رواية ورود الأمل برائحة الألم الجزء الخامس

نرجع للمستشفى عند عبير
نزلت من الأصنصير ودموعها على خدها .. جلست على الكرسي وحطت علبة الشوكولاته جنبها وغطت وجهها وانفجرت بكي .. الناس كانوا يمرون ويناظرونها وراحمينها متوقعين ان ميت لها عزيز .. بكت إلى أن صفى راسها من البكي وراحت لدورات المياه وغسلت وجهها وكان أحمررر غطته بطرحتها وطلعت وصلت لجناح أبوها وسحبت لها نفس ورسمت على شفتها ابتسامه عريضه ودخلت شافت أبوها جالس على سريره ورافعين عنه أجهزة التنفس اللي كانت مغطيه وجهه لكن فيه أجهزه على صدره ومغذي قالت بمرح وصراخ:واااااااو غزال غزال_باست راسه وايده_ماشا الله وجهك منور
أبوالوليد ابتسم وقال بصوت وااااطي وتعبان ومبحوح وكأنه من داخل بير:عبير
عبير تجمعت الدموع في عيونها أول مره تشوف أبوها بهالضعف لكنها مسكتها:لبيه .. لبيه يابعد عبير وحياتها
أبوالوليد نزلت دموعه وقال بصعوبه:انـ... انـ.... انشليت
عبير مسكت دموعها وعضت شفايفها:إن الله إذا أحب عبدا ابتلاه اصبر
أبوالوليد حس بغصه في حلقه:أأأ....
عبير أشرت بايدها:لاتعب نفسك بابا ارتاح
أبوالوليد أشر على المويه:مـ... مـ....
عبير أشرت على عيونها:من عيوني_مشت لجيك المويه وصبت له كاس_بابا أبشرك بنتك ودلوعتك_لفت وبايدها الكاس_عبور دخـ....
سكتت أول ماشافت أبوها يحاول يتنفس وهو ينطق الشهاده بصعوبه:لا ...إله إلا إلا الله وأطلق بعدها شهقه طوييييله وشخصت عيونه واسترخى جسمه
عبير طاح الكاس من ايدها وحطت ايدها على فمها تبغى تصرخ تبغى تبكي لكن تحس انها انشلت من الصدمه .. بدت الأجهزه تصدر أصوات مزعجه ودخلوا الممرضات والأطباء يركضون وبدوا يسعفونه ويعملون له صدمات كهربائيه لكن الدكتور تركه وقال بيأس:مافيه فايده_زفر_الله يرحمه
عبير وأخيرا نطقت أقصد صرخت:بــــــــــــــابــــــــــــــااااااا



الدكتور صرخ:هذي من وين جت؟؟
عبير ركضت ومسكت أبوها ودموعها على خدها وهي تصرخ:بابا قوم بابا قوم .. أنت تسمعني بابا أنا كنت بأقولك اليوم دخلت الــ22_هزته_بابا قوم أنا دخلت الـ22 قوم أنا أبغاك .. بابا أرجوك ماأبغى أصير يتيمه_سحبوها الممرضات وهي تتفلت منهم وتصرخ_اتركوني أبغى بابا هو ما مات شوفوا يناديني شوفوا ابتسم لي شفتوا ما مات هو يبغاني هو مايهون عليه أكون يتيم بابا بـــــــابـــــــا
دكتور سعودي دق قلبه بقوه وصرخ:اتركوها
الممرضات تركوها وعبير ركضت لأبوها وهي تصرخ وتبكي بشكل يقطع القلب:بابا عبور صار عمرها 22 سنه قوم اصحى بابا لاتموت أرجوك عشاني لاتموت بابا أبغاك بابا من بأجلس بجنبه على الفطور من بتخبى ورا ظهره بابا لاتتركني وحدي يتيمه بابا أنا أحبك أرجوك لاتتركني بـــــــابـــــــا لاتموت لاتموت لاتموت
الممرضات غطوا أبوها ودفوا السرير متجاهلين صراخها .. عبير حاولت تلحقهم وهي تصرخ:اتركوه يا### وين تاخذوه؟؟هذا بابا اتركوه اتركووووه
اختفى أبوالوليد عن نظرها .. وومشت بتلحقه لكن الدكتور السعودي مسكها .. لفت بسرعه ومسكت بلوزته وقالت ودموعها على خدها:أرجوك رجعه والله ما مات ما مات أنا أعرفه يحبني ولاعمره تركني وحدي
الدكتور تجمعت الدموع في عيونه على حالتها:ادعي له بالرحمه خلاص راح لربه
عبير مسكت بلوزتها وهزته:لا كذاب كذاب كذاب
الدكتور بحنان:خلاص ربك أخذ أمانته
عبير رمت نفسها على صدره وهي تنحب:لا لا ما مات لا بابا ما مات
