لا تشتكي من همومك للناس الجزء السابع

× راكان ×
كلامها كان صاعقه مااقدرت اتحملها .. فجرت بداخلي براكين من الغضب ... معقول لهالدجره مشاعرها ميته .. شلون قدرت تذبح ولدها .. تذكرت الفيزا الي كنت اعامل فيها لها من اسبووعين .. وطلعتها لها قبل يومين كنت بفرحهاا .. ابي اقربها مني .. غبي .. والله أني غبي .. كنت افكر ان ممكن نبدأ حياة جديده مع هالطفل .. حياة نقدم فيها انا وياها التنازلات عشان ولدنا .. لكن يظهر اني كنت متفاائل كثير.. متفائل لدرجة اني صرت افكر بالمستحيل .. وان الحب يصنع المعجزات .. مسحت بسرعه دمعه القهر الي نزلت من عيني .. افاا يااارااكان بتبكيك حرمه ؟! ... رجعت بعد سااعه للبيت بعد سااعه ..من بعد مامريت واخذت لها حجز وكان بعد ساعه بالضبط
صرخت فيها يوم شفتهااا ع السرير وما سوت شي : انتي لسى مالميتي اغرااضك ؟!
وقفت : رااكان انا اسفه ..وتقربت مني ...راكان ساامحني ..وحطت ايدها علي
صرخت : لا تحطين ايدك القذره علي
سحبت الشنطة الي بركن الغرفه ..وفتحت الدولاب مثل المجنون .. وصرت ارمي كل ثياابهاا بالشنطه الين مافرغت ملابسهاا ..قفلت الشنطة ورميت عبااتها بوجها .. وقلت لها بسخريه . ...سحبت الشنطة وحطيتها بالسياارة وركبت جنبي
طالعتها بقرف وانا اشوف تتأكد من ان اطراف العباية مو عالقه بالباب : تحمليها الين ماتركبين الطياارة
رمينا عليها الجوال تصل باهلها تبلغهم عن سفرهاا
نورة : هلا خاله .. لا تماام ..لا طلعت.. خاله اناا رايحه ع المطار .. يوصل
بعد ماقفلت :ليه ماقلتيلهم انك رايحه وماعاد راجعه
التفت علي : بقولهم بس لمى اوصل هنااك
ضحكت بسخريه : اووه نسيت انك اتبينهم يرجعوونك
وصلنا المطار خلصت لها كل اجراءاتهاا .وبالكاد لحقناا قبل لاا تطير الطياره بخمس دقاايق
وصلتها الين البوابه واعطيتها جوازها : اللين هني انتهى مشوارنا .. توصلين بالسلامه .. ماكانت ترد علي كنت اقدر اشوف دمووعها من تحت غطاها الخفيف ..نورة انتي طالق
واستدرت ومشيت من غير لا التفت عليهاا





× حصه ×

اووف وش ذا الازعااااج .. جوالي ولا سكت .. سحبته ورديت من غير لاا اطالع بالرقم : الوو
نوال : انتي لسى نايمه
جاوبت : نوال مالت احد يتصل بذا الوقت ؟
نوال : حبيبتي العصر اللحين بياذن .. قمت بسرعه وطالعت بالساعه اتاكد وكانت بالفعل 2.30 اقوول بقوم اصلي اتصلي بعيد .. قمت بسرعه توضيت وصليت الظهر .. استغفر الله ...امس مانمت الا بعد الفجر ..بركة مافاتتني الصلاة ...رجعت نوال اتصلت
رديت : وش ذا الازعااج
نوال : شلونك مرت اخوي
جاوبتها : مصدعه من ورى ازعااجك
نوال : افى يامرت اخوي ماهقيتها منك
عصبت : مرت اخوي ومرت اخووووي ترى ابلشتينا باخووك
نوال : يااقلبي على اخووي اقوول يامرت اخوي ترى بمرك بعد العصر
سالتها: ليه
جاوبتني : ليه زواجك بعد شهر ان شااء الله ماتبي تجهزين .. ترى رمضان كله اسبوع يعني يادووبك تلحقين
تجهزين
قلت لها : والله انك مرووقه ..اقول انزل اتغدى ابرك لي مع السلامه
نزلت وتغديت وفعلا نوال ماكذبت خبر العصر بالضبط وهي عندي ..صلينا العصر ببيتناا وبعد زن طلعت انا ويااها نقضي .. كنا بنااخذ فرح معاناا لكن الحلوه ماتبي تطلع منتظرة اتصال من صقر




× نوال ×
اقهرتني حصه . من متى وانا ويااها ندور بالسوق ومااختاارت اشياء كثيره .. هذاا مفتح كثير .. هذا قصير
قلت بقهر : حصوووه من متى الحياا ؟؟ مااعرفك اناا ؟
جاوبتني : نوال قلت لك مستحيل البس شي من ذاا
مسكت نفسي ومشيت طالعه من السوق ومطنشه كل مناداتها ركبت السياره وركبت وراي
حصه : نوال شفيك
عصبت : انا شفيني ؟ ولا انتي ؟ بالله عليك في عروس جهزها كله مافيه شي نص كم ؟ في عروس تعيي تاخذ قمصان نوم ؟ في عروس جهازهاا كنه لبس طالبة جامعه .. ربي ..حتى بنات الجامعه يلبسون اكشخ من كذا حتى الالواان اعوذ بالله اسود وبني وكحلي ..انا لو مااعرف ذووقك كان قلت الناس اذوواق .. لكني ادري انك تسوين كل هذاا بالعااني..
حسيتها انحرجت مني : ماعجبني شي
قلت بتريقه : ماعجبك شي من الثياب ولا اخوي الي مو عاجبك ؟
ماردت علي ...طلبت من السواق يياخناا مركز تجاري ثااني .. وقضينا منه فعلااا جهاز عرروس وعاد انا اتريت فيها لاني ارف انها بتراضيني فخذيت لهاا ثلاث اربااع اللبس مفتح وقصير
حصه : نوال والله مره قصيره وش بيقول عني اخوك
قلت وانا اكتم ضحكتي: والله بيتشقق على قولتهم من الانبسااط ...مرينا من جنب ريسنزاا
حصه وهي تسحبني .: لين هناا و خلاص ترى ماعدت اقدر . اعطيتها اكياسها . .. حبيبي روحي الكوفي شوب روقي اعصاابك بقهوة .. وانا بشتريلك على ذووقي
قالت لي : نوال الله يخليك راعي وضعي
قلت لها : ولايهمك




