الزمن طبعه كذا الجزء السادس

سالي :بحـياتك ايه بالزواج مأدري ...
وهج :ساااالي وجع توقعتك تحبينـي وتمنيــن لي الخيــر ..
سالي :أحبك وأتمنــى لك الخيــر بس ...
وهج :لابس ولاشـــي يالله عيدي الدعــوه وقولي بالزواجك بعد ...
سالي :طيب أمــري لله .. الله يوفقك ياوهج فحياتك وبزواجك بس من واحد ثاني مو مع سلطـان ..
وهج بالصرخة أعتراض :سااااااالي لااا حرام عليك والله أحبه ...
سالي تقلدها :لاسالي حرام عليك والله احبــه ... حبته القراده ...
وهج منقهــره صدق لأن سالي ماتسب سلطـان تسبها هي :لاتقولين عنــه كذا مارضى عليـــه ..
سالي :رضيتي اولا ماهميتنــي يالله ننزل أكيــد طســوا بس أوريها فطــوم والله لأرد لها الصاع اثنيــن ...
نزلـوا سالي وهج وهم بالنص السلم سمعـوا صوت العيال للحيــن موجوديــن ..
سالي :اجلسي بالنشــوف اخرتها معهم ...
وهج :أجلس هنا مستحيــل وش قالوا لك قطــوه ..
سالي :بتجلسين ولاارميك من هنا ...
وهج بخــوف :أعرفك مجــرمه تسوينها ...
سالي :أجل خليك بنت محترمــه وأجلسي ...
جلست وهج وظلــوا محلهم يسمعــون السوالف اللي داريــه تحــت ...
سالي بعد ماسمعت ضحكــت ياســر :يمل الضرس ان شاءالله الضحك لهم والتكفخ لــي ...
وهج :يحليك مجــروحه ..
سالي ضربتها على راسهـا :أذا عدتيها والله لأنفذ تهديدي ..
وهج :لاخــلاص توبــه والله مأعيدها ...
ظـلن فتره على هالحـاله لين طلعــوا الشباب ودخلـــن ...
وبعد ماجلســن ..
وهج بهمـس لسالي :وش عنـدهم من دخلتي وعيونهن عليك ...
سالي بعدم اهتمام :يتأملن جمالي البهــي ...
ضحكــت وهج بصوت عالي شـوي وجذبت كل الأنظارلها ...
سالي :لاتحمـرين ترى من قهــرين من ضحكتك ... وجلست تضحك ...
وهج :سخيفه أنا مأدري وش جايبنــي معك ...
سالي :اللي قاهرني الغبيــه هذي ليش ماجت للحيــن ...
وبهاللحظــه دخلت عليهم عبيــر وقامت لها سالي ترحب فيها وعلى وجها أبتسامة انتصـار ...
وبعد ماجلسـوا ..
سالي :وش فيك تأخرتي ..؟!
عبيــر :السواق الغبي ضيع العنــوان حمـار ماتعــود على الأحياء الراقيــه .. وبحمــاس :يالله سالي متى بتوريني جناحك ...
سالي بلكزه :وجع أركدي سوي نفسك ثقل لومــره وحد بحيــاتك تراك تحت التقيم ...
عبير بالضحكـه غبيــه :ليه داخله عرض ازيـاء ...
سالي بقهــر :أنطمـ،ــي ..
بعد هالكلمــه جلست عبيــر محتـرمه وردت بكل أحترام على الأسئله المــوجهه لهـا ...
وهج :يؤ ذولي وش فيهــن كانهن ماصدقن يشـوفن احد يستجـوبنه...
سالي :للحين ماشفتي شـــي ..
دق جوال وهج وردت عليه كان ناصر اللي طلب منها تتصل عليه لابغت ترجــع عشان يجــي يأخذها ...
سالي بعد ماقفلت :هذا نصور ..
وهج وللحيــن مندهشـه من طلب ناصـر :ايه ناصر مأدري وش عنده يقول أذا خلصت ادق عليه عشـان يجي ياخذني ...
سالي :حلو حلو أجل أنا بروح معك عشان يعرف يســـور يمد يده علي مــره ثانيـــه ...
وهج :قصري صوتك لاتسمعك عبير ...
عبيــر :سمعتها وخلاص ... بس لحظــه ,, وكأنها توها تنتبــه على اللي قالته وهج وبالدهشــه :ياســر يطقك ..؟!
جواب سالي كان نظــره جمــدتها بمحلهــا ...
بعد ماطلــعوا كل الضيوف طلعت سالي مــع وهج بعد ماتركـت لياســر رساله تخبــره أنها زعلانــه لأنه طقهــا وقدام أختــه وأتهمته أنه كان شايف بسمــه وتعمــد يعامــلها كذا عشــان يهينها ... طبعاً هالكــلام خالي من الصحــه وهي متأكده من هالشي بــس أكتبته عشــان تغيض ياســــــر ...
بالسياره وهم راجعيــن مع ناصــر ...

ناصــر كان يحاول يفاتح وهج بمــوضوع سلطـان والحادث اللي سواه خصوصاً أن فيه كســور بيطـول شفائها ويمكــن يتأجل الزواج اللي مابقى عليه غير شهـر بسببها ...
وجتــه الفرصه على طبق من ذهــب يوم سألته سالي :وين كنت قبل ماتجــي مومن البيت صح لأن شكـلك مره معسـوف ...
ناصــر :لاكنت عنــد سلطـان غثني هالمهبــول وكل ماجيت بالطلع من عنــده مسك فينـــــي ...
وهج نزلت الدمــوع يوم سمــعت كلام ناصر يعنــي كان فاضي مــو مشغول ومـع كذا ماكان يرد على اتصـالاتها وهي اللي جالسه توهجــس فيه وخايفه من اللي ممكــن يصير وخاصه أن شغله فالمباحث خطيــر .. بس طارت كل أبراج عقلهــا يوم سمــعت :مع أن مــوعد الزياره أنتهي بس هولصق لي هنـا وأشر على حنجـرته ...
سالي بأستغراب :زياره وش زيارته ...
ناصــر :يوووه أنا ماقلت لكم أن سلطـان سوى حادث بسيط ..
وهج بالصـرخه :لااااااااااااااااااااا ...
ناصــر أرتبك :وش فيك وهج هدي أقولك حادث بسيط والله بسيط حتى أني طــول الوقت جالس عنده وظاربينها سوالف ...
ناصــر صح طــول الوقت كان عنــد سلطـان بس مو ظاربينها سوالف مثل ماقال لأن سلطـان طــول الوقت اللي كان فيه ناصــر عنده كان للحيــن تحت تأثير التخدير ماصحــى ..
ناصر كمـل :والله صدقينــي صياحك ذا ماله داعي لأن سلطـان مافيه أي شــي وبكـره أن شاءالله طالع ...
وهج كان ودها تصدق كــلام ناصر بس قلبها ناغزها لأنه لو صدق سلطــان مافيه شــي كان رد عليها يوم تتصـل عليه ....
سالي بعد شكت بكــلام ناصـر وخافت يكــون سلطـان صار له شــي ووهج أكيد ماراح تحمــل هالشي ..
أول ماوصلوا للبيت أنزلت وهج بالســرعه من السياره بس سالي ماتحركت من محلهـا ...
ناصـر بأستهبال :وش فيك جالسه تبغيني أرجعك للبيت رجلك ...
سالي :سخيف قلي صدق وش صار لسلطــان ...
ناصر بالتنهيده :الحمــدالله جت سليمــه كان ممكــن يروح فيهــا بس الكســور اللي جات له ماهــي هينــه وخصوصاً اللي فالقفص الصدري ...
سالي بالصدمــه :ياويلي عليك ياوهج أكيد بتنهبل لودرت ...
ناصــر :لودرت مره وحد أكيد بتنصدم بس لودرت بالتدريــج ماعليها خـــوف وهذا اللي أبغاك تسـاعدينـي فيــه ...
هزت سالي موافقه على كــلامها وكل تفكيــرها بوهج المسكينــه وردت فعلها على هالصدمـــه ...
---------------------

دخل ياســـر جناحــه على السـاعه كعادتـه كل أربعاء كان مشتاق لها حيييييييل وعارف أنها بتغلبه اللحيــن فالدلعها وزعلهــا بعد الموقف الأخيــر اللي صار بينهم بس غصباً عنه موبيده دمــه يفور لاسمعها أتكلم عن شخص ثانـــي وده يذبح هالشخص ويشرب من دمــه ... واللي يقهــره زياده أن كل الناس عنــده طيبين وحليلين على قولتها الا هـــولأنه بنظــرها شرير متوحــش وياما رددت هالكلمــات على ماسمــعه ... أنتبه ياســر على أن الجــو هادي معقــوله نامــت مو من عادتهــا دخل للغـرفة النــوم شاف الغــرفه فاضيه يعنــي وين راحت هالوقت معقــوله عنــد بسمــه بس ماتوقع لأن علاقتهم مولذيك الدرجــه بعدين بسمــه هالوقت أكيد فالسـابع نومـــه كان مقرر ينزل تحت يدورها يوم أنتبه على ورقــه مطــويه على التسريحـــه فتحها وكانت من سالي عفس الورقــه بيده بقهـر بعد ماقرأ اللي فيهـــا سوتها وراحــت رغم كل تحذيراته لها ماتطلع من البيت بدون أذنـــه ومع كل هالشــوق لها تكــون ماهي موجوده أنا وريك ياسالي بس أرجعــــي رمـــى نفسه على السرير وحاول ينـام بس كل ماغمض عينــه طلع له طيفها وهو يبتسلمــه بمكـــر وكأنها رغم بعــدها حاسه فيــه أنه مايقدر ينــام فغيابهــا بالأخيــر أستسلم لفكــرة انه مايقدر ينـام وأخذ جــواله وأتصـل عليهــا ...
سالي كانت جالسه تسولف مع جنــى ووهج يـوم أتصــل عليها ترددت أترد أولا بالأخيــر قالت توكلي على الله وردي أصلاً هو موعنـدك عشـان تخافين منــه يعنــي خذي راحتــك ...
سالي بميــوعه:الوووو...
ياســــــربصوت هادي :وينك ...
سالي (لايكـــون يحسبنــي عنــده فالبيت يؤ شكـله مادرى اني طالعــه والله الوهقــه ) :طلعت مع وهج مادريت ...
ياســـر بقهر :وشلون أدري وحظــرتك ماتعبتي نفسك وخبــرتيني ...
سالي :أحسن اصلاً أنا مأبيك تدري ولو سمحت لاترفع صوتك علــي ....
ياســر :احلفي أنتي أحل كيف تبغيــن أتكلم معـــك ...
سالي :لو ماتتكلم معــي أبد أحســن ..
ياســر :وكيف بنعيش مع بعض أذا ماكلمتــك ...
سالي :مولازم نعيش مع بعــض طلقنـــي ...
ياســـــر :ارجعــي وشوفي أذا ماذبحتك على هالكلمــه اللي مصدعــه راســي فيهـا...
سالي بخــوف :ماصدقك انك تكــرهني لدرجــة أنك تقتلنــي والله العظيم أنك مجــرم ...
ياســـر (أنا أكــرهك ياليت ): واكثــر بعـــد بس أنتي أرجعــي ...
سالي :احسن انك علمتنــي عشـان مأرجــع ...
ياســــر (يووه هذي صدقت ):أذا مارجعتــي بتكــونين أنتي اللي جنيتــي على نفسك لأنـي ماراح اكتفي بذبحك وبــس ...
واستمـــرت المكالمــه بينهم على هالحـاله حـرب بارده ...
فاليــوم الثاني يوم الخميس صحــى ياســر على جـواله يدق ...
كانت أمــه اللي طلبت منــه ينزل تحــت بتكلمــه بمـوضوع ...
نزل ياســر تحـت وماله خلق لأنــه للحيــن نعسـان كانوا كل أخــوانه تحــت يوم شاف ريان كشـر فوجهــه وجلــس ...
ياســر :بسمــه صبيلي شاي ..
بعد ماخذ الفنجـان اللي صبتله بسمــه سألت أمــه :وينها مــرتك ..؟!
ياســــر :فبيت أهلهــا ...
فطــوم بشهقه :فالقصيم ...
ياســـــر :لاويــن فالقصيم أقصد بيت أختها ...
فطــوم :وعجبك اللي ســوته أمــس ...
ياســـــربملل من هالمـوال الشبه يومي :وش سوت أمــس ...
فطــوم :فشلتنـي قدام خالاتك حتــى سلام ماتسلم عليهــن مثل خلق ربــي ولاأذا أحد كلمها ترد عليهـا من طـرف خشمهـا وبالأخيـر الحـركه اللي سوتها هي وبنت عمها عشـان ماتدخــل تسلم على خالاتك ...
بسمــه :لايمــه حرام عليك بهذي شكلــها صادقه أصلاً وهج مستحيل تســـوي حركــه مثل هذي ماسمعتيها يوم صرخــة ...
ياســــر بعصبيــه لأن أمــه جالس تشهـر بزوجتـــه قدام أخــوانه :خلاص يمــه انا أتفاهم معهـا ...
وقام واقف ..
فطــوم :بس ..
ياســر قاطعها :يمــه ارجــوك وراي شغل كثير ... وطلع من الصاله وهو يقــول مع الســلامه ...
فطــوم بتحســر :لاحســه مخه بنت صالح الله لايبارك فيهـا ..
والتفتت على ولدها بندر اللي كان دوره دور المستمـــع :وأنت ماهـو ترى تملك لي على وحــده وتقـول هذي زوجتــي ...
بندر :لايمــه من هالناحيه تطمنـي أنا ماراح أتزوج اللي أنتي تخطبينها لي ...
فطـوم براحــــه :الحمدالله طلع واحد منكم عاقل ...
ريان :يعنــي أخيراً غيرتي رايك بيسورر ...
فطــوم بقهــر :انطم انت وش يســور هذي أحترم أخــوك الكبيـــر ...
ريان :وانا اللي قلت خربت العــلاقه بينكم ... وسكت شوي :تصدقيــن يمــه أن هالسالي قدعــه اللي بتفرق بينك وبين البعبع ...
وقفز من محلــه لان أمــه كانت بترميــه بعلبة الكلينكــس
------------------------
فبيت ابوناصــــر كان البيت هادي الكــل نايم ماعدا أثنيــن كانوا يلعبــون باسكت بول بالحـديقه قدام البيت ...
هديل :لاأنت طــويل لاغش غش ...
سعــود :اششش انتي يالقزمــه وش أسوي فيك عشـان تطــولين ...
هديل :اوووف أنا موقزمـه قصيره بس ...
سعـــود بالضحكــه :طيب قصيـره وش فرقت ... وسكت يوم سمــع صوت جرس الباب ..
هديل :يوووه من الغبــي اللي جاي الساعه ونظـرت بالساعة يدها وكملــت :عشر الصبح ...
سعــود يقاله بيخـوفها :يمكـن الحـرامي اللي خطف البنات القزمـات ...
هديل :جب زيــن وأمش نروح نفتح الباب لأن هذا شكلــه مصـر ..
فتح سعــود الباب وهديل واقفــه وراه ..
سعــود بعد ماشاف اللي ورى الباب :هذا أنت ياهــلا والله ...
هديل طلعت غصب مع فتح صغيره بين سعــود والباب :هــذا انت ...
سعــود ضربها علــى راسهــا :عيب يابنت أدخلي ...
هديل :خالتي سالي نايمــه ...
سعـــود :هدول وجع ادخلي .. ادخل ياســر حياك ..
ياســر وهو متسند على سيارتـه :لامستعجل مافيني أدخل تجي معي بالروح المزرعــه ..
هديل بلقافه :مزرعتكم الكبيـره الحـلوه ..
ياســر بالضحكـه :ايه مزرعتنا الكبيـره الحــلوه اللي ماعندكم مثلها ...
هديل بقهــر :بقول لناصر يجيب لنا مثلها ناصر أحلى منك ...
سعــود :القرد بعين امه غزال ...
هديل بتهديد :قصدك ناصـر قرد طيب طيب ...
سعــود :هدول ترى بقص لسانك ..
هديل :ماتقدروش قالوا لك ماعنـدي ام وأخو أسمــه ناصـر وخاله أسمها سالي ...
سعــود بتطنــز :واخو أسمـه عادل وثاني أسمــه سامي واخت أسمـها وهج وثانيــه أسمهـا جنــى وشغاله أسمها ميــري وثانيـه مأدري وش اسمها وسواق أسمـه راجــو وخال اسمــه سعـود ولد عم أسمــه ياســـر .....
هديل ميتــه من الضحك وياســر من شكلها وهي تضحك جلس يضحك سبحـان الله كوبي من خالتها ...
ياســــر :يالله سعـود بتجــي معي ...
هديل :وأنا أبي أروح معكم ...
سعــود :خبله أنتي وين تجيــن معنا ...
ياســر بمكــر :لاعادي تبيــن تجين معنا تعالي بس لازم أحد كبير يجي معك ...
هديل :والأحــد الكبير هذا أكيد خالتي سالي صح ...
ياســـر :صح ..
هديل دخلت تركض: طيب أنتظروني عشـــر دقايق وراجـعه ..
سعــود :من صدقك انت ..
ياســر :لاامزح معك أكيد من صدقي حرام خلها تطلـع معنا ...
سعـود :حرام ولامتهاوش مع بعض ناس وخاطرك تراضيهم ...
هديل طلعت فوق وجلست تحــن على راس سالي لين صحتها وطبعاً ماقالت أنهم بيطلــعون مع ياســر وسعــود كل اللي قالته ان سعــود بيطلعهم مشـــوار ...
سالي قامت وهي فاتحـه عيــن ومقفله عيــــن ...
هديل :أمسكـي خالتي ذولي ملابسك طلعتهن لك يالله بالســرعه ألبسيهن بنتظـرك عنــد الباب ولاتبينــي أساعدك ...
سالي :هديل انقلعي ...
بعد مالبست سالي ولبست العباه طلعت لهديــل ..
هديل :خالتي ماغسلتي وجهك ...
سالي :عشــان مايطير النــوم لأني بالنام بالسياره ...
هديل ماعنــده مشكلــه كانت ماسكــه يد سالي وتدلها الطــريق ركبــوا السياره ولكــل ساكــت سالي مع أنها السياره سيارة ياســر الا أنها مالاحظـت لأنها مألوفها لهــا وماهي نعسـانه فما تدقق ...
هديل قربت من ياســر وسعــود :لاتكلم ترى ماتدري عنــك ...
وطالعت بالسالي اللي كانت نايمــه وقالت بالصوت عالي :لاخلاص سولفوا نامــــت ..
سعـــود :بل مالها ثانيــه من ركبت السياره نامــت أنا أجلس ثلاث ساعات بالفراش ولايجــيني نوم ...
ياســر ضربه على كتفـه :قل ماشاءالله لاتنظل أختك ...
هديل لياســــر اللي كان مشغل محمد عبــده :لاتكــون بس تسمــع لعبده هذا ...
ياســر بأستغراب :ايه مأسمـع الا لمحمــد عبــده وكمل باستهزاء :وانتي لاتكــونيـن تسمعين لكاظم مثل خالتك ...
هديل :كاظم ميــن اللي يقول أحبيني بلا عقداً ...
ياســر :ايه هـــو ..
هديل :من قال خالتي تحبـه اصلاً ماتواطنـــه ولاتحـب اغانيــه وكله تمصخر عليـــــه ...
سعــود :قاصه عليك أجل ...
ياســــر :هين اوريها أذا ماشتريت كله البوماته وصجيتها فيهــن ....
هديل :انا جــوعانه ..
سعــود :يوهـو بدينا حركات الأطفال ليش مأفطــرتي فالبيت ..
هديل :افطرت بس اللحيـن جعت ...
سعــود جاء بيتكلم بس ياســر قاطعـه :خلها على راحتها حتــى أنا جــوعان مأفطرت فالبيت وسالي لصحت اكيد تبي فطــور..
سعــود :خلاص استسلم غلبتــوني ...
اخـذوا على طريقهم فطــــور وطلعــوا على المــزرعــه ..
--------------------------
ناصــر صـحى على الساعه عشــر ونص نزل تحت وشاف امــه جالس تقهــوى بعد ماسلم عليهـا قالت له :شفت أختك وش مسـويه ..
ناصــر :أي أخت وهج ..
أم ناصـر :لاوين وهج ابوها للجنــه اقصد هدول ...
ناصــر :وش مســويه ...
أم ناصر :رايحــه هي وخالتها لمزرعة عمك ...
ناصــر :وشلون من اللي موديهم ..
ام ناصـر :الخدامـه تقول بابا سعــود ..
ناصــر :يعنـي الخدامه اللي مخبرتك هي ماقالت ...
أم ناصــر :عارفه أني برفض ..
ناصــر :لا ان شاءالله ماعليها خـوف دام سعــود وسالي معها ...
أم ناصــر :وانت وين رايح لشغل ...
ناصـر :بمــر على سلطـان بعدها بطلع على الشغل ..
أم ناصر :يالله ياكـريم تشفيــه ... وانت لوتقاعد من هالشغله وتريح قلبي ...
ناصـر :يمه الله يخليك لي للمره المليون أقولك حادث سلطـان حادث مرور ماله دخل بالشغــل وأذا تبغين تأكدين بعيــونك تعالي معي تشوفينه ...
ام ناصر :اكيد بروح أشوف بس ماهو اللحين العصر هالوقت ماعنــده الا اهلـــه مانبغى نضيق عليهم ...
ناصــر :على راحتك .. يالله مع الســلامـه وطلع ...
وبالنفس الوقت نزلت وهج من فــوق وشكـلها معفــوس ...
ام ناصر :تعالي تقهـوي ولاقبل تبغين تفطـرين ...
وهج :لايمــه مابي شي ...
أم ناصر :على راحتك بس غريبه صاحيـه هالوقت ..
وهج :اصلاً أنا نمــت ..
أم ناصر بخــوف :ليه وش فيك ياكافي الشـــــر ...
وهج :حلمت حلم شين بالسلطـان ...
أم ناصر :لايمــه لاتخافين هذي بس من هوجستك فيـــه ولاهو مافيه الا العافيــــه حتـى ناصر توه طالع بيمــر عليه وأنا بروح لهم العصر أذا تبين تروحيــــن معي ...
وهج :لايمــه أستحي أروح وأهله فيــه بعد ناصــر مايرضى ...
أم ناصر :ماعليك منــه اذا بتروحيــن بأخذك معي وخليه يفتح يمــه ...
وهج :لايمــه مأبي بعدين ناصر يقول أنه بيطلـع اليوم ...
أم ناصر بأرتباك :ايه صح يمكــن اليوم أوبكــره تعرفين الكشوفات والأشعه تأخذ وقت ...
وطبعاً وهج اللي على نياتها مانتبهت لأرتباك أمهــا ولافكــرت أن فيه أحد مخبي عليها الحقيقه وكل تفكيــرها بالسلطــان اللي مارد عليها أمس رغم أنه يقدر بس أكيد أذا دقت عليه اليوم بيرد عليها ويعتذر بعد .... >> مــررره طمـوحه البنت خخخخخ ...

