لا تشتكي من همومك للناس الجزء السادس

كنت البسها يوم اتعذر بالسفر واجي عندهاا .. سحبت لي ثوب مع شمااغ ...وبدلت ملاابسي ..كنت ابدل بسرعه .. كنت كااره التواجد بالغرفه .. كنت احس نفسي صغيير ..صغير وااايد ...صغير بخيااانتي .. خنت ذكرى يااسمين...ومااحترمتهاا .. وبنفس الوقت خنت فرح ..يمكن مااخنت خيانة جسد وانما خيااانة مشااعر .. هالخيانة اصعب وابشع انواع الخياانة ..خياانة جرحهاا كبير .. التداوي منهاا يااخذ وقت كبيير


× مها ×
عطيته الشماغ يلبسه ...وكانت حلاا وشادن جالسات ع التسريحه ويطالون فيه
شااهين : ليه احس نفسي كاني تحت المجهر
ضحكت : ماادري هههه
حلاا : شوفي بااابا حلوو
ردت عليها شادن :موو حلوو بابتاي اللي احلااا ... سوفي ابوك ماعنده سعل ...وكان شاهين فعلاا عنده بمقدمة راسه صلع ..دايما يحط سماغ
شاهين ضحك: ههه بوجهي تقولهاا
حظنتهاا : صريحه بنت اخووي ...
شااهين وهوو يحظن حلاا الي كان مبين عليها الغيره من شاادن : بعد قلب ابوها
نزلنا وفطرناا .. وبلغت شاهين اني بمر بيتناا اوصل شااادن ومنه اشووف فرح
مع ان سببي الحقيقي اني ارووح اعرف وش صااير بين صقر وفرح ..لما كلمته كان مبين من صوته انه مضاايق وبشكل كبير .. ماادري اخااف امس بدل مايكحلهاا عماااها !!



× خالد ×
اول ماصحيت فتحت جوالي .. واستلمت رساله حصه ..والله ضحكت ... حسيتها بالفعل مقهورة ..نزل الصاله ابي افطر ...وبما اني مسافر على رحلة الساعه 2 الفجر بكره فاعطيت نفسي اجازة
جلست بالصاله .. وكنت معطي البااب ظهري ..يعني أي احد يدخل مارح ينتبه لوجودي ولا حتى بيلاحظه
سالت نوال وهي تحط الفطور قدامي : ووين رجلك ؟!
جاوبتني : فهد طلع من بدري ..وراه عمليااات ..انت مب رايح شغلك ؟!
جاوبتهاا : لا مو رااايح
الجرس رن ...رااحت نوال تفتح البااب ..كت اسمع صووت حصه هي تصاارخ
حصه : وينه
نوال: ادخلي بالاول
حصه وهي تدخل : نوال اقولك فهيدان وييينه ؟
قالت لها : فهد مب موجوود
حصه بقهر : عاجبك الي سواه زووجك ؟!! اللحين انا ارووح احلل للوظيفة وزوجك يااخذها تحاليل زوااج ؟! اصلا اخوك هذاا الي مماايستحي على وجهه ..شلون يتجرأ ويخطبني .. وهو عارف اني ماابيه.. ولا اني
طاايقته ..الحماار
نوال : حصه ترااه اخوي
قالت لها: اخوك مب رجااال .. لو رجال مااكان قبل يااخذ وحده ماتبيه
نوال صرخت : حصصصصصه

× حصه ×
صحيح ان من حق نوال انها تعصب لاني اتكلم عن اخوهاا ... لكن عيونهاا كانت معقله على مكان محدد .درت وليت اشوف بايش تطالع ...التفت وشفت خالد وواقف بنص الصاله ونظراته تطق شراار ..حسيت باحرااج لاني كنت اسبه من قبل ...لكني مستحيل ابين لاي احد ارتبااكي
خالد جاا وعدى من جنبي بكل بروود : تعرفين اناا كان ممكن اهون .. لكن اللحين عنااد فيك لاتمم الملكه بكره .. وان كان فيك خير قولي لاااا
صرخت : انت ايش حجر ماتحس ؟!!
قالي: لو مااحس ماكاان خطبتك
ماعرفت شرد ..كان بعيوونه نظرة مااعرفت وش معنااها نظرة اول مره اشوف احد يطالع فيني بطريقته ..حسيت باارتبااااك .حاولت اخفيه بس مااقدرت .. وهو قدر يلمح هالشي الابتساامه الي على شفاااته قالت هالشي ..كمل : اشوفك بكرة ياااعرووسة
قال لنوال :نوال اناا طالع تبين شي ؟!!
جاوبته : سلامتك
ناظرني : توصين شي يااابنت عمي ؟!
والله تمنيت اني اقوم واهشم وجهه وامسح هالابتساامه السااخره ..لفيت وجهي بقهر ..وجلست على واحد من الكرااسي وكنت اهز رجلي
طلع من البيت ...نوال : عجبك زعل
قلت لها : قلعته
عصبت علي : حصووه تراه اخووي
قلت لهاا : نووواال وبدين بالله ماشفتيه كيف يتكلم معااي ببروود ... والله تمنيت اهشم وجهه ..
قاالت لي : عيب عليك ترى هااذاا بكره ان شااء الله بيصير زوجك
عضيت شفتي بقهر : لاتذكريني .. والله الين اللحين النار بقلبي ماابردت .. تخيلي ابووي حتى مااشااورني
قالت لي : والله حتى انا مو عاجبني طريقة عمي ولا خالد ...بس ترى يمكن تكون خيره
قلت لها : أي خيره .. تدرين اسكتي احسن لك لا تخليني انفجر اللحين واقول كلاام يزعلك ....جات عيني على الساعه وكانت تقريبا 10 .
سالتهاا : وين راايح اخووك ؟!
ابتسمت بخبث: اشوف بدينا نحقق
قلت لهاا : لاايروح بالك بعيد اناا شفته لابس بنطلون يعني اكيد مو رايح الشركه
قالت لي : بيروح يجيب اغرااض له .تدرني بكرة بيساافر الشرقيه
فرحت : يعني ماابنملك
هزت رااسهاا : الا بتملكوون .. رحلته بتكوون الساعه2 الفجر
تنهدت : ياافرحه ماتمت ....تعالي وش صار بينك انتي وفهد ؟!
شفت ابتساامه على شفااتهاا .ابتساامت خجل : رجعني
فرحت : واللللللللللللللله مبروووك وقمت وحضنتهاا ..الف مبرووك الله لاايفرقكم ..ولايغير عليكم
قالت وهي تقرص خدي : اميييين ...ويحط لاخوي مكان بقلبك
قلت بغضب : نوووووال
سالتني : عندك شي لبكرة ؟
قلت لها : من جدك انتي تبيني البس واتشيك لخويييلد هااذا الي بااقي
نوال قالت : اسمه خااااالد .... شووفي انتي ساعدتيني بموضووعي مع فهد .. واللحين اناا جا دووري اساعدك بنصيحتي ..شوفي حصه لا تبدين زواجك غلط .. صحيح مو انتي الي اخترتي خااالد .. لكن احياان اللي ينفرضون علينا احسن بكثيير من الي نختارهم ..اعطي نفسك انتي وخالد فرصه ..لاتنهين كل شي حتى من قبل لا تبدون ..ولا تااخذين واحد بذنب الثااني
تنهدت : يصير خير



× خالد ×
طلعت من البيت رايح للسوق .. الكلام الي قالته لي حصه ..جرحني ..صحيح اني مثلت البرود عليهااا ..لكن بداخلي انجرحت ..مو سهل ابد على الرجل يسمع من الي يتمناها زوجه له ..انها ماتبيه ولاتطيقه ..لاوماتشوفه رجال ....رحت للسوق قضيت لي كم بنطلوون وقمصان وتيشارتاات ...احلى شي بالسوق الصبح انه يكن فاضي ..تقدر تقضي براحتك ...مريت على محل للمجوهراات .. طبعاا ملتي بكره فلاازم اخذ شي للعرووس
دخلت واخترت دبلتين وحده فضه لي والثانيه من الذهب الابيض المطعم بالالمااس ...اخترت بعد طقم نااعم اعجبني وكان مزين من الالماس الملوون
كنت بطلع خلااص من المركز التجااري لكن لفت نظري فستاان نااعم ..معروض بوحده من البااتريناات ..دخلت وشريته بطلعتي .. ورحت ع البيت


