تعبت أشكي الجزء الرابع

هالأيام..!!ليتني أسمع صوتها...

هههههههههه شكلك تحلم كثيير يازياد..

دخلت غرفة التؤام ..خواتي ..وأول مافتحت الباب ..طاحت عيني على

ترف..وهي جالسه تهذر ...أكيد تسولف مع رهف.. فتحت الباب أكثر

..وشفت ......معقوله سوزان ..ياربي..مش مصدق...سوزان..موجوده

هنا..شكلي من كثر مافكر فيها جت لعندي...



ترف\زيــاد ..الحمد على السلامه......

ترف\أخينا في الله ..ياهــوا..الناس يردون السلام...عاش من

شافكم..مو تعطينا سفط وماترد علينا..زيـــــاد

ترف\ويه شكل الولد أستخف...

سوزان\الحمد لله على سلامتك زياد!!

زياد وهو متسند على الباب\الله يسلمك...شخبارك سوزان..

سوزان\الحمدلله...وأنت شلونك..

زياد\عايشين...

ترف\ياسلام...يوم أنا أتحمد لك بالسلامه ماترد علي..واللحين أشوفك

داق سوالف مع سوزان هانم!!

زياد\حبيبتي تروفه..انا كل يوم اشوف وجهك..أما بنت عمي سوزان

علمي فيها من سفرة لبنان..

ترف\اللي يشوفك اللحين يقول أربع وعشرين ساعه جالس في البيت

أغلب يومك في هالرحلات..

زياد\شسوي ياحظي..شغلي كذه..المهم تامرون على شيء بروح

أنام..لأني تعبان حيل..

ترف\لا سلامتك..

زياد\وأنت سوزان !!

سوزان\تسلم...مانبي غير راحتك...

زياد\الله يسلمك ويسلم غاليك...سلام

طلعت من غرفت خواتي وأنا فرحان ومرتاح في نفس الوقت..أخيرا

شفت سوزان وهدى قلبه..اللحين الواحد يعرف ينام عدل وبسلام..


الجزء الثاني والعشرين

جالسه على الكرسي وأطالع المرايه اللي قبالي...أوووف مليت..والله مليت

من هالشغلات.. تنظيف وجه وشمع وحمام بخار وزيوت وعفسه..والله ماله

داعي كل هالأشياء ماتسوي فايده..بشرتي قبل والله أحلى وأنعم.. يعني

لازم أطيع كلام العنود وأخذ دوره أسبوعين ..وكل يوم أروح


الصالون..ملل..

حنين\عنود تكفين قولي للخبله تشيل اللي في وجهي..

العنود\حنين حبيبتي حرام عليك تونا حاطين قناع الوجه أنتظري شوي..

حنين وبدت تعصب\العنود ..حلفي أنتي بس!! أقولك خلهم يشلونه

..وتقولين لي أنتظري..بذبحك ترى.بسرعه روحي ناديها ورانا مشاوير

ثانيه..


العنود\زين زين لاتعصبين...

نادت العنود أحدى موظغات الصالون ..وبعد أصرار حنين رضت الموظفه

أنها تشيل القناع..ودقوا على عمر ..عشان يكملوا باقي تجهيزاتهم..





مرام\تكفين سوزان تمي عندنا..

سوزان\لا ماأقدر نسيتي أنا بكره مدرسه..وحتى انت وراك كليه..

مرام\تكفين اللي يشوفك مره دوافير على غفله..

سوزان\ولو..وبعدين أنا ماقلت لأمي..ولا جبت لبس معي..

مرام\قولي أنك ماتبين تنامين وخلص...

سوزان\صدقيني صعبه..

مرام\طيب....مين بيجي ياخذك!!

سوزان\خالد بيجي الحين..

مرام\أها..



دقيت جرس البيت ..وفتحت لي الخدامه الباب ..وسألت عن البنات

وقالت لي الخدامه أنهم فوق..جلست في الصاله..وشغلت التلفزيون أفرر

المحطات..حطيت على روتانا..وكانوا عارضين حفله لــ شيرين وكانت

تغني أغنية بتوحشني.. وقمت أردد الأغنيه معها..ومدري ليه ساعتها

تذكرت وأشتقت لطلعات لبنان..والتطنزعلى ترفوا واللمه

الحلوه..ياحلوها من أيام..!!ليتها تعود والله..!!

سمعت صوت أنثوي يجيني من بعيد ..صوت فقدته صراخه هالأيام ..



ترف\مساء الخير..

قمت من الكنبه وردت عليها بابتسامه\مساء النور

ترف\لالالاالا الصراحه أنا ماأقدر على هالشيء!!

أستغربت أكثر ايش فيها ترف!!

خالد\وش اللي ماتقدرين عليه !!

ترف\خالد..ولد عمي ..جالس يسمع أغنية شيرين وهادي ومؤدب..من وين

طالعه الشمس اليوم!!


ايه والله صادقه ياترف!!أيش فيني..!!لهدرجه الأغنيه أثرت فيني صج خبل..

خالد\والله ماينعرف لكم أنتوا يالبنات..اذا سكتنا وصرنا حلوين..تقولون

ليش ساكتين!!واذا صارخنا في وجيهكم وعطيناكم كم كلمه

محترمه..ذبحتونا!!

ترف\لا ..والله أنك مو طبيعي ...حتى ردك صاير هادي !!

خالد\هههههههه الدنيا يابنت العم تتغير..دوام الحال من المحال..

ترف\حرررررررركات وقام يقول حكم..

خالد\أحم أحم...أصلا أنا كلي درر..بس ماأحد حاس..

ترف\أقول بس ..لاتغتر علينا وتشوف نفسك..مو عشاني مدحتك..تتكبر..

خالد\تصدقين عاد ..والله أني معطيك وجهك زياده عن اللزوم..اقول بس

روحي نادي أختي..بمشي..

ترف بغرور\أنـــا...ترف بنت أبوي..أطلع فوق وانادي أختك..أظن

عندك رجلين رح نادها بنفسك...

خالد\أصلا أنت تتشرفين أني أأمرك ..غيرك يبي هالشيء ومش محصله..

ترف\ويه مالت..صج شايف نفسك..مدري على أيش!!

خالد\تدرين أن لسانك يبيله قص!!طويله زياده عن اللزوم..

قربت منه ترف وطلعت لسانها\يالله قصه...بسرعه ماعندي وقت..

خالد\وعععععععععععععع..من حلاة هاللسان عشان تطلعينه..خشي لحد

يشوفك..اخاف اذا أحد شافك ماينام بالليل..

ترف\ياربي..على هالدم الخفيف..تكفي مسكه لا يطيح..أخاف يسيح..

خالد\لا لاتخافين عندي دم فائض..اذا خلص ..

ترف\سخيــــف..

خالد\وانتي ..أسخف..

ترف\ أنت مغرور

خالد\ وأنتي متكبره

ترف\أنا أكرهك..

خالد\وأنا أحبك..







مرام+سوزان\هههههههههههههههههههههههاي حلوه المسرحيه عيدوها

ثانيه..

سوزان\سخيف

مرام\وأنت أسخف

سوزان \أنت مغرور

مرام\وأنتي متكبر

سوزان\أنا أكرهك

مرام\وأنا أحبــــك ههههههههههههههههههه

سوزان\ياحليلكم والله..أخوي خالد..لاتقول تحبها والله بعدين تصدق

البنت..

مرام\أي والله ترى هالأيام...مااحد يفرق بين الصدق والكذب..



كانوا الأثنين خالد وترف يطالعون في بعض وهم متجمدين..كل واحد يناظر

الثاني بنظره ..مايعرف معناتها..المهم انهم يطالعون بعض وبس..

خالد(...ياربي ايش قلت أنا!!وش بتفكر الحين ترف!!معقوله طلعت مني

الكلمه عفويه وبدون قصد..والا صادق في قولها..)

ترف(يمه بمووت..شالموقف البايخ اللي أنحطيت فيه!!كله من سبتي لو

ماعاندته..كان ماقال هالكلمه..اكيد اللحين بيفكرون أنه يحبني..أعرفهم

..دايما تفكيرهم سيء مثلهم..اوووف)

تكلمت ترف وهي تحاول تنقذ هالموقف\هههههههههه ياحليلك ياولد عمي

صج خبل!!..ماقلت هالكلام الا قدامهم ترى الحين بيصدقون..والله يعيني

كيف بفك منهم ومنك..!!صج لزقه..

خالد\يصدقون والا بكيفهم..مابقى الا أحبك أنتي ..قلوا البنات!!

ترف\عاد أنا اللي ميته عليك..روح يابابا روح..بسم الله علي منك..

خالد\أنا اللي بسم علي ..مش أنت..

ترف\لا أنا!!

خالد\أنا

ترف\أنا ياخالد

خالد وهو مقرب منها أكثر وبتحدي\لا أنا ياترف..

سوزان\خلص حبايبي أحنا والله أحنا بس خلصونا أبي أروح البيت..

خالد\يالله أصلا أحس أني بختنق اذا جلست أكثر من كذه ...مافي

هواء..أوووف..

ترف\أقول بس روح خلصت علينا الأوكسجين من كثر ماتزفر...

طلع خالد من بيت عمه مع أخته وهو مرتاح أن ترف أنقذت هالوقف اللي

أنحطوا فيه والا كانت بتصير بلاوي...

خالد0(أنا احب ترف الخبله الولد...!!هزلت والله..بس ايش فيني قلت

هالكلمه..!!لالا أكيد ماكنت قاصدها..انا أعرف نفسي اذا شفت ترف أفقد

أعصابي..مالت عليها هالبنت تجنن بلد)






بعد مرور أسبوع من الأحداث السابقه...

العنود\حنين ماتلاحظين شيء!!

حنين\مثل!!

العنود\فيصل من يوم المللكه ماكلمك..

حنين\أحسن

العنود\طيب اذا كلمك بتردين عليه

حنين\هذا اذ كلم..مستحيل يكلم!!

العنود\وليش الثقه!!

حنين\لأني أعرف فيصل ..شايف نفسه مدري على أيش..!!

العنود\تصدقين أنكم تصلحون لبعض...

حنين\وليه أن شاء !!

العنود\مدري أحس أني عندكم صفات مشتركه..

حنين\اللي هي..

العنود\عزة النفس..

حنين\الواحد بدون عزة النفس هالأيام...مايسوى شيء..

العنود\أي والله صادقه..

حنين\المهم قومي شوفي عمر وينه...مانبي نتأخر على الخياطه..

العنود\أن شاء الله





طلعت من البيت وأنا شبه فرحان..لأني بروح بيت زوجة المستقبل ..ووراي

كانت شاحنه محمله أغراض للعرس..هذه عادات تقليديه مالها داعي ..بس

لازم نسويها..وأمي أصرت علي أني أوديها..على قولتها (عيب أنت ولامره

شفت زوجتك من يوم الملكه)...ياحليلك ياامي..!!والله أنك على نياتك

وماتدرين عن شيء.. زوجتي الموقره ماتبي تشوفني..وأنا مستحيل أتنزل

واروح لها...آآه ياحنين ياترى أيش تسوين الحين!!خلصتي أغراضك..والا

لا!!
صج غبي!!وش علي منها..خلصت ..ماخلصت هي حره بكيفها...!!

لامش حره..أنا زوجها ولازم أعرف كل شيء عنها...

لكني مش مستعجل ورانا وقت طويل..وأكسر هالغرور اللي فيها!!

وصلت بيت حنين ...ونزلت من السياره...ومشيت لمن وصلت للباب

..ودقيت جرس البيت وبعد دقايق شفت عمر يفتح الباب لي ويرحب

فيني..شكل الوالده قايله لهم أني بجي...حاول فيني أدخل بس أنا

مارضيت..ودي وماودي..أخاف اذا دخلت تصدق نفسها المدام أني ميت

عليها...وأخاف اذا مادخلت أمووت قهر لأني من جد أبي أشوفها..!!صج

بلوه...!!

حاول فيني عمر اكثر ..بس مارضيت..وبعدها قلت له يفتح كراج بيتهم لأني

بنزل الأغراض..

المسكين ماقدر علي..وفتح الكراج ودخل البيت ينادي أمه..



أم حنين\وين..وين رايحيين!!

حنين\يمه أيش فيك بروح الخياطه !!

أم حنين\أنتي نسيتي أنا فيصل بيجي اليوم..

حنين\فيصل!!!يمه أنت ماقلت لي أنه بيجي اليوم..ماعليه اذا جاء خل عمر

يجلس معه..لأني أنا مستحيل أظهر له..

دخل عمر بهاللحظه وقالهم الخبر اللي قهر حنين وضايقها

عمر\يمه فيصل جاء...

حنين\أووف لو الحين أنارايحه كان مانحطيت بهالموقف..

عمر\لا تخافين هو مش جالس لكنه جايب معه أغراض كثيرة..

أم حنين\ياويلي وأنت تارك الرجال بره ..دخله المجلس..

عمر\قلت له ..بس هو أصر أنه مايدخل..يقول مستعجل ووراه شغل

كثيير..

أم حنين\زين..تعالي ياحنين معي تسلمين على زوجك..

حنين\لا مش رايحه..

أم حنين\وليه أن شاء الله..

حنين\قولوا له أنه طلعت..

أم حنين\لا ياحنين ..بتروحين معي غصبن عنك ..وبعدين أنا ماتعودت

أكذب..

حنين بتوسل\يمه الله يخليك ماابي أشوفه..

أم حنين\حنين حبيبتي هذا خلاص صار زوجك..ومردك بتجلسين معه في

بيت واحد..

حنين\يمه هذا أنت قلتيها مردي بشوفه..تكفين يمه تكفين..

عمر\يالله عاد حنين ..الرجال ينتظركم بره..

حنين\ليه ..هو قال يبي يشوفني..

عمر\ماقال ..بس شيء طبيعي أنه يشوفك...

أم حنين\يالله يابنتي الله يهديك..

حنين\آمنت فيك يارب..يالله..

وتوها بتمشي الا مسكتها أمها..

أم حنين\بتطلعين له كذه!!

حنين\أيه وش فيها..

أم حنين\من صجك أنت..

حنين\أيه!!

أم حنين\أقول روحي البسي غير ي لك هالجلابيه اللي لابستها..

حنين\يمه مش مغيرتها...وكيفه أذا يبي يشوفني والا لا..بسلامته..

أم حنين\العنود..أقنعي أختك..

العنود أحتارت بين أمها الطيبه أختها المعانده...

العنود\خلص يمه لاتكبرون الموضوع..أحنا بنطلع اللحين تسلم عليه ونمشي..

أم حنين\أبيك تكحلينها عمتيها..

عمر زهق منهم وعصب لأنه ترك فيصل لوحده كثير..

عمر\يمه يالله..فضحتونا..الرجال بره..

أم حنين\أنزين يمه يالله..

طلعت أم حنين مع عمر للحوش وأول ماطلعوا شافوا فيصل متسند على

الباب ومكتف أيده يطالع العمال وهم ينزلون الأغراض في الكراج وشكله

سرحان..



ام حنين\السلام عليكم ولدي فيصل..

قرب فيصل من أم حنين وسلم عليها وحب راسها

فيصل\وعليكم السلام ..هلا عمتي شلونك !!

أم حنين\الحمد لله ياولدي..وأنت شعلومك وشعلوم الأهل

فيصل\الحمد لله.. الله يجزيك خير..كلهم يسلمون عليك..

أم حنين\الله يسلمك ياولدي..حياك تفضل..

فيصل\لا ياعمتي ..والله أني مشغول حيل..ان شاء الله مره ثانيه أجيكم..

أم حنين\لا شالكلام يافيصل لازم تدخل ..والا مش عاجبينك أحنا..

فيصل\أفا ياعمتي أنتوا الخير كله..بس والله ماأقدر السموحه

هالمره..تامرون على شي قبل ماأطلع!!

ام حنين\لا ياولدي سلامتك..

فيصل الله يسلمك مع السلامه



حنين\فيــصل.....

لف فيصل جسمه كله ..وأتجهت عيونه لــ حنين..

وأشرت أم حنين لولدها عمر..انه يجي معها داخل..عشان ياخذون راحتهم

بالكلام

أبدا ماتوقع أنه يشوفها ..كان فاقد الأمل..وخصوصا يوم شاف أن عمته جايه

لوحدها..حتى ماقالت له أن حنين بتجي..بس لحظه ...!!

ليه متحجبه!!معقولـــه!!معقوله لحد الآن ماتقبلتني كزوج لها!!

آآه والله تقهر هالبنت!!ودي أذبحها..بس ماأقدر..

لكن تصرفاتها تقهرني..لا وبعد معصبه..بالله عليكم هذا وجه وحده تقابل

زوجها!!بس والله حلوه...حلوه ..حتى لو معصبه..

قربت مني أكثر لمن صارت المسافه اللي بيني وبينها خطوات معدوده..


حنين\السلام عليكم..

أبتسمت لها..ايه أبتسمت...من شوي كنت معصب,,ويوم سمعت صوتها

الناعم

نسيت كل شيء..صدقوني هالبنت ساحرتني..

أتأملت فيها شوي وبعدها رديت السلام...

فيصل\شلونك حنين!!

حنين\الحمد لله...

فيصل\.....ها خلصتي أمورك والا!!

حنين\أممم يعني شوي وخلص..واليوم أن شاء الله بروح الخياطه ..هذا أكبر تصريح بأنها تبيني ماأطول..لأن اللحين المغرب..وأكيد بتروح

اللحين وأنا عطلتها..

فيصل\بتروحين مع مين!!

حنين\مع عمر .وأختي..

فيصل\لوحدكم...!!

حنين\أيه..في شي !!

فيصل\لا أبد سلامتك..بس...لو تروح أمك معك أحسن خصوصا أن

الوقت شوي متأخر ..

حنين\عادي..انا أغلب مشاويري أروحها مع أخواني ..وأعتقد مافيها

شيء..لأني كبيره وأفهم..



فيصل وبدى يعصب\أووه آسف مدام حنين نسيت أنك كبيره وتفهمين أنا

اللي ماأفهم..لأني خايف عليك...

حنين\مايحتاج أنك تخاف...لاتحاتي..

فيصل وهو يبتسم عشان ماتبين عصبيته لكن هالأبتسامه

فاضحته\أوكي..محتاجه شي!!..

حنين\سلامتك...

فيصل وبعد ماتنفس بالقوه\مع السلامه..

طلع فيصل من عند حنين ونار تغلي بصدره..حتى نسى أنه في عمال ينتظرونه

بس زين أن العمال وقفوه قبل مايركب السياره..

أعطاهم فيصل حقهم ..وراحوا لحال سبيلهم...

ولحد الآن فيصل ميت قهر من حنين الود وده..يذبحها ويدخلها البيت

ولاتطلع موليه..لكنه مسك نفسها وحاول يهدى شوي..مايبي فضايح..لأنه

يعرف نفسه اذا تمادى بالكلام بينسى روحه ..وحنين واللي جاب حنين...

ام حنين\أنت من صجك كيف تقولين له هالكلام...والله زين الرجال ساكت

عليك!!

حنين\يمه تكفين أنا حره بتصرفاتي..وبعدين مااحد قاله يسألني..توه يتفرغ

يسأل مع مين أطلع...

أم حنين\ولو يابنتي..مهم كان هذا زوجك..لازم تردين عليه باحترام...

حنين\آآه يايمه خليني ساكته...صدقيني يمه ..والله غصبن عني..كل

ماأتذكر..أني ارغمت عالزواج بسبب هالفيصل,,وعشان أرضي


أبوي..أتذكره..وأحط حرتي كلها فيه..ماأقدر أنسى ..صدقيني يمه ماأقدر

أتقبل فيصل..ماتعودت عليه..احس اذا شفته..او سمعت أحد يتكلم عنه

الشياطين كلها تتجمع براسي..وأكرهه أكثر من قبل...

أم حنين برجاء\لا يابنتي لاتقولين هالكلام..لاتعورين قلبي...وانا اللي

مفكرتك بديتي تتأقلمين على الوضع..بس والله أني كنت حاسه أنك متضايقه

حيل ..وودك تفركشين كل شيء

حنين\يايمه أنت أكثر وحده تعرفيني..وكل شيء صار غصبن عني..مش

بارادتي.. لكن خلاص يايمه..أنا تعبت...وخله شوي يذوق المر اللي ذقته..

دخلت حنين غرفتها وهي مره متكدره ..حتى نست سالفة الخياطه او أنها

يمكن تناست الموضوع لأنها ماله نفس لشيء..يكفي جيت فيصل عشان تكره اليوم كله..

أم حنين\عمر تعال معي ناخذ الأغراض اللي بره..

عمر\وين نحطهم يمه..مافي مكان...

أم حنين\يعني كيف نخليهم بره..امش معي بلا هذره ..تراني مش ناقصه..

عمر\أن شاء الله يمه أن شاء الله بس أنت الله يخليك هدي أعصابك..مو زينه

عليك العصبيه..

أم حنين\آآه ياعمر والله مدري أشفيني..حتى شكل السكر مرتفع عندي..

عمر\متى آخر مره حللتي يمه!!

أم حنين\من زمان ياولدي ماحللت...

عمر\خلاص يمه بكره الصبح مش رايح المدرسه عشان أوديك المستشفى..

أم حنين\لا ياعمر...ماعليك مني اهم شيء أنت ودراستك...أما أنا أروح

يوم الأجازه معك..مش مستعجله..

عمر\بس أخاف يايمه أن يزيد السكر او ينخفض عن مستواه..وتتضررين..

أم حنين\لا ياحبيبي ..مش صاير فيني شيء..أمش معي ناخذ الأغراض.....

عمر\لا يايمه..انتي قعدي وأنا بروح أشيلهم..

أم حنين\أخاف تتعب...

عمر بابتسامه\تعبك راحه..يابعد هلي والله...

أم حنين\الله يرضى عليك ياولدي....





سعد (بو حنين) \سافر!!!!

صالح\أيه سافر!!

سعد\طيب..والحل...كيف نخلص أمورنا...الرجال سافر..

صالح\شوف....مافي الا نروح لصاحبنا..ونطلب منه...لأن هذا الوسيله

الوحيده..والموجوده حاليا...

سعد\طيب واذا مارضى يستقبلنا...انت نسيت السالفه الأخيره اللي بينا

وبينهم...

صالح\لا مانسيت..بس وش نسوي..مافي الا هالحل..والا أنت عاجبك

وضعنا...

سعد\ياخي هالرجال ماوراه الا المشاكل..خلنا نشوف غيره أحسن...

صالح\يالله قولي مين..وانا معك....

سعد\يعني أنت ماتعرف غيره...

صالح\لا....انت تعرف..!!

سعد\وش بيعرفني ياصالح..أحنا مانتعامل الا مع واحد..

صالح\خلص أجل نعين خير... والليله نروح لمزرعتهم...

سعد\صار....














