى: لا حبيبي ... لسه ما شفت شي
فواز بنفسه: يا حلو حبيبي منك حتى لو باستهزاء ... اخخخخخخخخخ يا قلبي .. تهبل حتى وهي معصبة
رؤى بصراخ: هييييييييييييييييييييييي ... اكلمك انا
فواز: وبعدين معاك ... من دخلت وانتي مستلمتني
رؤى: اووووووووووووووووووووووووووف ... اكرهههههههههههههههههههك
فوازوهو يحاول يلطف الجو: طيب شلون حفلتكم ؟؟؟
رؤى: انا مو قلت لك لا تكلمني ؟؟؟
فواز: وبعدييييييييييييين ... يعني مقعدتني قدامك وتقولين لي لا تتكلم ؟؟؟
رؤى: ايييييييييه ... مابي اسمع صوتك ... من اسمعه تحوم كبدي
فواز باستهبال: يوووووووووووووووووه ما شاء الله عليك الظاهر حملتي من يوم الملكة ؟؟؟ لا ويقولون اللي تكره زوجها في الحمل معناته تموووووووت عليه
هنا رؤى حمر وجهها وقالت بعصبية: انت اصلا ما تستحي ... شلون تتكلم بهالموضوع ؟؟؟
فواز: زوجتي وكيفي
رؤى: زوجتك بعينك
سكت فواز لا يسمع له شي ثاني .... يحترم نفسه احسن له


بعد فترة سكوت وملل قام فواز وشال شماغه وعقاله من على راسه ... وعدل وضعه بحيث انه يتمدد على الكنبة ...
رؤى بعصبية: هههههههههههههههههههييييييييييييييييييي انت ... ايش قاعد تسوي؟؟؟
فواز: اظن لي اسم ... من دخلت وانت ما عندك غير هي وهي ... كاني من الشارع
رؤى: ما يشرفني انطقه
فواز: خلاص لا تناديني
رؤى: طيب ايش بتسوي ؟؟؟
فواز: والله تعبان وواصل حدي ... صار لي اسبوع مو نايم ... وبكرة ابوي متحلف فيني انا ونواف الا نداوم ... مقعدتني قدامك بشرط اني ما اتكلم ... بحط راسي وانام احسن لي ... متى ما خلصت ساعتك اللي مقررتها صحيني
رؤى: واذا دخل ابوي علينا ؟؟؟
فواز: مو بداخل ... اسكتي خليني انام ولا تصجيني
رؤى: نام ... نامت عليك طوفة
طالعها فواز بنظرة وعطاها ظهره ونام ...
رؤى في نفسها: اووووووووووووووف ... هذا من اول يوم وما استحملته ... الله يعيني على ما يصير اللي في بالي



بيت عبدالعزيز ...
رجعوا والكل تعبان ويدور فراشه من التعب ... كل واحد دخل حجرته ونام ... حتى نواف اللي كان ناوي ينتظر فواز ويغلس عليه ما استحمل ونام ...
غرفة عبدالعزيز ...
عبدالعزيز نايم ومعطي منيرة ظهره ...
منيرة: عبدالعزيز ..
عبدالعزيز: ..................................
منيرة: عبدالعزيز
عبدالعزيز: ..............................
منيرة: ادري انك زعلان علي ... بس صدقني طلعت من غير ما احس!!!!
عبدالعزيز وهو معطيها ظهره: مو انتي تقولين الكلام اللي يطلع والواحد مو منتبه ... هوالكلام اللي يحس فيه وبداخله
سكتت منيرة: .................................
عبدالعزيز: عالعموم انا كنت حاس بهالشي ... بس للحظة كذبت على عمري وقلت ما بتفرقين ... بس بقولك اياها ... اذا كان عندك امل تعرفين مين ولدك ... لو واحد بالمية ... افقدي هالامل يا منيرة






نص ساعة وفواز نايم عالكنبة ... مو بس نايم الا مستغرق في النوم بعد ...
رؤى في نفسه: اووووووووووووووووف ولا همه ... حط راسه ونام ... وانا اقعد هنا وانطق انتظره يقوم ... ياربي ايش هالحالة
شوي فز فواز من نومه وهو يكح ويفتح ازرار ثوبه ويضغط على صدره ... خافت رؤى ... بس خايفة بعد انها تقرب منه ... لونه بدا يزرق ... وجبينه عرق ... مو عارفة ايش تسوي
طلع فواز الدوا من جيبه وبخه في فمه ... وشوي شوي رجع لونه الطبيعي ... وحست رؤى ان نفسه بدا ينتظم مرة ثانية ... هنا ارتاحت رؤى
قربت منه: فواز ... تبي شي؟؟؟
فواز وهو مغمض عينه: سلامتك ... صرت احسن
رؤى: اكييييييييييييييييييد
فتح فواز عينه وناظرها وهو مبتسم: اكيد يارؤى ... صرت احسن ... بقوم وبروح لبيتنا
رؤى: يكون احسن ... ناقصة انا تموت في مجلس بيتنا
حزت الكلمة في خاطره بالمرة واخذ مفتاحه وجواله وطلع ....



طلعت رؤى لغرفتها وهي منهارة نفسيا ... اليوم انكتبت لفواز ... بس هي مستحيل بتسكت ... وما راح تخلي الموضوع يكتمل ... بكرة لازم تكلم ابوها وتخلص الموضوع بسرعة ... فتحت جوالها واكتبت ( انكتبت لك اليوم ... عسى ربي يفكني منك بس )


دخل فواز البيت ... ابد ما توقع تكون هذه حالته يوم ملكته ... طول عمره متوقع ان هالليلة احلى ليلة بحياته ... تنتهي على كذا ... (يكون احسن ... ناقصة انا تموت في مجلس بيتنا ) معقولة في احد يسمع هالكلمة من زوجته في يوم ملكته ... الله يصبرني بس ... صعد يشوف نواف ... لقاه بسابع نومه ... يا بختك يا نواف ... نايم ومو حاس باللي فيني ... ياليتني ما تسرعت وقررت هالقرار ... اول مرة اقرر شي واندم عليه.

الجزء الثامن ...

صحى فواز الصباح ... طل على سرير نواف لقاه فاضي ... شاف الساعة 8 ... يوووووووووووه تاخرت ... يا ويلي من ابوي ... هذا وهو محذرني اني ما اتاخر ... خلني اقوم والحق عالدوام ... بس جسمي مكسر وتعبااااااااااااااااااااااااااان ... الله يسامحك يا رؤى ... توقعت اني بشوفتك بنسى التعب كله ... الله يعيني بس


نزل لقى امه في الصالة ... حب راسها
فواز: صبااااااااااااااااااااااااااااااااااااح الخير ياعسل
منيرة: العسل راح علينا ... احين رؤى العسل
فواز: لا لا لا لا لا مالنا غنى عنك ... الله لا يحرمني منك
منيرة: ولا منك حبيبي ... فطرت؟؟؟
فواز: لا يمه .. متاخر ... بلاقي ابوي واقف عند باب المستشفى ينتظرني
منيرة: هههههههههههههههههههههه لا لا ما يصير تطلع بدون فطور
فواز: طيب افطر بروحي ؟؟؟ ما احب ؟؟؟
منيرة بضحكة: اتصل في رؤى تجي تفطر معك وتفتح نفسك
فواز في نفسه: الا تجي تسد نفسي بكلامها اللي مثل السم
فواز: واهون عليك؟؟؟
منيرة: لا طبعا ... قدامي على الطاولة بقعد معاك
فواز: انا قايل من زمان ... الله لا يحرمني منك
منيرة وهي تلف اذنه: قص علي بهالكلام
فواز: ههههههههههههههههههههههههههههه
على الطاولة ... فواز يفطر ... وامه تطالع فيه بحنان وحب ... فرحتها بزواجه من رؤى مالها وصف ... مع انها ما توقعت ان عبدالعزيز يوافق طالما انه ما وافق لنواف ... بس الظاهر الله كاتب ان رؤى تكون من نصيبه هو ... مو غيره

رن تلفون البيت ... ورفعته منيرة ...
عبدالعزيز: ويييييييييييييين ولدك المدلع؟؟؟؟ اكيد لسه نايم !!!!
منيرة: ههههههههههههههههه لا هذا هو يفطر
عبدالعزيز: بعد سواد وجهه يفطر؟؟؟ قايم متاخر المفروض ما في فطور
منيرة: مسكين ما كان يبي يفطر ... بس انا لزمت عليه
عبدالعزيز: دلعي فيهم وانا ابتلش ... قولي له ربع ساعة وهو عندي
منيرة: لا مابقوله ... تبيه يسرع ويروح مني
عبدالعزيز: طيب نص ساعة ... مو اكثر
منيرة: صار بقوله ... مع السلامة
منيرة وهي تضحك: ابوك معصب عليك
فواز: الله يستر بس ... هو دايم معصب اصلا
منيرة: عيب يا ولد ... لاتتكلم عن ابوك كذا
فواز: الظاهر انتقلت لك ثقالة الدم يمه
منيرة: قوم قوم ... روح لدوامك ... الشرهة علي اللي معطيتك وجه
فواز وهو يحب راسها: الله لايحرمنا منك يمه
وطلع ... وصل الباب ونادته امه
فواز: سمي يمه
منيرة: كلم رؤى خليها تجي الغدا ... ومر عليها
فواز بنفسه: هذه البلشة والله
فواز: يمه كلميها انتي احسن
منيرة: وليش؟؟؟ انت زوجها ... بين انك مهتم فيها
فواز: لا يمه ... هي صايرة تستحي ... لو قلت لها ما بتجي
منيرة: طيب انا بكلمها ... بس انت تمر عليها
فواز: امرك يمه ... توصين على شي ؟؟؟
منيرة: سلامتك



وصل المستشفى ... مر على ابوه وحصل له تهزيئة محترمة عالتاخير ... طنش وراح لنواف ...

بعد ما طلع فواز من مكتب ابوه ... اللي كان عمه عبدالرحمن موجود
عبدالرحمن: خف عالعيال يا عبدالعزيز
عبدالعزيز: شسوي فيهم ... رافعين ضغطي
عبدالرحمن: انت تحب ترفع ضغطك عالفاضي
عبدالعزيز: ما تصدق يا عبدالرحمن اني اعاملهم كذا لاني اخفي شعوري
عبدالرحمن: حاس فيك يا خوي ... بس انت اللي جايبه لنفسك ... بعدين اتفقنا انك تقول لمنيرة امس ... ليش ما قلت لها
قاله عبدالعزيز عالحوار اللي دار بينه وبين منيرة ...

عبدالرحمن: وانت زعلان عاللي قالته منيرة
عبدالعزيز بعصبية: طبعا
عبدالرحمن: عبدالعزيز ... خلنا نكون واقعيين ... بالذمة تبي منيرة تحب ولدها مثل ولدك؟؟؟
عبدالعزيز: وليش لا ؟؟؟
عبدالرحمن: الرسول صلى الله عليه وسلم فيما معنى الحديث اللهم هذا قسمي فيما املك فلا تلمني فيما تملك ولا املك ... هالكلام وهو بين زوجاته ... فما بالك في ام وولدها ... اهم شي انها ما تفرق بالمعاملة ... ولا بالقلب اكيد ولدها غير .. لا تظلم ياعبدالعزيز ... الظلم شين ... انت جربت الظلم ... وشفت شلون المظلوم تكون حياته
عبدالعزيز: ما اقدر يا عبدالرحمن ... كل ما اقول خلاص بقولها ... نظرة من ولدي تخليني اتراجع عن اللي بقوله لها
عبدالرحمن: الله يصلحك يا خوي



دخل فواز لنواف ...
نواف: هلا بالمعرس
فواز: أي معرس أي هم
نواف: افا ليييييييييييييش ... امداك؟؟؟
فواز: انت اصلا مو داري بشي
نواف: شنو؟؟؟
فواز: لما رجعت امس لقيتك نايم !!!
نواف: انت قاعد مع ست الحسن وانا انطق انتظرك؟؟؟
فواز: من قالك اني قاعد ... انا كنت نايم هناك
نواف: تتكلم بالالغاز انت ؟؟؟ اقعد فهمني ؟؟
قعد فواز على طاولة المكتب وتربع قدام نواف اللي قاعد على الكرسي وقاله السالفة كلها ... من دخلت الى اخر جملة سمت فيها بدنه ...


















نواف:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه
فواز: تضحك ومبسوط ؟؟؟
نواف: ياخي ابد ما توقعت ... كل هذا يطلع من رؤى ؟؟؟
فواز: انا اللي انصدمت انها للدرجة هذه حاقدة علينا
نواف:ههههههههههههههههههههههههههههههههههههههههههههه ه
فواز: لا تضحك ... ترى بتركك وبطلع
نواف: والحل ؟؟؟
فواز: انا اللي اسالك ... ابي حل من حلولك
نواف: طيب خلني افكر ... هالمشكلة عمرها ما طرت على بالي
فواز: طيب بسرعة لاتتــ .....
وقطع عليهم الكلام دخول ابوهم للمكتب
عبدالعزيز: ياسلاااااااااااااااااااااااااااااااااااااااااااااا اااااااااااااااااام
قالبين لي المكتب قهوة !!!!
نواف وفواز ماسكين ضحكتهم بالغصب ...
عبدالعزيز: انتوا متى بتكبرون ؟؟؟؟ ها
نواف: ليش يبه ... عادي ماعندي مرضى واسولف مع اخوي
عبدالعزيز: اخوك في البيت موهنا ... هذا اذا كان مخلص شغله
فواز: ............................................
عبدالعزيز: ما تتكلم ... ليش ساكت ؟؟؟ واصل متاخر وعلى طول على اخوك ... سوالف ووناسة ... ولا همك المرضى اللي ينتظرونك
فواز: يبه مافي حالة طارئة
عبدالعزيز: والراوند ... لسه مادرت وشفت المرضى المنومين ... بس انتوا الظاهر ما ينفع معكم هالكلام ... من بكرة ... لا ليش بكرة ... من اليوم ... الخصم على اهمالكم بيشتغل ... ونشوف اذا بقى شي من راتبكم اخر الشهر ... وطلع وهو معصب
فواز: كالعادة ... قايل كلام جديد ... هو يخصم ... وعمي عبدالرحمن يشيل الخصم
نواف: أي والله ... الله لا يغيره علينا
فواز: المهم ... بروح اشوف شغلي ... وانت شوف لي حل لمشكلتي ولاتتأخر علي ... باي
نواف: بايات وبعد ما طلع فواز انفجر نواف من الضحك وهو يتخيل شكل اخوه امس


رؤى رفضت تروح لبيت خالتها واعتذرت انها تعبانة وتبي ترتاح ... والمصيبة انها ماتبي تشوف وجه فواز ... بس وعدت خالتها انها تكون عندهم بكرة


اليوم اللي بعده داومت في الجامعة ... وطبعا البنات التموا حولها وطلبوا الصور
رؤى: ما طلعت الصور لسه
هبة: ما طلعت ولا ما تبين تورينا زوجك؟؟؟
رؤى في نفسها: من زينه
رؤى: لا والله ... الصور ما طلعت واول ما تطلع بجيبها لكم
سوسن: وععععععععععععععععععد
رؤى وهي تضحك: وعد




عالظهر اتصلت منيرة في فواز ...
فواز: هلا والله باحلى ام بالدنيا
منيرة: بطل بكش ... اذا طلعت من الدوام مر على البنات في الجامعة ورجعهم
فواز: أي بنات؟؟؟
منيرة: لينا ورؤى
فواز: وين بيروحون؟؟؟
منيرة: ليش ماتدري ان رؤى بتتغدى عندنا ؟؟؟
فواز: ها ... الا هي قالت لي بس انا نسيت
منيرة: خلاص مر عليهم وجيبهم
فواز: طيب ليش مو السواق يجيبهم ... انا مشغول !!!
منيرة: فوازو ... يالله عاد ... اعرفك ماهمك شغل
فواز: بس ابوي معصب علي امس ... وهددني بانه يخصم راتبي
منيرة: بعطيك اللي بيخصمه ... روح جيب البنات ولا تتأخر عليهم ... وسكرت السماعة
فواز: الله يهديك يمه ... ابلشتيني ... مالي خلق لكلامها اللي مثل السم ... ان شاء الله تحترمني قدام لينا بس ... انا ليش آكل بنفسي ... مالي الا المنقذ نواف ... الحل اكييييييييييييييييييييييييييييييييد عنده