× فرح ×
فرحت اول مااشفت شاادن تدخل من الباااب ..ضمتها لصدري وبستها
قلت لهاا : وحشتييني
شادن : حتى انتي
قلت لها : ايه بااين ..عسى ماتشااطنتي عند عمتك
شادن : لا والله كنت مؤدبه حتى اسألهاا ..واشرت على مهاا
مها : ماشااء الله عليهاا
سالتهاا : ليه ماجبتي حلاا؟!
جاوبتني : عمتي عيت عليهاا ... تقول بتاخذهاا معها عند ناس من جماعتهاا
شادن طلعت تلعب بغرفتها ..وانا سويت لنا شااي وجلسنا بالصاله
مهاا : فرح شلوونك مع الصقر ؟! ان شاء الله تعدل
تنهدت : نحمدالله على كل حال
قلت لهاا بانفعال : مارضااك الباارحه
استغربت : وانتي شدرااك ؟!..انتي الي اقترحتي عليه صح ؟!
حسيتها انحجرت : ااايه
قلت لهاا : تطمني راضااني ..عمل بنصيحتك
قالت بصرااحه : طيب ليه وجهك مقلووب ومبين عليك الضيقه ..والصقر يووم كلمته الصبح كاان مبين على صوته هو بعدالضيقه
سالتها : متى كلمتيه ؟!
جاوبتني : يعني ع ال7
قلت لها : يعني من بعد ماا طلع من البيت
سالتني : تهاوشتوو ؟!
قلت لها بصرااحه : ماتهااوشنا تركنا كل شي بينا معلق ...مهاا ابغى اسأل سؤال وابغى اعرف اجابته منك بك صراااحه
مها : خير ياا فرح وش سؤالك
سالتها : صقر كان له علاقاات بحريم قبل لا يتزوجني ؟!
شفت صدمه بعينها : الصقر ؟!!طبعاا لااااا
قلت لها وانا اتذكر الشال الوردي : مها ترااك قلتي بتجاوبيني بصرااحه
قالت لي: وهذا انا جاوبتك.صقر فعلاا ماله ابد غراامياااات ..اخوي واعرفه اكثر مما اعرف نفسي
سالتها بقهر : والشال الوردي ؟!!...لاتقولين ماتعرفين عنه شي تراني اعرف انك الوحيد الي تقدر تدخل غرفته وترتب كل اغراضه
قالت لي : الله يرحم صااحبته
سالتهاا : ماتت ؟!!
جاوبتني : ايه ..ترى ماكانت عشيقته لاا يروح بااالك بعيد ..يااسمين كانت زوجته على سنة الله ورسوله ..
سالتها : كان يحبها
قالت لي: كان يحبها واعتقد انه الين اللحين بعده يحبهاا ..يااسمين كانت حيااته .. تزوجها بسر لانه كان يعرف ان مستحيل اهلي يووافقون عليهاا .. على فكرة اهي اخت شاااهين
حسيت غيره تنهش قلبي : حلوة ؟؟
قالت لي : مااكان وجها حلو بس..طبااعهاا حلووه ..صحيح مااتتكلم ..بس كانت تفهمه ..كان يخرج من هالباب ..واشرت ع البااب ... وكل هموم الدنياا على راسه ...بس يروح عندهاا ..يرجع والضحكه من الاذن للاذن
مها كانت تتكلم بصرااحه كبييره ..صرااحه جرحتني .. كان متزوج وماقالي .. كان يحب .. وانا كنت افكر نفسي اول مره بحيااته ..كنت افكر ابتعاده عني ..جفاه سببه الفرق بيناا ..طلع السبب حب وحده محتل قلبه
مهاا : لا تزعلين ياافرح انتي الي طلبتي صراحتي ..ووالله لو كنت مكاانك اكيد كنت رح اتضااايق
حسيت دموعي تحرقني بعيني ...حطت ايدهاا على ايدي ...: فرح اذا كان الصقر وفي لوحده تحت الترااب ..فتأكدي انه رح يكون وفي لك انتي زوجته
قلت لهاا بحرقة : ابيه يحبني ياامهاا .. والله ماابي أي شي منه ..ابيه يحبني ..نص الحب الي حبه لمرته الاولى الي اطلبه ياامهاا كثيير ؟!! اطالب بالكثير ؟!!
مها ابتسمت : اكيد مو كثير ..من حقك ..واذا كان بعيد عنك قربيه ...لاتعندي وتقعدي تلعبي على حبل الكرامه ..الذكيه الي تكسب زوجهاا ...لو هو بعيد عنها بعد السموات والارض ..واياك تقارنين نفسك بياسمين الله يرحمهاا انتي شي وهي شي ...ولاتجبرينه يقارن بينكم ..خليك مختلفه ... شووفي ياافرح انا والله اعتبرك مثل نوال اختي .. فلاتزعلي مني ولا من صراحتي ..فرح حاولي تغيري استايل لبسك .. خلي نفسك مره اكثر ..من انك مراهقه .. مو تكبرين نفسك لااا ..بس بيني نفسك انثى اكثر ..اسحريه السحر الحلال
سالتها : كاان بالشركه
قلت لها : مااعتقد ...اتوقع يكون ببيته
رددت : ببيته
مها وهي توقف : فرح فكري بالي قلته

×نورة ×
اليوم حاسه بتعب مره كبير .. من طلع راااكاان للدوام واناا بس متمدده ع السرير ..سمعت الجرس يرن .. بالكاد قدرت ارروح للباب وفتحته .....اووف ..هذاا وقت زيارة بالله .. كانت جارتهم منيره.
منيره : كيفك نورة
جوبتها : هلاااا ...كيفك انتي
منيره وهي تدخل : الحمدالله ...نوره شكلك تعبانه
قلت لها بصراحه : والله حاسه بكل جسمي يعورني
حطت يدهاا على راسي : ويلي اني مسخنه ...وين زوجك عنك ؟؟
قلت لها : راكان طلع
منيرة : ادخلي ارتاحي انتي اللحين بغرفتك
قلت : والغذا
منيره: الغذا انا بسويه انتي ادخلي ارتاحي
دخلتني اناام ...واعطتني بندوول
مااصحيت الا 2 وشفت راكان جنبي ..وعلى جبيني كماادة
وشفته يقرا بكتاب بيده : رااكان
قفل الكتاب : شلوونك اللحين ؟!!
قلت : احسن شووي
ابتسم لي : الحمدالله ..جيعاانه
تذكرت الغذا : انت تغذيت
قالي : لاا والله لسى
جيت اقوم : ووووين
قلت له : بجيب لك غذا
قالي : لا تروحين ولا تجين ..انا بجيب الغذاا
شفته يطلع ..وراح وجاب الغذا ..كانت منيره مسويه شورباا زكبسه
اعطااني الشوربا وحط جنبي كاسة الليمون ..واخذ هو صحن الكبسه
طبعا شربت الشورباا ومن بعده عصير الليمون ...رفع رااكان الاطبااق ... تسللت ورراه وشفته وهو يغسل الاطبااق .. شكله مختلف كثير عن رااكان الجااف والتقليدي ..التفت علي : وش مقومك
قلت له : قلت اشووفك
قالي : اشووف ارجعي غرفتك بالطيب
كنت ساانده نفسي ع البااب لاني حاسه بدوخه خفيفه..: وش بتسوي بالموياا ؟
قالي : بسويلك شااهي ..يدفيك ...ارجعي الغرفه


× راكان ×
شفت جسمها وهو يطيح ..جريت ولحقتها قبل لا رتطم بالارض .. ومسكتهاا ..: نوورة
نورة : هااا
سالتهاا : داايخه ؟!
كانت متمسك برقبتي وانا ارفعها : ايه دووخه خفيفه
شلتهاا للغرفه وحطيتها بالسرير : اقعدي ولا تتحركي ... رحت للدولاب ..ونزلت لها غيااار ..بدلي ملاابسك بااخذك المستشفى الان
طلعت من الغرفه عشان تغير.. لبست عبااتها وسندتها الين ماوصلنا السياارة ...بالمستشفى عملو لهاا تحاليل وفحوصاات .. كنا متوقعين مجرد حمى ...او حتى انفلونزا
الدكتور : كم لكم متزوجيين ؟؟
جاوبته : ثلاث شهور تقريباا
الدكتور :مبروك المدام حااامل
والله ماتوقعت ابد الحمل .. كنت اشوف الصدمه على وجه نوره ..الي سالت الدكتور : شلون انا كنت اخذ حبوب
قالي الدكتور : الحبوب مب مانع نهائي .. غير كذا اني حامل تقريبا باكثر من شهرين
رح اكتب لها مقوويات تسااعدها ...
رديت : شكرا دكتور
حاولت اكتم غيضي كثر مااقدر ... الين ماطلعنا من المستشفى ... ووصلنا البيت ..
اول مادخلنا انفجرت فيهاا : من متى تاخذين الحبوب
جاوبتني بلا مبالاة : من شهر ونص
سالتها ليش ؟؟؟
جاوبتني : لان ماابي أي شي يربطني فيك ..ولاا ابي اقعد بهالخراابه اكثر
قلت لها : ولا عاد انا ابيك ..من تولدين تضفيين وجهك على بلادك .. انا بعد ماابيك ومن اليوم تحرمين علي
والله بغيت اضربهاا لكن مااتعودت امد ايدي على حريم ...قررت ارووح اطلع حرتي بشغلي لاا اذبحهاا