سوزان وزياد والحب اللي من طرف واحد ..وش بيكون مصيره!!

خالد وترف والمشاعر الجديده بتأثر في قصتنا!!

حنين وفيصل والصراع المستمر...بيكتمل زواجهم على خير!!

متعب وأحزانه...بيتوفق في سفرته وبينسى حبه الأول..

هيفاء وخطيبها المنتظر..بتوافق عليه!!

بو حنين وصديقه صالح..والضياع والمصير المجهول..وش موقفهم في قصتنا!!


الجزء الثالث والعشرين

مرام\وعععععععععع..أنا مرام أحط حنا مابقى الا هذا الشيء...وعشان مين ..عشان

حنينوا..تخسي

رهف\طيب قولي من البدايه ماتبين بدال هالمحاظره الطويله اللي قلتيها..

مرام\زين خلصينا..مين بيوديكم!!زياد!!

رهف\لا ماأتوقع..اظن نواف اللي بودينا..


مرام\أمي بتروح!!

رهف\لا مش رايحه...بس أنا وترف وبنات عمي ..

مرام\أها...

ودخلت ترف هاللحظه

ترف\رهف مرام بسرعه نواف يقول خمس دقايق أن ماطلعتوا بروح عنكم...

رهف\زين يالله ...

ترف\منتي برايحه....!!

مرام\أهــووووا شفيكم قلت لكم ماأطيق هالخرابيط اللي تنحط بأيدكم

ماتفهمون...!!

ترف\زين لا تذبحينا مايسوى علينا قلنا كلمه....أووف..

طلعوا البنات متوجهين بيت عمهم بو فيصل وأول ماوصلوا شافوا بنات عمهم

جالسين بحديقة بيتهم ينتظرونهم أركبوا معهم السياره وراحوا للمشغل اللي بيحط لهم

الحنا..

ساره\أقول بنات وين مرام...


رهف\ماجات على قولتها ماتحب الحنا...

ساره\ليه بالعكس حلو..وأصلا أحنا من سنين ماتحنينا..

رهف\أي والله صادقه...من كثر العروس اللي جيتنا...أحنا ماصدقنا أحد يعرس

عندنا.. عقبال اللي قدامنا...

نواف\لا أن شاء الله..الله لا يقولها...

سوزان\ليه ياأخ نواف ماتبي تتزوج..

نواف\بس...أنا مستحيل أتزوج..خليني اعيش حياتي وأستمتع بعدين لاحقين على

الزواج..

سوزان\كل هذا ولا أستمتعت ياولد عمي!!!

نواف\توني شباب...والا أيش رايك!!

ترف\خــلوه في حاله..الولد لسه مراهق...وأنتوا تفتحونه على أمور كبيره..

نواف\تكفين على المراهقه..حبيبتي خليتها لك...وبعدين سكروا الوضوع ماعندكم

غيره!!

رهف\الا عندنا وش سويت بالأمتحان!!!

نواف \مالت...كل مواضيعكم زي وجيهكم..أقول أسكتوا بحط أف أم أبرك لي...






كان جالس معه ..مضايق حييل..لأنها هذه المره الثالثه اللي يواعد فيها الولد

ومايجيه..وطبعا الكل معصب عليه...وكل مره يطلب منهم السماح وفرصه

ثانيه..وهم يسامحونه لأنهم محتاجين له...

واللحين هو متكدر لأنه ماتحقق اللي في باله..

ناصر\أقول أحمد ماتلاحظ شيء!!


أحمد\اللي هو!!!

ناصر\ماتلاحط أنا كل مانرتب الأمور..ونواعد عمر في مكان...وبعدها يتاجل

الموعد...

أحمد\طيب...وش تبيني أسوي!!مافهمت عليك!!

ناصر\ماتحس أنه خيره من الله...

أحمد\يعني

ناصر\أنا قصدي...وش رايك نترك هالشيء...

أحمد\أنت مجنون..والا مب صاحي...

ناصر\ أنا في كامل قواي العقليه..صدقني ياأحمد صدقني أن كل اللي نسويه مش

خير لنا..أحنا ندمر ..والله بيعاقبنا على هالشيء...

أحمد\أقول بلا هالفلسفه اللي مالها داعي..وأسكت احسن..

ناصر\لا ياأحمد مش سكت..لين متى بنمشي بهالطريق!!لين متى بنظل زي الكلاب

المأموره!!متى بنعرف أن الله حق واللي نسويه حرام!!!متى ياأحمد متى!!

أحمد\أوكي..انت تبينا نوخر عن هالطريق صح!!!

ناصر\أيه..

ناصر\طيب يااخ ناصر!!!ماسألت نفسك كيف بنعيش!!!مين اللي بيصرف علينا

وعلى أهلنا!!أنت أكثر واحد تدري بحالي..وأنا بعد أعرفك عدل صدقيني الطريق

مسدود..أحنا كم مره حاولنا نبتعد عن الشيء..وش صارت النتيجه!!رجعنا مره

ثانيه..وألعن بعد....أقول بس...سكر هالموضوع..لأنه مش مستفيدين شيء غير عوار

الراس...

وبكذه تسكر النقاش الحار اللي بين أحمد وناصر..لكن ياترى هل بيسكت ناصر عن

هالمتاهه اللي عايشينها وبيقاوم تأنيب الضمير!!



\يوم الأربعاء!!؟وعرس حنين مش حاظره!!

هيفاء\ماراح يقدر لأن طيارته الأربعاء الساعه ثمانيه بالليل...

روابي\الله يرجعه لنا بالسلامه..

هيفاء\وأنت متى بتجين !!

روابي\أن شاء الله بكره جايه...

هيفاء\أها زين...

روابي\وش صار على موضوعك...

هيفاء\أي موضوع...!!

روابي\عريس الغفله..وافقتي عليه والا لسه!!

هيفاء\آآه ياروابي لاتذكريني لحد اللحين مش مستقره على رأي مره أقول ايه..ومرات

أقول لا..


روابي\أقول بلا دلع ووافقي الرجال له أسبوعين ينتظر ردك!!!

هيفاء\أوووف زين خلوني أفكر زي الناس...حتى بالخطوبه بتتحكمون...!!!

روابي\يعنني اللحين تفكر..اقول بلاهذره وقولي أنك موافقه...تراني أعرف حركات

البنات!!

هيفاء\لا والله وش تعرفين بعد!!

روابي\أعرف كل شيء!!

هيفاء\أكيد بتعرفين..لأنك مجربه ومبهدله نايف وياك!!!مسكين والله..

روابي\حبيبتي نايف زوجي يموت في تبهدلي وخناقي معه..لدرجة أنا مايعيش ألا

بــ بهدله محترمه كل يوم...

هيفاء\هههههههههههههههههههههههههههه والله أشتقت لك يالخايسه وأشتقت

لــسوالفك..متى تجين !!!طولتي ...!!!

روابي\أيه قولي أنك مشتاقه من زمان...ههههههههه أصلا أنا الكل يشتاق لي...

هيفاء\زين زين عرفنا..يالله عاد تعالوا بكره من الصبح..

روابي\اللي يشوفك يقول بنشوفك الصبح..نسيتس أن وراك جامعه !!!

هيفاء\المهم أنكم تجون بدري...

روابي\طيب يالله تامرين على شي من الرياض..

هيفاء\سلاكتك حبيبتي..بوسيلي التوأم فديتهم والله..

روابي\ان شاء الله مع السلامه..

هيفاء\مع السلامه.



جالسين في مقهى الجامعه ماوراهم شيء!!لا شغله ولا مشغله..بكره ماعندهم

محاظرات ..كل محاظرتهم الظهر....وصوت الموسيقى والأضواي الخافته معطي جو

خيالي وحلو..وكل واحد منهم يفكر لبعيد....وخصوصا يوم التخرج اللي قرب...


لافي\وأخير يافهد بنفتك من الجامعه...

فهد\أي والله بنفتك ...

لافي\يالله..متى بيجي اليوم اللي أقول أشتقت للجامعه وقومة الصبح والكلاسات

والكويزات ..حاله والله!!

فهد\لا والله مش قايل أشتقت لها..بقول فكه الله لايعودها من أيام..

لافي\تخيل..تخيل بس...بعد هالعناء والمشوار الطويل مانلقى وظيفه!!

فهد \حرام عليك أتفائل بالخير..ان شاء الله نلقى...وبعدين ياحبيبي أحنا شهادتنا مو

أي شهاده....لا تنسا أنا أحنا من جامعة الملك فهد..

لافي\لا مش ناسي..بس ماتدري الدنيا حظوظ ياخوي...

فهد\الله يسهل أذا جاء ذاك اليوم...الا ماقلت لي ..شخبارك مع العنود!!

لافي بابتسامه\الأوضاع مستقره...وكل شي أبيه بيتحقق أن شاء الله..

فهد\شكلك ناوي نيه!!!ولا تقولي يالخاين!!

لافي\أف عليك أنت أول واحد بتدري...بس خلني أخل وأتفرغ لــ حبيبة قلبي..

جالسه في الصاله وهي معصبه حييل..فستانها لسه ماخلصه الخياط...وهي ميته

قهر..عرس أختها بكره..وهي ماخلصت أمورها..حتى الحنا ماحطته ...كل ماتتذكر

أن الفستان ماجهز نفسيتها تصير زفت...لا والأدهى كل ماتتذكر سالفة المعجبه

المجهوله..تمووت من القهر لحد الآن ماردت عليها برساله..وهي متشوقه لشوفة

هالبنت اللي ترسل لها...

ريم\العنود..حشى ماصارت ..من الصبح وأنا أناديك...وينك أنتي!!

العنود\موجوده...بس أفكر شوي...

ريم بغلاسه\في مين!!لافي!!

العنود\أممم هو لازم يحوز على تفكيري..بس هالمره أفكر بشي ثاني!!

ريم\واللي هو!!

العنود\ولاشي ...قومي نروح لــحنين أكيد اللحين محتاسه مع الحنايه!!

وبالفع راحوا لــ حنين وشافوها جالسه تتحرطم على الحنايه...مره تقولها شيلي

هذا ومره تقولها لاتسوين هنا..ومره تقولها حطي من هالجهه..

حنين\أنتي ماتفهمين قلت لك أبيه خفيف!!

الحرمه\شسوي ياأختي..لازم نسويلك كذه ..انتي عروس والا نسيتي...

حنين\لا والله..ولا زم هالعروس تسون لها هالحفله..!!انا ماأبي هالكثر ماأحب..

العنود\حنين وشفيك على البنيه..وبعدين هي تعرف شغلها وأنتي مش أول عروس

تحطين حنا..

حنين\أوووف والحل ماينشال..

الحرمه\لا طبعا ماينشال..والا تبين يخترب الحنا!!

حنين\يكون أحسن بعد...


أستغربت الحرمه من حنين وتصرفاتها الغريبه هذه اول مره يصير معها هالموقف...كل

المعرسات يحبون يكونون بأحلى صوره وأجمل حنا الا حنين...

حنين بالفعل كانت متضايقه حييل وخصوصا ان العرس قرب ومابقى لها الا يوم واحد

وتسكن مع فيصل...ماتدري وش تسوي..خلاص الفاس طاح بالراس..وندمت أشد

الندم أنها ارتكبت هالغلطه ورضت بــ فيصل..لكن خلاص ..عقب أيش الندم

ياحنين!!أنتهى كل شي...وبدت الحياه الجديده اللي راح تعلن فصلها من بكره....





\لا والله ماتروحون وأنا ماخلصت...

سوزان\والله محد قالك ..تهذرين ساعه كامله..

ترف\حرام عليكم هذا جزاني أني أونسكم...

ساره\طيب أنتي خلصي اللحين ويصير خير...وخالد بالطريق يعني يبله ربع ساعه

ويجي...

ترف \لا والله وخالد اللي بيجينا بعد!!...عزة الله رحت فيها..أكيد بيطنز علي مالت

عليه...

ساره\ههههههههههه ليش أنتي حاقده عليه..حمدي ربك أنه بيجينا...

ترف\ياربي..تكفون الله يخليكم قولوا له لا يجي اللحين الحنا يبيله وقت عشان

ينشف..!!
سوزان\وش لا يجي اللحين !!ماعندنا وقت..ورانا أشغال كثيرة..

ترف\طيب على اقل وحده تتم معي ..وبعدين أدق على أي احد يجيني..رهف تمي..

رهف\لا ياحبيبتي ..مااقدر..ريحة الحنا بتخنقني وأنا مش طايقه نفسي أبي أغسله..

ساره\ترف..صدقيني بيجف..انتي بس هدي...

وقعدت ترف تحاول فيهم ..وتترجى كل وحده أنها تجلس معها..بس الكل

رافض...مايبي أحد يجلس أكثر من هالوقت..


دق خالد على البنات وقالهم أطلعوا..وأطلعوا له كلهم..ماعدا ترف اللي بالمووت

البست عباتها وحطت الغطاء على وجهها..

خالد\هلا والله...هلا باللي حاطيين حنا...أمووت في ريحته ياناس..ساروه وريني

حناك...

ساره\شوف ..حلو صح!!

مسك خالد أيد أخته الثنتين وشمهم...

خالد\...أمووت في ريحته ياناس..كل يوم حطيه...

سوزان\ياسلام وأنا ليه ماقلت لي وريني حناك...!!

خالد\بدت الغيره أشوف..!!لأنها ياحبيبتي جالسه قدام..عشان كذه قلت لها...فهمتي..!!

سوزان بدلع\فهمت..

خالد\أمشي..

ساره\لا أنتظر ترف ماجات...

خالد\ليه!!

ساره\بتلبس عباتها وبتجي.

خالد\وليه الآنسه مالبست بدري!!!

ساره\لأنها آخر وحده حطوا لها حنا ولسه ماجف...

خالد\أها..


طلعت ترف للشارع وكان شكلها يموت ضحك ..الغطاء حقها ملفوف بشكل غريب

وشوي وبيطيح ..وأكمام عبايتها رفعتهم لوراء وأيدينها رفعتهم لفوق...وهي تمشي

تتحرططم على البنات اللي راحوا وخلوها...

رهف\هذا هي شرفت...

خالد يوم شاف ترف وشكلها ضحك عليها من قلب ..وقال هذا فرصه عشان أنرفزها..

قربت ترف من السياره ورفست الباب برجولها..

ترف\وعمى أن شاء الله فتحوا الباب...

خالد\ههههههههههههههههههههههههههههههههههههههاي فتحوا لها الباب بتكسر

سيارتي...

أفتحوا لها الباب

ترف وبكل عصبيتها\ياحليلكم والله...!!تاركيني لحالي ..وجالسين في البراد..والله أنكم

ماتستحون...صج بنات عم على الفاضي...وأخت خرطي....وولد عمي مايستحي....

خالد\نعم آنسه ترف,,,ماسمعت عيدي اللي قلتيه مره ثانيه...

ترف\كلمة الملوك ماتنعاد...

خالد\هههههههاي ضجكتيني والله..انتي يخب عليك لقب خدامه هربانه من بيت

كفيلها..

الكل قام يضحك على ترف ...وهي خلاص البنت وصلت حدها..ودها تذبح

خالد...وتحط حرتها فيه..بس ماتقدر تسوس شي...خصوصا أن الحنا عائق كبير...

ترف\ضحكتوا بليا ضروس أن شاء الله

ساره\ترفوا حتى والحنا بايدك تتخانقين والله أحس شوي بتجين تجلسين قدام...

ترف\خلوني بس أروح البيت لعلم عليكم ابوي ياللي ماتستحون...

خالد\ترف وععععععععععععععع خنقتينا بريحة الحنا خيستس سيارتي...

ترف\لا والله اللي يقول أني انا الوحيده اللي حاطه حنا ياأستاذ خالد...

خالد\صح أنهم كلهم حاطين حنا بس حناهم جف مش مثلك توه محطوط وعععععععع

عليك أنا ماأطيق ريحته خيستي سيارتي...

ترف\خالد..

خالد\ها

ترف\جــــــــــــب....





خالد\ههههههههههههههههههههههههههههههههههاي ياي عرفت أرفع ضغطك

ويـــــــــــــوا هههههههههههههههاي

ساره\خالد خلص ذبحت البنت خلها في حالها...

خالد\والله هي اللي تحرشت فيني من البدايه وأنا رديت عليها...

ساره\طيب خلاص أسكتوا وصلنا...

سوزان\وبنات عمي مش موصلهم...

خالد\الا بوصلهم بس أول أنتوا لأني مواعد نواف

ساره\أوكي بنات عمي مع السلامه...

رهف\مع السلامه..


نزاوا البنات ومابقى غير ترف ورهف في السياره ..عم الهدوء في السياره...

رهف تفكر في بكره وعرس ولد عمها..

وترف تفكر كيف تقهر ولد عمها المغرور

وخالد مطنش زعل ترف بس أنه مستانس عليها...

كلها خمس دقايق ووصلوا البنات بيتهم ونزلت رهف بسرعه البيت ونست أن ترف

صعبه تنزل وهي بأيدها الحنه...


والمسكينه ترف تحاول أنها تفتح الباب بس مش قادره ..حاولت أكثر وأكثر بس بدون

فايده الحنا لسه ماجف.. وهي تدعي على أختها رهف اللي تركتها مع المجرم خالد

...وهو مستغرب منها ..نسى سالفة الحنا وينتظرها تنزل ويوم طال الأنتظار كلمها

خالد\ترف جاعبتك القعده..مادريت أنك مره تحبيني وماتبين تنزلين..!!

ترف وهي متجاهله كلامه لأنه ماتبي تخوض معركه كلاميه ثانيه\أوووف....مش قادره

أفتح الباب بأيدي..


خالد وتوه متذكر\أأأأوه نسيت ..سوري بنت العم وقام خالدمن كرسيه وفتح باب

السياره\تفضلي آنسه ترف...

طالعته بنظره بعدين أسكتت..

خالد\أشيلك بعد...تراني حاظر..... أنتي أمري بس....

ترف بصوت واطي وهي منحرجه منه ومنقهره في نفس الوقت\سخيف تنكت بعد...

خالد\نعم...

ترف\ولا شيء...!!وخر شوي أبي أنزل..

خالد\مش موخر وش بتسوين يعني..

ترف\خالد

خالد\ها

ترف\والله مش فاظيه لخناقه ثانيه أجلها بعدين يكفي اللي فيني...

خالد\أن شاء الله من عيوني...وهذاني وخرت سمي..

طلعت ترف من السياره ومشت بسرعه لباب بيتهم ويوم بتدخل لفت عليه

ترف\خالد

خالد\ها

ترف\مالت عليك...ودخلت...


خالد\ههههههههههههههههههههههههههههههههههههههههههههه ههههههههههه والله

هالبنت خبله..وأنا خبل ثاني لأني ساكت عنها...

دخل خالد سيارته وهو يضحك على بنت عمه اللي سماها الخبله..



\تسلم عليك...

لافي\منوا...!!

ريم\العنود

لافي\الله يسلمها ويسلم غاليها يارب..

ريم\ومين غاليها!!!

لافي بزهو\أنــــا

لافي\شخبارها...

ريم\زينه..بس تحاتي فستانها اللي ماطلع من الخياط...

لافي\ليه...!!

ريم\خربه عليها...وهي مسكينه متضايقه حييل...والمشكله أنا بعد بكره الزواج يعني اذا

أخترب الموديل مافي أمل تدخله ثانيه...

لافي\حبيبتي والله..

ريم\عيــــــــــــــب...أستح توك صغيرون على هالكلمات..

لافي\شوف من يتكلم...ترى أنا لافي في الجامعه السنه بتخرج..وأنتي ريم في ثاني

ثانوي..والا نسيتي!!وبعدين عادي أقول هالكلام هي أصلا زوجتي من زمان بس مااحد

يدري

ريم\أيه في الحلم...

لافي\في الحلم ايه..بس بعدها بيصير حقيقه... مافي أحد معنا...أنا والعنود وبس.....

ريم\والباقي ياكل خس...

لافي\هههههههههههههههههههه أيه ...الباقي ياكل خس...



اليوم الثاني...

\ياربي هالبنت مفشلتنا ..

العنود\وشفيك يمه ..عسى ماشر...

أم حنين\أم فيصل داقه من شوي..وقالت بترسل واحد من العيال عشان ياخذون أغراض

حنين..ورحت قلت لأختك العنيده ويوم درت أنه أحتمال يجي فيصل..سوت لي حرب

مالها داعي...وقالت لي الأغراض بشيلها معي بكره..الحمد لله والشكر عمرك شفتي

متزوجه مثل أختك..

العنود\هههههههههه والله نكته هالعنود شكله فيصل مسوي لها فلم مرعب

أم حنين\ودقيت على ام فيصل وقلت لها اللي قالته أختك..والله أني منحرجه من الحرمه..

العنود\معليش يمه ..وسعي صدرك أذا بتمسكين أفعال حنين منتي مخلصه..وبعدين

لاتلومينها يمه.هي عايشه بظغوط نفسيه وبكره زواجها يعني معليش سامحيها..

ام حنين \الله يهديها ويصلحها..



جالس في قسمي الجديد..هو مو جديد جديد ...بس سويت له new look....يعني غيرته

كله على بعضه...وحطيتله أثاث جديد..أثاث يليق بمتزوجين جدد... حتى اليوم رحت

الحلاق وظبطت شكلي وسويت تنظيف بشره وأشياء كثيرة مالها آخر..أنا دايما أسويها

لأني من المهتمين بشكلي من الدرجه الأولى..مش بس البنات اللي يهتمون في شكلهم

حتى الأولاد يحبون يجددون..شسالفه!!

أيش فيني على كلمة جديد!!الله حاله...!!!يمكن

لأني غيرت كل شي فيني ..حتى الأشياء اللي متعود أسويها يوميا ماقمت أسويها..مدري

ليش!!! كل هذا عشان حنين !!!وياليتها عاد حاسه فيني!!الا ماعطتني أكبر طاف...أنا

مدري هالأنسانه متى تضحك!!او تبتسم حتى!!شكل اليوم اللي بشوفها فيه تبتسم

بصورها وبكتب على الصوره (يوم تاريخي)...ههههههههههههههه ياحليلك يافيصل

بكره زواجك على ستة الحسن والجمال حنين هانم.. حلو اللقب صح!!!مين يصدق!!أنا


فيصل اللي ضاربين فيني المثل في العزابيه وحاطيني القدوه في العايله


أتزوج!!وبسهوله...خلال شهرين ونص ..قررت وخططت وعزمت..وبكره بتبتدي حياه

جديده بالنسبه لي ..حياه ماأعرف وش نهايتها ..لأني بالأساس منصدم لحد الآن أني

أتخذت هالخطوه الكبيره..بصراحه أقولها وأعترف لنفسي أني مش عارف وش بيصير بحياتي

مع حنين!!هل بيتوفق هالزواج وبيستمر..أو بصير زواج فاشل لأن أساسه غلط في

غلط..الله يعلم وش تخبي لنا الأيام...!!والله يستر من حنين وعنادها..أبدا أبدا

مش سهله هالبنت..أدري .....أدري أنها كذه من يوم هي صغيره وعيشتها والمسؤليه اللي

انحطت فيها خلتها جامده وقويه مايهزها الريح..بس ولو..مش كذه تعاملني..اللي يشوفها

يقول كأني سارق حلالها...اووف من هالبنت مجننتني..صح أنها عانت كثير بحياتها ويمكن

تعقدت بعد من المصايب اللي تنحط على راسها ..بس ولو لازم تقدرني... انا صرت

زوجها اللحين..يوم شفتها كنت ولهان عليها مره ..وزين أني مسكت نفسي.. ماأبي أبين

لها أني مهتم مره فيها لأنها هي تفكر أني ماخذها تسليه وعناد فيها..زين اني ماطعت أمي

ورحت بيتهم مره ثانيه..والا كانت بتصير علوم ثانيه..لأني مستحيل أقدر استحمل

مزاجها البايخ..وأكيد أني بقط عليها كلام يخليها تعرف من أنا!!مش هي بس اللي

تتحكم وتأمر على كيفها..حتى أنا أمر وأتحكم بعد...أوووف!!!...ماتدري هالغبيه وش

معزتها بقلبي..!!آآه منها بس...