طلع وراح لنواف ...
فواز: ويييييييييينك ؟؟؟ صار لي ساعة ادورك ؟؟؟
نواف: كان عندنا حالة طارئة ... افففففففففف ... اليوم الحالات ما وقفت ... من الصبح وانا على حيلي ... ما قعدت
فواز: الله يعينك
نواف: لا وعند ابوك مانداوم
فواز: خلك من ابوي ... خلنا في المهم
نواف: خير ... آمر
فواز: امي اتصلت فيني ... تقول لي مر على رؤى ولينا في الجامعة
نواف: طيب ... وين المشكلة ... مو اول مرة تمر عليهم
فواز: احلللللللللللف ... كانك ماتدري ... اول غير واحين غير ... مالي خلقها ولا لكلامها
نواف: امممممممممممممممممم خلني افكر
فواز: وانت مع خشتك لسه ما فكرت
نواف: ما فضيت والله ... انتظر ثواني بس
شوي نقز نواف ... لقيتها
فواز: الحقققققققققققققني
نواف: انت مو تقول انها قدام الناس تعاملك زين !!!
فواز: ايه ... بس شالفايدة؟؟؟ بس نكون بروحنا تستلمني
نواف: اسمعني ... خلك طول الوقت مع الناس ... لا تقعدون بروحكم قد ما تقدر
فواز: وبعدين ؟؟؟؟
نواف: استلمها ... ارفع ضغطها ... خلها تتمنى تقوم وتكفخك ... وهي ما تقدر تسوي شي
فواز: يعني مثل اللي نسويه فيها قبل لا اخطبها ؟؟؟
نواف: لا ... لا تصير اهبل ... تعبت وانا اعلم فيك
فواز: هااااااااااااااا
نواف: بين قدام الناس انك مو تحبها ... الا تموت فيها ... يعني الكلام اللي تبي تقوله بروحكم قولها اياه قدام الناس ... واذا صرتوا بروحكم وعصبت ... قولها مو انتي اللي طلبتي ان حياتنا تكون مثالية قدام الناس !!!!
فواز: جبتها ... بس بعد الزواج ايش بسوي
نواف: خلنا نخلص من الملكة اول ... بعدين ادور لك حل للزواج
فواز: والله اني قايل ... مالك الا نواف
نواف: عسى يفيد فيك التعليم ... تعبت ولا منك فايدة
فواز: لا انت عطني الخيط وانا اعرف ادبر عمري
نواف: يالله توكل ... روح جيبهم لا ياكلونك
فواز: هههههههههههه انتظرك في البيت ... لا تتأخر ... ابيك شاهد عالحرب
نواف: ههههههههههههههههههههههههههههههههههههه




وصل فواز للجامعة واتصل في لينا ... لا يفشل نفسه ويكلم رؤى ...
لينا ورؤى في غرفة الانتظار ... غرفة عند الباب ... فيها شباك بحيث البنات يشوفون اللي برا بس هم ما يشوفونهم ...
فواز: هلا لينا
لينا: هلا والله باخوي
فواز: انا عند الباب ... اطلعوا
لينا: هههههههههههههههههههه يالله
فواز: وليش تضحكين
لينا: سلامتك ... دقايق واحنا عندك
لينا بعد ما سكرت السماعة: رؤى
رؤى: هلا
لينا: فواز عند الباب ... يالله
رؤى: ليش هو؟؟؟ وين السواق؟؟؟
لينا: هالسؤال تسالينه هو ... فواز متكرم ومار علينا في الجامعة ... يا ترى ليش ؟؟؟ وخصوصا بعد الملكة ؟؟؟
رؤى: اقول ... لا يكثر بس
هبة مشغلة الرادار: لينا ... اخوك اللي موجود برا هو خطيب رؤى ؟؟؟
لينا: ايه ... ليش؟؟؟
هبة: ابد سلامتك ... نبي نتفرج ... وقالت بصوت عالي: بناااااااااااااااااااات
البنات التفتوا عليها ...
هبة: ماله داعي الصور ... الاصل موجود برا
كل البنات ركضوا للشباك يشوفون خطيب رؤى ...


رؤى في خاطرها: طيب يا فواز ... اوريك .. وطلعت مع لينا
لينا: رؤى ... مو تنسين وتركبين ورى ؟؟
رؤى: ومن قالك اني بركب قدام؟؟؟؟
لينا: انا طبعا ... البنات كلهم عند الشباك ... لا تفشلينا ... مو وقت الحيا
رؤى في نفسها: ليته عالحيا بس ... آه يا لينا لو تدرين بس اني مو طايقة اخوك اببببببببببببببببد ... وقدمت وركبت قدام
فواز اللي ابد ما توقع منها الحركة ... حاط في باله انها بتصفطه وتركب ورى ..
فواز: هلا والله بالحبايب هلا
لينا: ههههههههههه حدد مين الحبايب ؟؟؟
فواز: كل واحد عارف نفسه
لينا: افا يا فواز ... رؤى بيوم واحد تغيرك علينا ؟؟؟
فواز: افا ... انا ... ليش!!!!
لينا: عمرك ما مريت علي ... واليوم كاشخ وجاينا ... ايش عندك ؟؟؟
فواز: ما يبيلها سؤال ... القمر بتتغدا عندنا وما تبين امر عليكم ؟؟؟
لينا: هههههههههههههههههههههههههههه
رؤى في نفسها: حماااااااااااااااااااااااااااااااااااااااااااااااا ااااااااااااااااار
حرك فواز السيارة وطلع من بوابة الجامعة ...


البنات داخل منهبلين ( هم اصلا أي واحد يشوفونه ينهبلون )
دخلت سمر الغرفة ... سمر تدرس تسويق في جامعة الملك فيصل ... يعني بنفس الجامعة بس في قسم ثاني ... والمباني كلها بسور واحد ...
اول ما دخلت جتها وحدة من البنات ...
فاتن: يوووووووووووووووووووه تاخرتي يا سمر
سمر: ليش ؟؟؟
فاتن: فاتك المزيووووووووووووووووووووون
سمر: يا كثرهم ... اذا فاتني واحد في غيره الف
فاتن: لا بس هذا غيييييييييييييييييييييييييير ... جمال واناقة وجاذبية وكل شي ... يا بختها فيه
سمر: مين اللي يا بختها ؟؟؟
فاتن: وحدة اسمها رؤى ... ما اعرفها ... يقولون خطيبها
سكتت سمر ... وفجأة : واخته لينا معهم؟؟؟
فاتن: مدري مين ... طلعوا بنتين مع بعض


ركضت سمر لجوالها واتصلت في لينا ...
لينا: الو
سمر: هلا لينا ... وينك؟؟؟
لينا: طلعت من الجامعة ... ليش ؟؟؟
سمر: يووووووووووووووووووووووووووووووه ... نسيت اقولك اني برجع معاك اليوم ... شكلي بنطق في الجامعة اليوم
لينا: انتظري اشوف فواز اذا يرضى يرجع رجعنا لك
سمر: لا فشلة ( كانها تعرف الفشلة)
لينا: لا فشلة ولا شي ... انتظري اساله
لينا: فواز ... سمر تبينا نرجعها ممكن؟؟؟
فواز: قولي لها تجهز ... دقيقتين ونكون عندها
لينا: اوكي سمر ... خلك جاهزة ... دقيقتين وانتي عند الباب ... بعطيك رنة واطلعي
سمر بفرحة: اوكي


لبست سمر عبايتها بسرعة ... ودقت لامها ما ترسل لها السواق... عطتها لينا رنة وطلعت ...
ركبت السيارة: السلام عليكم
لينا ورؤى: وعليكم السلام
سمر بدلع: شلونك فواز ؟؟؟
فواز: هلا والله سمر ... بخير الحمد لله
سمر: اسفة فواز ... رجعتكم ... نسيت اقول للينا من الصبح
فواز: افا عليك .. عادي ما صار شي .. كلها خطوتين اللي رجعناها
سمر: ما تقصر
طبعا رؤى ابد مو معاهم ... تفكر في العلة بنظرها اللي قاعد جنبها ... وشلون تطلعه من حياتها
شوي والسيارة هدوء
سمر: فوااااااااااز
فواز: هلا
سمر: شغلنا لنا شي نسمعه
فواز: هههههههههههه اللي عندي ما يعجبكم ... تبون الراديو ؟؟؟
سمر: لا لا لا لا ... نبي من اللي تسمعه
فواز: هههههههههههه صدقيني ما يعجبكم ... اعرف ذوق البنات
سمر: طيب جرب !!!!
فواز: طيب ايش تبون؟؟؟ وبشوف عندي او لا
سمر: طيب شنو عندك؟؟؟
فتح فواز الدرج اللي بين كرسيه وكرسي رؤى ... وكان مليااااااااااااااان سيديات
هنا قدمت سمر ... وقربت من كرسيه ...ودخلت نفسها بين الكرسين ... تسوي نفسها تشوف السيديات ... وخلاااااص كتفها شوي ويلصق بكتفه ...
هنا رؤى طلعت عيونها ... معقولة في وحدة كذا ... هذه لا تستحي ولا تخاف ربها...
سحبت واحد من السيديات .... وعطته اياه
سمر: خلنا نجرب هذا
فواز: امرك ...و شغله ... وسمر لسه على وضعيتها
وكانت اغنية الجسمي ( بلغ حبيبك وقوله باخذك منه )
هنا لينا اللي عصبت: سمر ... سديتي عنا المكيف !!!
سمر: اوه ... اسفة ... ورجعت مكانها
فواز: حرانة لينا ... أعلي عالمكيف؟؟؟
لينا بعصبية: يا لييييييييت


وصلوا سمر لبيتها ... ما كان ودها تنزل ... ودها يعزمونها عالغدا ... بس طبعا لينا ما عطتها وجه ...
وصلوا لبيت عبدالعزيز ... وعلى طول لينا نزلت ... وبقت رؤى في السيارة
فواز: لا لا لا لا لا تقولين وحشتك ؟؟؟
رؤى: مصدق عمرك والله
فواز: طيب ليش قاعدة معاي ... انزلي
رؤى: انت متى تحترم حالك ؟؟؟
فواز: بعععععععععععععد ايش اللي مو عاجبك؟؟
رؤى: ما شفت نفسك قبل شوي مع سمر !!! اخذها في حضنك احسن
فواز بنظرة: تغااااااااااااااااااااااااريييييييييييين
رؤى: وععععععععععععععععععععععععععععععععععععععععع هذا اللي ناقصني ... اغار عليك انت ... انا اتكلم على الموقف نفسه ... وين الاخلاق ووين الدين ... والله لو شفتها تسوي كذا مع السواق الهندي بستنكر نفس الاستنكار
فواز وهو فاتح عينه: انا والهندي نفس الشي؟؟؟؟
رؤى: ليش تحسب نفسك احسن منه بالنسبة لي ؟؟؟
فواز وهو معصب: انزززززززززززززززلي لا انزل اكفخك
نزلت رؤى وصكرت الباب بالقوة ... هذا اللي ناقص انت تكفخني
فواز بعد ما نزلت: وللللللللللللللللللللللللل ... كل هذا لسان ... عليها كلام ؟؟؟ مدري من وين تجيبه؟؟؟



دخل فواز البيت ولقى نواف باستقباله ...
نواف: هههههههههه شكلك بديت الخطة ... داخلة وهي مطرطعة
فواز: والله اني ماسويت شي
نواف: ايش اللي صار؟؟؟
قاله فواز بكل شي...
نواف: وسكت لها ؟؟؟ ودي اقوم احين واسطرها
فواز: اقعد بس ... انت مرة مدري ايش قلت لها وابوي شوي ويطردك من البيت ... هالمرة تبي تسطرها؟؟؟
نواف: والحل؟؟؟
فواز: اكمل اللي بديته ... وانفذ اللي قلته لي ... على ما تدبر لي شي ثاني
لما: نواف ... فواز ... امي معصبة عليكم تقول ليش تاخرتوا ... كلنا عالطاولة ننتظركم
نواف: جايين


راحوا للطاولة ... وقعد نواف مكانه المعتاد ... بعدين وصل فواز لانه راح يغسل يده ... وراح يبي يقعد جنب نواف كالعادة ...
منيرة: فواز .. اقعد جنب زوجتك
عطاه نواف نظرة بمعنى هذه فرصتك ...
وراح قعد جنب رؤى اللي موعاجبها الوضع ابد وودها تقوم من السفرة بسبب لوعة الكبد ...
فواز: حبيبتي رؤى ( ويدوس على رجلها بقوة من تحت الطاولة) ... ممكن تغرفي لي الرز
طالعته رؤى بنظرة: طيب ... وحطت له
فواز: رؤى ( ويدوس على رجلها مرة ثانية) الدجاج وينه ؟؟؟
رؤى من بين اسنانها: نسيييييييييت ... وحطت له
فواز: رؤى (ويدوس على رجلها ) ممكن اشرب من لبنك شوي؟؟؟
رؤى: تفضضضضضضضضضضضضل
منيرة: ليان ... صبي لاخوك لبن
فواز: لا يمه ... لبن رؤى احلللللللللللللللللللى بمليون مرة
رؤى في نفسها: الله ياخذك
قربت منه وهمست في اذنه: ممكن تبطل حركاتك ؟؟؟
قرب منها فواز: مو انتي اللي طلبتي اني امثل قدامهم اني اسعد واحد
رؤى: اوووووووووووووف .. طيب ورجلي ايش دخلها ؟؟؟ فرمتها ؟؟؟
فواز: ابيك تتذكرين انهم موجودين ... وما تاخذين راحتك
رؤى: شكرا بتذكر من غير ما تكسر رجلي
فواز: لا لا لا لا لا ما اظمنك
طبعا كل اللي على الطاولة على بالهم انهم قاعدين يتغزلون في بعض ... ما عدا نواف ... اللي ماسك ضحكته بالغصب لانه عارف انهم بيذبحون بعض
فواز: رؤى (ويدوس على رجلها ) ممكن سلطة؟؟؟
ليان: ذبحت البنت ... عطني انا بحط لك ... السلطة اقرب لي
فواز :لا لا لا لا لا من يد رؤى غيييييييييييييييييييييييييييير
السلطة كانت شوي بعيدة يعني لازم توقف: وهي بتوقف تعمدت انها توقف على رجل فواز وتدوسها باقوى ما عندها
فواز بصرخة: اييييييييييييييييييييييييييييييييييييييييييييييييي
كل اللي عالطالولة انتبهوا ...
عبدالعزيز: ايش فيك ؟؟؟
فواز: رؤى فرمت رجلي
نواف متعمد يعصبها: رؤى كلنا ندري انك ما تستغنين عن فواز وانك لاصقة فيه ... بس انتبهي وانتي قايمة ... كسرتي رجل الولد
الكل: ههههههههههههههههههههههههههههه
هنا رؤى حطت اللي بيدها وقامت من السفرة
عبدالعزيز: ايش اللي سويتوه
نواف: ايش سوينا؟؟؟
عبدالعزيز: احرجتوا البنت مسكينة؟؟؟
لينا: مسكينة ... فواز خف عليها
ليان: فشلتنا ... كانه محد خطب غيرك
منيرة: يعني لازم تصرخ وتفشلها ... ماقدرت تستحمل ؟؟؟
فواز ساكت وما رد على احد وهو يبتسم ابتسامة النصر ...
واللي ما يعرفونه ان رؤى قامت من العصبيييييييييييييييية مو من الحيا او الخجل ...
رؤى في الحمام: الله ياااااااااااااااخذك ... لازم اكلم بابا اليوم ... مستحيل يستمر الوضع كذا




بعد الغدا ...
الكل قاعد في الصالة ... اللي يشرب شاي ... واللي يتفرج عالتلفزيون ... واللي يسولف ...
فواز قام وقعد جنب رؤى ... وفجأة من غير ما تنتبه ... حط راسه على حضنها وانسدح يتفرج عالتلفزيون
رؤى في نفسها: ياسخااااااااااااااااااااااااااااااااااااافتك
مسكت جوالها وارسلت له مسج ...
فواز ولا بحولها مندمج بالتلفزيون ... وصل له مسج ... فتحه ..
( ممكن تقوم من حضني ... بطل سخاااااااااااافة ... قوم قامت قيامتك )
حط الجوال في جيبه ... وعدل وضعه ... رفع نفسه ... يعني صار راسه في حضنها اكثر ... وكرتاح في نومته اكثر ... وقال بصوت عالي: رؤى ... العبي بشعري؟؟؟
رؤى: نعم
فواز: حبيبتي العبي بشعري
رؤى: بس انا ما احب العب بشعر احد
فواز وهو رافع حاجب: بس انا مو أي احد ... صح؟؟؟؟
هنا رؤى انقهرت وودها تقوم وتصفقه وحطت يدها بشعره ولعبت فيه
عبدالعزيز: فواز ... مو من حقك تجبرها تلعب بشعرك ... يمكن البنت تقرف
فواز: ما راح تقرف من زوجها يبه ... صح رؤى ولا انا غلطان؟؟؟
رؤى بقهررررررررررررررر: صح


صعد عبدالعزيز يرتاح في غرفته ومعه منيرة ... والباقي تمددوا في الصالة ...
شوي وغمض فواز عينه وراح بسابع نومه ... ورؤى ودها تكفخه على راسه ...


عالعصر ... نزلت منيرة للصالة ... واول ما نزلت انفجعت ...