× فرح×
اللين الحين مااتصل ؟ وعدني انه بيتصل ومااتصل ...الساعه اللحين 9 اكيد طلع من الشركة ...اصل فيه ؟! لا مايصير يمكن مشغول ؟! أيه اكيد مشغول دامه مااتصل لحين معناتها مشغول
شادن وبيدها سندوتش : مااما تستني ميين !
جابتها : حبيبي استنى بابا يتصل
شادن : مالح يتصل
طلعت فيها : ليه ؟!!
جاوبتني : انتي لما كنتي تصلي باباا اتصل وانا كلمته ...وقالي اسلم عليك مره كثيير
عصبت عليها : ليه ماتكلمتي من بدري
جاوتني : انا نسييت
قلت لها وانا حاول امسك اعصاابي : كلي السندتش وتطلعين تفرشين اسناانك وتناامي
شادن : لسى بدلي ابعى اتفرج الجاسوسااات
قلت انهي النقااش : لا بدري ولا شي ..الصبح بالكاد تقومين للمدرسه
خلصت ساندوتشها وشربت حليبهاا ..قلت ااكد : فرشي اسناانك لا يجي الذر عليك بالليل
صرخت : ماماا يييييييييييييييييييع
بعد ماطلعت لغرفتها .اتصلت على صقر: السلام عليكم
رد السم : وعليكم السلام
سالته : مشغول ؟! ...كنت اسمع عنده ازعااج كبير .. وبدأ الصوت يخف
جاوبني : لاااا ..
سكت ماعرفت شقول لاازم اقول شي انا الي متصله ..
سالني : فرح فيك شي ..شادن صابها شي
رديت بسرعه : لااا الحمدالله كلناا بخير انا بس اتصلت عشان
قاطعني : فرح انتي تتصلين باي وقت بسبب ولا من غير سبب ماله داعي تبررين
ابتسم بيني وبني نفسي : قلقت عليك ..قلت بتتصل وماااتصلت ..خفت يكون صاار لك شي لا سمح الله
رد : الحمدالله مافيني الا العافيه .. ترى انا اتصلت ماقاالت لك شاادن
زميت شفافي : توهاا من شوي تقولي ..يعني مااكنت ناوي تتصل مره ثاانيه ؟!
قالي : كنت بس والله انشغلت .. الشغل هني يبيله اعادة ترتيب
سألته : يعني بتطول ؟!
سالني : اشتقتي لي
قلت له اتهرب من الاجابه : شادن مشتااقه لك
قالي : ماسألتك عن شااادن ..انا اسألك انتي مشتاقه لي ياافرح
سالته : انت مشتاق لي ..اقصد لناا
جاوبني بنفس طريقتي : شادن وحشتني مدري شلون كنت عايش دونها
شادن واناا ؟! ..انطق تكلم ..سكت شوي وقال .. فرح انا بقفل اللحين ..بكمل اجتمااعي .. اذاا صار أي شي كلميني
قلت بحزن : ان شاء الله .. في امان الله
كنت بقفل الا نادااني : فرح
رديت بسرعه عليه : لبيه
جاوبني : لبيتي في منى
رديت عليه : معااك ان شاء الله خير ؟!
حسيته ارتبك : هااا خلاص ولا شي مع السلامه




× فهد ×
رجعت من الدوام متأخر شووي .. طبعا من بعد مااامريت بطريقي على بيت اهلي واخذت نوال
طلعت اغير ملاابسي ...وتمددت ع السرير
نوال سالني : فهد بتنام من غير عشى
اشرت لها تجي تجلس جنبي .. جات وهي مبتسمه وجلست
سالتها : نوال شلون حصه ؟!
ابتسمت وهي تطبطب على ايدي : تطمن حصه عال العاال .. اليووم اخذتها السووق وبدينا انجهز لهاا
وان شااء الله ماارح نتاااخر بالتجهيز على نص رمضان ان شاء الله بتكون جااهزه من مجميعه بس الفستان هو الوهقه مالها الا تطلبه جااهز
سالتها : يعني الفلوس تكفيها مو ناقصها شي
قالت لي : مااشاء الله المهر كبير غير كذا عمتي معطيتهاا فلوس فووقهاا
سكت شووي : اامممم مااهي زعلاانه مني ؟!!
ابتسمت لي : فهد حصه لو قالت زعلانه بس قلبها طيب والله كلام على الفاضي
سالتها واناا احط ايدي على بطنها : كيف البطل معااك ؟!
قلت له : شكل الدكتورة حسدته .. طول الوقت يلعب ويرفس
ابتسمت : طبيعي لانك ع السااابع خلااص .. الله يقوومك لي بالسلامه
ابتسمت : الله يسلمك يااالغااالي ...اللحين يالله انزل معاي خل نتعشى
قلت لها : انتي اقعدي وانا بجهز العشى
قالت لي : الله يخليك لااا .. كله ولا مطبخي بتقلبه فوق تحت
قلت لها : تحمليني لين ماتوصل شغاالتك
قالت لي : والله مالها داعي ..كان اخذناا وحده من شغالات بيت اهلي او اهلك لين مااولد واخلص النفاس لكنك ماتسمع الكلاااام
ابتسمت : اول تزنيين تبين شغاله واللحين ماتبينها
وقفت : زمان اول تحول



× نورة ×
طول فتره وجودي بالطيارة ..ماكنت اتكلم .. مااكلت شي .. حتى الراكبة الي جبني طفشت مني .. كنت كله اطاالع من الشباااك .. كاني ابي املي عيني من السعودية واجواهاا ... وصلت اخيرا الطياارة .. اول مانزلت من الطيارة الهوى الباااارد لفحني بشكل قوووي .. لملمت العبااايه بقوة .. خلصت اجرااءااتي ..كنت اشووف النااس تطالعني .. عرفت ان السبب العباية والشيله ... مااهتميت يمكن لان لي فتره طوويلة متعوودة عليهاا
فصارت شي من المسلماات عندي .. اخذت تااكسي .. وارشدته لعنوان البيت ... ريحت رااسي ع الكرسي ومااحسيت الا وانا قداام بيتنااا
فتحت لي الشغااله الي تفااجأت بوجودي.. سالتها عن امي وابوي ..عرفت انهم طالعين لحفلة كوكتيل .. اخذت شنطتي ...غرفتي مثل مااهي من يوم مااتركتها .. نفس البوسترااات .. نفس الاغطيه .. الاشرطة والسيدياات
رميت نفسي ع السرير . واناا احس بالم فضييع بكل جسمي ..لكن الالم الي بقلبي ولاا شي ......اااخ مااالمني تطليق راكان لي .. انا كنت ابي هالشي ...من تزوجته .. لكن الالم الاكبر الجريمه الي سويتهاا .. مدري شلون انهبلت وفكرت اجهضه .. كان بيطلقني ..ليه مااصبرت ..ع الاقل كان بيكون عندي طفل اضمه لصدري ..يناديني ماماا ... نظرات راكان الى الان احس بحراارتهاا على جسمي ...مديت ايدي تحسست سريري القديم
اااه وش حلوو الرجعة للبيت
دخلت امي وهي متفاجاة : نورة ؟!!
ضمتني وبااستني .. : اشتتقت لك
ابتسمت : واناا بعد
سالتني : وش هالمفاجأة الحلووة ..وين زووجك
قلت لها : ماما انا لحالي هنا .. زوجي مارح يجي
امي : ليش؟! شغله
جاوبتها : ماماا احنا انفصلناا
امي : ايششش ؟!!
قلت انهي أي نقااش ممكن : ماما انا وراكان زواجنا كان اكبر غلطه .. وهالغلطه ماكاان لها تصحيح الا الطلاق ..وكملت بغصه .. والي كان ممكن يجمعناا ..رااح .. I lost my baby وحضنتهاا
حضنتني بدورهاا وصرت وصرت ابكي بحضنهاا ..هذا خرشي اتذكره قبل لاااغط بنوم عمييق


×حصه×
رنين الجوال ذبحني .. قرفني بعمري ...
رديت : نوال مالت ماصار دبش ذبحتيني
فاجاني صوته الرجولي الرخيم : يظهر ان الدبش تاعبك كثييير
فزيت جالسه : انت شلون تتجرأ وتتصل علي
سالني : ليه حرام
قلت من غير تفكير : ايه حرام
حك بشماته : يظهر نسيتي انك زوجتي
عضيت ع شفتي ..تصدقون اني نسيت ..: واذا انا مابيني وبينك كلام
جاوبني : تصدقين ان وجهك لوح؟!! الي زيك مفروض تتصل تعتذر ع اسلوبها السخيف بالكلاام لكن لا حياوة لمن تنادي
قلت هل : اللحين متصل من صبح رب العباد عشان تسمعني هالمحاضرة
جاوبني : اجل ميت على صوتك
زفرت : اووف ..خالد وبعدين ترى ماني فايقة للكلام الفاضي .. اللحين اختك بطب علي وتدوشني
سالتن ي: من نوال او مها
جاوبته : نوال .. وكملت افضفض ..يااخي ذبحتني من سوق لسوق امس مدورتني نص اسواق جده والي قاهرني اثر يوم تختار شياء ماتصلح لي تمد براطمها شبرين
سالني : كيف يعني مايصلح لك
كمت بغبائي : ياارجال شي خفيفي مره وش قصيييير يكشف اكثر مما يغطي محسستني اني رقاصه مو عرروسة وكله كووم وقمصان الن.....سكت اوف ووف انا شقااعده اهببب
سالني بخبث : أي قمصان ؟!
رديت بعصبيه : ولا شي .. تبي شي
سالني : مشغولة ؟!
جاوبته : مب مشغولة ..توني صااحيه بس انت مفروض بالشغل ...ماابي اكون معطلتك
رد : والله ان الشغل ملياان من امس انا وصقر شغالين على ذي املفات ولا خلصلنااا
علقت : لا تضغط على نفسك بالشغل العمر يخلص والشغل مايخلص
قالي بطرية مرحه : تامرين امر
سكتنا شوي . منا لاقيين كلام نقولة .. اصلاا مابينا شي ينقال ..رغم كونا تربينا مع بعض والمفروض اننا نعرف بعض زيين .. لكن معه احس نفسي غريبه ...حتى مع واقع كو زوجي ..واقع مااقدر اغيره ولا امحيه من حيااتي
قلت له اقطع الصمت : خالد ابي اسألك سؤال لكن تحلف بالله انك تكون صاادق معاي