واقفه وسط الغرفه ..وشوي بينكسر ظهري..من صبح الله وأنا أجهز الشنط مع أختي

العنود اللي جايه تساعدني ..لي ثلاث ساعات جالسه أدخل أغراضي في

الشنطه..والمشكله أن بقى أغراض كثيرة مالهم مكان..ومدري وين أوديهم فيه..!!حتى

الغرفه مزحزمه مره وصايره ضيقه حييل..ليتني طاوعت أمي وخليت فيصل ياخذ

الأغراض..على الأقل كان أفتكيت من هالبلشه!!بس شسوي !!والله يوم دريت أن فيصل

هو اللي بياخذ الأغراض عصبت حييل وقلت لا وألف لا ..ماله داعي..والزواج

بكره..يعني مش مهم هالمشوار...أنا أدري أنه يبي يجي لبيت عشان يراقب تصرفاتي

وجياتي وروحاتي...مدري مين مفكر نفسه الأخ ..!!صح زوجي..بس مو معناته أنه

يتحكم ويسأل ..أنا لسه ماتعودت عليه..وماأبي أتعود أصلا...!!لأني بالأساس ولا مره

أحد سألني وين بتروحين ومع من!!انا اللي أتعودت أسأل..لأن ظروف بيتنا ..حتمت

علي هالشيء..وفرضته علي فرض...آآه بس...بكره زواجي من فيصل ..والله يستر وش

بيصير..والله أني مرعوبه منه هالولد خبيث ..أحس بهالشيء!!مدري ليه!!!



العنود\حنين...

حنين\هلا..

العنود بعبره مكتومه\خلاص...

حنين\خلاص أيـــ........

أسكتت..ماقدرت تكمل..عرفت..وش تبي تقول لها أختها...

خلاص....بتطلع من هالبيت..والله العالم متى برد له مره ثانيه...!!!يمكن بكره أوبعده كل

شيء جايز.. ياترى متى بترجع عند أهلها..عند عزوتها!!عند ناسها!!..!!

حنين(يالله يالعنود..ليه

ذكرتيني...خليني أنسى شوي....)



العنود وهي تكابد الدمع اللي بعيونها\خلاص ياحنين..اليوم أخر يوم تجلسين في

هالبيت... اليوم أخر يوم بتنامين بهالسرير وأشرت على السرير...اليوم أخر يوم بسمع فيه صوتك عشان أنام

مرتاحة البال...اليوم اخر يوم بشوفك فيــ ...أخنقتها العبره وصاحت من قلب على أختها...


لكن حنين وينها !!وينها من هالشيء!!وش ردة فعلها وهي تسمع كلام أختها اللي يقطع

القلب...

ماصاحت..حنين ماصاحت..كابرت..ايه كابرت وضمت أختها...

وقالت في نفسها..هادموع لايمكن تنزل بعد هاليوم عشان واحد أسمه فيصل بيبعدني عن

أهلي...مستحيل أبتعد عنهم مدام أنا حيه..أنا لهم وهم لي...



حنين..بكره زواجها من الجنتل فيصل....توقعاتكم !!وش بيصير بكره!!بيستمر الزواج...


الجزء الرابع والعشرين

أشرقت الشمس..وطلع النور وأقتحم غرفتي الكبيره..ولحد الآن ...أنا مانمت....

أدري..أدري أني مجنون..وأهبل بعد لوتبون...في واحد عرسه اليوم..وماينام!!!على

الأقل ساعه ساعتين بالكثير...مو أبد..ولاشيء....!!الحمد لله..والشكر..تحمدو

بس..لا تصيرون مثلي...عفانا الله...

شسوي...والله من زود التفكير..احس راسي بينفجر...مو قادر أستوعب لحد اللحين

أنا عرسي اليوم..وعلى مين!!على بنت عمي...حنين....

ياترى..وش بيصير الحال!!!وش بسوي اليوم !!كيف بتعامل معها!!اليوم أنا بصير

جنبها..لوحدنا... بغرفه وحده..مافي غيرنا..انا وهي...فيصل وحنين.. فاهمين!!فيصل

مع حنين...بمكان واحد.... وحتى النفس اللي أتنفسه هي بعد تتنفسه...ياربي
ساعدني..


خليني أقوم أحسن لي أخلص أموري وأصحي خالد...يساعدني...بس الساعه

8....قويه الصراحه أصيحهم اللحين!!!كيفهم...اليوم عرسي..وأكيد هم ناموا

شوي..مش مثلي...!!

بروح أصحي البيت كله...مالي شغل أيش معنى أنا صاحي...كيفهم...يذوقون اللي

أذوقه...!!

دخلت غرفة خالد ..وأنا بموووووووووووووووت من البرد....وش ذه!!صقيع مو

برد...شكلي في الأسكيموا وأنا مدري...!!هههههاي...وشفيه لاوي على المخده

الخبل...!!كأنه ماسك شي غالي ومايبي يهده...الحمد لله والشكر...

حاولت أمسك المخده اللي لاوي عليها بس ماقدرت..شديتها أكثر بس برضوا

ماسكه بكل قوته..الله عليك ياخالد ..شمسوي بحالك!!!

طفيت المكيف لأني أحس شوي وأتجمد..والمشكله أنا البراد جاب لي النوم..بس مش

وقته اللحين وراي أشغال كثيير ه أسويها....قربت من خالد وجلست على سريره

وصرخت بأعلى صوتي عشان يصحى ...

فيصل\خــــــــــــــــــــــــــــالـــد
قام وهو مفزوع وترك هالمخده اللي لاوي عليها ..مسكين أخوي خرعته...

خالد\هــا شصار..مين مات!!شفيكم!!!

فيصل\بسم الله علينا...حرام عليك الليله عرسي...شالسؤال البايخ!!قم بس قم..

خالد\فيصل....

فيصل\هلا

خالد\شفيك!!

فيصل\مافينا شي..قم ورانا أشغال نسويها..

فرك عيونه خالد حوالي نص دقيقه..وبعدها قال

خالد\كم الساعه اللحين!!

فيصل\أممم أتوقع ثمان وشوي..


خالد\ثمـــان......حرام عليك فيصل..ليه مقومني هالحزه....!!!

فيصل\أقولك ورانا أشغال كثييره قم اشوف..

خالد\مش قايم بكمل نومتي...خربت علي حلمي الوردي..

فيصل\تكفى ياأبو حلم وردي..قم لا بالعقال يأدبك..

خالد\فيصــل..

فيصل\قلت قم مافي مستحيل أخليك تنام..

خالد\يارب ..أرحمني...

فيصل\قلت لك قم..

خالد\زين زين...

فيصل\عفيه عالشاطر..يالله تسبح وبروح أصحي البنات..

خالد\أيه أيه صحهم ..مش أنا بس اللي أقوم من عز نومي...

طلعت من الغرفه وعلى طول رحت قسم خواتي وكانت الغرفه مقفله ..وطقيت

الباب لمن قامت أختي ساره وأفتحته وخليتها تصحى غصبن عنها وتصحي سوزان

معها ..حتى ميس ماخليتها بحالها صحيتها...الكل لازم يقوم...<<نذل الولد







صحيت من النوم بعد ماقضيت أخر ليله حلوه مع أختي حنين...كانت ليله بالفعل

جميله وكلها كانت عن المواقف اللي تصير لنا وأحنا صغار مع عيال خالي

عادل....وطبعا هالليله ماتخلى من الدموع والمواقف الحزينه اللي لازم تنوجد في كل

سالفه أقولها مع حنين..بس الدموع مره تكون دموع فرح ومرااااات تكون دموع

حزن وألم وشتات وضياع مستمر..بس يالله هذا حال الدنيا يوم لك ويوم عليك..

قمت من السرير اللي نمت فيه مع حنين وكنت بصحيها بس في آخر لحظه كسرت

خاطري لأنها مانمت زين أمس...ففضلت أني أتركها تنام وأصحيها الساعه عشر...

رحت الحمام وتسبحت عشان أصحصح شوي..ويوم خلصت طلعت بره الغرفه

وشفت أمي جالسه بالصاله وتكلم تليفون وشكلها تكلم خالتي أم لافي...

وعلى طاري لافي...أتمنى من كل قلبي أني أشوفه اليوم..!!بس كيف الله يعلم!!

يووه نسيت الفستان..بيطلع اليوم..ويارب يكون زين..خليني أستعجل أمي عشان

أدق على الخياط..



صحيت من النوم...وان تعبانه حييل..ودي أقوم من الفراش بس مش قادره !!جسمي

متكسر مره...وبالأخير أستجمعت كل قوتي وقمت من على السرير..

وينها!!! وين العنود..!!معقوله صحت!!غريبه...ليه ماصحتني...شكلها تبيني أنام

أكثر..بس خلاص أحس أني أكتفيت بالنوم..4 ساعات نوم..والله نعمه..وأصلا زين

اني نمت هالساعات القليله.أصلا مأأتوقعت أني أنام أبدا ..بس شكله من التعب نمت بدون

ماأحس...طلعت من الغرفه ودخلت الصاله وشفت أمي مع

العنود..جالسين..أنضميت لهم وأنا أرسم أحلى أبتسامه على وجهي الشاحب..




شفت الساعه ولقيتها 12 ونص..زين اني صحيت على المنبه ...ولا طفيته

كالعاده..أنا اليوم لازم أروح البيت ..وأكون معهم...هالوقت...صح أني مقصر

بشكل مو طبعي ..بس ولو لازم أكون متواجد خصوصا هالوقت...لفيت وجهي

على اليسار وشفت صالح بسابع نومه وجنبه هالغرشه اللي سهرنا عليها البارح ويوم

بتخلص القرشه ومابغى الا نهايتها تخانقنا أثنينا عليها ..كل واحد منا ماسك من

صوب ويشده عشان يشرب الباقي..وفي الأخير شربها صالح لأني كنت تعبان حييل

ومافيني على المنازع..جسمي منهد ومش قادر أوقف على طولي..وبعدها نمت

..وماحسيت بنفسي الا بالمنبه وهو يدق على راسي..زين أني ركبت على الساعه قبل

ماأشرب والا كان رحت بخبر كان...خليني اقوم اللحين قبل ماأضعف وأنام مره

ثانيه..


\يالله مافي وقت...

لافي\زين ..أصبري شوي...

ريم\لافي الله يخليك الكوافيره جايه من زمان وأنا أتأخرت عليهم..

لافي\أووف زين خليني أبل ريجي والله حتى الماي ماشربته..

ريم\أوكي سريع..

لافي\حلفي..

ريم\والله..

ريم\نسيت أقولك..

لافي\هلا

ريم\قبل مانروح بنمر على الخياط عشان ناخذ فستان العنود

لافي\من عيوني تامرين امر أنتي..

ريم\أيه مش لله هالكلام..

لافي\ريم..حبيتي أنتي..

ريم\أيه أخلص..

لافي\ياختي صايره طويلة لسان هالأيام..

ريم\مو قلت لك طالعه عليك..

لافي\زين ياريم..بنسى السالفه ..احم..عادي لو يعني لو مثلا نفرض أن...أني أشوف

فستان العنود...

ريم\أيه عادي..

لافي بابتسامه كبيره\أمووت فيك انا...والله مااحد فاهمني غيرك..

ريم\أكيد أكيد..أصلا وشفيها ..انت بتشوف الفستان مش العنود صح!!

لافي\صح...يالله مانبي نتأخر..

ريم \أيه اللحين ماتبي تتأخر..ها!!

طلعت ريم مع أخوها للسياره..وأركبوا وأتجهوا للخياط عشان يجيبون الفستان..ويوم

وصلوا خذوا الفستان من عند الخياط وتوه بيشوفه لافي الا جاته ضربه بأيده من
ريم..

ريم\لا تحلم كثير

لافي\نعــم نعم..عيدي ماسمعت..

ريم\لا أخوي أظن أنك سمعت اللي قلته ويالله بسرعه بيت عمتي ينتظرنا

لافي\طيب طيب ياالعنود..تقصين علي ها!!أنا أواريك...وبنشوف مين بيشوف

هالفستان..ومردي بشوفه غصبن عنك وعن صاحبته بعد...

ريم\بنشوف..

لافي\الأيام بيننا...





سوزان\شرايك!!

ساره\روعه..

ترف\تهبلين الله ياخذك..

سوزان\طيب درينا أني اهبل..ليه الله ياخذك ذي!!

ترف\ههههههههه هذه من كثر منتي تهبلين قلتها..وبعدين أشفيك لاتدققين على كل

شي أقوله..

رهف\أقول ماخلصتوا ترى أتأخرنا...والوقت تأخر...

ساره\أي والله أتاخرنا..يالله

سوزان\امي راحت الفندق!!

ساره\أي خذها خالد وراح !!

سوزان\طيب وأحنا مين بيودينا..

رهف\نواف بيجي دقيت عليه..

ساره\زين ..أمشوا نجلس في الرسيبشن..

ترف\منتوا لابسين هنا!!

سوزان\لالالانلبس اذا رحنا ..حجزنا جناح لنا هناك..

ترف\أشوه عشان مايخترب الفستان..




دق نواف على جوال البنات وقالهم يطلعون ..وهم على طول طلعوا عشان

مايتأخرون...طبعا أنتوا بتسألون وين الآنسه مرام!!الآنسه مرام مارضت تروح معهم

لأنها ميته قهر ومش قادره تسوعب أنا خلاص فيصل بيتزوج...وكانت مش رايحه

العرس بس يوم درت عمتها مارضت لها وعرفت أن مرام تحب فيصل وحلفت عليها

أنها تروح معها المشغل ..وبعدين يحظرون الزواج...



جاء بو حنين لعياله وجلس معاهم شوي وتغدى معهم بعد أصرار عياله له وخصوصا

عمر..أما حنين ماشافته أبد لأنها منشغله مع الكوافيرا وأخذتها حجه عشان ماتشوف

أبوها...ماتبي تواجهه اللحين ..ماتبي تشوف شكله ..تخاف تضعف وتصيح ...لا

الوقت ولا المكان يناسب للكلام والعتاب..خلاص كل شي بهاللحظه مش مهم

بالنسبه لها ...زواج وأتزوجت غصبا عنها...ومابقى الا ساعات وتنزف لزوج
المستقبل
فيصل ولد عمها اللي كانت رافضته نهائيا وكارهه أخلاقه الخبيثه وشخصيته المتسلطه

على الجميع..

أبدا..ماتحس أنه جيت أبوها لهم لها فايده..بل بالعكس جاي يفتح جروح تنزف

وروح تتعذب كل لحظه ..مالها فايده أبدا ..الفصل الجديد بدى وبدت الامه

..ومابقى غير المواجهه والحظور الدائم..


وصلوا البنات القاعه وأول ما دخلوا الفندق شافوا الشباب كلهم مجتمعين يرتبون الكوشه

اللي توها جايه من عند المحل اللي حاجزينها عنده.



نواف\أحلــى ...امووت أنا على اللي جالسين يشتغلون..أقول رفيق كم يعطونكم

بالشهر..!!

خالد\أقول أنطم وأكل خراك وتعال ساعدني بدال منت جالس تتطنز...

نواف\وليه اساعدك..ماشاء الله ريان وزياد قايمين بالواجب..

وكان توه زياد اخل عليهم وسمعوا صوته من بعيد\أحلف أنت بس!!وينك ..كل هذا

عشان تجيب البنات...

نواف\شسوي بعد ياأخوي الشوارع زحمه..شكل الشرقيه كلها تذري بزواج فيصل..

نواف\الا وين فيصل !!

خالد\فيصل توه طالع..والله مسكين أخوي من الصبح وهو من مكان لمكان..وان شكلي

الحين بروح مافي وقت...

زياد\حتى أنا بروح ...يبلي وقت عبال ما أتجهز...

نواف\وانا..

خالد\أنت أجلس مع ريان كلكم مخلصين..وشوف العمال ..لاتروح وتهدهم...

نواف\زين لا تتأخرون..

طلع خالد مع زياد للسياره بس خالد قبل مايركب راح لأمه فوق عشان يقولها أنه

بيمشي البيت ويشوفها اذا بغت شي...




ترف\حسبي الله على بليسكم بسرعه خلصوا أبي ألبس..ياناس ياعالم

..تكفون...ياهـــوااا

سوزان\ياختي تراك صايره أذيه أنتظري شوي ..والا روحي أنخشي بأي قرنه بالغرفه

ولبسي..

ترف\أي قرنه الله يخليك كل وحده ماخذه مكان وجالسه تلبس...طلعوا بسرعه أبي

ألبس..أبي أروح أشوف الأجواء بره..

وبهاللحظه طق الباب خالد لأنه كان مقفول والا كان بيدخل عادي عنده الولد...


سمعت ترف صوت الباب وكان شوي بعيد ورحت تفتح وعبالها وحده من البنات أو

عمتها أم فيصل وأول مافتحت الباب سكرته باقوى ماعندها ...

ترف\يمـــه..خالد...ياحسرتي ....بدون شيله ولاشي..ولا والمكياج ناري...

خالد\بسم الله...منوا هذه !!منوا هذه !!ليكون أنا غلطان بالغرفه...!!بس والله عليها

جمال مو طبيعي ...يدوخ.....

سوزان\ترف...منوا على الباب!!


خافت ترف كثير يوم سمعت صون سوزان...وقلبها شوي وبيطيح..


ترف بارتجاف\هذه ..هذا خالد..

سوزان\طيب شوفي وش يبي..!!

ترف\زين..

قربت ترف من عند الباب وتكلمت بصوت خفيف..

ترف\أحم....خالد تبي شي...

خالد(لا وبعد تعرف أسمي هالمزيزنه..ياويل حالي عليها..)

خالد\أنتي منوا!!

ترف\شتبي أخلص...!

خال\أول أنتي منوا!!



ترف\يامدمغ...أنا ترف..بنت عمك...




خالد وهومصدوم (ترف.....لا مستحيل...بس لحظه هذا صوتها..ليكون

.......!!!!اي والله صج ترف..)

خالد\فتحي الباب..

ترف\مش فاتحه..!!وش تبي ..ماني فاضيه..

خالد\أقولك فتحي...شكلي غلط وأنا واقف بره...فتحي بسرعه..

ترف\زين ..زين لاتصارخ...

أفتحت ترف الباب بعد ماتحجبت عدل وزين انها لابسه عباه..وعيونها في الأرض..

ترف\هلا خالد تبي شي!!

خالد وهو مصدوم أكثر من أول\أحم....متأكده أنك ترف..

ترف ورفعت عيونها\خالد..علامك...فيك شي..قلت لك أنا ترف...

خالد\متأكده..

ترف\أيه متأكده..

خالد\أنتي ترف بنت عمي الخبله اللي لسانها طويل!!

ترف\خالد

خالد\ها..

ترف\ممكن تعجل لأني مشغوله..

خالد وحس أنه مصخها\أيه..ان أبي شي..أمممم أيه صح انا أيش أبي!!تصدقين
نسيت!!

ترف\خالد..


خالد وهو هيمان وعيونه شوي وبتنفجر من كثر مايدقق بترف\هــا!!


ترف\أنقلـع .......وسكرت الباب في وجهه..

خالد\هههههههههههههههههههههههههههههههههههههايهههههه ههههههههههههه

هههههههههههههههههههههههههههههههههههههههههههههههههه ه ..أيه هذه بنت

عمي....اللي أعرفها..بي والله شي هالبنت...ولأول مره اشوف ترف الخبله أم كشه

سايقا طبعا بهالحلاه والرقه..مين يصدق ترف ..اللي من شوي..هي تر ف

قبل...هههههههههه والله البنت بتجنني...أوووه نسيت زياد بره ..ياويلي أكيد

بيذبحني..الله يقطع بليسك ياترف ..نستيني كل شيء...

طلع خالد من الفندق وشاف زياد وهو معصب حيييل وحتى نسى يكلم أمه اللي راح

علشانها..
جاء بو لافي بيت أم حنين وخذ معاه البنات ومعهم العروس لأنها خلصت تقريبا من

كل شي..والكوافيرا بتروح معهم للفندق للأحتياط اذا خرب شي..

وصلوا الجماعه الفندق وأنتشر الخبر بسرعه...ودخلوا حنين يغرفه خاصه للعروس

ومعها البنات..




اما فيصل يوم درى أن حنين وصلت..طار من الفرحه..لكنها الفرحه ماأكتملت عنده

لأنه تذكر المشاكل اللي عشاها مع حنين والمشاكل اللي بتصير في الأيام الجايه..لكن

مع ذلك كانت فرحته كبيره ..يحس أنه وأخيرا رسى على بر مع حنين..وأخيرا حنين

بتكون له وحده..بتشاركه حياته وكل شي..بيكون معها في كل مكان تحت نظر

عينه..ماأحد بيمنعه منها..خلاص صارت زوجته قدام العالم والناس..بس اللي مخرب

عليه أنه يعبر عن فرحته...تعبه الشديد..والأرهاق اللي كان واضح على وجهه,,هو

من أمس مانام ولا ذاق طعم النوم..ويحس بالتعب والام في مفاصله لكنه

يقاوم..يقاوم..كثير..حتى اذا حد كلمه مايحس باللي يقوله يقول أي شيء المهم أنه

يبتسم ويضحك للكل...




كانوا المعازيم منبهرين من بنات العايله ..وكل وحده منهم أحلى من الثانيه..بس جميع

الأضواء كانت متسلطه على العنود وسوزان ...لأنهم تقريبا أكثر بنات العايله جمال

بعد حنين طبعا..
كانت العنود لابسه فستان وردي جنان وكان مناسب كثير لجسمها ومخليها أميره

قدام الكل والكل أستخف على نعومتها وجمالها الصارخ والكل يقول اذا هي كذه

اجل كيف أختها بتطلع...