فـــــــــــــــــــــــــــــــــــــــــــــــوا ااااااااااااااااااااااااااااااااااااز
فز فواز من نومه ... خير يمه ... صاير شي؟؟؟
منيرة: ياللي ما تستحي !!! كسرت رجل البنت !!! ان شاء الله من صعدت فوق وانت نايم على رجلها ؟؟؟
فواز وهو يمسح وجهه: تقريبا
منيرة: يا قواة وجهك ... وعادي عندك ... ما كأنك سويت شي ؟؟؟
فواز: ايش سويت يمه ؟؟؟ نايم بحال سبيلي ... وخرعتيني يمه
منيرة: ايه انت نام وارتاح ... والبنت خلها متعذبة ... من الصبح في الجامعة ... ومن الظهر للعصر وانت نايم على رجلها؟؟؟ تكسرت البنت !!!
طق فواز رجل رؤى على خفيف ... يعني تكلمي ...
رؤى: لا يا خالتي ... عادي عندي ... مرتاحة الحمد لله
منيرة: وين مرتاحة ؟؟؟ وانتي على هالكنبة من الظهر ؟؟؟
ليان: كلنا حاولنا يمه نصحيه ... بس هي ما رضت ... تقول خلوه على راحته
منيرة: صحيح يا رؤى؟؟؟
رؤى وهي مقهورة: ايه يا خالتي ... البنات كانوا يبون يصحونه ... بس انا ما رضيت
فواز: بعدي والله ... هذي الحريم السنعة اللي تحب رجاجيلها ... الله يرزقك يا نواف وحدة مثلها
نواف وهو ماسك ضحكته: امين
ليان: ماااااااااااااااااااااااااااالت عليكم بس ... اقول رؤى لا تعطينه وجه ... اعرفه فواز كل ما تعطينه وجه يزيد دلع
فواز قام ومسك شعرها: مييييييييين اللي ما ينعطى وجه ؟؟؟؟
ليان: ايييييييي اييييييييييييييي يالمتوحش ... اترك شعري
فواز: قولي لي مييييييييييييين ؟؟؟
ليان: رؤى ... شوفيييييييييييييييييييييييييييه
رؤى: ...............................
فواز: اذا رؤى توسطت لك بهدك
رؤى في نفسها: مالت عليك بس .. اتوسط عندك
ليان: رؤى ... حرام عليك !!! قولي له يتركني !!!!
رؤى من غير نفس: فواز ... اتركها
فواز وهو ما ترك شعر ليان: كلفتي على عمرك بس ... كانها من غير نفس ؟؟؟ اكيييييييييييييييييد ليان مأذيتك وهذه فرصتك ... بس احرجتك قدام الناس ... بس انا اوريك فيها ... وشد شعرها بقوة اكثر
ليان بصرخة: ايييييييييييييييييي ايييييييييييييييييييييييي
منيرة: نتفت شعر البنت ... اتركها
فواز: ما في ... الا اذا رؤى رضت عليها
ليان: اييييييييييييييي ايييييييييييييي رؤؤؤؤؤؤؤؤؤؤؤؤؤؤؤؤؤى
رؤى في نفسها: طيب يا فواز ... بعديها اليوم ... بس ان ما وريتك ما اكون رؤى
رؤى: فوااااااااااااااااااااااز ... اتركها ... عشان خاطري
فواز: فديتك وفديت خاطرك ... خلاص بتركها ... وفك شعرها
رؤى في نفسها: وععععععععععععععععععععععععععععععععع
ليان وهي تفرك شعرها: يالمتووووووووووحش ... شوف شعري كله في يدك
نواف: ولا في فايدة فيك ... ما تبطلين طوالة لسان
ليان: خلني اسكت احسن لي ... على الاقل فواز فيه رؤى تتوسط لي ... انت من اللي يفكني منك
الكل: ههههههههههههههههههههههههههههههههههههههههههه
عبدالعزيز: ياسلاااااااااااااااااااااااااااااااااااااااام ... الضحك واصل لاخر البيت ... هذا وانتوا متاخرين ولا همكم ... خاطري مرة اروح الدوام الاقيكم قبلي ... الظاهر بموت وانا ما شفت هاليوم







اخر الليل في بيت احمد ...
رجعت رؤى وهي مطرطعة ومعصبة على فواز وحركاته ... ومصرة انها تفاتح ابوها في الموضوع اليوم ... ما تقدر تستحمل اكثر ...
احمد: الحلو في ايش سرحان؟؟؟
رؤى: هلا بابا ... طبعا فيك
احمد: اضحكي علي بهالكلام ... فيني ؟؟؟ اكيييييييييد تفكرين بفواز
رؤى في نفسها: كثر منها بس
رؤى: لا لا لا لا انا اليوم افكر فيك
احمد: هههههههههههههههه خير ان شاء الله
رؤى: بابا ... انا خلاص تزوجت واطمنت علي ... انا ابي اتطمن عليك بعد؟؟؟
احمد: هههههههههه وشلون تتطمنين علي ؟؟؟
رؤى: ما يبيلها بابا ... اكيد تتزوج
احمد: لا لا لا لا لا لا لا لا لا اشوفك في بيتك واشوف عيالك اول بعدين
رؤى: بابا ... ما يصير كذا ... خلاص انا كبرت وتزوجت ... والحمد لله مرتاحة مع فواز ... ايش تنتظر ؟؟؟ ترى كلها سنة او سنتين وتحصلك عروس ... بعدين ما في احد بيرضى فيك
احمد: شووووووووووووووووووووووف احين انا ما في احد يرضى فيني؟؟؟
رؤى: والله امها داعية لها اللي تتزوجك ... بس كلها سنتين وتشيب .. والبنات يبون الشباب
احمد: شفتي ... في مجال سنتين بعد
رؤى: بـــــــــــــــــــــابــــــــــــــــــــــــــ ـــا
احمد: عيونه ... بس زواج ما في الا اذا رحتي بيت زوجك ... غير هالكلام ما عندي
رؤى في نفسها: ياربيييييييييييييييييي شسوي في نفسي ؟؟؟ انا اللي جبته لعمري ؟؟؟
ابوي مو راضي يتزوج الا اذا تزوجت ... بس انا ما كنت مخططة كذا ... ابي ملكة وبس ... وبعد ما يتزوج اطلب الطلاق ... اوووووووووووووووووووووووف
وقامت تبي تصعد لغرفتها ...
احمد: رؤى
رؤى: نعم
احمد: اتصلي في فواز ... قولي له يتفضل الغدا عندنا بكرة
رؤى في نفسها: لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
رؤى: بابا ... هو مشغول وما عنده وقت ... ما اتوقع انه بيجي
احمد: بس اللي اعرفه انهم يرجعون البيت الظهر ... يتغدون ويريجون ويرجعون عالعصر
رؤى: خلاص بابا اكلمه
وفي نفسها: اووووووووووووف الله يعيني عليه



استعدت للنوم ... ووصلت فراشها ... اول ما حطت راسها عالمخدة وصلها مسج ... فتحته ...













( ايش رايك في نفسك وانتي تلعبين بشعر الهندي ؟؟؟؟؟ عسى بس ما قرفتي من الدهن ... معروفين الهنود شعرهم يقطر دهن !!!!
هالمرة ادبتك بطريقة محترمة ... مرة ثانية ثمني كلامك واوزني الكلمة قبل لا تطلعينها ... لا أأدبك بطريقة ثانية تخليك تتحسفين قد شعر راسك )


المرسل : فواز


رمت الجوال على الطاولة ... اكرهههههههههههههههههههههههههههههههك ... الله يفكككككككككككككككككككككككككني منك بس






بيت عبدالعزيز ...
نواف: هههههههههههههههههههههههههههههههههههههههههههههههههه ههه
فواز: ليش تضحك
نواف: اتخيل شكلها وهي تقرا المسج !!!!
فواز: ليش ايش ارسلت لها ؟؟؟
نواف: خذ جوالك واقرا
فواز: ايش سويت ؟؟؟ بتكحلها عميتها ؟؟؟ هي بروحها مو طايقتني وانا ما سويت شي ... بعد هالمسج ايش بتسوي
نواف وهو يقلد صوته: بتكحلها عميتها ... شوووووووووووف ... محد خربها الا دلعك الزايد لها ... لا تعطيها وجه ... خلها تعرف انها غلطانة ... مو مسايرها في اللي تبيه ... على بالها الاميرة ... وانت تحت امرها
فواز: بس انا ابيها تقرب مني ... مو بالغصب!!!
نواف: بس بطريقتك بتخليها تركب على راسك
فواز: يعني ؟؟؟
نواف: يعني تمشي وراي ... وبادبها لك ... انت بس اسمع كلامي
فواز: معاك ... ونشوف اخرتها




اليوم الثاني في الجامعة ...
لينا ورؤى في الكافتيريا ... والبنات كلهم ما عندهم سالفة غير خطيب رؤى اللي يجنن ... وكل وحدة توصفه بشكل ... واللي ما شافته متحسفة ... ومن هالكلام
دق جوال لينا ... والمتصل خالد ... خذت تلفونها واستأذنت من البنات ... وراحت تكلمه وهي تتمشى بعيد عن البنات
رؤى في نفسها: الله يهنيك يا لينا ... مبسوطة وعايشة خطوبتك .. مو انا اللي مبتلشة بهالعلة ... يارببببببببببببببببببببببببببببببي ما كلمته يجي الغدا ... بابا بيذبحني ... احسن شي ارسل له مسج ... بس يسويها الحمار يمسحه من جواله ويقول لبابا اني ما ارسلت ... عادي عنده ... اهم شي يفشلني ... اووووووووووووووووووووف ... مافي الا اتصل ... امري لله
اتصلت في فواز ... فواز من شاف رقمها استغرب ..
فواز: غرييييييبة ليش داقة علي ... يوووووووووووه تذكرت .. اكيد بتسمعني كم كلمة على مسج امس ... والله مالي خلقها
انبسطت رؤى انه تاخر في الرد ... وخلاص بتصكره وبتقول لابوها انه مارد عليها ... وانه اكيد مشغول ... بس ما امداها تفرح الا وجاها صوته
فواز: الو
رؤى وهي معصبة: ساااااااااااااااااااااعة لين ترد
فواز: الناس تقول السلام عليكم ... صباح الخير ... مو تصرخ مع رفعة السماعة
رؤى: المهم ... ابوي يقولك تعال تسمم وتغدى عندنا
فواز وهو رافع حاجب: عمي قال تسمم ( شدد عالكلمة )
رؤى: اوووووووووووووه ... فواز ... انا مو فاضية لسخافاتك
فواز: واظن اني مو فاضي لقلة ادبك ... متى ما تعلمتي تكلمين الناس بادب واحترام .... تعرفين رقمي ... وصكر السماعة بوجهها
رؤى: شوووووووووووووووووووف ... حماااااااااااااااااار ... صكر السماعة بوجهي ... انا اوريك ... واتصلت مرة ومرتين وثلاث ... بس فواز مارد عليها
بعد 15 محاولة اتصال متتالية من رؤى ... رد عليها
فواز بعصبية: نـــــــــــــــــــــــــــــــــــــعـــــــــــ ـــــــــــــم
رؤى: ليش تصكر السماعة بوجهي؟؟؟
فواز: كيفي
رؤى: المهم .. لا تطولها وهي قصيرة ... بتجي الغدا اليوم ولا اقول لبابا انك مشغول؟؟؟؟
فواز وهو ينافخ: انتي ايش تبين؟؟؟؟
رؤى: طبعا انك ما تجي !!!!
فواز: خلاص ... يسعدني ويشرفني اني اغثك واتغدى عندكم اليوم
رؤى: سخيييييييييييييييييييييييييييييييييييييف وصكرت السماعة بوجهه
ضحك فواز من قلب ... شكلي متزوج زواجة بزران ... الله يستر بس
رفع جواله ودق على لينا ... وخطها مشغول ... ارسلها مسج اول ما تخلص تدق عليه ...




في جهة ثانية من الجامعة ..
رشا وسمر .. جهة بنات التسويق ...
سمر: وااااااااااااااااااااااي بموت من القهر ... كل البنات ما عندهم سالفة غير خطيب رؤى وزوج رؤى ... الله ياخذها ... ما كانه ولد خالي وانا اولى فيه
رشا: الله ياخذها ولا يهنيها
سمر: اميييييييييييييييييييييييييييييييييييين
رشا: وبتسكتين ؟؟؟
سمر: طبعا لا ... فواز امس في السيارة طول الوقت معاي ويسولف .. ولا كانها موجودة ... اتوقع انه انجبر على هالزواجة ... ومصيره لي ... وطافتك الاغنية اللي اخترتها وشغلها فواز ... اكيد ماااااااااااااتت قهر
رشا: طيب ليش زعلانة وقاهرة نفسك اذا كذا ؟؟؟
سمر: القهههههههر اني جيت اليوم واسمع الكل يتكلم عنها... اووووووف
رشا: طيب ... لازم في سالفة نشغل البنات فيها عن فواز وجماله
سكتت سمر شوي وفجأة: يس ... شلون طافتني هالفكرة ؟؟؟ انا الغبية اللي نسيت هالموضوع !!! البنات بهالسالفة مو بس ينسون فواز ... بينسون اللي جابوا فواز بعد
وقامت تنفذ خطتها الشيطانية ....


بعد ما خلصت لينا مكالمتها ... اللي تقريبا خذت ربع ساعة ... اتصلت في فواز ...
لينا بدلع: الـــــــــــــــو
فواز: بدرررررررررررررري ... كان نمتي عالتلفون احسن بعد !!!!
لينا: ياربي عليك ... تبي تقولي انك ما تطول مكالماتك مع رؤى كذا ؟؟؟
فواز في نفسه: والله لو تدرين مكالماتنا ايش نقول فيها؟؟؟
فواز: مالك شغل في مكالماتي مع رؤى!!!
لينا: وانت بعد مالك شغل في مكالماتي مع خالد !!!
فواز: اقول لا يكثر بس .... متى تخلص رؤى اليوم؟؟؟
لينا وهي تقلد صوتها: وليش ما تكلمها انت وتاخذ جدول مواعيدها ؟؟؟
فواز: احمدي ربك انك موقدامي ... لو قدامي كان خليت خالد يبكي على قبرك طول عمره
لينا: بسم الله علي وعليه ... اذا السالفة فيها موت بقولك مو بس الجدول ... بقولك اللي تبي ... انت بس تامر ... تدلل ... اطلب ...
قاطعها فواز: ههههههييييييييييييي والله رحمت خالد ... عرفت المكالمات الطويلة ايش مضمونها ... بس ماخبري انك مصابة بهالداء ... خبري بس ليان ... الظاهر انتقل لك ... مكالمة طويلة عريضة بس تقولين لي متى تخلص رؤى ؟؟؟
لينا: هههههههههههههههههه طيب تخلص الساعة 2 ... تبي اقولها شي ؟؟؟
فواز: بلا لقافة ... ولا تعرف اني دقيت عليك من الاصل ... فاهمة؟؟؟
لينا: من عيووووووووووووووني
فواز: عيونك خليها لخالد ... مع السلامة
صكرت لينا الجوال وهي تضحك ورجعت للبنات ... واول ما وصلت عندهم انصدمت من اللي شافته...













في المستشفى ..
دخل عبدالعزيز مكتب تركي ... ( تركي ما درس طب ... درس ادارة اعمال ... وبعد ما تخرج مسك الادراة في المستشفى مع اخوانه )
تركي: هلا والله بالغالي .. هلا
عبدالعزيز: بطل بكش .. مشغول؟؟؟؟
تركي وهو يقفل الملف اللي قدامه: افا ياخوي ... تشك في غلاتك؟؟؟ وحتى لو مشغول افضى لك ... كم عبدالعزيز عندنا ؟؟؟
عبدالعزيز: ومتى بتفرح عبدالعزيز اللي ما عندك غيره؟؟؟
تركي: ليش ... في ايش اخوي حبيبي زعلان علي ؟؟؟
عبدالعزيز: انت عارف يا تركي ... لا تقعد تلف وتدور
تركي: خلني يا خوي ... انا مرتاح كذا
عبدالعزيز: بس انا مو مرتاح ... ودي اتطمن عليك واشوفك في بيتك ووسط عيالك
تركي: ايش فيك يا عبدالعزيز صاير مثل الحريم ... وايش ذكرك بالسالفة اصلا حتى امي منيرة نستها وبطلت تفتح لي هالسالفة
عبدالعزيز: فواز هو اللي ذكرني
تركي: بذبحه فوازو ... هو يتزوج وينبسط ويفتح علينا المواويل القديمة
عبدالعزيز: لما شفت فواز وفرحته بيوم ملكته ... اشتهيت اشوفك وانت كذا مبسوط وفرحان باللي تختارها ... يووووه والبشت الاسود عليك يوم العرس ياسلااااااااااااااااااااااااااااااااااااااااااااام
تركي: ههههههههههههههههههههههههه وصلت للبشت ياخوي
عبدالعزيز: منى عيني هاليوم
تركي: بدري يا خوي بدري
عبدالعزيز: ايش اللي بدري؟؟؟ ودي ازوجك ... مابي احس اني قصرت عليك بشي
قام تركي من مكتبه وراح باس راس اخوه: الله لا يحرمني منك يالغالي ... عمرك ما قصرت معي ولا بتقصر ... افضالك مغرقتني ... وودي احس اني اقدم لك شي ... بس انت دايم تسبقني ولا تعطيني مجال
عبدالعزيز: الله يرضى عليك ... انت لو تعرف بطلعتك من بيتي شلون ذبحتني؟؟؟
حسيت كانه احد اخذ قطعة من قلبي
تركي: سلامة قلبك ... انا طلعت لاجل ترتاح امي منيرة ... مسكينة ما عمرها ارتاحت في بيتها ... وحتى لما طلعت ... كل شوي ناط عندكم وغاثها ومسكينة غطاها على راسها وتستقبلني باحلى ابتسامة
عبدالعزيز: الله يحييك ... هذا بيتك ... ما يحتاج تقول هالكلام ... وبعدين منيرة مافي مثلها اصلا ... وتحبك مثل ما تحب عيالها ... ولا عمرها اشتكت ولا تذمرت
تركي: تعرف ... انا اذا تزوجت ابي اتزوج وحدة مثل امي منيرة
عبدالعزيز: خلاص خلني افرحها واقولها تخطب لك وحدة مثلها
تركي: لا لا لا لا لا لا بفرحها بطرق ثانية ... بس الزواج لا
عبدالعزيز: هههههههههههههه ما ينضحك عليك
تركي: اخو عبدالعزيز وينضحك علي ؟؟؟؟ ما يصير ؟؟؟
عبدالعزيز: هههههههههههههههههههههههههههههههههههههه





الساعة 2 الظهر بالضبط ... فواز واقف عند باب الجامعة ... طلع جواله واتصل في رؤى ...
رؤى اللي الله العالم بحالها ... رن جوالها طلعته وشافت اسم فواز
رؤى: والله مالي خلقه ... ماني رادة عليه ... خليه يموت ورا الجوال
فواز اتصل حول ال5 مرات ولا وقف
رؤى وهي معصبة: نــــــــعـــــــــــم ... ايش تبي بعد
فواز: وليش ما تردين؟؟؟
رؤى: متصل فيني تقول لي ليش ما تردين ؟؟؟
فواز: اللهم طولك ياروح ... طلعي انا عند الباب
رؤى: نــــــــــــــــــــــــــــعــــــــــــــــــــ ـــــــــم
فواز بعصبية: طلعي انا عند الباب ... وصكر السماعة في وجهها ما عطاها فرصة تتكلم
رؤى وهي تلبس عبايتها: ناقصة علل انا بعد ... اصلا كل اللي انا فيه منه .. يارررررررررررررررررررررررررررربي مدري ايش هالحالة ... الله يفكني منه بس
وطلعت حتى من غير ما تقول للينا انها بتطلع مع فواز ... وركبت السيارة وصكت الباب باقوى ما عندها ...
فواز: كسري الباب احسن ... مرتين اركبي السيارة وابيعها خلاص ماتصلح لشي
رؤى ودموعها في عينها: فواز ... مابي اسمع شي ولا لي مزاج لشي ... ممكن تسكت
فواز بعصبية: اصلا انتي الحكـــ.....
وسكت فواز لانه شاف رؤى تغطي وجهها بيدها وتصييييييييييييييييييييييييييييييييييييح بقوة وقهر ... هنا فواز ما عرف ايش يسوي ... ولا عرف ايش يقول ....
وقال في نفسه: معقولة لهالدرجة مو طايقتني !!!!!!