× الصقر ×
رجعت من الدووام ..استقبلتني شااادن... ضميتهاا ...: هلااا والله
بااستني على خذي : ليه ماجيت الغذا
مسكت ايدها الصغيره : كان عندي شغل ..وين ماماا
فرح طلعت من المطبخ وهي مبتسمه : هلاا وغلاا
رديت على ابتساامتها وانا مستغرب منهاا : اهليين
شاادن سحبت ثووبي ووطيت لمستواها : وش فيه
شادن توشوشني : سووف فلح لاابسه تنوله كصيله مله ..ماتستحي
فتحت عيووني : عييييييييييييييب ...محد يقول كذا على ماماا
فرح وهي حاطه يدها على خصرها :وش تقوولوون ؟!!
فلح تقلدهاا وتحط ايدها على خصرهاا : انتي ليه لابسه تنوله كصييله مللللللله مو عيب ؟!!
فرح جاوبتها وهي محمره : لا تحيطن يدك على خصرك عييب
جاوبتها شاادن : سووفي يدك
فرح نزلت يدها بسرعه وواناا ضحك من كل قلبي عليهم
فرح : عااجبك المووضووع
قلت : والله تهبلووون .. كنكم توائم تتناقر
فرح لشاادن : يالله يااحلوه على غرفتك ..نووم
شاادن وهي تزيد تعلقها فيني : ابعى اكعد مع بااباا ..فرح وهي تجي تاخذها من يدهاا ..: حبيبي باابا جاي من الشغل تعبااان يبغى يرتااح
شادن كانت تطالعني بعين الرجاا..قلت لها : سمعتي ماما شقااالت
شااادن طلعت ع الدرج وهي تحلطم .. فرح : اجهز لك الاكل
قلت لها : انتي كل ماتشوفيني تسأليني عن الاكل ...مكتووب على جبهتي مشفووح
حسيتها انحرجت ..وبان بحمرة خجلها : والله مو قصدي
جاوبتها بجفاف من بعد ماغاابت شاادن تماما عن عيني : ماايهم
طلعت وغيرت ملاابسي ..ونزلت الصاله ..شفت فرح تحط صينية الشااهي ..ومعااهاا موالح
جلست ع الكنبه وصرت اطقطق بالريموت .حطيت على برنامج اقتصاادي وصرت اتاابعه
جات فرح وجلست جنبي وكانت تسحب تنورتها الجينز القصيره الي ارتفعت مع الجلووس .. اعترف شكلها كان مغري جداا ..خصوصا مع البدي الاحمر الي كان متقطع من الظهر ونازله فتحته من الصدر .. وشعرهاا مسشورته .. عملت نفسي مو مهتم وانا الود ودي اقعد اناظرهاا ...اعطتني كاسة الشااهي ..اخذتها وسحبت حبة بسكويت مملح .. والله كنت جيعان .بس سويت فيها ثقيل ...كنت جالس معهاا وكنا سااكتين .مافي أي حوار بيناا ... كنت انتظر تسألني عن ثياابي الي بدلتهاا من غير لا ارجع البيت ..عن الشال ..لكنها ماا سالت ولا فتحت فمها بكلمه ..ولا حتى انا تكلمت انتظرت ليين ماخلص البرنامج ..قمت وطلعت غرفتي تمددت على السرير ..شفتها وهي تدخل .. طنشتهاا ولا كانها موجوده ... شفتها تاخذ غياار من الدولااب ..رااحت للحمام "وانتم بكرامه " تغير ملابسها ..ضحكت لنا اللحين 3 اشهر متزوجين ولا تغير ملابسها قداامي ..حتى يوم تلبس قصيير او مفتح تلاقيها طول الوقت مستحيه وحالتها حاله ..اول ماشفت وكرة البااب تتحرك على طول لفيت وجهي للجهة الثاانية عشان لاتشوف اني مو ناايم
جات وجلست ع السرير من جهتي ..وفتحت الابجورة الي كنت قاافلهاا : صقر انا اعرف انك مب نايم ماله داعي حركات البزراان
مارديت عليها ..سحبت اللحاف وغطيت به وجهي ..رجعت وسحبت اللحاف : صقر
زفرت : وبعدين ؟!!
قالت لي : اللحين حضرتك ليه زعلان ؟! من الي مفروض يزعل انا او انت ؟!!
عطيتها ظهري: اقول بلا هرج فاضي واقفلي النور وراي دوام بكرة ومو ناقص قرقرة حريم
حسيت بها تووقف وسحبتني من كتفي تبرني التفت عليهاا : انت عديم الاحساااس .. متبلد .. تدري اناا كنت امني تفسي واقول بكرة يحس ..لكن الي مثلك عمره مااارح يعرف الاحساااس ..لانك بالاصل بلا قلب .. ماتعرف غير انك ملتزم بواجباات ..ولك حقوق ..اهنيك "وصفقت " نجحت بتادية واجبااتك كأب لشاادن ...لكن كزوج ..انت اكبر فااااااااشل ... لان العاطفة عندك صفر .. مايرتفع مأشرها الا وقت النوم ..وقتها بس يبدأ قلبك بالخفقااان ...كنت اسمع كلامهاا ..كلام جاااارح ...جاارح جدااا ...اول مره اسمعها تتكلم معاي بذي الطريقة .. اول مره اسمع صوتها يهتز وهي تكلمني .. طول عمرها صوتها ثاابت ...قووية ..قمت من ع السرير تباادلنا النظرات ..عيونها نظراتها كانت موجوعه اماا اناا كنت اتمنى نظراتي تخترقها ..وتمزقها مثل ماممزقتني كلماتهاا ...وقفت واتجهت لجهة البااب والتفت عليها : انتي مو بس طفلة بعمرك حتى بتفكيرك
طلعت من الغرفه ورحت غرفة خالد ..جلست بالظلام حتى مافتحت اللنبااات ... كنت منقهر ..وبنفس الوقت نار بصدري تستعر ...انا على اخر عمري ..طفلة تقيمني ؟!!


× نورة ×
صحيت وانا احس بغثياان ..جريت ع الحمام "وانتم بكرامه " حاولت ارجع بس ماااقدرت ...جلست على الارضيه البااارده ..وانا منقهره ..ضربت رااسي بالجدر : لييييييييييش ..انا ماابيه ..ماابيه .. ليييش
اكره هالطفل ..ماابيه ..اكرههه مثل ماكره ابوه ..اكره بلاااده .. خذه وخلصني مني ...مااابيه
وقفت وتاكدت من تقفيلتي لبااب الحمام " وانتم بكرامه " وقفت على المرحاض " عزكم الله " من بعد ماغطيته ..وقفت للارض ..المسافه كانت قريبه ..ماتتعب ..رجعت ثااني مره طلعت وقفزت ..كررتها ثلاث وعشر ..كررتهاا الليين مااحسيت رجولي ..ماعادت تقدر تشيلني ..مشيت لين مااوصلت غرفتي ..تمددت ع السرير ووصرت اضرب بطني بقبضات يدي ..انزل ..كنت ابكي ..وبنفس الوقت ..اصرخ كن الي داخلي يسمعني ..انزل ماااابيك ..انزل


× فرح ×
ع الساعه 10 اتصلت على رااكان بشغله ..وطلبت منه يمرني البيت ...كان بيمرني العصر لكني اصريت يجيني قبل .. من امس ماذااقت عيووني النووم .. امس قلت لصقر كل الي بقلبي ..ماقدرت اسكت وانا اشووف بروده وجفااف معاااملته .. وهاجس حرمته الاولى ماغاب عن فكري .. اكثر مااقهرني الباارحه ..بروده .. كنت ابه يهااشو يصااارخ ..ع ال 10.30 كان عندي
راكان وهو يجلس من بعد ماسلم : خير وش فيك ؟!
قلت له : شلون حرمتك وش اخبارها عسااها بخير؟!
جاوبني وهو مبتسم : الحمدالله بخير.. نورة حامل
فرحت له : والله الف مبرووك
راكان : الله يبااارك فيك ..خير وش صااير ؟! مااظنك جبتيني عشان تساليني عن احوالي
خذيت نفس : راكان انا ابي اتطلق
رفع حاجبه : عيدي مااسمعت
قلت بقهر من اسلووبه : راكان لا تستخف بالموضوع
قالي : انا مااستخف الا انتي الي يظهر انهبلتي أي طلاق أي خرابيط
قلت له : اسمعني ياااخوي اناا تعبت .. خلااص ماعدت اتحمل ..ابي ارتاااح
سالني: مقصر عليك ؟!! ماايعاملك زيين ؟!!
قلت بقهر : مشكلته انه مو مقصر ..لا على شادن ولا علي
قالي : اجل وش مشكلته ؟!!تبين تطلقين ليه ؟!
صرخت عليه : مو حااس فيني ...احس نفسي قطعة اثااث عنده ..شغاااله .. تدري وش اللي يتعب البنت ياخوي...؟!رجـلٍ يخـون اشواقـهـا و الـمـودة …. إللي إلا احتـاج الغـلا صـار نمـرود ..وليـا شبـع ممـا عـطـاه إسـتـرده
شفته سااكت ..وكانه يفكر : فرح وانا اخوك الطلاق مايعتبر حل .. لو تطلقتي منه انتي الي بتتعبيين ..اول شي بيسوية بيااخذ شاادن ..بتصبرين عنها ؟!! اكيد لااا ..ابتسم ..بتصبرين عن صقر
رفعت عيني بصدمه ..شفته يبتسم بخبث : فرح انا اخوك واعرفك متاكد انك تحبينه ... مارديت عليه ..مااقدر اقول لاا ماااحبه واناا اكبر كذااابه بكوون ..كمل شفتي لو ماتبينه كان على طول قلتيهاا .. وانا اخووك لا تستعجليني انتي حتى مامر على زواجك سنه كلها ثلاث اشهر تقريباا ..الزواج مب كله عسل ولا كله رومانسياات ..انتي تقعدين بالبيت ماتعرفين زوجك وش يقاابل برى من بشر من مشااكل .. تلاقينه مايوصل البيت الا وهو مهدوود حيله وروحه بخشمه ...طول ال35 سنه مااكان عنده زوجه واللحين فجأة زوج واب
اكيد بيحس بالضغط ...اعطي نفسك انتي ويااه فرصه ..ع الاقل لين تمر هالسنه ..دايما السنه الاولى بالزواج تكون صعبه بعدكم ماعرفتو طبااع بعض ولا تاقلمتم مع بعضكم ..غير فرق السن الكبير ...لا تصيرين مخفه حطي عقلك برااسك واذا تشتكين انه ماايحس فيك ..ترى والله مابه ع الدنيا اخبث منكن يالحريم .. وغمز لي
قلت مقهورة منه ومن تلميحاته : اقول قم رح شغلك
ضحكت : ههههههههه والله كنك طمااطم
قلت له : ماني رااده
وقف : بوووسي شاادن ..والله اشتقت لهاا
قت له : شادن مب فاضيتلك الحلوه اليوم اول اياامهاا بالتحفيظ ألي جبنا
ابتسم : حركاااات
قلت له : سجلناها قبل كمن يوم مع حلا منهاا يحفظون قراان ومنهاا يتعدل نطق الحرووف
سالته : جيين اليوم بيت ابو سعد
هز راسه : ايه عزمناا ..مبروكين ان شااء الله
رديت الله يباارك بعمرك