أما سوزان كانت لابسه فستان أحمر قصير نوعا ما وفيه شك خفيف ومطلع شكلها

غريب ومختلف عن قبل يعني شكل جديد..


أما ساره فستانها أيضا حلو كان لونه سماوي وجاي حلو مع لون شعرها والتسريحه

البسيطه اللي سوتها على شعرها..

وترف ورهف كان قماشهم نفس الشيء بس الموديل واللون يختلف ترف وردي أما رهف كان زيتي غامق..
ومرام كانت لابسه فستان لونه أسود لأنه أصرت على هاللون بس برضوا طالع حلو عليها.



البنات على المسرح يرقصون على أغنية آه ونص وكل وحده تستعرض رشاقتها وعلى

طول العنود ماكذبت خبر وقامت ترقص..وصار تحدي بين سوزان والعنود لأن

سوزان تحب الرقص زي ماذكرت في الأجزاء الأولى..وحتى وهم يرقصون كل وحده

منهم تخز الثانيه وتقول أنا أحسن منك...





المهم جاء الوقت اللي يدخلون فيه المعرس فيصل..وأول مادرى أنه بيدخل حس أنه

رجله بتخونه ومش متحركه ...لكنه نسى موضوع الأرتباك بسبب الشباب اللي

كانوا مجتمعين حوله وكل واحد منهم يقط عليه كلمه تخليه يحرم أنه يدخل بس هو

حاول ينسى تعليقات الشباب ويستعد للدخول...


دخل فيصل قاعة الحريم وكان معه أبوه وأبو حنين وخالد وريان وعمر وكانوا

حاطين اغنية هب السعد التقليديه..

حاول فيصل يخفي أرتباكه ورجفة أيده وتعبه اللي كان مبين على تقاسيم وجهه

وحاول يسرع بخطواته عشان يوصل للكرسي ويجلس لأنه خلاص مش قادر يستحمل

تعبه زاد عليه أكثر من أول...


وأخيرا وصل على المسرح والكل قام يلولش ويصلي على محمد....وبعدها جاء

رقص الشباب خالد وريان وعمر وأبدعوا قدام الكل<<العايله الكريمه تحب الرقص..


والبنات مستخيفين على فيصل اللي جالس ساكت ويوزع ابتسامات ..مره يشوفونه

ومرات يشوفون عمر وخالد وريان اللي يرقصون ..وريم ميته قهر لأنه كذا مره

شافت عمر يبتسم للحريم وهو المسكين من الأرتباك ولأنه أول مره يدخل على حريم


كثار قام يبتسم غصبن عنه...




طلعت العنود من القاعه مع ريم وراحوا للغرفه اللي فيها حنين وشافوها ساكته تطالع

المرايه اللي قدامها..وكان شكلها ملائكي بالفستان الأبيض والمكياج اللي معطي شكل

جديد لــحنين لأنها أول مره تحط مكياج هالكثر وغامق يغلب عليه اللون العنابي


مع الأسود..وكان شعرها ملفوف بحركه حلوه وخصلات من شعرها نازله على

وجهها المنور وحاطين على شعرها أكسسوار على شكل ورد عنابي مع

ذهبي...وفستانها مش عاري حييل ..كان بسيط وناعم لكنه فخم شوي وفيه ورد

منثور بشكل حلو في أطراف الفستان اللي تحت..وكانت باقة الورد جايه مع الفستان

لأن حنين صممته بنفس ألوان الفستان وعلى شكل سله من الورد بس كانت مجسم

وخفيفه شوي..


حنين\زين أنكم جيتوا ملييت لوحدي..

ريم\والله لو تشوفين الهيصه اللي صايره بره شي...كلن يرقص...بس زوجك ماشاء

الله عليه صاير أحلى وأحلى

أعتفس وجه حنين يوم جابوا طاري فيصل وبان على وجهها الأرتباك..

العنود\في هذه صدقتي ياريم..شكله جنان...

حنين\وأنتوا هذا شغلتكم التبصيص في الرجال..

ريم\ليه تغارين,,,!!

أضحكت حنين ضحكة استهزاء..على كلام ريم..وعلى حالها وحياتها الجديده اللي قربت

تبتدي..\أيه أغار...كثري منها ياريم..


دخلت ساره بهاللحظه وكانت أول مره تشوف فيها حنين لأنها كانت منشغله مع أمها..

ساره\قمر ياناس وربي قمر..

حنين\هلا ساره..

راحت ساره تسلم على حنين وتبارك لها..


ساره\اذا صار في أخوي شي..أنتي السبب..

حنين بحزن أكبر\يصير خير...وسكتت..

ساره\أمممم يالله طلعوا الشباب واللحين زفتك حنين..

العنود\مين بقى!!

ساره\أبوي وأبوك...يالله حنين..

حنين\أن شاء الله ..بس معليش تركوني شوي اللحين وبطلع لكم..

أستغربوا البنات من حنين ....بس ماعندهم شي ثاني يسونه غير أنهم يطلعون ويخلونه

لحالها..



طلعوا البنات وتركوا حنين لوحدها شوي ..وأول ماسكروا الباب..مسكت ايدها الثنتين

وحطتهم على بعض عشان تمنع نفسها من الرجفه...وتبعد هالتوتر اللي أقتحمها

فجأه..وأول ماغمضت عيونها نزلت دموع حاره على خدها...ماتقدر تخبي...على الناس

ولا على نفسها أنها خايفه حييل ومتوتره أكثر..لحد الآن وهي مغمضه عيونها ..تتمنى أن

كل اللي صار لها حلم..تتمنى أنها تفتح عيونها وتشوف نفسها على السرير وتوها صاحيه

من حلم مزعج...تتمنى أن القدر مالعب معها هاللعبه اللي مصيرها التضيحه والخساره

الكيبره اللي خسرتها..خسرت نفسها وهذا أهم شيء بالنسبه لها..وبتخسر أكثر اذا تمتت

مع فيصل زوجه له...هي تدري أن الزواج غلط وأكبر غلطه أرتكبتها في حياتها بس

ماتقدر تسوي شي..

عيونها تدمع وشفايفها ترتجف وايدها ماسكتها بقوه..تحاول تمنع

هالحاله اللي مسيطره على مشاعرها وعقلها بس مش قادره..الوضع اللي هي فيه أكبر من

طاقتها...



بعد ثواني معدوه هدأت شوي وقرت آية الكرسي وقامت من مكانها ومسحت الكحل

اللي نزل من عيونها وظبطته..وطلعت من الغرفه وأول ماطلعت شافت البنات ينتظرون

أشاره منها عشان يعلنون دخول العروس هالوقت..





توه اللحين طالع من بيته أهله ومودعهم والعبره خانقته..موعد الطياره قرب ولازم

يكون متواجد في المطار حتى أخوه فهد لزم عليه يوصله المطار بس هو رفض لأنه صديقه

محمد بيكون معه ومايبي يتأخر عليه..لكن السبب الحقيقي أنه مايبي يضعف ويشوف أخوه


مره ثانيه يخاف الدموع تخونه قدام أخوه ..يبي يكون جامد وقوي قدام الكل..هو قال أنه

بيتغير ولازم يثبت هالشيء ...اليوم بيسافر والله العالم وش بتخبيله هالسفره ..هل بتكون

من صالحه وبيتوفق فيها وبينسى حنين ومراهقته المتأخره..والا بيعيش على أمل لقاء

هالحلم مره ثانيه وبنفس المكان...!!الله العالم وش بيصير بمتعب وحبه اللي جاي بوقت

متأخر وحرج جدا.....!!!





آنا وإنْ طوّل غيابك،،،

أرفض اتـْــشكى وانوح ،،،

آتظاهر بانّي سالي ،،،

بس انا ،،،

كلـّـي جروح ،،،

أسلى واسولف واغنـّي ،،،

رافضٍ مبدا السكوت ،،،

وآنا في أقصى الحنايا ،،،

ألف مرّه ،،،

مـنْك اموت ،،،

*

*

*

ليه اشكي لك ،،،

حبيبي ،،،

وانت عن عيني ،،،

بعيد ،،،

ليه اساومك بقليبي ،،،

ليه أكرّر لك ،،،

واعيد ،،،

إنسى يا قلبي وتسلّـى ،،،

دامه عن خبرك ،،، سلى ،،،

كابر وهيم وتعلّى ،،،

واسلى معْ ،،،باقي المَلا ،،،

ردّد الكلمه الأخيره :-

آنا وإنْ طوّل غيابك،،،

أرفض اتـْــشكى وانوح ...
*

*

*

دامها ،،،

...........هذي البدايه ،،،

ببتعد،،،

............. عنّك كفايه ،،،

بمسك،،،

...........اطراف النهايه ،،،

واعلن ،،،

.............انهاء الروايه ،،،

خذها من قلبي / أخيره : -

آنا وإنْ طوّل غيابك،،،

أرفض اتـْــشكى وانوح ،،،

آتظاهر بانّي سالي ،،،

بس انا ،،،

كلـّـي جروح ،،،








دخلت حنين القاعه على أبيات شعريه جميله..وكانت هذه مفاجأه لها من فيصل بس

ماكان أحد يعرف غير ساره أخته..كانت تمشي بكل هدوء وسكينه...لكن ماأحد

داري وشفيه داخل هالقلب اللي ينزف ويصرخ أنواع العذاب...


قربت حنين أكثر للكوشه وكل ماتقرب تزيد سرعة دقات قلبها..ومن الجهه الثانيه

فيصل يشوف حنين وهي تقرب بس الصوره مش واضحه له لأنه بعيده شوي

والأضاءه اللي متسلطه عليها تألم عيونه ..والتعب يزيد عليه ..لكنه مسرع مانسى

الصداع والتعب يوم شاف حنين قربت أكثر ووضحت الصوره..وشاف ملاك نازل

من السماء...حنين صايره أحلى من أول بالف مره ..كل مره تحلى صورة حنين قدام


فيصل..وهو يتولع فيها أكثر..هو ماينكر أن أحد الأسباب اللي خلته يتزوج حنين هو

جمالها بس ولو اللحين كل شي طاغي فيها وجمالها اليوم غطى على كل شي في

حنين..كان مايشوف أحد مايشوف غير حنين اللي كانت تتقترب أكثر وأكثر

وماوعى الا بأحد يمسكه من كتفه وكانت ساره تأشره له أنه يقوم اللحين ويسلم على

حنين ..


وبالفعل قام فيصل بالوقت المناسب وصار جنب حنين ومسك ايدها اليمنى وحس فيها

..كانت أيده باره زي الثلج وتترتجف حييل وهو المسكين مش أحسن منها برضوا

أيده ترتجف وترتعش من لمسة حنين له..


كلمتهم ساره عشان يجلسون بعد ماأنتهت الأبيات الشعريه وكان أخر مقطع يقول


...يعلم الله حبها في قلبي غالي...أغلى عندي من الدنيا ومافيها...
...حنين لي...وأنا لي حنيني..عسى ربي يحفظها ليا...

والكل قام يصلي على محمد والبعض يلولوش والبعض يصفق...كل واحد يعبر عن

فرحته بطريقه..أما العنود كانت مختفيه..كانت بعيده كثيير ..جالسه في غرفه من

الغرف وجالسه تصيح حييل على حنين أختها وريم تهديها بس بدون فايده...



جات أم حنين تبارك لبنتها ولــفيصل وأول ماشافت حنين أمها...أنتهت.زبدت

بنوبة بكاء ثانيه..وساره تهديها ..وتقولها كلام يضحك ..عشان تنسى شوي..بس

هي مش قادره...وبعد ماتركت أم حنين بنتها جاء أبوها وعمها يسلمون عليهم...


وسلمت حنين على عمها بعدين سلمت على أبوها وهي منزله عيونها ماتبي تطالع

فيه,,وهو حز في خاطره هالشيء..بس سكت ماعلق..وسلموا على فيصل اللي كان

يناظر حنين وموقفها اللي صار مع أمها...وتضايق شوي عشانها وعشان لأول مره

يشوف حنين تصيح وهو موقادر يسوي شي..لأنه هو سبب عذاب حنبن اللحين..تألم

من الخاطر على هالشيء..بس ماسرع ماتناسى الموضوع يوم شاف الفرحه في عيون

أمه وخواته ..



بعدها طلع أبو حنين وبو فيصل عشام البقيه ياخذون راحتهم..وحنين فقدت أختها

لأنها ماشافتها وناظرت ساره عشان تجيها...


ساره\ها العروس بغيتي شي..

حنين بصوت مبحوح\أيه ..وين العنود ماأشوفها..

ساره\والله مدري بروح أدور عليها..



تركت ساره حنين وفيصل والكل التهى بجو الأغاني والربشه لكن في عيون جالسه

تطالع فيصل وحنين بحقد وكره عميق..ومن أول ماجلست وهي تدعي على حنين

بالشر وعدم التوفيق...





فيصل\حنين....ألف مبروك...

حنين\................الله يبارك فيك...

فيصل\أمممممممم شخبارك؟؟؟

حنين\زينه...وأنت!!

فيصل\مستانس...

حنين وهي حاقده\الله يهنيك

فيصل\وأنتي معي أن شاء الله..



جات ساره تطمن حنين عن العنود..وبعدها حطوا العشاء والناس قاموا يتعشون..

والمصوره جات عشان تصور المعاريس مدام الكل قام يتعشى وفضى المكان...ويوم

درت حنين تضايقت شوي لأنها أكيد بتكون قريبه من فيصل..اما فيصل كانت ردة

فعله عاديه لأنه شي طبيعي بيصور مع حنين...


بدت المصوره تصور صور جماعيه مع خوات فيصل وأمه وحنين..وبعدها صورت

حنين لحالها مع فيصل.. ومره ماسك أيدها وبعض الصور كانت حميمه شوي..لأنه

هالمصوره قليلة الأدب وفري عندها...


المهم بعد ماأنتهوا من التصوير بدت اللحظه الحاسمه ونادى فيصل أمه عشان يطلعون

لأنهم وراهم سفره طويله..وموعد الطياره بقى له ساعه...وطبعا حنين ماتدري

بالموضوع..الله يستر اذا درت وش بتسوي...



طلعت حنين مع فيصل بأغنيه شعبيه بس مش قايله اسمه..المهم وطلعوا معاهم الأهل في

الغرفه والكل أجتمع في الغرفه ولحد الآن حنين ماشافت العنود...


ترك فيصل حنين عشان تاخذ راحتها شوي مع البنات وطلع للشباب وينتظرها

تنزل...




حنين\بنســافر...

ساره\أيه..بتسافرون..

حنين\وليه ماقالي..!!
.
ساره\تدرين ..يمكن حاب يسويها لك مفاجأه...

حنين\طيب أنا ماجهزت أغراضي..

ساره\أوكي اللحين بنجهزهم..وهذه جات العنود..

حنين\وينك أنتي!!

العنود\أنــا...موجوده....

حنين\خوفتيني فكرت صار لك شيء..

العنود\مافيني الا العافيه شوفيني..

حنين\زين تعالوا جهزوا معي أغراضي..لأني بسافر

العنود\بتسافرين!!!


حنين\أيه..يالله


راحوا البنات يجهزون أغراض حنين ويساعدونها وهي أستغلت الفرصه وغيرت

ملابسها ولبست فستان أحمر ناعم وحطت العنود لها مكياج أحمر خفيف...


وأتصل فيصل بـ ساره عشان ينزلون اللحين..

والبست عباتها حنين ونزلت مع البنات..بعد ماودعت أختها وأمها والبنات الوداع

الأخير....

جاء عمر عشان ياخذ شنط حنين ويحطها في سيارة فيصل...

كان الكل واقف في الرسيبشن اللي تحت عشان يسلمون على حنين وفيصل ..وطبعا

بدى الصياح المستمر وهالمره حتى ساره وأم فيصل صاحوا وسوزان صاحت بس مسرع

ماسكتت عشان مايخترب المكياج.






عمر\هالله هالله بــ حنين يافيصل..تراهي أمانه عندك..

فيصل\لا توصي حريص ياولد عمي..

أم حنين\أنتبه لها يافيصل وانتي ياحنين أنتبهي لولد عمك يابنتي وطيعيه..

حنين\أن شاء الله يمه...

أم حنين\روحوا ياعيالي أمنتكم الله مع الف سلامه

أم فيصل\فيصل أول ماتوصلون دق علي ..

فيصل\حاظر يمه...ها تبون شي قبل مانمشي..

ام فيصل \لا ياولدي بس دير بالك على بنت عمك...

فيصل\أن شاء الله..مع السلامه...

ركب فيصل مع حنين السياره والله العالم وين بيسافرون...!!!


تبون تعرفون وين بيسافرون!!!



الجزء الخامس والعشرين

من أول ماركبنا السياره وأحنا ساكتين..وماينسمع غير صوت المكيف اللي يجيب

النوم...طبعا بيجيب النوم!!هدوء وبراد..في أحسن من كذه!!خلاص النوم

وصل..ومابقى غير فراش أتلحف فيه..

هذا حالتي أنا مع حنين..من كثر السولف..قمت أفكر بالنوم!!بالله عليكم أكوا

مزوجين في ليلة زواجهم ساكتين وكل واحد ماد البوز شبرين...!!خلوها على الله

بس...!!

شغلت الراديوا على أف أم عشان أغير هالجو المعكر واللي شكله بيعكرني معه...وكانت

أغنيه لــ عبد المجيد عبد الله...


روحي تحبك غصب عني تحبك .. والمشكله حبك في روحي جرحني
واذا شكيت اتقول اش كان ذنبك .. ذنبي هويتك يوم حبك ذبحني
ونيت من قلبي في لوعه تعذبك...سلبتني قلبي وجرحك سرقني
اقول قلبي اتقول وش عاد قلبك .. وان جيت ابي اخفي الحب جرحك فضحني
اجيك انا عاني ادور لقربك .. تبعد كأن القلب ما قد عرفني ..


وان رحت عنك تموج والريح دربك .. واتقول شفت اليوم قلبك تركني

وقمت أدن أدن مع الأغنيه اللي أعجبتني كلماتها لمن وصلنا المطار بسلام...





فيصل\وصلنا...

أكتفت حنين بأنها تعطي نظره لــ فيصل..ونزلت من السياره ونزل وراها

فيصل وهو يقول بخاطره يالليل ماأطولك....




كل المعازيم راحوا..والقاعه تقريبا فضت ومابقى غير أهل العرس...


والشباب جالسين يحملون باقي الأغراض عشان يرجعون البيت..وكل واحد فيهم يحط

شغله على الثاني ويتهرب ...والبنات جالسين على جنب ويضحكون عليهم..

خالد\يالله عاد والله زهقت وظهري أنكسر من كثر ماأشيل وأحط...


ريان وهو يقط الكرتون اللي على كتفه\أجل أنا شقول حاطيني حمالي ...الأغراض اللي

ماتبونها تغطونها علي...

نواف\هههههههههههههههاي لازم بعد ..ولد عم على الفاضي مايصير..!!

زياد\أقول حرام عليكم أرأفوا بحال هالمسكين..هو خلقه يالله يشيل نفسه...ريان أترك

اللي ماسكه وخلهم يشيلونه...

خالد\أحنا اللحين ماصدقنا على الله أحد يشيل تجي أنت وتخرب علينا!!!

زياد\عمتي...

أم فيصل\هلا ولدي..

خالد\أبوس أيدك ..أسكت فضحتنا..

زياد\أيه زين استعدل..

أم فيصل\ها ياولدي تبي شي!!

زياد\سلامتك...بس حبيت اسمع صوتك...

خالد\أقول زياد..عيب ..ماأرضى هذه امي..

زياد\أحلف بس!!! ولف على نواف وقال \ماصخ هالولد..

خالد\زيد علي سكر...

نواف\ههههههههههههههههههههههههاي حلوه..

زياد\أقول قم قم...شيل خلنا نخلص...

خالد\آآه بس ..فيصل متنعم في أم الدنيا وأحنا اللي نتورط بعرسه..

زياد\الا أقول وين عمر!!

نواف\بره مع لافي ...

خالد\ياسلام أحنا نشيل وهو بره...لالالالا مايصير بروح اناديه..وراح

زياد\فضحنا هالولد..ماعندنا مجملات يقطها بوجهك...






رهف\شافك!!

سوزان\منوا!!!

رهف\زياد...

سوزان\وليه يشوفوني!!!في شي!!

رهف\أبد..أبد سلامتك..سوي نفسك ماتدرين..

سوزان\وش اللي ماأدري فيه...!!

رهف\ولا شيء..أنسي..

سوزان\زين.....................يمه يالله..

أم فيصل\صبري خلينا نخلص هالأغراض...

سوزان\يمه حشى مو أغراض ذي..عفش..أوووف


في الجهه الثانيه من القاعه....

ريم\والله أنه مزيزن...

العنود\منوا!!

ريم\هذا اللي لابس شماغ ولافه على راسه...

العنود\منوا...زياد..


ريم\ايه أيه أسمه زياد...!!!

العنود\اي عاجبك!!!

ريم\حيييييييييييل..

العنود\خلص بروح أقوله ياولد عمي ريم معجبه فيك

ريم\أقول أنثبري مكانك..فضحتينا..




نواف\تتحدى اذا ماكانوا يتكلمون عنا...

زياد\منوا!!

نواف\هذيلا..وأشر عليهم..

زياد\وأنت أيش يخصك..أستح على وجهك ..لا تطالع فيهم...

نواف\وأيش فيها !!عادي..

زياد\أيه زين عادي..




سوزان\شفتيه كيف يطالع في العنود!!!

رهف بابتسامه خبيثه\يعني كنتي تطالعين فيه ها!!

سوزان\لا أنا ماكنت أطالع فيه ..بس هو لفت نظري...وعلى طول ماصدق أن نواف

يأشر وشافها ..من زينها عاد...

رهف\لا عاد ..والله أنها تجنن وتهبل بعد

سوزان وقامت من مكانها\طيب روحي أتهبلي وأتجنني فيها...

رهف\لا وتقول ..مايهمني...علينا ياسوزان!!!








جالسه على كراسي الأستقبال..أنتظر أشاره من عريس الغفله عشان أقوم...


ياربي...ياناس..أكرهه..أكرهه..من قلب بعد..أحس أنه ثقيل دم..وماخذ المسأله

تطنز في تطنز...لا ويغني بعد..ياأخي من حلاة صوتك عشان تغني..ومسوي

روحه رومانسي ويحب أغاني عبد المجيد..والله يخب عليه روبي وشلتها..!!

واللي قاهرني أكثر وأكثر أنه ماقالي وين بنسافر!!!ولا حتى كلمني عن

السفره..مسوي نفسه بو زعم زعلان...!!ياأخي بالطقاق أزعل ..عندك أربع
جدران طق راسك فيها...