وصلوا لبيت احمد من غير ما يتكلم معها بولا كلمة ... واول ما وقف السيارة فتحت الباب ونزلت تركض وصعدت لغرفتها وهي تبكي قهر والم ...

دخل فواز بعدها وهو منصدم ... اببببببببببد ما توقع انها مو طايقته للدرجة هذه ... شكلي تسرعت واتخذت قراري بدون تفكير ... كنت بحميها من ابراهيم بس ما فكرت فيها هي ... ياربي ايش الحل ... اطلقها ؟؟؟؟

الجزء التاسع ...

تغدى فواز في بيت احمد ... والوضع جدا هادي ... رؤى مبين عليها الحزن ... وفواز سرحان وباين عليه الهم ... واحمد ضايع بوسطهم ... عرف ان بينهم شي ... سألهم ... انكروا ... سكت وقال في نفسه الافضل انهم يحلون مشاكلهم بنفسهم ... لان اذا احد تدخل بتكبر المشكلة ... وانتهى الغدا على هالكآبة ... وبعد الغدا استأذن بحجة انه تعبان ويبي يرتاح ...



بيت عبدالعزيز ...
في غرفة لينا ...
بعد الغدا اللي طول الوقت لينا سرحانة ... ومبين ان في شي شاغل بالها ... نادت ليان في غرفتها
ليان: خير ... خالد فيه شي؟؟؟؟
لينا: بسم الله عليه ... لا تفاولين
ليان: ايش الموضوع؟؟؟ وجهك منقلب!!!
لينا: رؤى
لينا نقزت: ايييييييييييييش فيها ؟؟؟؟
لينا: اهدي ايش فيك تخرعتي ؟؟؟
ليان: تكلمي ... ايش فيها رؤى ؟؟؟ خرعتيني !!!
لينا: اليوم في الجامعة خالد دق علي ... قمت من عند البنات اكلمه ... وطولت في المكالمة ... بعدها كلمت فواز لانه مرسل لي مسج ... وطولت معه بعد ... رجعت ولقيت رؤى منهاااااااااااااااارة وتبكي ... والبنات حولها
ليان: بسرررررررررررررررررررعة تكلمي ... ايش فيها؟؟؟؟














لينا: ســــــــــــــــــــــــــــمــــــــــــــــــــ ـــــــــــر
ليان: ايش سوت هالماصخة؟؟؟
لينا: تمشي في الجامعة وتقص على البنات سالفة طيحة رؤى يوم ملكتها ... طبعا زايدة الموضوع شوية بهارات ... وكل البنات يجون لرؤى ... اللي تستهزئ فيها ... واللي تسالها وهي ماسكة ضحكتها ... واللي تنظر لها بعطف وشفقة ... وسوالف البنات اللي تعرفينها
ليان: حقيررررررررررررررررررررررة ... ليش تسوي كذا ؟؟؟
لينا: حقد ... الله لا يبلانا ... والمشكلة الجامعة كلها ماعندها سالفة غير طيحة رؤى ... اللي يعرفها واللي ما يعرفها يجي يبي يشوف من اللي طاحت يوم ملكتها
ليان بعصبية: البنات بعد سخيفااااااااااااات حدهم ... بالله هذا موضوع للشماتة يعني؟؟؟ كل وحدة معرضة لهالموقف ... ليش الشماتة
لينا: ناس فاضية شغل
ليان: يارررررررررررررررربي من القهر مو عارفة ايش اسوي ... احس ان النار شابة بصدري ... شلون رؤى المسكينة؟؟؟
لينا: انتي لو شفتي شكلها!!! مسكينة تقطع القلب
ليان: قهرررررررررررررررررررررررر
سمعوا صوت باب غرفة الاولاد ينقفل ... نقزت ليان
ليان: هذا اكيد فواز رجع ... بروح له
لينا: وين تروحين ؟؟؟ كان عند رؤى ... اكيد قالت له ... وتلاقينه مقهور اكثر منا بعد ... بس ايش بيده؟؟؟
ليان: شنو اللي ايش بيده؟؟؟ لازم يوقف هذي سمرو الكلبة عند حدها ... مايصير يسكت
لينا: ما يقدر يسوي شي .. لاتحرقين دمه اكثر
ليان: مافي ... بقوله يعني بقوله ... لازم يتحرك
وطلعت من غرفة لينا وهي معصبة وراحت لفواز ..



فواز من غير نفس: تفضل
دخلت ليان: نمت؟؟؟
فواز: لا ... بس نواف نايم
نواف: هي انت واختك ... ابي انااااااااام
فواز: صحيت؟؟؟
نواف: لا لسه نايم ... ايش رايك يعني؟؟؟ داخل انت واختك المزعجة علي وتسألوني صحيت ... اكيد بصحى ... يالله اطلعوا خلوني اكمل نومي
فواز: سمعتي ؟؟
ليان: مو طالعة الا لما اكلمك بالموضوع
فواز: نواف بيذبحنا
ليان: اطلع معي برا
فواز: مالي خلق اتحرك من مكاني .. العصر اذا صحيت قولي اللي عندك على كيفك
ليان: لا حبيبي ... العصر كالعادة بتقوم متاخر وابوي معصب ولا بتسمعني
فواز: يا كثر حنتك يا ليان ... خلاص بالليل اذا رجعت
ليان: ايييييييييييييييييييييييييييييش ؟؟؟ تبيني اصبر لليل؟؟؟
فواز: ايش الموضوع المهم اللي ما يصبر لليل؟؟؟
نواف من تحت اللحاف: اذا قمت لك انت واختك ما يحصل لكم طيب
ليان: ما عليك منه ... موضوع رؤى
فواز وهو ينافخ: ايش فيها بعد؟؟؟
ليان: ايش بتسوي لموضوعها
فواز وهو رافع حاجب: أي موضوع؟؟؟
ليان: ليش رؤى ما قالت لك اللي صار اليوم بالجامعة؟؟؟
فواز: ليش صار شي بالجامعة؟؟؟
ليان: بذمتك رؤى كانت طبيعية اليوم؟؟؟
فواز: ابببببببد مو طبيعية ... سألتها ما رضت تقول لي ... بس ما توقعت انه يكون صار شي في الجامعة
ليان: ياربي على برووووووووووووووووووووووووووووووووووودك ... طالعة من الجامعة وهي منهارة ... اكيد انه شي من الجامعة ... ما يبيلها تفكير
فواز: ليانو ... تكلمي ... ايش صار ؟؟؟ مو وقت محاضراتك!!!!
ليان: سمر
فواز: أي سمر
ليان: سمر بنت عمتي فوزية ... مين بعد؟؟ كم سمر تعرف ؟؟؟
فواز: ايش فيها ؟؟؟
قالت له ليان السالفة كلها ... وهو متعجب انه في ناس بالسخافة هذه
نواف اللي نقز من فراشه: قلة حيا ... اخخخخخخخخخخ ودي اروح بيتها اكفخها واعلمها الادب ... ايش السخافة هذه ؟؟؟
فواز: ...........................................
ليان: اصلا انا اتوقع انها متعمدة تطيحها ... وهي اللي قالت لاخوها يدخل بالطريقة هذه
فواز: ............................................
ليان: فوااااااااااااااااااااز ... رفعت ضغطي بسكوتك ... تكلم
فواز: ايش اقول؟؟؟
ليان: أي شي ... بين لي أي تعبير؟؟؟
نواف: أي والله يا برودك ... انا ودي اقوم اذبحها
فواز: ماله داعي الذبح
ليان: يعني انت شايف ان الموقف عادي وما يستاهل !!!
نواف: بتسكت لها يافواز !!!!
فواز: طبعا لا ... بس مو بالذبح بأدبها بطريقة ثانية ... ليان ... وين لينا ؟؟؟
ليان: بغرفتها ... ليش؟؟؟
قام فواز وطلع لغرفة لينا من غير ما يتكلم ...





فواز: لينا
لينا: هلا فواز ... امر؟؟؟
فواز: في الجامعة ...متى يتجمعون البنات ؟؟؟
لينا: مافي وقت معين ... كل وحدة على حسب بريكاتها
فواز: لا ابي وقت يكون التجمع فيه كبير
لينا: امممممممممممم عالساعة 12 يبدا بريك الغدا
فواز: وكل البنات يتجمعون؟؟؟
لينا: تقريبا ... اللي تصلي واللي في الكافتيريا
فواز: وسمر معاكم؟؟؟
لينا: لا ... هم كافتيريتهم غير
فواز: يعني ما يصير تجي عندكم ؟؟؟
لينا: عادي تجي ... بس ليش تجي اذا عندها كافتيريا اقرب !!!
فواز: ابيك تجيبينها بكرة كافتيريتكم ... هي وربعها كلهم
لينا: فواز صعبة ... شلون اجيبهم
ليان: ايش اللي صعبة ... دقي عليها وقولي لها تعالي مع ربعك
لينا: ايه بس ما قد صارت ... يعني مو من زود العلاقة
فواز: دبري لك شي بكرة ... واول ما يتجمعون دقي علي ... خلاص؟؟؟
لينا: بحاول
فواز: ما في شي اسمه تحاولين ... ابيه يتم
لينا: تم
فواز: رؤى بتداوم بكرة؟؟؟
لينا: والله مدري عنها ... بس ما اتوقع
فواز: مو على كيفها خليها تداوم
لينا: طيب انت قولها ... بتسمع كلامك احسن
فواز: قلت لك قولي لها تداوم من غير ماتعرف اني انا اللي قلت لك
لينا: خلاص ... اللي تبيه يصير
هز فواز راسه وطلع من غير ما يقولهم شي ...










بالليل دقت لينا على رؤى ..
رؤى بصوت حزين: الو
لينا: شلونك ؟؟؟
رؤى: عايشين
لينا: ليش زعلانة ؟؟؟ خليها تطق راسها بالجدار
بكت رؤى....
لينا: ليييييييييييييش تبكين؟؟؟
اخذت ليان منها السماعة: يالدببببببببببببببببببببببببببة ترى بجي وبذبجك
ليش تبكين؟؟
رؤى وهي تبكي: ما شفتي البنات اليوم شلون يناظروني!!!!
ليان: واذا ... تقومين تسوين بنفسك كذا ؟؟؟ المفروض تبينين ان الموضوع مو هامك ... وتداومين بكرة وانتي تضحكين وتسولفين عادي
رؤى: اداوم ... كثري منها بس ... ما راح اداوم
ليان: وليش ان شاء الله ؟؟؟
رؤى: ليان ... مصدعة وحالتي حالة ... لا تعورين راسي!!!
ليان: مو كيفك بتسمعيني ... اذا ما داومتي اثبتي لسمر واشكالها ان الموضوع مأثر فيك وانك انجرحتي ... بس اذا طنشتيهم بينقهرون وتنفقع مرارتهم
رؤى: ليان ... انا مو في حرب؟؟؟
ليان: الا بحرب ... الى متى بتصيرين كذا ميتة على عمرك؟؟؟ وحتى لو غبتي بكرة اللي بعده ايش بتسوين ؟؟؟ بعد بتغيبين ؟؟؟ طيب اللي بعده؟؟؟ بعد بتغيبين ؟؟؟ بتغيبين لين توصلين الحرمان ؟؟؟ ويفصلونك من الجامعة وتقعدين في البيت صح؟؟؟
رؤى: بغيب كم يوم لين ينسون البنات
ليان: اذا غبتي ما بينسون ... بالعكس بيراقبونك متى بتداومين وترجع السالفة من جديد !!!
رؤى: ايش اسوي ؟؟؟؟ حدي ضايق خلقي
ليان: تروحين للجامعة بكرة ... وتداومين دوام كامل ... ولا تبينين للبنات شي ... مين يدري يمكن البنات نسوا الموضوع ... وضحكوا وقتها بس
رؤى: من رايك؟؟؟
ليان: طبعا ومن غير تفكير ... بتصل فيك الصبح اصحيك للدوام ... يا ويلك اذا قلتي لي ما بتداومين ... فاهمة ؟؟؟
رؤى: فاهمة ... اومر ثانية عمتي؟؟؟
ليان: أي تصحين ... وتلبسين وتشربين الحليب و تمـــ
رؤى: هي هي هي هي مصدقة نفسك ... ليان من جد مصدعة ... ومالي مزاج سوالف ... بليييييييييييز
ليان: خلاص سماح هالمرة .. بس هالمرة
رؤى: يالله حبيبتي ... مع السلامة وسلمي لي على لينا
ليان: الله يسلمك ... يوصل ان شاء الله




اليوم الثاني ...
دخلوا نواف وفواز المستشفى الصبح ...
وكعادتهم كل يوم ... اول ما يدخلوا الصبح يمروا على عمهم عبدالرحمن وعمهم تركي يسلمون عليهم ... حتى لو متأخرين ... لازم يسلمون ...
وابوهم دايم يعصب عليهم ... اذا متأخرين مو لازم تسلمون وتطقونها سوالف ... بس هم اللي براسهم يسوونه ... اول شي يمرون على اعمامهم ...
دخلوا على عبدالرحمن ...
فواز ونواف: السلاااااااااااام عليكم
عبدالرحمن: هلا والله ... حياكم
فواز وهو يحب راسه: شلونك عمي؟؟؟
عبدالرحمن: بخير ... الله يحفظك
وبعده نواف نفس الشي: ها شخبار الشياب اليوم؟؟؟
عبدالرحمن: يا ولدي تبينا ناخذ زمنا زمن غيرنا ؟؟؟ اكيد صرنا شياب ... هذا شي ما يزعل
نواف: والله اني قايل من اول ... مثل عمي عبدالرحمن ما في ... انسان متفهم
عبدالرحمن وهو يضحك: احين ابوك يوصل ويسمعك
فواز: ليش ابوي مو هنا ؟؟؟
عبدالرحمن: لا لسه ما وصل
نواف: اووووووووووووووووووووووووول مرة في حياتي نوصل قبله .... بسجلها في التاريخ ... فواز كم التاريخ اليوم ؟؟؟
فواز: أي والله ... دقيقة اطلع جوالي اسجل التاريخ ... ونحتفل فيه كل سنة
عبدالرحمن: يالله عاد ... ما ارضى على اخوي !!!
نواف: ما قلنا شي ياعمي ؟؟؟
عبدالرحمن: الحمد لله انكم لسه ما قلتوا شي ... عالعموم بما ان اخوي الغالي مو موجود ... بستلم انا مهمته ... احم احم احم
وهو يقلد صوت اخوه: يالله كل واحد على شغله ... ما بي استهتار وفوضى ... كل واحد في مكتبه وعيادته ... سامعين ؟؟؟ مو امر بعد شوي والقطكم من الممرات؟؟؟
نواف وفواز: ههههههههههههههههههههههههه
فواز: عمي ما يناسبك هالدور ابد!!!
عبدالرحمن: صدق ؟؟؟ ما انفع ؟؟؟
نواف: ابببببببببببد ... عمي خلك على العم الحبوب احسن
عبدالرحمن: هههههههههههههههههههههه يالله الله معاكم
وطلعوا فواز ونواف من هنا ... بعدها بدقيقتين ... دخل موظف من الطوارئ
: دكتور عبدالرحمن !!!! الحق بسررررررررررررررررعة






في الجامعة ...
داومت رؤى مثل ما طلبوا منها بنات خالتها ... بس ما كانت طبيعية بالمرة ... بالها مو معاها ... وتحس ان كل البنات يطالعون فيها ... حتى المحاضرات ما انتبهت لها
لينا ... كانت حاسة برؤى ... ومو عارفة ايش تقول لها ... هي حاسة ان فواز بياخذ حقها ... بس شلون ما تدري ... يووووووه الله يعينك يا رؤى الى الساعة 12 بس ... بس شلون بتجيب سمر وشلتها هنا ؟؟؟ ياربي لو ليان عرفت شلون تجيبهم!!!!