×نورة ×
كنت احس بحرااااره بكل جسمي .. مااني قاادره اتحرك .. موقااادره اشيل جسمي ...وجع باسف ظهري ..احسه بيذبحني ..اااخ ..حسيت بيد تنحط على خدي بخفة : نورة ..نورة تسمعيني
حاولت ارفع جسمي بتعب : هاااااا
سندني : نورة .تسمعيني زي النااس ؟!! داايخه
مارديت عليه .. اكتفيت بهز راسي الثقيل ..جات عيوني على ثيااابي حسيت بخجل كبيييره ..شفته رااح للدولااب ..وجاب لي ملابس نظيفة ..حطهاا على الجهة الثانية من السرير
شالني من غير تردد واخذني للحمام " وانتم بكرامه " وحطني بالبانيو "المروش " كنت مااقدر اووقف وقف تحته معااااي وانا متمسكه فيه خلع عني قميصي القطني ..وفتح الموياا ..كانت داافيه ..ومع كل قطره تلامس جسمي كنت احس بالالم يخف شووي ... سحب روب الحمااام ولفني بيه ..وشالني لين غرفة النووم .. سااعدني بلبس ملابسي النظيفة .وغير ثوبة ملابسه المبلوله ولبس ثوب ع السريع ..لفني بعبااتي ومااصحيت الا وانا بالمستشفى
شفته جالس على الكرسي وبيده مصحف اول مانتبهلي قفلة : شلونك اللحين ؟!!
جاوبته : الحمدالله وش الي صاار
شفت بعينه نظرة الم مااتعودتها : انتي اجهضتي
نز ل الخبر علي مثل الصااعقه .. حسيت بدموعي الحاره على خدي ..وبيده تمسح بكل حنان على شعري .. قالي : نورة لاتزعلين .. ربنا الي عطانا اياه وهو الي اخذه ..ان شاء الله بيرزقنا بغيره ..
نظرته باالم وطلبت منه ضمني يااارااكان
ابتسم بحنان لي سندني وضمني لصدره ..تعلقت فيه بقوة وبكيت بالم ..انا الي تمنيته يطيح .. وانا الي طيحته ..ليه زعلاانه عليه .. ليه احس نفسي مذبووحه من جوااتي ..وايدي كلهاا ملطخه بالدم ...النظراات الي بعيون راااكان ..الالم والحزن ..حسيتها كلهاا سيااط تضرب جلدي
قالي يخفف عني : خلاص نورة ..الدكتورة قالت هو طااايح ..طاايح والمساله كانت مسالة وقت
قلت وانا موجووعه : انا الي ذبحته ...اناااا ..وجلست اضرب صدري ..انا ذبحته يااراااكااان بعدت عنه وتكورت على نفسي كاني اجمع شتااتهاا ..ماكنت ابيه ...مااكنت ابيه
ابتعد عني ورجع يمددني : نامي انتي تعباانه وماتدرين وش تقوليين
كانت عيوني مسمره عليه ..ابي اعرف ردت فعله ..ابي اقرا نظرااته ..لكن نظرته كانت خاليه من أي تعبير ..مبهمه دخلت الممرضة ..واعطتني ابره نمت على مفعولهاا


× حصه ×
رميت الفستان ع السرير ...وصارخت على نوال : يحلم اخووووك ..لايكون مصدق نفسه تىر بعده مااصااار زوووجي عشان يتحكم بلبسي
نوال وهي تهز راسها وتقعد ع السرير: حصه وبعدين يعني ايش بتلبسي ؟!! لا رضيتي تشترين فستان ولا تبين تلبسين فستااانه ..يعني وش بتسوين تنزلين له عريااانه
انقهرت منهاا : ماله داعي انزل له
زفرت : هو ماله داعي تنزلين له طيب والناس الي بالصاله وش بتسوين فيهم ؟!!
جاوبتها: قلت لك مو لابسته بلس فستااني الاسود
اعترضت : اسود ؟!! اعذو بالله من تلبس بملكتها اسووود
قلت لها : اناا ..
دخلت امي : انتي لسى مالبستي ..متى بتلبسين ؟
قلت لها : اللحين
امي وهي تشوف الفساتين منثورة : وش بتلبسين ؟!
قلت لها : الاسود . فستان زواج مهاا
امي بحزم : البسي أي فستان الا الاسود .. وش يقولون النااس
قلت : مغصوووووبه
امي : ماردت علي واشرت على فستان خالد الاحمر القرنفلي : البسيه مره حلووو وناعم
قلت لهاا وانا اشوف ضحكت نوال : مو عااجبني ...وانا كذاابه الفستان من شفته انهبلت عليه ولا بيت ..مستغربه شلون خالد يكون عنده ذووق حلو وناعم كذا يخلف الله على ذووق فهد ولا سعد كل واحد ادفش من الثاني
امي : البسي بسرعه ..وحطي مكياااج ولا تكثرين
هزيت رااسي : ان شااء الله
بعد ماطلعت امي ضحكت نوال علي : حليلك وانتي مطيعه
قلت لها : والي يعاافيك اسكتي ..مدري ليه تبيني اكشخ كلهم جارااتهاا ومرت اخوك وعمة اختك
جاوبتني : يكفي انك عيتي تروحين لكوفيراا .. ع الاقل تشيكي بالبيت .. اذا مو للناس ..ولا حتى لاخوي ..تشيكي لنفسك ترى ماارح تملكين كل يوووم
اخترت بالنهايه فستان لونه ازرق رمادي غااامق من غير اكتااف ..كان طووويل .. ومن عند الصدر الين الحوض القمااش يكون مطبق بشكل افقي تطبيقاات مره صغيره عند الصدر ونزل بشكل اكثر واصغررر ومايل الين الحوض الي تصير عددها اقل بكثيير بشكل اوسع ..كل الكسر هااذي مايله لليسااار ..ومنتهيه كلهاا عند قطعة القماش المطرزة بشكل طوولي بعرض 5 سام من اول الصدر لبروز عضمة الحوض وتبدأ تاخذ انحناء جسمي وتتد شوي بشكل اصغر بكثير ومدبد الطرف مسافة شبر تحت اول بروز لعضمة الحوض
كنت بسوي مكيااج خفيف ..لمعة ذهبي وروج فااتح الا ان نوال اصرت اني ارسم عيني ..سمووك وسيت مثل مابغت ..ازرق رمادي مع لمعه ذهبيه ..وروج بلمعه ورديه نااعمه ..مع بلاشر ومسكره ..لبست حلق ذهبي طويل وخاااتم ..فردت شعري الي حلفت امي اسشورة واللفه بالمكر
جاتني نوال من بعد ماخلصت : ماااشااء الله قمررررررر.. وخصوصا المكيااج ..افتحيلك صالون
قلت وانا احس قلبي يزداد نبضه من بعد ماعرفت ان الشيخ جاا : والله انك مرووقه
ضحكت : اكيد ..
سالتها : نورة ماجاات ؟!
جاوبتني : لااا مااجات امك كلمتها ماترد ع البيت .. بس رجلها بعدين اتصل واعتذر يقول ماتقدر تجي تعبااانه .. الله يعينها اجهضت
فتحت عيوني : اجهضت ؟!!
نوال وهي تسحبني عشان انزل اوقع : ايه وش فيها ..امش معااي
ماهتميت اني نازلة اوقع ولا يحزنون ...كل فكري عند نورة ..اجهضت ؟!! توها قبل كم يوم تقول مسويه احتيااطاتها وماتبي تحمل ..بالنهاية تحمل وتسقط !! ...حرييييم
طعبا جابولي الدفتر من بعد ماحلفني الشيخ اني انا حصه ..وقعت وانا ايدي ترتجف كان ودي اشخبط ع الورقة من بعد ماطاحت عيني على اسم خوويلد وتوقيعه
وقعت ..اخذ مني فهد الدفتر : الف مبرووك منه المال ومنك العيااال
ماجااوبت عليه ..لاني كنت زعلاانه منه قالي : لايصير قلبك اسوود
مارديت ..طلعت على طول غرفتي
مامداني اوصل الغرفه الا وامي جااايه : حصة يالله ياابنتي تعالي بنزفك
مسكت امي وحضنتها وصرت ابكي .. امي : بس يااحصه ترى كلهاا ملكه ..امسحي دموعك عن يسي مكيااجك ويالله بسرعه الناس تنتظر ؟؟ونزلت بسرعه ...من غير لاارد عنهاا ..عرفت انها هي بعد متضاايقه ..ِفت الضيقه وانا انزل السلاالم على انغام اغنية الزفه..جلست بصدر مجلس الحريم ..الي انعمل فيه كوشة بسيطة من الورود والشموع ...جلست مع الحريم ..هااذي تبااارك ..وهذي تهني وانا رسمت طبعا ابتسااامه كذااابه
لبستني مها الطقم المااسي الي جابه عريس الهناا .. وكان فخم مره حتى الالماس الملون من اصفر لاحمرياقوتي لازرق رماادي بان حلو مع الفستان
جاتني فرح وسلمت علي وبيدها شادن : مبرووك يااسلفتي
جاوبتها بابتساامه : الله يبااارم فيك يااسلفتي
شادن مدت يدها : مبلوووك يااعلووووسه سحبتها وضميتهاا وبست خدهاا
قلت وانا احطها على حجري: عقباااالك
فرح : اعطيني ايااها اللحين بضاايقك
قلت لها : لاا خليهاا..ع الاقل اشغل نفسي بعيد عن نظرات الحريم
ضحكت : ههه طيب