-------------------------------
راح ناصر لسلطــان فالمستشفى ولقاه صاحي وعنــده كل أهله من الرجال طبعاً .. سلطان كان شكلــه مره تعبان لدرجــة انه مايرد عليهم الا بكلمــه او ثنتيــن وحتى الكــلام يتعبــه .. بالأخير طلعــوا كل المــوجودين مابقى الاناصر وأخـو سلطـان اللي كان مرافق معــه وهذا بدوره استئذن بينزل يجيب له شي من سيارته تحت فخلى الجـو لناصر وسلطـان ...
ناصرطلع جوال سلطــان وحطـه على طـواله جنبــه :هذا الرجل اللي ساعدك عطنياه ...
سلطـان وضح عليه الأرتباك لأنه يوم نقلوه للأسعاف طلب من الرجل يأخذ الظرف اللي بالسياره ومايعطيــه احد أبد غيره ولو لاسمح لله مات يحــرقه بدون مايشوف اللي فيــه :وماعطاك شي ثاني ..
ناصــر:لابس الجــوال واغراضك الباقبـه أكيد مرفوعــه بعد الحادث كل اللي بالسياره يحتفظـون فيه الشرطه ...
سلطـان تنهد بالراحــه يعني ماعطاه الظرف بس حتى هالتنهيــد المتـــه ...
ناصــر :وش فيك تألم ...
سلطـان :الله لايوريك هالألم حتـى الـ آآآه توجعنـــي ...
ناصــر بتردد :سلطـان ادري أنك تعبان بس ممكــن تلبي لي هالطلب ...
سلطـان عرف انه بيكلمـه عن شي يخص وهج بس وش هالشـي مايدري :تفضل ولو ...
ناصر :وهج من أمس تدق عليك .. (سلطــان عارف أنه بيتكلم عنها ومع هذا حس بحرقه يوم أنذكر أسمها قدامــه الخاينــه) ...والجـوال كان معي فماكنت أرد عليها ويوم رجعت للبيت خبرتهم عن الحادث بس هي قلت لها أن الحادث بسيط لأنها مره تأثر بس سمعت أسم مستشفى وقلت لها أنك بتطلــع اليوم أوبكــره فأرجوك اذا كلمتك ترد عليها أدري هذا يتعبك ..(آآآه ياناصــر ماتدري أي تعب بتعبـــه لو كلمتها تعب نفسي أكثر منــه أنه جسدي الخاينــه للحيــن صورها ماهي راضيه تطلــع من راسي )... وأنا بطلب منها ماتطــول عليك ...
سلطـان انت معــي ..
سلطـان :ايه معك .. آآآآه ..
ناصــر بخــوف :سلطان وش يعــورك ...
سلطــان :كل جسمــي ياناصر كله أحس شاب نار وبالأخص ضلوع صدري ...
ناصــر :بنادي لك الطبيب ...
سلطـان :لاناصر تكفى بيعطــوني ابره تنوم وأنا مأبي أنام ..
ناصــر :بالعكس أحــسن تنام وترتاح عشـان تشافى بالســرعه ...
(تشافى ضلوعي بس اللي داخلهـــــا بيبقى مجــروح ) ...
سلطـان كان هايم بأفكـاره وماحس بالممرض اللي دخل وعطاه أبره ليــن ظلمت الدنيــا فوجهـــه .. كذا أحســن ياسلطــان ترتاح من كـل أوجاعك الجسديــه والنفسيــــــه ...




نهــاية الفصل الأول ...
الجزء الثاني والعشـرون
الفصل الثانـــي ..

يطالع بالمنظـر قدامــه وابتســامــه على وجهــه .. هديل تحــاول تصحــي سالي اللي غرقانــه فالنــوم .. صدق نومهـا ثقيل لدرجــه محــرجه ...
ياســر قرب منها:يالله سالي اصحــي عاد ...
سالي كانت حاســه باللي قاعد يصيــر من نص الطريق وهي ماتبي تصحـى عشـان مايتأكد لها شكها وش بيقــول عنها لهدرجــه غبيــه والله مــوقف لاتحســد عليــه والنذله هديلــوه تقـول بنطلــع من سعــود بس الغلطــه غلطتها يوم تطيع وتروح معها ...
ياســر يوم ماشافها جت بالطيب قال بخبث :هديل شكـل خالتك نايمــه ياحــرام وش رايك نشليهـا ونخليها تكمــل نومها داخــل ...
هديل ببراءه :يالله أحسن بعد عشـان ماتقــول خربتوا علي نومتــي ...
جاء ياســر وفتح الباب اللي عند سالي .. سالي فزت :خلاص صحيــت...
ياســر بنذاله:لاشكله للحيــن فيك نوم ...
سالي بقهــر وهي تنزل من السياره :وخر عنــي بنزل ...
وخر ياســر عنها وللحيــن يبتسم لها أبتسـامه ترفع الضغط ..
هديل :خالتو يالله نروح لخالي سعــود عنــد الأسطبــل ...
ياســــــر بجديـه:لااا ماتروحــون هناك روحــوا لأي مكـان الا هنــاك ... وراح وخلاهم ...
هديل :خالتووو جوالك يدق ...
سالي سـرحـــــانه ...
هديل بصراااخ :خالتوووووووووووووو ..
سالي :وجعــــووووووووه وش تبيـــن ..
هديل :جوالك يدق ...
سالي طلعت جـوالها من الشنطــه وتكلم هديل :هذي الغبيــه جنــى وش تبي ...
هديل :لاترديــن اقهــريها ...
سالي وهي تقفل الجــوال وترجعه لشنطتها :على أمرك عمتــي هديل ...
كانوا يمشـون بيدخلـون الفله يوم سألت هديل فجأه :خالتوو متى بتأخذيني أعيش معك مثل ماوعدتينــي ...
سالي تذكــرت خطتها هي وهديــل والسبب هالخطـه قصدها تطفر بياســـر ..وهي للحيــن تبغى تطفــره وتنكــد عيشتـــه ومافيــه أحلى من هالشــي بس الخطــه هذي يبغالها وقت لأنها كبدايــه بتطلب تطلــع فبيت لحالها موشقــه لابيت ويمــلاه لها خدم عشــان ماترجــع أيام شهــر البصل وبهالطــريقه تقدر تطلب منــه أن هــديل تجي تعيش معهـــا ...
سالي تذكـرت أنها ماردت على هديل :قريب حبيبتــي قريب ,, واللحيــن قولي لي وش مســويه بالمدرســه ...
هديل بأحباط :لامـو وقت مدرســه اللحيــن ....
سالي :اجل وش وقتــه ..؟!
هديل :نلعب نستانــس ,, ونخطط للمقالب اللي بنسويها للجنــى لرجعنا للبيت ..
سالي وتضحك :وليش لا نلعب ونستـانس ونخطط للجنـــى ..
سعــود من وراهم:اللحيــن هذي سوالفكــن ...
هديل :وانت تنصت علينــا ..
سعــود :ياحــوول للحين مانسيتــي هزيمتــي لك ...
هديل :كذاب ماهزمتني أنا هزمتك ..
سالي تكــرتهم يتهـاوشون وكملــت طريقهــا للفلــه اللي كانت أبوابها مقفلــه لأن مافيها أحد جلست بكـراسي الجلســه اللي قدام الفله وأنتبهت على باب الملحق التابع للفله مفتـوح أكيد ياســر أفتحه لأن مافيه أحد يدخلــه غيــره وبالامـاره أول مره تقابلـوا كان بهالمكـان كانت تفكـر بهالشي وهي تدخل مع باب الملحق اللي كان غيـر عن اخر مره شافتـه فيه المـره هذي مـرتب ومافيــه غير ثوب ياسر اللي مغيـره ولابـس ملابس الشغل ...
ناظــرت على كنبــه بزاويـه المجلس هنـاك .. سالــي اللي متمدده على الكنبــه وتلعب بالجوال وتصور نفسهــا:وهــج,,وهج ,,وهججججججج..والتفتت عليها بخوف أنها تكون طلعـت لكنه شافتها على نفس وضعهـا جالسه على الكرسي اللي جنب الباب ..
سالـي وهي ترمي عليها مخده :وهج وصمخ لي ساعه اناديك ليه ماتردين ..
وهج وهي تقلد سالي بطريقة كلامهـا:اووووف طفشتين اوذتين اشغلتين وبعدين معك ...
سالي وهي تضحك بسخــريـه :ههههههههههه ..ضحكتين ,,ماتعرفين تقلدين ..
وهج :سالي والله خايفـه امشي نطلع هذا شكله مجلس لرجال ..
سالي وهي ترجع تنام بنفس الوضعيه:لاحبيبتي لاتخافين مو مجلس الرجال ,,ماتشوفينه معفوس كنه شقة عزوبيــه ..
وهج :طيب أنتي له مو راضيه نرجع للفلـه...
سالـي:لاااااه عشان تمسكني أمك وهات يتهزيء...
وهج :ماتبين تتهزئيـن اعتذري من عمتي شيخــه ويادار مادخلك شـــــر...
سالي اللي قفزت كنها ملدوغــه :تهبى ماعاااااد الا هي اعتــذر لشيوووووووووخ..كانت هالكلمــه على دخلـــت ياســـر..
اللي فتـــح الباب بقوه ,,وهج اللي كانت بالكرسي اللي جنب الباب دايركت تغطت بطرحتها اللي على كتوفهـــا ...
سالي تجمـــدت على نفس الحركه وهي فاتحه عيونها على لأخيــــرمن الصدمـه ,,,سالي مانتظرت أكثر وغطت وجههـــا بطرحتها وبكــذا اسدلت الستـــــار عن اجمــــل وجـــه ابدع بتصويـره الخالق .....
سالي بدات بالهجـــوم :ماشاءالله عليك ياولد لأصــول كذا تدخل على الناس ...
ياســــــر:واذا كانوا الناس ذولا مايعرفــون لأصول ويتكلمون عن أهل البيـت وهم بيتهــم وش تسمينــه يابنـت لأصــــول ...
سالي بطريقتهـا اللي تنرفز :ماشاءالله هذي اللي ربتك عليه فطوم تســمع على كلام غيـــرك ...
ياســر بهالحضـه شياطين الدنيا كلها تناقز قدامــه نسـى كل مابادئه وتجـــرد من رجولته اللي تمنعـه يمد ايده على حـرمـه ..
ياســر :انا اوريك اللحين وش أسـوي لو كنت ماني متــربي ...
وجرهـــا مع عباتهـــا ورماها على الكنــب واخذ عقــاله اللي كان مرمي على طاوله ..وهج ماستحملـــت الموقف وجلست تبكي بطريقــه هستريـه ...
وهج وهي تبكي:ارجـوك لا اتركهاااا حراااام عليك يامجـــرم ..
ياســـــر وهو يلوح بالعقال بوجه وهج :جبببببببببببببب ولاكلــمه ..
سالي وهي تقوم من الكنب وترتب عباتها وبطريقة ساخـــره :لو كنت رجال وريني شطارتك وحاول تمــد ايدك علي اذا ماخليت كل اللي بالمزرعه يتلمــون علينا ,,عشـــان يشوف أبوك ولده اللي ينشد فيه الظهــــــر وش قاعــد يســوي,, ويعرفــونك على حقيقتــك ,,ولد فطـــوم وش بتطلــــــع يعنـي ماخس من امك الا أنت ...
ياســـــر اللي زادت عصبيتــه وقرب منها بتهور وهو يرفع العقال بتهديد :جبببببببببببببب ,,وصـرخـي بملي فمك,,وكلامك ولاحـــرك فيني شعــــــره..
سالـــي بوقاحتهـــا اللي صارت طبــــع :على بالك بقول بيضر بني لابقول انك كنت ....... وقطع كلامهــــا وهج اللي حطت ايدها على فمهــــا عشـان تمنعهـامن تكملت كلامهـا اللي صدق لو قالته ياســـر ماراح يرحمــها..
وهج وهي تشاهق :بسسسسس انتي اللي تستثيرينه حراااام عليك سالي الله يخليك اسكتـــــي ...ودخلت في نوبـة بكاء شديده من عظـــــم الموقف اللي انحطـــت فيـــه ...
ياســــر اللي وصل فيــه الغضب حده :اللحين بطلــــع بس عشـان هذي >>ويأشــــر على وهج ..خايف تمــوت علي,,بس واللي رفع سبــع إن لخليك تندميــن على كل كلمــــة سب نطقتيهــا بحق أمي وحقي ..
وطلــــع ياســـرمن المجلــس بعــــد مارمـى على سالي نظرت احتقار ... وماقصرت ياياســر وفيت بوعدك يالحقيـــر بس أنا ماندمـت على كل كلمــة سب قلتها فحقك ولا فحق أمــك وبظل طــول عمــري أشوفك أنت وعائلتك كلها احقـر الناس وأبغضهم لقلبــي التفت بتطلــع بعد مأكتفت من هالذكــريات وشافتــه واقف على الباب ونور الشمس القوي اللي جاي من وراه مخليه مثل الظــل منظره كان مرره مرعـب لسالي وخصوصاً بعد اللي شافتـه منــه ...
سالي بأبتسامـه مرتجفــه :وش فيك ...؟!
ياســــر ظل يراقبهـا وهو ساكــت ونظراته غريبــه ...
معقوله جالس يتذكر اللي صار بينهم هنا معقوله يفكـر باللي هي تفكـر فيــه ..
ياسـر بشبه أبتسامه :تذكــرين ..؟!
سالي بأرتباك :وش أذكــر ..؟!
ياســر وكأنه يكلم نفســه وعيون معلقه فالسقف :أول مره شفتك كان هنــا كنتي أجمــل من الجمــال نفســه ظليت بعدها شهــور أفكـر معقـوله اللي شفتــه حقيقه ولامن ضرب الخيـال معقــوله فيـه أنسـانه على وجـه الأرض بهالجمـــال كان أسعد أيام حيــاتي ..
سالي (هذا شكلــه يتكلم عــن وحده ثانيــــه ولا أنا يشوفنـي كذا مستحيـل ,,, بس الغريب أنه يتذكــرالشي اللي بنظـره زيــن ونسـى أو تناســى الهوشـه اللي صارت بينهم ويقــول أسعد أيام حيـاته ..)
سالي بالصوت مسمــوع :وأتعس ايام حيـاتي ..
مأنتبهت انها قالت الكلمــه بصوت عالي الا بعد ماشافت نظــرة ياســر اللي كانت مبهمــه بالنسبــه لها تحـولت لنظــرة يأس ...
ياســر :تعالي بنطلـع من هنــا ... كان ماد يده لها ..
أخذت سالي يده وطلعـوا من الملحق وقفل بعده ياســـر بالمفتاح شافتــه سالي كيف كان يقفل بقوه وقســوه توقعت سالي أنه يشوف بهالملحق الماضي اللي يتمنــى يرمايه ورى ظهره ويقفل أبوابــه بس هذا اللي مستحيــل يصير لأن الماضي جزء من الحاضر واللي صار بالماضي وارد أنه يصير بأي لحضه من هالحاضر ...
سألها :وين هديل ..
سالي :تركتها مع سعـــود ..
ياســر :مع سعــود اجل أكيـد اللحين ينتظرونا فالسياره لأني كلمـت سعـود وطلبت منه ينتظرنا عنـد السياره وتوقعت هديل تكــون معك .. ليه مقفله جـوالك ...
سالي :قضى شحنــه ... بنرجـع اللحين موكنـه بدري ..
ياســر :لامو بدري الشغل اللي جاي عشانه خلصته وأبوي متصل علي يبينــي ...
سالي بتردد وهي تمشـي معه لسياره :ياســر ببقى فبيت أم ناصـر لين الجمعــه ...
ياســر :ماطلبت منك ترجعين خذي راحتك ...
سالي :شوووف ترى أنت اللي قلت خذي راحتك ...
ياســر :وأنا عند كلمتــي ... وماله داعي تقولين شي يدل على خلافنا قدام سعــود ...
سالي بقهر :لاتوصي حريص ...
ركبت السياره وقفلت الباب بقــوه ...
سعــود :هونك على الباب ..
سالي بقهــر :سيارة زوجــي وأنا حره فيهـا ...
وأنقهــرت يوم شافت يالركب بمكــانه ويبتسم على كلمتها ...
سعود اللي مو منتبـه على حرب العيــون اللي صايره :وسيارة صديقي قبل مايصير زوجــك صح ياســـر ...
ياســر :اعذرني سعــود الا سالي مأقدر أوقف ضدها ودايم بصفها ...
هديل وهي تصفق :حرام خالي الكــل ضدك وش رايك اجي بالصفك ...
جحدها سعـــود بالنظــره قهرتها وضحكت سالي عليهــا ..