ومن جهة ثانية في الجامعة ... سمر تمشي وهي مبسوطة بخطتها اللي مشت مثل ما تبي ... وما زالت تبث سمومها بين البنات ... واللي ما عرفت عرفت ... اللي يعرفون رؤى واللي ما يعرفونها ...
رشا: والله انك خطيررررررررررررررة ... شلون جاتك الفكرة
سمر: ههههههههههههه القهر حبيبتي يسوي اكثر من كذا
رشا: اتخيل شكلها بس
سمر: حبيبتي انا شفت شكلها وخلصت ... امس لو تشوفينها هههههههههههههههههههههههههههههههههههههههههههههههههه ههههههههههه
رشا: يووووووووووووووه حسافة ما شفتها
سمر: تجين نروح لقسمهم اليوم ؟؟؟
رشا: ايش نسوي ؟؟؟
سمر: نروح نتفرج ونوسع صدورنا
رشا: تتوقعين انها مداومة ؟؟؟
سمر: اكييييييييييييييييييييد لا ... بس نروح نسمع البنات ايش يقولون
رشا: يالله
سمر: لا لا لا لا لا مو احين ... نروح وقت البريك ... البنات كلهم موجودين
رشا: ما شاء الله على افكارك
سمر: بس تدرين ... متحسفة اني ما صورتها وهي تطيح ... كان شكلها بين البنات يصير تحححححححححححححححححفة
رشا: ههههههههههههههههههههههههههههههههههه





في المستشفى ...
فواز ونواف بعد ما طلعوا من عمهم ... ما راحوا لعياداتهم ... راحوا لخالد يطلون عليه ... طبعا بعد ما مروا على عمهم تركي ( راعين طويلة ما ادري متى بيداومون )
خالد: هلا والله بعيال العم ... حياكم
فواز: تذكر بعد انا عيال عمك؟؟؟
خالد: ههههههههههههههههههههههه
نواف: من عطيناه لينا ما شفناه
فواز: أي والله ... ولا اول كل يوم طاب عندنا
خالد: ههههههههههههههههه حرام عليكم
نواف: شنو اللي حرام ... خلاص بنمنعك تكلم لينا ولا تشوفها عشان تتأدب
خالد: لا لا لا لا لا لا توبة خلاص ... اذا تبون كل يوم امر عليكم واحب راسكم بعد
فواز: أي كذا ... ناس ما تجي الا بالعين الحمرا
خالد: لا والله الموضوع مو كذا ... بس الشغل زايد هاليومين ... والصداع ملازمني ولا راضي يهدني ... ارجع من الدوام مهدود ... ادور فراشي
دق تلفون مكتب خالد ورفعه: الو
تركي: خلود ... بكلمك بس لا تبين اني اكلمك ... اوكي ؟؟
خالد: امر
تركي: عيال عمك عندك؟؟؟
خالد: ايه
تركي: خلاص ... لا تخليهم يطلعون من عندك ... دقايق وانا عندكم
خالد واللي توتر من صوت عمه: خير ان شاء الله
تركي قفل السماعة ... ولا رد على خالد ... خالد هنا زاد توتره وبان على وجهه
فواز: شوف شوف شوف ... شكله وده يطردنا
نواف: أي والله ... نطلع بكرامتنا احسن لنا
خالد اللي توه ينتبه: ها ... لا لا لا لا وين رايحين؟؟؟
فواز: لا بدري ... قاعد معنا وسرحان ولا انت هنا
خالد: لا من قال؟؟؟
نواف: خلوووووووووود ... ايش فيك ؟؟؟
خالد: ها ... لا ما فيني شي ... ايش فيني يعني ؟؟؟
نواف: كلماتك كلمات متقاطعة !!!
خالد: ...................................
فواز: خالد .. من جد وترتنا ؟؟؟
خالد: .....................................
وقف نواف: خالد ... تتكلم ولا شلون؟؟؟
خالد: انا انا ............
فواز بعصبية: تكلللللللللللللللللم ... ايش فيك ؟؟؟
دخل عليهم تركي: ليش الصراخ ؟؟؟
نواف: هلا تركي
تركي: تعالوا معي
فواز: وين ؟؟؟
تركي: ممكن تبطلون اسئلة زايدة وتمشون قدامي ؟؟؟
نواف وفواز ناظروا في بعض: ......................
تركي: وبعدين ؟؟؟ اذا ما تبون كيفكم ..
طلع وتركهم
فواز: ايش صاير؟؟؟
نواف: ما ادري ... قلبي وصل بطني خلاص
خالد: طيب خلونا نروح معه
فواز: انت اسكت ... حاس انك تعرف وما تقول
خالد: والله ماعرف .. اتصل علي وصوته مو عاجبني ... قال لي لا يطلعون من عندك ... توترت
فواز: طيب خلونا نلحق عليه ... مدري وين راح
نواف: يالله






في الجامعة ...
رؤى طنشت محاضرة من المحاضرات ... هي اصلا ما تطيق هالدكتورة ... شلون ونفسيتها زفت ومو متحملة ...
جتها صديقتها خلود ...
خلود: اهلين رؤى
رؤى بابتسامة: هلا خلود
خلود: ليش مطنشة المحاضرة ؟؟؟
رؤى: ما ادري ... مالي مزاج
خلود: اكيييييييييييييييد تفكرين بفواز
رؤى: هههههههههههه ليش يعني
خلود: كذا .. كل البنات المخطوبات دايما يسرحون ... اكيد يسرحون بازواجهم
رؤى: ليش؟؟؟ مو شرط ... قي اشياء كثيرة الواحد يفكر فيها
خلود: مثل ؟؟؟
رؤى: اممممممممممم يعني ... بين يوم وليلة تتغير حياتك ... وتحسين انك صرتي مسؤؤولة من شخص ثاني ... غير ابوك او اخوك اللي طول عمرك معتمدةعليهم
خلود: يمكن !!! عمري ما فكرت بهالشي
رؤى: لانك ما انحطيتي بالموقف ... اول ما تنخطبين بسألك
خلود: الله يسمع منك ... ويجيب هاليوم بسررررررررررعة
رؤى في نفسها: مستعجلة عالشقا ياخلود .. بس ربي يرزقك باللي يسعدك يارب




في المستشفى ...
لحقوا الاولاد عمهم تركي ... وحصلوه عند اللفت ... ركبوا معه وهم يناظرون في ملامحه اللي ما عرفوا يفسرونها ... وصل اللفت الدور الارضي ... ودخلوا قسم الطوارئ ... وعند باب الطوارئ
فواز: تركي ...ممكن تقولنا ايش صاير؟؟؟
تركي: ...............................
نواف: تركي ... والله نشفنا من الخرعة!!!
خالد: تركي تكلم .. ليش ساكت ؟؟؟
تركي: اسمعوا ولا تنفعلون ... عبدالعزيز صار له حادث بسيط
فواز ونواف: حااااااااااااااااااااااااااااااااااااااااااااااااا ااادث






في غرفة عبدالعزيز ...
عبدالرحمن: سلامتك ياخوي ... ما تشوف شر ان شاء الله
عبدالعزيز: الله يسلمك
عبدالرحمن: شلون صار الحادث ؟؟؟
عبدالعزيز سرحان:..........................
عبدالرحمن: عبدالعزيز ؟؟؟
عبدالعزيز: اوعدني ياخوي
عبدالرحمن: خير ؟؟؟
عبدالعزيز: تحاسب على ولد سارة
عبدالرحمن: لا تقول كذا ... محد بيحاسب عليه غيرك
عبدالعزيز: اوعدني ان اذا صار لي شي ... ما تقول لاحد مين ولد سارة!!!
عبدالرحمن: عبدالعزيز ... ايش هالكلام؟؟؟
عبدالعزيز: اليوم لما صار الحادث ... حسيت اني شفت الموت بعيني ... وصورته ما فارقت عيني
عبدالرحمن: تعوذ من ابليس ... هذا ابليس يلعب في مخك
عبدالعزيز: اوعدني ان اذا صار فيني شي ... ما تقول لاحد مهما كان السبب ... وانا عايش انا بوقف مع ولدي ولا بخليه ينظلم ... بس بعد عيني مين له؟؟؟
عبدالرحمن: له ربي يا عبدالعزيز ... خل ايمانك بالله قوي ... ما ادري ليش حاط في بالك انه بينظلم ... العيال كبروا خلاص
عبدالعزيز: ولو ... اوعدني يا خوي
عبدالرحمن: اوعدك ياعبدالعزيز ... مع اني مو مقتنع ابد ... بس انا اللي وافقتك بالبداية ... ولازم اكمل معاك





دخلوا نواف وفواز وعيونهم معلقة على ابوهم وباين عليهم الخوف ... وهو عيونه معلقة بواحد منهم بس ... واول ما شافه ما رفع عينه عليه .. يحس انه وحشه وااااااااااجد ... وحس ان الروح رجعت له بشوفة ولده
نواف: سلامتك يبه
فواز: ما تشوف شر
عبدالعزيز: الشر ما يجيكم
خالد: خطاك السو يا عمي
عبدالعزيز: الله يسلمك يا ولدي
فواز: عسى ما شر ؟؟؟ شلون صار الحادث ؟؟
عبدالعزيز: والله ما ادري شلون لا تسألوني
نواف: طيب ... حاس بألم يبه؟؟؟
عبدالعزيز: لا تخافون ... ما فيني شي
عبدالرحمن: لا تخافون عليه ... رضوض بسيطة بس
فواز: اكييييييييييييييد يبه
عبدالعزيز: ايه يبه لا تخافون
نواف: طيب ليش ما قلتوا لنا من الصبح؟؟؟
تركي: ابوكم قال لا تخوفونهم ... اذا استقر وضعي نادوهم
فواز: اذا ما خفنا عليك نخاف على مين؟؟؟
نواف: أي والله ... مالكم حق ما تقولون لنا
عبدالعزيز: خلاص لا تحنون ...كفاية علي امكم في البيت





الجامعة ... وقت البريك ...
لينا ورؤى صلوا واتجهوا للكافتيريا ... ولينا لسه تفكر شلون تجيب سمر وشلتها ... اول ما دخلوا الكافتيريا انصدموا ...








سمر ورشا وشلتهم قاعدين عالطاولة وضحكهم واصل لاخر الكافتيريا ... اول ما شافتهم رؤى ... لفت تبي تطلع ..
مسكتها لينا: وين ؟؟؟
رؤى: مالي مزاج ... تكفين
لينا: مو كيفك ... ادخلي ونقعد معاهم على نفس الطاولة بعد
رؤى: بس..
لينا: ما في بس ... تعالي .... ادخلي اشتري على ما اجيك
راحت رؤى تشتري لهم شي ياكلونه ... ولينا راحت تكلم فواز ...




فواز ونواف عند ابوهم ... وما تحركوا اصلا ... يطلون شوي على الوضع ويرجعون يصجون ابوهم بسوالفهم اللي ما تخلص ...
عبدالعزيز: الله يرجكم ... صدعتوا راسي اكثر من اول
نواف: افا يبه ... احين احنا مضحين بوقتنا ووقت مرضانا عشان نسليك وتقول لنا كذا؟!؟!؟!؟!؟!؟!؟!!؟
طالعه عبدالعزيز بنص عين: اقول لا يكثر بس
دق جوال فواز ... شاف رقم لينا ..
فواز في نفسه: يووووووووووووووووه نسيت الموضوع
فواز: عن اذنكم
نواف بضحكة: اكيد رؤى !!!
فواز بنص عين: لا تستهبل ... وطلع وخلاهم

فواز: الو
لينا: هلا خالد
فواز: يالخبلة .. انا فواز مو خالد ... حتى اسمي نسيتيه
لينا: هههههههههههههه آسفة بالغلط ... واي كليتني
فواز: اخلصي مستعجل
لينا: يالله جمعت البنات
فواز: اها ... روحي اقعدي معاهم ... وبتصل عليك ... وحطيه على السبيكر .. كانك ما تقدرين تردين علي ... يعني كانك مو متعمدة ... والباقي علي
لينا: اوكي
وفعلا راحت لينا للطاولة هي ورؤى اللي كانت واقفة تنتظرها ...
لينا: اهلييييييييين بنات ..
سمر وهي تناظر رؤى: اهلييييييييييييين لينا
لينا: شلونكم ؟؟؟ جايين صوبنا اليوم !!!
سمر: يعني ... قلنا تغيير
رشا لسمر في اذنها: ياربي عليها ... مداومة ولا كانه صار شي ؟؟؟
سمر: خليك منها بأدبها لك ... انتظري علي
سمر: شلونك رؤى ؟؟؟
رؤى: بخير
بدت لينا بالاكل بسرعة ... واتصل عليها فواز وجوالها عالطاولة ... كانت جنب سمر ...
لينا: يوووووووووووووه هذا وقته ... سمر شوفي من اللي داق علي؟؟؟
رفعت سمر الجوال وبنظرة لرؤى: هذا فواز ... الله يسلم قلبه
رؤى مطنشتها ولا مهتمة بكلامها ..
لينا: يووووووووووه ... اذا ما رديت عليه بيعصب ... حطي لي اياه على السبيكر
وفعلا سمر نفذت اللي قالته سمر ..
وكعادة البنات اذا انحط التلفون على السبيكر الكل يسكت ... خصوصا اذا كان رجال ... عشان يسمعون كل كلمة يقولها >>>> لقافة البنات

لينا: هلا فواز
فواز: هلا لينا .. وينك ؟؟؟ وليش حاطته على السبيكر؟؟؟
لينا: في الجامعة ... قاعدة اكل .. ويدي مو نظيفة ما اقدر امسك السماعة ... في احد يتصل وقت البريك ؟؟؟
فواز: وانا ايش عرفني بوقت بريككم ... وبعدين متى تبيني اتصل وقت المحاضرة؟؟؟
لينا: اخلص يا فواز ... في شي؟؟؟
فواز: أي بسالك ... انتي تشوفين سمر في الجامعة؟؟؟
سمر اللي انبطست انه سال عنها: هلا فواز .. انا هنا
فواز: هلا سمر ... شلونك؟؟؟
سمر بدلع: بخير الله يسلمك
رؤى انقهرت ... يعني ما يحترمني قدام البنات... ليش متصل بالجامعة ... بس يبي يقهرني ..اوووووووووووووووووووووووووووووووووف
فواز: سمر اقولك
سمر: امممممممممممممر يا فواز
فواز: بغيتك تشكرين لي اخوك
سمر بدهشة: ليش ؟؟؟
فواز: لانه صدم رؤى يوم الملكة
رؤى فتحت عينها وقالت في نفسها: الله ياخذذذذذذذذذذذذذذذذذذذذذذذذذذذذك
لينا وهي مستنكرة الوضع: .......................
سمر: ههههههههههههههههههههههههه تامر يافواز ... غااااااااااااااااااااالي والطلب رخيص
فواز: طبعا لازم اشكره ... قدم لي معروف عمري ما انساه له في حياتي ... خلى رؤى تطيح في حضني يوم ملكتي ... كل الرجال يحلمون بس يسمعون صوت خطيبتهم يوم الملكة ... وانا رؤى حبيبتي طاحت في حضني ومسكتها وحضنتها من اول يوم ... لازم اشكره واحب راسه بعد
لينا في نفسها: الله لا يحرمنا منك يا فواز
بعد ما صكرت السماعة ... كل البنات قاموا يصفقون ويصفرون ... ياعيني عالرومانسية ... يا عيني عالحب ... ومن هالكلام ... وكلهم حسدوا رؤى في نفسهم على هالفواز الرومانسي
سمر من القهر قامت من الطاولة واتصلت في السواق يمرها ترجع البيت
رؤى ساكتة وتفكر بالسبب اللي خلى فواز يتصرف هالتصرف ...



فواز رجع لابوه ...وشافهم يستعدون للرجعة للبيت ... سند ابوه مع نواف .. وطلعوا للبيت ...