× خالد ×
مادريت وش السؤال الي مستدعي انهاا تحلفني عشان تضمن صحة اجاابتني .. نبرة صوتها وهي تكلمني كانت مختلفه تمااماا .. مختفه عن نبرة صوتها الحاده والي تقدر تلمس فيها العزة بشكل كبييير لدرجة ممكن تحس الي يكلمك انساان كله غروور وعنجهيه
قلت لهاا : مع اني مارح اكذب عليك لكن عشان تطمني والله العظيم بجاوبك بصدق وش سؤالك
قالت من بعد تنهيده : خالد انا ماكنت عندي القدره على اختيار الرجل الي ارتبط فيه .. انت انفرضت فرض علي ... وادري ان كلامناا قبل امضااايقك ..ويمكن لو احد ثاااني كان مابقى فيني عظمة سليمه .. انا قلت هالكلاام عشان اكون صريحه ولا اكذب عليك .. وابيك بدورك تصاارحني .خالد ليه تزوجتني ؟!! قلت بنت عمي وانا اولى بها من الغريب ؟! ولا خفت تنرفض بسب بالمااضي ؟!
جاوبتها بصدق جديه : حصه الرجال مايعيبه أي شي ..الي كنت اسوية زمان الحمدالله تبت منه واذا كان رب البشر يقبل التوبة .. حنا ليه نتجاهلها ؟!! وانا ان دورت بلااقي من يزوجني ولا يطالع للمااضي لا تنسين ان ربي منعم عليناا بالمال والاصل الطيب .. الف من يتمنى نسبناا ..حصه انا مااخترتك الا لاني ابيك .مو لانك بنت عمي وموجوده قدامي .. انا بغيتك لانك حصه ...سكت قبل لا اتهور واقول ترااني احب واموت عليك .. امم حصه اسمعي اعرف انك تتوقعين انك عطيه من عمي .. لا ورب البيت منتي عطيه الا اختيااري ...سكت ليه ماترد ؟! ...حصه تسمعيني ؟!
ردت : اسمعك
كملت : اسمعي يابنت عمي الي اوله شرط اخره نور .. اللحين حنا م ملكنا والي صاار صاار .. قدامك خياارين ..والله تبين نتمم الزواجه خير وبركه ..ولك مني عهد ربك الشااهد عليه ماتشوفين مني لاااذل ولا ضيييم ...واسكنك محاجر عيوني قبل بيتي ...اما اذا بعتي ياابنت عمي فانا مب ساائل والي خلقك خلق الف غيرك ..لكن اعرفي اني بخليك على ذمتي يعني طلااق امحيه من ذااكرتك
قالت لي بعصبيه : بس هذي مب تخيراات يااخالد..انت كذا ولا كذا جابرني عليك
حزت بنفسي لكني تغااضيت : هذا الي عندي .. واعرفي اني من اليوم ماارح تسمعين صووتي .. الا يوم تتخذين قراراك
قفلت السماعه من غير لا اسمع ردهاا ..يمكن خفت تقولي ماتبيني .. بالاصل اناا عارفه انها ماتبيني ...بكني ابيها ..مايهمني راايهاا .. سموهاا انااانيه .. ايه انا اناااني .. انااني لاني مااقدر اتخيل احد غيري يمتع عينه بشوفتهاا ..يتمتع بقربهاا ... يحط ايده عليها غيري .. شي مااقدر اتحمله بخياالي ..شلون اتقبله بالوااقع .. افضل اني امووت على انها تكون لغيري
× مها ×
استاذنت من شااهين اروح مع حصه واساعدها في التجهيزات وطبعاا ماقصر معاي عطااني الاوكي ..بعد عمري والله ابد مايقولي لاا ولا يكسر بخااطري .. احس ربي والله معوضني خير بشااهين ....احسه اكبر نعم انعم فيها ربي علي ..فعلا الزوج الصالح نعمه كبيره ..طبعا عشان اللحق ع السوق بدري ..10 بالضبط كنت بالسياارة وعلى بيت عمي .. لما وصلت مالقيت الا مرت عمي ..سلمت عليها وطلعت لغرفة العروس ..لقيت الغرفه مليانه اكيااس ..يظهر نوال ماقصرت معها ابد ..
طلعت حصه وهي لافه روب الحمام عليها : هلااا مهاوي
ابتسمت : هلا العروووس يؤيؤ انتي لسى مالبستي ؟!
جاوبتني : اللحين البس وننزل نفطر سوى
قلت لها : فطور مين ..حبيبي البسي بسرعه نبى نلحق السوق من بدري
قالت : سوق اللحين ؟! مب صااحيه
قلت لهاا: حبيبتي ترى مابقي ع الزواج الا شهر ..لازم تستعدين ..مااظنك تبين تقضين رمضان كله بالسووق
قالت : ايه والله مابي ..طيب اللحين اطلعي بغير وبنزل ..اقول مها شووفي فرح لو بالبيت ماعندها جامعه خليهاا تجي معاااناا تتسلى
بسطتني الفكره : اووكي ..بكلمهاا
خرجت من عندهاا ونزلت الصاله ..جلست مع مرت عمي ..واتصلت من جوالي على جوال فرح
فرح : ياااااااااااااااااهلاااااااااااااااااااااااااااااا
ابتمست وانا اسمع نبرة صوتها المرتااحه : هلاا والله بالبيت او الجامعه
جاوبتني : لا والله بالبيت اليوم ماعندي غير محاضرتين خلصتها وجيت
قلت : زيييين .. تروحين معنا السوق انا وحصه ؟!!
قالت : السوق ؟! مادري مب محتاجه شي
قلت لها : مو ضروري تحتاجين.. البسي عبااتك خمس دقاايق وحنا عندك ..مع السلامه
قفلت وشفت حصه نازله .. اخذتها ومرينا على فر ح .. وغزينا الاسوااق غزو ... ساعدتنا فرح كثير .خصوصا ان ذوقها راايق مره ..غير كذا محتشم ..يعني جا على هوى حصه تماماا ... لكن على ميين القطع الي كانت محتشمه مره زيااده رجعتها .. مااكنت رح انتبه بالعكس رح اشوفها حلوه لكن نوال الي مااجت اليوم لانها تعبانه شووي ..نبهتني .. لاحظت ان في قطعه بيد حصه كاانت تجنن مره وحلووه وفرح كانت تناظرهاا
همست لها : عجبتك
فرح : ماشاء الله تجنن
قلت لها : طيب اطلبي مقااسك
جاوبتني : وش تقول عني حصه ؟! بتاخذ على خاطرها
حصه سمعتها : تصدقين ماعندك سالفه .. وسحبت نفس القطعه بس لون ثااني . وراحت وحااسبت . .. مدت الكيس لفرح
حصه : بطليك الهبل انا لو بزعل او اخذ على خااطري ..ماكان خليتك تجين معنا السوق
على صلاة الظهر ..فرح رووحت بيتهاا لان شاادن ترجع من الروضه .. اما اناا وحصه كملنا تسوقناا من بعد ماصلينا بالمصلى وتغذينا بمطعم من المطااعم