× خالد ×
اخيراا رجع فهد بالدفتر.. اخيراا صااارت لي .. زووجتي
صقر: مبرووك ياخوي
ابتسمت له : الله يبااارك فيك
وقمت لعمي وسلمت ليه وبست رااسه ...عمي : ترااهاا امانه عندك ياااخالد
قلت اطمنه : ترااها بعيووني يااعمي ..اقول وش راايك اخذها وامشي
عمي : اركد واناا عمك
سلم علي فهد وسعد الي رجع للبيت وسكن معاااهم ...شااهين ..والله مستغرب كيف شاااهين وسعد تحت سقف وااحد ؟! معقول شاهين ماايحس بالغيره منه ؟! ورب يماعندي سالفه ليه يغاار .. سعد خااص خطب وان شاء الله بالعطلة الصيفيه زواجه ..وشاهين متزوج مها ومبسوطين مع بعض
قلت لسعد بحكم انه جنبي : اقول ممكن اشوف حرمتي
قالي : اس ترى ماعندنا شوفاات
قلت له : ترى المملك توه مزوجناا ..قم بالطيب شف لنا طريق
مارد علي ..اضطريت انتظر لين ماقام الرجال للعشى ودخلت اناا وسعد للحريم


× مها ×
كنت طالعه من غرفة السفره من بعد ما تاكدت ان كل شي جااهز ..بنادي الحريم يدخلون يتعشوون الا برجال بوجهي ..رجعت بسرعه ..على ورى ..واخذت الشال الي مع ثوبي وتغطيت به
ماتوقعت اني بشوف سعد داخل البيت لا وعرفني : مها قولي لامي تجيب حصه للمجلس الداخلي خالد فيه
جاوبته : ان شااء الله
كان بيمشي لكن وقف وقالي : مهاا
التف عليه وانا مغطية وجهي : سم
جاوبني : سم الله عدوك ..مها بخصوص الهدية
قاطعته : اسفة ان ضاايقتك لاني رديتها بس انا مااشوفه لايق اقبل منك هدايا وانا على ذمة رجال
قالي : انا ماكنت قااصد شي بها ..كنت ابي ابين لك ان نيتي صاافيه واني اتمنى لك السعاده مع شااهين .. ماشاءا الله عليه رجال والنعم فيه ..مها تراني ولد عمك عزوة وظهر لك .. ربنا ماكتب ان علاقتنا يكون لها شكل ثاني ...مابيك تترددين وانا اخوووك وشدد ع الكلمه ...لا صاابك شي ..بتلاقين عون وسند
ابتسمت من تحت الغطاء : تسلم يااخوي ماتقصر
اعطاني ظهره ..سبحان الي غيره .. وين سعد ابو عيون جريئة .. صار ابد مايرفع بصره .. ولحيته ربت وقصر ثووبة .. حتى حصه تقول ان اخلاقه وتعامله تعدل معاااهم ..ِشفت خطيبته البنيه تبان حبوبة وضعيفه ..الله يوفقه معهااا
دخلت وبلغت عمتي وطلبت مني انا الي اخذ حصه لانها ماتقدر تترك الضيفااات الحلوات
اخذت حصه وجات معااي نوال طبعا ..وقفنا اثلاثه قدام البااب
نوال تاشر لها : ادخلي شفيك
حصه : ادخلي انتي بالاول
نوال: والله اخيو يبي يشوفك مو يشووفني ..وفتحت البااب ودفتهاا
حصه عصبت : مالت
نوال قفلت البااب من غير لا ترد عليها
قلت لها : ليه ؟!!
نوال وتسحبني من ايدي : امشي والي يعاافيك ..بنت عمك ماتجي الا بالعين الحمره


× حـــصة ×
انقهرت من نوال الي دفتني للغرفو دف وماحست بصوتي العالي يوم قلت مالت ..وانا اناظر البااب بقهر
جاني صوت خالد مجبرني ع الالتفااف : وعليكم السلام
التفت عليه ..ناقصني هذاا بعد قالي بلهجه امر كرهتها : تعالي اجلسي ..ولا الوقفه عند البااب عاجبتك
مشيت اليين وصلت وجلست على كنبه مفرده ..وجلس هو قبااالي .. حمدت ربي اني فارده شعري الطوويل و غطية به اكتاافي .. نظراات خالد كانت متفحصه .. .. ..وبان الاعجااب وااضح بنظرااته ..اعترف ان هالنظراات اشبعت غرور الانثى فيني ..لكني مااوضحت هالشي ابد
سالته بقهر : بتقعد تطالع كثيير
سالني : مضاايقتك نظراتي
قلت بصرااحه : ماتهمني
ابتسم بسخريه : بااين ..والدليل الارض الي رجلك بتخرمها من كثر النقر
انتبهت اني فعلا اهز رجلي ...وهذي حركة تلقائية يووم اكون متوتره ..وقفت هزت رجلي بصعووبة
قام وتحرك من مكااانه وجلس بالكنبة الي جنبي ..وبكل هدوء سحب ايدي من حضني ..بغيت اسحبها لكنه مسكهاا بقووووة ..ناظرته بغضب ..لكن عيونه نظرتهاا كانت احد .طلع بيده الثاانية علبه مخمليه ..ونزل خااتم منهاا وحطه ببنصر يدي اليمنى ..كنت احس بقلبي ينبض بسرعه كبييره ..وحرااره تسري بكل جسمي ..يداته صحيح كانت بااارده لكنها احرقتني ..سمحت لنفسي وانا اشووفه مشغول بالعلبه اتامل ملاامحه .. ماشاء الله على خالد .. وسيم جدا .. وهذا رااجع لشبهه الكبير بامه الله يرحمهاا .. البشره المياله للبيااض اكثر منه السماار ..خشمه شوي طوويل مو كثير لكن ارنبة انفه مدببه ..حواجبه ماكانت مقوسة مثل حواجب صقر لاا بالعكس كانت شوي عريضه بس خفيفه مع تقوس بسيط جداا اكثر مايميز خالد الشاامه االي تحت عينه اليمنى وقريبه من انفه كانت صغيره بس غامقه ..اما عيونه فهي عيوون حااده مثل عيون اخوانه بالضبط ..
وووووجع رفع راسه وانتبه لي ...مالت ..مالت


/
/
/

انتهى

انتظروني باذن الله يوم الاربعاء القااادم اذا ربي كتب لناا عمر وعاافيه بالجزء الثاني والثلاثون "الاخير " ...وابغى اعرف توقعااتكم لنهاية ابطالنااا ومصير حياااتهم