العصر ... عبدالعزيز متمدد في غرفته ... ومنيرة عنده
منيرة: تامرني بشي؟؟
عبدالعزيز: سلامتك يا منيرة ... ما تقصرين ... تعبتك معاي
منيرة: تعبك راحة

سمعوا صوت الباب ...
منيرة: تفضل
دخلوا فواز ونواف والعيال كلهم وراهم ... معهم الشاي والقهوة
نواف: وعندك واحد شاي وواحد نعناع وصلحوووووووووووووووووووه
عبدالعزيز وهو مبتسم: ما ادري متى تكبر؟؟؟
نواف: يبه الله يخليك ... الجلسة عائلية ... رجاء دعها تخلو من النصائح والمحاضرات
فواز: يا شين العربي عندك ... مدرس اللغة العربية بينتحر
الكل: هههههههههههههههههههههههههه
منيرة: تبيه يعقل يا عبدالعزيز ... زوجه
عبدالعزيز: يالله على يدك يا منيرة
نواف: لا لا لا لا لا لا لا الله يخليكم ... تبوني اعقل بعقل بس زواج لا
منيرة: ليش ان شاء الله شوف فواز تزوج ومبسوط
نواف في اذن فواز: مين اللي معقدني من الزواج ومكرهني فيه اكثر من كرهي له الا فواز وزوجته العبيطة
فواز: بتفضحنا شكلك
بسطوا العيال في غرفة ابوهم ... وشاي وقهوة ... وسوالف وضحك ...
عبدالعزيز: نواف ... فواز ... ليش مو رايحين الدوام؟؟؟
فواز: افا يبه ... ابونا مسوي حادث ونداوم ؟؟؟ لازم اسبوع اجازة!!!
عبدالعزيز: اذا ابوك مسوي الحادث وتبي اسبوع اجازة ... اذا انت سويت الحادث كم تبي ؟؟؟
منيرة: بسم الله على ولدي
نواف: لا تحاتي فواز ... اذا صار لك حادث انا بكون دكتورك ... بكتب لك سنة اجازة وانا سنة مرافق
منيرة: غيروا هالموضوع اللي يسد النفس
نواف: طيب ... يبه ترى سيارتي تحت امرك ... خلاص تنازلت عنها لك
فواز: لا حبيبي ... سيارتي انا تحت امر ابوي
منيرة: ايش هالكرم اللي نازل عليكم ؟؟؟
عبدالعزيز: يعني ما تعرفين عيالج ؟؟؟ يعطوني سيارتهم لان سيارتي اتكنسلت وخلاص يبيلها تغيير ... عينهم عالسيارة الجديدة قبل لا اشتريها
نواف: كاشفنا
عبدالعزيز: عيالي ... شلون ما اكشفكم




فواز تذكر رؤى ... اخذ جواله وارسل لها مسج
الكلام كله بالمسجات ...
فواز ( شلونك احين ؟؟؟)
رؤى ( لا تتوقع انك باللي سويته بتكبر يعيني او بغير نظرتي لك ... انت في نظري مثل ما انت لو ايش تسوي)
فواز ( انا ما سويت غير الواجب ... ومو محتاج منك شكر او تغيير نظرتك على قولتك )
رؤى ( هه ضحكتني ... انت ما تسوي شي لله )
فواز ( قلت لك ما سويت الا واجبي تجاه انسان مظلوم ... حتى لو خدامتنا السيرلانكية كانت في هالموقف ... بتصرف نفس التصرف ) >>> تعمد يستخدم نفس طريقتها
رؤى ( زوجتك السيرلانكية )
فواز ( الحمد لله اعترفتي )
رؤى ( قلت زوجتك ... مو انا ... لا تفكر تعتبرني زوجة )
فواز ( اقول ... لا يكثر ... الساعة 8ونص تكونين جاهزة ... بمر عليك )
دقت عليه رؤى على طول ... وقفل السماعة بوجهه
رجعت اتصلت ... ونفس الشي
ارسلت له مسج ( ليش ما ترد )
فواز (مالي خلق اسمع صوتك )
رؤى ( حماااااااااااااار )
فواز ( شكرا )
رؤى ( وين بنروح )
فواز ( مو شغلك ... اجهزي وانتي ساكتة )
رؤى ( طيب عشان اعرف ايش البس )
فواز ( ما عندي مانع اجي واختار لك لبسك بنفسي )
رؤى ( شكرا ... مستغنية عن خدماتك )
فواز ( كيفك ... تكونين جاهزة الساعة 8 ونص ... ولا يكثر ... ادري مو هامك ... ما بتدفعين الفاتورة )
رؤى ( حمااااااااااااااار )
طنشها فواز ... وقعد يكمل جلسته مع اخوانه ..



سمر في بيتها تغلي من القهر ... طيب يا فواز .. انا تفشلني كذا ... طييييييييب .. الظاهر انك ما راح تجي بالطيب ... ولازم استخدم معاك طرقي الخاصة ... ان ما خليتك تتحسف ... ما اكون سمر ... وانتي يا رؤوو الكلبة ... ان ما خليتك تبكين بدل الدموع دم ما اكون سمر...





الساعة 8 ونص ... فواز واقف عند باب بيت عمه احمد ... واتصل على رؤى
رؤى بعصبية: نعم
فواز: اطلعي انا عند الباب ... وقفل السماعة
رؤى: حماااااااااار .. ما عنده غير يقفل السماعة بوجههي ... انا اوريه


طلعت وركبت السيارة ... وقبل لا تصكر الباب ... حرك فواز السيارة بسرررررررررررررررررررررررررعة وقوة خلاها تطيح على الكرسي بقوة ...
رؤى: هييييييييييييييييييييي انت ... اذا ما تبيني ترى ابوي يبيني ... ما يحتاج تذبحني
فواز: صجيتيني بابوك ... كل كلمة والثانية قلتي لي ابوي وابوي
رؤى: ليش مو عاجبك ؟؟؟ هو في مثل بابا ؟؟؟
فواز: لا والله عاجبني والنعم فيه بعد ... بس انا مستغرب انه عنده بنت مثلك
رؤى: والله انا اللي مستغربة شلون تكون ولد خالتي منيرة وعمي عبدالعزيز
فواز: يمكن اكون لقيط ولاقيني عند المسجد
رؤى: لو ما كنت توم نواف كنت قلت يمكن ... بس انت ونواف نفس الطبع ... صعبة اثنينكم تكونون لقطا
فواز: ههههههههههههههههههههههههههههههههه
رؤى وكانها تذكرت: هييييييييييييييييييييييييي انت
فواز ضرب بريك بقوة لدرجة ان راسها ضرب بالزجاج الامامي ...
فواز: اذا ما بطلتي هيييييييي انت حقتك برميك من السيارة ... تأدبي
رؤى: وجعععععععععععععععععععععععععع ... كسرت راسي
فواز: ليتني اقدر اكسر راسك ... كان ذبحتك من زمان
رؤى: طيب يالشاب اللطيف ... وين رايحين
فواز بنظرة: عدلتيها يعني مع خشتك ؟؟؟
رؤى: اووووووووووووووه طفشتني ... وين رايحين
فواز بخبث: صح تذكرت ... وريني ايش لابسة !!!
رؤى: اذلف
فواز وهو يرفع عبايتها: اقووووووووووووووووووولك وريني
رؤى وهي تضربه على يده: كسر بيدك ... مالك شغل فيني ... ولا تلمسني
فواز بضحكة: اخاف تفشليني قدام الشباب !!!!
رؤى بعدم اهتمام: أي شباب ؟؟؟
فواز: شباب الاستراحة
رؤى: أي استراحة؟؟؟ ايش هالخرابيط ؟؟؟ تكلم عدل !!!!
فواز: ما تدرين انا احنا رايحين الاستراحة عند الشباب
رؤى: وانا ايش دخلني مجرجني معاك؟؟؟
فواز: يوووووووووووووه شلون ايش دخلك ... انتي زوجتي ... ولازم تجين معي عند الشباب ... كلهم معهم زوجاتهم او خوياتهم ... تبيني اروح كذا من غيرك؟؟؟
رؤى بشك: فواز ... انت تتكلم جد؟؟؟
فواز: طبعا ... ايش اللي مخليني استعجل بالملكة غير هالموضوع ... الصراحة كل الشباب معهم احد الا انا ... وتعرفيني ما احب اروح للحرام !!!
رؤى بخوف واضح: فواز ... انت اكيد تمزح
ناظرت في الشارع ... شافته مو طريق بيت خالتها ...
رؤى بصرخة: وقف
فواز: ............................
رؤى: قلت لك وقف لا ارمي نفسي
قفل فواز الباب: يالله وريني كيف ترمين نفسك
رؤى: وقققققققققققققققققققققققققققققققققققققققققف
فواز: ..................................
رؤى: فواز ... حرام عليك ... اللي تبيه بسوي لك اياه ... بس ما توديني اماكن كذا .. تكفى
فواز: ...............................
رؤى: تكللللللللللللللللللللللللللللللللللللم ... لاتسكت كذا
فواز: أي شي تسوينه !!!!
رؤى: أي شي
فواز: متأكدة ؟؟؟
رؤى: متأكدة ...
فواز: تعتذرين عن كل الكلام اللي سميتي بدني فيه
رؤى قاطعته: انا آسفة
فواز: هههههههههههههههههههه لا مو كذا ... ما خليتيني اكمل كلامي
رؤى: ايش تبي بعد؟؟؟؟
فواز: تعتذرين اعتذار من قلب
رؤى: شلون يعني من قلب؟؟؟
فواز: يعني احس انك فعلا ندمانة ... وبعدها بوسة على خدي
رؤى وهي تطالعه بنص عين: نـــــــــــــــــــــــــعــــــــــــــــم
فواز: البوسة كاعتذارطبعا
رؤى: تخسي الا انت
فواز: رجعنا لقلة الادب ... ذنبك على جنبك ... ومشى بالسيارة بسررررررعة
رؤى وهي تطالع الشارع وتشوف انهم طلعوا من المنطقة ورايحين باتجاه الاستراحات ...
رؤى: فواز ... انا آسفة ... ما بعيدها مرة ثانية ... وراح اتأدب وما أسم بدنك على قولتك ... واي شي تبيه مستعدة اسويه
فواز يأشر على خده وهو ساكت: ...........................
رؤى: طيب قرب
قرب فواز وعطاها خده ....
رؤى وهي مغمضة عينها قربت بسرعة وباسته بوسة سريعة ورجعت مكانها ...
لف فواز راسه وشاف دمعتها من تحت الغطا ... وده يعتذر ... بس يعرفها عنيدة وما ينفع معها الطيب ... لازم يضغط على نفسه شوي ويأدبها ... لف بالسيارة ورجع لطريق المنطقة مرة ثانية
هنا تنفست رؤى ... كانت تحس انها مخنوقة طول الوقت ...
نزل لها المراية اللي قدامها ...
فواز: عدلي شكلك بسرعة قبل لانوصل بيت امي نورة
لفت رؤى بسرعة: يعني صار لك ساعة تضحك علي؟؟؟؟
فواز وهو يهز راسه بضحكة :................
رؤى: حماااااااااااااااااااااااااااااااااااااااااااااااا ااااااااااااااااااااااااااااار
فواز: ههههههههههههههههههههههههههههه عدلي شكلك بسرعة قبل لانوصل
رؤى: ما راح انزل معك
فواز: كيفك ... انتظريني بالسيارة على ما اخلص العشا واسهر معهم وبعدين ارجعك البيت
رؤى: بوقف لي أي سيارة وبرجع
فواز: بسلامتك ... واذا وداك استراحة من جد ... وهالمرة استراحة شباب اللي خبري خبرك ... مالي دخل ... اذا انتي ضامنة الرجال اللي بتركبين معاه كيفك
رؤى: حمااااااااااااااااااااااااااااااااااااااار
فواز: شكررررررررررررررررررررررررا
وصلوا بيت نورة ونزلت معاه وهي ميتة من القهر ....







اول ما وصلوا ... الكل كان باستقبالهم ... ومبسوطين بمرت اخوهم ...
ورؤى منحرجة منهم مرة ... ولو معها واحد مثل الناس على قولتها كان اهون ... بس فواز اول ما دخل وهو شايل البيت على راسه ... ومطنشها ولا كأنها موجودة

بعد العشا نادى فواز شهد اخته على جنب ...
شهد: نعم فواز
فواز بنظرة: ايش فيك؟؟؟
شهد: انت اللي مناديني !!!
فواز: لا تضيعين السالفة ... انتي فيك شي ... صاير لك فترة مو طبيعية ابد
شهد: ............................
فواز: شهد ... انا اخوك ... اذا ما قلتي لي تقولين لمين؟؟؟
شهد وهي تبكي: .............................
فواز: متاعب الحمل ؟؟؟
شهد تهز راسها بمعنى لا :................
فواز: طيب ايش فيك ؟؟؟
شهد: بندر
فواز: ايش فيه؟؟؟
شهد: متغير علي مرة
فواز: شلون يعني؟؟؟
شهد: ما يقعد في البيت ... كله طالع برا
فواز: وزعلانة ومضيقة صدرك عشان كذا ... يمكن الرجال مشغول
شهد وهي تبكي: أي مشغول ؟؟؟ مشغول بالصياعة والضياع اللي عايش فيه
فواز وهو فاتح عينه: شلون يعني ؟؟؟ شهد انتي تتكلمين بالالغاز وانا مو فاهم شي
شهد: يعني ... طايح له على شلة فاسدة ومخربينه شوي
فواز: لا حول ولا قوة الا بالله ... تبيني اكلمه؟؟؟
شهد: لا لا لا لا لا تكفى يافواز ... اذا كلمته بيعاند
فواز: طيب والحل ؟؟؟ ما يصير اتفرج ؟؟؟
شهد: خلك كذا يا فواز ... على الاقل عندي اللي افضفض له ... وأمي لا تعرف اني قلت لك ... محذرتني اني ما اتكلم
فواز: لييييييييييييييييييييش؟؟؟
شهد: تقول اخوانك يحبونك واجد ... واذا كلمتيهم يمكن يتصرفون تصرف متهور او شي
فواز: لا حول ولا قوة الا بالله
شهد: ولا تقول لنواف ... تكفى ... تراه عصبي ويتصرف بتهور
فواز وبان على وجهه الضيق: اللي تبينه يا شهد
شهد: فواز ... شوف شكلك ... اذا بتطلع كذا لامي بتعرف اني قلت لك
فواز: لا تحاتين يا شهد ... انا بطلع احين بحجة اني بروح لابوي ... وعلميني اللي يصير اول باول




طلعوا من الغرفة ... وشافتهم جود
جود: انا ابي اعرف ... ايش كنتوا تقولون ؟؟؟
نورة تطالع شهد بنظرات ...
فواز: ههههههههههههههه .... اشتكي لها من رؤى
رؤى طالعت فيه :............................
جود: ليش ايش سوت رؤى ؟؟؟
فواز: مو مخليتني انام الليل من حبها وشوقي لها
الكل: هههههههههههههههههههههههههههههههه
رؤى انحرجت وجهها حممممممممممممممممممممممر
فواز: يالله رؤى نروح
قامت رؤى ولبست عبايتها ...
نورة: وين يا فواز ... بدري!!!
فواز: بدري من عمرك يمه ... بس ابي اطل على ابوي ... ما يصير اتركه بروحه وهو تعبان
رغد: صج ... شلونه عمي ؟؟؟
هنا لفت رؤى وجهها ... ايش فيه ابوه ... وليش ما قال لها؟؟؟
فواز: الحمد لله احسن ... يالله بالاذن ... اشوفكم على خير ... شكرا يمه على هالعشا اللذيذ ... الله لا يحرمنا منك
نورة: ولا منك ... سلم لي على نواف ...ادري انه زعلان لاني ما عزمته
فواز: ههههههههههههههههه اذا بتحاولين ترضين نواف ما بتخلصين ... يالله مع السلامة


واول ما ركبوا السيارة ... لفت رؤى عليه ... يعني مقابلته وظهرها للباب ...
رؤى: ايش فيه عمي ؟؟؟
فواز: حادث بسيط الصبح
رؤى: ولييييييييييييييييييييييش ما قلت لي؟؟؟
فواز: انتي تعطين الواحد فرصة يقول لك شي ... من أتكلم تاكليني
رؤى بعصبية: بس ولو المفروض تـقــــ ...
قاطعها فواز: رؤى ... تكفين ضايق خلقي ومالي مزاج أي شي
سكتت رؤى لانها فعلا حست انه متضايق ...









بعد فترة ...

رؤى: فواز
لف فواز وطالعها: ...................
رؤى: ممكن توديني بيتكم اسلم على عمي
هز فواز راسه بالموافقة من غير ما يتكلم...



وصلوا بيت عبدالعزيز ... اللي كانوا عبدالرحمن وزوجته وعياله عندهم ...
دخلت رؤى وسلمت على عمها وحبت راسه
رؤى: سلامتك عمي ما تشوف شر
عبدالعزيز: الله يسلمك يا بنتي
رؤى: آسفة عمي جيتك متأخر ... بس فواز الله يهداه ما قال لي الا قبل شوي
عبدالعزيز: لا تقولين كذا يا بنتي ... متى ما جيتي حياك الله

ليان: دريتي رؤى !!! ربى حددت عرسها
رؤى: صحيح ... متى ان شاء الله ؟؟؟
ربى: ثاني اسبوع في الإجازة
رؤى: يعني شهر قبل عرس لينا وخالد
ربى: ايه ... عشان يمديني ارجع من السفر
رؤى: عالبركة ... الله يتمم لك على خير يا رب

دخل فواز بالسالفة ...
فواز: رؤى ... ليش ما تقولين لهم متى حددنا موعد العرس؟؟؟
رؤى فتحت عينها: .............................
ليان: ليش انتوا حددتوا الموعد؟؟؟
فواز: أي اتفقت مع رؤى ... اول اسبوع بالاجازة ... اول ويك اند يعني
فتحت رؤى عينها على الآخر:..................................

الجزء العاشر ...