---------------------

ترددت تدق عليــه اولا كانت الساعه ثنتيـن الظهـر ماتدري أحد عنده اللحيــن اولا لكـن على الأقل اللحيــن افضل من العصرلان كل الناس بتجمــع عنده فذاك الوقت ... وغمضت عيونها وضغطت على زر الأتصال ... سلطــان كان صاحي من نص ساعه بعد الأبره اللي اخذها الصبح وكان عنــده اثنيـن من أخوانـه اللي اصغر منــه وجالسين يسولفون عليه بدون مايتعبــونه ... سمـع النغمــه وعرف المتصل ...
سلطـان :هيثم عطنــي الجــوال بدون ماترد عليه ...
لأنه كان يطلب منــه يرد عليــه على اصدقائه وبعض معارفه ...
غمض عيونــه ورد عليهــــــا :الوو .. ياهــلا .. الله يسلمك .. الشـرمايجيك ..
وهج حست بكـلام سلطــان معها رسمــي شوي ماتحملت وجلست تبكـــي ...
سلطــان :وهج ليه تبكيـــن ...
وهج :أنت مره تعبان ولاماتكلمنــي كذا ...
سلطــان :أجل كيف أكلمك وهج والله مالي خلقك تطمنتـي أني للحيــن حي وأنك ماترملتي يالله مع الســلامــه ... وقفل الجــوال بوجهها ...
وهج أنفجــرت تبكــي ماتصورت حتى فأسوء احــلامها أن سلطان يعاملها بهالطريقه ..
سلطان زادت أوجاعه وهو يفكر بوهج اللي كان يعرفها قبل لو كلمها بهالطريقه وش تســوي أكيد بتذبح نفسها من الصياح تستاهل الخاينــه ويليت الدمــوعها تغسل خطاياهــا ...
مررر عليــــه الوقت بالسرعه بجمعت الناس وزوار ماحــس بالوقت ...
وبعد مانفضـوا الناس من حــوله مابقـى غير أهلــه وناصـر اللي جالس ينتظـرهم بـرى عشـان يدخل لاطلعــوا ...
هيثــم :يالله يمـه الله يطــولي بعمــرك الرجال من الصبح برى بيدخـل ...
أم سلطـان :خلني عنــد وليدي ماشبعت منــه ...
هيثم :سلطـان قول شي تكلم ..
سلطـان :خل أمـي على راحتها ...
هيثم :وناصر ...
سلطـان :ناصر بيراعي الوضع ماعليك منــه ...
هيثم :كيفكم أنا طالع اجلس معه ..
سلطـان كان وده ناصر يمل ويطلع من غيره مايشوفـه يحس موقادر يحط عينــه بعينــه بعد اللي أكتشفـه عن أختــه ... مايقدر يكمــل حيـاته معها بعد اللي أكتشفه عنها بيظل طــول عمــره شاك فيــه ومستحيــل تنولد عنــده الثقــه بعد اللي شافـــه .. بس بعد مايقدر يطلقهـــا كيف يطلقهــا بعد ماوثق فيــه ناصـر وعطاه أختــه وهو اللي يعرف عن كل ماضيـــه وش بيقول عنــه ناصر لوطلقها ؟! ... مستحيـــل يخرب علاقتـه بالناصر عشـان خيانة أختــه اللي ماطرت على البال ...
للحيــن يذكـر الكــلام اللي قاله ناصـــر بعد الملكــــه :سلطــان أنا تحديت عمــي وكل أهلي وزوجتك أختــي اللي أغلى عنــدي من نفسي تكفى لاتخلينــي أندم فيوم على الثقه اللي حطيتها فيك ...
بعد الكــلام اللي سمــع منــه كيف يخــون ثقته اللي حطها فيــه ويطلق أختــه بدون سبب لأن مستحيــل يقوله السبب لوموعشـانها عشان ناصر نفســه ماينصدم بالتربيتــــه ..
ام سلطــان :سلطان تسمعني وانا أمك ...
سلطــان :ايه اسمعك ...
أم سلطـان :اجل وش قلت ...
سلطـان :اعذرينــي يمــه من التعب سمعـي ثقيل ...
ام سلطــان :اقولك اليوم جتنا عمتك وقلت لها بنأجل العرس لين الأجازه الصيفيــه ...
سلطــان :ايه زيــن ...
أم سلطــان :وش فيك ... حسبتك بتثور وتعصب ولاكنك اللي كنت مستعجل على العرس ..
سلطـان :ذاك أول يمــه ...
بعد عشــر دقايق ثانيــه طلعـوا اهل سلطـان من عنــده ودخل عليــه ناصــر:هاه بشر وشلونك اللحيــن ...
سلطــان بمجاملـه:كني أحسن ..
ناصـر:سمعت انك مستعجل على الطلعه ...
سلطـان :مليت من المستشفــى ..
ناصر بالضحكــه :ياحليلك من اللحيــن مليت أجل باقي الأسبــوع وش بتســوي ...
سلطان :أي أسبوع ...
ناصر :اللي بتقضيـه ياحبيبــي بالمستشفــى ...
سلطـان :بس كيف . انا مكلم الدكـتور وقايل بطلــع من هنا بأسرع وقت ...
ناصــر :وهذا هو أسرع وقت أسبوع ..
سلطــان :وينـه هيثم ..؟!
ناصر :قلت له يرجع البيت وأنا برافق معك أذا ماعند مانــع ...
سلطان :لامانع ولاشي بس الله يعينك على الملل لأني تعبان وبنام ...
ناصر :لاتشيل همـي خذ راحتك ...
أي راحــه ياناصـر أي راحــه بلقاها بعـــد الخيـانه ...
------------------------
دخلت سالي عــلى وهج بعــد صلاة العصــر ولقتها نايمـه ماحبت تصحيهـا اخذت لها دش وغيرت ملابسهــا ونامت جنبهــا .. سمعت نحيبهــا وارتجافها اللي حست فيه ينتقل لها ... فزت من محلها بهلع :وهج حبيبتــي وش فيك .. أنتي تبكيـن ..
وهج رمت اللحاف اللي كانت متخبيــه تحتــه وقالت بالشهـقه :سالي أنتي وينك عنــي ... وجلست تحكـي لها كل اللي صار معها بمكالمتها مع سلطــان ...
وهج :سالي تصــور سلطــان يعاملنــي كذا مأصدق هـو دايم طيب وحنــون علي ليه تغيــر ...
سالي ياحســرتي على عمــري طيب وحنــون والله اللي راحـت عليك ياسالي .....
سالي بتستغل الوضع :والله أنك خبلــه ذولا الرجال مالهم أمان والا طيب وحنــون هذا اللحيــن شوفيه بعد الزواج أذا مانقلب ميه وثمانيـن درجـه ذيك الحزه قولي خالتي قالت ...
بس الغريب أنا وهج ماهتمت لكلام سالي وهذا يدل على أنها فاهمته وفيه تطــور بطريقة تفكيرها وأنها موكل شي بتصدقــه ...
سالي أنقهــرت من ردت فعل وهج على كلامها اللي كانت السكــوت وش فيهم الناس اليوم متغيره حتــى يسور معارض يوم قالت بتبقى فبيت أختها وكأنه بيفتك منهــا وعنــد هالفكره تحــولت تخطيطاتها من سلطـان لياســــر ونست كل احقادها ضد سلطــان اللي بيأخذ منها توأم روحهــا للحرب جديده ضــد عدوها اللدود يسور ...
وهج بصوت مبحــوح :أنا لازم أشوفــه ...
سالي :ميــن يســور ...
وهج بالصدمـه :يسور ميــن أقولك سلطــان ...
سالي اخخخخ أنحـرجت وش هالوهقــه الحمدالله أن زلت لساني طلعت قدام وهج مـوجنــى ولاغسلت شــراعي بتريقتهــا... وتذكرت كلام وهج فسألتها:وليش لازم تشوفينـــه وكيف اصلاً بتشوفينــه ...
وهج بالطريقه تكسر الخاطر وتحنن القلب عليهـا:أرجــوك سالي ساعدينـــي أنا لازم أشوفــه ...
سالي :والله الوهقـــه وهج والله مالك داعي كيف بتشوفينه بدون ماتعرضين نفسك للكــلام ...
وهج بكت :سالي أررجـــووك ..
سالي :خلاص بحاول أفكر لك بالصرفه مع ان الموضوع كله موداخــل مخــي ... واللحيــن أمشي ننزل تحت ونتسلى أحسن من الحكـره هنا ...
وهج :والله مالي خلق خلينـي جالسه فغرفتــي ..
سالي :وتفوتين على عمــرك الوناســه .. يالله وهج قومي معي والله السهـره من غيــــــرك ماتســوى ...
وهج :سهــره ليه الساعه كم ...
سالي :بعد العصر بس الوقت ماعرفــه ...
وهج :وتقـولين سهــره وش مستعجله عليــه ...
سالي :ياذكيــه قصدي نحضر لسهــره واللحيــن طرت فبالي فكـره وش رايك نشــوي ...
وهج تحمست :والله فكــره مش بطاله تحمست لهـــا ...
ونزلــوا تحــت كانت كل العائله متجمــعه فالصاله ...
سامــي :وهجــوه ياويلك لوفصلتي الفيش ...
وهج :كنت موفاصلته بس اللحيــن تحمست أفصله ..
سالي :افصليه عفيــه عليك عشـان هالطرطنقي تعلم كيف يحكـي مع اللي أكبـر منــه ...
عادل :اووف ياربي منكم يعنـي أنتم جايين تنكدون علينــــا ...
سالي :نعم ونعترف ونقــر انا جايين بهدف تنكيد عليكم ...
هديل :عاشت خالتووو وأنا معكم ...
سامــي :أنتي تطميــن محد كلمك ...
سالي :جنـووه يالخايســه وش فيك جالسه بعيد أقربي هنــا ...
جنــى اللي كانت بركن بعيد من الصاله وتقرأمجله:لاحبيبتي خليني مكاني البعد عنهم غنيمـــه ...
سالي :تعالي بس اتحفينا بارئك لسهــره ...
جنــى بالدهشــه :سهره يعني شلون بتباتيــن عنــدنا ...
سالي :لايكــون عنــدك مانــع ...
جنــى برمشـة جفن كانت عنـدهم :مانــع لاعيــوني هذي الساعه المبـاركــه بس كيف رضى العاشق المتيــم يســور يفك أسرك ...
سالي :عاشق بعينك ماصدقت أفتك منــه بليز لاتجيبيـن طاريــه ...
جنــى صرخت فجأه لأنهــا تذكــرت شي :تصدقين لاوالله ماراح تصدقيــن ...
وهج وسالي طالعــوا بعض فأستغراب وتكلمــت سالي :قولي وش عنــدك ...
جنــى :والله ماراح تصدقين بس بقولك .. شفت صور بعلك المصــون وولد عمــي العزيز مع ووحــده من البنات ...
وهج وسالي بصوت واحد :وشوووووووو ..؟!
جنــى :ارفقــوا على اعمـاركم واسمعـوا الحكايه .. كانت وحـده من البنات اللي توني متعرفه عليهم زملاه فالقسم بس وقالت لي بتورين صورت واحد مــزيــون يهبل يطير العقل علــى حد قولها وفتحـت جوالها على الصور وتورينــي صورته فالبدايــه ماعرفتـه لأنه حتـى صورته غريبـــه كان ماسك الحصـان اللي مصـور معه من لجامــه وكان لابس قميص معظم ازاريره مفتــوحــه صح شكلــه كان مبهدل حتــى ماكان يبتســـم ... انا يوم شفت الصور وضح علي الصدمــه وسألت البنت من ويــن جابت الصوره وقالت من صديقاتها وكل الشله معهم صورتـــه أنا ماسكت حاولت أتقرب منها ومــن صديقتها لين جاء اليوم اللي قدرت أتأكد فيه من كلامها وطلــع صدق الصوره مع كل صديقاتها ويوم قلت لهن أنه مــو حلــو وشين وشعــره اللي رابطــه فلافل ويرفع الضغط بغن يأكلني لاوميتات على شعــره بعد وبالأخيـر أعترفت لهن أني أعرفه وقلت لهن أنه متزوج اخخخ بس لوتشـوفون خيبت الأمل على وجيهــن لاوطلعت الصوره بعد منتشره مع معارفهــن بعــد ...
سالي بقهــر :فرحان بعمــره جالس يوزع صوره هو وجهــه ...
وهج :حرام لاتظلميــنه أكيد منتشــره بدون قصد عن طريق واحد من اصدقائه هذا أقرب أحتمال ...
سالي :وليش مايكــون هو يعرف وحده ومرسل لها صورته وأنتشـرت صورتـــه ,, وشعره قاصـه قاصه ويأنا ياهـــو ...
وهج بتصفيــره :ياعينــي على اللي يغارون ...
سالي جحدتها بنظــره :انا أغار وعلى ميــن على ولد أمـــــه دا بعده ...
جنــى :أجل ليش كل هذا ...
سالي :بس كذا نحــاسه وشعــره بخليه يحلقه على صفر ...
جنــى عشـان تقهر سالي :بيطلع حلو بعد أصلاً ولد عمــي مزيــون بكل الأوضـاع ...
سالي :ايه بالمــره واضح ...
وهج :لاتبـدون يالله نطـلع بالحديقــه ...
سالي :وش فيها امكم من دخلنا مافكت التلفون وكأنها تكلم امريكــا ..
جنــى :وجع لاتريقيــن على أمي مأرضى عليهــا ...
سالي وهي تدزها عشـان تمشي قدامهــا :طوفي بس طوفي ماسألتك رايك ...
تجمعــوا كلهم بالحديقــه الشباب وهديل جلســوا يلعبــون فيتبول والبنات يتفرجــون عليهم وجنـى مسوي نفسهـا معلق ...
جنــى :ويتخطى اللاعب المخضرم سامــي الجابر عفواً أحم احم سامي محمــد الحارس بالجداره ويودعها في شباك الخصـــم هدفاً رائع ..
سالي بالتريقـه :هدفاً يازينك ساكتـــه ...
وهج :ولاسامي الجابر اخخخخخ ياحليلك نسيتي اسم أخـــوك ورحتي للغريب ...
سالي بخبث :أجل معجبك ولد الجابر اخخخ ياحلاتي أعلم بعض ناس اللي خشومهم طــوال ...
جنـــى شرقة بالعصير اللي كانت تشــربه :كح كح كح ياشينك ماتنأمين على ســــر ...
وهج :بسم الله عليك وش فيك جنـــى ...
ضحكــة سالي على سذاجــة وهج اللي تفوت علــى عمــرها فرص ماتنفـــوت وتمــر من تحت يدها بلاوي وهي ياغافليــن لكم الله ...
---------------------
صبـاح السبت
ياســـر لسالي اللي جالسه تزبط الميك آب :طيب هي رايحــه بتزور زوجهـا أنتي شكــو رايحــه معها ...
سالي بدلع :بس كذا قاطـــه روحـي بينهم ...
ياســر بالنرفزه :سااالي طالعينـي وأنا أكلمــك ..
سالي :مومن الصبح أقولك أنا بالروح معها يعنـــي بالروح ليش تضيق خلقي على الصبح ...
ياســـر :سالي لاتجننينــي كــلامي واضح روحتك مالهـا داعــي من الأساس ...
سالي بعد ماخلصت اللي بيدها لفت على ياســر اللي واقف وراها مبـاشره وضربته بخفيف على خده :يالله يســوري البس عشـان نمـر على ووهج ونأخذها تأخر الوقت ...
ياسـر ظل مــده ثابت على نفس حركته ويطالع فيهــا وبالأخيــر لف وهو متنرفز وسوى مثل ماطلبت حظــرتها ...

بعد نصف ساعــه كانــوا واقفين قدام بيت عم ياســر ينتظــرون وهج تجــي ... وهج ركبت وهي منحــرجــه ماتوقعت سالي تســويها صدق وتخلي ياســر هو اللي وصلهم بس مافيه حل الا كــذا ولاكيف بيدخلــون بوقت زي هذا وهم حريم لحالهم ماصدقت يوم سمعــت ناصر يقــول أن سلطــان ماحد مرافق عنــده اليــوم قالت لازم تستغل الفرصـــه ... مــع أن الخطــوه هذي اكبر منها ومستحيل تســويها فالأوضاع العاديــه بس الظروف لها أحكـــام ...
سالي :يالله وهج ننزل ...
توه بــس وهج تنتبــه أنهم وصلــوا مشــوا ورى ياســر لين وصــلوا لغرفة سلطــان طبعاً واجهتم بعض العراقيل اللي حلها تواجد ياســر معهم وعنــد الباب ترددت وهج تدخــل تحس قلبها دقات مـوطبيعيــه وكل اللي حــولها يسمهعــونه ...
سالي بصوت عالي شوي :بتدخليــن ولانرجع من محل ماجينا ...
بس بعــد هالكــلام ماساعــدها وظلت واقفــه قدام الباب وبدون ماتفتحــه ولاتســوي أي خطــوه أيجـابيه ... وخرتها سالي عن الباب ودخلت وجــرتها معها والشي هذا صدم وهج وقهــر ياســر اللي ظل واقف برى وهويقـول: لتأخـرون ...؟!
دخلت وهج وكانت راصــه على عيــونها مغمضتهم ماتبي تشــوف شــي ..
سالي فتحـت لها نقابها عشـان تشــوف ويــوم شافت وهج مغمضه عيــونها همست لها أفتحي عيــونك يالخلبلــه الرجال يطالع فينـا ومنهبل تكلمـي أنطقي عشـان يعرف من أنتي ...
سلطـان كان توه فاتح عيــونه على دخلت سالي ووهج وتفاجأ فالهجــوم هذا جلس يطالع فيهـــن وهو منهبل من اللي داخلات عليــه كذا مستحيــل يكــون احد من خـواته ولااقاربهم اكيد غلطــانات ...
جاء بيتكلم بس سبقتــــه وهج اللي قالت بصـوت مرتجف :الحمــدالله على الســـلامــتك ..
أنصدم سلطـان بصاحبــة الصــوت معقــوله وهج .. أي وهج وهذا أكبر دليل لك ياسلطــان جايه الصبح عشــان مأحد يشوفها يعنــي متعــوده على هالحــركات موشــي جديد عليها ..ليه ياوهج ليه تخــونيــني وتخـونيــن اهلك ليـه ...؟! .. :الله يسلمك .. بس غريبــه كيف سمح لك ناصــر تجيــن ...
وهج بارتجافه بالصوتها :ناصر مايدري ...
سلطــان بعصبيـــه واضحــه :وليش تجيــن بدون أذنـــه ...
وهج بخــوف :سلطــان ...
سلطــان :قلت لك شلــون تجيـــن بدون مايدري مالك ولي أنتي ولامتعــوده على الهيـاته من ورى أهلك الصراحــه أشفق على ناصـر المسكيــن اللي مأمــن لك وأنتي من ورى ظهـره تلعبيــن...
سالي :بس حدك تراك زودتها هذي جزاتها اللي جايه تزورك ومقطعه نفسهـا من الصياح عشــانك بس صدق أنك رجال ماتستاهل ولادمعه عليك يالله وهــوجــه أمشــي خليـــــه ...
وهج اللي انصدمـت بكلام سلطـان حتى الدمــوع مادمعت من قوة الكـلام اللي رماها فيــه :أنا كذا ياسلطـان تشـوفني كذا ...
سالي :يالله بس خليك منــه أمشي نطلــــع .. وجعل مايقوم من سريره اللي نايم عليـــه ...
وهج بالشهقــه :لااااااااااااااااااااااسالي لاااااااااااااااااااا ...
سلطــان بعصبيــه :برى أطلعي برى ...
سالي :ايقالك تطردني اصلاً مايشرفني أجلس معك .... وطلعت وبقت وهج اللي كانت مومتحملــه دعــوة سالي على سطلــان وجالسه تبكــي على الأرض ...
سلطــان :وش تنتظــرين ماتلحقينها ولاتســوين لي فيهــا حسـاسه وماتحمليــن أي كلمــه ...
كلام سلطـان القاسي خلاها تحامل على نفسهــا وتقــوم عشـان ماتسمــع الزياده من كــلامـه الجارح ... وعنــد الباب فصخت نقابها ورجعـت تعدلـه بيدينها المرتجفــه ...
وسلطـان من سريره يشــوفها ويشـوف وجهها اللي غسلتــه الدمــوع تمنــى يقــوم يمســح الدمــوع اللي مشــوهه منظـر وجهها ويعتذر لها عن أي كلمــه قالها فحقها بس تذكــر أنها خاينــه وتستحق كل كلمــه أنقالت فحقهــــــا وأكثر ..
لفت عليه قبل ماتطلــع وقالت :مــع الســلامــــه ...
حاول سلطـــان مايرد بس ماقدر صدقـــوه ماقدر حتــى لوأنه بعد ماطلعــت :الله يحفظك ....
سالي من ركبت السياره وهــي جالسه تسب وتحرطــم وياســر مو فاهم منها شـــي ووهج تمنــى أن سالي ماتكلم وتفضحها قدام ياســر وهذا أكيـــد مستحيـل يصير بس وش تقــولون عن سذاجــة وهج ... نزلهم ياســر بالجامعه ورجــع لشغلــه وبعد ساعــه أتصلت فيــه سالي وقالت لها أنها ماهي متحملــه تجلس دقيقه زياده بالجامعه ولازم يجي يأخذها ..
عبير :قسم بالله أن ماعندك سالفــه خليك جالسه معنا دامك لتعبانه ولاحاجــه ...
سالي بالنرفزه :اقولك ماني متحملــه أجلس ثانيــه هنا أحس مثل الجاثوم على صدري ..
وهج بتعب :ياعمري سالي والله أنا آسفـــــه ...
سالي :وهج أنتي مالك دخل أنا متضايقه من حاجــه ثانيــه ...
وهج :اكيد ..
سالي بحنيــه :اكيد ياعمـري أكيــد .. اووووووف هذا وين راح .. وطالعت بساعتها ...
رفعت راسهـا وشافت جنــى جايه لهم ...
جنــى :هااااي .. وجلست ...
عبير :هااااايات .. أخيراً شرفتينــا ...
جنــى :مشاغل وأرتبطات الله لايوريك ...
عبيــر :تخوفين ياسيدة الأعمال ...
طالعت جنــي بالسالي اللي واضح عليها التوتر والنرفزه هذي والله اللي بتنكبنــا ماتوقعتها منك ياسالي وسألتها البراءه :خالتي فيك حاجــه ...
سالي بقهر :لاســلامة قلبك بس أتصلت بياســر يجي يأخذني وللحيـن ماجاء ...
جنــى بالصدمــه :بتطلعيــن واللحيــــن ليه ...؟!
سالي :والله اسألي نفسك حبيبتــي ... وباللحظــه هذي دق عليها ياســر وقالها أنه ينتظرها برى ...
طلعت سالي وأول ماركبت السياره وحتــى قبل مايسألها ليش طالعه :وصلني لبيت أم ناصــر ...
ياســر :طيب بوصلك بس ممكــن تفسير للي جالس يصير ...
سالي التفت عليه بحده :أنت أكيد تدري ..
ياســر :ادري عن ايش ...؟!
سالي :عن ملكـــــة ولد عمك ...
ياســــر :ولد عمي مين ناصـــــــر ...؟!
سالي :وفيه غيـــره ...
ياســـــر :لاولله مأدري وتوني أسمــع هالخبـــــر منك ...
سالي :اجــل متكتم على المــوضوع بس مأكون سالي أنا ماطربقت هالزواجه على راســه ويأنا ياشيــــــوخ ...؟!
ياســـر :لحظه ماني فاهم أنتي ليش معترضه ومين شيوخ ...
سالي :عمتك المحترمــه ...
ياســــربقرف :عمتي شيخـــه شكــــــوو ..؟!
سالي :موالمحتــرم أخذ بنتها ...
ياســـر هز راســه بتفهم بس ماعلق ...
سالي :وش فيك سكــت ..؟!
ياســر :ماعندي شي أقوله هـــو حــر يأخذ اللي يبي بعدين ماهو صغير عشـان تقولون له سـو ولاتـسوي ...
سالي :من قبل قلنا له مانبــي بنت شيــوخ قضن البنات ...
ياســــر بنرفزه :اسمها شيخــه بعديــن وش فيها عمتي عشـان ماتبين بناتها ...
سالي :والله اللي على راسـه بطحى يحسس عليهــا ويشــوف ناصر خل يأخذ بنتها والله مطب له بيت ...
ياســــر :سالي أذكــري الله ....
سالي :لأله الا الله .. بس بعــد انا عنــد حلفي ...
ياســـر سكت عنها وخلاها تأخذ راحتها بسب والتــوعد ...
واول ماوصــلوا للبيت وجت سالي بتنزل فتحت الباب ماسمع ياســـر الاصرختها وهي تطيح على أرض الشـــــارع وللمــره الثانيـــه
قدام عيـــــونــه ...



نهاية الجزء الثاني والعشـرون
الجزء الثالث والعشـرون
الفصل الأول ..



حست الدنيا تمــوج فيها والأرض من تحتها مـــوثابتـــه شافت ياســر يركض لها وسمعت صــرختــه :
سالي لااااااااااااا ...
رفعها عن الأرض وشال اللثام عن وجهــا وهي تطالع فيه بنظره زايغه كانت تشــوفه بعيــد مررره بعيـــد ..
ياسر بصوت مهتز :سااالي ..
سالي مدت يدها تسنـد على كتف ياســربتوقف بس رجعت تطيــح ...
تحس بعجـــز وكل أطرافها متشجنــه بدت تبكــي بدون أحســاس منهـــا ...
ياسـر :خلاص سالي أرجــوك لاتبكين ..
سالي وهي تبكــي :اووه مأقدر أحس الدنيا تدور فينــي ...
وغمضت عيــونها .. شالها ياسـر ورجعها مكـانها فالسيـاره وحرك السياره بالســرعه موطبيعيــه للمستشـفى ....
-------------------
جنــي بالجامعه قاعده أتلوم نفسهـا على تهــورها يعنــي ماقدرت أصبر لين أرجع البيت وأقولها لازم أرسل لها رساله وأخبرها باللي عرفتــه هي شكلــه اصلاً من بعد مشوارها مع وهج وحالتها حالــه جيت أنا وزدت عليها عاد خالتـــي هذي اتمــوت بالشقى ماتعرف شي اسمه راحــة البال ...
وهج :جنــى ووجع من الصبح أناديك ..
جنــى :هااه والله مأنتبهت لك وش تبيــن ...
وهج :تبين تأكلين شي بنروح نشري ...
جنــى :لاثانكس بالرجع للشلــــه .. بايوووو ...
وطلعت من عنــدهم وهي كل شوي تصـد عليهم وتأشر لهم بيدها ...
عبير بالضحكه :والله أختك هذي فله ...
وهج :الاقولي رجـــه بس اليوم عاقله مأدري وش عنــدها ...
عبيـر :الله يزيدها ويرزقك ...
وهج بعصبيــه :ليه قايلين لك مجنــونه ...
عبيــر :ادعي لك ياماما أدعي لك .. ماقلتي لي وش أخبار تحضيرك للزواج ...
وهج :أي تحضيرات بعد حادث سلطــان ...
عبيــر :ياعينــي ياعينــي لهدرجــه خايفــه عليه ...
وهج :اذا ماخفت عليــه أخاف على ميــن ...
عبيــر :مالت على وجهــي والله لوبعض ناس يمــوتون ماهتميــت ...
وهج بقهــر :عبير وجع فيه وحده تقــول عن خطيبها كذا ...
عبيـر :ايه فيــه أنا الله يأخذه هذا خطيب هــو وجهه الله يرحم الحال بــس يوم كان طمــوحي يوصل السمـاء وأخر شي يطيــح حظي على هالمقـرود ...
وهج بالضحكــه :عبير بــس قطعتي الرجال ...
عبيــر :لاتسكتيني خليني أتكلم وبرد اللي بكبــدي ..آآآآآه ياوهج لوتشــوفينــي كيف متقرفه من هالحاله حتـى أذا أحد سألني مخطــوبه اقول لا أبي الفكــه منه بأي طريقــه ...
وهج :اخخخ ينأسى لك ...
عبير بقهـر :انا جالسه اشكي لك الحال وأنتي تتريقيـن ...
وهج :والله أنك بطرانه اللي سمعته أنه ميت فيك ...
عبيــر :روحي زين وأنتي تصدقيـن هالسوالف ..
وهج :أجل وش الصدق ...
عبيــر :اصلاً أمه اللي خطبتني له من غير مايدري ويوم درى أنقهر فيــوم رفضته انقهــر زياده ورجع يخطبنــي مره ثانيه وثالثه نحاسه بــس ...
وهج :ماشاءالله عليك وتعرفيــن بعد تفسرين المــوضوع على كيفك ..
عبيــــر :غبيه أنتي مافسرته على كيفي أخته اللي قايله لـــي ..
وهج :وش دراك أن اخته صادقه موتقــولين ماتبيك لأخوها تبيه ياخذ بنت خالتها ..
عبيــر :ايه شفتي الحماره ولا كأني انا بنت خالها بعــد ..
وهج :يووووه أخذناه سوالف والمحاضره من زمان باديـه ..
عبير :لا لاتقــولين .. وطالعت بالساعتها :اووووه لاااا أكيد ماراح تدخلنــا ...
وهج :وينك ياسالي لوفيــــه مافاتتنــا المحاضـره ....
-------------------
ياســـــر كان جالس يمتــر الممر رايح جاي ينتظر الدكتــور اللي دخل يكشف على سالي يطلــع والأفكار الشينه بتذبحــه معقــوله بيصير لها اللي صـار قبل مستحيل عقــله مومصدق وقلبه ماراح يتحمــل خبر مثل هــذا حاول يفكــر بالشــي غير هذا مالقى لين قادتــه افكــاره لـ .. معقــوله تكــون حامــــل لامتــوقع صح هــو وده بس أكيد هــي بتنهبل .. خلاص لاتكــون حامل بس مايبي يكـون فيها شي كايد ... قطـع عليه أفكـاره الدكتـور اللي طلع من عندها فطار لعنــده ...
وقف قدامــه بدون مايقــول شــي ينتظره هو يقــول اللي عنــده خايف يسأله وينصــدم أن فيها شــي كايد ..
الدكتــور :هي زعــلانه من حاقــه ...
ياســر بارتباك :لا .. ايه .. لا .. مأدري ليــش دكتــور ...
الدكتــور :اصل عندها ارتفاع فالضغط والسكـــر ...
ياســـر والراحــه بانت على وجهه :بس ...
الدكتــور :آه .. بس ..
ياســر :الحمدالله ...
الدكتــور:ودي حاقه كويسه دا شي مش كويس بالنسبــه للبنت فالسنها ..
ياســر طبعاً موفرحان باللي صارها بس كان خايف اللي فيها يكــون أكبر وحمـد ربه أن بس هذا اللي فيهــــــا ...
وترك الدكتور بعد ماعطاه توصيات طــويله عريضــه ودخل على سالي اللي كانت نايمــه على السرير وبيدها توصيلة أنبوب ...
جلس جنبها لحد مافاقت واخذها معه للبيت وهي مدوخــــه وماتكلم ...
كان مسندها يوم دخلــــــوا للبيت ..
سمع صوت امه ومعها صوت شخص موغريب عليـــــه ...
ويوم دقق فالصوت وعرفه تمنــــى سالي تكــون مو منتبهــه ...
بس سالي وقفت عن الحــركه ولفت عليه بحده خلتها تفقــد توازنها بس سالي كان ماسكــه زيــن :هذي وش تســوي هنــا الحقيــره ...
ياســـــر :سالي حبيبتي أرجــوك هدي أعصابك ...
سالي بعصبيــه والدوخـه زادت عليها :رجعنــي مأبي أدخل رجعنــي ...مابيجمعني معها سقف واحد ...
ياســر :ياروحي وحنا وش علينا منها هذا بيتك أنتي الداخلــه وهي الطـالعه لاتخليــن وحده زي هذي تفقد اعصـابك ...
بس سالي خلاص فعلاً ثارت أعصـابها وخرت اليد اللي ماسكها فيها ياســر ودخلــت الصاله بالسرعه بس خطت فيها خطـــوه داهمـت دوخه قويــه لو مايد ياســر كانت طايحـه على الأرض ... تذكــرت تعبها والعجــز اللي صابها قبل كم ساعه لدرجــة انها موقادره توقف .. وكلام الدكتــور أنها لازم تبتعد عن الأنفعالات لأنها مو من صالحها وفيها خطــر على صحتهــا ... أخذت نفس عميق قبل ماتقــول :طلعنـــي فوق ...
مشاها ياســـــرلين السلم وبعد شالهـــا وطلعها فوق .. كلها هذا تحت نظــرات فاطمــه وشيخــه ..
شيخــه بطنازه :وش فيه ولدك ياكافي الشــر ولاكأني عمته حتى سـلام ماسلم ...
فاطمــه :والله هذا شي بينك وبينــه مأحب أتدخل فيه واللي سويتيه ماهـوبهيــن ..
شيخــه :ويييه وأنا ليش مسويتــه موكله عشـان مصلحته ...
فاطمــه :خافي ربك يامـره الأمور هذي مافيها مصالح الاكلها بلاوي أجل بتنظلين البنت ولاكأن عنــدها أهل ويبونها ...
شيخــه :يحمدون ربهم اللي بريحهم منها هذي شــر مايجي منها خير وتقــولين ام نايف قالت ...
فاطمــه :الا على طاري نايف سمعتك أنكم بتخطبــون له ...
شيخه بنرفزه:اذا على اللي يبيها يدورله أحد غيري يخطبها لــه ..
فاطمــه :ليه يحافظ ....؟!
شيخـــه :يبغى اللي تغطي على مرت ولدك .. وكملت بالتحســر :والله أني ماكنت ابيه له غيـــر بسمــه ..
فاطمــه بالسرعه وكأنها مقبوصه :لابسمـه متكلمن عليها ولد خالها ..
شيخه بقهــر :من متى هالكلام ..
فاطمــه :من زمان وهالأسبوع مكلمتنـــــي أم الولد ..******** أبوك يالنصب ..
نومها ياســر على سريرها وبقى محلــه جالس يشوفها وهي نايمــه كانت مقطبــه واضح عليها أنها معصبــــه :ابتسمــي لازم هالتقطيبـه حتى وأنتي نايمــه هذا اللي بيموتك ناقصـه عمــر وبيموتني قبلك ... اخخخخخخ بس لوتطيح بيدي يانويصر الله لايبارك فيك ولابزواجك ..
دق جــواله وكان سعــود تذكر انه مع ربشته أتصل عليــه :هلا سعــود ..
سعــود :هاه بشر وش فيهــا ..
ياســـــر :الضغط عنــدها مرتفع ...
سعــود :اكيد بيرتفع أربعه وعشرين ساعه وهي عاقده النــونه ومهاوش ..
ياســـر :ايه لاتغلط خلها تأخذ راحتها بس اهم شــي ضغطها مايرتفع ...
بعديــن انتوا ليه تنرفزونها وتعاندوها سايروها وكل اوامرها لبوها ..
سعــود :لاياشيخ تبينا نسايرها صح أوخطا وش قالوا لك كلنا ياســر ..
بعدين أنت مره مدلعها ..
ياســــر :اذا مادلعت سالي أجل مين ادلع ...
سعــود :ياشينك اذا سويت لي فيها رومانسي ...قلي بس بترجع للدوام ...
ياســــر :واخلي سالي لحالها لاحبيبي مأقدر يمكن تقوم من النــوم متنرفزه وتبغى أحد تفرغ فيه عصبيتها من بتلقى اذا ماكنت عنـدها ..
قفل من سعــــود التفت عليها ياســـــر لقاها للحيــن نايمـــه .. باسها على راسها ونام جنبهــــا ...