وانا ليش!!أفكر..كيفه.هو حر...يسوي اللي يبيه...!!وأنا شعلي...!!

آآه يايمه!!ياترى اللحين شتسون!!طلعتوا ورحتوا البيت والا لسه!!ودي ادق عليهم

وأعرف أخبارهم..!!بس لا مايصير أدق..!!اذا دقيت بيحاتوني أكثر..خليني أجل سالفة

الأتصال بعدين...!!




فيصل\حنين...
حنين وهي مخترعه\بسم الله..انت من وين طلعت!!

فيصل\أنا اصلا وين رحت عشان أطلع...!!<<مو قلت لكم يستخف دمه

حنين(ياشينك)

فيصل\ بقى ربع ساعه على موعد الطياره......تعشيتي..

حنين\لا....أيه..أنا اسوي ريجيم ..ماكل الا قليل..

فيصل\يعني ماتبين تاكلين..

حنين\لا..

فيصل\طيب امشي نروح كوفي هذا أنا جوعان وماتعشيت..

حنين\لازم أقوم...

فيصل وبعد تنهيده\أيش رايك يعني!!تجلسين لوحدك هنا...

حنين\عادي...

فيصل\لا مش عادي..قومي معي..

قامت حنين معه وهي بداخلها بتموت قهر منه...

طلب فيصل له كروسان وقهوه وحنين أبت أنها تطلب شي

حنين\فيصل

فيصل(وأخيرا نطقتي)

فيصل\هلا..

حنين\أحنا وين بينسافر!!

فيصل أكتفى بابتسامه وشرب قهوته

حنين\فيصل..أنا أكلمك..

فيصل\مفاجأه..

حنين\طيب ليه ماقلت لي من قبل أنا أحنا بنسافر ..

فيصل\أصلا أنا اشوفك عشان أقولك..

حنين\جيت ذاك اليوم ولا قلت لي!!

فيصل\أنتي تعطين الواحد فرصه يتكلم...!!

حنين\هذا مو عذر..

فيصل\ماعلينا...دقايق وبتعرفين وين بنسافر..

وبكذه أنتهى النقاش الشبه حاد بين فيصل وحنين وماهي الا دقايق وأعلنوا عن الرحله




فيصل\سمعتي اللحين...بنروح مصر...

حنين وهي متفاجئه\مصر..!!!

فيصل وهو يبتسم بتعب\أيه مصر...أنا احب أروح هالبلده كثير يعني لازم كل سنه
طاب فيها..

حنين باستهزاء\ايه..قالوا لي أنك تحب السفر وهذه هوايتك...ياولد عمي..



عصب فيصل حييل عليها ..أولا بسبب عدم تجاوبها معه .. واذا تكلمت تتكلم بالقطاره

وبالمووت وثاني شي على أستهزائها الواضح فيه ..وثالث شي لأنه مزاجه صج أتعكر

والصداع اللي في راسه يزيد أكثر وأكثر...

بس هو ايش يتوقع منها...أنها تاخذه بالأحضان مثلا..هذا شي طبيعي اللي تسويه

حنين...وزين منها أنها ماسكه أعصابها لحد هالوقت...الجرح اللي سببه لها كبير ..كبير

حييل وصعب أنه يبرى..



قام فيصل من الكرسي بعد ماحاسب ولا رد على حنين وقامت هي بعده واتوجهوا


للبوابه ..وفضل انه يسكت لمن تهدى اعصابه شوي ...




جلست أناظر الشاشه الكبيره اللي حاطينها في الطياره ..وأحاول أني اتبع الخطوات عشان

اسكر الحزام..وكل ماأسكره يفتح ثانيه..حاولت أكثر من مره بس ماطاع..حاولت اكثر

وأكثر لمن حسيت أن الدم تجمع في يدي بس رضوا ماطاع...وبعدها هديت الحزام

وقطيته..

واللي قاهرني أكثر ومفور أعصابي أن الشيخ فيصل أحسه يطنز علي ويخفي ضحكه كبيره

بتنفجر بأي وقت...الطياره بتقلع بعد دقايق وانا لسه ماربطت الحزام...

صحيح أني ماركبت الطياره أبدا...لكن مو معناها أني خايفه ...بالعكس أنا أحب دايما

أجرب أشياء جديده..لأني يمكن تعودت على الجديد في حياتي وأغلب مستجداتي أمور

تعور القلب...

لكن أني أركب الطياره شي حلو بالنسبه لي..ويمكن أحسن شي صار لحد اللحين...

بس اللي مخرب الرحله هو وجود هالفيصل بحياتي...ليت هالرحله كانت مع أخواني أو

مع خالي عادل وعياله..كنت بطير من الوناسه وبتصير الرحله أحلى وأحلى...

بس القدر المحتوم يحتم علي أني أنهي هالحلم الوردي بسرعه لأن الطياره بدت تطير وأنا

شكلي بطير وياها..

رجعت أحاول مره ثانيه أني أربط الحزام..بس لاجدوى..خلاص من جد تعبت...طفح

الكيل..لكني لايمكن أطلب منه مساعده..لايمكن...!!



فيصل\ممكن....

حنين\لا مش ممكن...

فيصل\مش على كيفك زين...

مسك الحزام وربطه بحركه سهله وسريعه...أيا القهر وأنا اللي جالسه فتره عليه

ومانفع..!!!

فيصل\أنتهينا...ولف وجهه الجهه الثانيه..




تنهدت تنهيده قويه كلها مراره وتعب...وحسيت هالتنهيده طلعت كل الضيقه اللي

حاسه فيها..بس كتمتها وهي في نهايتها..ماأبيه يحس أني ضعيفه ومافي أحد غيره استنجد

له..ماأبيه يفكر لحظه أني محتاجه القليل من عطفه... ماأبيه يحس أني بحتاجه وأنا بعيده عن

أهلي..ماأبيه يقول وأخيرا خضعت لي وأستسلمت للأمر الواقع ..ورضت فيني غصبا

عنها..أهم شي أني أكون حنين...حنين اللي تساعد وتعاون..مش اللي تستنجد

وتطلب...حنين اللي مرفوعة الراس ..وعزة النفس أهم شي عندها...حتى لو أطلب الأمر

على دفع ثمن غالي وهو عمري الباقي..


آه بس...وش تنفع هالسوالف اللحين..اللي صار صار..ومابأيدي أسوي شي...

غمضت عيوني وحاولت أني أنام..لأن شكل الرحله طويله ومتعبه..وانا أصلا تعبانه
حييل..




حاولت ريم تقنعني أني اروح معها بسيارة لافي البيت ...بس أنا رفضت رفض

قاطع...صح أني تمنيت أني أشوفه اليوم..بس مش قادره ياناس..!!أنا لحد اللحين

مضايقه على حنين..وبظل مضايقه أكثر وأكثر...مش مستحمله فكرة أني أرجع

البيت وماأشوفها!!مش متخيله الوضع أصلا!!ياناس هذا أختي ..أختي

الكبيره..أمي الثانيه..اللي تعرف كل أسراري...اللي ما تغمض عيوني الا وأنا

شايفتها قدامي عشان انام..كانت معي بغرفه وحده..وكنا مع بعض أمس بسرير

واحد ..أيدي على أيدها ..وعيوني تشوف عيونها..حرام..والله حرام...!!قلبي

مايقوى على فراقك ياحنين..مايقوى...



ريم\ها وشقلتي...

العنود\معليش ريم..بروح أركب مع خالي..

ريم\طيب هو يبي يشوفك..!!حرام عليك ياالعنود..

العنود\ريم.أنتهينا .قلت لك بركب مع خالي...

ريم\أوكي على راحتك..بس أنتي الخسرانه...

العنود بضيق\أدري,,,والله أدري..بس صدقيني ياريم,,مالي مزاج لأي

شيء...أحس أني مخنوقه..في شي خانقني مدري ليه!!أحس أني أبي أصيح

وأصيح ..أختي غاليه علي..وبتظل غاليه أكثر وأكثر...فكيف بتحمل فراقها!!والله

العالم متى بيجون من السفر...!




طلعت العوايل من الفندق الساعه 4 الفجر بعد ماحملوا باقي أغراضهم وأتجه كل واحد

في طريقه..وطبعا لافي مات قهر يوم شاف العنود ركبت مع أبوه وتمنى أنه يذبحها عشان


يطلع كل حرته فيها ..كان مشتاق لها كثير ووده بنظره وحده منها بس.. عشان تطفي

هاللهفه اللي مكبوده بصدره

وهي مشتاقه أكثر وأكثر بس لاالوقت ولا المكان ولا

النفسيه تسمح لتبادل هالمشاعر اللي يوم عن يوم تتضاعف..



حاولت أنام..بس ماجاني النوم..تقلبت يمين يسار ..بس مافي فايده...حاولت ألهي نفسي

بأي شيء عشان بعدها أحس بالتعب وأنام..لكن النتيجه أني مانمت..وتعبت أكثر..أحس

أني من كثر ماني تعبان مش قادر أنام..أحس بأرهاق وألم فظيع براسي..طلبت لي بندول

من المضيفه وخذت لي أكثر من حبه بس برضوا الألم ماراح مني .. بل بالعكس أحس أنه

تضاعف زياده..والمشكله أني لازم أنام..لأني صار لي أكثر من 24 ساعه مواصل..هذه

أول مره تجيني هالحاله ولا عمري واصلت يوم كامل...مدري أيش فيني !!شكلي من كثر

ماأفكر مش قادر أنام..وجسمي نار..شاب ضو بسبب قل النوم وخصوصا في الأيام

الأخيره ماصرت أنام كثير لأني كنت مره منشغل بتجهيزات زواجي..


واللي متعبني أكثر وأكثر معاملة حنين لي...!!

احس أنها كل مره تتمادى في سوء المعامله والمشكله أنه ماصار لنا ساعتين الا وأحنا

متخانقين!!وزين أني مسكت أعصابي ومارديت عليها..والا كانت علوم بتصير..والأدهى

من كذه أني أنا مو من طبايعي أني أسكت اذا عصبت من أحد....!!


بس حنين غير..!!

حنين صارت زوجتي...!!اللي كنت أتمناها لي..ولازلت أتمنى أني أسكن هالقلب اللي

مقيدته بأنواع الحواجز المقفوله ..بس كيف ..!!كيف أكسب هالقلب ..وهي معارضه

بأقل شي يقدر يقوله أي زوج بليلة زواجه لزوجته..حتى الكلام مختصر ورسمي جدا واذا

تمادينا أكثر أسمع منها كلام يسم القب قبل الروح..أنا أدري أنا حنين صعب الوصول لها

وخصوصا في هالفتره الحرجه..!!


بس ولو مافي شي مستحيل..مدام أني قدرت أتزوجها ..أقدر أكسبها كزوجه

وحبيبه..!!بس أنا..!!ماأضمن نفسي...أنا ماأقدر أسيطر على مشاعري سواء كانت

مشاعر فرح أو مشاعر غضب..أنا ياأحب ياأكره..!!ماأعرف أعيش هالمشاعر بنفس

الوقت.. أحس اذا عشتهم أثينهم أصير متناقض المشاعر..!!وأنا بصعوبه أمسك أعصابي

مع حنين ..اخاف أنها تنلفت فجأه..وصير اللي ماأبيه يصير...وأنا عصبيتي أبينها أكثر من

أي شي ثاني...!!


واذا حنين أستمرت بهالمعامله السيئه..ماأتوقع أني أقدر أصمد للنهايه..لأني سريع الغضب

..والله يستر من حنين ....بس بحاول قدر الأمكان أني أكسب

على الأقل الأحترام منها والتقدير..والأشياء الثانيه لاحقينها عليها..أهم شي يكون بينا

أحترام متبادل عشان نعيش حياه هاديه مع بعض..بدون ازعاج من أي شخص..


ليتك ياحنين تدرين باللي يجول بخاطري...!!كان ماعاملتيني هالمعامله..!!


بس كيف بتفهم !!وكيف بتقدر!! وأنا كل شي اسويه لها بالغصب وماافكر حتى

بمشاعرها أو وجهة نظرها..!!

أنا أدري أني غلطان أني غصبتها بكل شي..!!

بس شوي هذا شي غصبن عني ..أنا كذه من يوم وأنا صغير ..اللي أبيه اسويه..وماهمني

النتايج سواء كانت زينه أو شينه أهم شي اللي أبيه يصير بدون نقاش..حتى لو كان تحديد

مصير لي..

ويكفي أني ملت...ملت كثير لــحنين وأحسي اني كل مالي وأنجرف أكثر لها...حتى

وهي بعيده تزيد معزتها عندي...انا ماأقول أني أحبها..وأصلا ماوصلت لدرجة

الحب...!!


بس أول مره أتخذ قرار شخصي وأنا مرتاح كثير منه..يكفي أنها بنت عمي اللي ياما

سمعت عنها الكثير وكنت أتمنى أوصل لها بشتى الطرق ..بس ماكنت أدري ليه..!!ولحد

الحين مدري ليه!! لكن يكفي أني مرتاح كثير لــ هالقرار.. هذا أهم شي..وأن شاء

الله مع الأيام بتتحسن علاقتنا..بس أهم شي انها ماتفور أعصابي..لأني عن جد ماأتوقع

استحمل هالمعامله الجديده اللي أول مره أحد يعاملني أياها...!!

وبعد هالأمور اللي كنت أفكرها ..تذكرت التعب...اللي لازالت احس فيه..بس سبجان

الله ..يوم طريت سالفة حنين نسيت التعب كله...

عقدت حواجبي أكثر وأنا مغمض عشان أخفف الألم...وسمعت صوتها...صوت حنين...




حنين\فيصل!!

فيصل وهو مغمض\همم

حنين\.............أنت نايم..!!

فيصل(سؤال غبي...كيف نايم وانا أتكلم معها..)<<ياحبه للتطنز

فيصل ولا زال مغمض\أنتي أيش تشوفين!!

حنين\...مدري والله..بس فكرتك نايم...ووو مدري حسيتك...تعبان لأنك مغمض

عيونك بقوه وعاقد حواجبك...

حنين\فيصل..................فيك شي!!!

فيصل\حنين...أنا تعبان....

فيصل\بس اللحين ........................................

خفيت..............خفيت لأنك يكفي أنك ................سألتي عني...!!







كانوا أثنين جالسين مع بعض....في أحدى الجلسات العربيه وكان المجلس مليان أشخاص

مثلهم وأردى بعد..لعب وسهر وشرب...أيه وشي ثالث معهم..الخمر..اللي كان أساس

جلستهم وسهرتهم الحلوه...وهوالشي الوحيد اللي محلي جلستهم...هذا غير الأغاني اللي

كانت تنسمع في كل المزارع اللي جنبهم...

كلامهم غريب وتصرفاتهم أغرب...كانول يقولون كلام مش مفهوم..يمكن تفهمون

أوله..لكن صعب تفهمون تاليه...وأجسامهم تتمايل ..يمين ويسار..


وهو الوحيد اللي من بينهم واقف ويهذي بأشياء صعب تنفهم ..كأنها كلمات

متقاطعه..بس من النوع الصعب ..واللي مستحيل ينحل...لكنه هو الوحيد اللي يقدر يحل

هالكلمات المتقاطعه...


كان يهذي بأسم بنته...بنته حنين...كان ضميره يأنبه...يأنبه حييل ..كان يحس أنه قلبه

يعوره..كان يحس بجرح بنته اللي ينزف دم ..كان يحس بعذاب بنته الأبدي...كان يبي

يسوي أي شي..اي شي ء عشان يخفف الألم اللي يحس فيه واللي كل ماله يقوى أكثر

عليه..ومالقى ..ومالقى غير في النهايه..قرشة خمر..قرشة خمر..تنسيه روحه...تنسيه

روحه المتعذبه ..لكن قلبه..!!!لكن قلبه..هيهات ينسى هالجرح اللي أنبشه بأيده

الثنتين...كان يتألم.... ومازال يتألم على حال بنته وعياله الضايعين بعده...

صــاح ..ايه صاح...ولأول مره يصيح...كان يصيح على حال بنته اللي ماتهنت لا
وهي كبيره ولا وهي صغيره..في كل الحالتين متعذبه...

كان يبي يعبر بأي شي عن حالته اللي يحس فيها...ومالقى غير هالطريقه...!!

كان يصيح ويضحك ويشرب ويهذي في نفس الوقت وجسمه يتمايل أكثر وأكثر لمن

جات لحظه...وطاح...


طاح من كثر الخمر اللي شربه والتعب اللي يحس فيه..وحتى وهو طايح كان يهذي

..ويصيح ويضحك..ويشرب ..............للأسف...


بو حنين وهو يصيح ويشرب\صالح...بنتي....بنتي حنين...الكبيره وسكت فجأه

..وبعدها ضحك....وقال..بنتي اللي تصرف على بيتي...ومسح الدموع اللي عورت

عيونه...بنتي اللي تحبني..وماتحبني....بنتي حنين عرفتها ياصالح...!!

صالح وهو شبه سامع\أيه...خلصنا ياأخي أيش فيها بنتك!!

بو حنين\بنتي اليوم ياصالح....قضيت عليها..........وضحك بأعلى صوته..

صالح وهو متفاعل\ليكون....ليكون سويتها ياسعد وذبحتها...!!ترى كل شي منك
يصير...!!بس ..عسى ماعلمت أحد..!!!أنك هنا!!

بو حنين ويصيح\ذبحتها....أيه ذبحتها من زمان.......بس اليوم قضيت على اخر نفس

فيها...اليوم موتها....موتها من على الدنيا..بدون رجعه,,وهو يطالع لبعيد ويمد أيده

.....بدون رجعه....خلاص ياصالح..بنتي حنين راحت..راحت

بعيد....بعيـــــــــد...بنتي حنين ماتت..ويأشر على نفسه وأنا اللي موتها....ويصيح

أكثر,,موتها بايدي ..بأيدي هذيلا ويأشر على أيده شفتههم ياصالح..بأيدي

هذيلا...موتها...وهي مسكينه..ويضحك..تقولي أبوي تكفى ..لا تزوجيني فيصل

ياأبوي..الله يخليك اذبحني بس لاتزوجني فيصل الله يخليك يبه..واللي يسلمك..أرجوك موتني سو أي شي بس لاتزوجني فيصل أنا ماأحبه.. ويصيح..كانت تترجاني ياصالح تترجاني

..حتى..حتى مسكت رجلي وكانت بتحبهم........بس أنا منعتها..ايه

منعتها...واليوم...واليوم..ذبحتها...ذبحتهـــا..وشفت ها قبل ماذبحها ..بس هي ..هي

مارضت تطالع فيني... مارضت تطالع فيني...بس مدري ليه..يمكن لأنها زعلانه

علي..أوو...أو يمكن لأنها ماتحبني ..أويمكن لأنها ماتبي تشوفني....مدري ليه..بس

أنـ ـا..أنا يوم شفتها ..يوم شفتــ ـها ..ماعرفت أيش أسوي...سويت نفسي

اني ماأطلعها...وسكتتت..وسكتت..وكنت أبي أجي هنا بسرعه..عشان انسى..وياشر

على قلبه..عشان انسى الجرح اللي هنــ ــا..اللي موجود

بصدري..ويصيح..وخلاص.. هي أصلا أستسلمت وعافتها...وعافت الدنيا.. ياصالح

قبل ..قبــ ــل

ماأذبحـ ـها...............وصاح أكثر وأكثر وأكثر لمن أغمى عليه

ونــــــــــام .....



نام..وهو على الأرض....... وقرشة الخمر بأيــده...... والدموع بعيــونه .......
.
.
جلست أطالع فيه..وأنا أتنفس بالقوه..ياربي..أنا ماأستحمل..هذا ثاني مره أحس أني

أخجل منه...وأنا مش من طبايعي هالشي..!!مدري أيش فيني..!!يمكن لأن أول مره

أحد يحسسني بشخصيتي..شخصيتي كبنت..شخصيتي كأنثى تحب أحد يدلعها ويقول

لها كلام معسول كله رقه ودلال..صحيح كل اللي يعرفني يعاملني باحترام

وحب..لكن ولامره أحد قالي هالكلام..!!وأنا الصراحه ماتعودت على

..!!أحس أنه هالكلمات تأثر فيني حتى لو كان من شخص أكرهه..!!مدري

ليه!!!المهم أنها تأثر فيني..وأنا الصراحه ماأبي هالشيء..وخصوصا لو كان من

فيصل...!!أدري أنه هالشي طبيعي ينقال ..بس ولو أحس أني مش متقبلته..في

هالوقت..

وبعيد ليش يفكر أني أتمنى له الشر..صحيح اني مغصوبه عليه وماأستلطفه..بس مو

معناها أني أنسى واجباتي كزوجه له...!!وأنا أصلا مش صغيره عشان أتدلع وأسوي

حركات بنات هالأيام..أنا كبيره وفاهمه كل شيء...بس يمكن أني مش متأقلمه مع

الوضع الجديد..وأصلا مش متقبلته ابدا ابدا..


اللي علي كواجبات بسويها..حتى لو كان هالشي غصبن عني..بس أخاف أني ماأقدر

..أخاف أني ماأقدر أصمد اكثر وانفجر بوجهه وأطلع كل اللي

بخاطري..لأن الصراحه مااستحمل منه ولاشي..والدليل أني كل ماماتكلمنا عن سالفه

معينه نتخانق ويتسكر الموضوع...!

يارب أرحمني..أنا لازم استحمل..واتعود على فيصل..البدايه صعبه والله يعيني..

فيصل\بتظلين كذه....بتظلين كثير تطالعين فيني...!!



حنين\هــا..

فيصل\شكلك سرحانه....صح!!

حنين\..ايه..

فيصل\في مين!!!...فيني!!

جلست أطالع فيه وانا مفتحه عيوني على الآخر...!!من صجه هذا!! كثير مصدق

نفسه!!!بس صح ..أنا كنت أفكر فيه...!!


حنين\لايروح فكرك بعيد..


فيصل\حنين..

حنين\همممممممم

فيصل\حنين

حنين\أيوه..

فيصل\حنين

حنين\ نعم

فيصل\حنين حنين حنين ..تصدقين اسمك حلو....!! وابتسم ........وغمض

عيونه...




لا والله فيه شي...!!مو طبيعي فيصل..!!أحس أنه موب صاحي...شكله

نايم..وجالس يتكلم..معقوله !!!يمكن..ليه لا!!!وبعدين واضح أنه مانام زين..وشكل

حبة البندول اللي خذها اثرت عليه وقام يسولف وهو نايم...لا وبعد

يبتسم..ههههههههههه ياحليلك يافيصل..صدق هالأنسان طفل..بس طفل كبير..

ههههههههههه اشفيني أنا أضحك...شكل العدوه أنتقلت لي....!!وقمت أهذي

مثله....!!