الكل: اييييييييييييييييييييييييييييييييييييييييييييييييي يييييييييييييش؟؟؟؟
فواز ببرود: ايش فيكم ؟؟؟ قايل شي غلط؟؟؟
رؤى ساكتة وهي حابسة الدمعة بعينها....
ليان: ما بقى الاشهر!!!!!
فواز: واذا ؟؟؟
عبدالعزيز: شنو واذا ؟؟؟ انت كل شي في دنياك ماخذه ببرود كذا ؟؟؟ متى يمديك تدور لك شقة وتجهزها وتفرشها ؟؟؟
فواز: ومن قال اني بأجر شقة؟؟؟
منيرة: تبي تسكن في الشارع ؟؟؟
فواز: لا ... بسكن هنا !!!
رؤى كانت طول الوقت منزلة راسها ... اول ما سمعت الجملة رفعت راسها ... وطالعت فيه ... وهو كان يطالع فيها بكل ثقة
لينا: وليش ان شاء الله؟؟؟
فواز: كذا ... ما اقدر استغنى عن اهلي ... ورؤى موافقة ومأيدة هالشي!!!
رؤى في نفسها: ليييييييييييييش يا فواز تسوي فيني كذا ... انا ما ابي مشاكل ولا ابي احد يعرف عن طبيعة علاقتنا ...
منيرة: بس يا ولدي ما في امكانية جناح منفصل في البيت !!! يعني ما في مساحة!!!
فواز: ومن قال انا نبي جناح ... غرفة بحمامها يكفي ... أي مكان اكون فيه مع رؤى بيصير جنة ... لو غرفة عالسطح والحمام مشترك ... صح رؤى؟؟؟ ( طالعها بنظرة)
رؤى وهي ماسكة دمعتها لا تنزل: اكيييييييييييد ... اهم شي نكون مع بعض
منيرة: بس ...
عبدالعزيز: خلاص يا منيرة ... اذا هم مرتاحين كذا براحتهم ... الله يحييكم ياولدي


ربى: يووووووووووووووووه ماعلي من هذا كله ... فواز ناوي تسافر ؟؟؟
فواز: ما دري الصراحة ... لسه ما اتفقت مع رؤى
رؤى في نفسها: كثرت على نفسك ... كل شي ممشيه على كيفك ... جت على السفر يعني ... بس زين تجبر بخاطري قدام الناس
ربى: حط في بالك ... اذا بتسافر ... عرسي بعدكم باسبوع ... لازم تحضرون
فواز بضحكة: لازم يعني؟؟؟
ربى: ايش اللي لازم ؟؟؟ مو ناوي تحضر عرسي ؟؟؟ تكفى فواز انت اخوي وما اتخيل اني اتزوج وانت ما تحضر ؟؟؟
نواف: ياسلاااااااااااااااااااام وانا ؟؟؟
ربى: ولا انت يا نواف ... بس انت موجود ايش عندك؟؟؟ فواز طلبتك ... وبعدين حتى رؤى ... شلون ما تحضر ؟؟؟
فواز بليز اذا ناوي تسافر خله بعد عرسي
فواز: هههههههههههههههههههه تامرين امر ... كم ربى عندنا؟؟؟
عبدالعزيز: ما شاء الله كأن الموضوع على كيفك ؟؟؟؟
فواز: افا يبه ... اشوفك قلبت ؟؟؟ توك تقول لامي اللي يبونه ومن هالكلام ... فجأة غيرت رايك ؟؟؟
عبدالعزيز: اللي تبونه ... بس مو كل شي ؟؟؟
فواز: طيب على ايش احتجاجك ؟؟؟
عبدالعزيز: ما شاء الله عليك ... تبي تتزوج قبل ربى باسبوع ... وبعدين تسافر ... مدري ايش كثر بتقعد ... وطبعا اذا رجعت ما بتداوم على طول ... تبي ترتاح ... ليش انت مفكر كم بتكون اجازتك ؟؟؟؟
فواز: يبه ... عاد اجازة زواج ... انا كم مرة بتزوج؟؟؟ يعني المفروض تعطيني اياها مفتوحة !!!!
عبدالعزيز: مفتوحة في عينك!!!! حدك اسبوعين !!!
فواز نقز: يبببببببببببببببببببببببه ... حرام عليك ... شنو اسبوعين ؟؟؟
نواف وقف مع اخوه: بس انا سامع ان في ناس بياخذون اجازة شهرييييييييييييييين
فواز: الله ... مين هذولي ؟؟؟
نواف وهو يطالع في ربى اللي تضحك: مدري ... اسأل ربى يمكن تعرف !!!
فواز: من جدددددددددد ... يبه ظلم ... ما يصير تعطي ربى اجازة مفتوحة وانا اسبوعين بس !؟!؟!؟!؟!!؟!؟!؟!
عبدالعزيز: انت ما شاء الله عليك طول عمرك باجازة مفتوحة ... لا تقارن نفسك بربى اللي حتى رصيد اجازاتها ما تخلصه كل سنة... فعقاباً لك اجازة عرسك اسبوعين بس
فواز: عاد بابا ما جت النحاسة الا على عرسي؟؟؟
عبدالعزيز: صدق قليل ادب ... في احد يقول لابوه نحاسة؟؟؟
فواز قام وحب راس ابوه: اسف ... مو قصدي طلعت كذا ... بس تكفى يبه ... وحب راسه مرة ثانية ... شنو اسبوعين؟؟؟
عبدالعزيز وهو ماسك ضحكته: .........................
عبدالرحمن وهو يضحك: خلاص يا فواز ... هدية عرسك مني اجازة مفتوحة
نقز فواز وحب راس عمه: الله يخليك لي ولا يحرمني منك يا أحلى عم في الدنيا
عبدالعزيز: وانا الله ياخذني اليوم عادي ؟؟؟
فواز: لا يبه ... احنا من غيرك ما نسوى شي ... بس انت بدون عمي عبدالرحمن تصير كلش مو شي !!!
الكل: هههههههههههههههههههههههههههههههههههههه




رؤى قامت من الجلسة واتجهت للحمامات ... حست انها تختنق ... حس فواز فيها ... لانه ما رفع عينه عنها من اول ما فجر قنبلته ... طلع وراها ... شافها عند المغاسل ... فاتحة الماي وسرحااااااااااااااااااااااااااااااانة
فواز وهو مسند راسه على الجدار ويده في جيب البنطلون: في ايش تفكرين؟؟؟؟
رؤى اللي انتبهت لوجوده وصكرت الماي ببرود: يهمك تعرف ؟؟؟
فواز: اكيد !!! ولا ما سألتك !!!!
رؤى: ليش ما شاورتني ؟؟؟ او على الاقل تخبرني ؟؟؟ مو تفاجاني قدامهم كذا ؟؟؟
فواز: انت اللي اجبرتيني يا رؤى
رؤى: انـــــــــــــــــــــــــــــــــــــــا ؟؟؟
فواز: ايه انتي ... لو شاورتك ما بتوافقين ... خليك كذا احسن
رؤى: عالعموم انا ما عاد تفرق معي ... في اليوم اللي انكتبت لك فيه ... اعتبرته يوم مماتي
طلعت وتركته واقف مكانه ... وما تعرف انها كل مالها وتجرح فواز اكثر واكثر ... وما يندرى هل بيبرى هالجرح ولا لأ ...


اول ما رجعت للجلسة ... شافتهم انفصلوا لمجلسين ... الرجال عند عبدالعزيز ... والحريم بمجلس الحريم ... لان ابوها وصل ... حمدت ربها انها بترجع مع ابوها مو مع فواز ... ولا اكيييييييييييييييييييييييد بتذبحه بالسيارة ...





آخر الليل ...
بغرفة الاولاد ...
نواف: منت بصاحي ؟؟؟ ايش اللي هببته اليوم ؟؟؟
فواز ببرود: ليش يعني ؟؟؟
نواف: البنت مو طايقتك ... ولا طايقة تسمع صوتك حتى ... وانت تقول استعجلت بالملكة ... تبي تكحلها تروح تقدم الزواج ؟؟؟
فواز: هي كذا كذا مو متقبلتني ... ايش تفرق شهر او شهرين ؟؟؟؟
نواف: بس يمكن خلال فترة الملكة تتقبلك؟؟؟
فواز بحزن: هي مو متقبلة الفكرة اساساً ... شلون تتقبلني ؟؟؟ تعبت اجيها يمين تقول لي شمال ... اقولها فوق تقولي تحت ... تعبت معاها
نواف: طيب والحل انك تتزوجها؟؟؟ اذا كذا ما في حل الا الانفصال مو الزواج !!!
فواز: لا أي انفصال ... هي متزوجتني عشان ابوها ... اصلا هي ما بترضى لانها تبي ابوها يتزوج
نواف: وبعد ما ابوها يتزوج؟؟؟
فواز: ما ادري ... ما ادري ... انا نفسي مو عارف ايش اسوي
نواف: طيب ليش بتسكن هنا ؟؟؟ ما بتاخذ راحتها هي بوجودي ؟؟؟
فواز: انا ما ابيها تاخذ راحتها ... لو خذت راحتها بتطلعني برا الشقة ... خلها كذا على الاقل تحترمني قدامكم ..
نواف: ماا عرف ايش اقولك ؟؟؟
فواز: ما ابيك تقول لي شي ... ابيك تدبر لي شي اخليها ترضخ لي وتتقبلني ... طلاق مافي ... على الاقل أأدبها شوي
نواف: طيب خلني افكر ... ما في شي معين في بالي احين
فواز: خذ راحتك ... عندك شهر












بعد شهر من الأحداث ...



عـــــــــــــــــــــــــــــــــــــــــــــــــ ـرس
رؤى وفـــــــواز

خلصوا البنات امتحاناتهم ... والنتايج لسه ما طلعت ... بس هم ما افتكروا بالنتايج بسبب عرس فواز ورؤى ... حايسين بالتجهيزات ... وخايفين ينسون شي ...
عبدالعزيز ما رضى انهم يتزوجون بغرفة بس ... رتب لهم جناح صغنون على قدهم ... غرفة بمطبخ وصالة صغيررررررررررررة وحمام ... كل شي صغير في صغير ما عدا غرفة نومهم اللي شوي تعتبر كبيرة ...
منيرة عطت بطاقات لام محمد ... وقالت لها تعزم اللي تبي ... وتعتبر ان اللي يتزوج ولد سارة ... ونفس الشيب تسوي في عرس نواف ... خلاص يئسوا انهم يعرفون ...
ام محمد رفضت بالبداية ... بس بعد ما فكرت قررت انها تاخذ البطاقات ... وتعتبر الاثنين عيال سارة ... ومن حقهم ان اهلهم يحضرون...
لينا وليان ... نص البطاقات على صديقاتهم ... ما خلوا احد ما عزموه ... يبون يفرحون بأخوهم وبنت خالتهم الغالية ... وفرحتهم ما تنوصف ...



لينا طلعت من المشغل مع خالد ... هو اللي بيوصلها للفندق ..
خالد: اقولك لينا؟؟؟
لينا: هلا حبيبي
خالد: تذكرين كيف ملكنا؟؟؟
لينا: وهذا شي ينسى ... عليك هبال مو طبيعي
خالد بنظرة: هبال ها ؟؟
لينا: هههههه لا مو قصدي ... بس قصدي انك كنت مستعجل
خالد: وانا احين بعد مستعجل عالعرس!!!!
لينا بنظرة شك: يعني ؟؟؟
خالد: ايش رايك نسوي مثل الملكة ... تروحين وتلبسين فستان ابيض ونتزوج اليوم
لينا: لا هذا مو هبال ... هذا جنااااااااااااااااااان رسمي
خالد: جنان ها ... وطلع جواله
لينا: بتكلم مين؟؟؟
خالد: بكلم عمي وبطلبه ... وهو مابيردني
لينا: لا خالد تكفى ... ما ينفع
خالد: ليش ما ينفع؟؟؟ الناس معزومين ... والقاعة محجوزة ... ليش ما نخلي الفرح فرحين ؟؟؟
لينا: تصدق خالد .. بديت اشك انك بخيل!!!
خالد: اقوووووووووووووووووووول ... كأن عرق اخوانك ناط عندك اليوم!!!!
لينا: هههههههههههههههههه لا مو كذا ... بس ما شاء الله عليك كل ماشفت الناس متجمعة دخلت خشمك في الموضوع ... من غير ما تدفع شي
خالد: خشمي ها ... اشوف طال لسانك يا لينا ... لا لا لا لازم اكلم عمي ( ورفع جوال )
لينا: لا لا لا لا لا لا لا خلاص اسفة
خالد: اسفة كذا ما ينفع
لينا: يوووووووووووووووووووووووه خاااااااااااااااااااااااااااااالد
خالد: عيونه ... بس لا تحاولين تضيعيني ماااااااااافي
لينا: طيب ايش يرضيك؟؟؟
خالد: ترجعين معي بالليل !!!
لينا: خالد ما ينفع ... اكيد بنتأخر وحوسة
خالد: مافي تبيني ارضى ... اوصلك بالليل
لينا: طيب ... بس مو تاكل قلبي تاخرتي وتاخرتي ... الاكيد اني بتأخر
خالد: انا تحت امرك ... كم لينا عندنا؟؟؟
رن جوال خالد ... شاف الرقم وقام يضحك ...
خالد: هلا بسليطين !!!
سلطان: ايه انت مبسوط وانا بالشني باختك المتخلفة
خالد: ههههههههههههههههههههههههه والله البنت صادقة ... باقي اسبوع عالعرس
سلطان: واذا يعني ... قال ايش تشتاق لي !!!!
خالد: هههههههههههههههههههههههههههههههههههههههههههههههههه هههههه
سلطان: ايه اضحك ... ضحكت بلا ضروس
خالد: بسم الله علي ... طيب انا ايش ذنبي ؟؟؟
سلطان: اختك ... مو شغلي دبر عمرك معاها
خالد: سليطين ... هي تلفوناتك ماترد عليها ... تبيها تطلع معاك؟؟؟
سلطان: مو هذا اللي ذابحني ... بس بالمسجات ... ابي اسمع صوتها ياناااااااااااااااس
خالد: هههههههههههههههههههه طيب احمد ربك انها ترسل لك مسجات ... اعرف بنات حتى المسجات ما في بينهم
سلطان: الحكي ضايع معك ... ما ادري ليش متصل عليك ومكلف على نفسي
صكر خالد السماعة وهو يضحك ...
لينا: دوم هالضحكة يا رب ...
خالد: تسلمين حبيبتي ... وقعد يضغط على راسه .
لينا: سلامتك حبيبي ... فيك شي؟؟؟
خالد: الصدااااااااااااااااااااااااااع ذابحني ... صاير له فترة ما يتركني
لينا: سلامتك ... تبي ادلك لك اياه؟؟؟
خالد: لا حبيبيتي ... باخذ مسكن وبيسكن ... لا تحاتين





في الليل بقاعة الرجال ...
القاعة مليانة وزحمة ... فواز واقف بالبشت الاسود وابتسامته ما فارقت وجهه ... هو قرر انه ينبسط ويعيش فرحته بهاليوم وينسى اللي منتظره مع رؤى ...
الكل فرحان ومبسوط ... الاعمام رايحين راجعين ... يستقبلون هذا ... ويرحبون بهذا ...
نواف ... ما ترك اخوه ولا شوي ... يحس انه فرحان وبنفس الوقت خايف عليه ... فواز حساس بالمرة وما يستحمل مومثله هو اللي ما همه شي ...
نواف لفواز: ها ... بشر شلون النفسية ؟؟؟
فواز: الى الآن اوكي ... بس اذا قابلت بنت خالتك ما ادري ايش يصير ؟؟؟ الله يستر
نواف: ان شاء الله مو صاير الا الخير
فواز: ان شاء الله ... خلنا نعيش هاللحظات والباقي على الله


عبدالعزيز من بعيد وهو يناظر في اولاده وهم جنب بعض ... يتساسرون ويضحكون ... والدمعة في عينه ... اليوم بس تأكد ان اللي سواه صح ... لو ما سوى كذا ما كانوا حبوا بعض وتعلقوا ببعض كذا ... وهو من بعيد وكعادته يطالع في ولد سارة ويردد ( يا رب تخليه وتبقيه لعنين ترجيه ) ( يا رب تخليه وتبقيه لعنين ترجيه ) ( يا رب تخليه وتبقيه لعنين ترجيه )
تذكر منيرة الظهر ...
دخلت عليه منيرة قبل لا تطلع للمشغل ...
منيرة: عبدالعزيز
عبدالعزيز: سمي!!!
منيرة: ما بتقول لي مين ولدي ؟؟؟
عبدالعزيز:............................
منيرة: تكفى عبدالعزيز ... واحد منهم بيتزوج اليوم ... ولدي ولا لأ ؟؟؟
عبدالعزيز: ..............................
منيرة: عبدالعزيز ... تكلم ... لا تسكت ... لا تحرمني وتنقص علي فرحتي!!!
عبدالعزيز: ايش تبيني اقول ؟؟؟ انتي عارفة رايي بالموضوع!!!
منيرة: كل السنين اللي طافت بصوب ... واليوم بصوب
عبدالعزيز: ليش يعني؟؟؟
منيرة: لانه في كل السنين اللي طافت ... كنت افرح فيهم اثنينهم مع بعض ... كل المناسبات اللي طافت اجتمعوا فيها مع بعض ... اول مرة المناسبة تخص واحد فيهم بس
عبدالعزيز: ايش بتفرق معك ؟؟؟
منيرة: ابي اعرف مين ولدي ؟؟؟
عبدالعزيز: ..................................
منيرة: تــــــــــــــــــــــكـــــــــــــــــــــــــف ــــــــــــــــــــــــــــــــــــــــــى
عبدالعزيز: .....................................
منيرة: اللي بيتزوج اليوم ولدي ؟؟؟؟
عبدالعزيز: اثنينهم عيالك
منيرة: ما ينفع الحكي معك ... بس تأكد يا عبدالعزيز ... اذا كان فواز ولدي ... خلاص مابي اعرف بعد اليوم مين ولدي ... اذا انحرمت من فرحتي يوم عرسه ... ماله داعي اعرف بعدين ... وعمري ما بسامحك لانك سرقت فرحتي بولدي في اهم يوم بحياته ....
طلعت وتركت عبدالعزيز بحيرته بين منيرة وولده ....