بعـــــد شهــر من الأحداث السابقــــــه
سالي بعد طيحتها اللي كانت سببها ملكة ناصر صارت أشرس من قبل طول الوقت متنرفزه ومعصبه وماتحمل الكلمــه من أحد وطبعاً اللي متحمل كل هذا ياســـر اللي صار حنــون عليها أكثر من قبل وكل شي يجيــه منها مثل العسل على قلبــه مايزعل منها ابد ولاعمره هاوشها أوطقهـــا يعني معطيها راحتها على الأخير ومدلعها أخر دلع والشي هذا رافع ضغظ أمــه اللي كلمتــه مره أنه يتزوج مره ثانيــه وبغى يهد البيت على اللي فيــه ...
سالي ماصارت تكلم ناصر ولاعمرها تقابلت معه وانواع التشــويش على أمــه وخواته بس هو صامـد وعارف أن كل شي من تحت راسها بس ساكت ومهدي اللعب ...
وهج وسلطــان بعد أخر مــوقف ماعاد كلمــوا بعض والزواج تأجل للعطله الصيفيه بعد ماطلع سلطان من المستشفى سوى أهله عزيمــه وعزموا أهل ناصر ووهج رفضت تروح لين أقنعتها سالي اللي سوت بلاوي فهالعزيمــه ... وبهالعزيمـه صار لقى صامت بين سلطـان و وهج اللي أول ماشافته نزلت دمـوعها .. والشي هذا أثر على سلطـان كثير وخلاه يعيــد حسـاباته ..
جنــى ومأدراك ماجنـى اول مادرت أن نايف بيخطـــــب انهبلت وقاطعت أبتهال وجلست توعد أبوخشم وتهدد أنها بتخرب ملكتـه وعرســه ...
سعــــود بين مد سالي وجزر ياســــــر ..و انتظم بالشغله وكل اسبوع يزور أهله بالقصيم ...
---------------------------------
قامت من نومها مفزوعـــه كان جسمها يرتجف من فضاعة الكابوس اللي يرهقـــها ويضعف كل قواها طالعت بالساعتها كانت ثنيـن الصباح .. يارب ريحنــي من هالكابــوس قامت من سريرها وطلعت للصاله افتحت التلفزيون مأعجبها شي أخذت جوالها واتصلت فيــه مارد عليها أكيد نايم ضحكت بينها وبين نفسها ورجعت تدق عليــــه لين رد عليها ...
سعــود بالصــوت ضايع نصـه من النوم :وش تبين يانكــديه ...
سالي بالضحكه قويه :ابغى أخوي حبيبي يصحى ويكلمنــي ...
سعــود بقهر :سالي وجع بالنام حرام عليك ليه طالعه لي صحي الحمار اللي عنــدك ..
سالي :زين زين أذا ماخبرته أنك تقول عنه حمــار ..
سعــود :سالي ياحمـاره أنتي لاتســوين كذا عيب والله عيب ...
سالي :أعترف انك تخاف منــه ...
سعـــود :يخسى الاهــو اخاف منه بس أحترمــه دهوا صحبـي ..
سالي :ايه رقعها ..
سعــود :سالي وش تبيـــن ..؟!
سالي :ملانـــه وش اسوي ..
سعــود :ياربي أنتي كل يوم والثاني مخربه علي نومتي عشـانك ملانــه ... طيب دقي على وهج على وحده من صاحباتك ...
سالي :يقفلون جوالاتهم ماعنــدي الا انت ...
سعـــود :زين علمتينـــي عشـان مره ثانيــه اقفل الجـوال ..
سالي :بالتنســى والله بالتنســى ..
سعــود :سالي وجع لاتحلفيــن ...
سالي :الا بحلف أعرفك نســاي .. الله يعيــن اللي بتأخذها ..
سعــود :أحلى فيه تطــورات يعني عادي عندك اتزوج ..
سالي بالسرعه :لامــوعادي ياويلك لوسويتها ...
سعــود بالصدق :لاتخافين حبيبتــي مستحيل اسويها ادري تغاريــن علي ...
سالي بالدلع :اذا ماغرت عليك على ميــن أغير..
سعــود :على زوجـك ..
سالي :طقاق لو يأخذ مليــون وحده بس طبعاً بعد مايطلقنــي ...
سعــود :رجعت حليمــه على عادتها القديمــه ..
سالي بتغير للمـوضوع :متى بتصحى بكــره ...
سعــود :من الفجر ..ايه صح لاتنسي تصحيــن ياســر ...
سالي :لاماني مصحيته عشـان تروحــون وتخلــونه ..
سعــود بخبث :لهدرجــه يصعب عليك فراقــه ..
سالي :لاااخلاص بصحيــه بس لوتنســونه هناك تكــونون سويــتو في خدمــة العمــر ...
سعود ضحك ضحكــه قويــه لدرجــة ان سالي وخرت الجـوال عن أذنها ...
سالي :خلصت ..
سعــود :لاباقي شــوي .. سالي حبيبتي والله فينـي نوم لاتصيرين نكــديه كذا ولا أقولك روحي صحـي ياسـر ونكدي عليه نومتــه ترى هــو عدوه اللي يخرب عليــه نومتــه ...
سالي بمكــر :زين أنك علمتني بروح أنكــد عليه .. بس قبل بأخذ منك وعد ...
سعـــود بملل :وش بعد ...
سالي :تأخذني معك للقصيم للرحت المــره الجايه ..
سعــود :من عيوني اذا زوجك راضي ...
سالي :وهــو شكــو ..؟!
سعــود :سااااااااااالي ..
سالي:اوووف خلاص مع الســلامــه طس نام ...
سعــود بحنيه :سالي زعلتي ..
سالي :لامازعلت ولاحاجـــه اشوفك بكره ..
سعــود :بتصحيــن من الفجر عشـان تشوفيني ..
سالي :ايه ليش لا .. مع الســلامــه ..
اول ماقفلت من سعــود تذكرت كلامه عن ياسـر وأنه مايحــب احد يخرب علـيه نومتـه ...
اسرعت للغــرفه بـــس تحطمــت يوم لقت الســرير فاضـــي شافتــه يطلــع من الحمــام وهـو ينشف وجهه ثم رمــى المنشفـه وفرش سجادتــه وجلس يصلــي ...
خلص صلاتــه وجاء يجلس جنبها على الكنبـه اللي جالسه عليهــا ...
ياســر وهـو يقرصها مع خدها :ليش صاحيــه هالوقت ...؟!
سالي :وأنا أسألك نفس الســؤال ..؟!
ياســـر :كيف تبغين يجيني النــوام وأنا بفارق نــور عينـــي أسبوع ..؟!
سالي (لوتفارقها طــول عمــرك بعـــد زيـــن ):نور عينك من هــذي ...
ياســـر بأبتسـامه :هي تعرف حالها ..؟!.. سالي بتشتاقيلي ...
سالي (ولا فكـــــــرت ):أحتمــال بس موكبيـــر ..
ياســــر :مغروره ..
سالي :من حقـــــــي ..
ياســــر بتنهيده :اكيــد ياحيـاتي من حقك ...وكمل بعد دقايق :سالي أنا رجعت اللي أخذتــه من حســابك ...
سالي بالفرحــه :والله متـــى ..
ياســــر :من أسبــوع ... بس حسك عينك تلعبيــن فيها من وراي ...
سالي :أنا ألعب وش اســوي يعنــي ...
ياســــر :لا أنتي بريئه ماتســوين شـــي ,,, وبجــديه :سالي بالرضاي عليك خليك عاقلـــه بغيابي ...
سالي بنرفزه :اووووه لاتقعد تكلميــن كذا وكأني مراهق بيسافرون أهله عنـه وأبوه جالس يوصيه يصير عاقل ...
ياســر بالضحكـه :حالتك اخس من حالتــه ...
سالي بعصبيــه :ياااااسر ...
ياســــر :ياعيـــونه ...
سالي بالدلع :لاتتريق علــــــي ..
ياســـــر :من عيــوني .. بس أنتي متأكده انك ماتبين تروحيــن بيت أختك وانا غايب ...
سالي اللي مبيته النيـه بالشــر :لا أبغى ابقى هنــا واذا بغيت اروح لبيت أختي السواق مايقصر لاتحاتي ...
ياســــر :سالي ماوصيك أبعــدي عن أمــــي ..
سالي بمكــروعتب مصطنع:ابعد عن عمتــي ليش ياحافظ هذا بدال ماتوصيني أني مأخليها ...
ياســر بالدهشه :ساااالي ...
سالي :افااا عليك ياســــر ولايهمك عمتــي بعيــوني ...
ياســـر :ساااااالي ...
سالي ماتحملت وجلست تضحك :ياســر وش فيك ..؟!
ياســر :أنا اللي وش فينــي اسألي عمرك حبيبتي مأدري وش حسن الأخلاق اللي نازل عليك اليوم ...
سالي :ليه يعنــي حســن أخلاقي فيه شك ..
ياســر :لاحبيبتي مافيــه شك ..
سالي اللي طرأ فبالها الصوره :بس أنت اللي حسن أخلاقك فيها شك ..
ياســـر تفاجاء بهالهجــوم :انااا وليش تقــولين هالكـــلاام ..
سالي :تبــي الصراحــه ..
ياســـر :اكيد أبيها ...
سالي :شفت لك صوره ماتشرف ...
ياســـــــربعصبيه :صوره لي أنا وش صورته وين شفتيهــــا ...
سالي :موأنا اللي شفتها شافتها وحده من بنات عمك وقالت لي ...
ياســـر :وين شافتها ...
سالي :مع بنات تعرفهم بالجامعه ...
ياســر :سالي متأكده أن هذي مووحده من ألعابك ...
سالي بقهر :انا ماعنــدي العاب بس انتي اللي ماودك تعترف أن لك ماضي ...
ياســــر :ماضي ولي انا ... سالي قولي وش فيها الصوره ...
سالي :اهآآ شفت كيف أرتبكت .. بس لاتخاف الصوره عاديــه ولك لحالك .. وغمزت له بوقاحــه ...
ياســــــر بنرفزه :الحمدالله أنا ماعندي هالحركات اللي يصورها لك عقلك المريض ...
سالي:عقلي أنا المريض شوف أنت وين راح تفكيرك يوم قلت صوره ...
ياســــر :أي أنسـان معرض انه يتصور فأي مناسبــه وحتى بدون مايدري وهالصور عرضه للأنتشار وعيال الحرام كثير ...
سالي :والله لو الصوره ذي صورة بنت ماقلت هالكــلام بس أنتوا الرجال تدورون للأعذار للأنفسكم وغيركم تفتحــون عليه أبواب الجحيم ...
ياســـر :البنت المفروض تكــون حريصه على نفسهــا ولاتعرض نفسها لتصوير وفأي مكان ...
سالي :ياســلااااااااااام حلال لكم حرام على غيركم ...
ياســــر بملل :سالي والله سوالف معك ماتنمل بس راسي صدع ...
سالي بقهر :يعني أنا جبتلك الصداع ... أجــل افرح حبيبي أسبوع كامــل بتفتك من صوتي ..
ياســــر :مستحيل أنا كل ساعه بتصل عليك ماتحمــل مأسمع صوتك ...
سالي :شوف من بيرد عليك ...
ياســــــر :سالي ياحيـاتي لاتســوين مشكله من ولاشي ...
سالي :يعني أنا مشكلجيــه طيب وش تبي فينــي لاتكلمني يمكن اتسبب لك فمشكلـه وانت بعيــد ...
ياســــر بالتعب :سالي والله ماودي أروح وأنتي زعلانــه منــي وش دراك يمكـــن ماتشوفينــي بعد هاليله ... قالها ياسر وهو يقــوم يغير ملابســـــــه ...
سالي بالصــوت منخفض ونبرة رجـاء فيــه :ياليت يارب ياعســى هالليلــه تكــــــون اخر ليالي معــه ... >>> قالتها من كل قلبهـــا في الثلث الأخير من الليل حيث ينزل الله لسمــاء الدنيـــــــــا ...
ياســــــر اللي ماسمــع كلامـها سأل بكــل براءه :حبيبتي قلتي شـــــي ...
سالي :لاحبيبي ماقلت شـــــــي ...
ياســــــر (حبيبــي ياحلــــــوها منها متـــى يجي اليـــوم اللي ماتنــادينــي الا فيهــــــــا ) :يارب مايكـــــــون بعيـــد ...
سالي (مجنــون يكلم نفســــــه ياحليلــه لايكــون هذي بدايت نهايتــه اخخخخخ):وش اللي يارب مايكــون بعـيد ...
ياســـر بتنهيده: الفجـــــر ياحبيبتـــــي الفجـــــر ...
وقطــــــع كلامــــــه صوت الاذان ...
وبعــدها بالســاعه كانت سالي واقفــه مع ياســـر وسعـــود فحديقــة بيتهم ...
سعـــود :اخخخخخ ياسكنيـــه سويتيها صدق وعـدتي ووفيتــي ...
سالي ويدها على خصـرها :اكيد حبيبــي وهذي فيها شك ...
ياســـر :ولاماتكــون سالي ..
سعـــود :بس والله أنك لزقـــه خربتــي علي نومتــي وبس ..
سالي :يعني بتفهمني أنك مانمت بعـد ماقفلت منك ...
سعــود :تبين الصدق الا ..
ياســـــر :يالله عاد بتطــولون على هالوقفـــــه ..
سالي :طرده يعنـــي ...
سعـــود :افااا عليك يطــردك وأنا مــوجــود ..
ياســــر عطــى سعــود نظــره انه موراضي على كــلامــه وقال لهم وهو يبتعــد :بالشــوف أخر الترتيبـات سعــود لاتطــول أنتظرك فالسياره ....
ابتعــد عنهم ولف مــره ثانيــه يشــوف سالي وشافها وهي تبكــي وتحضن سعــود اللي كان يضحك وبدون أحســاس منــه رفع الجــوال وصورها ... لأنــه ماكان يشوف غيـــرها بالصــــور وبعيــونه تملىء الوجــود ...
يصعب عليــه فرقاهـــابس يقــولون البعــد يولد الشـــوق هــو مو محتــاج يبعـــد عنها عشــان يشتاق لها لأنــه يشتاق لها فكل لحضـــه من لحضـات حيـاته حتــى وهومعها بس هــــــي اللي تحتــاج لبعــد عنها عشـان يمكــن قلبها الحجـــــر يحس ويشتـــاق ...
بس الحجـــر يبغـــــى لو وقـــت طـــــووويل عشــــــان يحـــس .. صح ياســـــر ..؟!!

--------------------------
ادري المسـافه تمنع العين شوفكم لاهــوبكيفك لاا ولاهـــو بكيفي
وأن جار وقتي وأنت عيت ظروفك يكفي رسايلنا بالأشواق توفي
ابعد حبيبي ظنونك وخوفك عن غيرك من الناس قلبي عزوفي
واشهر حبيبي للعواذل سيوفك ولكل حاسد بأشهــر انا سيوفي
بقضي الليالي اتهجى حروفك اطفي بها ناراً توقد بجوفي
وش .؟! يطفي النيران الاكفـوفك وتشيل هماً ماقوت له كتوفي
مــد سعــود يده وقفل المسجــــــــل :من ركبنــا وانت غاثنا فيهــا ...
عايش الجــو بقـــــوه ...
طالع ياســر بالنظره وصد عنــه ...
سعــود :للحيــن زعلان ..
ياســــــر :وش أزعل لـه بس متضايق شــوي ..
سعـــود :اللحين متضايق وبس نــوصل للعيال فالمخيـــــم بالتنســى كل هالضيقــه ...
ياســـر :والله كل هالطلعــه ماني هاضمها ..
سعــود:بترجعنا لهسالفه مره ثانيــه ...
ياســر :لابس عشــان ماتنســى اني معارض هالرحله وماجيت الاعشـانك ...
سعــود :تسلم لي والله ابوسعـــود ..
ياســــر :ابــوسعــود ميــن ...؟1
سعــــود :انت ومن بيكــون غيرك انا متفق مع أختــي ...
ياســر :ماشاءالله وأنا مالي رأي ...
سعـــود : الرأي الأول والأخيـر لك وبتسميــه سعــود وانت تضحك ...
ياســر :ياعينــي على الثقــه ... جبت السلاحك ...
سعــود :اكيــد ولامالها داعــي كل هالرحله ..
ياســـر:بس وين أنت من زمان عنه خذ حذرك ...
سعـــود بملل :لاتصير لي مثل خــواتي ام ناصر من جهه وسالي من جهه ...
ياســــر :خايفيــن عليك مانبغاك تقضي باقي حيــاتك بالسجــن ...
سعـــود :سجـــن ايش عــوذى منك ...
ياســربالضحكه لجت السياره :ليش شيطان تعوذ منــي ...
سعـــود :الشيطان يتعوذ منك بعـــد .. بعــدين من باقي نت العمــر عشـان نقضيه فالسجــن يأبوالسجــون ...
ياســـر :غير السيره ...
سعــود :اقول شكلنــا طــولنا ومو المفروض نأخذ المخــرج اللي قبل عشـر دقايق ..
ياســر :مأدري عنك أنا مأدل ..
سعــود :ولا أنا خلنــي أدق علــى ناصر ...
ياســــر :لاتدق عليـه دق على نايف ...
سعـــود وهو كاتم ضحكتــه :وليش مأدق على ناصر ..
ياســــر :أذا درى اني معك يمكــن يدلنا علــى طريق يودي لربع الخالي ...
سعـــود فلتت ضحكتــه :والله أنكم ورعان .. خلني أدق عليــه بس ...
سعــود بعـد ماقفل من ناصر :أرجـــع المخرج اللي فاتنــا ..
تأفف ياســر وهو يرجــــــع ...
وبعد ساعــه كانــوا فالمخيـــــــم ...
ياســر أول ماوصلـــوا وبعــد ماسلم علــى الشباب نام وصحــى بعـدها بكم ساعـــــــه على صوت طلق نار ...

نهية الفصل
الجزء الثالث والعشـرون
الفصل الثاني ..