الدكتور ارتفعت دقات قلبه وتنفسه ارتفع وهي على صدره .. عبير صار بكيها شهقات وتراخت بين ايديه وهي تردد:بابا لا تروح بابا أنا أبغاك بابا
الدكتور رفعها ومددها على السرير وضربها منوم .. هدت عبير ونامت بسلام .. الدكتور ناظر وجهها البريئ ملامحها الحلوه بشرتها البيضا الصافيه وأنفها الطويل وشفايفها الصغيره شعرها البني المحروق المتناثر على أكتافها .. مايدري ليه يحس انه يعرفها من زمااااااان ودخلت قلبه من أوسع أبوابه .. ناظر شفايفها الصغيره الورديه غمض عيونه(استغفر الله .. أعوذ باالله من الشيطان الرجيم)طلع وسكر الباب وهو يقاوم احساس بداخله يشده يدخل لها ناظر الإستقبال والممرضات والموظفات علت أصواتهم قرب منهم:شفيكم؟؟
ممرضه سعوديه قالت بدلع مااااصل:دكتور عامر اسمح لي أنا ماقدر اتصل على الدكتور الوليد أخبره هالخبرلا مستحيل
الدكتور عامر(يامصلك):هذي وظفيتك!!
الممرضه:وليه ماتتصل مريم؟؟
مريم بدفاشتها:لا والله في عمري ماكلمته وأخرها اتصل عليه وانقله خبر وفاة أبوه هاوه وشذا الكلام؟؟
الدكتور عامر:أوكي هاتي اتصل
خذ السماعه وبلع ريقه صعب تخبر واحد عن خبر وفاة والده فكيف لو كان شخص زميل لك صحيح هو علاقة مع الوليد سلام لا أكثر ولا أقل بس مهما كان صعب .. وصله صوت الوليد وكان عنده هدوووء:هلا
الدكتور عامر بلع ريقه:دكتور الوليد؟؟
الوليد:إيه نعم .. من معي؟؟
الدكتور عامر:معك الدكتور عامر
الوليد:آها هلا والله
الدكتور عامر بتوتر:هلابك .. كيفك؟؟
الوليد:الحمدلله
الدكتور عامر خاف يكون في سياره ويسوي حادث:آآآ أنت وين؟؟
الوليد باستغراب:في البيت(القصر)
الدكتور عامر:طيب يادكتور الوليد أنت انسان مؤمن بالقضاء والقدر وعارف إن ربك لازم في يوم بياخذ أمانته
الوليد بخوف:أبوي في شي؟؟
الدكتور عامر:آآ الوالد يطلبك الحل
الوليد طاح الجوال من ايده ووقف في مكانه مصدوم ومو مستوعب
الدكتور عامر:آلو آلو
أم الوليد طلعت من المطبخ ومسكته:ولود شفيك؟؟_شافت الجوال مرمي ورفعته وقالت بصوت وااااطي_مين؟؟
الدكتور عامر ماميز الصوت لأنه واااطي وهو باله مشتت:خلاص ياالوليد هذا قضاء الله وقدره وأبوك راح لربه
أم الوليد حطت ايدها على فمها بصدمه وهمست:عبدالله مات_صرخت صرخه هزت الرياض كلها_لاااااااااااااااااااااااااااااااااااااااااااا ااااااااااااااااااااااااااااااااااااااااااااا
الدكتور عامر سكر السماعه بسرعه وقال للممرضات:شكلي نكبتهم

عند الوليد جلس على الكنب ودموعه تنزل بكثافه همس:أبوي مات وسكت وجلس مكانه متنح من الصدمه
فارس نزل يركض وهو يسكر أزارير قميصه:خير يمه شفيه؟؟
أم الوليد جلست على الأرض وهمست:عبدالله مات_حطت ايدها على فمها وهزت راسها بعدم استيعاب_لالالا_صرخت_لا عبدالله لا_علا صوتها_لااااااااا عبدالله لا لا عبدالله عبدالله عبداللااااااااااااااااه لا_مسكت قميصه الأبيض وهي تصرخ_عبدالله عبدالله
فارس:أبوي مات_نزلت دموعه على طول وغمض عيونه ورفع راسه_الله يرحمه
أم الوليد مستمره في الصراخ:راح راح ياحسرتي عليك ياحصه بتعيشين باقي حياتك بدون عبدالله ياحسرتي عليك
فارس رفعها:خلاص يمه خلاص كفايه
أم الوليد:خلاص إيه خلاص راح عبدالله راح
فارس ابتلش مايدري شيسوي الوليد جالس مكانه ساكت ودموعه تنزل وأم الوليد منهاره وعبير .......... إيه صح عبير سأل أمه:عبير وينها؟؟
أم الوليد تذكرت عبير وقالت:راحت لأبوها_حطت ايدها على فمها_راحت لأبوها_شهقت_
فارس:أكيد عرفت
ام الوليد:ياربي وشهالمصايب اللي تجمعت علينا!!