× راكان ×
ااخ البيت فااضي .. كئيب ... مافيه الا اناا ...طفرت دمعه من عيني .. دمعة قلب محرووق .. نورة اجرحتني .جرحتني لماا ذبحت ولدي ...ذبحتني ...ااخ يااخساارة الحب الي انولد لهاا بقلبي .رغم كل ماافيهاا من عيوووب ..كل اخطاءهاا .. حبيتهاا ... ااااه والله وصفيت عليك لحالك ياارااكاان ..لحاالك مع ذي الجدرااان .. فكرت ارووح لفرح ..اعرف ان زوجها مساافر .. اخذت سيااارتي ورحت لهاا
استقبلتني بفرحه كبييره . يااحيالله من جااناا
ابتسمت : الله يحيك .وين شاادن
مدت لي القهوة : شاادن نااايمه من زمان المدرسه مروضتها لي
قالي : تعلقت فيك اكثر واكثر مو؟
قالت لي : مو بس انا حتى صقر ..لو تشووف شلوون تمووت عليه .. وهو مو مقصر معهاا دلع وحنااان
قلت لها : اشم ريحة الغيره
قلت له : بكره ان شاء الله لمااا ربنا يعوضك انت ونورة ..بتشوف شلون بتهملك وتهتم فيه
حسيت بحرقه بقلبي ...تهتم فيه وهي ذبحته ؟!!
سالتني : ووينها ليه ماجبتها معك ؟!
قلت لها : نورة انا سفرتها لاامريكاا
فر ح : طيب كوويس خلها ترتااح وتغير نفسيتهاا عند امهاا
قلت لها : فرح اناا مطلق نورة
انصدمت : ااايش ؟! ليش ؟!
قلت لها : ماتفقناا ..فقررنا ننفصل ..يظهر كنتي على حق انا وهي مااانناسب بعض
قالت : ووين كلااامك لي ؟!
قلت لها : فرح والله لو كان لنا حل غير الطلااق مااكااان ترددت
فرح : الله يعووضكم اثنينكم



× الصقر ×
ضغطت بالشغل الين ماقلت اميين .. مسكين خالد تعب معاااي كثيير.. خليه يشووف الشغل على اصووله ..ركبت اول طياارة لجده ... ابي ارجع للبيت اشتقت له كثيير .. واشتقت لساكنيه اكثر والله مااتوقعت ابد ان ثلاث ايام ممكن تقلب حالي ..صحيح اني اخترت اساافر عشان يهدا التوتر الي بيني وبين فرح .. بس السفر عاد علي باكثر من هدوء الاعصااب .. عاد علي بشووووق مااينوصف ...شووق يااكل قلبي اكل .. شوق للي سميتهاا طفلة ...طفلة ... والله اني اكبر غبي .. طالعت لسنهاا ومااا التفت لعقلهاا ...اااه ياااافرح لو تدرين قد ايش مشتااق لك ...
هااانت .... وصلت ع السااعه 1 بالليل طبعا مالقيت احد بالصاله ..اكيد فرح نايمه ...بكرة عندها جامعه .. طلعت للغرفه وفتحت البااب بهدوء .. كانت فرح مشغله الابجورة ..وتقرأ بكتااب ..اخذ الوضع ثواني اليين ماتستوعب وجودي ..رمت الكتاااب وجرت علي ..الين ماوقفت قدامي .الظاهر استحت تضمني
قالت بخجل : الحمدالله ع السلامة
تقربت منها وضميتهااا بقوة : وحشتيني .. طبعت بوسه سريعه على رااسها
وخرتها عني وانا اشوف احرااجهاا مني .... يمكن ماتوقعت حركتي ..او بسبب لبسها ؟!
سالتني : ليه مااقلت لي انك رااجع اليوم ؟!
جاوبتهاا : حبيت افااجاك وش راايك مفاجاة حلوه؟!
هزت راااسها : الا تجننننننننننننننننننننننن
مشينا باتجاه السرير... وشفت شادن نايمه بمكاني قطبت حاجبي :هذي وش تسوي بمكاني
ابتسمت وهي تاشري اقصر صووتي : تونسني بغيبتك
قلت لها : وانا رجعت وهي بترجع مكانهاا ..
مسكت ايدي قبل لاا اشيل شادن : صقر يااقلبي خلها نايمه حراام
ابتسمت : بس عشان يااقلبي رح اخليها
توردت خدودهاا .... يالله تجنن وهي مستحيه ....: احلى شي فيك هالحياا
قالت بعتب : الله يساامحك اللحين انا مافيني شي حلوو
قلت لهاا : انتي كلك حلى على حلاا



× فرح ×
ياناااس ..معقول الي قاعده اسمعه ؟! اللحين هذا هو الصقر الي يتكلم ؟! فجاة كذاا من غير أي مقدامات صاار رومنسي ؟!! هل فتره الغيااب البسيطه هااذي اثرت فيه ؟! حركة مشاعره ؟! ولا كل هذاا مجرد فتره تعدي ؟!
لاا توسوسي ياافرح .. ان شااء الله على طوول
رديت عليه : هذا لان عيونك حلووه
رمش بسرعه كبيره : ادري
خبطته بخفه : يالغروور
قالي : فرح انا والله جيعاان في اكل
ضحكت : هههههه انا كنت بسالك لكن خفت تزعل
حك رااسه : شكلي بغير رااي وبخليك تساليني

<<<<<<<<<
× دخل رمضان على ابطالناا بكل ماافيه من روحاانيه .. الكل فيه همه الاكبر الطااعه والعباااده .. الدنياا بعينا فيه تصغر وصغر.. والالسنه على اخلااف لهجاااتهاا ولغاتها ماتطلب الا شي واحد العفو والمغفره وماغيرهاا شي ثااني ...وهنااكبالبتي الحرام .. بمكان الراحه والطمانيينه سره ... الكل رافع ايد بالدعاء
فرح " يااارب سخر لي زوجي ..وسخرني له ..ياارب اجعله لي عوناا على ديني ودنياااي "
الصقر " ياارب اصلحي لي في اهلي وذريتي ...ربي وجمعني انا ويااهم بحبيبك المصطفى في جنات النعيم "
راكان " ربي اغفر للمسلمين والمسلمات والمؤمنين والمؤمنات الاحياء منهم والاموااات "