صحــى على صوت طلق من النــار سمــع أصوات صراخهم جااي من بعيـــد طلع بتمهــل من الخيمـه اللي نايم فيهــا وقف على بابها يتمغط وهوللحيــن فيه نوم كانو متجمعيــن فبقعه بعيــده شــوي عن المخيــم ويرمـــون شاف نايف يتسلق جبل قريب منهم وهم يـرمــونه هويصـارخ ويتــوعد فيهــــم وهم صوت ضحكهم مالي الفضاء ...
ضحك علــى نايف اللي مســوي نفسه بطل وهو موقدهــا وراح يمشي لهـــم ويحاول بجــواله يتصل لأن الأبراج فيه ماتوصل ...
أول ماوصل لهم أنتبه على سعــود وبيده سيجــاره لمس جيب ثوبه مالقى البكت حقـــه ...
ياســــــر :أثره أنت يالحــرامي ...
سعــود بالضحكـه :شفته وأغرانـــي ماقدرت أقاوم أخذتـــه ..
ياســر جاء يجلس جنبــه وهمس له :من هوذا اللي مــع سلطــان ...
سعــــود :ماعرفوك الشباب عليــه ..
ياســر :الاقالوا لي خالد بس من وين لاقطينــه مأدري ...
سعــود بالضحكــه :وش لاقطينه هذي أستح على وجهك ...
ياســـر :بتجلس تراقب كلاماتي اللحيــن قلي جاي من طرف مــن ...
سعــود :سلطــان بس كنــه يعرف نايف من زمان والجــو تكهرب أول ماشافــوا بعــض مأدري وش سالفتهم ... بس أنتبــه تراه مطــوع ...
ياســـــر :وليه أنتبــه الحمدالله ماشي عدل ...
سعود :بس أحذرك أخاف تخر قدامــه ..
ياسر بالضيق :سعــود وش فيك اليــوم ...
سعــود :مافيني شي انت اللي وش فيك أذا ماشبعت نوم ارجع نام بس أنتظر بعـد الصلاه ولامطــوعنا بيزعل ...
ياســر عطاه نظـره :اعرف ربي من قبل ماعرف مطوعكم هاللي فرحان فيــه ...
سعــود :روح زين لاتغلط على خلــود ..
ياســــــر بقهر :بتخليني أغلط على الرجال غصب .. متأكد أن السيجاره أخذها مني مومن كان ثانـــي ...
سعــــود :اخخخخ ياني ودي سالي تشــوفني بهالحاله ...
ياســـــر :لاتكفى فكنــا يالرجال ...
سعــــود بالضحكــه وهو يقلدها:خررربت أخـــوي بعدته عنـــي أخذته منـــــــي ...
ياســــر :وكأن أخوها أبوعشر السنين مورجال بالشنباته ...
طلع سعــود صوره من بوكـــه وجلس يطالعها :ياحبي لها يالناس ...
ياســــــر بخبث :لاياشيخ ورنــــــي أشوف من هذي وسحب الصوره منـــــــه ...
ياســـــر بالضحكـــه :يالطيف من هذي ...
سعــود :لاتقــول ماعرفتها ..
ياســـــر :كذاب موهي ...
سعــــود :قسم بالله هي ...
ياســر بفرحـــه :تكفى عطنــي هالصوره بكسر راسهــا فيهــا يووووووه من يصدق أن هذي ساليـــوه المغروره ...
سعــود :وش على بالك من هي صغيره ملاك لاتقطــع الرزق لها صور فضايح ...
ياســـر وعيــونه متعلقه بالصــوره :كم عمرها بهالصوره ...
سعـــــود :تقريباً ثمان سنــوات ...
ياســــر :والله ماني مصدق أن هذي سالي ...
سعــود :صدق صدق .. اخخخخخخ بس لوتشــوفها تنتحـــر ...
ياســــــر :بس تدري بعــد تهبل ...
سعـــود ماهــو مصدق :أم كشه هذي تهبل ...
ياســــــر بيرقع :ايه بس ترى الشوشه اللي مخربتها ولاهي تجنن ..
سعـــود بأستخفاف :اتجنن ايه اتجنن اصلاً انت مجنــونها خلقه ...
ياســر وهي يتصدد بيشوف أذا أحد يسمعهم :انطم لايسمعك أحد من الشباب صدق أنك فضيحـــه ...
سعـــود فجأه سحب سلاحــه اللي كان راكــزه على الشجـره وراه وجلس يصوب على نايف اللي جالس ينزل من الجبل ...
بس ياســر جره من :خبل أنت شايف الوقت مناسب المغرب دخـــل ..
سعـــود ويضحك على نايف اللي شكلــه معصب وهو ينزل بالسـرعه :خلني ألعب فيـــــه ..
ياســــــر :تخوفه ولاتذبحـــــــه ...
سعـــود بالضيق :اووووووووف وأنت كله جدي ... صدق يوم سميتك ياســر الجدي ماغلطت ...
وبهالوقت وصل عنــدهم نايف وكان منشن على راس سعــود بالســلاح اللي معه :قدها أنت ...
ياســــــر :نايف ماتدري أن الشي هذا حرام وخر الســـلاح عن الرجال ..
نايف بعصبيــه :واللي سواه في مـــو حرام ...
سعـــود كان ميت من الضحك على شكــل نايف اللي معصب لدرجــة انه طاح على ظهره من الضحك ...
ياســــر :لاحـــول تراكم تبدونه مزح وتنقلب جد نايف تعوذ من
الشيطـــان ...
انهــى هالجدل ناصر اللي سحب الســلااح من نايف :خبل انت بالتذبح خالي وبالســـلاحـــي ...
وراح عنهم جهت المخيـــم لأنهم كانوا متجمعيــن للصــلاه ...
ولحقـهم ياســــر ووراه سعـــود ونايف اللي جالسين يتهــاوشون ...
-------------------------
نزلت تحت وكانت كاشخه على الأخيـــر والخدامــه ورها شايلــه شنطتها وباقي أغراضهــا ...
سمعت أوصواتهم جايــه من برى متجمعيــن فالحديقــــه .. ودها تروح تبث سمــومها عليهم بس حرام تخرب مزاجها بشوافتهم لاحقه عليهم لارجــع زوجها المــصون واللحيــن المفروض تستغل غيبتــــه وتأخذ حريتها على الأخيـــر ...
طلعت من الباب الخلفي وهي تقــول :افرحي يافطــوم اعتقتك اليوم لوجــه الله ...
ركبت مع سـواق بيت أختها اللي وصلها لبيتهم ...
دخلت عليهم شافتهم جالسين بالحديقه..
سالي :وععععععع وش مجلسكم فذ الحـــر ...
وهج :حرررر وبس اخخخ هلاك ...
سالي بالشك :لاتقـــولون لعبتوا من دوني ...
جنــى اللي تلهث من التعب :أنتظرناك لين ملينــا ..
سالي :الساعه كم بتبدأ المبــاره ...
سامي بالســـرعه :لامستحيل شكلها بدت ...
سالي :اوووووه هو ماي قاد .. وراحت تركض للداخــل البيت ...
سامي اللي يركض وراها :مهزووووميــن مهزوووميـــن ..
سالي وهي تفتح التلفزيون على أي قناه بينقلونها ...
سامــي :مأدري أنتي شوفي ...
سالي تنهدت :آآآآه الحمدالله مابدت ...
جنــى توها تدخل من الباب :كم النتيجـــه ..
سالي :ياخبله المباره للحيــن مابدت ...
جنـى باراحه:الحمدالله ..
وهج :لهدرجــه صدق أنكم مرجــوجيـن ..
سالي :انطمــي زيـن خلينا نتابع ..
وهج :توك تقولين المباره مابدت ..
سالي :ايه خلاص اللحيـن بتبدأ مأدري الغبي هذا وش ينتظر مايصفر ...
عادل بتطنز :يحتري ياخذ الاذن منك ...
سامـــي :اووووووووووووف ..
جنــى :وش فيك ..
سامي :ماتشــوفين المعلق ميــن ...
جنــى :الحمدالله وشكــر وهم ماعنـدهم غيره منتخب النصـــر ...
سالي :بالعكس المعلق هذا رهيب ..
سامي :ايه لأنه نصراوي نقــولك منتخب النصــر ..
وهج :اللحيــن مالقيتوا الا المعلق تهاوشــون عليــــه صدق خبال ...
سالي :اخخخخخخخ شوفوا التيــس ضيعها فيه أحد يضيع هذي ..
جنــى :راحمكم ياحـــول والله لو كل فرصه بيسددها انهزمتـوا تاريخيـــه ...
سالي :روحــي زين أتحداه لويجيب قول واحد بس اللحين تشــوفون سعد وش بيســـوي ...
جنـــى بالضحــه :يخســى الاهــــو زين لوعرف طريق المرمــى ويــن ...
عادل :سمعتوا أخرنكتـــه فيه سودانــــــي بس يتابع مباريات النصـــر .. ليـــه ..
جنــى اللي ماتعرف النكتـــه :ليه ..؟!
سامي :لأنــه مايقول فيها قوووووول ... هههههههههههههههههههههههههههههههههههههههههههههههههه ه
جنــى :ههههههههههههههههههههههههههههههههههههههههههههههههه ههههههههههههههههه...
سالي :سخيفه ماتضحك مثل وجه اللي قايلهـــا ...
جنــى بالصراخ :لااااااا ياســررر لاااااااااااااا ...
سالي بأستهبال تصدد حــولها :وينــه ياسر وينـــــه ...؟!
سامي :اخخخخخخ قهر ضاعت ...
جنــى بهمس لسالي :وأنا اقووول ليش كارهــته وتقولين عنه تيــس اثره عشــان اللي خبري خبـــرك ...
سالي :انقلعي عن وجهي حنا اللحين أعداء بعديــن على كرهي للي بالتلفزيــون أرحم من اللي عنــــــدي ...
جنــى والأبتسامه من الاذن للأذن :بهذي صدقتـــــــي ...
سالي بخبث :والناس خشـــــومهم طــوال وين راحـــوا ...
جنــى :تصدقين حتــى هم يشجعــون الهـــلال ..
سالي بتطنز:يافرحة أمــه فيــه ..
جنى باحباط :ياشينك لاتذكرينـــي بأمـــه ..
سالي :المفروض هالشي مايروح عن بالك ...
جنـــى بالصرخــه :لاااااااااااااااااااااااااااا ..اووووف عمى ماتشوف المرمى وش كبره قدماك ..
عادل :هالأجنبي شكله حــول ...
سامــي :هذي مايختلف فيها اثنيــن ...
سالي :وعععععع مالت عليهم مو كفايه موحلــو بعد حــول ..
عادل :ومن قال نبيــه حلو نبيه لعيب ..
سالي :اخخخخخخ وأنا شكــو فيكو أنا ابيه حلــو ..
جنــى بالصوت واطـي :يعني توقعيــن امه تأثر عليه ...
سالي :هذا شـي أكيد بس فكــري فيها زيـن وتلقين كلامــي صح يعنـي من زين سواياك معها عشـان تزوجك لو لدها ...
جنــى :كله بركاتك بعديـن انا بنت أخوها هذا مايكفــي ...
سالي بقهر :لامايكفي خبلــه أنتي اصلاً هي ماتواطنكم خلقه ...
جنــى بأحباط :طيب وش أسوي ...
سالي :أنتي ماتسوين شي هو اللي يســوي ...
جنــى :واذا ماسوى ...
سالي :عيال خالك على قفى من يشيل طيب وتنقــي ...
جنــى :خااااااالتي ...
سالي :انطمي بس أنتي وش عرفك بمصلحتك ..
جنــى :يعني لازم يزوجوني واحد غصب عشــان أعرف مصلحتـي ...
سالي :انا مأدري وش معجلك على هالزواج اللي يشوفك متلهف عليــه يقول كلها شهرين وتعنـــس ...
جنــى بخوف :الله لايقوله وش اعنس هذي بعــد وأنا توني مادخلت العشرين ...
سالي :علينـــا ...
جنــى :اقسمك بالله ..
سالي :صدقتك بدون ماتحلفين ...
جنــــــى بالصرخــــه :قووووووووووووووووووووووول ....
سالي :لاااااااااا مستحيلللللللل ...
سامي :صدقي أولاتصدق ...
سالي بقهر :جب زين اصلاً الهدف تسلل ...
جنــى بالطنازه :الحكم ماعطانا ضربت جزاء .. الحكم المفروض يطرد لاعبين من فريقكم ... اصحي ياماما ترى الحكم أجنبي يعني مافيكم تحطــون عليه دوري شماعه غيرها ...
سالي :من زينكم انتوا ولعبكم اصلاً الهدف خطأ من الدفاع ...
جنـــى :ايه ايه مالقوا فالورد عيبه قالوا ليه خدوده حمــراء ...
سالي بقهر :على الفكر ه باقي شوط ثاني لاتفرحيــن كثير ...
جنــى :اكيد ماراح أفرح كثير لأنه باقي أهداف أكثر وأفراح أكثر ...

بعد نهاية المبــاراه ....
سالي بالسرعه تلبس عبـاتها :يالله امشوا ولابتجلسون بعــد..
جنــى كاتمه ضحكتها :يعنــي بتســوين عمرك مو زعلانــه ...
سالي :وليه أزعل واذا أنتي فرحانه وماتبين تجين معنا لسوق خوذي راحتك حبيبتــي ....
جنــى :يالله عن النذاله عاد جايه معكم جايــه ...
وبعــد اربع ساعات رجعــوا من السوق محملين بالأكياس ...
وهج وهي ترمــي الأكياس اللي معها على السرير :سالي قسم بالله انك مو صاحيــه اووووووف بس لوتشـوفك أمــي ...
سالي :خيبه ياويلك ان علمتيــها.. جنــى ياحبيلك الأغراض اللي معك أحتفظي فيهم عنــدك مالهم مكان هنا ...
جنــى وهي تطالع بالأكياس اللي معها :ان شاءالله بس لايكــون فيها شي من مجوهراتك ...
سالي :متخافيش المجــوهرات معي اللي معك كلها ملابس ...
جنــى وهي تطلـع :ملابس وياهي ملابس ...
وهج :استخفت البنت ,, بس معها حق ...
سالي :صدق أنكم مخبل ترى اللي شفتوا تو مو شي قدام اللي بسويه بالأيام الجايه ,, ابغى يسور لارجـــع تجيه سكته جلطه من اللي بسويه ....
وهج :وهو ليش يزعل الفلوس فلوسك وأنتي اللي بتندميــن بعديــن ...
سالي :الا هالشي صدقيني ماراح اندم عليه ...
وهج بنبره تعور القلب :أشتقت له ...
سالي رمت نفسها على السرير :رجعنا على طير يلي ... موقلنا لك اللي نساك أنســاه ...
وهج :حاولت بس مأقدرت طول الوقت بس افكــر فيه وبأخر لقى جمعنا ....
سالي :يوم ماكلمك ولاعبرك ولاحتــى اهتم لوجودك ...
وهج :الا اهتم والله أهتم شفت الأهتمــام بنظراتـه ...
سالي :ماشاءالله تطورنا وصرنا نعرف لنظـرات العيــون شكلك تسمعيــن لمحمد عبده كثير ...
وهج :خااااالتــــــي ...
سالي :تخلخلت أعظامك وش فيك اليوم أنتي وأختك طيحـاتي لي بهالنغمــه خاااالتي ...
جنـى اللي توها خاشــه :قلنا نحترمك شوي بس شكلك مووجـه أحترام ..
وهج :وأنا أشهــد ...
سالي :لاااااااا أنا أشيل قشي ورجع لبيت فطـوم أبركلي من الجلسه معكم ...
وهج وجنـــــي بالصوت واحد :لااااااااااااااا...
---------------------------------
ياســر وسعـــود شابين لهم نار وجالسين بعيد شوي عن المخيم عشـان الناس النايمــه ...
ياســر وهو يشغل سيجارته من لهب النار :وش فيك من جلسنا ساكت ...
سعود :ماعندي شي أقوله ...
ياســر :طيب ورى مانمت مثل الباقييــن ...
سعـــود بالضحكـة أستخفاف :ماجانــي نوووم ولاكأنــي أمس مثل هالوقت متلهف على النــوم لدرجــة أني أبي أفتك من سالي ودزيتها عليك ...
ياســـــر :طيب مافيها شي أمس غير اليوم والشي اللي تبيه أمس يختلف عن الشي اللي تبيـه اليوم ..
سعـــود:ياســـر أنا فيني ضيقه مو طبيعـــه ...
ياســر بخــوف :تعبـان ...
سعــود :لاياليت فيني شي مو قادر أوصفــــه .. وقام يمشــي بعيــد عنــه ...
ياســر ماحب يلحقــه قال خلــه على راحتــه بس قبل مايبلع الظــلام خياله نادى عليــه :سعــود أنتبــــه على نفسك ..
سعـود كان بحاله مو طبيعيـــه يحس رغم كل هالفضاء الواسع أنه مكتـــوم وكأنه بغرفه صغيره ومقفل عليه .. وده يتنفس أكثر وأكثر وده يسحب كل الأكسجين اللي بهالمكــان عشـان يحس أنه يتنفس يحس أنه للحيــن عايش ... آآآآآآه ياقســواة هالشعــورتحس أنك عايش وبالنفس الوقــت أنك بحفره ضيقه مكتــومه تسمــى قبررر ...
مشـــى ومشـــى لين حــس أنه ابتعــد كثير ومرر وقت طــويل على تركــه ياســـر رجــع من مع نفس الطريق اللي جاء معــه وفعلاً كان الطريق طــويل وأول ماوصل هناك شاف ياســر على نفس جلسته والنار صارت رمــاد وخالد صاحــي ويأذن لصلاة الفجـــــــرر ...
بعد الصــلاه محــد فكر ينــام كلهم قرروا يجلسون بس ياســر اللي دخل ينـام بعد ماسأل سعــود :سعــود كيفك اللحيــن ...
سعـــود ماحب يتعب معه فقال :الحمدالله مافيه شي زي الحديد ...
ياســر :متأكــد ...
نايف جلس يعلق عليهم وياســر كعادته ماعطـاه وجــه بس سعــود اللي وقف له بالبلعــوم ..
نايف :سعود أنت اللي بتســوي الفطــور ..
سعــود :لاحبيبي وأنت وش شغلتك أصغر القوم خادمهم ...
نايف :هى هى من ويــن جايب هالمثل ...
سعــود :يالله قوم مافيــه مفر ...
نايف :أستهال أناجبتها لنفسي ...
ناصـــــر :نايف شكلك تبينـا نصوم ...
نايف :لاخلاص هذا أنا قايم بس لتعــودونها ...
سعــود :ولايهمك ماراح يطبخ لنا غيرك ...
بعــد شوي ناداهم نايف من بعيــد :كيف تحبــون السكــر ...
سعــود :ايه نااايف لاتكثره أعرفك نذل ...
نايف :ولايهمك بحط كل السكــر اللي معنا ...
سعــود :ناصر تكفى قم شفــه تراه خبل يقاله بيقهرنــي يلعب بسكــرنا ....
سلطــان :وأنت ماتعيش من غير سكــر ..
سعــود :لاهذا عــديل الروح ...
مر الوقت عليهــم بالســــرعه بعــد ماصلوا الجمــعه دخــل سعـــــود ينــام وصحــى بعــدها لصلاة العصـــر والضيقــه اللي فيـــــه زادت أضعاف ... ياســر شايف أنه مو على بعضـه وحاس فيـــه بس مايدري وش المفروض يسوي عشــان يخفف عنــــه ..
كان جالس مع باقي الشباب وكل تفكيــر بالسعـــود اللي معتزلهم وجالس لحــاله ماقدر يشوف كذا قام وجلس معــــــه ...
ناصر كان جالس مع سعــود حاس أن فيه شي موطبيعي جالس يصير بين سعــود وياســـــر شاف سعـــود كيف كان جالس لحــاله ومتكــدر وياســـر اللي جالس معـــه وكلهم ساكتيـــن بعد شــوي أحتد الكــلام بينهم وقام سعــود وطلع من المجلس وبقى ياســر جالس لحاله دقايق بس وأخذ ســلاح سعـــود ولحقـــه ...
ناصــر :هاه وش كنت تقــول ..
سلطــان :اقولك سعــود شكلـه اليوم موعلـى بعضــه ...
ناصــر :يعني موبس انا اللي منتبـــــه حتى أنت أنتبهت له ..
سلطــان :احس الكـــل منتبه وساكــت ...
ناصــر :الله يكـــ ................
وأنقطــع كلامــه يوم سمــع صوت طلق النــار وصرخــة سعـــووود ...
سعـــود بصوت ملى الفضاء :لاااااااااااااااااااااااااااااااا ياســـر ...