فارس:يمه امسكي نفسك عشان عبير
أم الوليد تبكي:ماقدر ماقدر عبدالله راح
فارس:يمه الرسول مات قبله وأمك وأبوك بعد كلنا ماشين لهالطريق أبوي يبغاك تكونين عون وصبوره عشان أولادك
أم الوليد هدت شوي وهي بطبعها صبوره:خلاص روح لعبير وأنا بأشوف الوليد
فارس:أوكي
ركب سيارته وأطلق العنان لدموعه(أبوي راح خلاص .. ياربي صبرني)شغل الراديو وكانت على إذاعة القرآن الكريم وكان الشيخ سعود الشريم_حفظه الله_يقرا بصوته العذب الخاشع:{ولنبلونكم بشئ من الخوف والجوع ونقص من الأموال والأنفس والثمرات وبشر الصابرين¤الذين إذا أصابتهم مصيبه قالوا إن لله وإن إليه رجعون¤أولئك عليهم صلوات من ربهم ورحمه وأولئك هم المهتدون}_سورة البقره_
زفر:إن لله وإنا إليه راجعون
ركن سيارته ونزل وهو متوهق شلون يسأل عنها أول مادخل كان الدكتور عامر واقف في الرسيشن وعرفه توجه وسلم عليه
الدكتور عامر:أحسن الله عزاك
فارس ماسك دموعه:جزاك الله خير آآآ بنت المتوفي كانت فـ....
الدكتور عامر قاطعه:إيه البنت اللي كانت عنده جاها انهيار عصبي
فارس:إنهيار عصبي!!
الدكتور عامر:والدها مات قدامها زين جت على كذا
فارس:الله يرحمه
الدكتور عامر:الحمدلله هو نطق الشهاده قبل موته وإن شا الله مثواه الجنه
فارس:إن شا الله .. ألحين أبغى أشوفها
الدكتور عامر:تفضل
مشى وراه فارس ودخل الجناح وكانت في الجناح اللي كان متنوم فيها أبوه تجمعت الدموع في عيونه تذكر كيف أبوه كان متشائم وكأنه عارف انه بيموت .. ناظر عبير نايمه بسلام تطمن عليها وطلع وشاف أبوه وسلم عليه وكمل الإجراءات
ركب السياره(ياربي وشهالمصيبه اللي طاحت فوق راسي!!الوليد مايتحرك ولايحكي وعبير منهاره وأمي نفس الشي المسؤوليه كلها علي الله يعيني)وقف سيارته ونزل ولقى أمه جالسه في الصاله وتبكي جلس جنبها:يمه شقلنا؟؟خلاص لازم تكونين قويه عشان أولادك
أم الوليد:الوليد يافارس طلع ومادري وين راح؟؟
فارس طلع جواله وطلب رقمه لكنه انقطع ومارد .. ناظر أمه وتنهد:أتصل فيه ومايرد
أم الوليد:وعبير كيفها؟؟
فارس:مات قدامها وجاها انهيار عصبي
ام الوليد بنحيب:ياحسرتي عليك ياحصه زوج مات وبنت منهاره وولد مصدوم ومايحاكي أحد_سحبت بلوزتها_أنا وشسويت في حياتي عشان يصير لي كذا
فارس:يمه هذا قضاء وقدر استغفري
أم الوليد:استغفر الله
فارس وقف:أنا طالع أشوف الوليد راح وين؟؟

الوليد راكب سيارته ودموعه على خده أبوه مات خلاص يحتاج أحد يخفف عليه يحتاج حنان وماراح يلقى أحسن من زوجته دخل البيت وكانت الأنوار مطفيه .. غيداء شغلت الأنوار ووجهها مغطى بالدموع صرخت بعصبيه:تصد عني ومشيتها ترجع أخر الليل ومشيتها قلبك معلق في وحده غيري ومشيتها لكن انك محتفظ بصورها وتتفرج عليها لاااااا لاوألف لا
الوليد منزل راسه:....