<<<<<<<<
× فــرح ×

يالله اليووم اناا مبسووطه.. الا طايره من الفرح .. الحمدالله من رجع صقر وعلاقتنا من حسن لااحسن .. صحيح مااايغازلني بالكلااام بس مو مهم .. المهم اني احس بحناانه .. اشوف الشوووق بعيوونه ... تكفيني ضحكته الي يضحكهاا من قلب ..هذاا كله اهم عندي من أي شي ثاااني ...رجع اليوم البيت متاخر لان زي ماانتو عارفين رمضااان .. والدوامات تتاخر ... سالته : كيف الشغل اليوم
جاوب وهو يفصخ ثوبة : الحمدالله
والتفت ع السرير: فرح بالله ..ماعاد كمل وش يبي
شفت شاادن : متى جيتي ؟!! تصدقون ما انتبهت لها يوم دخلت
شااادن : من زمااااااااااان
قال يعلق : احلى يااامن زماان .. يالله يااحلوه قومي بااناام
ردت عليه الفصيحه وهي تبعد شوس عن مكااانه : نام احد مسكك
قال لها : شووفوو طوويلة اللساان . اقول قومي يالله على غرفك بالطيب
صقر: لاا يااشيخه ؟!
شادن : ماما قالت اقدر انام هناا
قلت وانا اطله غياار صقر : ايش ايش ؟! متى انا قلت
شادن : انتي قلتي امس
صقررفع حااجبه ...قلت : انا قلت لما بااباا يكون مساافر
شادن : ماافرقت ..انا ابغى اناام هناا اليووم
صقر : لا مااانتي ناايمه وقداامي على غرفتك
شادن: اذا بروح تروح معااي مااماا
صقر : وليه تروح معااك مااما بتقعد عندي ومسك فرح من ايدهاا
شاادن تسحبها : سيبهااااااا
صقر يمد لسانه لها : ماااابغى وسحبني بقوة فرتميت على صدره وصار حااضني بقووة ....كنت اسمع صوت نبض قلبه بوضووح ..صحيح انهاا مو اول مره.. لكن هالمره احسااسها غييير .. انبثت مشااعرغيير ..هو نفسه غيير
شادن تنط بقهر على السرير : سيبهااااااا .........سيبهاااااا...حب يقهرها فحط ذقنه على راسي كانه متسند عليه...
قالت وهي تاشر : .شوف شوف انت فااغصهاا
صقر : يالكذب فااغصهاا مره وحده
شادن معصبه : انا مااكذب اللي يكذب ربناا مايحبه وما يدخله الجنه... ونزلت من السرير ومسكت ايدي وسحبتهاا .. تعااالي
سالتها : على وويين ؟!
شادن وتطالع لصقر بنظرات عناااد : بنام في غرفتي انا وانتي بسسس ..وشدت على كلمة بس
صقر: شووفو البنت وقوارت راسهاا
ضحكت : ههههههه مو جايبته من بعيد
صقر : القصد
قلت : والله اللي على راسه بطحى
صقر: هييييين مردووده لك
شادن مو فاهه النغزات الي بينهم : يللااااااااا
صقر: قلت لك ماااماا مو رااايحه ياللا غرفتك
شادن حاطه ايدها على خصرها: يااسلام ماتروح معااي ولا اناام عندهاا كيف كذا
صرخت عليها : شاادن نزلي ايدك اشوف عيب تكلمي باباا كذاا
شادن نزلت راسها ويدها وهي مستحيه ...قلت : ياللا بوسي بابا وقوليلة انا اسفه وعلى غرفتك على طول
شاادن راحة للصقر الي انحنى لمستواهاا : اااسفه وباسته على خده ومشيت بتروح لغرفتهاا وهي مقهورة الا وقفت عند الباب وقالت..انا ماتخلوني لكن والله لما يخرج النونو ماايناام هناا ينام لحالوو وخرجت وقفلت الباب بقوة
قلت منقهره : شف كيف قفلت الباب
الصقر: أي نوونو ؟
التفت عليه واخذت ايده وحطيتها على بطني ..... اول مااستوعب الموضوع ارتسمت بسمه كبييره على وجهه : قولي والله
قلت : والله ومن شهريين كمان
الصقر: وليه ماقلتي لي
جاوبته : كنت ابي اتأكد ... انت فرحان ؟!
سألني : وليش ماافرح ياافرح ؟! توقعتيني بزعل او اني ماابي عيال
قلت : كنت اعراف انك تحب الاطفال وانا شفت ذا الشي بتعاملك مع شادن بس حياتناا مااكانت بالبداايه زينه .. الا يوم راضين وعشر زعلانيين غير كذا انت مااخذتني رغبه فيني يااصقر انت اخذتني تحصيب حااصل شي اجباري مالك خياار و
قاطعني : بس ياافرح لاتكمليين انا اعترف ان زواجنا كان باسباب مالنا يد فيهاا لكن العشره ياتقرب بين الزوجين ياتنفر وانا من تزوجتك مااشفت منك الا كل الي يسر ... والخلافاات باول ايام الزواج شي طبيعي خصوصاا ان انا واني ماكان بينا أي معرفه ..سكت شووي .. اعترف اني كنت اعااملك بجفا لكن انا معذورفرح انا احس كل يوم اني ظالمك انتي بنت صغييره وحلوووه والف من يتمنااك وانا بالمقارنه معاااك اعتبر شاايب عمري فوق ضعف عمرك الفرق مو هيين ..الي بسنك تبي شاب يدلعهاا .. يلف بها الدنياا .. يتغزل فيها .. واناا افشل انسان بالتعبير عن مشااعره فتخيلي شلون بيكون وضعي مع كلام الغزل ..لما ساافرت ..توقعت اني برتااح من ضغط الاعصااب .. من الحيره الي اعيشهاا وانتي جنبي .. لكني مااقدرت اصبر اكثر من ثلاث اياام وجيت لك
قلت : تعرف وربي كنت احس بحرقه بدااخل قلبي واناا اشوف جفااافك بالكلام معااي يوم تتصل ...صقر اناا العمر عمره ماهمني وانت مو شاايب لذي الدرجه انت توك الثلاثيين غيرك ماايتزوجون الا بعد الستين وياخذون بنات ال15 هذول وش يكونون !! صقر انا زوجتك واحبك
ابتسم اول مر يسمعني اقولهاا له .. عمري ماتخيلت اني بصارحك بمشاعري .. لكن انت زوجي ومو عيب ولا حرام اني اقولك احبك انا من يوم مااتزوجتك دخلت قلبي بالبدايه ماكذب عليك توقعت اني احبك لاني اشوف في الاب الي انحرمت منه لكن بعديين يوم كان نبض قلبي يزدااد اول مااشوفك يوم اسمع اسمك او صوتك قلبي يرقص معك .. اغاار يوم اشوف حرمه تطالعك يوم نكون برى ..وادعي عليهن بالعمى ... اتمنى امسك كل وحده واقولها ترى زووجي لا تطالعون فيه .. بس شي مستحيل يصير ... البنيه ماتحس كذا اتجاه ابوها يااصقر .. ومسحت دمعه من عيني بسرعه
صقر : وهو يمسح اثر الدمعه باصاابعه : لااا ياافرح كله ولادموعك تراااها غاليه من غلات راعيتهااا
ابتسمت : اكيد غاليه ياصقر..
صقر: والي خلق الصقر انك غاليه واغلى من الروح بعد
ضميته : شف تعرف تقول كلام حلوو .. بس انت حاااول


× حصه ×
لاااااااا يمزح اكيد .. يمزح ..قلت : يباا من جدك ؟!
ابوي : تشوفيني امزح معااك
قلت باعتراض : يبا أي مزرعه الله يخليك .. ترى حنا بالعشر الاواخر ..يعني مره مو وقتها
جاوبني : واذا ياابنتي ترى مب رايحين مقطعه .. وهناك مااشاء الله المسااجد ملياانه ... منهاا نغير جو ..ترى قرفت من الشغل وبلاية ..ومنا نعيد هنااك
نوال: بس ياعمي عرس حصه بخامس يوم يعني مره مايمدي
قالها : الا يمديناا ..
قلت له : يباا اناا ابي اعتمر ترى الى الان مااعتمرت ... وماني مسافره من غير عمره
ابوي : والله ياااحصه انا مااقدر اعتمر بك تعرفين العشر الاواخر وزحمتهاا
زميت شفاايفي..: انت ماااتقدر توديني .. والسيد سعد معتكف بالمسجد ..وفهد شغل انا من وين اجيب لي محرم
نوال : والله لو دريت كان مرينا عليك الخميس
التفت : انتو رحتم الخميس؟
قلت لها : ايه رحناا
انقهر اكثر: ليه ماقلتو لي ؟!
قالت لي : والله على بالنا رحتي
يااناس ببكي : ااااااااااااه يااربي
امي : ياابنتي خلااص مالك نصيب ..جهزي اغرااضك ترى بكره ان شاء الله بعد الترااويح بننزل
طلعت غرفتي وانا منقهره ..عبيت اغرااضي ..اصلاا هي الي بقت بالبيت ..بقيت اغرااضي كلها مجهزه بشناط الدبش
بعد ماخلصت ..توضيت وصليت التهجد ونمت من بعدمااوقت السااعه على الفجر