طلعــوا يركضـــون صوت طلق النــار والصرخــه اللي صاحبتــه طيرت عقــولهم وش اللي صار بين ياسر وسعـــود ...
أول من وصــل ناصـــــر وشاف المشهــد قدامــه ...
سعـــــود ممــد على الأرض وغرقان بالدمـــه ويده على قلبــه اللي ينزف ...
وياســـرجالس على ركبــــه قدامــه بخمس خطـــوات تقريباً ومعه ســلاح سعــود اللي مصــوب عليـــــه وشكلــه ضايع مصدوم ماهــو مستوعب اللي ســواه ...؟!
سلطــان قرب من سعــود بيشوف أصابتـــه بس سعــود منــعه يقرب منه ومد يده لياســر اللي للحيــن جالس مكـانه :ياس....ر تع..ال ....
بس ياسر ظل بمكــانه ماتزحزح وعيــونه تايهه بيــن السـلاح اللي بيده وسعــود اللي غرقان فالدمـــه ..
ناصــر بعدم تصديق :ياســـر.. ليش ..كيف.. مستحيل.. كيف ..طاوعك قلبك ...
خالد :لاحول ولاقوة الا بالله يالشباب بدال مأنتوا جالسين كذا شيلوه نوديه للمستشفى بالســرعه ..
قربوا نايف وسلطـان بيشلونـــه .. بس سعــود منعهم يوم قال :لاا أن...ا كن.ت عار..ف ح...اس الل..حين بالر ..ت..اح .. ..
واخذ نفس طــويل بعدها قال جمله وحده مكتملــه :ياسر مأوصيك على أختــي ياياســــر ....
خالد يوم شاف حالة سعــود والكـــلام اللي جالس يقـــوله حس انه فعلاً يحتضــر بعــدهم عنـــه وجلس فوق راســه :سعـــود قول لأله الا الله تشهــد ياســعود ...
سعــود :..............
خالد وهو يبكـــي :سعـــود قول لأله الا الله ... تشهــد ياسعــود تشهــد ..سعــود انت تسمعنــــي ...
بعــد مجهــــــود كبير تمتم سعــود بالشهــــاده ..
و....................
فزت من نومهــــا بالصــرخه :لاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااا
وهج :سالي وش فيك بسم الله عليك ياعمــري أصحــي تعرفين الوقت هذا مو زين للنـــووم ...
بس سالي ماكنت تسمــع كلامـها كانت للحيــن عايشه أحداث الحلم اللي ياما وياما أرق نومهــا بس اليوم شافتــه وكأنه حقيقـــه :سعــود آآآه سعــود ..
وهج :سالي اصحـي هذا حلم تعوذي من الشيطــان ..
سالي وهي تبكــي :ليه احس أنه حقيقــه بكــلم سعـود لازم أكلمه ..
وهج :ماتقدرين حاولنـا نكلم ناصر قبلك ماقدرنا ...
سالي :احس قلبي قابضنــي وهج أنا خايفه والله خايفــه .. حاسه شي بيصير بيزلزل كيانــي ..
وهج :ياحبيبتــي موصاير شي ادعي لهم يرجعـون بالســلامـه وأمشي ننزل تحـت ...
سالي رجعت تبكــي :موقادررره والله موقادرره اللي أحس فيه موطبيعـــي...
بس وهج ماسكت عنها حنت عليها لين نزلت معها تحـت وكأن الجمعه بتخفف عنها بس كل هذا مأبعد الخــوف عن قلب سالي ...
بعد صلاة العشــاء بالسـاعه وهم للحيــن على جلستهم دخل عليهم ناصر وثوبــه كله دم .......
سالي أول ماشافتــه صرخـت صرخــه هزت اركــان البيت.. الكـل يحسب ناصــر اللي مصاب بس هي اللي عارفه سعـــود مات قلبها كان حاس ...
ناصــر وهو يبعــد امـه اللي جت تطمـن عليــه :مودمـــــي دم سعــــود ... وبالصرخــة قهــر :قتله الحقيــررر قتل صديق عمرررررررررررررررره كيف طاوعه قلبه كيف ...
سالي بهاللحظــه كان مغمــى عليهــا ماسمعـت كلامــــــه ...
ياســــــــر قتـل سعــــــود وأنتشـر الخبـــر بين النـــــاس ...
الصديق قتل صديقـــه خطأ أو عمــــد محـــد عارف اللي يقـــدر يوضح كل هــذاشخص واحـــد وهالشخص موداري باللي حــوله للحيـن تحت تأثير الصدمــــه سعــــــود مات هذا كل اللي يعرفه ويردده ...
بس كل الأدله ضده والمشهــد اللي شافوه اللي كانوا معهم كله ماهو بمصلحــة ياســــر ...
أهل سعــود يوم جاهم الخبـــــر جن جنـــونهم ويطالبون بالقصاص من ياســـــــر اللي ذبح ولدهم ...
واهل ياســــــر يدفعــون دم قلوبهـــم بس ياســــــر يطلــــــــع منهــا..
ياســـــــر صامـــــــــت ...
شفتــــــــوا كيف آآآآه يالزمن اللحيــن اهـــل سعـــود اللي عمــرهم مأهتمـــوا فيه ولا سألوا وين أراضيه يوم مات جــاو يطالبــون بالقصاص ودم ولدهم مايضيع هـــدر ...
وأهل ياســـر اللي طــول عمـــرهم وعيـــونهم لولدهم وعمـــرهم ماقصــروا عليهم ولدهم بيـــذبح وماهم قادريـــن يمنعـــون المـــوت عنـــــــه رغم كل المــال والنفــوذ اللي عنـــدهم ...
وياســر اللي ياما ظلـــم سجـــن ناس وقطــع ارزاق ناس وشــردهم اللحيــن مسجــــون وتحت رحمــة رب العالميــن وحتــى الكــلام اللي يمكـــــــن يطلعه من كل هذا مأنطقــه ...
سالي اللي كانت من أيام وشهـــور وقلبها حاس بهالفجيعــه قبل اوانــها
كان سعـــود عنــدها بالدنيــا كلهــا ماتحب انسـان كثره حتـى اكثر من أبوه وأمهـــا وياســـــــر ماعمــرها كرهت أنســان كثره وقتل أخــوها حبيب قلبها وتوأم روحهــا بكل عنجهيته وظلمـــه ورغم احتقارها له الا هالشي ماتوقعتــــــــه منــه فجتها الصدمــه صدمتيـــــن ...
بأخــر ايام العزاء جاتهم فاطمــه وهي تصيح وتنــــوح :اعتقــوا ولدي أعتقـــوه لوجــه الله حرام عليكم ولدي مستحيل يقتـــل ...
أم ناصر كنت تبكــي وهي تحاول تهــديهــا صح اللي أنقتل أخــوها بس حرام يروح شخــص ثاني وبعـز شبابه وخصوصاً أنه ولد عم عيالها وزوج أختها اللي أول المطالبين بقصاصه :بس يافاطمــه أهدي اللي يخليك ماحنـا ناقصين ...
سالي اللي كانت داخــل بس طلعت للحريم يوم سمـعت صوت فاطمــه بقوه :لا ليش تهدأ خليها تصيح ولدها من اللحيــن حتــى من قبل مايقص وبتبقيــن تبكينـــــه عمرك كله وأنتي تدريــن أنه كان ممكــن مايمـــوت بس حنا مستحيل نسكت عن حق السعــود اللي قتلــه ولدك المجـرررررررم ...
أم ناصر بالصراخ:بس ياسالي بس ...
أم حمــد (مرت أبوها)وهي تجرها تدخليها عن الحريم :حسبي الله عليك من مــره هذا زوجـك فضحتينا بالناس الله يفضحك ...
سالي :هذا اللي هامك فضحيتك ماهمك سعـــود اللي أنقتل ... وصابتها حاله هستريه وجلست تبكــي وتصارخ لين جــوها البنـات ودخلــوها وجاتها الممــرضه اللي جالسه معها فالبيت لأن حالتها النفسيه سيئه وعطتهــا أبـــره نومتها بالراحــه بعيــد عن كل هالصخــب ...




نهـاية الجزء




الجزء الرابع والعشـرون
الفصل الأول
(عيونك آخر آمالي وليلي أطول من اليــم...كيف ألقى كلامٍ عذب يوصف دافي إحساســي...عشقتك قبل ما أشوفك وشفتك صرتي كل الحلم...أبي رمشك يغطيني وأبيك اقرب من أنفاسي...يهمك تعرفي انك قتلتي في سنيني الهـــــم...قتلني ضحكك وجدك قتلني لينك القاســــي...سألتك بالذي زانك تحبي فيني حتى الظلم...تحبي عيوبي وغدري تحبي المر في كاســــي...أنا من كثر ما احبك أبيك كثر رمل اليــــم...وأبيك فوق الناس وأبي ما ينحني راســك)


مــرت أيام العــزاء بالســرعه والأيــام من بعــدها ,,أكثر من تأثر بمــوت سعــود عيلــة أبوناصـــر اللي ضمــوه بينهم بحيــاته الأخيـــره وكان فرد منهـــم كان صديق الجميـع صغيــر وكبيــــــر من هديل ألــي ناصـــر مــوته صدمـه لهم كيف بين يــوم وليله يخطفه المــوت من بينهم بدون أمــل فالرجعتـــه والأمــر والأدهــي أنه مقتـــول ...
كانت جالسه بغرفتــه على سريره وضام صورته لصدرها وتبكــــي .. دخلت عليها وهي اللي تدورعليهـا من مده مع أنه المــفروض هذا أول مكــان تفكـر تلقـاها فيــه ...
وهج:انتي هنـا وأنا قالبــه الدنيـا أدور عليك ...
مالقت أي استجـابه من سالي على كــلامهـا ...
وهج :سالي حبيبتي تعالي معــي أطلعي من هنــا ...
سالي بأنفعال :وهج أطلعي بررررى ...
وهج :ماني بطالعه والا متــي بالنسكـت لك يعنــي اللي تسوينــه بنفسك حرام والله حــرام ....
سالي بقهـــر :واللي صار بالسعــود موحــرااااااام وقولي لي موحــرااام ينقتــــل ...
وهج :وليش حــرام خلاص هذا نصيبـــه من الدنيــا كلنا بيجينا يوم بنمــوت فيــه ...
سالي لاتخلينــي حزنك على سعــود يدخلك فالمحظــور هذا اعتراض على القدر ...
سالي وتهجد صوتها من البكـاء :أنا مأعترض على القدر أنا أبي حق السعــــود ابيهم يقتلــون اللي قتلـــــــــه ... أقتله ياوهج اقتله واحرق قلبــــي عليـــــه .... ليش موهــو اللي مات ياليتــه هو اللي مات وسعـــود يعيش ياليت ياليت ....>> وراح صوتهـــا فالبكــــاء .....
وهج تبكــــي معها :بس خلاااص الكــلام اللي تقــولينه مايجـــوز لاتقولين ليـــــت اللي راح راح عمـــره مايرجــــــع ...
سالي :شفتـــــي وتقــولين لاتبكيـــنه الا بأبكيــه والا أخــــــر يوم بعمـري سعـــود خلاص مابيرجــع وش فايدة حيــاتي ...
وهج :استغفر الله العظيم ...
سالي بالصراخ :اطلعي بررررررررى أنتي وش تبيــن عنــدي مابيكم خلوني بحــالي ورجعــولي سعـــود .. سعــود هو اللي فاهمنــي هو اللي يحبنــي هو اللي يببنــــي ياليتنــي مت معه ... وجلست تصفق نفسهــا وتجـــر شعــرها من القهـــر اللي تحــس فيــــــه وصوت صراخها وصياحها يصم الأذان ......
بقت وهج فمكــانها تطالع بحالتهــا وماهي قادره تســوي لها شــي لين جاء ناصـــــر وطلعها من عنــدها بالغصب ...
وهج من بين دموعها:حرااام ليش تسـوي بنفسهـا كذا وهي عارفه أن كل هذا مايفيدها ..
ناصر بألم :خلااص وهج اتركيهـا بحالها موهذا اللي تبيـه ..
وهج :بس هي كذا تعذب نفسهـــا بدون فايده خالي من مات له شهـــــر وهي للحيـن هذي حالهــا...
ناصــر :مثل ماقلت لك أبعدي عنها بس راقبيهـا من بعيـــد عشان ماتســوي بعمــرها شـــي ..
وهج غطت وجها بيديها وجلست تبكـــي :مأقدر أشوفها كذا وأسكت والله مأقدر ...
ناصــــر بقهر وطالعه من قلبه :حسبي الله على اللي كان السبب ...
طلعت من غرفتهـــا يوم شافتهم على هالحــاله رجعت تدخل غرفتهــا ماتحــب تشـوفهم بالحال ماتحب تشــوف سالي وهي ضعيفـــه أتصلت على أبتهــال اللي ماطــولت الا وردت عليـها ..
أبتهال :اللووو ياهــــــلا ...
جنــي بالطفش :ســـلاام وش أخبـارك ..؟!
أبتهــال :تمام أخبـارك انتي ..
جنــى :زفت ..
أبتهال بأستغراب :وراه ياحافظ ..؟!
جنـــى :خالتــي يأبتهــال حالتهــا كل مالها تردى ..
أبتهــال :لاحــول ولاقوة الا بالله .. الله يعينهـا شكــلها مره كانت متعلقه فيــــــه ..
جنــى ودمـوعها بدت تنزل :بشكــل ماتوقعينــه اصلاً هو يخلي الواحد غصب يتعلق فيــه كان طيب حبــوب فرفوشـــي ..يارب ماودي أتذكـــــــره ... حسبي الله على اللي كان السبب ...
أبتهــــال :حرام عليك جنــى ترى هــو بعد ماهــو من زيـن حالتـــــه ..
جنـــــى :احسن يستاهل ياعســاه من هالحـال وأردى .... أنا مأدري كيف قوى قلبه يقتل صديقـــــه ...
أبتهال :وأنتي مصدقــه أحس فيه شي خطأ والله لو اشوف ياســر يقتل قدامــي مأصدق ...
جنـــى :وليش مأصدق أصلاً طـول عمــره حقير ياما قالت عنـه خالتي بلاوي بس حنا ماصدقنـاها ..
ابتهال :جنــى الله يخليك أتركــي الرجال فحاله موناقصك ...
جنــى :من قهــررري يأبتهــال أشوف الحزن بعيـــون أهلي وهو السبب ...
ابتهــال :حزنكم عشـان خالك مات طيب لو أنه موته كان طبيعــي مو مقتــول زي متقــولون بتكــون هذي ردت فعلكم ... ولالو أن ياســـر متهم بقتل شخص ثانــــــي بيكــون هذا كلامك عنــه ولابتدافعيــن عنــــه والله أنكم غريبيــن ...
جنـــى :بس خالي مات مقتـــــــول وياســر اللي قتلــه وكل كلامك مايغير شــي من هالواقعــــــه غصب عنــي يأبتهال أكــره مأقدر أتصــور فيه أنســان بحقــارته توصل فيه المــواصيل انه يقتـــل ومــين أعز اصدقائــه ..
أبتهــال :يعنــي بتنتهــي كل مكالمتنـا على هالسالفــــــه ...
جنــى :اسفــــه نكدت عليك وأنتي مالك ذنب ..
ابتهال :افااا عليك ليه تقـولين هالكــلام حرام عليك يعنــي مانتي معتبرتني من الأهـــل ...
جنــى بالضحكــــه :لااا ماني مأعتبرتك من الأهـــل شكلك متلهفـه تكــوني منهم ..
ابتهال بأحراج :وجععععععععع ..
جنـــــى :ههههههههه ياحليلك أنحرجتـــــــي .. الا ماقلتي لي وش أخبـارك وأخبار الأهــل كلهم ..
أبتهال تقلد صوتها بالتريقــه :الا ماقلتي لي وش أخبارك واخبار الاهل كلهم .. توك تسألين عن أخبــاري وأخبـــــــار الا هل كلهــم ..>> وشددت على الكلمتين الاخيرات ..
جنــى :هذي جزاتي اللي أسأل عن اخبارك وأخبار أهلك ...
أبتهال:أخبـار مين من الأهل تبين ..؟!
جنــى :كلهم ..؟!
أبتهـــــال :طيب كلهم بخير ويسلمــون عليك وموناقصهم غير شوفتك ...
جنــى :الله يسلمك ياعمـــــري ..
أبتهال :ياقواة وجهــك ياشيخـــــه ..
........................

وهج بعــد اآخــر موقف لها مع سالي وناصــر راحت تكلم سلطــان اللي ماعاد لها غيـــره بعد ماملى بيتهم الحزن سلطــان رجـع مثل أول هي ماتدري سبب هالتغيــر وماتبي تدري كل اللي تعرفـــــه أن سلطـان رجع لحيـاتها فجأه بعد مــوت سعــود وبدت رجعتــه يوم اتصل يعزيهــا وبعدها أتصلت عليــه يوم أتعبت نفسيتهــا من حالة سالي وتوالت الأتصــالات ...
وهج :تعبت والله خلاص تعبت موقادره احتمــل اكثر ..
سلطـان :لاحبيبـتي أنتي لازم تكـونيـن قويــه وأتحملـين ولا أهلك من بيساندهم ..
وهج :ليه أنا بالذات حرام والله مأقدر كلاً منطــوي على نفســه والبيت صاير موحش ولامقبــره حتـــــى هديل الصغيره ماتطلــع من غرفتهـــا ...
سلطــان بالصبر :وهج هدي أشوي وسمعينــي ...
وهج وهي تبكــي :مأقدر.. مأعرف.. ولا أبـي اسوي شــي ...
سلطــان :الا تقـدرين ولازم تســاعديـن أهلك عشـان يتجـاوزن هالمـرحلـه أنتي ماتبغيــن حياتكم ترجــع مثل قبـــل ...
وهج :ابغــى بس مأقدر أسوي شــــــي ...
سلطــان :الا تقــدرين وأنا أقولك وش تســـوين .....
------------------------------
ياســر :وش فيك جالس لحـالك …
سعــود :لانــي أبي أجلس لحالي ياسـر وخر عنــي …
ياسـر :ليه جالس فوق راسك …
سعــود :اوووووف ياســر تراك مره رايق وخرعنــي لمصلحتك ..
ياســر :اوف اوف لهدرجــه عاد ..
سعــود :اناطالع بس أحذرك تلحقنـــي …
جلس ياسـربمكـانه دقايق بعدها أخذ الســلاح ولحقــه كيف تركه يطلــع لحـاله أدري اللحيــن بيستانس لو شاف الســلاحه وتصـويب فيـه بريحيـــــه …
كان جالس بعيـــد مررره أمداه يمشــي كل هالمسـافــه …مشــى له لين وقف وراه :سعــووود ….
مسك راسه بيـــــن يديـه وهويصــرخ :لأااااااا ليش رحت له ليــش هو حذرنـــي ليش لحقتـــــــه… أنا اللي ذبحتــــه انا السبب أنا ياليتنـــــــي ماطلعت وراه … كنت بســاعده تسببت بقتلـــــــه … وبدأ يضرب راســه بالجدار اللي وراه لين صار الألم لايحتمل وتوقف دفق ذكـــــريات … من مات سعــــود لا ليلــه ليل ولانهـاره نهـــــار عايش بالذكــرياته معــه لين آخــرموقف صــار اللي يخليــه مثل المجنــون ماهـو متحمــل يتذكــر اللي صـار ولاقادر يشيل المــوقف من راســــــه ….
اللي يشــوف ياسر مايعرفه بالشهــر واحد بس يصيبــه كل هالتغيـــــر والمصيبــه أن كل هذا مو بمصلـحتــه لأنه متهـــــم وكل الأدله ضده الموقف اللي كان عليــه وحكـاه الشهـــود يدينـــــه وهو ماهـو متكلم عشـان ينفــي هالتهمــــه عنــه ويقـول اذا كان متعمــد هالقتـل أوكان خاطــيء.. واللي يزيد الطيـن بله ويخليـــه متعمد القتــل أنه أخذ الســلاح ولحق السعــود اللي كان طالعه قبله بالدقايق يعنـــي مبيت النيـــــه ولاشلـــون ..؟!
أهله حاولو فيه يبغونــــــه ينطق ينفي التهم عنــه يقول كيف صار الحــادث بس هــــو ماعنـــده غير أن سعـــود مــا مـات بس لاغيـــر أثبتت عليـــــه التهمـــه يعنــــــــي مابقى الا أن اهل سعــود يتنازلون وهذا اللي مستحيل يصيــر خصوصاً أن أبو سعـــود بعد مــوته حس قد ايش مقصر فحقــــه يجــي اللحيــن ويضيع حقه بعـد مامات وأهله كلهم أخــوانه وجمــاعته محد يبي أبو سعـــــود يتنازل عن حقــــــه رغم المـبالغ الخيـاليه اللي عرضها أبوياســــر ديـــــه بس ولده يطلــع منهـــــا ...
يعنــــــي موكفـايه واحد ضــاع بعــز شبـابه والسبب مجهــول بيضيعــون الثانــي بعنجهيتهم ومبادئهم وتخــريفاتهم اللي مايعرفون فيهــا حق الواحد عليهــم الا بعــد مايمــوت ولا وينكم عــن سعـــود من زمــان ياســـــر هو اللي طــول عمــره معــــه واللحيـن بعــد مايمــوت سعـــود يدفن ياســـروهـوحــي بهالســجن …
تمـــر الأيــام ويصحـــى ياســــر على هالفجيعـــه ...
مو كفايه صديق عمـــره مات جايين يتهمـــون بقتلـــــه اللحيــن خلوه يستـــوعب أن سعــــود راح بلارجعـــــه بعـــدها تعالوا سووفيـــــــه اللي تبـــــونه وش تســـوى الدنيــا بكبـرها بعــد ماراح سعـــود.... اصلاً أي عقل صاحــي يصدق أنه يقتـــل أي شخص كيف اللحيــن يقولون أنه قتل سعـــود ... سعـــود اللي لو بيده يمنع عنــه المـــوت ماتردد لو يقدر يضحــي بالنفســه هو يمــوت وسعــود يرجــع يعيش مايتردد كيف يصدقــون أنــه قتلـــه كيف ... من عرفــوا بعــض فوق 12 سنــه ماتعدت هــوشاتهم الكــلام ماعمــر أحد منهم رفع يده على الثانــي الا بمــوقف واحد وكان على اتفاق مسبق بينهـــم ...
بس هالصحــوه المتأخــره مانفعت ياســر لأنه للحيــن رافض يقــول وش صــار كل الأسئله أجــوبتها عنــده انه ماقتــل سعــود فقط لاغيــــر ... واللي أثر فيــه كثير مـوقف أهل سعــود اللي مصدقيــن أنه قتل ولدهم كيف وهم اللي عــرفوه وتعامــلوا معه كيف يصدقــون أنه ممكــن يسوي هالشـــي موقفهم ذا زاد من اصــراره على السكـــوت عن حقـــــــه.. راضــي بأي حكــــم يصدر فحقـــه رغم أحسـاسه فالظلم بس المـــوت مظلــوم أهــون له من العيش بعــــد سعـــود ..
-------------------------
الأيام تمضــي من حــولها وهي عايشـــه بخيـالاتهـا مع سعــود اللي يسـوى عنـدها الدنيـا ومافيهـــا
ماعنــدها أحــد فغــلاته وبعــــــده كل البشر اللي حــولها مايهمـــونها تعلمت التحبــه من هي صغيــره أعتمدت عليــه وتعلقت فيـــــه طلع من حيــاتها ورجع لها وحبتــه أكثر واللحيــــن طلع من حيــاتها مره ثانيــه لكــن من غير رجعــــــــه سالي اللي أذا حبت تحب بأنانيـــه واذا اكرهـــت تكــــــره بحقـــــد .... ومابين هذا وهذا كان حبهــــــا لسعــــــود وكرها لياســـــــــر ... وياســر قتل سعــــود هذا فنظــرها قمــة الظـــلم (استغفـر الله العظيــم ) ليش مو العكــس ليش مامات ياســر اللي تكــــره ليش يمـــوت الخيــر ويبقــى الشـــــر ...
بقت على حالتها هذي مده طويله أستوعبــت بالنهـايه أن كل اللي تسـويه مامنــه فايده وأن اللي راح مايرجــع وصار لهــا هدف جـديد فالحيــاه ان تبذل كل اللي تقــدر عليه فالسبيــل أن ياســر يأخذ جزاته وحق سعــود مايضيـــع لأن الضغط من أهل ياســــر على أبو سعــود زاد وكان قريب من التنازل يوم نفضت سالي عنها ثوب الحزن وبدت تطالب فالحق سعـــــود ...!!
------------------------------
دخل البيت وشاف أمــه جالسـه فالصاله وعلى وجها ملامح حــزن ..
ناصر :الســلام عليكم ..
ام ناصر :هلا وعليكم السـلام ...
ناصــر :وش فيك يمـه عسى ماشــر ...
أم ناصر :اااه ياولدي ذبحتني خالتك هذي ..
ناصر:خالتي ليه وش مســويه ...
أم ناصر :وش مســويه يقالك ماتدري ماتشــوفها كل ماحـاولوا يتصالحــو خربت عليهــم ..
ناصر اللي مأيد خالته :مافيهـا شي تبــي حق أخــوها أخــوك يمــه ولا أنتي راضيــه بهالصلح اللي يحـاولون يســونه ... خالتي سالي هي الوحيــده اللي كاتبي غير حق سعـــود
ماهــو مثل باقي خــوالي أكبر همهم الديــــه وفارين مخ جدي معهــم ...
أم ناصر :ولد عمك اللي بيروح فيهــــا ..
ناصر بحقد :يستاهــل هو اللي جنــى على نفســـه ولاوصلة فيه المــواصيل يقتــل ياما سمعنا عنــه كلام وكذبنــاه ماصدقت لين شفت بعينـــي على باله كل شــي الفلوس تنفع فيــه اللحيــن بنشــوف الفلــوس كيف بتطلــعه منها ,, مأقول الا الله يقوي خالتــي على اللي تســويه فيــه ...
ام ناصر:أنا عارفه أن مأكلها فالأخيــر الا خالتك وبيجيلها يوم بتندم على كل اللي تســـويه ولا فيه وحده عاقلــه تبغى زوجهــا ينذبح هذا بدال ماتبذل الغالي والنفيس عشـان يطلـع منها ...
ناصــر :حتى لو كان هالزوج ظالم طاغيــه .. خليه يستاهل اللي جيــه وبنشــوف عمــي المحتــرم كيف بيطلــعه منها ......
أم ناصـر :خلاص يمـه قفل على هالمـوضوع ترى الشمـاته ماهي بالزينــه ..
ناصــر :صدقتي يمـه الشماته ماهي بالزينـه استغفر الله العظيم ...
كانت جالسهم معهم تسمعهـم وتداري دمـوعها لاتنزل أنتبه عليها ناصر وسألها :هدول حبيبتــي ليه ماتطلعيــن تلعبيــن ..