غيداء تنرفزت منه رمت عليه ألبوم صور العنود وصرخت:أحكي
الوليد:....
غيداء قربت منه ومسكت مقدمة قميصه وهزته وصرخت:أنا أحكي معك رد علي أنا خلاص طفشت منك طلقني
الوليد أبعدها بعنف وناظرها:...
غيداء انصدمت من وجهه المغطى بالدموع:!!!!!!!!
الوليد وجه لها كف:أنتي طالق_كف ثاني_طالق_كف ثالث_طالق_حضنها وبكى_أبوي مات ياغيداء مات وبدا ينحب
غيداء انصدمت وماحست بألم الكف من الصدمه:....
الوليد دفها وصرخ:كنت أتمنى أدخل عليك تخففين علي وتواسيني بس للأسف طلعتي ماتستاهلين شي_أشر بايده وصرخ_برا
غيداء:الولـ...
الوليد قاطعها وهو يرمي عليها عبايتها ويصرخ:برااا
غيداء خذت العبايه وشنطتها والوليد دفها:براا
غيداء طلعت والوليد ردع الباب:طرااااااااخ
رجع ورفع ألبوم العنود ورماه على الكنب:حتى انتي وش تبغين مني؟؟اطلعي من حياتي_جلس على الأرض وقالت بصوت باكي_اطلعي من حياتي اطلعي من حياتي وبدا ينحب ويبكي إلى أن نام على الأرض والسيراميك البارد

غيداء طلعت وركبت السياره مع السواق وتوجهت لبيت أهلها ... دخلت البيت وكانت ندى جالسه في الصاله تقرا مجله رفعت راسها وانصدمت:غيداء!!
غيداء رمت نفسها في حضن ندى وهي تبكي:طلقني ياندى طلقني
ندى:ايييييش!!_بعدت عنها ومسكت أكتافها_كيف؟؟وليه؟؟ومتى؟؟
غيداء:أبوه مات وأنا استقبلته بزفه محترمه<<قلبها ماطاوعها تحط اللوم عليه ندى:مات!!مافهمت اشرحي لي غيداء شرحت لها السالفه كلها وهي بين فتره وفتره تشهق في البكي وختمت حكيها:أنا اللي كنت غلطانه من أول حبي له أعماني عن أن استخير ندى:حبك!! غيداء نزلت راسها:إيه أنا كنت أحبه من قبل الزواج من أيام شغلي في المستشفى ولما تقدم لي مااستخرت على طول وافقت وهذي غلطتي ندى:أحسن لك وش تبغين بواحد مايعرف قدرك!! غيداء قالت بصوت باكي:أبغاه ياندى أبغاه لو يهزئني كل يوم ويضربني شوفتي له تمسح كل شي شين فيه ندى:لا حالتك صعبه غيداء غطت وجهها تبكي:.... ندى:هو لمسك؟؟صار شي بينكم!! غيداء حركت راسها بالنفي وهي مغطيه وجهها:.... ندى:خلاص أجل انسيه وعيشي حياتك هو ماطبع أي أثر في حياتك والحمدلله ماعليك عده ولاشي غيداء:مالي عده!! ندى:إيه لأنك بكر ربك وش يقول{يأيها الذين امنوا إذا نكحتم المؤمنات تم طلقتموهن من قبل أن تمسوهن فمالكم عليهن من عدة تعتدونها}_سورة الأحزاب_ غيداء:أول مره أعرف ندى:للأسف كثار يجهلون هالشي لأن هالجانب مهمل غيداء وقفت:أنا تعبانه وبأروح أرتاح إذا جا خالد خبريه ندى:أوكي غيداء طلعت لغرفتها وقفلت الباب وبدلت ولبست بيجاما وتمددت على السرير وتركت الحريه لدموعها تمشي على خدودها بحريه اليـــــوم الثانــــــي أول أيام العزا عواد أول مادرى بالخبر رجع للسعوديه هو ورؤى اللي انصدمت بالخبر لكن صدمتها ماكانت قويه لأن علاقتها كانت سطحيه مع أبوها ومابعد عرفت قيمته .. رجع عواد ووقف مع فارس ومهند ونايف وأعمام الوليد في العزا أما عند الحريم العنود وأمها كانوا واقفين مع أم الوليد وأخواتها لأن أبوالوليد ماكان عنده أخوات .. أما الوليد كان في بيته اللي مع العنود ومسكر عليه الباب ومارد على أحد .. وعبير نروح نشوفها العنود دخلت المستشفى وهي يالله تمشي من التعب كان يوم متعب دخلت جناح عبير وشافتها نايمه جلست على الكرسي ودخل الدكتور عامر:السلام عليكم العنود:وعليكم السلام الدكتور عامر فحص عبير وهو يتأملها(وش سويتي فيني ياعبير يابنت عبدالله؟؟