وبعد سااعتين

وصلوا مصر وكانت الساعه سته ونص..نزلوا من الطياره وأتجهوا للمطار وفيصل

تعبه يزيد أكثر وأكثر لأنه مانام الاساعتين بس حاول مابين هالشيء لــ حنين اللي

واضح أنها كانت خايفه عليه<<واثق كثير الولد
..خذوا شنطهم وأركبوا أول تاكسي شافوه وأتوجهوا

للفندق اللي حاجزينه من قبل مايجون مصر واللي زاد الطين بله أنه الفندق كان بعيد

عن المطار وهذا غير حرارة الشمس اللي تذبح ..باختصار كانت الرحله بالنسبه لهم

متعبه وخصوصا عند فيصل ..وبعد ساعه الا ربع وصلوا الفندق ونزلوا أغراضهم

معهم .وخذوا مفتاح الغرفه وأركبوا المصعد


واخيرا وصلوا الغرفه وأول مادخل فيصل الغرفه راح لأقرب كنب جنب الباب ورمى


نفسه عليه...وهو مش حاس بعمره..
أستغربت حنين منه ..ماتوقعت لهدرجه أنه تعبان وعلاجه هو النوم...!!!


ماعلقت على الموضوع وراحت صوب الغرفه اللي قبال الصاله..وأول مافتحتها شافت

غرفه أكبر من اللي بره وعرفت أن هذه غرفة النوم..جلست تتأمل لحظات بالوان

الغرفه اللي يغلب عليه اللون البني مع البيج وكانت فخمه بعض الشيء..


وضحكت فجأه....تتوقعون ليه!!!لأنه كان السرير صغير بشكل مو طبيعي لكنه طويل

ورفيع...يعني كان شكله غلط في غلط.. ويضحك اللي ماله خلق يضحك...

كان ودها تنام على هالسرير اللي من شافته تذكرت النوم والتعب اللي في جسمها..بس

فضولها خلاها تنسى النوم هالوقت وتكمل أستكشافاتها ..وراحت صوب الحمام اللي


بالغرفه وفتحته...وكان متوسط الحجم...أستغربت كثير من هالغرفه العجيبه لأن اللي

يشوف المبنى اللي بره يتوقع يشوف غرف اكبر في الداخل بس طلع العكس تماما..طلعت

من الحمام وراحت صوب النافذه وفتحتها واول مافتحتها سكرت اذنها من الأزعاج اللي

تسمعه في الشارع بس ماأستغربت هالمره لأنها تعرف ان مصر في الصيف والا في الشتاء

دايم مزحزمه بالسكان وخصوصا القاهره.







جالسه على السرير وماسكه التليفون ..أنتظر مكالمه منه..هو قال بيدق هالوقت ..بس

شفيه تأخر...معقوله لحد اللحين ماوصل المطار...ياربي...الله يستر..المشكله أني

محرصه عليه يدق عشان يطمنا...واذا مادق اللحين شكلي بنام..أنا أعرف نفسي

أمووت على النوم..!!ياربي..ياليت يدق اللحين..أوووف أبي أنام...


ودق الجوال وكانت رساله..

معقوله..ليكون راسل مسج..بس لحظه...

الرقم قريب..منوا هذا!!!أنا أول مره اشوف هالرقم..!!

وأيش الرساله الغريبه..وايش معنى هالوقت أنرسلت...!!

كانت الرساله..


... نار الموده وسط قلبي سعاير و حبيبي سالي مادرى عن عذابي...


وجات بعدها رساله ثانيه...


...رغم جفاف الندى ما تيبس أزهارك يا حب وصدق ووفـا وحشتـني أخبارك...المرسل...بدر

منوا..هذا!!معقوله واحد غلطان..بس ليش يرسل مرتين..!!

ليكون بدر الـ....!! لالامستحيل....أكيد واحد غلطان...

لالا شكلي من كثر النوم اللي فيني قمت أتخيل اشياء..خليني أروح أنام احسن...


الجزء السادس والعشرين

فصخت العباه والشيله وعلقتهم..وجلست على السرير...وانا محتاره...أيه

محتاره..مدري أيش أسوي..!!ولا أعرف أيش اللي واجب علي أسويه ..!!ودي

أصيحه ,اقوله ينام على االسرير..وودي أنه يكمل نومته على الكنبه...


أكيد ان الشيء الثاني بريحني...!!بس ولو..أحس أني مجرمه اذا خليته ينام على الكنبه

وهو تعبان..




أوووف كيفه..هو حر...ماحد قاله ينام بره...خليني أغير ملابسي أحسن لي

وانام..بدال ماني جالسه أفكر وأحاتي...



بس حرام..احس أنه ضميري يأنبني كثير..!!

يارب شسوي..أول مره أطيح بهالموقف المحرج...!!


اوهوااا وانا شعلي ..ًأصلا كيفه أبركها من ساعه انه بعيد عني...


وبالفعل قمت وفتحت شنطتي وخذتلي جلابيه عاديه ودخلت الحمام وبدلت وعلى

طول رحت للسرير...وحاولت اني أنام ماقدرت...

أكيد بتقولون اني خايفه عليه صح!!لا والله لايروح فكركم بعيد ..انا بس مش من

عوايدي أسوي هالحركه لأي شخص كان..لأني أحس بالمسئوليه أتجاه الكل وهذاللي

أتربت عليه من يوم وأنا صغيره..فما بالكم بزوجي...!!!صح أني ماأطيقه..لكن حرام

علي أخليه نايم بدون فراش ولا مخده...

مافي الا أني أجيبله لحاف وبكذه ارتاح شوي...

وبالفعل قمت وخذت له فراش وطلعت من الغرفه ...


قربت منه أكثر وشفته بسابع نومه ...نايم وشكله متضايق حتى بالنومه والعرق يتصبب

من جبينه... شكله ميت حر خذت الفراش وغطيته وانا ميته خوف ومرعوبه لأني

خفت أنه يقوم هالوقت وأروح فيها..بس أشوه ماقام...خذت ريموت المكيف وشغلته

له..ورجعت للغرفه بهدوء مثل ماطلعت بهدوء...وبكذه حسيت بالراحه وماقاومت
ونمـــت.................






عزمت أم فيصل أخوان زوجها على الغداء في بيتها ..

وحاولت تقوم عيالها بس ولا واحد راضي يقوم...وكلن قافل الباب على نفسه لأنهم

يدرون بالعزيمه ..واللي حالف أقسام وايمان أنه مايقوم الا أذا شبع نوم..كان حبيب

الجماهير خالد...كان محلف على أمه من أمس أنه مايقوم ولا أحد يطق عليه

الباب...لكن أمه ماهدته وماخلت خدامه الا وهي طاقه عليه باب غرفته...وهو أبد عمك

أصمخ...ولا كأن سامع شيء...


صح انه يسمعهم بس يكابر..ويسوي نفسه نايم..لمن جاته رئيسة الخدم اللي أسمها عفره

وكانت حبشيه وطقت الباب بأقوى ماعندها وهو مات من الخوف وفكر أن في شي

صاير..وقام على طول من سريره وفتح الباب ..

خالد\اشفيكم..أيش صاير..

عفره وهي حاطه ايدها على خصرها وتصرخ عليه\قوم يالله..أنت في واجد نوم..ومستر

عبدالله يبيك تحت..



خالد..كان بيذبحها..والود وده يزنطها ويفتك منها...هذا ثاني مره أحد يصيحيه

بهالشكل أولها فيصل اللي أخترع من قلب يوم صحاه وثانيها الخبله عفره..صرخ بأعلى

صوت عنده\أنتي بقره!!ماتفهمين!!أحد يصحيني كذه!!ماعندك مخ يالغبيه!!روحي

وسكر عليها الباب بأقوى ماعنده..وطلع صوت كبير من اباب حتى هو نفسه خاف من

اللي سواه


قربت عفره من الباب اللي نصك في وجهها وضربته مره ثانيه بكل قوتها وصار أعصار

ثاني في البيت\خالد ..قوم يالله...والا بعلم عليك مستر عبدالله..


خالد وهو يسوي نفسه خايف ويرتجف\يمـــه يمــ ــه خرعتيني ياعفره

هانم..روحي بس...مالت عليك من خدامه...


جلس خالد على السرير لأنه ناوي يكمل نومته مره ثانيه بس للأسف خالد من النوع

اللي نومه خفيف يعني اذا صحى مايقدر ينام ثانيه.........وقام من سريره وهو يدعي

على عفره واللي جاب عفره...






العنود\تصدقون احس أنه هالزواجه خلتنا نتقرب من بعض أكثر...


رهف\أي والله صادقه يابنت عمي الله لايفرقنا..

ساره\آمين أن شاء الله..

العنود\تدرون أمس بغيت أغلط فيك أنتي وترف والله ماعرفت أفرق بينكم..


ترف\لهدرجه يابنت عمي ماعرفتني..أفا والله أفا..

العنود\مدري شلون يمكن لأنك كنتي حاطه مكياج وفساتانك انتي ورهف نفس الشيء

...بس ماشاء اله عليكم كل وحده احلى من الثانيه ..بس اللحين عرفت افرق..


سوزان وهي تتكلم بطرف خشمها\عادي أصلا ترف ورهف مايتشابهون كثير..

العنود\يمكن بالنسبه لم مايتشابهون لأنك دايم تشوفينهم ..

سوزان\ايه أيه...

رهف\الا أقول ساره فيصل ماأتصل..

ساره\لا والله لسه ماتصل..شكله غرقان بالعسل..

ترف\ههههههههههههههههاي يحق له ولد عمي ماخذ حنين الله يسعده أن شاء الله..


الكل\أنشاء الله







جالسه بغرفتها..وفاتحه النافذه ...عشان تشم الهوى..وتستنشق عبيره الفواح...هذا غير

الموسيقى الهاديه اللي ترن في أذنها وتسمعها بكل حب وسكينه...

كلن يقول أنها رومنسيه ........................

..وشاعريه من الدرجه الأولى...وكلن خايف عليها...لأن أحلامها كبيره..كبيره كثير

فوق الخيال...تحب تحلم...تحلم لبعيد والأبتسامه ماتفارق وجهها..حتى وهي صاحيه تحلم

..أحلام ورديه..أحلام حلوه...وغريبه نوعا ما...كلن يقول انها مش من الأرض..من

كوكب ثاني...كوكب مافيه الا هي وفارس أحلامها...ياما تمنت ..وياما سهرت

الليالي..عشانه..عشان حلمها الأبدي ..ومستقبلها المشرق..اللي كله تفاؤل وأمل...


كانت دايم تقول...مش مهم نرضى بالواقع..أهم شي نحلم...ولا أحد يكدر علينا صفو

هالحلم ..أمنياتها كثيرة...وأمالها كبيره...بس كل شي مكتوب ومحفوظ..بكتاب

أبيض..كتاب أبيض..صافي مافي غير خواطرها اللي تكتبها ليل نهار ..بدون ملل..كانت

تكتب وتكتب لمن تتعب وتسكر قلمها اللي ولا مره أشتكى من كثر الكتابه..كانت

رومانسيه..رومانسيه وشاعره ...والشعر منها وفيها...القصايد تنقال عليها..وهي ترد

بهالقصايد بكلام ولا أحلى...


حياتها كلها أحلام كبيره وجميله ..لدرجة ان خلت اللي حوليها يحلمون مثلها..ابعثت

التفاؤل بقلوب اللي تحبهم ..وحتى اللي مايعرفونها يحبونها من أول نظره.. لأن كل وجهها

نور ..نور ساطع يبعث الطمأنينه والراحه في النفس الطيبه لأنها وبصراحه تدخل القلب من

أوسع ابوابه..واللي مايعرفها معذور أنه يتشائم من هالدنيا السوده..واللي يعرفها

محظوظ..محظوظ كثير ويابخته...ببساطه وبزهو ملحوظ...مافي مثلها في هالكون الكبير...

تبون تعرفونها...!!


هذه أمــل ..أمل الدنيا...تقدرون تسمونها هالأسم...لأنها بالفعل أمل لدنيــا كئيبه

مسوده متعذبه من ظلم الحياه له...ياترى عرفتوا مين اللي أنظلم وقست عليه الدنيا...!!!


لاتستعجلون ..راح تعرفون مين في الأيام الجايه...وان شاء الله تكون صفحة ألم وأنطوت

بالنسبه لشخص فاقد الحياه..وضايع ..ومسافر لبعيد..بعيد مع أحزانه...!!






صحيت من النوم وجسمي متكسر مره..ماني قادر أحركه لايمين ولايسار...بس

أرتحت..احس برحه ونشاط مو طبيعي ..سبحان الله..قبل كم ساعات بغيت امووت من

التعب والأرهاق واللحين غير..سبحان اللي يغير ومايتغير...


قمت من الكنبه ووخرت عني الغطاء..بس لحظه ...!!!أنا ماأذكر أني خذت لي فراش

وأتغطيت...!!ليكون حنين هي اللي غطتني..!!لالا ماأتوقع ..!!طيب ليش ماأتوقع

..!!!يمكن صحيح هي..!!وأكيد هي أجل مين..!!بس والله ماينعرف لها

هالحنين..!!ساعات أحسها مغروره وتتكلم بالقطاره ..وساعات أحس أن حنان الدنيا كله

بعيونها...!!!هههههههه شكلي خرفت..اللي يشوفني يقول جالس معها سنه..توني

ماخذت يوم كامل عشان اعرفها أكثر...!!


خليني أقوم اشوف وينها ...!!رجعت شعري لوراء لأني أدري أنه معتفس وشعري شوي

طوييل ورتبت شكلي المبهدل ودخلت الغرف..غرفة النوم...وكان الليت مسكر

...شغلت الأبجوره اللي جنب الباب ..وأول ماطاحت عيني عليه..حنين...

كانت نايمه وشكله كيووت زي الطفله متكوره ..وحاطه ايدينها الثنتين على وجهها من

الجهه اليمنى..قربت منها اكثر وجلست على طرف السرير..عشان اشوفها عن قرب...

جلست أتأمل فيها لحظات ..لحظات طويــله...ياحلوها وهي نايمه...

لا أرادي أيدي قربت لوجهها وتوني بلمسها ..وعلى طول شلت ايدي...

الصراحه خفت...خفت تصحى وتعصب زياده...وانا ابيها ترتاح شوي من تعب

السفر..ويصير خير اذا صحت..وراي العمر كله عشان أجلس جنبها وتسمعني واسمعها..


قمت من السرير وخذت شنطتي عشان أخذ شاور وأتنشط..لأني بصراحه اذا جلست

جنبها أخاف ماأقاوم ويصير شي اندم عليه ساعتها..







\يمـــه...

أم متعب\حبيبي ولدي....شلونك...وشخبارك..طمني عليك....

متعب\أنا بخير يمه...مافيني الا العافيه...,انتوا علومكم...

أم متعب\أحنا بخير ياولدي..بس والله خو فتنا عليك...وليه توك تكلم..حرام عليك

ذبحت قلب أمك من المحاتاه..

معتب\أعذريني يمه بس عبال مااستقرينا وظبطنا أمورنا ضاع الوقت وخصوصا أني كنت

واصل بالليل..

أم متعب\أوه طيب انتظري..لحظه يابنت..خذ خذ هيفاء تبي تكلمك وهاالله هالله

بنفسك يمه ولاتقاطعنا يالله مع السلامه

متعب\مع السلامه يمه..

هيفاء\يالسخيف ...والله والله أني حلفت أني ماأكلمك..

متعب ويضحك على أخته\هههههههههههه طيب هذا أنتي كلمتيني ..

هيفاء بابتسامه\شسوي قلبي طيب...بس والله مت قهر لأنك ماكلمت امس وخليتني

سهرانه طول الليل..المهم شخبارك..والرحله عسى ماتعبتك..

متعب\الحمد لله عايش..والرحله ماتعبتنا كثير بس طولنا 6 ساعات بالطياره عشان

نوصل لألمانيا ...بس الله سهل..المهم ماأبي أطول عليك..وين فهد بكلمه..

هيفاء\فهد مش بالبيت طالع مع ربعه..

متعب\خلاص أجل بكلمه بالجوال..يالله تامرين على شي..

هيفاء ودمعت عيونها\ايه..دير بالك على نفسك ياأخوي...ولا تقاطعنا

متعب\من عيوني ياأغلى من الغلا يالله مع السلامه...

هيفاء\في حفظ الرحمن...


وسكرت هيفاء من أخوها وهي شبه مرتاحه لأنها تطمنت عليه وحست من صوته أنه

مرتاح....بس ياترى هل هو صدق مرتاح ونسى..حنين....!!!




\حرام عليها ..والله حرام....

ريم\ليه بعد....!!

لافي\بنت عمتك ذي ماتحس!!ماتفهم!!!ماعندها مشاعر..!!ماتدري أن في واحد بيموت

عشانها ..وبيحيا عشانها..لها أكثر من أسبوع..وأنا ماأعرف عنها ولاشيء..ويوم جاء ذاك

اليوم اللي أقدر أشوفها وأكون بقربها ..تصدني وتروح وتركب مع ابوي..!! آآه

يالقهر..حتى صوتها..صوتها منحرم منه...!!!والله ..والله تعبت منها...

ريم وهي مصدوه من رد اخوها\الله يااخوي كل هذا حامله بقلبك ولاتعلمنا..وربي لو

أدري أنك مشتاق هالكثر كان جريتها من عباتها وركبتها معك..

لافي\تخسين تجرينها...

ريم\نعم نعم نعم..عيد ماسمعت....

لافي\أوهوااا..ريم حبيتي أبوس أيدك..تكفين كلميها خليها تحن علي أشوي...

ريم\ياعمري والله كسرت خاطري...بروح اكلمها..

لافي\يالله بسرعه كلميها..

وراحت ريم تجيب الجوال..وتوها بتروح الا تراجعت وكأنها تذكرت شيء...

ريم بخيبة امل\أوه نسيت اقولك شي...

لافي وهو فاقد أعصابه\اللي هو !!

ريم\هم معزومين بيبت عمهم ....للأسف..

لافي بجنون\لاااااااااااااااااااااااااااا ورمى نفسه على الكرسي...

ريم\لحظه لحظه..هي عنده جوال اختها حنين...بس مش متأكده اذا جابته معها...

لافي بأمل\تكفين..واللي يرحم والديك روحي تأكدي..والا أقول تعالي أتصلي بجوالي

..وبسرعه طلع جواله وأعطاه ريم...

لافي\دقي...

ريم\حشى كل شي عندك جاهز...

لافي\خلصينا..دقي..

ريم\زين زين...
ودقت ريم على العنود وشافت العنود الرقم وعرفت أنه جوال لافي وترددت ترد والا

لا!!!بس مع كل رنه قلبها تزيد دقاته أكثر وأكثر ...وطال تأملها بالجوال لمن أنتهت

الرنه..وتوها أستوعبت الوضع..وخاب أملها..وكرهت نفسها لأنها ماردت عليه..وبعد

ثواني دق مره ثانيه وأرتسمت الأبتسامه في وجهها وعلى طول ظغطت على رد...

العنود بصوت واطي \الوا

ريم\هلا وغلا

العنود بقهر بين على ملامح وجهها\أهلين ريم..

ريم\وينك يالسخيفه ليه ماتردين...

العنود\أممم مدري..المهم ماعلينا أنتي شلونك وأخبارك..

ريم\أنا زينه الحمد لله..بس في ناس جنبي يناتظرون كلمه منك ..ترد الروح لهم...!!

العنود بابتسامه\هي جنبك..



ريم\أيه..وودها تكلمك..

العنود\لالا من صجك أنتي ...

ريم\شسوي ذبحتني...الا تبي تكلمك..

العنود\لا الله يخيلك ريم..لاتعطيني أياها وسلمي عليها لأني بسكر الحين كلهم جالسين

يطالعون فيني

ريم\أوكي...حتى هي تسلم عليك..

العنود\الله يسلمها ويسلم غاليها يارب..

ريم\هههههههههه زين يالله مع السلامه..

وبعد ماقفلت...

لافي\ليه سكرتي منها..!!

ريم\تقولك ان جنبها ناس وماتقدر تتتكلم أكثر وتسلم عليك..

لافي وبعد تنهيده\الله يسلمها...المهم أني سمعت أخبارها...

ريم\ها يالحبيب أرتحت اللحين ..

لافي\وبرتاح أكثر اذا صار اللي في بالي..

ريم\الله يديمها راحه...

لافي\ريم..هو الجوال بيكون معها كل الوقت...

ريم\أيه ليش تسال..!!

لافي بابتسامه\ولا شي عن أذنك..




فتحت عيوني بتعب وأنا ارجع شعري لورى لأنه جاي على عيوني..وحكيت راسي وأنا

أحاول أتذكر أنا وين...فكرت نفسي بغرفتي وانا مغمضه عيوني وعلى طول مديت أيدي

عشان اشوف الساعه كم...!!دورت على الساعه ماحصلتها..فتحت عيوني مره ثانيه

لكن بنظره غير هالمره...لأني عرفت أني مسافره بعيده عن بلادي وعن عزوتي

وناسي...وتذكرت كل شيء مر علي أمس واليوم..صح أنها ساعات قليله مرت..بس

توني أذكر كل شي وكأني أتذكر شي فات من زمان وانتهى..تكدرت وضاق خلقي

أكثر..وانا أوقف على اخر مقطع شفته بذاكرتي قبل ماأنام..يوم غطيت فيصل ونمت

بعدها...مدري ليه تضايقت..!!يمكن لأني رجعت للواقع المر..واقعي مع فيصل ولد عمي

وزوجي..


ياترى لسه نايم...!!والا صحا من نومه...بغيت اقوم عشان اشوفه لكني أترددت كثير

..مدري احس بمشاعر متناقضه ..الواجب يخليني أشوفه ..وقلبي يقول كيفه هو حر صحا

والا ماصحا..اللي يبيه يسويه..وماوعيت من أفكاري الا بصوت باب الحمام ينفتح

وسكرت عيوني بقوه وسويت نفسي نايمه وعرفت انه فيصل بيطلع من الحمام..بس اللي

أستغربت منه كيف دخل الغرفه وماحسيت فيه...فجأه أنتابني شعور مرعب...ياترى وش

سوى فيصل يوم شافني نايمه...!!!


تناسيت الأجابه وأنا اشوف فيصل من طرف عيني جالس يمشط شعره...!!

مدري ليه...!!!حسيت بالخوف..!!يمكن لأني أول مره أحس أنه زواجي من فيصل واقع

وهذا مصيري معه..يمكن لأنه أول مره أحس أن في غرفه تجمعنا أنا وهو بس لوحدنا

ومافي أحد معنا..من جد أنا اللحين ميته خوف ومرعوبه..مدري كان ودي أفتح عيوني

وأقوم..بس في شي يمنعني ..أحس أنه من كثر ماني خايفه ماأقدر أقوم...ولا اقدر أحرك

جسمي...خلاص بهاللحظه حسيت بأني صحيح زوجه لفيصل وأنا زوجه له..وشعور

الخوف يتعبني أكثر وأكثر...