هديل :مأبي ماعنــدي أحد يلعب معــي ...
سكتــوا لأنهم عارفيــن وش بتقـــول خالو سعــود كان يلعب معـــي ... بس هي ماقدرت تسكـــت ... قالت والدمــوع تنزل على خدودها مثل السيل :حرام عليكم ليش تبغــون ياســر يمـــووت سعـــود كان يحبــــــه ولو كان عايش ماكان بيسكت لكم ... حرام عليكم والله حرام ليه تقــولون ياســر قتل سعـــود مافيــه أحد يقتــل صديقــه ..
وطلعت تركض عنهم ,, صدقتــي ياهديل لو سعــود كان عايش ماكان بيسكت لهـــم ... لحقهــا ناصر لأنها طلعت تركض للحديقـه طاح قلبه يــوم شاف باب الشـارع مفتــــــوح أول ماوصل للباب دخل سامــي وهو ماسكهــا ...
رفعهــا ناصر :هدول ليش تســوين كذا كم مره قلت لك لاتطلعيـن بالشـارع ...
هديل وهي تصـرخ :وانا كم مره قلت لكم ياســر ماقتل خالي سعــود ماقتلــه ...
دخل عنهم سامــي اللي دمعت عيــونــه غصب ...
ناصـر بقهــر :حتــى انت ... صد لهديل اللي للحيـن تبكــي :هدول حبيبتي أنتي ليش تبكـين اللحيــن عشان خالي سعــود مات ,, ولاعشـان .. وسكت شوي :ياســـر ...
هديل :لاعشــان ياســـــر ليه يقتلـــونه حرام ...
ناصــر :يعني موزعلانــه عشـان خالي سعـــود ..
هديل براءه :لا ليش أزعل عشـانه خالي سعــود أن شاءالله فالجنــه ...
ناصــر :ان شاءالله .. ولاتزعليـــن عشـان ياســــر الله معـــه ...
جالسه فالبلكــونه ومنها سمعت الحــوار اللي دار بينهم وبنفسهـا :لاياهديل الله عمــره ماكان مع ظالم حسبي الله عليـــه ...
من عرفتــه ماعرفت لحظــه حلــوه لدرجــه وصلت فيــه أنه يقتل ليش أستغرب وأنا اللي شفت الجحيـــم معـه هذا أنســان مجنـــون فيــه قسوه ماتــوجد الا بالحيــوانات واللي ماعنــدهم قلــوب أخذ أخــوي مني وهو يدري أنه أعز عنــدي من حيــاتي حتى الله ينتقــم منك ياياســــــر يارب ماتشــوف لحظــه زينــه فحيــاتك ....
جروحـي اللي بسبايبك للحيــن ماطابت ولاظني فيوم تطيب ..
أنا لازم ابقى صابره ثابته ماراح اسمح لهم ينفذون مبتغاهم ويتنازلون عن حق سعــود لو شو ماصار والأفضل لهم يبتعدون بمطــامعهم عــن سعـــــود ...
سعــود آآه ياسعـــود رحت وحملتنـــــي هم أكبر منــي هم حقك اللي لازم مأضيعه لو فيها أني أوقف بوجــه الدنيــا بأسره بأوقف وماراح أتخاذل ولاأمــــل ...
----------------------------
جالسه معــه وأفكــارها أبعد منــهم كانت بعيــونهن الأسئله اللي بيسألنهـا بس ماهن متجرأت .... لين قوة وحــده منهن نفسها وسألت ..
سمــر :بسوم حبيبـتي بسألك بس ترى مأقصد شــي من ورى هالسؤال ...
بسمــــه بغصــه :الجــواب نعم الخبـر اللي قريتيـه فالجريده يخص أخــوي مـوهذا الجـواب اللي تبغين تسمعينــه ..
سمــر :آآها بس ترى مأقصد شـــي ... وصحيح قتـــل سوري على الكلمـــه نسيبـــــه أخــو سالي ...
بسمـــه :صحيح اللي أنقتل أخــوي سالي بس أخــوي ياســر ماقتل وللحيــن ماثبتت عليـه التهمـــه ..
ساره :وأنتو وش بتســـون بتخلــونه كذا ..
بسمــه :لا أكيــد وأخــوي بريء وبيطلــع منهــا ...
وصدت عنــه وجلست تفرج على الرايح والجـاي يعنــي كل هالنــاس تدري أنها اخت ياســر اللي خلــوه مجــرم حرام عليهم والله حـــرام ,,,
آآه يأخـوي موكفايه أنك مظـلوم تجي الحقيــره ذي وتقهــرك بمــوقفها منك للحيــن ماني قادره أنســى سؤالك عنها والجـواب اللي تلقيتــه مثل الصدمـــه ... طــول الوقت كنت حاســه انهم أبد مو على وفاق لدرجــة حسيت فيهـا أنها متزوجتــه غصب بس شلت هالفكـره من راسي لأن سالي مستحيل أحد يغصبها على شي ماتبيــه ...
بس لهدرجــه توصل فيها الحقــاره انهــا توقف بوجـه أهلها عشـان مايتنازلــون وياســر يطلــع منهــا أكيــد تكــرهه ولاماســوت هالشي عشـان حبها بس لأخـــوها ...
وينك ياليت بس أشوفك عشـان أعلمك قد ايش حطمتــي أخــوي بس ياترى بتسمــع بتفهــم بتحــــس مأعتقــد لأنــي هذي حتى الأنسـانيه حرام تطلق عليهـــــا ...
بس ست الحســـن والجمــال ماتداوم حســن على أخــوها ياعســاه ... استغفر الله العظيم صرت اللحيــن أنا اردى منهـــا ...
سمـــر :بسوووم ..
بسمــه :هلا ...
سمـر :هذي مـوكنها وهج بنت عمك من الصبح تأشرلك من بعيــد ..
بسمــه وهي تلفت حـولها :وينها ..
سمــر :الله لايعمينا شوفيها قدامك ...
بسمــه :اهآآ خلاص شفتها لتأشــرين .. عن اذنكم بروح أشوف وش تبـــي ...
ماكنت تبــي تسلم عليــها مـوهذي توأم اللي ماتنسمــى بس من باب الذوق واللباقه قدام الناس ..
بسمـــــه من غير نفس:هلا وهج وش أخبـارك ..
وهج :الحمـدالله بخيـر اخبـارك أنتــي ..
بسمــه :تمـــــــام ...
وهج بالتردد :اخبــار ياســـر ..
بسمــه ولك وجه تسألين بعــد :ماعليه بخيـــر وتعرفين كلها مسألة وقت ويطلعه أبوي منها ...
وهج :قلبــي معكم مايستاهل ياســـر ..
بسمـــه :أتمنــى يكــون هالكــلام طالع من قلب وفيه ناس غيــرك اولى أنهم يقولون هالكــلام ...
وهج بحيــاء من المــوقف اللي حطتها فيه خالتها :قصدك خالتــي ,,
بسمــــه وهي ماسكه أعصابها :وفيه غيــرها ,, أموت واعرف الأنسـانه هذي من ايش مخــلوقه ولاكأن هاللي فالسجـن كان فيــوم زوجهــا ..
وهج :وللحيــــن ...
بسمــه والدمــوع بعينهــا :من قال يا بيطلــع أخــي منها وبيطلقهـا يا... ماني قادره أنطقهــا وأترمــل خالتك ويافرحتها فذاك اليـــــوم ...
وصدت عن وهج وراحـت تركـض مع الجهــه الثانيـــــــه والدمــوعها سكــايب .....
----------------------------------
وهج :سالي أنا ماني مصدقـه انك قاسيه لهالحد قلبك اللي بين ظلــوعك من ايش ......
سالي بأستخفـاف :مــــن دم ليش تسألين ناويــه تدرسين طب ...
وهج :سااااالي ...
سالي :وصمخ وش تبيـــــن ...
وهج :أنتي من صدقك عـادي عندك ياســـر يقص ...
سالي :عاادي وش فيهــا مو أول واحــد هذا شرع الله بتعترضيــن عليــه ...
وهج وبدت تبكــــي :سالي لاتخلينــي أكرهك ...
سالي :أكرهينـــي مو اول شخص يصرح لي انه يكــرهني كثير قبلك قالوا لــي وكثير بعــد قصاص اللي ماينسمــي بيكــروهــوني بس شخص واحــد بعلمــه كيف يحبنـــــــي ويكـــره ياســـــر المجــرم حتى بعـــد موتـــــه ...
وهج :بس الله يخليك بس أنتي عديمــة احســــاس لاتلــومين الناس لو انفروا منك ومابقى لك فهالدنيـا أحــــد ...
سالي :وأنا مأبغى أحد يبقــى لي كل اللي أبيه من هالدنيـا شي واحد وهو عنــدي وش أبي فيكم كلكـــم ...

وهج :بيجــي لك يوم وبتنــدميــن على كل هـــذا ...
سالي :أندم وش بقى فهالدنيــا أندم عليــــه .. بس لاتنسين وهج أنتي أللي قررتــي تخلينــي عنــي مو انا ولادارت فيك الدنيـا وذقتــي من ويلاتهــا لاترجعيــــن تطلبيـــن قربـــــي ..
وهج وهي تطلــع من عنــدها :صدقينـــي بعدي عنك بيزيــدني ماهــومنقصنـــــي عن اذنك ولاتنسين أني رغم عيــوبك ببقى أحبـــك بس من بعيــــــد ...
وأفتـــــرقــوا التـــوأم اللي مأحـــد فكـــر أنهم بيفتـــرقـــون فرقتهم يالزمـــــــن ...
سالي قررت تبتعـــد عن الكــل بس بنفس الوقت تكــون حاظــره وبقـــوه بغت الحريه اللي ماقدرت تعيشهــا فبيت أختهــا قبل ماتزوج وحــرمها منها ياســـر بعد الزواج .. بس وين حققت هالحــريه فالشقــــه اللي كانت مسكـــن ياســـــر قبل زواجـــه وهي نفسهــا اللي سجنهـــا فيهــــا بالشهــر العســــل ... ومافيــه أحد فكــر يمنعها عن تنفيذ هالقرار وكأن الكـــــل يبغاها تبتـــعد عنـــــه ....
وصلها ناصــر بنفســــــه للشقــه وقبل ماتنزل سألهــا :سالي متأكده من قرارك هــذا أنتــي عارفـه أن ياســر لوحصل وطلــع ماراح يرضـى بأن زوجتـــه ...
قاطعته ضحكــة سالي :انت قلتها أذا حصل وطلــع بالمشمش ياحبيبــي يطلـــــــع من سجنــه ...
ناصــر :تبغيــني أطلع معك فــوق ..
سالي :وهذا يبيلها كــلام شي أكيد ولاتبينــي أشيل الشنط بنفـسي ...
ناصر :لااتراك مجنــونه وتسوينهــا ..
أول ماحطت رجلهــا فالشقـــــه هاجمتها الذكـــــريات ...

فتحت سالي عيونها وبالدهشــه جلست تطالع المكــان حولهــا .. قفزت من محلهـا بالرعب ويـــن هـي وش وصلهـا هنــا ...؟؟!!!
طلعت من الغــرفه وأول شــي طاحت عينهـا عليــه شنطتهــا لأنه أصلاً ماكان فالصـاله شـي غيرهــا ..بلمح البصــر فهمـت كل شــــي ,,
بقهــر فكت ازاريرعبـاتها ورمتها على الأرض وداستهــا .. حيــوان حقيــر أستغفلهـــا وجايبها لمكــان خالي يسجنها فيــه والكــل يحسبهــا مسافـــره أكيد بيعذبهــا ويهينهــا ويذلهـا
هــي الغلطـانه تهـورت بالكــلام معه أمــس وهذي نتايج فعلتهــا ليــه غلطـة عليــه يعنــي كان لازم تحقــره بالكــلام وتقــول أنها تدري أنه يحبهــا
يستاهــل محد قاله يفضح نفســه وبالطالعه والنازلــه ماعلــى لسانــه غيـر حبيبتـــي وحبيبتــي .. حبتـه القراده ... جلست سالي بنص الصاله وعلى السراميك البارد ... ماهــي بغريب علــى واحد نذل مثلـــه شـي عادي يسجنهــا بمكــان مثل هــذا حتــى ماعنـده ضميـر يأنبـــه يارب مثل سجنــه لي دخلــه سجن مايطلـــع منــه طـــول عمـــره ...
هزت راسهــا بخفه رجعتها للواقـــع :اثري دعــوتي كانت مستجـابه ...