دخلتي قلبي بدون استئذان وتــ...)العنود قطعت عليه تفكيره:كيفها؟؟ الدكتور عامر ناظرها:الحمدلله صحتها كويسه لكن إلى ألحين مصدومه إذا صحت تبدا تصرخ ونضربها إبره مخدره لكن إذا صحت هالمره مانقدر نعطيها منوم لأن جسمها ماعاد يتحمل منومات العنود:الله يعين الدكتور عامر:آمين عن أذنك العنود:تفضل الدكتور عامر طلع والعنود جلست ربع ساعه وتحركت إيد عبير .. العنود وقفت فوق راسها ومسكت ايدها .. عبير فتحت عيونها ببطئ .. العنود خافت تنهار ابتسمت:الحمدلله على السلامه عبير بصوت وكأنه طالع من جوا بير:العنود العنود:عيونها عبير نزلت دموعها:بابا مات العنود:ادعي له بالرحمه هذا اللي بيفيده عبير:أنا كنت جايه أقوله دخلت الـ22 سنه_ارتجف صوتها_ومات وغطت وجهها تبكي العنود:كلنا بنموت ياعبور كوني في عون أمك_تجمعت الدموع في عيونها_والوليد جالس في بيته ومايرد على أحد واللي يدق عليه يعطيه مشغول أرجوك ياالعنود لاتزيدين هم أمك على الأقل قدامها اصبري عشان تكسبين أجر ربك وصلاته{ولنبلونكم بشئ من الخوف والجوع ونقص من الأموال والأنفس والثمرات وبشر الصابرين¤الذين إذا أصابتهم مصيبه قالوا إن لله وإن إليه رجعون¤أولئك عليهم صلوات من ربهم ورحمه وأولئك هم المهتدون}_سورة البقره_ عبير مسحت دموعها:إن شا الله العنود:بأنادي الدكتور يكتب لك خروج عبير مسكتها قبل ماتروح:رؤى عرفت؟؟ العنود:إيه عبير:كيفها؟؟ العنود:تبكي ومتأثره عبير:.... طلعت عبير والعنود ساندتها بعد ماكتب لهم الدكتور خروج .. الدكتور عامر كان واقف عند الباب يناظر عبير ويحفظ صورتها اختفت عن نظره وتنهد رن جواله وطلعه ناظر الشاشه فطومتي يتصل بك ابتسم خلاص عبير طموح مستحيل وراحت وفاطمه زوجته اللي واجب عليه يحبها مثل ماتحبه رد:هلا حياتي **هنــــاك حــب يكــــون دفيــــن اللـحظــه الــذي ولـــد فيـــهـا وحـب عــامـر لعبـيــر مثـــال لـذلــك فارس راح للوليد وطق الباب:طق طق الوليد:..... فارس من ورا الباب صرخ لأنه متأكد انه في الصاله من النور:الوليد افتح الباب هذا أنا الوليد:.... فارس:مايصير تسوي كذا في نفسك حالتك هذي ماراح ترجعه الوليد:.... فارس:عشان أمك ياالوليد أمي ماتدري تبكي على مين ولامين؟؟ الوليد:.... فارس يأس وراح داخل البيت الوليد ماسك صورة أبوه ودموعه تنزل بكثافه مصايب فوق راسه مالها عد ولا مد الـبـــــارت الـتـــاســـــع مكتـــوب ومقـــدر كـل شـــي تــرا مكتـــوب بـــس خلنـــا نصبـــر مثـــل النبـــي أيــــوب ?? نصبـــــــر علـــى الأحــــزان ومفـــــارق الخــــلان نصبـــــــر علــــى الغربـــــــه والشـــوق للأوطـــان ?? نصبـــر علــــى الجــــروح والضيـــق والحرمـــان نصبـــر وهــــم نصبــــر والله وحـــــده المستعـــــان ?? مكتــــــــــــــــــــــوب&مقــــــــــــــــــــ ــدر مرت أيام العزا طويييله وكئيبه عالكل واليوم أخرها أم الوليد بس تبكي ومتأثره & عبير جالسه مكانها ساكته ودموعها تنزل وبين فتره وفتره تتذكر مواقفها مع أبوها وتنهار لكن العنود كانت بجنبها وتصبرها وتهديها هي وأمها & رؤى كانت جالسه وتبكي حتى ماراحت لبيتها & فارس كان هو اللي ماسك العزا تقريبآ & عواد ومهند ماقصروا كانوا واقفين بجنب فارس وكأنهم أولاد المتوفي & الوليد حضر الصلاة عليه وانهار قدام الناس ورجع لبيته وسكر عليه الباب ومايرد على أحد مهند كان واقف في العزا متوتر وعينه تدور على الرجال برعب يخاف من الجمعات والعزايم ،، لكن ماطول على هالحاله إلى أن سرح بأفكاره وبدا يفكر في عبير(أكيد متأثره ومنهاره ،، آآآه ياعبير نفسي أحضنك وأخفف عليك وأواسيك بس وش أسوي ياقلبي؟؟العين بصيره والإيد قصيره) عواد كان جالس يراقب الناس ومعالم الحزن على وجهه مستحيل ينسى جمايل أبوالوليد عليه ومعروفه له ،، كان طول حياته يعتبره مثل والده ،، تذكر لما صلوا عليه وكيف كان الوليد يبكي ويشهق وينحب بصوت عالي مثل الأطفال ولما جوا يدفنونه وكيف رمى بنفسه وتمسك فيه وهو يصرخ ((يبه أرجوك ارجع وربي لأشتغل معاك مثل ماتبي ،، يبه ارجع والله ماابغى أصير يتيم ،، يبه ارجع والله أحبك ،، ارجع وأسوي اللي تبغاه ،، تكفى يبه ،، يبـــــه ،، يبــــــــــــه عواد رفعه:خلاص ياالوليد ادعي له الوليد مسك ثوبه:أرجوك ياعواد ماأبغاه يموت أنا مو قد المسؤوليه أمي وخواتي يبغوه عواد نزلت دموعه ولأول مره منذ بلوغه حتى وقت وفاة والده ماتأثر هالثأثر يمكن لأن أبوه كان شديد عليهم ولا قد جلس معه بسبب تفكيره الخاطى:... الرجال ابعدوه عنه وقلوبهم متقطعه على حالته الحزينه الوليد يحاول يتفلت منهم لكن من دون فايده أخر شي طلع من المقبره ركض وتوجه لسيارته عواد صرخ:الوليد جا بيلحقه لكن ايد عبدالعزيز عم الوليد منعه:اتركه هو رجال ويعرف مصلحة نفسه)) زفر يمكن تخفف زفرته من الحزن والكآبه اللي بداخل صدره وبدا يستقبل المعزين عنــد الحريـــــم أم الوليد كانت جالسه تراقب العنود بحزن وهي تشتغل تروح وتجي وكأنها بنتها مو صديقة بنتها وطليقة ولدها عند هالنقطه تجمعت الدموع في عيونها ندمت قد شعر راسها على طلاق الوليد والعنود ،، العنود قطعت تفكيرها وهي تقرب منها وتبوس راسها:يلا خالتي أنا استئذن تبغين شي أم الوليد طول أيام العزا تبكي لكن هالمره كانت دموعها على ولدها وطليقته ،، ناظرتها:عبير نامت؟؟ العنود بحزن زفرت:إيه بالويل أم الوليد:الله يوفقك ويسر أمرك ويكون في عونك العنود ابتسمت:آمين ،، مع السلامه أم الوليد:مع السلامه العنود لفت بتطلع لكن أم الوليد وقفتها:العنود العنود لفت:هلا أم الوليد وقفت:الله يخليك ياالعنود كان لي معزه عندك تروحين للوليد العنود دق قلبها وقالت لاإرادي:مستحيل!! أم الوليد برجاء:أرجوك روحي شوفيه_ارتجف صوتها_والله مايهون علي أجلس وهو حابس نفسه في بيت لوحده لو يصير له شي محد درى عنه العنود توهقت وماعرفت شتسوي:.... أم الوليد:عشاني ماما أرجوك العنود قالت:إن شا الله وتوهقت أم الوليد بفرح:الله يوفقك يابنتي ويعطيك على قد نيتك ويرزقك الذريه الصالحه العنود حست بالفرحه تداعب قلبها من الدعوه اللي قالتها طلعت وركبت سيارتها(ياربي وشهالوهقه اللي وهقت نفسي فيها؟؟وشسوي؟؟أسحب عليها بس وإلا أروح له!!بس ماقدر مـ.....)قطع عليها تفكيرها السايق:وين يروح ماما؟؟ العنود سحبت نفس وقالت:أنا أوصف لك امش قدام ألحين الوليد كان جالس في بيته ودموعه على خده ويناظر صورته مع أبوه وهم مبتسمين عض شفايفه(شسويت أنا بدنياي عشان يصير لي كذا ياربي؟؟أبوي راح خلاص بأفقد اتصلاته الصباح يصحيني من النوم .. بأفقد ضحكته .. بأفقد حنته علي بأن اشتغل معاه بـ....)قطع عليه تفكيره صوت الباب يدق وكالعاده مارد(فارس هذا مايمل كل يوم يجي):.... العنود من ورا الباب قالت:وليد الوليد أول ماسمع صوتها دق قلبه بقوووه وقام بسرعه وفتح الباب:.... العنود ناظرته كيف نحفاااان وعظام خده بارزه وعيونه ذبلانه وتحتها هالات سودا ودقنه طالع بشكل مقزز حتى رقبته نابت فيها الشعر ،، دق قلبها وانمغص بطنها ورجلها قامت ترجف:.... الوليد ناظر عيونها نفس العيون بلمعتها البريئه وبدون أي زينه ،، اشتاق لها ولبرائتها:.... حرآم | آلليل | مآهو | ليل | آذآ مآگنت .. في ليلگ وحرآم | آلصبح | مآهو | صبح | آذآ مآگنت .. بضلآلگ تروح .. وقلت آحط روح ـي.. على گفي .. وآنآدي .. لگ نزعت آلـ ع ـمر .. من شفت ..آلغلآ.. بآلروح نآدى لگ الوليد ماقدر يقاوم ورمى نفسه في حضنها وانفجر بكي ،، العنود أول مره يبكي الوليد قدامها نزلت دموعها:عظم الله أجرك الوليد وهو في حضنها:أنا انتهيت ياالعنود انتهيت العنود بعدت عنه:لا ياوليد ليش ماتقول هذي صفحه جديده في حياتك ولازم تتأقلم معاها الوليد ناظرها:.... العنود انتفضت أطرافها وتوترت لكنها قالت بثبات:خلاص ياوليد أبوك راح لربه وكلنا بنمشي في هالطريق ليه تضايق نفسك وتضايق أمك وأهلك معك؟؟أنت رجال البيت ياوليد وأنت المسؤول عن أمك وخواتك لازم تكون قوي هذا اختبار من ربك يختبر صبرك وإيمانك ولازم تصبر عشان تنجح بالإختبار وتفوز بأجر ربك وصلاته ربك يقول:{ولنبلونكم بشئ من الخوف والجوع ونقص من الأموال والأنفس والثمرات وبشر الصابرين¤الذين إذا أصابتهم مصيبه قالوا إن لله وإن إليه رجعون¤أولئك عليهم صلوات من ربهم ورحمه وأولئك هم المهتدون}هل حالتك هذي رجعته لك؟؟