حس بأحد يمسك كتفه ... لف لقاه تركي ...
تركي: في مين سرحاااااااااان ؟؟؟
عبدالعزيز: اطالع فواز ... واقول متى ولدي تركي يوقف مكانه؟؟؟
تركي: ربي يسلمك بالغالي ... بدري علي لسه
عبدالعزيز: اخخخخخخخخخخخخخخخخ مدري الى متى بدري؟؟؟
تركي: لا تخاف ... اذا نويت بجي بنفسي وبقولك اخطب لي
عبدالعزيز: الله يبلغني هاليوم بس
تركي: اتركني عنك ... عندك نواف ... استلمه
عبدالعزيز: ومن قال لك اني بسكت عنه ... لا تخاف
تركي: هههههههههههههههههههههههههههههههههههه




قاعة الحريم ...
رؤى في الجناح مع المصورة وعمتها حنان ... واقفة بأحلى طلة لها ... رؤى كانت رائعة بمعنى الكلمة ... جمال على نعومة على جاذبية ... كلها على بعضها تجنننننننننننننننن
دخلوا عليها البنات ...
لينا: جاهزة؟؟؟
رؤى: ايه
ليان: يالله نزفك يا احلى مرت اخو بالدنيا
رؤى: شلون شكلي ؟؟؟ اكيد كل شي زين ؟؟؟
لينا: تهبليييييييييييييييييييييييييييييين
ربى: الصراحة يارؤى حقدت عليك !!!
رؤى: افا ... ليش؟؟؟
ربى: صعبتي علي المهمة الاسبوع الجاي ... لو ايش اسوي ما بطلع احلى منك ... وكلهم بيقولون رؤى احلى
رؤى: انتي ما عليك كلام ماشاء الله عليك
ليان: انتي وياها ... بتتغزلون في بعض ونترك الناس تحت تتنظر ؟؟؟
لينا: يالله خلونا ننزل ...
حنان في اذن رؤى: يالله حبيبتي ... سمي بالله





نزلت رؤى على احلى زفة ... واحلى طلة ... والكل يسمي ويدعي لها بالخير ... فعلا كانت رائعة ... دخلت وقعدت على الكرسي ...
صعدوا لها صديقاتها يباركون لها ... وبنات العيلة ... والجو وناسة ورقص ...
فجأة سمعوا الاغنية اللي ذكرت رؤى بشي ما انتبهت له بالبداية ... اغنية رجعتها شوي لورى ... اول ما ملكت على فواز ...










بلغ حبيبك وقوله باخذك منه
هذا هو الحل ومالي أي حل ثاني

ما اقدر اقعد واشوفك بس واستنه
كل يوم عنك بعيد يزود جناني

من يوم شفتك وانا في داخلي ونه
ولعت قلبي ترا شبيت وجداني

قله ترى اموت لو ما تبتعد عنه
لازم انا اهواك ولازم انت تهواني

ياليت قلبك عرفني من صغر سنه
والله لأحبك واضمك بين احضاني

حبيب قلبي منعت القلب لكنه
يبغيك انته ولا يبغى احد ثاني





رفعت رؤى راسها وشافت اللي توقعته ...








ســــــــــــــــــــــــــــــــــــــــمــــــــ ــــــــــــــــــــــــــــــــــــــــر






لابسة فستان قصير يوصل للركبة ... وترقص على الأغنية وتطالع برؤى بحقد ... هنا رؤى بس انتبهت لكلمات الاغنية ... هي اول مرة سمعتها ما انتبهت ولا حطت في بالها اصلا ...
بس هالمرة ما تدري شلون انتبهت ... يمكن من القلق والخوف اللي عايشته ... ما تدري ... حقدت على سمر بقوة وقالت بقلبها ( ما تدرين اني مستغنية عنه وحلال عليك ... بس حركتك مرررررررررررررة سخيفة ومالها داعي قدام الناس )



بعد الرقص والوناسة اللي مالها آخر ... اتصلت لينا بنواف...
نواف: الو
لينا: يالله ... خلي فواز وابوي وعمي احمد يدخلون
نواف: ترى بدخل معهم
لينا: نعم ... وليش ان شاء الله؟؟؟؟
نواف: انا حالف ... محد يوصل فواز لعروسته غيري
لينا: نواف ... مالك داعي ... انت مو محرم
نواف: خلها تتغطى ... ما بطول ... بس اوصل فواز واطلع
لينا: اممممممممممممممممممممممممممممممممم
نواف: بدخل يعني بدخل ... لا تقعدين تسوين لي سوالفك ... انا اعطيك خبر مو اسألك او استشيرك
لينا: طيب ... انتظر ادور لرؤى شي تتغطى فيه
نواف: طيب ... وبقول للرجال

راحت لينا وغطت رؤى بعبايتها ... رمت عليها العباية بحيث ما يبين منها شي
ورؤى في نفسها حاقدة على نواف وفواز ... حتى يوم عرسي اللي اقصد يسمى عرسي ينكدون علي ...... اووووووووووف الله ياخذذذذذذذذذذذذذذذكم


عند باب قاعة الحريم ...
عبدالعزيز: نواااااااااااااااااااااااااف من جدك بتدخل ؟؟؟
نواف:جد الجد بعد
عبدالعزيز: صدق ما تستحي !!!
نواف: ليش يبه ... بوصل اخوي واطلع على طول
عبدالعزيز: مالك داعي
فواز: يبه ... خله يدخل ... انا مرة مبسوط بمفاجأته هذه
عبدالعزيز: اصلا الكلام ما ينفع معكم ... طول عمركم ما تسمعون الكلام ... اليوم بتسمعون كلامي
نواف: يبه ... ماله داعي ننكد على فواز اليوم؟؟؟
عبدالعزيز: قول لنفسك
فواز: يبه ... نواف ... خلاص ... الموضوع مو مستاهل ... يالله خلونا ندخل
وفعلا ... تغطت رؤى ... ودخل فواز وابوه وعمه احمد واخوه نواف ...
وصلوا المسرح وصوروا ...






رشا: سمممممممممممممممممممممممممر شوفيه يهببببببببببببببببببببببببببببل
سمر: اسكتي واللي يرحم والديك ... منقهرررررررررررررة من الكلبة اللي قاعدة ... اببببببببببببببببببببد ما تستاهل فواز
رشا: اكلمك عن نواف!!!
سمر: هذا اللي هامك نواف؟؟؟ اشبعي فيه ... انا اتكلم عن فواز ... ما اخليها تتهنى فيه
رشا: طيب ايش ناوية تسوين؟؟؟
سمر: ابيك تساعديني!!!
رشا: انا تحت امرك
سمر: اسمممممممممممممممممممممممممممممممممعي



بعد ما خلصوا تصوير ... نقز نواف بالنص ورقص ... والبنات كلهم تشجيع وتصفيق وحماس ... منهبلين على الولد الحلو اللي يرقص بالنص ... واول ما خلص رجع لاخوه فواز وحضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضنه بالقوة ... وهو ماسك دمعته بالغصب ... اول مرة بيفترق عن اخوه ... هم دايم مع بعض ... حتى في الدوام مع بعض ... ولو واحد ما داوم الثاني معاه ... ومن اليوم كل واحد بينام بجهة ...
نواف: خل بالك على نفسك
فواز: وانت بعد
نواف: معاك دواك ؟؟؟
فواز: في جيبي
نواف: اذا تبي أي شي ... دق علي ... لا تطالع بالساعة
فواز: لا تحاتي
نواف: شلون ما أحاتي ... اكيد بتجيك الحالة اليوم كالعادة بعد أي عرس او مناسبة من هالعطور اللي تشمها
فواز: لا تخاف ... دواي معاي ... ومو صاير الا الخير
نواف: انتبه على نفسك
حضنه مرة ثانية وباسه وطلع ...


فواز ... ماسك دمعته بالغصب ... معزة نواف بقلبه مالها حدود ... الله لا يفرقهم يارب ...
حس بأحد وقف جنبه ... لف وجهه شاف لينا مع رؤى ... رفعت عنها الغطا ... وتساعدها توقف ... انبهرررررررررررررررر بجمالها ... بس مع هذا باله مو معاه ... يفكر بموقفها اذا بقى معاها لوحده ...
صوروا احمد وعبدالعزيز مع عيالهم ... وسلموا مرة ثانية عليهم ...
سلم عبدالعزيز على فواز ... هنا فواز ما قدر ... سحب ابوه وحضضضضضنه بقوة ... وباسه على راسه
عبدالعزيز: الله يوفقك يا ولدي ... ويسعدك ... خلي بالك من رؤى ... تراها طيبة ومسكينة مالها احد ... لا تكسر بخاطرها
فواز: تامر يبه ... لا توصي حريص
عبدالعزيز: يالله ياولدي ... نشوفك على خير ... وانتبه على نفسك


احمد حضن رؤى ... وهي ما قصرت ... مسكت فيه بأقوى ماعندها ... واشتغلت صيااااااااااااااااااااااااااااااااح ...
احمد: خلاص يارؤى ... الناس يقولون مزوجها غصب ( قالها مزح وهو يضحك )
رؤى في نفسها: غصبتني يا بابا بس بطريقة غير مباشرة
احمد: هالله هالله في زوجك يا بنتي ... حافظي عليه وحافظي على سره ... وعامليه بالحسنى ... واستحمليه واستحملي عصبيته ...
رؤى وهي منزلة راسها: ان شاء الله
احمد: يالله انا بطلع ... والله يعيني على فراقك



طلعوا احمد وعبدالعزيز ... وصعدوا محارم فواز عنده ...
اول من صعد امه منيرة ... اللي كانت طول الوقت واقفة بجنبه بعبايتها والدمعة في عينها ... هنا قدم لها فواز ... وحضنها بقووووووووووووووووووة
منيرة وهي تمسح دموعها: مبروووووووووووووووك يا ولدي
فواز: الله يبارك فيك يمه
منيرة: الحمد لله ربي بلغني هاليوم
فواز: ان شاء الله تزوجين عيالي ... الله لايحرمنا منك



لف وجهه ... شاف البنات يصعدون له على المسرح ... سلم عليهم كلهم ... لينا ... ليان ... لما ... شهد ... رغد ... جود ... وعد
بعدها امه نورة وجدته ام محمد ... كلهم حوالينه مبسوطين ... والبنات شغالين رقص ... وام محمد ما وقفت دموعها هي ومنيرة ...
وبعدها صعدوا العمات ... طبعا حصة وفوزية مو عاجبهم الوضع ... ومريم مسكينة ابتسامتها مو مفارقة وجهها ومبسوطة لولد اخوها ...


خلصوا سلام وتصوير ... وجوا بيطلعون فوق لجناحهم المحجوز بالفندق ... طبعا خواته معاه ... وامه سلمت عليه ... واعتذرت انها ما تقدر تصعد معه لانها ما تقدر تترك الضيوف ... طبعا العمات ما يبطلون لقافة صعدوا معاه ويمكن قبله ..
وصلوا فواز ورؤى الجناح ... ودخلوا ... الجناح قمة في الفخامة ... بسطوا خواته على كنبات الصالة ... هم والعمات ... ورؤى معاهم ... يسولفون ويمزحون ...
فواز: والله شكلكم مطولين ؟؟؟
جود: والله يا اخي العزيز ... منتظرينك تعزمنا !!!
فواز: اعزمكم على ايش ؟؟؟
ليان: انا نقعد معكم ونونسكم ... اكيد بيضيق خلقكم بروحكم ؟؟؟
فواز: يا سلاااااااااااام ... وانتي اللي بتونسينا ؟؟؟
رغد: مو بس هي ... كلنا في خدمتكم يا خوي
فواز: وانتي ايش اللي مجلسك هنا ؟؟؟ وين سلمان عنك ؟؟؟
رغد: وي فديته !!!
فواز وهو يقلد صوته: وي فديته ... استحي على وجهك يا بنت
رغد: زوجي وحلالي وكيفي
فواز: اذا زوجك وحلالك وكيفك على قولتك ... ضفي وجهك وروحي عنده
جود: وييييييييك ويييييييييك وييييييييييييك فشلها
فواز: وانتي ايش مجلسك ؟؟؟
جود: انا الحمد لله ... ماعندي احد اتفداه ... بقعد عندك
فواز: والله يا كثر الشباب تحت ... روحي اختاري لك واحد وتفديه لين تقولين بس
الكل: ههههههههههههههههههههههههههههههه



وما حسوا الا بصوت صراخ عند الباب ... ركض فواز يفتح الباب ... شاف بنتين شايلين وحدة ومبين انه مغمى عليها ...
فوزية: بنتي !!! ايش فيها ؟؟؟
رشا: سمر تصكر باب اللفت على رجلها ... ومن الخوف الظاهر اغمى عليها
فوزية: دخلوها دخلوها بسررررررررررررررررررررعة
ورشا ومعها فرح اخت سمر من الجهة الثانية ... دخلوا سمر على غرفة النوم على طول وسدحوها على السرير ... من غير ما يستأذنون احد

هنا البنات كلهم فتحوا عينهم ... حتى لو تعبانة ... المفروض نوموها على كنبة الصالة ... مو غرفة نوم العرسان !!!!

فواز واقف برى ومو مستوعب اللي يصير ... يحاول يجمع ...
جته عمته حصة ... انت واقف هنا ... ادخل اكشف على البنت ... شكلها ماتت ..
فواز: ها ... شلون اكشف عليها ؟؟؟
حصة: انا اعلمك شلون تكشف عليها؟؟؟ ادخل البنت بتموووووووووووووت
دخل فواز وهو منصدم ...
ليان: ماله داعي ياعمه يكشف عليها .. خلونا نكلم ابوي تحت ... يجي ويكشف عليها ... ليش نعرضها للكشف على مو محرم ؟؟؟
فوزية: هذا وقت محرم ومو محرم ؟؟؟ هو يكشف كل يوم في المستشفى على الاف البنات ... بتوقفين على الباب وتقولين له محرم ومو محرم؟؟؟
ليان: صح يكشف على البنات ... بس مو بكامل زينتهم يا عمة

رشا اللي كانت تحاول تصحي سمر من اغماءتها ....
رشا: صحت ... صحت ...صحت
فوزية: الحمد لله ... الظاهر عين ما صلت على النبي
جود في نفسها: مدري على ايش عافانا الله
رشا: بس يا خالتي لازم نشوف اذا رجلها فيها كسر أو لا؟؟؟
فوزية: اكييييييييييييييييد ...فواز يدخل احين ويكشف عليها
وطلعت تنادي فواز ...
رشا: يا ليت تطلعون بنات ... هي لسه دايخة ومكتومة ... هووا الغرفة شوي ... احس ما فيها اكسجين !!!!
ليان: وتبقى مع فواز بروحها؟؟؟
رشا: لا خلي رؤى توقف معهم
حصة: صادقة يا بنتي ... وطلعتهم كلهم ماعدا رؤى اللي واقفة وفاتحة عينها مو مستوعبة اللي يصير ... وتناظر في سمر اللي نايمة على السرير وشايلة العباية ... بفستانها القصير والعاري ... فواز يدخل عليها كذا ... صج ناس ما تستحي ... لا وامها موافقتهم بعد

دخل فواز وهو مو عارف ايش يسوي ... هو الرجال منحرج من الموقف ... ما يدري كيف هالبنت عادي عندها ...
دخل ونزل بشته وعطاه لرؤى اللي واقفة تطالع فيه ... من غير أي تعبير على وجهها ... خذته وعلقته على الشماعة ...
قرب فواز وقعد على طرف السرير: سمر
سمر وهي مغمضة عينها: اممممممممممممممممممممم
فواز: سمر ... تسمعيني
سمر فتحت عينها: ايه
فواز: وين يعورك ؟؟؟
سمر: رجلي
فواز: وين؟؟؟
سمر: ساقي !!!
مسك فواز ساقها: وين بالضبط ؟؟؟ هنا ؟؟؟
سمر بدلع: لا
غير مكان مسكته: هنا؟؟؟
سمر: لا
وعلى هالحالة ... الى ان وصل لركبتها ... ومسك فوق الركبة بشوي ...
هنا نقزت سمر ... ومسكت يده ... وعدلت جلستهاوقربت منه بشكل خلاص ... شوي وتلصق فيه ... ايييييييييييييييييييييييييييييييييي
حس فواز بنفسها على وجهه
فواز انقرف منها ومن حركتها ... ووقف على طول: ما فيك شي ... رضة بسيطة ... وطلع وتركهم
لفت رؤى اللي مو عاجبها الوضع من البداية تبي تطلع ... نادتها سمر ...
سمر: رؤى
طالعت فيها بحقد: نعم!!!
سمر وقفت وراحت لعند رؤى وهمست لها حتى ما يسمعها احد: ما راح تتهنين بفواز ... اللي صار درس لك بس
رؤى: ايش تقصدين ؟؟؟
سمر: نمت على فراشك قبلك وفي يوم عرسك ... وفواز مسكني قبل لا يلمسك ... عشان بس تعرفين ... وما تقربين لشي من ممتلكات سمر
رؤى وهي فاتحة عينها: وقحححححححححححححححححححححححححححة
سمر: ههههههههههههههههههههههههههههههه شكرا .. حاولي تستمتعين مع فواز كثر ما تقدرين ... لانك ما بتطولين معاه ...
وطلعت وخلت رؤى واقفة منصدمة ان في ناس بالوقاحة هذه ...



بعد اللي صار ... طلعوا البنات وهم متنكدين ... هم ماعرفوا باللي صار داخل الغرفة ... بس طريقة عمتهم وبنتها ضايقتهم ... وحسوا انه فواز طلع وهو متضايق وواصل حده ... سلم عليهم فواز من غير نفس ... وهم حسوا وتأكدوا ان سمر سوت مصيبة داخل ... وخصوصا ان رؤى ما طلعت بعدها ...


اول ما طلعوا حس نفسه انه مخنوق ... في ناس بالوقاحة هذه ... طيب ليش سوت كذا ؟؟؟ رجلها باين ان ما فيها شي!!! يمكن من الخوف حست بكل هالاشياء ... بس لا ذكرتني بوقاحة رشا في بيتنا مع نواف ... طيب ليش يسوون كذا ؟؟؟
اووووووووووووووووووووووووووووووووووووووووووووووووو وووووووف
نكدت علي اليوم ... الله ياخذذذذذذذذذذذذذذذذذذك يا سمر ...





..................................... تكملة الجزء الثالث ............................

منشورة في: روايات