× نورة ×
درت بالشوواارع اتمشى واغير جو .. خالتي وحصه من عرفو بخبر طلااقي ... تضاايقوو بالبدايه لكنبعدين صاار عااادي ..بالنهايه على قولة حصه كل شي قسمه ونصيب . .. كل الي اتمنى ان علاقتهم بفرح مااتكون خربت .لان فرح انساانه طيبه كثيير .. اخذت ليه وحده دبل اكسبرسوو ..وجلست عل طاولة من الطاولاات .. طلعت كتاب لي فهر اقرأ : كيف تنظم حياتك
يمكن يساعدني فعلا اجمع شتاات حيااتي .. الي مابقي منها الا الحطاام .. شفت اثنين قااعدين الطاولة المقابلة لي .. كان وضعهم جداا مخجل .. زمان النظر هذاا كنت اعتبهر عادي مره .. لكن اللحين كل مااشوفهالمناظر اتذكر كلاام رااكان .فعلا حيواانااات ...حيوانااات .. دفعت الحسااب وطعت على طوول ...هبت ريح خفيفه ..شديت جاكيتي حولي ..وربطت طرحتي زيين



× خالد ×
من قالت لي نوال البارحه ان حصه مالقت من يوديها الحرم وانهاا بتروح الديره والعمره بنفسها عزمت امري .. اني انزل واعتمر فيهاا ..خصوصا واني اصلاا ماجل عمرتي للاواخر ..شحنت سياارتي لجده ...وركبت اول طياارة....وصلت جده ع العشى ..صليت العشى والتراويح بالمسجد ...وبعدهاا غيرت ثياابي واحرمت .. واتجهت لبيت عمي .. وصلت لبيت عمي وكنت اشووف السوااق يحط الاغرض بالجمس ..دخلت وسلمت على عمي وعمتي
عمي : اشوف بالاحرام
قلت له : ايه والله ناوي انزل مكه اعتمر
حصه خرجت من المطبخ : يمه سلة الت...شكلها انصدمت بشووفتي
عمي وهو يناظر فينا : هي مكلمتك
حصه استوعب : والله وقسم بالله من دخل رمضان ماسمعت صوووووته
ابتسمت : لا ياعمي ماكلمتني ..نوال هي الي قالت لي .. وانا بعد اذنك ابي اخذها واعتمر فيهاا ..وبوصلها لحد بااب المزرعه
عمي : بس ياااخالد مايصير
سالته : عمي ليه مايصير؟!! انا زوجها مب غريب ..وكملت امزح.. حتى ماصارت بكرت عايلتك
عمي لحصه : تروحين معاه
حصه : لااا مااابي خلاص
قلت لها : مب كيفك اطلعي واحرمي يالله
عصبت : هي انا ترى لسى ببيت ابووي مالك علي كلمه
عمي : وااذا ببيت ابووك مااتحترمين زوجك ؟! انا كذا مربيك
رفعت حاجبي بشمااته ..حصه: يبا ماااشفت شلون يتكلم
قالي : تستاااهلين ..اطلعي احرمي بسرعه
طلعت تغير ..عمتي : ارفق يااخاالد تراهاا بنت عمك
ابتسمت لها : لا توصين يااعمه ..اناا اعاندها بس لكن والله ماارضى عليها انتي قلتيها بنت عمي .لحمي ودمي
عمي : الا كسر ضلوعها بنتي واعرفهاا ..قووووية
طلعت انا وحصه باتجاه مكه وعمي ومرته ..للمزرعه باتاه خط الجنوب ..قبلها مريت ع التسجيلاا ت السلاميه ..اشتريت كم شريط وطلبت من البياع انه يعطيني شي خاص بالمتزوجين..فاعطاني محاضره بعنوان بحر الحب
كنا بالسيارة ماافي ابد أي كلمه بينا ..الهدوء مايقطعه الا صووت ابراهيم الدويش ..وصلنا الحرم واعتمرناا ... وقت الطواف ..كنت امسك حصه بكتفهاا بسبب الزحاام الشديد .. ويوم كنا نمشي باتجاه المسعى كانت مااسك بااحراامي قلت لها : حصه ترى الاحرام كل شوي يفتك
قالت بقلة حيلة : زحمه خاالد
مسكت ايدهاا : هاتي يدك ...طلعنا للدور الثااني..هروبا من الزحمه ..لكن حتى الدور الثااني والله زحمه .. سعينا ودعيناا ..وبعدهاا فتحنا احرامناا ..
كان وقت التهجد خلااص دخل والصفووف بدت تنصف ...سالتها : حصه تبين تصلين التهجد ؟
حصه بفرح : ايه
قلت لها : طيب بنصلي ...طلعت جوالي واتصلت بعمي بلغته اننا بنتاخر فلا يقلق عليناا ..
بعد الصلاة مسكناا خط مكه الجنووب ...شفت الساعه كانت الساعه 4 وقفت باستراحه ع الطريق .. ونزلت انا وحصه وتسحرناا .... لااحظت ان اكلها مره خفيف ...هذي هي من يومها اكلها خفيف ... بعد ماخلصنا اكل ...كملنا الطريق .. ودخل وقت صلاة الفجر ...وقفنا وصلينا الفجر بمسجد ع الطريق ..كنت اسوق ووالله تعبان مافيني اسووق ...خلااص عيوني بتقفل ... وقفت بوحده من المدن الصغيره ع الطريق ..وكان فيها فندق حالته زوينه .. اخذت غرفه لي انا وحصه ..من بعد ماحقق معي الي بالرسبشن وقرفني .. وطبعا شااف اثبات ان الي معي زوجتي .... رجعت للسيارة: يالله حصه انزلي
حصه وهي تشوف المكان : انزل ووين
قلت لها : بنبات ساعتين وبنمشي
حصه : انهبلت انت ؟ شلوون
قلت لها : حصه مو وقت تحقيقااتك انزلي وفكيناا ترى مااشووف الطريق قداامي ..وسحبتها مع ايدها
طلعنا الغرفه ... وعلى طول السرير