سميت باسم الرحمن وتعودت من أبليس وفتحت عيوني ببطء..

وحس فيني فيصل بسرعه ولف وجهه علي...

فيصل بابتسامه\عسى ماأزعجتك..!!

عدلت جلستي ورديت عليه\..........لا ....أصلا انا كنت بقوم...ونزلت عيوني في الأرض...

فيصل\طيب..حنين..أمم روحي صلي وجهزي أغراضك لأن بنتعشا بره


حنين\نتعشاء هالوقت!!وبره..!!

فيصل\أيه اشفيك..

حنين\ لا ..بس ماتحس أن الوقت متأخر..

فيصل\أصلا توها تبدى السهره في مصر...تشوفين الناس بالليل أكثر من الصبح..

حنين\أن شاء الله..وطولت في جلستي لأني عن جد ماأقدر أقوم وهو جالس

فيصل\أوكي أن بره بتفرج على التلفزيون لمن تخلصين..

حنين\طيب...

وماصدقت على الله يقوم وقفلت وراه على طول..وحتى هو حس بهالشي.. لأني غبيه

مانتظرت شوي .. بس شفته طلع قمت وقفلت الباب..

وأنا اللي من شوي مش قادره رجولي تشيلني...صج هبله!!اللحين وش بيقول عني.!!أكيد

بيفكر أني خايفه منه....!!أوووف...والله أني أتصرف مثل البزارين..مدري أيش فيني !!






طلعت من مجلس الرجال وأنا أيدي بتنكسر من كثر ماسلم...حشا..الناس اللي جاين

اليوم أكثر من اللي جاوا أمس في العرس...أنا مدري من وين ابوي واخوي متعرفين على


هالأمه..وكل واحد أستغفر الله أردى من الثاني..اللي يشوف شياكتهم ورزتهم يقول

ماشاء الله ماعليهم كلام..بس خلك تجلس معهم تكره حياتك كلها...!!وتتمنى انك

ماتعرفت عليهم...ومافي أوقح من كلامهم ..على الأقل أحشموا في شباب معكم..أبد

ولا كأنهم يشوفونا كأن العيد عندهم...

المهم وصلت للمطبخ اللي يطل اللي ورى بيتنا عشان أجيب القهوه اللي طلبها ابوي..والله

كثرت طلبات هالأبو...من راح فيصل والشغل كله علي..والمشكله أن في صباب


للقهوه..بس هالصباب مسكين مايدري يعطي مين والا مين...

وأول مادخلت المطبخ سمعت صوت و تحنحنت وتوني بدخل الا طلعت لي عفره هانم

عفره\ها خالد تبي شي!!

خالد\أيه أبي!!

عفره\أيه

خالد\عطيني مقفاك..

عفره\أنت واجد مشاكل..انا بعلم ...

خالد\أقول وخري..وأبعدها ودخل وشاف ترف

خالد\هلا باطش والرش...هلا

ترف\هلا خالد...وتوها بتطلع الا ناداها

خالد\ترف

ترف وهي مستحيه من موقف أمس\نعم..

خالد\أمممم أيه شلونك..!!

ترف\الحمد لله,,

خالد وهو يدور سالفه عشان تجلس أكثر\مين داخل!!!

ترف\مافي أحد بس الأهل..

خالد\أها..

ترف\عن أذنك..

خالد\ترف

ترف وبعد تنهيده\اللهم طولك ياروح..شتبي,,أخلص..

خالد بابتسامه\أيه هذه ترف بنت عمي اللي دايم تسبني مش ترف اللي من شوي..

ترف\أيوه خالد..

خالد\ترف ايش فيك...فيك شي!!

ترف\خالد أنا مافيني شي..انت اللي أيش فيك كل ماأبي أطلع تناديني...صح عفره..

عفره بكل حقد العالم\صــــــــــح..

خالد\بل بل بطيتي أذني ..أنتي هي لاتتكلمين صدقيني تتسبين أنشقاق في الكره الأرضيه

اذا تكلمتي..

هنا ترف ماتت ضحك على كلام خالد اللي مايترك أحد الا ويتحرش فيه

عفره\ترف..ايش يقول خلود...

خالد\خلود في عينك ..وياهالوجه...!!

عفره\شوف خلود أنا في يستحمل كثير ..واذا ماسكتت بضربك في هذا مكنسه..

خالد\لا بالله طالت وشمخت..روحي أنقلعي زين..وأنتي هي ليش تضحكين..

ترف\تدري ياخالد !!

خالد\أيه!!

ترف\أنا ماعندك سالفه..وأنا الغبيه اللي جالسه معاك..

خالد\والله ياآنسه ترف ماأحد قالك تجلسين معي..أنتي الللي ميته على شوفتي..!!

ترف\لا!!!

خالد\أيه!!

عفره\يالله روح روح هذه قهوه خلصت روح مجلس..

خالد\شف هذه تطردني من بيتنا...

ترف\والله ماألومها...أصلا مدري كيف مستحملتك ...15 سنه وهي جالسه بهالبيت

صدقيني اذا طلبت انها تسافر والله بتسافر بسبتك...

خالد\تكفين.....تكفين لايطيح نصك وأنتي تتكلمين...

وهنا دخلت ساره

ساره\أيش فيكم وش صاير!!تدرون حسكم واصل للصاله..

ترف وبدلع\ساره شوفي اخوك كله يحب ينرفزني..مالت عليه..

خالد\شوف الكذابه...

ترف\شفتي ويقولي كذابه..بعد..أصلا مدري من وين يتعلم هالكلمات الصراحه

سوفاج..

خالد وهو يقلد صوتها\ياي..ماأقدر على الدلوعات...مالت عليك ياترف وسليمه

صكتك..خليني اروح المجلس أحسن لي...

ترف\أبركها من ساعه يا..خــالد...

ساره\أمشي ترف معي...الصاله..

ترف\يالله سارونه أصلا أحنا ماتنجلس مع هالأشكال...وطلعوا مع بعض...

خالد\من حلاتك زين..ولي...أقول عفروه يالله جيب قهوه...

عفروه\انا أسمي عفره مش عفروه...وبعدين ترف حلوه أحسن منك يامدمغ...

خالد\ههههههههههههههههههههههههههههههههههههههههههههه هايههههههههههههه

هههههههههههههههههههههههههههههههههههههههههههههههههه هههههههههههههههههههههههاي عديها عديها ثانيه...
عفره\وش أعيد!!


خالد\ههههههههههه أخر كلمه قلتيها..عيديها تكفيـــن,,,
عفره\يامدمـغ..............

خالد\ههههههههههههههههههههههههههههههههههههههههههههه ههههههههههههههه

هههههههههههههههههههههههاي..والله وقمتي تتكلمين مثلنا ياعفروه..قالت وشوا

قالت مدمغ..ههههههههههههههههههههههههههههاي<<مجنون هالولد






أنتظرت....وأنتظرت ..وأنتظرت..وأنتظرت...وطال أنتظاري..أنتظر ست الحسن

والجمال الأميره حنين تطلع عشان نروح نتعشى..


أكيد بتقولون عصبت..ايه عصبت وعصبت وعصبت مليون بعد...اجل أنا يتسكر الباب

علي..!!أنا ينخاف مني..!!!أنا ماتطيق تشوف وجهي..!!ليه ياناس أيش فيني

..!!أشحلاتي أهبل...!!والا يعني مش من مقام الهانم حنين..طيب درينا أنها جميله وجميله

حييل بعد ..ودرينا أنها ماتحبني ودرينا بعد أنها ماتستلطفني بس مو معناتها ..تقوم وتسكر

الباب ..أصلا واضحه الحركه ..أكيد قاصدتها ..يعني أفهم يافيصل لا تدخل الغرفه مره


ثانيه...من زينها اللحين ..أكيد تفكر أني ميت عليها..وبعدين أنا رحت أتطمن عليها

ويوم رحت تطمنت عليها قلت خليني أتسبح فيها شي ذي بعد..واهم شي أن هذه

غرفتي مثل ماهي غرفتها يعني مش على كيفها تتحكم...!!

ياربي قاهرتنيي ياناس ...قاهرتني!!



حنين\ فيصل............... أنا جاهزه..

رفعت راسي عشان أشوفها ويوم رفعته .....



الجزء السابع والعشرين



\شفيك!!


حنين\فيصل فيني شي!!!

كان فيصل يطالع شكلها الفظيع وهي لابسه البدله اللي بلون زهر وحاطه شدوا

زهري وروج وردي وماسكه عباتها بأيدها

وبعد ماطول سكوت فيصل تكلم أخيرا..

فيصل بفكر شارد\...ها..ولاشيء...بس ...بس تذكرت شيء ..

وقام من الكرسي\مشينا..

وسلموا مفتاح الغرفه للرسيبشن وطلعوا لأول مطعم شافوه قريب للفندق..

وبعد ماجلسوا ....ظلوا ساكتين فتره طويله حنين تطالع الناس الللي حواليها

وخصوصا الخليجين اللي محتلين نص المطعم وكانت مره مستغربه من هالتجمع الكبير

وحست نفسها كأنها جالسه في السعوديه مش في مصر...

أما فيصل كان معصب على حنين لكنه يوم شاف شكلها وهي واقفه قباله بالفندق

أندهش منها ومن جمالها الملفت ..صح كانت لابسه لبس عادي ..لكنها كانت أجمل

وأجمل ببساطتها اللي مغطيه على كل شيء..كل شي فيها بسيط ومريح للنفس

شكلها النعوم كلامها الهادي والرقه اللي في أسلوبها حتى ابتسامتها حلوه وتريح

الأعصاب..


فيصل\ حنين...تبين شي معين زياده على اللي طلبته...!!

حنين\..لا مشكور ..وسكتت والتفتت على أي جهه ثانيه المهم أنها تتهرب من

نظرات فيصل لها..

واخيرا جاء الطلب اللي أطلبوه وبدوا ياكلون لكن حنين استحت تاكل وبالمووت

كلت قدام فيصل وكانت جيعانه مره مره مابينت هالشي..بس أكتفت تشرب العصير

اللي طلبه فيصل..

اما فيصل كان عادي عنده ..ولاحظ أن حنين ماكلت كثير

فيصل\خلصتي!!

حنين\ايه الحمد لله..

فيصل\مسرع شبعتي...على كذه بتخليني ماأكل شي..والا ماعجبك اكلهم!!

حنين\لا بالعكس الأكل حلو ..بس زي ماقلت لك أنا مسويه ريجيم..

فيصل وبدون مايحس\وليه تسوين ريجيم ماشاء الله عليك جسمك حلو ..أحلى من

جسمي..

أستحت حنين...أستحت كثير كثير ....لدرجة أن ماقالت ولاشيء..ووفضلت انها

تسكتت ..وعرف فيصل أنها أستحت لأن وجهها فضحها...

فيصل يبتسم\حنين ..ماكنت اقصد...

حنين\...................لاعادي خذ راحتك...

أبتسم لهافيصل ولف الجهه الثانيه




كان في لمة شباب جنب طاولتهم وكانوا جالسين يطالعون حنين .وخصوصا عيونها
اللي مبينه بالنقاب ..وكانوا بياكلونها أكل من كثر مايطالعونها ..ويوم شافهم فيصل

..ماتحمل ابدا بحكم غيرته اللي مو طبيعيه ..وقام يخزهم عشان يبين أنه شافهم وهي

يوم شافوه على طول لفوا جهه ثانيه ..وهدى شوي...

فيصل بدون نفس\خلصتي...

حنين وهي مستغربه من تغيره المفاجىء\..ايه

فيصل\يالله مشينا ..

دفع فيصل الفاتوره وطلع مع حنين ..وأيضا شافوا شباب خليجين جنب المطعم

ويطالعون فيهم وخصوصا حنين ..وهنا فيصل ماأتحمل أكثر ..ومسك يد حنين

وجرها بقوه..

حنين وهي معصبه وتحاول تفك ايد فيصل\أيدي لو سمحت..

فيصل\أسكتي أحسن..

حنين وبعد مافكت أيده منه\وليه اسكت أنا ماسويت شي غلط ياأستاذ فيصل!!

فيصل وهو معصب أكثر من حنين\لا ماسويتي شي..بس يكفي هالحيوايين يطالعون
عيونك وأنت تتفرجين..

حنين وهي لافه عليه\وأنا أيش ذنبي أنهم يطالعون فيني!!شرياك يعني تبيني أقولهم

لاتطالعون!!لو سمحت رجعني الفندق اللحين ..

فيصل\وهذا اللي بيصير اللحين..

حنين\فكه...

طالعها فيصل وهو ميت منها ودها يذبحها على هالكلمه اللي قلتها بس مسك نفسه

لأنه بالشارع وأول تاكسي شافوه أركبوه وتحركوا..ويوم وصلوا الغرفه دخلت حنين

غرفتها وسكرت الباب بقوه..

وهنا فيصل ماقدر يستحمل أكثر..ودخل الغرفه وصرخ بأعلى صوته..

فيصل\أنتي أيش مفكره نفسك ها!!وبعدين ليش تلطخين الباب!!ليش هالغرور!!

حنين\لو سمحت لاتصارخ في وجهي..واذا أنت معصب لاتحط حرتك فيني !!

فيصل\الا بحط حرتي فيك..وبصرخ بأعلى صوتي ومش مهم ترضين يامدام...

حنين بألم \صح أني عانيت يوم وانا صغيره..ولحد يومك أنا أعــاني..لكن عمره

ماأحد صارخ بوجهي يافيصل..وأنا مأسمح لك تصارخ وجهي..


فيصل\مش مهم تسمحين والا ماتسمحين أنتي فاهمه...!!

حنين\لو سمحت اطلع بره بغير ملابسي..

فيصل\..ماأني بطالع وهذه غرفتي مثل ماهي غرفتك...واللي تبينه سويه ياحنين..

حنين\أوكي فيصل أنتهى النقاش والكلام معك ضايع..ولا تطلع مش مهم بغير

ملابسي بالحمام...

وبالفعل خذت حنين ملابسها ودخلت الحمام حست بارتجاف أيدها وشفايفها

وحاولت تقاوم هالرجفه بكل قوتها لأنها ماتبي تصيح ماتبي تضعف عشان شخص

مايستحق ولا دمعه وحده من عيونها..وبالفعل قاومت وقاومت .....






طلعت من الصاله ورحت لغرفتي وأنا خانقتني العبره لسببين أولهم أني واخيرا وافقت

على خطيبي ورحت لأمي وقلت لها وفرحت كثييييييير لأني وافقت وكلمت أمي

روابي وقالت لها وأنشرت الخبر للبيت كله


.. بس مدري أحس أني أبي أصيح...مدري ليه!!!والشيء الثاني أني كلمت مروى عن

سالفة المسجات وقالت لي مستحيل أخوي يسويها...!!بس ليش كاتب أسمه!!ياترى

الحركه قاصدها والا لا!!!ليتني...ليتني تأخرت شوي عشان أتأكد أكثر...بس لين

متى!!!صار لي أكثر من 3أسلبيع ينتظرون ردي ..وأنا مارديت الا اليوم..والله

فشله...بس شسوي أبي أفكر أكثر...أصلا لو علي كان جلست شهور أفكر هذا

زواج مو لعبه...!!

أوووووووووف..خلاص ياهيفاء...أنسي أنتي وافقتي واللي صار صار ..ماله داعي

تتندمين اللحين...!!








انا شسويت...!!!ليه صارخت عليها..!!! هي وش ذنبها...!!

وش ذنبها أن الشباب جالسين يطالعون فيها!!!بدال ماأروح أتهاوش معهم ..حطيت

حرتي فيه..!!ياربي هذه بدايتها كذه!!الله يستر من الجاي...!!لا وانا الحبيب مخطط

أني أتعامل معها بأسلوب حلو عشان أنقرب منها وأكسبها ..طلع العكس

صحيح..هي المسكينه اللي ماسوت شي...وأنا اللي جالس أحارب ضدها...!!


المشكله اللحين كيف أتعامل معها اذا زعلت ..انا أدري أنها متضايقه مني أكثر من

أول..يكفي كلمتها...لحد اللحين أذكرها...أحس أنها ذوبت قلبي..من كثر ماهي

حزينه..كنت اتمنى أني ماسمعت هالكلمه منها..كنت أتمنى تكون أقوى من كذه..!!


....أعاني.....انا أعاني من يوم وانا صغيره..ولحد يومك...ولحد يومك هذا أعاني....

ياربي هي تعاني...وأنا السبب...شسوي اللحين...


خليني اطلع للصاله عشان تهدى شوي وبعدين يحلها ألف حلال




طلعت من الحمام..وأنا جامده..حتى التنفس ماأتنفس...


دارت عيوني على الغرفه كلها ..بس ماشفته..ماشفت فيصل....


أحسن بعد..خله يولي...اذا هو مايبي يشوفني فأنا ماأبيه ألف...


قربت من الباب..وأنا في بالي فكره,,ومعزمه اني أسويها..وسويتها.....قفلت الباب على

فيصل,,,وونمـــت...................................



سمعت ..سمعت صوت الباب وهو يتقفل,....

طيب ياحنين أنتي شكلك ناويه على الحرب,,,أوكي فالك طيب ..قفلي الغرفه...قعدتي

هنا أحسن من مقابل وجهك...





هند\واخيرا..وأخيرا بنعرفها...واي ..ماني مصدقه..

العنود\أجل أنا وش أقول بمووووووت أبي الفسحه تجي بسرعه عشان اشوفها...


هند\أنتي أدعي بس الأبله تطلعنا..شكلها كذه مش مطلعتنا....

العنود\لاااااااااا حرام عليك أتفائلي بالخير...

هند\والله ماأكذب عليك وتدرين أنتي أبله سهيله مرررررررررره ماتصدق على الله

تكون فسحه ورى حصتها عشان تكمل الدرس...


العنود بضيق\أووووف منك ...لازم تنكدين علي....



وبعد ربع ساعه من الحصه دق الجرس وجت الفسحه وابلتهم ولاكأنها تسمع أن الجرس

دق والبنات ينحزون لها ويتأففون وهي مره كأن العيد عندها لمن راحت نص الفسحه

وطلعت الأبله بالموووت ويوم نزلت العنود مع هند دوروا على البنت المجهول بس مالقوها


..ودق جرس الحصه الرابعه وهنا العنود ماتت قهر ودعت على أبلتهم لمن قالت بس....






صحيت من النوم وأنا مفزوعه الساعه 9 اللحين ولاصليت الفجر ...ياربي أستغفر الله

العظيم ..يارب سامحني...رحت الحمام على طول وتوضيت وصليت الفجر قضاء...وبعد

ماخلصت صلاه ..تذكرت فيصل.. وتذكرت اني ماقومته للصلاه ..شكله حتى هو

راحت عليه نومه..وتذكرت خناقتي معه أمس ...جلست افكر باللي صار أمس كله

..يس حسيت أن السالفه ماصخه ومالها داعي وعندي أمور أهم من كذه ومش مهم


أنكد على نفسي عشان واحد مايستاهل...طلعت من غرفتي عشان اصحي فيصل للصلاه

..وشفته نايم على نفس الكنبه اللي كان نايم عليها أمس...الصراحه..يوم شفته خجلت

من نفسي كثير ..وحسيت بشعور كريه جدا..حسيت أني ظالمه...كيف سمحت لنفسي

أني أخليه ينام مره ثانيه بره..الصراحه توني أدري أنا قلبي قوي...قربت منه وحاولت

أصحيه بكل الطرق بس هو ماصحى...ويوم ناديته بصوت أعلى من قبل فتح عيونه..وقام

يطالع فيني وهو متفاجأ..شكله متفاجأ مني أني صحيته...جلس كثير يطالع فيني ..ومدري

حسيت من كثر ماهو مبحلق فيني أن في شي فيني غلط..


بس بعدها غمض عيونه..وقال


فيصل\كم الساعه!!!

حنين\الساعه 9 ونص...

قام من مكانه بسرعه...

فيصل وهو معصب\الساعه تسع ونص...تسع ونص..ماصليت...


حنين\حتى أنا ماصليت الا من شوي...

طالعني بنظره...مافهمت معناها..بس حسيت أن الشرار يطلع من عيونه وراح الغرفه

عشان يصلي..


هو طلع من هنا..وانا جلست مكانه ..وجلست افكر وأعيد النظر بكل شيء..بس مره

ثانيه حاولت ابعد كل الأفكار من راسي..وفتحت التلفزيون عشان اتسلى وأضيع الممل

اللي يحتويني..




بعدها شفت فيصل طالع من الغرفه وشكله متسبح لأن شعره مبلل ويحاول يرفعه عشان

مايجي على عيونه بس كل مره يطيح..مالت عليه يفكر بس هو اللي شعره ناعم وحلو...

سويت نفسي أني مندمجه بالبرنامج اللي أشوفه..وأنا اصلا جالسه اراقب كل تحركاته

مدري ليه...!!


فيصل \قومي...بنفطر بره..

حنين وهي تطالع التلفزيون\بس أنا ماأتجهزت..


فيصل بدون نفس\بنفطر تحت بالفندق..يعني ماله داعي تلبسين..يالله روحي جيبي

عباتك..أنتظرك بره...وطلع من الغرفه..

حنين\يتأمر بعد الشيخ...أووف والله لو ماني جيعانه كان مارحت معك...

لبست عباتي وطلعت بسرعه وشفته واقف جنب المصعد ينتظرني...ركبت معه المصعد

ونزلنا تحت نفطر..


فيصل وهو ياكل\جهزي أغراضك لأن في الليل بنروح شرم الشيخ..


حنين\أن شاء الله...بس ...ليه مانروح اللحين ..صعبه بالليل نمشي..

فيصل\ خايفه..!!

حنين\لا مو خوف بس آه ,,,مدري...خلص على راحتك..

فيصل وهو يطالع فيها\......تهمك راحتي....!!





سكت...الصراحه مدري أيش أرد عليه والا أيش اقوله....

وهو فسر سكوتي شي ثاني....وبكذه أنتهى النقاش اللي بينا وصار الجو متوتر أكثر من

أول...وبعد ماخلصنا طلعنا للغرفه وأنا على طول رحت أتسبح وأغبر ملابسي..


وهو طلع مدري وين راح...!!!





طلعت من الغرفه وأنا أتنفس الصعداء..أحس أني لو جلست معها أكثر من كذه


بنفجر..حياتنا صارت ممله..واللي يشوفنا يقول مش عروسين في بداية زواجهم..أمحق

شهر عسل..يكفي أني ماسك نفسي عشان سالفة أمس..تجي اليوم وتكملها..توقعتها ترد


علي بأي شي..بس ماتسفهني وتسكتت..أنا مدري وش مصبرني عليها..شفت كوشك

يبيع زقاير خذتلي علبتين لأني ناوي أقضي عليهم اليوم...وانا اللي كنت ناوي

أتركهم..بس رجعت لهم مره ثانيه بسببها..دخلت الفندق مره ثانيه وطلبت لي قهوه لأني

أحس راسي مصدع...ودق تليفوني هاللحظه ولا أراديا أبتسمت...ورديت






فيصل\هلا وغلا بالغاليه.
.
أم فيصل\حبيبي فيصل شلونك..!!!