الجز الثاني والثلاثون " الاخير"

× خالد ×
رفعت راسي من بعد مالبستها الدبلة ..وقدرت المح نظراتها المتأمله ... استغليت الفرصه وقلت احرجها شووي
سالتها : مااتعرفيني
ماجااوبتني ..كل الي سووته انها سحبت ايدهاا الا اني مسكتها بقووة
حصه وهي تسحب ايدها : اترك ايدي يااخويلد
شديت المسكه : اسمي خااااااااااااااااااااالد ...وماني تاركهاا وش بتسوين ؟! بتصارخين ؟!! صااارخي زوجتي وحلالي وان اخذتك اللحين محد قدر يقول كلمه
قالت لي: انت تحلم ..عمري مااارح اكون لك ..افضل اموت على اني اصير تحت سقف واحد معاك ياراعي الحريم والهروين
رميت ايدها بقرف ..وانا اشوف عيونها تناظرني بشمااته ..وانتصاار ..كملت : لاتفكر ان الورقة الي وقعت عليهاا بتربطني فيك ..تحلم يااا خالد "نطقت الاسم بتريقة " .. المره عشان ترضى تكون تحت رجال لازم يكون يملى عينهاا ..وانت الحمدالله والشكر
مسكت وجها من الذقن بسباابتي وابهامي وضغطت بقوة على عضمت فكهاا ...: والله ثم والله ثم والله لوما الملامه واحترامي لعمي كان سااويتك بالارض وفكيتها بقوة وضرب ظهرها بالكرسي
ومشيت طاااالع : طلققققققققققققني
التفت عليها : الطلاق بطلق بس مو اللحين وقت مااايجيني المزااج ..ترااك مااتلزميني ولااني ميت عليك
طلعت من المجلس وانا مقهووور ...كلماتها اجرحتني .. والله زين مني ماضربتهاا ...انا يااحصووه مااسوى ..مالي قيمه ...هين ان مااربيتك مااكنت ولد ابوي ...مدري شلون تحملت الجلسه مع الناااس .. ماصدقت طلعو ضيوف عمي واستاذنت بحجة السفر وطلعت




× فهد ×
بعد ماطلعو كل ضيوفناا ..طلعناا انا وسعد وابوي لغرفتها .. طقينا بااب غرفتها .. فتحت لناا من بعد ماحطت شال يغطي اكتفها العاريه لانها طبعا تخاف من سعد ..دخلنا الغرفه .. ابوي ضمهاا وباس راسهاا .
ابوي : مبروك يااحصه
حصه : الله يباارك فيك
انا وسعد : مبروووك يااعرووسه
طالعتني بشراار : الله يباارك فيكم ..ابوي ماطول عندها اعطاها هديته وطلع من عندهاا
جلست حصه عى سريرها .جلسنا اناا وسعد واحد عن يمينها والثااني عن يساارها
سعد : وش ذا الزين ياااحصه وين كنتي مخبيته ؟!
قلت اعلق ع كلامته : كانت مخبيته لولد عمك
التفت علي : انت بالله لك عين تتكلم
قلت : انا شسويت ؟!
قالت لي: فهد لا تستهبل علي
قالهاا : سعد وش سوى ؟!! ولا شي . ترى ان ماسواها فهد كان سواها غيره يعني مااهي ذيك المسألة ..
قالت له : طيب سعد بالله يجوز اتزوج وانا مغصووبة ؟! يرضيك يااخوي
قالها : اللحين انتي مو قلتي للشيخ انك موافقه
جاوبته : ايه قالت اجل شلون عطاناا الدفتر توقع عليه
سعد بعقلاانيه وهدوء استغربته : حصه وانا اخووك اللحين الزواج وصار كل الزعل اللحين لارح يقدم ولا يااخر ...اقلمي نفسك على تقبل خاالد ..ترااه رجال والنعم فيه
قالت له بقهر : خالد رجال والنعم فيه ؟! انت نااسي انه رااعي بناات ومغاازلات وفوق كذا ادمن ؟!! ماتذكر يوم كنت تشوفه وهو مسطوول و
عصب عليها سعد : بس كفايتك كلتي الرجال ..
سالتنا : معاي حق اقول ولاا ..لااااا
جاوبتها : الولد الحمدالله تااب وتعالج يعني ماالك عليه ماخذ
قالت لي : ذيل الكلب
قاطعها سعد : والله ان تعيدينهااا ماغير كف يشوه وجهك .. يظهر عطينااك وجه بزيااده .. وكمل يكلمني وهو ياشر على لحيه ..احلقها بموس ان ماكانت اختك مطولة لسانها على رجلهاا .
قلت له : بتقولي .. اعرفها منشار مو لساان
وقف سعد :حصه الرسول صلى الله عليه وسلم قال " إذا صلت المرأة خمسها وصامت شهرها وحفظت فرجها وأطاعت زوجها قيل لها: ادخلي الجنة من أي الأبواب شئت'" شفتي يعني زوجك جنتك ونااارك لا تخسرين اخرتك عشان هالكلام الفااضي..الله يصلحك .طلع
قالت لي : وانت اعندك شي تقوله .. ؟
قلت لها وانا اخبط راسها باصابعي : هالقواره وطولة اللسان بطليهاا .. ترى والله بتتعبين بحياتك مع زوجك
قلت لي وانا اشوف دموعهاا تنزل : ماابيه والله ماابيه يااافهد .. قوله هو صااحبك ... تكفى خله يطلقني
سالني : حصه اعطيني سبب واحد عشان تطلقين منه ولا تقولين مغازلة ومخدرات دوري لك عذر غيره
قالت : نفسي عاايفته ...مايكفي
قلت لها : ليه ماتكونيين صريحه وتقولين انك تشوفين فيه عقااب
انتفضت : انتم ليه مصرين على نبش موضوع عقااب ؟! كله ماقلت شي حشرتوه بالنص ؟!!! .. تطمن يااخوي رفضي لخاالد ماله علاقة بعقااب الله يرحمه .. عقااب مااات ومات حبي له معااه .. افهموو هالشي وارحمووني ..تعرف انا ليه ماابي خويلد .. بريحك ... انا ماابيه لااني .. تعبت من كوني الثوب الي يتنااقلوونه عيااال عمك .. عقااب ماجيت على ذووقه رمااني لااقرب برميل زبااله ..لكن مااهنت على ابوي قال اجرب اعطيه صقر يمكن اعجبه ..لكن حتى الصقر ماعجبته .. واللحين جاا دور خالد اخااف ابوي مصلي ركعتين شكر لانه رضي يااخذني
قلت لهاا: انت شتخرفين ؟!! أي ثووب واي عرض ؟!! انتي هبله ؟!! لعلمك ابوي ماكان يبي يزوجك خالد الا يوم شاف اصراار خالد انه يااخذك ...حتى ان خالد حلف ان ماخذك مااايرخصك لغيره
قالت بسخرية وااضحه : الله مجنون حصه صاار عندناا
هزيت رااسي : والله الكلام معااك ضااايع .. حصه اعقلي واتركي الجنوون .. ترى خالد صح يحبك لكن والله لين حدود كرااامته ماغير يرمي كل شي ورى ظهره ومايلتف ابد .



× الــــصقر×
من بعد الملكه رجعت للبيت ..شادن كانت ناايمه ..بالكرسي الي ورى ..شلتها وطلعتها الين غرفتهاا
رحت غرفتي وشفت فرح تحط عباتها ع الشمااعه .. لفتني الي كانت لاابسته .. كان فستان قصير احمر ع نص الركبه به تطريز خفيف وناعم من تحت بالخيط ..وماسك على كل جسمهاا ..والظهر كله شيفووون ومن البطن نفس الشي .. قهرتني ..اللحين هااذي كذا طلعت من البيت ؟!! انهبلت ؟!!
قلت لهاا وانا مقهور : انتي طالعه كذا من البيت
جاوبتني : ايه ..ودااارت تستعرض الفستان .. مو حلوو
قلت وانا اسحب الشنطه من تحت السرير: اعتقد انه غير مناسب تطلعين فيه
قالت : انا وين طلعت ترى كلهم حريم ...ووين تبي بالشنطه
رديت عليها بغير مبالاة : مساافر
حسيتها مصدومه : مسافر ..جلست ع السرير جنب الشنطة ..متى ؟!! وعلى ووين
جاوبتها : رايح الشرقيه .. الرحله بعد ثلاث سااعات تقريبا