نهــاية الفصل ....
الجزء الرابع والعشـرون
الفصل الثاني

فاقت من تخيلاتهــا على صوت جرس الباب اكيد ناصر اصلاً من غيره بيجيهــا ... بس قبل ماتفتح سألت عشـان تأكــد :مين ...
ناصر بالسخريه :ياســر ...
سالي فتحت الباب بعصبيــه :ناقصه تخريع أنا ..
ناصــر :لهدرجه مخــوفك ..
سالي :واكثر وش تبـــي ..
ناصــر :أنا مأبس شي بس رجعت أشوف أذا انتي تبين شي ولاغيرتي رايك وماتبين تجلسين هنـــا ...
سالي :لا أرتاح ماغيرت رايي ولا أبي منك شي بس أذا دقيت عليك طيران تجينــي ...
ناصــر :وش رايك اغير أسمي لراجــو بعد ..
سالي بالضحكــه :يكون أحسن بعد يالله فارقني انا جايه هنا بالرتاح من شوفة البشر ....
ناصر :وتعيشين من الأشباح اللي سكنــوا هالشقه واحد مسجــون واحد الله يرحمـه مات ...
سالي اللي انقلب مودها :قصدك أنقتل ...
ناصر :بدينا يالله مع الســلامه .. واذا بغيتي شي كلميني ...
طلع ناصر وقفلت بعــده الباب ...
راحت للغرفه اللي حط فيها ناصر الشنطــه وبدت تفرغ ملابسهـا فالدولاب هالغرفه اللي كان ينــام فيها ياســـر ويخليها تنام فغرفه خاليه على الأرض هي اللحين صارت تنام فيهــا وهو ينام فالسجــن ياسبحــان الله ...
جاها صــوته البارد يبدد الخـوفه اللي داخلهــا :صحيتــي ..
سالي :لاا للحيــن نايمــه وكل اللي قاعـد يصير معــي حلم صح ...
وبقهــر قفزت واقفــه وقربت منه :تدري أنك حقير ..
ياســـر :من زمـــــاااان بس شكلك انتي اللي توك تدريــــن .. شفتــي الشقه وش رايك فيهــا ,, ورفـع الكيس اللي بيده قدام وجهـا :جبت لك فطــور من أمــس مأكلتــي شـــي ...
سالي بنرفزه :ولاراح أكــل لين أطلعنــي من هالمكــان ...
ياســر برود :اجــل بتمــوتين الله يعينك .. بس لايفوتك طعميـه يحبهـا قلبك وأخـــر وجبــه أجيبها من برى لأنه من بعدهـا أنتي بتطبخيـن لنفسك أذا كنتــي تبغيـن تأكــلين ولاتحمليــن همــي باكــل من برى ...
سالي وجسمهـا كلــه يرتجف من القهــر صرخت بوجــه :حيــــووووو ..... وقطع كــلامهــا ياســــــر بكف تردد صداه بالشقـــه الفارغـــــه ..
ومسكهــا مع شعــرها ورفع وجهــا ...
ياســروهو يهزها بغضب:أسمعينــي زيــن ياسالـــي صبرت عليك كثيـــررررر بس من بعد اليــــوم ترفعيــن صوتك علــي أو تقلين أحــترامك .. أقسمممممم لك بالرب هالكــون لأقلب حيــاتك جحيـــم والله مايفكك من يدي غيــر المــــوت ...
سالي كانت تهتــز بين يديــه مثل ورقـــه كان بقبضتـه معلقهــا بين السمـاء والأرض حست بالدوخــه قويــه بالسبب الطريقــه اللي ماسكها فيهـا هذا غيــر الخـوف من كــلامــه اللي صب قلبهــا أول مــره توقف هالمــوقف قدام انســان بقمــة غضبــه حستــه صادق بكــل كلمــه قالهــا بس قوه جبــاره داخلهـا منعتهـا تنزل الدمـــوع اللي ملت عيــونها لين فكهــا وكأنهــا شي قذر ونفض يده منهــا ...
اللحيــن وهي واقفه مكــانها تحس بقبضة يده تخنقهــا حست نفسهــا مكتومه بدت تنفس بقــوه لين حست نفسهــا أرتاحت شـــوي ... سالي بصوت عالي :الله يأخذك حتى وأنت بعيد عنــي مأنت فاكني من شرك ياليتك تمـــوت وارتاح منــك ...
حست بعد هالذكــريات أنها تعبانه لحد الهلاك ومحتاجــه تنام أول ماحطت راسها على المخده راحت فالنــوم عميق ... قامت منــه مفزوعه تصــارخ وتبكــــي وترتجف من الرعب ... سعـــود تعاااااااااااااااااال لاتخليني وسعـــود واللي خليك خذني معك ... كانت تصرخ بهالكــلام بأعلى صوتهـــا ... شافته الله شافته ماكان حلم كان حقيقه صحت من النوم بتروح تشرب ماي شافتــه جالس على كرسي بالصاله ملامحــه حزينـــه .. صرخت بفرحــه يوم شافته :سعــود حبيبي سعــود بس هو مارد عليها مأهتمت راحت تركض لها بتضمـــه بس ماقدرت كان مثل الخيال مجـــوف مايلمس ...
نادتــه بصوت حزين :سعـــوود ..
بس مارد عليها وكان يطالع فيها وبنظرته شفقـــه أويمكن عتب...
سعود حرام عليك رد علي أنا من لي غيرك كلهم تخلوا عني شفنــي كيف جالسه لحالي الله يخليك لاتخلينــــي بالروحي ...
بس سعــود مأهتم لصياحها ورجائها تركــها وراح ...
سعـــود أنت زعلان منــــــي ...
سالي وهي تضم اللحاف لها :سعــــود أرجع لاتروح قلي ليش زعلان منــــي سعـــوود سعــــــوود ... وتهجد صوتها فالصياح ...
أخذت نفس عميق وشهقت بقــوه ودمــــوعها مثل النهار الجاري :سعـــ وووووووووود ارجع تعاااااال ..........
بس سعــــود ماكان فيه خلاص راح .......
راح بدون مايقــولها ليش زعلان منها راح ولا رحمها بضعفها
راح وتركها وحيـــده تصارع أحزانها وهــواجســــه ...
آآآآآآآه ياسعـــود ليش تركتني ليش انا محتاجــه لك ارجع أنامحتــاجه لك ... بس سعـــود ماكان هناك ولاكــان يسمـــــع صياحها اللي يقطــع القلب ولا الكلمــات اللي ترجاه فيهاعشــان يرجع لهـــا ,, ولاغيـــره أحد يسمعهــا كان تبكـــي وتصرخ وترجاء ومافيـــــــه غير الصمت وصدى شهقــاتها وانتهــا الملتــاعه .....
ياســر :حبيبتي أنتي تبكيــــــــن ...
سالي صدت الجهه الثانيــه : لاجالسه أضحك وش تبي فنـــــي موكفايه الطق اللي قبل شوي جاي بتكمــل علي ...
ياسر مد يده بيمســح دمــوعها بس هي ضربت يده عشـان يبعدها عنها :لاتلمسنــــــي كرررررريه ...
توقعت يعصب بس فاجئهــا يوم ضحك: طيب عيـــوني اهم شي ماتكــونين زعلانه مني ...
سالي اللي تنرفزت منه :قال زعلانه مني قال انا اغيضك اكررررهك ....
ياســر بالصدر رحــب :أهم شي ماتبكيـــن لأني مأستحمل أشوفك بهالحاله ...
سالي بأستغراب :اجل ليش طقيتني لوماكنت تحب تشوفني ابكي ...
ياســـــر :لأنك طولتي لسانك علي وأنا فقدت أعصابي ... انتي لوتكــونين عاقله مابطقك وصدقيني بحبك أكثر وأكثر ...
سالي :بس أنا مأبغاك تحبنـــي ...
ياســـر :حاضر حبيبتي امري وش تبين منـــي ...
سالي :أبيك تبعـــد ترررررررروح وتتركني بحالي ....
وبعيــد عن الذكــــــريات ...
سالي وهي تبكــي :قلت أتركني بحالي ياياسر موقلت تتركني وتأخذ اخوي معك اجل من يبقى لـــــــي ...
------------------------------
وهج :يمــه كيف تبغيني أتزوج وخالي توه متوفي ...
أم ناصر :يمه حبيبتي خالك الله يرحمــه له أربع شهـــور ميت خلاص حبيبتــي الزواج هذا تأجل بمافيه الكفايه ياوهج يانور عيني وافقي خلينــي ارتاح ...
وهج بحزن :طيب يمــه وخالتي سالي ...
أم ناصر :وش فيها خالتك ...
وهج :ماراح تحضر ...
أم ناصر :خليها بالراحتها أذا تبي تحضر وأذا ماتبي مردها ترجــع لنا ...
هديل :يعني مابتحضر العرس .. انا اذا رحت أشوفها مع ناصر بقــولها تجـــي ...
وهج :تكفين قولي لها هدول يمكن تسمــع منك ...
هديل بأبتسامه عريضه خلاص ان شاءالله بس ابي الفستـــان الأحمـــر ...
أم ناصر :لا ذاك مستحيل تلبسينـــه قصير مررره ..
هديل :ماما بليز الله يخليك ..
وهج :من صدقها امي الفستان مررره قصير وانتي خلاص كبرتي ...
أم ناصر :ولاتبغين تصيرين مثل خالتك ...
هديل :وش فيها خالتي ياليت أصير مثلهـــا ... ياليتني بنتها ...
أم ناصر بعتب :افاا هديل وانا مأكفيك ...
هديل :ماما أنا أحبك كثير بس لو أنك فرري مثل خالتـــــــي ...
ناصر اللي دخل على اخر كلمــه :وش فيها خالتــي ...
أم ناصر :مافيها شي سلامتك بس هديل تبغاني اكــون مثلها ...
ناصر بعصبيــه :هدول وجــع كيف تبغيـــن امي تصير مثل خالتي ...
هديل خافت من عصبية ناصر :كنت امزح ...
ناصر :حتى لو تمزحين ماهو بهالطريقــه ...
ناصر شاف وهج تطالع بالتلفزيــون وماهي معهـــم :هاه يمــه كلمتيهــا ...
وهج تقلب لون وجها وتعلقت عيونها بالتلفزيون وأذنها عنـــدهم ...
ام ناصر :ايه والله هداها ووافقت ..
ناصــرارتاح بجلستــــــه وفرد يدينــه على طــول الكرسي :حلو أجل عرسنا بليله وحــده ....
أم ناصر :الله يعين مابقى غيــر شهر واحد مايكفي شي ...
ناصر :لايكفي أعتمــدوا علي ولاتنسين تكلميــن عمتــي تبلغينهــا ...
هديل اللي طلعت من عندهم أول ماسمعت قرار ناصر طارت عنــد اخوانها ودخلت عليهم فجأه وعيونها مليانه دمــووع ..
سامي :وجععععع ماتعرفين تدقين على الباب قبل ماتدخلين ...
عادل :هوونك على البنت بتأكلها .. خير هدول وش تبين ..
هديل :ناااصر خلاص بيتزوج ...
سامي :اوووووهووو علينا واحنا شكـــوو ...
عادل :اوووووف بس انطم ... والتف على هديل :وانت للحيــن مانتي مقتنعه ...
هديل ودموعها بدت تنزل :للااا بعديــن تأخذه منا عمتي الساحره ...
سامـــــي طاح على ظهــره من قوة الضحك ..
وعادل كاتم ضحكتــه :من قال هالكــلام ..
هديل :خالتوو سالي تقوله وخالتــوو ماتكذب علي ....
سامــي :الاتكذب وأنتي مخفه وتصدقين يالله انقلعي بكمل لعبتي اللي قطعتيها علي...
هديل :عدووول شوفه هاوشه ...
عادل :خلااص سامي أنطم ... وانتي هدول لاتصدقين كلام خالتي هي تبالغ عشان ماتحب عمتي بعدين ناصر بيتزوج بنتها مو متزوجها هي ....
هديل :هى هى هى .. مابي ناصر يتزوج مأبي ..
عادل :هذا بدال ماتفرحيـــــن عشان تعزميـــن كل صديقاتك لزواج أخـــوك ....
هديل :ايه بفرح واعزم صديقاتي بس يتزوج وحده ثانيـــــه ...
عادل بقهر :خلاص هديل ناصر تزوج ومابقى الا الحفله كيف يتزوج وحده ثانيــه ...
هديل بقهـــر :الغلطــان اللي يجيكم ارروح لجنـــى احسن منكم ...
سامي :اصلاً هي صديقة جنــى يعني ياحراام راحت عليك ....
هديل :لاماراحت علي برروووح اكلم خااالتوو وهي تشــوف لي صرفه معكم ....
وطلعت بعد مارزعت الباب وراهـــا ..
دخلت غرفة أمها وشافت الجــوال على السرير اخذته واتصلت عليهــــا ....
واول مانفتح الخط :خالتتووووو ..
سالي :ياعيونها ...
هديل :ناصرر بيتزوج بنت الساحره ...
سالي بالضحكــه :الله يرجك ياشيخـــه يووووووووووه قصدي ياهديل ماهــو من زمان متزوجها ...
هديل :قصدي بيسون عررس خلااص ...
سالي :طيب حبيبتي انتي ماتبين هالزواج صح ...
هديل :أكيد مو انتي ماتبينه ..
سالي :اجل خلاص شيلي قشك وتعالي سامعتني طربقي البيت على راسهم وقولي يامافيه زواجــه ياتودوني عنــد خالتي أوكي ...
هديل :اوكي جهزي لي غرفه نص ساعه وأنا عنـــدك ...
سالي :ياقلبي تعجبينــي أستناك ...
طلعت من غرفتها للمطبخ اللي فيه جوني تحــوس ...
سالي :جوني سوي بيتزاء بالدجاج اللي تحبها هديل ...
جوني :أوكي مدام ...
سالي :وسوي لي نسكافيه وجيبيها لغرفتــي ...
بعــد عشرين دقيقــــه ..
بووووووووووووووووووووووووووووووووووو ...
سالي اللي طيحــة كوب النسكـافيه :وجعـــووووه ان شاءالله طيحتــو قلبي ...
سامي :هذي فكرة الغبيه هديل ,, كيفك خالتــي ..؟!
سالي :تمام كيفك أنت .. هاااي عدول كيفك ...؟!
عادل :بخيــــر ... بتجلسون هنا يالله نطلــع فالصاله ...
سالي :معك حق يالله ...
وبعد ماجلسوا فالصاله ..
سالي :هدول وين أغراضك ...
هديل :ناصر ماخلاني أخذ الا الشنطــه هذي يقــول يوميــن وبيجي يأخذني ...
سالي وهي تحط رجل على رجل :بالمشمش ... وليش ماجابك هـــو ...؟!
عادل :معصب وحطها براســي ...
سالي :وجنــى ليش ماجات معكـــم ..
هديل :ماقلنا لها وش تبين فيها مأكفيك انا ..
سالي تبغى تقهرها:تبين الصراحــه لاا ...
هديل بقهــر :خالتــووو موقدامهــم موقدام العذال ...
سامــي بالسخريه :خلاص طيحــت وجهــك وش تبغيــن أكثر ...
سالي :ساميــووه وخر عن هدول كلش ولاحبيبتي ترى فيك كثير من نويصر ...
عادل :وش فيه ناصر هاه ..؟!
ساالي بأستهبال :أنت هنـــا ... لايكــون حاطك محامــي عنـــه ...
عادل :تصدقين جبتيهــا شكل لي مأستقبل بالمحـاماه ...
سالي بالتسليه :ايه عفيه حبيبي عشــان تدافع عن حق خالك المسلـــوب ...
سامي بحمــاس :ايه ماسمعتي اخر الأخبــار يقولون أنهم توصلوا نوعاً ما للصلح ...
سالي بعدم تصديق :لاااتمـــــــززح ..
عادل :لاصادق ,, خالتي بليز المــره ذي لاتدخلين خلي الأمــور تجري بطبيعتهــا لاتسببيـــن بمنع الخيـــر وش دراك يمكــن ياسر فعلاً بريء وسعـــود كان يتعبث بالســلاح وثور فيه هذي كثير تصـير تصوري أنه هذا اللي حصل بتسببين بقتـــل ياســـــر زوجك وهــو مظــلوم ...
ماتصورون كلام عادل قد ايش اثر بالسالي مع أنها يمكــن سمعت هالكــلام مية مرره بس هالمــره هي الوحيــده اللي الكــلام أصاب هدفـــــه هززز مشــاعرها بقوه خلاها تصحـــى من الغيبوبه اللي عايشه فيها طلعت منهم بدون ولاكلمــه كان يشوفونها تمشــي وتدخل غرفتها وعارفين أنها موحاسه فيهـــم ..
هديل :وش فيها خالتي ..
عادل :مافيها شي حنا بنروح اللحيــن وانتي أجلسي هنا لاتزعجين خالتي خليك عاقله ... وطلعـوا من عنـدها .. هديل شغلت التلفزيون وجلست عليـــه بالراحــه ماعنـدها امها تراقبها ولاسامي ينكد عليهــا ...
سالي دخلت غرفتهـــا وهي مثل التايهــه كانت تمشي وكأنها مسلوبة الأراده معقــوله كانت بالتسبب بقتل أنســان بريء بس لحظــه ياسر ماهــو بريء بعد ماهو متهــم شلــون يعنـــي ممكن يكـــون بريء حتى لو واحــد بالميــه وهي كانت بتدخلاتها عشــان تمنع الصلح اللي ممكــن يصير كانت بتسبب بقتله ... همست لنفسهــا بحيره :يعني أنا قاتلـــه ,, يعني لو ماياسر قتل سعــود أنا بكـــون قتلت ياســـــر ... بس ياســـر مامات ..
وأتخذت قرارها بتبعـــد مالها دخل يســون اللي يبــونه يتصالحـــون يتذابحـــون يصطفـــلون بس اهم شي مايكـــون لها يــد لو رفضــوا الديـــه وأصروا على القصاص بتكـــون هي بعيده عن المــوضوع ومحــد يقدر يقول عنها قاتلـــــه ....
حمــدت ربها أنها الهمها الصواب وشكــرت عادل اللي جاءها كــلامه بالوقت المنــاسب وكأن الله مرسل ينقذها من الوضع اللي بتكـــون فيــــه ...
طيب لو تنازلــوا عن الحق وأخذوا الديـــه ياســـر بيطلــــــع وش تســوي ساعتهـــا ... بس فيه شــي اسمــه حق عــام يعنــي بيبقى بالسجــن مده توصل سنــوات الدنيــا موفوضى بهالطريقه تقــدرترفع عليه قضية طلاق وشي أكيـــد أهلها بيساعدونها بس وش اللي يضمن لها أن اهلها مايدبســـونها بالزواجــه ثانيـــه سعــودي يضمــن لي ...
لاحتى سعــودي مايضمن لي يقدرون يأخذونه منــي ويعطــونه اهل ياســر بس أنا مستحيل أخلي أعد يأخذه مني ألا ولــــدي مستحيل يأخذونه منــــي ... أجل أحسن شي اضل على حالتي هذي بعدين من قال أنهم بيتصالــحون أنتظـــر واشوف وش بيصير بينهم بس أهم شي أهله مايدرون .......
------------------------------
ماهــو مصدق عمــره اليوم عــرسه وأخيراً بيتزوج وهج حبيبة قلبه .. آآآآآآه ياوهــوجــه يأنتي دوختين معك من عرفتك وأنتي مسببت لي قلق فالبدايه كيف أوصلك وبعــد ماوصلت لك كيف أحافظ عليـــك ... تذكر الصور اللي وصلت له والمكالمــات المسجلــه اللي كانت كلها بصوت حبيبة قلبه وهــوجــه ويالقهــر تكلم شخص ثاني أتهمها بالخيــانه عذبها اهانهـــا نكد عليها عيشتهــا لين جاءه الخبــر اليقيــن بعــد مــوت سعـــود بكم يــوم ومن ميــن من نايف ولد عمتها كان منهــار بعد وفاة سعــود عرف ان الدنيــا فانيـــه حس بتفاهتها وخاف من تقلباتها وجاء يقــول لسلطــان قصة بنت خاله قبل ماتوصله من مصدر ثاني كان خايف عليهــا من فارس اللي اللعب عنــده بالأعراض وتلفيق القصص أهــون من شرب الماي .. صح ثار وغضب وجــن جنــونه يوم سمــع القصــه .. بس نايف كان حازم معـــه وكرر عليه لين أقنعه أن وهــج كانت مخــدوعه ضحيــه وأنها موهي المقصـــوده أختها خطيبتــــــه ... ضحك يوم تذكــر نايف وحبــه الغبي لبنت خاله الملســونه صدق عجايب ... بس هو بعد ماسامــح وهج على طــول حب يخليها تستوي على نارهاديــه عذبها معه كثير وهي مسكينــه قلبها طيب ماعاتبت ولاتغلت عليــــــه الشي اللي ممكــن تسويه أي وحــده بدالها بالعكس سامحتــه على طــول بدون ماتسأله وش سبب تغيره عليهـــا ...
وهو ماسكـــت خبرها كل شي عرفه عنها وطلب منها تدافع عن نفسهــا وطبعاً ووهج ماكان عنــدها رد غير الدمـــوع وبعد صبر ومحاولات كثيره قالت اللي عنـــدها كل شي واشياء كثيره ماقالها نايف خوفاً عليها هي قالتها بكل براءه وسذاجــه وهالشي خلى سلطــان يثق فيها اكثر ويعرف أنهــا مجــرد ضحيـــه مثل غيرها كثير بس الحمــدالله اللي سخرلها نايف بالوقت المناسب مجرد التفكير بهالموقف يتعبــه ويقهره كثير بس مابيده شي يسويه لأن حتى مايعرف من هو هالشخص لأن نايف رفض يعلمـــه ووهج مايقدر يسألها لأنها تصيبها حاله هستريه من البكـاء أذا ذكرها بهالمـوقف وهو مايبغى يأذيهـــا ...
طلال :يالله ياعريس ووصلنـــا ,, للمرره المليون أقولك مبرووك اليوم ...
سلطــان بأبتسامــه :الله يبارك فعمــرك حبيبي وعقبالك ...
طلال وهو يرفع يديــه لسمـاء :الله يسمــــــع منك ...
سلطــان وهو يأشر على اللي برى :شوف الخبل ناصر ..
طلال :ولاعمره بيتعدل ولاكـانه اليوم عريس ...
-------------------------
وعنــد العروس الحلـــوه وهــوج أبشركم من الصبح ماوقفت الصياح ...
وهج بالترجــي ودمــوعها سيل :يمه الله يخليك خلاص مأبي ...
ام ناصر اللي نزلت دموعها من حالة وهج اللي يرثى لها :ياوهج ياقلبي ذبحتني يمــه خلاص اسكتــي خلي المره تشوف شغلها ..
وهج وهي مستمره بالصياح:يمه خلاص مأبي والله مابي ...
أم ناصر :يابنتي استهدي بالله كلها كم ساعه وينتهي كل هذا ...
وهج :لايمــه مأبي مأقدر كيف أعيش مع أنسـان غريب ..
أم ناصر :من الغريب هذا سلطـان زوجــك وصديق ناصر مليــون مره قابلتيــه وتكلمتي معه كيف يصير غريب ...
وهج :لا ماقدر كيف أعيش مع أهله يمــه ناس كثير مأعرف كيف اعيش معهم ...
أم ناصر :ياحبيبتي بتعيشين معهم عادي أمه أنســانه طيبـــه ومره كبيره وبتعبرك مثل بنتها والباقين عامليهم زين هم بيعاملــونك نفس المعاملـــه ...
الكــلام هذا بدال مايهــدي وهج زاد صياحهــا لأنها ماتقــدر تصــور نفسها بهالعالم الغريب والمحـاولات اللي لازم تســويها عشان يقبلونها هالناس ... ورددوا معــي ياليل مأطــووولك ...
-------------------------------
دخلت وهي يالله تمشـــي من الفستــان أخخخ الله يغثك ياجنــوووه والله لوريك طــوال فترة حملها تعــودت على المـلابس الواسعه القصيره واللي بالنفس الوقت مريحــه واللحيــن جابت لها جنى هالخيمــه حسبي الله عليها وهقتنــي وأنا اللي حاطه ثقتــي فيهــــا ... حست كل الأنظار مسلطــه عليها لهدرجــه شكلــها خطأ أكيد صايره مثل الكـــوره طــول عمــر تلبس الكعب والضيق القصير واللحيــن أكيد شكلــها يفشل .....
بس اللي ماتدري عنــه سالي انها كانت فقمــــــة جمالهــا وكان مظهرها رغم الحمـــــــل حلو وجذاب بقـــــــووه ...
حست بيد تمسكها لفت وألتقت عيــونها بعيــون عبير اللي صرخت من الدهشـــه وبالنفس الوقت الفرحــه :سااااااااااالي مستحيل وضمــت بخفـــه عشان الكــروه اللي قدامها ...
عبير وللحيــن مصدومه :سالي ماني مصدقــه سالي حامل مستحيل ...
وجلست تضحك بهستريا..
سالي بقهــر :وجع يمل الضرس فضحتينا بس أسكتــي ..
عبير وهي تمسح دموعها اللي نزلت من الضحك :اعذريني مصدومه ياعمري سالي والله لك وحشــه أشتقت لك كثير ياربي للحين ماني مصدقـــه انك قدامـــي .. ياءالله شكلك تحفـــه تجنين اول ماشفتك بغيت أجن ...
عشــان كذا وقفتي الترم ...
سالي :اكيد مأتصور نفسي أروح الجامــعه وشكلي كذا أخس شكلي نكته حتى اليوم مابغيت أجي ...
عبير :اعرفك ماتسوينها وتخلين وهج ...
سالي وهي تحط يدها على خصرها لأنها تعبت من الوقفه :ايه صح وهج ماشفتي الغبيـــه جنى أبغاها توصلين لها ..
عبير وهي تمسكها مع يدها :تعالي أنا أوديك لها ... بتكـون مفاجئه لهـــا .....

سمعــوا دق على الباب ..
جنى :هديل قومي شوفي من على الباب ...
هديل بملل :وانتي ليه ماتروحيـــن ..
جنــى بقهر :اصلاً أنتي المفروض مانجيبك معنا نخليك عنــد ميري يالبزر ...
هديل بقهر :لاياشيخــه وأخلي زواج أخــوي اختي هذا اللي ناقص ...
لبنى :بنات خلاص عيب ... هدول حبيبتي شوفي من على الباب ..
هديل :بس عشانك انتي ...
راحت هديل تفتح الباب سمعوها تصرخ بعــدين اختفى صوتها ودخلت بعد دقايق عبير وهي ماسكتها مع يدها وأشرت على وهج :كيف مودها ..
جنــى :لاتسألين ماصدقنا تسكــت من الصبح صياح ...
عبير :للحين ماخلصت منها ..
لبنى :لاباقي اللمســات الأخيره .. اجلسي ليش واقفه ...
وهج وصوتها مبحــوح :عبير تعالي ...
عبير :جايه بس معي مفاجئها اجيبها ...
سالي اللي دخلت فجأه :لاتجيبيني ولاأجيبك الله يأخذك انقص ظهري من الوقفـــــــه ...
وهج بالصرخ عدم تصديق :سااااااااااااااااالي ... وبغمضة عين كانت عنــدها تضمها وماهي مصــدقه أنها فعلاً سالي حقيقه وماهي حلم ...
سالي أدف عنها :وهج خليك عاقله وأرجعي للمزيونه هذي خليها أتزينك ...
وهج :خالتي بس ...
سالي :لابس ولاشي يالله مهنا وقت ...
جنى اللي جت تجلس جنبها بعــد ماقامت وهج :شفتي كيف والله طلع الفستان عليك تحفـــه ..
سالي :انتي انقلعي عنــي مأبي اشــوفك أقولك ابي شي مريح جايبه لي خيمـــه ...
لبنــى :عمتي شكــل نفسيتك زفت مع الحمل طايحــه فينا زف ...
سالي :لبنى حبيبتـــي يابنت أبوك يازينك ساكتــــه ...
لبنى بالضحكـــه :امــوت واعرف ليش كارهتــه ...
سالي :خلينا ساكتيـــن ... آآآه ياظهري .. هدول حبيبتــي جيبي المخده اللي معــك بحطها ورى ظهــــري .... يالله متـــى بتحطــون الزفـــــه ...
جنـــى :خالتي وش رايك ترقصين ...
سالي:تطنزين انتي وخشتك أخخخ بس لو فيني أقوم كان مسحت بخشتك القاعه ..
عبير :يمــه سالي صاير شرســه ...
هديل :لاتقــولين عن خالتـوو شرسه ..
عبير:لاخالتك مررره وديعــه ...
سالي :أحس الميك آب حقي خاس أبغاه ترجع تزبطــه لي ...
لبنى :بشوفهــــا لك ...
جنـــى :لحظــه شوفي أذا خلصت من وهج عشــان نساعده بالفستــان ...
بعد دقايق رجــعت لبنـــى :خلصت بس وهجــوه ماتبغانا تبغى الماما ...
سالي :بدينا بحركــات الأطفال قولي لها ترى بجي وتوطأ فبطنهــا اذا مأعقلت ...
لبنى بالضحــكه :خالتي والله مأنتي بالصاحيه صايره عربجيــــه ...
سالي :آها بس آها يالله روحي لهــا لنزل عليك الصندل ..
لبنــى :لاتكفين تراك تسوينها ..
سالي :أجل وش تحسبيـــن ...
هديل :ياربي الوقت راح بالســرعه ترى الزفه 12 ونص ...
سالي :ورى مستعجليـــن ...
جنــى :حلوه ليش مستعجلين ورانا زفتيـــن نسيتــي ناصر ...
سالي :ايه صح نصــور الدب مانسيته بس مأدري كيف راح عن بالي الله يعيــن ...
هديل وهي تطلع لسـانها:وععععععع ماني حاظره زفتــه مأبي أشوف الساحــره ...
جنــى ووسالي تقطعــوا من الضحــك على هديل ...
لبنـــى :وش فيكم تضحكــون حاولت معها بس مانفــع واتصلت على عمتي تجي تشــوفها ....
سالي :اخخخخ أحد يساعدني بــوقف بشــوف الخبلــه ذي قبل مأروح للقاعه ...
عبير :ماحنا مساعدينك ساعدي عمــرك ..
سالي :اشوف فيك يــوم يالنذله عبيروه ..
هديل :خالتوو انا أساعـــدك ... ومسكــت يدها لين وقفت ..
سالي راحت للوهج اللي كانت ترتجف والأرهاق واضح عليها :وهج يالخبله ليش مســويه بعمرك كذا وكأنه محكــوم عليك بالأعدام ...
وهج :ساااااااالي خاااااايفه ....
انزفــــــووا سلطـــــــان ووهــــــج
وبعـــدهم ابتهـــال اللي نزفت لحــالها لأن ناصر رفض يدخل عنــد الحــــــريم لووووووول ...
كاميــــــــرا(1) فجنــاح ناصر وأبتهـــال خخخخخخ ..
اللي طاقينهــا سوالف ********> صدقتــــــوا ...
ابتهــال مرتبكـــــه وحالتهــا حالــــه بعكس ناصر اللي الوضع عنــده عادي مرتاح فالجلســـه وجالس يطالع فيــها وده يتكلم يسولف بس أبتهال بأرتباكها ماتســاعده ...
ناداها :ابتهال ...
رفعت راسهـا بالسرعــه بعدين وطتــه بالنفس السرعه ...
ورفعتــه مره ثانيــه بالتردد بعد مانــداها .. ابتسم لها يوم شافها متردده بالنظر له وردت عليه أبتسـامه خجــوله ....
كاميــــرا(2) جنــاح وهج وسلطـــــــان ..
أحــوال الطقس سيئــــــه رعد وبرق ونار ومــــــي خخخخخخخخخ ومطــر ... عفواً دمـــووع ..
وهج شكلــها بتكمـلها الصياح لليوم الثاني عشــان تحطم الرقم القياسي ....
وسلطــان يحــاول يهدي فيها مصــدوم بحالتها يدري انها خجــوله والحياء ذابحها لأبعد الحــدود بس ليش الصياح هذا اللي ذابحـــــه مقهــور منها وعليهــا ليش تبكــي وتنزل الدمــوعها الغاليه عشــان شي مايســـوى .. فراقها لأهلها شي مايــسوى عم بعينك ماتعرف تقــدر الظروف ...
سلطــان :وهج يابعد طوايف طــوايفي خلاص كفايه دمـــوع ذبحتيني يالغــلا ... قولي وش تبين وأنا أسويه لك ..
وهج وهي تشهق بقــوه :أبي امـــي أبي ناصــــــر ...
سلطـــــان مسك راسه بين يديه :وهج انتي سامعه وش تقــولين ياقلبي قولي من وين اجيب لك أمك هالساعه ولا أخــــــوك ...
وسكــت شــــوي يفكــر بحل بعدها سألها بالرجاء :تكلميــن امك ..
وهج هزت راسها بالمــوافقه بقــوه
سلطــان :بس توعدين بعـدها توقفين صياح ...
وهج بصوت انبح وتقطـــع من الصياح :أوعـــدك ..
سلطــــان (اخخخخخخ ياقلبي بالتذبحنــي هالبنت ) :طيب حبيبتــي بجيب لك الجــوال تكلمينها بس لاتبكــين عشان ماتخوفينها عليك ...خلاص ...
هزت راسها بأيه ...
سلطــان :عفيه على حبيبتي الشاطـــره ..
وجاب لها الجــوال ودق لها الرقم وتركها براحتها تكلم وبعدها رجع لها بعشــــر دقايق لقاها هاديـــه ولاكأنها قبل شــوي تصيح وبتذبح عمرها من الصياح بس الدمــوع للحيــن على وجها ماجفت ...
سلطــان (الحمــــدالله مابغينا نرتاح ):اممممم حبيبتــي وهوجــه أكيد جـوعانه موو ..؟!
وهج هزت راسها بلا ...
سلطــان :ليه حرام عليك أنا جــوعان وماراح أكل لين تأكلين معـــــــي ... كان بيكمـــــل بس سكت يوم شاف شفايفها ترتجف فبدايـــــة نوبة بكــاء جديده ......

.................................... تكملة الجزء السابع ...............................

منشورة في: روايات