× حصة×
هذا اكيد انهبل ... شفته وهو يخلع قطعة الاحرام العلويه ويتمدد ع السرير ... قالي : بتوقفين كثيير ..
قلت له : وين اجي ؟
قالي : حصه تعالي نامي .. ترانا صيام يعني خووفك ماله دااعي
قلت وانا اتصنع القوة : خالد هالتصرف غلط .. ابوي وش بيقوول
مارد علي .. نام وطنشني .. عرفت فعلاا انه تعبان انا جلست على وحده من الكراسي ونمت عليها شووي ..طبعا ماطولت بالنوم لانه ابد ماكان مرييح ...لمى صحيت كان خالد نايم صحيته توضا وصى الضحى كملنا طريقناا ...وطبعاا الصمت سيد الموقف ... الحمدالله ان اهلي ماحسو بتاخرناا لان كان في حاادث مقفل الطريق لفترة طويله ...قضيناا خمس ايااام بالمزرعه ... ودخل علينا العيد ... وفهد ونوال نزلوا عندناا حتى الصقر وفرح ...ومها وشااهين وامه .. وسعد اخوي ..الوحيد الي ماجانا كان خالد
سالت مها : خالد يه ماجاا ؟!!
ابتسمت لي : ها مشتاقه له
رفعت الحاجب : بلا سخاافه ...
فرح :واذا اشتقتي له ترى عادي زوجك
التتف عليها : شوفو الثاانيه ... وقفت .اجيب القهوة احسن
نوال : على فكره هو مااجا لانه تعبااان
غصب عني التفت عليها : وش فيه ؟!
شفت العيون تضحك ...مالت عليكم
ضحكت مهااا : ههههههههههه وينه يجي يشوف هاللهفه ....وووينه
فرح تعلق : اصبرو هو على وصوول وبيجي وبيشووف بعينه
قلت : ماعندكم ساالفه ...
رحت اجهز القهوه والشاااي .. ورافقتني نوال
قلت بعتب : نوال والله لو بتتمصخرين ياويلك
نوال وهي تجلس على الكرسي: ههه انتي ليه معصبه
قلت وانا احط الدلاال بالصينيه : ليه ماشفتو نفسكم ...اناا ماسالت الا سوال بريء فسرتوه على كيفكم
اخذت تمر من الصحن : قلنا لك زوجك ..عاادي
رحت للدولاب .. ونزلت الفنااجين التفت : خذي ...تجمدت يوم شفت خالد وااقف ..وماحسيت الا وفنااجين القهوة مهشمه ع الارض
قال : لهالدرجه انفجعتي ؟!!
انخفضت الم الزجاج في مضم جنبي : داخل لا احم ولادستور شلون ماافزع
اقترب وصار يلم قطع الزجاج الكبيره معااي : حقك علي
اخذت الزجاج ورميته بالزباله " وانتم بكرامه :كنت تبي شي ؟!
قالي : القهوة والشااي ...
اشرت له ع الطاولة : هذي الدلال جااهزة ...صبر اعطيك الفناجين والبيالات ....حطيتها بالصينيه المخصصه للرجال .. واخذت صينينه الحريم بوديهاا
خالد : حصه مااخترتي ؟!
جاوبته : قلت لك من يومتهاا ياخالد ..انت ماكنت تخير ..انت كنت تفرض فرض ..الظاهر تخيير لكن الباطن فرض ...انت تدري زيين اني مستحيل الغي الزواج ...الناس وش بتقول على اهلي ؟ ولد عمها مارمالهم بنتهم الا يومه شايف عليهاا شي ..وبعدين الزواج مابقي عليه الا اربع اياام ..
خالد: واذا قلت اني بطلق
حطيت الصينيه بعصبيه ع الطاولة : انت شاايفني لعبه عندك ؟!! وقت ماتبي تمم الزواج وقت ماااتبي تقول بطلق قربت باتجاهه وانا اشر باصبعي بقهر ...انت وش بداخل ذا الراااس في عقل يفكر ..تبي تفضحناا بين خلق الله .. باس اصبعي بحركة سريعه ..سحبت اصبعي بسرعه وعيوني طاايره فيه
شفت ابتسامه خبيثه على وجهه ..عرفت انه يكذب علي ..وانه كان يبي يستفزني وخلااص
قلت بحقد : سخييييييف ..رجعت للطاولة ...واخذت صينيه الحريم ومشيت

× العرس ×

×نوال ×

كنا بالصالون .. انا وفروح ومها .. وطبعا حصه بقسم العراايس لحالهااا
كنت حاطه قناع ترطيب بوجهي ..ومتمدده اليين ماامسح واروح احط امكياج . سمعت حرمه واقفه وتهرج مع المره الي جنبي .ومن اصواتهم انا عرفتهم
المره الواقفه : شفتي ياابنتي مرت الصقر
البنت : لا ياماماا ماشفتها كيف شكلهاا
الام : مره ماهي حلوه .. الصقر كثير عليهاا .
ووجع ان شاا ءالله هم اشلهم . الكذاابه اللحين فرح ماهي عاجبه .. والله يكفي ادبها واخلااقها ..جات فرح وكانها تحس ان في من يحش فيهاا
فرح : يؤ انتي لسى بذا الكريم
قلت لهاا: وش اسوي وجهي كله نااشف قلت ارطبه قبل المكياج ..وشعري مسشور ومخلص ..مها ووين؟
جاوبتني :..مها مشيت ع القاعه ...رن جوالها .جات بترد قلت هاااتي ..وانا متعمده لان المره الي جنبي انتبهت لي لخيرا وعرفتني : الو
كان الصقر : هلا قلبي
ضحكت : ههه لا والله ماني قلبك ..قلبك واقف جنبي
حسيته انحرج ..:: مالت تردين على جوالهاا ليه
قلت له : مزاج احب انكد عليك
قالي : كن وحامها مب كاافي تجيني انتي
ضحكت وانا اتذكر شكل فرح وهي تنفر من صقر كل مااقرب منهاا ..حتى انه صار له فتره يتنقل بين بيتي وبيت مهاا : هههههه ياااقلبي ع المعذب اصبر كلها شهر ين ويخلص وحامهاا والصق فيها لصق
فرح كانت منحرجه : نوال
قلت وانا اناظر فيها : خير ؟ تبين تكلمينه ؟؟ هو مايبي
الصقر فجر اذني : عطيني زووجتي
اعطيتها الجوال وصارت تكلمه .. وكان مبيت انه يقولهاا كلالام غزل وحب لان الحلوة شكلهامستحي مره
التفت علي كانو جنبي .. شلتهم بعيوني وحطيتهم ..عاد هم استحو اخيرااا وانقلعووواا

<< تم الزواج على اكمل وجه فخامه واناقه .. العروس كاانت بقمة الروعه والعريس خطف انظار البنااات بحلاوته ...<

بغرفه خالد وحصه :
اخيرا انقفل عليهم باااب وااحد .. واجتمعو تحت سقف وااحد .. هالمره سمح لعينه تبحر بكل حريه بملاامحها ..استمتع وهو يشووف اضطرااب حركاات جسمهاا .. خجلهاا .. خوفهاا ..
ابد ماكان يشوف فيها حصه القوية ..سليطة اللسان .. جلس جنبهاا .. زادت رعشة جسمهاا اكثر وصار توترها وااضح
خالد : حصه وش فيك
قالت بتوتر : مافيني شي
مد ايده وضم ايدها بين كفووفه ..وخفف من اهتزاز ايدهاا : طيب ليه ترتجفين ..لا يكون خاايفه مني ؟!
ماردت عليه .. طفرت دمعه من عيونها ..دمعه خووف .. خايفه من قربه منها .. ماتدري وش ممكن تتوقع .. الحكاوي الي كانت تسمعها عن الليله الاولى مرعبتها .. الغت كل القوه الي تتحلى بها .. مهما بلغ قوة البنت الا انهاا بمثل هالموقف ..تكون بقمة ضعفهاا وبذروة خوفهاا .. والي كان زايد خوفها اكثر تعاملها الباايخ مع خالد بفترة الملكه .. كانت بادخلها شبه متيقنه ان الليله هي فرصته الذهبيه للانتقام
قالت بصوت مهتز : ابي امي
ابتسمت بحنان وهو يمسح دمعتها : ليه ؟!
قالت بطريقة اقرب لطفلة : بس ابي امي ..خلهاا تجي
قالها بهدوء : حصه انا عاارف ليه تبيها .. خوفك مامنه لزمه .. والله ماارح اسويلك شي
عيونها كانت شك بشك ...كمل يطمنها : ترى قلت والله لاا تخاافي ..واذا تبغي بنام بالصاله وش راايك
قالت بسرعه : رووح ناام
قام بكل هدوء اخذ بجامته : تصبحين على خير وطلع للصاله بينام ع الكنبه .. يمكن رجال غيره بيرفضون يتركون غرف نومهم وهم لسى عرساان ..لكن بالنسبه له الموضوع كان عادي ويمكن ضروري .. كان يبيها تاخذ عنه فكره حسنه .. مايبيها تخااف وتنفر .. هي صحيح ماتحبه ...بس هو بيعلمهاا شلون يكون الحب
حصه يومتها ماقدرت تنام ..عيونها معلقه بالباااب تخااف يدخل عليها باي وقت .. عيونها تعلقت اليين ماااغفت من غيرلا تحس