× فرح ×
مسافر يقولها بكل بسااطه ...هذا الرجال بيجلطني .. وش البورد الي فيه .. والله كويس ملاحظ الفستان
قلت له : طيب ليه مابلغتني من قبل
قالي بتريقه : اووه نسينا ناخذ الاذن منك
ماعجبتني تريقته : كمان مو من حقي اعرف اذا زووجي بيساافر ومتى
قالي : اهي جات كذا فجأة ..ممكن تجيبين ثيااابي
رحت بغيض للدولاب ...وطلعت ثياابه ورتبتهاا له ..جلس هو جنب الشنطة ..كن اشوف عيونه تنااظرني ..مدري وش ينااظر ؟!! .. احيان كثيره احس نظرته مبهمه ..مااقدر افهم وش يدور فيها ..واحيان اشوفها بالعكس مرااياا واضحه ..تعكش كل الي بنفسه .. مشكلته انه مايتكلم .. مايفضفض ... مايتعب من الكتم بداخله
زفرت وانا اقفل الشنطة
قالي : مشكورة
قلت بسخريه : ولو الواجب
اخذت ملابسي من الدولاب ورحت ابدل ..يوم طعت من الحمام " وانتم بكرامه " شفته متمدد ع السرير وحاط ايده تحت رااسه
سالته : صقر تعباان ؟!!
قالي : بس مصدع عندك بندول ؟!!
رحت وجبت له البندول ..مع كاسة الموياا اخذله حبتين وشربها جلست جنبه ع السرير .. اكيد مارح ينام لان مابقي شي على رحلته .. شفته مغمض عيوونه .. والتعب مرسوم على وجهه .. مسكت اللحاف ابي اغطية فيه رفعت الين ماوصل لخصره ..تركت اللحااف ..ومن غباائي ... حطيت راسي على صدره ..على باالي نام لانه ماااتحرك .. يمكن اخذ راس يعلى صدره خمس دقاايق .. كنت خلاص بقوم اخااف يصحى وش بيقول عني .....كنت خلاص برفع رااسي من على صدره ..الا اني حسيت بذراعه تطوقني ... مالت علي وستين الف مالت .. وش بيفكر اللحين ..اكيد بيقول وقحه وماتستحي على وجهاا ..كنت احاول امسك دموعي قدر الامكاان ..حاولت ارفع جسمي بس احس بشلل في كل اطراافي ....سمعت صوت تنهيدته .. تنهيده تعبااانه ..مخنووقه ..حسيت بيده تتترخي من علي ..رفعت رااسي وجات عيني بعيوونه .. ابتسم لي بحنااان ..باسني على راسي وبدأ يرفع جسمه ...قمت من على صدره عشان يقدر يقووم ..رن جواله ورد عليه ..والمتصل كان خالد اخوه وش كثر كان الصوت عاالي
خالد : ها بتجي ولا عجبتك القعده عند الحرمه
صقر كان يناظرني : ايه عاجبتني عندك اعترااض
خالد رد عليه : والله انا الي مفروض اكون مع حرمتي مو انت
ضحك : ابوك يالحسد
رد عليه خالد الضحكه : الله يهنيكم .. بس يالحبيب تراني تحت انزل يالله ماابقي شي ع الرحله
قفل منه ..وقام بسرعه غير ثووبة ولبس بنطلوون اسود جنز مع قميص رمادي ...ابد ماباان كبير بالسن بالكس الي يشوفه يقول شااب عشريني ... منظر الشمااغ والثووب عاطيه اكبر من سنه ...
اخذ شنطته ...ومر على غرفة شادن بااسهاا ..نزلت معه الين الباااب الدااخلي
التفت علي وقالي : انا حاط لك فلوس بادولاب ..اسحبي منها أي شي تبينه واذا خلصت كلميني
جاوبته : ماتقصر
قرب مني اكثر ..مسك رااسي بيده الكبيره وقربني منه ..طبع بوسة على جبيني : انتبهي لنفسك ولشاادن
هزيت رااسي : شاادن بعيوني لا توصي ..عاد هنا مااقدرت اغالب دموعي
مسح دموعي بايده : وبعديين ؟!! بتصل فيك اول مااوصل ان شاء الله ..رن جواله ..اخاف ينط خالد هنا في امان الله
طلع من غير لا يسمع ردي عليه ..قفلت البااب من بعده واناا ادعي من قلبي ان الله يحفظه لي ويخليه ..تلمست جبيني محل ماابااسني .. ابتسمت غصب عني ...غريب هالانساان .. الصبح ماكان طايق يكلمني ومن شووي حناانه كاان مغرقني حتى لو ماتكلم بس حسيت فيه ..وربي انه لغز




× خــالد ×
كانت عيوني متركزه على بيت عمي ..خصوصا وانا اعرف ان غرفة حصه تكشف على حوشناا ... كنت اتمنى بس لو المح طيفهاا ..اشوفها .. لكن ووين مااقدر اشوف شي خصوصا مع البلاك اوت الي حاطينه ماااقدر اشوف شي ....تذكرت كلامها لي اليووم ..ووول عليها لساان ..يظهر ان بناتناا كلهن عندهن مناشير مو السنه ..
الصقر: وش راايك تنزل عندهم
ضحكت : هههههه اطلع بس
قالي : عيوونك بتطلع من كثر ماتطالع بالشبااك ..الله ع الحب
قلت اغايضه : ترى توك جااي من عند الحرمه
ابتسم بهدوء ..ابتسامته هااذي يعني انه مايبي يتكلم بالموضوع ..اعرفه ..عشرت عمر ..رحناا المطار سوينا الاجرااءات كلهاا .. وطلعناا الطيارة ..طبعا اخذنا انا وياه درجة رجال الاعمال
سالته : ابغى اعرف اللحين انت ليه فجاة كذا قررت تجي معاي
قالي : يااخي طلعت معاي كذا ..انا من زمان ماارحت فرعنا بالشرقيه وابي اشوف كيف الشغل ماشي .. لا تقول مااثق فيك ..لكن انت توك عظمك طري ..مارح تقدر عليهم
قلت له : ياعيني اللحين انت مطيب خاطري ؟!!
ضحك : ههه ايه
سالته : صقر كيف حيااتك الجديده ؟!!
التفت علي مصدوم : نعم ؟!!
قلت له : اعرف انك بتقول مالنا حق نسألك وان هذي خصوصيااتك بس ...اعتدلت وصرت اطالع قدامي .. انت طول عمرك تدخل بحياتناا .. ماتدخل من بااب فرض الراي .لااا..انت تدخل كأب ..تعودنا عليك موجود لناا وقت مشاكلناا ... وقت مااانبي احد يفرح لناا .. حتى وقت ماانجرحت قلوبنااا كنت برضوو معااناا ..تذكر ياااصقر يوم قاابلتني وانا طاالع من البيت ودموعي على خدي ؟!! يومتهاا خرجت وصدمت فيك ..انت كنت جااي توك من الشرقيه كنت تبااشر شغل ابووي ..
سالتني : خالد وش فيك ليش تبكي ..مارديت عليك كل الي سويته اني ضميتك بقوة وانا منقهر
انت عصبت علي وصرخت : خلك رجال وامسح دموع الحريم
انا خفت منك يومتها ومسحت دموعي ..انت اخذتني من ايدي وركبتني السياارة معااك ..ورحناا للبحر .. ذاك المكان الي تعودنا تجيبنا فيه عشااان ننبسط ونتكلم برااحتنا بعيد عن ابووي وتسلطه ..اخذت لي يومتهاا اسكريم
قلت لك : ماابي وانا كنت متقطع عليه
قلت لي : احس برضوو واعطيت الاسكريم لعامل النظافه ..بعدها رجعت وجلست جنبي وسالتني ..وش فيك ؟! وش الي صااير ؟!
جاوبتك يومتها وانا دموعي رجعت تنزل : بيزوجون عقااب حصه
سالتني : بالبركه ..انت ليش زعلان ؟!
كمل عني يومتها صرخت علي وقلت لي : ليش يزوجونها عقااب اناا ابيهاا
اتذكر اني صكيتك بكف ..وكانت اول مره امد يدي فيها عليك ..قلت لك : صوتك ماايعلى علي وحصه تشيلهاا من بااالك هي من اليوم محرمه عليك ..
رجعت اكمل : مسكتني من ثوبي وقلت هالكلام مااينعااد ابد ولا حتى بينك وبين نفسك ..وفكيتني وقلت لي انت توك صغيير ..اترك عنك هالهرج الي مامن ورااه فاايده
رجع هو يكمل : يومتهاا قلت لي انك تحبهاا والحب مب هرج فاضي ..كنت اشوف بعيونك اصراار وانت بكل مقايس ذاك الوقت تعتبر بزر ..طلبت منك تركز بدرااستك انفع لك ..ماتوقعت ابد ان الزمن يدور وتجيني يوم مااترك اخوك البيت وتعاتبني
قلت له : قلت لك وقتها شفت يااصقر اخووك تركهاا .. تركها ولاني قاارد اقول ابيهاا .. ابوك يشووفني بزر
تكفى كلمه يحجزهاا لي ..لكنك عيت ووقلت مستحيل اكلم ابوي .. ماغير ينحرك وش يقول عمي علينااا نتناقل بنته بيناا
ابتسم لي: وهذانا اليوم يااخالد انت زوجهاا
قلت له : زوجهاا الي ماله بقلبهاا مكان
قالي : انت تقدر تبني لنفسك مكان بقلبهاا ..خليها تتعود عليك بالاول ..
زفرت : ربك كرييم ..اترك مني ولا تهرب ..وش الي بقلبك يااخوي
جاوبني : خلي الي بالقلب بالقلب وانا اخوك
قلت له : صقر وانا اخوك ريح نفسك وتكلم .. نفسك بتحمل ايش ولا ايش ؟!
قالي : لا تشتكي من همومك للناس وادفن همومك في ثرى الصمت كله
قلت له كملهاا : اسرار عمرك خلها تحت الانفاس لا صار هرّاج القفا فاطنن له
هذاك يفرح لا لمس جرح الاحساس و هذا مناه لا لقى فيك عله
تهقاني وانا اخوك بتشمت او بزيد الجرح جرح ؟!
قالي : تعرف ان هذا عمره ماكان تفكيري . .. بس انا مااتعودت .. احب احتفظ بالي في تفسي لنفسي ليه ازيد همومك ؟!! خلك ياخوي بهمومك واترك همومي لي
رديت : ااخ منك
وصلنا الشرقيه .. اخذناا لنا غرفة مزدوجه بفندق شفت صقر يطلع جواله
سالته : بتتصل على من ؟!
جاوبني : فرح
قلت له : صقر اكيد نايمه
جاوبني عن ثقه : بتكون صااحيه
قلت له : لا تقولي مابتنام لانك مو جنبهاا
قالي : ماتلاحظ انك ماخذ وجه ؟!