فيصل\تمام بخير..أنتوا شعلومكم...واخباركم..

أم فيصل\أحنا بخير دامك بخير ياقلبي شخبار حنين عسى مازعلتها...!!


فيصل ..آآه يمه..مدري مين اللي مزعل الثاني..

فيصل\حنين بخير يمه تسلم عليكم..شخبار البنات وخالد وريان وابوي..

أم فيصل\كلهم يسألون عنك..,انت مره ياولدي شكلك ماصدقت على الله تسافر

..ولاكلمتنا تطمنا حتى..


فيصل\معليش يمه عذريني هالمره..عطيني ابوي جنبك هو..

أم فيصل\هو متى أصلا يجلس في البيت ..كله في الشغل او مسافر..بس جنبي ساره تبيك

خذها..يالله مع السلامه

فيصل \في حفظ الله...

ساره\الوا..فيصل..

فيصل\هلا ساره شلونك...!!

ساره\الحمد لله..أنت شخبارك وشخبار حنين..

فيصل\الحمد لله أنا وحنين بخير..

ساره\وراك يالقاطع ماتسأل عنا..والا حنين نستك أهلك..

فيصل\لا حنين ولاغيرها ينسوني أهلي..وحبايبي..


ساره\أووه شكلكم مو شي..فيصل صار شي مع حنين

فيصل\خليها على الله ياساره..بنت عمك بتجنني...

ساره\خير فيصل خوفتني...وش صاير..

فيصل\غيري الموضوع ساره..

ساره\هي جنبك اللحين..!!

فيصل\لا أنا تحت ..خلص كلميني بعد خمس دقايق لأني بطلع للغرفه..

ساره\اوكي..فيصل مع السلامه..

فيصل\مع السلامه...



طلعت فوق ودخلت غرفة النوم وشفت حنين جالسه على التسريحه وشعرها فاتحته وجالسه تحط كحل..

يوم شفتها...بهت..وقف قلبي..هذه ثاني مره اشوفها فاتحه شعرها..لكن اللي جنني زياده

عيونها..عيونها هي كبار بس كبرتهم زياده لأنها حاطه كحل كثير ولابسه عدسات عسليه

على لون بدلتها البيجيه..ياربي هالبنت بتذبحني بجمالها...الله يصبرني...


حاولت أشيل عيوني منها بس ماقدرت ...احس أني منوم مغناطيسي...وهي اللي

منومتني...وبعد تأمل طويل..دق التليفون وكانت ساره أختي...

مديت لها التليفون وكان واضح أني مرتبك ومتشتت ...

حنين\منوا!!

فيصل\ساره...أختي..

خذت مني التليفون وبحركه غير مقصوده لمست أيدها ...وهي أرتجفت ايدها وأرتبكت

أكثر مني..والتليفوت يرن ويرن...واحنا نطالع بعض..مرت ثواني كثيرة واحنا نطالع بعض..والتليفون يرن ويرن....وبعد مادق ثانيه أنتبهت

و طلعت من الغرفه..خلاص ماأقدر استحمل.... أحسن لي أبتعد منها..


...ياربي قربها عذاب وبعدها عذاب وعذاب...


جالسه في غرفتي واسمع أغنية شيرين ..عرفتوها بتوحشني..بتوحشني وأنا وياك..

وافكر,أفكر وأفكر...أفكر بــ خالد...خالد الخبل..جالسه أتذكر كل مواقفه

وياي..من يوم وأحنا صغار وهو يمسك شعري ويمشعه..ولحد أخر موقف يوم شفته في

المطبخ...


أحس نفسي غير ..أحس أني مو ترف..ترف الأوليه اللي اذا قالو لها لا..تقولهم أي وبعناد

بعد..مدري وش اللي غيرني...يوم واحد بس أنقلب حالي...صرت أحب أكشخ..صرت

احب أحط مكياج وألبس أحسن لبس...تدرون ليه!!من يوم قالي خالد ذيك الكلمه وانا

غيرررررررررر....صرت زي المجنونه اذا عرفت أنه موجود أتحرقص بمكاني...صارت

تجيني حالات مو طبيعه..أضحك وأحزن في نفس الوقت..وكثير أسرح..أسرح

لبعيد...أسرح لذكريات قديمه عشتها مع خالد...


يارتى هل هو يفكر نفس تفكير والا بس أنا المجنونه اللي أفكر فيه!!!




سكرت من ساره وأنا كلمتين على بعضهم مش قادره اقولها لها...هي تتكلم وتتكلم وأنا

في عالم ثاني..


وأنا أيش فيني أن شاء الله كل مايقولي كلمه أويلمسني برتجف زي البزره...!!


وش بيقول عني..!! والله أني متفشله من عمري..!!ليتني ماخذت منه التليفون والا

أنحطيت بهالموقف البايخ..


بس الحمد لله انه طلع وخلاني أتكلم مع ساره براحه...!!

أي راحه ياحنين..مدام فيصل موجود بحياتك...!!

طلعت من الغرفه وشفت فيصل ماسك الزقاره ويدخن...الصراحه أتفاجأت ماأتوقعت أنه

يدخن...هذه أول مره أشوفه يدخن..!!وليه استغرب..واحد مثل فيصل يسوي اعظم من

كذه...!! الله يستر منه..

سويت نفسي اكح عشان ابين له أني موجوده بس شكله ماأنتبهلي..شكله

سرحان..ياترى تفكر بأيش يافيصل...!!

وبعد دقايق من وجودي لف وجهه علي..وقالي ..


فيصل\خلصتي...!!

حنين\الأغراض..!!

حنين\أيه جهزتهم.

فيصل\أوكي اللحين بنطلع نتمشى وبنتغدى بره...ومش راجعين الا بالليل..اذا تبين شي

خذيه من اللحين.

اكتفيت بأني أهز راسي بمعنى أني ماأبي شيء..

وماهي الا دقايق وطلعنا بره نتمشى ...على قولته..





\ياربي هالبنت ماأتصلت...والله أني خايفه عليها...

عمر\يايمه..أذكري الله وأكيد اذا لقت فرصه بتدق هي...


العنود\أي والله صادق عمر اذا لقت فرصه بتدق ..لاتخافين على حنين...


ام حنين\بس على الأقل تطمنا أنها بخير ووصلوا...

عمر\يمه أكيد هم وصلوا...لا تحاتين الله يهديك..


أم حنين\طيب تكفين العنود دقي على ساره أو سوزان أكيد كلمهم فيصل...


العنود أن شاء الله يمه..بدق عليهم بس أنتي هدي...

دخلت الغرفه عشان أدق على ساره من جوالها..

واول مافتحت الجوال لقيت مسج من لافي...خفت..خفت كثير مابغيت أظغط على

الرساله...بس فضولي خلاني أظغط وأنا ميته وناسه..لأن لافي....رسل..

وأول ماقريت الرساله أستغربت..قريتها مره ومرتين أحاول أستوعب اللي مكتوب..

لا الولد مب صاحي ..يبيني أكلمه...مستحييييييييييييييييل...


(العنود ....الساعه 8 بدق عليك...وتكفين ...ردي علي.....لافي....)







رحنا الأهرامات وشفنا أنواع الأجانب هناك ...مدري ليش الناس منهبلين على

الأهرامات أحس أنها عاديه..وماكان ودي أروحها بس قلت لازم أودي حنين جميع

الأماكن اليوم ..حاولت فيها تركب الحنطور بس هي مارضت ..على قولتها مش لابسه

بنطلون ..سكت عنها ...شكلها تخاف بس ماتبي تبين لي..


رحنا لمحل قريب من الأهرامات يبيع عطور ودهون للجسم واشياء كثيرة..خليتها شوي

لوحدها ورحت أشتري بعض العطور لأهلي ..


ويم خلصت شفت حنين جالسه تشم بعض العطور المصفوفه بره


فيصل\عجبتك ..!!


حنين\يعني..

فيصل\طيب ماودك تشترين..!!

حنين\لا مشكور

حاسبت اللي شريته وطلعنا ....

في السياره

فيصل\تبين ناكل اللحين ..والا بعدين..

حنين\كيفك

فيصل\والا نروح السينما قبل...!!

حنين\عادي..

فيصل\حنين

حنين\نعم

فيصل\ممكن سؤال..!!

حنين\تفضل..

فيصل\أنتي ماعندك غير هالكلمات


حنين\أي كلمات!!

فيصل\عادي ..على راحتك..اللي تبي..كيفك...ماتعرفين شي غيره...

حنين\ليه !!مو عاجبك كلامي...!!

فيصل وبعد تنهيده\الا ...عاجبني كلامك بس يابنت الحلال..حسيسيني أنك موجوده

معي..خليني ..خليني أحس أنك زوجتي..!!

حنين\وش تبيني اسوي يعني!!

فيصل وهو قاطع الرجا منها\ولا شي..ولاشي حنين..يالله وصلنا...




في المساء
يتفتح شوقي أليك..
حقلا من أزهار الجنون الليله
آه تلك كل الأسوار بيننا
آه بيني وبين وجهك
ليل طويل من الفراق
وريثما يطلع الصباح
ستلفني الكوابس كالكفن
وسأستقيظ كالعاده على صوتي
وانا أنادي بأسمك
وتحلم بك أحلامي!

أيها البعيد كالمناره
أيها البعيد كذكرى الطفوله
أيها القريب كأنفاسي وأفكاري
أحبك..أ.ح.ب.ك
واصرخ بملىء صمتي أحبك
وأنت وحدك ستسمعني
من خلف تلك الأسوار
أصرخ ..وأناديك بملىء صمني
فالمساء,حين لا اسمع صوتك : مجزره
والليل حين لاتعلق في شبكة احلامي:شهقة احتضار واحده
المساء,
وانت بعيد هكذا
وأنا أقف على عتبة القلق
والمسافه بيني وبين لقائك
جسر من الليل
لم يعد بوسعي
ان اطوي الليالي بدونك
لم يعد بوسعي
ان اتابع تحريض الزمان البارد

في المساء يقرع شوقي اليط طبوله
يهب صوتك في حقولي
كالموسيقى النائيه القادمه مع الريح
نسمعها ولا نسمعها
يهب صوتك في حقولي
وأتمسك بكلماتك ووعودك
مثل طفل
يتمسك بطائرته الورقيه المحلقه
الى أين ستقذفني رياحك!!
الى أي شاطىء مجهول؟
لكني كالطفل
لن أفلت الخيط
وسأظل أركض بطائرة الحلم الورقيه
وسأظل الاحق ظلال كلماتك

ليلة 19\5 أمل.أمل الحياه....


الجزء الثامن والعشرين

تغدينا بعدين رحنا السينما وشفنا فيلم مصري كان يضحك مره وأنا ماقدرت أمسك

ضحكتي اللي فقدتها يوم سافرت ..حتى فيصل استغرب مني كثير وقالي كلمه حسيتها

يقولها بكل حنيه وعفوبه قالي:

(...لو أدري أنك بتضحكين هالضحك كان من زمان

جبتك السينما... يعلها هالضحكه دايمه ياربي...)



وطبعا أنا الغبيه أنحرجت غصبن عني وسويت نفسي ماسمعه وكملت باقي الفلم

...وياليتني ماكملته ...طلعت لقطه وقحه جدا جدا جدا...وانا ماعرفت وش

أسوي...أستحيت مررررررره خصوصا لأن فيصل جنبي ويطالع اللي أطالعه..بحركه لا

أراديه لفيت وجهي عليه وشفته يبتسم ويطالع السقف...الصراحه كان شكله يضحك

وهو يناظر السقف ..أخفيت ظحكتي اللي كانت بتفضحني وأكتفيت بالأبتسامه ...

وكملنا الفلم...


وبعد ماخلص,..طلعنا وقال فيصل مدام الفندق قريب خلينا نروح عشان نصلي

ورحنا..

واول مادخلنا دخل فيصل غرفة النوم وقط نفسه على السرير..

دخلت معاه عشان اتوضى واصلي...

فيصل وهوحاط المخده على وجهه\حنين..

حنين \هلا

فيصل\كنت أبي اقولك عن ....والا أقولك ولاشيء..

حنين بغرور\كيفك..ودخلت الحمام..





والله أنها بتجنني...بس ماعليه ياحنين ..أنا وراك وراك والزمن طويل...ولازم اكسر

هالغرور اللي تمتلكينه...خليني انام شوي والله أني تعبان...

وبعد دقايق

حنين\فيصل..

حنين\فيصل...

فيصل\نعم..

حنين\لاتنام صلاه..

فيصل وشال المخده اللي على راسه\أن شاء الله...وقام من السرير وقبل مايدخل
الحمام

فيصل\في شي ثاني مدام حنين..

حنين\..أممم ..ايه..

حنين\ممكن تليفونك ..عشان بكلم أهلي...

فيصل\شوفيه على السرير...كلميهم .بس لاتخسرينا...ترى المكالمات هنا غاليه..

حنين وهي تطالعه بنص عين\..خلص ماأبي شي..

فيصل\ههههههههههههههههههه والله أمزززح ..التليفون وراعيه كله لك...أنتي بس

أمري....



لحظات سكوت....يمكن مرات دقايق...... بس الصراحه ماعديتها....

راح فيصل الحمام وترك حنين في غمرة تفكيره وتفاجأها من عمايله..





لحظه...لحظه..لحظه....وشفيه ..والله انه مو طبيعي اليوم....يقط كلمات

كبيره..والمشكله أن تاثيرها قوي ...هذا غير نظرتة الخبيثه....والله أنك تخوف

يافيصل....!!شكلي مهما جفيت بطريقة تعاملي معك ماراح تتأثر..ياترى ليه

يافيصل..!!هذا مو طبياعك اللي أعرفها..!!وش ورى هالأبتسامه...!!وش ورى

هلأسلوب وأحترامك لي...!!تصرفاتك غريبه...وطبايعك جديده....!!وش تبي مني

يافيصل وش تبي...!!...لاتفكر اني يوم راح أتسامحك معك....والا

أتساهل....حقوقك بتجيك كامله على عيني وراسي..بس شي ثاني..لا ..لا يافيصل

لا...مش أنا اللي أستسلم بسهوله..مش أنا....!!!!!

اووووف ...خليني أتصل على اهلي أحسن...

حنين\الو..

العنود بفرحه كبيره\حنيـــــــــن ..

حنين\عنود..حبيبتي...شخبارك..

العنود وهي تمسح دموعها اللي نزلت فجأه\أنا بخير أنتي شلونك وشخبارك..وحشتيني

حنين وحشتيني كثير..ماتتخيلين البيت كيف بدونك ياحنين ..حنين البيت بدونك

مايسوى والله مايسوى....

حنين ووهي متأثر ه حييل\أنا اكثر ..والله اني فقدتكم وأحس نفسي ضايعه بدونكم

..
العنود\طيب ليه ماكلمتينا من زمان..

حنين\ماقدرت يالعنود ماكان عندي تليفون ولا كنت أبغى أطلب من فيصل

العنود\الا على طاري فيصل ..شخباره ..!!وكيف حالك معه...!!

حنين بضيق\الحمد لله.....الحمد لله يالعنود...

العنود\حنين شفيك ..!!

حنين\مافيني شي ...صدقيني مافيني الا العافيه..ويني أمي أبي أكلمها أبي أسمع صوتها..

العنود\أن شاء الله بروح اناديها لكز.بس اذا خلصتي كلميني أوكي...

حنين\من عيوني حبيبتي ...

وراحت العنود تنادي أمها اللي ماصدقت أن حنين أتصلت وكانت وهي تكلم بنتها

ترتجف وتصيح في نفس الوقت ...كان ودها تشوف بنتها..كان ودها تكون جنبها

هاللحظه ..قريبه منها...تطالع فيها بدون ممل..تحضها بصدرها بكل قوتها..كان ودها

تمسح دموع بنتها وتطبطب عليها...تمنت ألف مره انها تشوفه لحظه وحده بس...تمنت

تحبها وتمسح على شعرها...وتهون عليها غربتها ...لاتلومونها بنتها الكبيره..بنتها اللي

عانت عشان تشوف الفرحه بعيون الكل..بنتها اللي ياما تعبت وتعبت عشان أهلها

..وبتظل تتعب وتتحمل عشانهم...

سكرت حنين من أمها وهي تصيح على حظها العاثر اللي خلاها بعيده عن

أهلها..سكرت وهي مش مطاوعها قلبها على اللي يصير بحالها ....كانت تتمنى تكون

قريبه من أمها واخوانها..كانت تتحسف كثير أنها وافقت على الزواج وأبتعدت عن

أهلها...تتمنت وتمنت أن الزمن يرجع لورى وتكون بحضن أمها اذا بكت...أو تكون

عند العنود عشان تهون عليها..أو حتى تكون بغرفتها تشكي حزنها لوحدها...بس أهم

شي تكون جنبهم وقريبه منهم.....!!!


طلع فيصل من الحمام هالوقت وشاف حنين جالسه على السرير وهي ملتويه وحاطه

أيدها الثنتين على وجهها وهي تبكي بمراره ودموع وقهر...

مات هاللحظه...وهو يشوف حنين تصيح...وبأقل من ثانيه قرب منها وجلس جنبها

على السرير...

فيصل\حنين....حنين..شفيك..حنين ..رفعي راسك...الأهل صاير لهم شيء....حنين

...تكلمي...

حنين هاللحظه رفعت وجهها ودموعها تنزف من عيونها المحمره...وهي تصارخ على

فيصل..

حنين\أنت السبب..انت السبب...يافيصل كل اللي جرى لي ..بسببك أنت..وبس

ولو...وو...وأخنقتها العبره ذيك اللحظه وأمنعت نفسها من الكلام....


كان ودها تفضفض باللي كابد بصدرها ..كان ودها تتكلم وتتكلم لمن ترتاح

شوي..بس سكتت ..وامنعت نفسها من أي كلمه وتحس أنها اذا تكلمت بتهين

نفسها قدام فيصل..كانت تحس أنه مايستاهل حتى كلمه وحده بس منها.. ..كانت

تبي تعذبه مثل ماعذبها كانت تبي تقهره مثل ماقهرها من أول ماخذها...كانت تبي

تعطيه من الألم اللي يعتصر قلبها اليوم وبكره وبعده...مثل ماحطمها بتحطمه

وبتهينه...هو السبب ولازم يحتمل مثل ماهي تحملت....هذا الكلام كان يدور في بال

حنين وهي مصره أنه تذوق فيصل كاس المر اللي ذوقها أياه..



فيصل وهو متفاجأ\..أنـــــا...أنا ياحنين..ليش..!! وش سويت...!!ماأظن أني

سويت جريمه عشان تتهمني كل الأتهامات,,,ممكن توضحين لي...!!أرجوك ..با حنين

لا تسكتين....!!تراني مليت ..ماعدت أستحمل..خلاص..ياحنين...انا تعبت...

صدقني تعبت معك...تعبت..وطلع من الغرفه وهو متضايق من تصرفات حنين ...







كان جالس في حديقه قربيه من السكن حقه...يبي يتكلم..يبي يصرخ....ويقول باللي

جاثم على صدره..يحس بضيقه مو طبيعيه...يبي يتنفس مش قادر...الدنيا نهار ..لكن

بنظره هو أنه أحنا بالليل..كل شي يشوفه أسود..وماصار يميز بين الأشكال ..كل شي

يشبه بعض..غيوم وهموم وجروح...هذا اللي صار يعرفه..اذا طالع فوق يشوف

غيوم..واذا لف يمين ويسار يشوف هموم واذا رجه لورى يشوف جروح قديمه...


وماعرف يعبر الا لورقه ..ورقه كانت فاضيه وتتنتظر حبر يقتحم بياضها الباهت


وكـأنها هالصفحات صارت متعوده كل يوم تنكتب فيها مأساه جديده...




هموم وليلة ن سودا واشاهد في سماي اغيوم
اعيش الليل ظلمه يمكن القى النور في باكر
احاور صمتي القاسي واجاوب بوحي المهموم
احاول اخفي آلامي ويظهر حسي الماكر
نعم اضحك مع اصحابي ولكن داخلي مسموم
على كل الجروح اللي بقلبي يا الغلا شاكر
اشوف ان الفرح كذبه على وجه الزمن مزعوم
واذا عشت الفرح لحظه اشوفه للوفا ناكر
اعيش الحزن في ليلي وكيف انسى وهو مرسوم
واذا حاولت ابي انساه يرجع لي وهو فاكر
صباح الهم ياجروحي اصبحكي وانا مرحوم
صباح ن ماظهر وجهه اذا كان الزمن عاكر
وليل ن طال بي وقته يداعبني وانا مكتوم
ومع كل العنا برجع واقل لك يا الغلا شاكر









...منذ عرفتك...
عادت السعاده تقطنني
لمجرد أننا في كوكب واحدا وتشرق علينا شمس واحده
رائع أنني عرفتك
أسميتك الفرح,الفرح
وكل صباح ..أنهض واستيقظ على صوتي لك...وانا أقول
....صباح الحب أيها الفرح....
ولأني أحب صار كل مالمسه بيدي
يستحي لي ضوءا
ولأني أحبك
أحب العالم كله..
واحب أطفاله واشجاره وبحاره وكائناته
وصياديه وأسماكه ...
لأني أحبك
عاد الجنون يسكنني
في الفرح يشتعل
في قارات روحي المنطفأه
لأني أحبك
كل شي صار أسمك
صار صوتك
وحتى حين أحاول الهرب منك
الى براري النوم
ويتصادف ان يكون ساعادي
قرب أذني
أنصت لأكاد اسمعك
فهي تردداسمك
ثانيه بثانيه
ولم أقع بالحب
لقد مشيت اليه بخطى ثابته
مفتوحة العينين حتى أقصى مداها
أني واقفه في الحب
لا واقعه في الحب
أريدك
بكامل وعي
.....أو بما تبقى منه بعد أن عرفتك أنت.....!

أمل..أمل الحياه....
فهد\يمه حبيبتي..أنتظري عليه شوي...خليه يستقر أول وبعدين كلميه...

أم متعب\وليه ياعيون أمك....!!يعني لي متى بيظل أعزب..الولد خلاص شيب

راسه...واللي بكبره بيجيبون عيال

فهد \يمه أنتي تدرين أنه فكرة الزواج اللحين رافضها رفض قاطع..فلا تزودين عليه

أكثر..خليه اللحين يرتاح ويضبط اموره وبعدين فاتحيه بالموضوع...

...................................... تكملة الجزء الخامس..............................

منشورة في: روايات