>>>>
بعد شهرين

مرت ايام زواجهم بهدوء ماايخلو من بعض التوتر خالد كان يحاول كثير يتقرب لهاا ..يسوي الي تحبه ... وحصه حاولت قدر الامكان تتقبله اكثر بحياااتها .. يمكن الحب صعب الا ان خالد بركازة عقله ..تعامله الطيب معاهاا وحلمه عليهاا بوقت غلطهاا .. اجبر حصه تحترمه ..
اليوم هي ببيت اهلهاا
حصه لنوال : نوال خالد اللين اللحين مااتصل ولا جاا اخاف يكون صاار فيه شي
نوال : بسم الله عليه مافيه الا العافيه اتركيك من الوسوسه
قلت لها : أي وسوسه والي يعاافيك من جاا الصبح وسلم عليك وعلى عزووزي مااعاد رجع
وشوفي كم السااعه اللحين ؟!
نوال : حصووه لا تجننييني .. اتصلي عليه
اخذت حصه الجوال واتصلت عليه ... اعطااهاا مغلق
حصه بضيق : مغلق
نوال: يمكن مخلص الشحن .. ولا بمنطقه مابها ارسااال
حصه : نووال والله انا قلبي نااغزني احس ان في شي
نوال عصبت : وبعدين معااك ماافي شي
دخل فهد : السلام عليكم
حصه ونوال : وعليكم السلام
ام سعد : فهد يمه ماشفت زوج اختك اليووم
فهد وهو يااخذ ولده بحضنه : لا يمه ليه ؟!
حصه : خالد من طلع مااتصل علي ولا حتى مر وهو قايلي بيمرني بعد صلاة العشى
فهد : يمكن مشغول ولا شي شووفي جواله
قالت له : مغلق
ام سعد : طيب ياابنتي دقي ع الشركة يمكن فيها
حصه والدموع متجمعه ...: يمه اتصلت قالو مااشاافوه من العصر
فهد بتوتر : طيب انا بشوف الصقر
طلع جواله ..وسال الصقرعنه لكن صقر ماكان يعرف شي عنه .. وهنا بدأ التوتر يلعب بالحميع قضو ليلهم يدورون عليه بين اقساام الشرطة والمستشفياات ... اشرقت شمس الصبح وخالد مابعد بان ..حصه خلاص بتجنن ..تحاول تتصنع القوة لكنها بداخلهاا قلبهاا غرقاان بدموع الالم
طلعت غرفتها وصلت ركعتين ودعت من قلبها ان ربنا يرد خالد ساالم غااانم
سمعت امها تنااديهاا : حصصصصصصصصصصصصصصه
طلعت من غرفتها : ها يمه خير
امها : خالد بالحوش .. توه وااصل
نزلت بالدرج بسرعه كبيره .. ماهتمت للي ببطنهاا ..طلعت جري للحوش ...وشاافته وهو واقف يتكلم بكل بروود وهدوء مع اخوها وابوهاا
حطت ايدها على فمهاا تكتم صوت بكااها وقهرهاا منه
ورجعت بسرعه لغرفتها بعد مااعرفت انها شااافهاا ...طلعت وقفلت البابوتسندت عليه ...وهي تبكي ..دق بااب غرفتهاا .. فتحت البابا بسرعه وانفجرت فيه : وووين كنت ؟!! مو حراام عليك تحرق قلوووبناا ؟! مو حراام؟! تعرف من الباارحه ماغمض لنا جفن ؟؟ وخبطت صدره .انت ايش ماتحس ماعندك عقل تفكر فيه
تقدم ببطء وضمها لصدره بهدوء ..بكت وهي متمسكه فيه : والله خفت ..خفت ترووح مع اللي راااح من قبل
مسح ع رااسها بهدوء : حقك علي ..والله اني انشغلت بالاسترااحه مع الشبااب والجوال طفى وماكان في شحن
دفته : بالاسترااحه الين اللحين ؟! واناا ؟! زوجتك مافكرت تطمني عليك .. ماافكرت اني وش مكن افكر فيه من طلووعك الصبح الين اللحين ...
حس باحرااج من تصرفه الغبي ..بس الفرح شي مايقدر يخبيه :قلت اسف
قالت بعصبيه : وهااذي وين اصرفهاا ؟! بالله لو ان .. ورجعت تبكي
حضنتها من جديد : حبيبتي خلااص الحمدالله انا ماافيني شي سالم معفى قدامك
قالت وهي بحضنه : خالد بالله لاا تعيدها..ٌ والله مااقدر اتحمل هالتصرف مره ثاانيه .. انت لو تدري وش الافكار السودا الي جات ببالي كان عذرتني ..خالد والله والله اني دعيت ربي يااخذ الي بااقي من عمري بس يردك سااالم
ابتسمت : الله يخليك لي ولاا يحرمني منك
ردت : ولا منك


النهااية


• الصقر وفرح .. تعلمو شلون يحبون بعض .. وتعلمو شلون يكسرون حاجز السن بينهم .. ربي رزقهم بالذيب و وضااح .. وسراب
• خالد وحصه .. العشره الطيبه بينهم .. ذووبت الجليد .. كبر خالد بقلب حصه وصار دنيتهاا ..وخالد هام بها اكثر شلون ماايهيم بها وهي حب الطفولة وام عياااله .. رهف والوليد
• شاهين ومهاا .. كل منهم عوض الثاني عن فشله بزواجه الاولي .. وحلا صار عندها اخين محمد واحمد
• راكان .. اخيرا تزوج .. اختار سحر اخت صديقه راشد وبنفس الوقت اخت زوجة تركي .. بنيه طيبه وحبووبه .. من نفس البيئه والطبقة الاجتماعيه .. صار عندهم ماجد ومروه
• نورة .. لملمت نفسها بعد فشل زواجها الاول .. وتغيرت نظرتهاا للشرقيين .. تزوجت من منصور سعودي امريكي وعندها منه فارس
تمت بحمد الله
يوم الجمعه 9/11/2007
سبحانك اللهم وبحمدك اشهد ان لا اله الا انت استغفرك واتوب اليك
هذي كانت رحلتي معكم .. اخيرا وصلناا للنهاايه ..اتمنى من كل قلبي تكونوا استمتعوا واستفدتوا
حاولت فيهاا اني انااقش افكار ومعتقدات خاطئة .. ظواهر اجتماعيه .. زي ماحاولت ان شخصياتي مااتكون مثاليه .. وان شاء الله اكون وفقت
يمكن تتسألون هل كل الاحداث مخطط لها بالمسطرة والقلم مثل ماايقولون .. بجاوبكم لا والله .. يمكن نص الاحداث .. جاات كذاا ... انا اكتب والقلم ياااخذني
برمضان انا طبع قفلت القصه .. وحاولت اكتب بالبدايه جاني قحط فكري .. وماقدرت ابدأ الا بالنهايه وكتبت النهاايه << الي غيرتها تماااماا << وبعدهاا رجعت اكتب بالاحدااث
تذكرون من فتره قلت لكم طلعت برااسي فكره مجنونه .. الفكره عشان عرف الفضول الي عند بعضكم كانت اني ازوج شادن من راكان << تخيلووو هههههه
هلا في شخصيات حقيقيه ؟! لا يالغاالين كلها نسجتها من خيالي .. افنان هي الوحيده الي قصتها مقتبسه عن قصه حقيقيه ... والبنت عمرها اقل من 16

احب اشكر كل من تابعني وسطر رد بقصتي ... حتى الي من ورى الكواليس مشكوورين مااقصرتواا

واتمنى ماتحرموني من دعوة بظهر الغيب بما تجود به انفسكم من صالح الدعااء



احب اشكر شخص غاالي على قلبي .. صديقتي وحبيبة قلبي ..والي ازعجتهاا بكثر استفساارااتي واتصاالاتي .. وقبل كل شي ازعجت جيبهاا " الفواتير ااخ منهاا " الغاليه عيونك اخر امالي بعد عمري والله عيووووووووون تسلمين لي ياااقلبي .. تسلمين لانك تحملتيني وماذبحتيني ههههه
بدوية عنيدة



ـ

منشورة في: روايات