× الصقر×
دقيت ع الرقم وانا ادعي من كل قلبي انها ترد .. رن مره ..ثم رجع مره ثاانيه يرن ..ماترد .. مع الرنه الخامسه
اخيرا ردت
فرح : الوووووووووو
ابتسمت : السلام عليكم
ردت السلام : وعليكم السلام ..
سالتها وانا منحرج : كنتي نايمه ؟!
جاوبتني : لاا شلون انام انت قلت بتتصل ..
سالتها : طيب ليه مارديتي
جاوبتني : كنت وانت بكرامه بالحمام اتوضا
سالتها : صليتي ؟!
جاوبتني : توه مأذن
قلت لها : اجل رووحي الحقي ركعتين قبل الاقاامه ..ولاتنسين تدعين لي
سالتني بنبرة حزن بانت بصوتها : مارح تتصل ثاني مره ؟! بعد الصلاة
سالتها : تبيني اتصل ؟!
جاوبتني : لا خلاص انت نام وارتااح عشان تقدر تروح شغلك
كان خالد طالع من الحمام " وانتم بكرامه " من بعد مااستحم : ايوااااااااا ياااعيني ع الحب توك مفاارقهاا
وجا من دون سابق انذار وسحب السماعه : شلوونك ام شاادن





× فرح ×
استحيت يوم سمعت صوت خالد : الحمدالله اشلونك انت ؟! مبروك عليك حصه
جاوبني : الله يباارك فيك ..اقول ام شادن وش مسويه لاخوي من طلعنا من جده وهو سرحااان وان تكلم ما على لسااانه الا مشتاق للمره مشتااق للمره .. لا يكون بس سااحرته
ماعرفت وش ارد .. ماتوقع يكون كلامه صحيح ..مستحيل الصقر يتكلم عني كذا
كمل خالد : اقول ام شاادن بالله عليك خذي حصووه واعطيها كورس عندك شلون تهنيني وتدلعني .. ابغى اصير مثل ذا الشاايب من نذكر اسمك له ضحكته تمتد من الاذن للاذن
كنت اسمع صوت الصقر : هات الجوال ياللي ماتستحي
جا صوت الصقر : فرح بكره اتصل فيك ان شاء الله مع السلامه
ماسمع ردي لانه قفل .. اكيد تضاايق ..او يمكن انحرج من اخوه .. معقول يتكلم عني ؟!



× خالد ×
ضحكت وانا اشوف الصقر منحرج .. تخيلو الصقر مستحي
قالي بعصبيه : انت ماتستحي على وجهك
قلت وانا اضحك : هههههههههههههههههههههههههه لااااااااااااااااااا.. يالله ليت معي كاميرا اصورك وانت مستحي والله لو مو شاايفك مااكنت صدقت
قال وهو يهز راسه : بالله وش تقول عني اللحين
قلت له : بتفرح وتنبسط لانك تفكر فيها وتجيب طاريها
مارد علي رمى جسمه ع السرير .. قلت له : حركااات ياااخوي .. ماكنت متوقع انك تعرف للرومانسية وللحب
قالي بنبرة حاده : ليه مالي قلب
قلت له وانا احسه متضايق : مو القصد ..بس انت عمرك ماكنت عااطفي ولا عندك حركاات المرااهقين .. والله حتى الزواج ماتوقعت ابد انك بيوم رح تتزوج .. حيااتك كلها شغل بشغل ..ماعندك وقت لاي شي ثاني
قال وعيونه ع السقف : يعني اذا مااعرفت حريم ولعبت بااعرااض النااس ماعندي قلب ؟!! لا تشغل بالك كثير ترى عندي قلب .. وهو الي مخليني اتحمل كل هموم هالدنيا ومشاااكلهاا
قلت له : صقر اسف مو
قاطعني بنبره حزينه : لا تعتذر .. مو انت اول واحد يقولها لي .. غيرك اعتبرني صخر مااحس .. ياخالد مو كل شي لاازم ينقال في اشيااء كثيره تنحس .. وترى الحب مب كل شي .. قبل الحب لاازم يكون في احتراااام .. في تفااهم ... لو العشق والهيام هو اسااس حياة الزوجين كان نص الزواجات الي بالعالم انتهت
سالته بخبث : طيب انت تحب فرح
عطاني ظهره : مب شغلك
تمددت ع سرير : ياااخي اشبع فضوولي
مارد علي ..ماعبرني .. هذا هو مااتغير التعبير عن المشااعر اخر شي موجود على جدول اعماااله

× راكان ×
طلعوها اليوم من المستشفى . اخذتها ع البيت طوالي .. طول الطريق كانت مريحه راسها ع الكرسي ومااتتكلم
وصلنا البيت ودخلت على طول على غرفة النووم .. نزلت الاكل الي شريته بطريقنا وحطيته بصحون
دخلت الغرفه وشفتها متمدده ع السرير وضامه اللحاف لصدرهاا .. كنت خايف تكون موجووعه سالتها : نورة يوجعك شي ؟!
قالت بصوت خانقة البكاء : لااااا
سالتها : طيب ماتبين تفطرين
صرخت : ماابي شي
هزيت رااسي وقفلت النور وتركتها تنااام ... يالله كيف اتفااهم مع هالانساانه ؟! حالتها النفسيه سيئة جداا ماتوقعت ابد انهاا بتتأثر كذا لانها اجهضت ؟! غريبه ؟! اللحين وهي بالوضع هااذا شلون اقولها انها تعتبر مطلقه ؟! وانها بعدة ؟! التفت ع البااب ..كلها منها هي الي خلتني احرمهاا على نفسي ..




× نورة ×
ماني قاادره اواجهه .. ماابي اشووفه .. انا مجرمه .. ذبحت ولدي بيدي .. خبطت راسي بالسرير .. ليه اللحين صحي ضميرك ؟! ليه اللحين حسيتي فيه ؟! مااقدرتي تتحملين نظرة رااكان الموجوعه ؟! ماقدرتي تتحملين الخوف الي شفتيه بعيوونه عليك ؟!
قمت بصعووبة ومشيت الين الصاله .. شفته وهو جالس وقدامه خرايط شغله
اول ماشاافني جاايه عليه قاام بسرعه وسااعدني بالمشي : ليه قمتي
قلت وانا اجلس : ابي اتكلم معاك بموضوع مهم
سالني : خير ؟!
قلت له : راكان اناا ..انا وحسيت بالعبره تخنقني .. انا اجهضت نفسي .. البيبي ماطااح لحاله انا كنت
صرخ فيني : انتي ايش ؟!!
اهتزيت بمكاني خووف من الغضب الي شفته بعيوونه : اناا
مشكني من ذراعي قبل لاااكمل وقالي : انتي مااكنتي تبينه من المتخلف الحثااله صح ؟! كنتي تبين تنقلعين لبلادك ..مب قادره تصبرين اكثر لين ماترجعين للخراابه الي كنتي عايشه فيهاا ..انا ابغى افهم أي قلب هذا الي طاوعك تذبحين ضناااك ؟! ملاايين يتمنن طفل يناديهم ماااماا وانتي النعمه جات لعندك ورفستيهاا .. يظهر ان حريتك وجسدك الجميل كان اهم عندك من الامومه
قلت له والدمع على خدي : رااكان انا اسفه والله العظيم اسفه
صرخ : لا تذكرين الله على لساانك انتي لو تعرفين ربك مااكان قتلتي روووووح ..انا اول حرمتك علي وهذيك كانت طلقة وكنت افكر ارجعك ..لكن بعد الي قلتيه ماااعااد لك مكاان وسحبني لغرفة النوم لمي اغرااضك كلها مااعدت ابيك ببيتي ...رح اوديك للقذااره الي كنتي فيها

......................................... تكملة الجزء السابع ......................................

منشورة في: روايات