أوعدني تكون أقوى الوليد:.... العنود:أوعدني!! الوليد:أوعدك العنود ابتسمت من ورا لثمتها:حط في بالك دايم انك رجال البيت ومشت عنه الوليد ناداها:العنود العنود التفتت له:أنا مو لك ياوليد أنا في ذمة غيرك وطلعت الوليد ناظر خصرها اللي يتمايل وهو نفسه يروح يمسكه ويلف ايديه عليه مثل مايسوي دايم زفر ودخل البيت تروش وحلق وراح للقصر وهو مقرر يكون الوليد ثاني العنود ركبت السياره وغطت وجهها وانفجرت بكي:.... السايق توهق العنود صايره بس تبكي إذا ركبت السياره:... العنود بعد فتره قالت بصوت مبحوح:على البيت يااسحاق السايق:حادر الوليددخل القصر وكانت أمه جالسه في الصاله بالبلس الأسود والطرحه أول ماشافته ركضت وحضنته وهي تبكي:ليه ياالوليد؟؟ليه تسوي فيني كذا؟؟ الوليد حضنها:آسف يمه بس الصدمه كانت صعبه أم الوليد بعدت عنه:كانت صعبه علينا كلنا عبدالله غالي الوليد:الله يرحمه_قال يغير الموضوع_شيوخ وين؟؟خبرتوها؟؟ أم الوليد:إيه ماقدرنا نخبي عنها الناس والجرايد مابقي أحد ماحكى عنه وبس تبكي لكن عبير هدتها الوليد:وعبور؟؟ أم الوليد:مات قدامها وجاها انهيار عصبي ونامت يومين في المستشفى الوليد:طيب وينهم ألحين؟؟ أم الوليد:ناموا تعبانين الوليد وقف:أنا بأروح أنام بعد يومين مانمت أم الوليد:وغيداء؟؟ الوليد بدون مقدمات:طلقتها أم الوليد حطت ايدها على فمها:ليه؟؟ الوليد زفر:ربي ماكتب نصيب وطلع مايبغى يحكي في هالسالفه دخل الغرفه وفصخ تيشيرته ورمى بنفسه على السرير ونااااام من التعب أم الوليد كانت جالسه تحت(شي طبيعي يطلقها ،، كيف يستمر معها وهو مايحبها ودايم يفكر بالعنود!!) طلعت فوق ودخلت غرفته وناظرت وجهه وكيف نايم بعمق من التعب تجمعت الدموع في عيونها(الله يعينك ياولدي طلقت مرتين ،، أنا الغلطانه كان مفروض أتركك مع اللي تحبها بس وش ينفع الندم؟؟العنود انخطبت وملكتها بعد اسبوع)غطته كويس وطفت الأنوار وطلعت .... دخلت غرفتها وتمددت على السرير ناظرت مكان زوجها ومسحت عليه بايدها وعضت شفايفها(وينك ياعبدالله؟؟وينك تخفف علي؟؟بس خلاص أنت رحت وماراح ترجع)رمت نفسها على مخدته وانفجرت بكي إلى أن نامت يــــوم جــديــــــد يوم يفرض نفسه عالكل بحلوه ومره نبدا بالعنود اللي كانت جالسه في غرفتها وتدور حول سريرها سمعت صوت باب غرفة أبوها انفتح وركضت طلعت:بابا أبوالعنود التفت لها وابتسم:لبيه العنود باست راسه وقالت بتردد:بابا آآ اممم أبوالعنود جلس على الكنب وأشر لها تجلس وقال:تعالي يابابا العنود جلست بتردد:..... أبوالعنود لف ايديه على أكتافها:احكي يابابا شفيك؟؟ العنود:آآآ بابا أنا ملكتي بعد اربع أيام صح؟؟ أبوالعنود:صح العنود:طيب أبوعبير توفى وصعبه نحتفل وأبوها لسى متوفي صح؟؟ أبوالعنود:صح العنود:أوكي شرايك تحاكي أبوعصام وتطلب منه يأجل الملكه اسبوع ثاني؟؟ أبوالعنود:والله حتى أنا أقوله بس هم مادري شفيهم مستعجلين!! العنود:بابا أرجوك حاكيه أبوالعنود:أوكي وتوه بيقوم جلست العنود:على وين؟؟حاكه ألحين أبوالعنود:ألحين!! العنود:إيه بابا أرجوك أبوالعنود طلع جواله:حاضر أبوعصام كان جالس على طاولة الأكل يفطر مع أولاده وكان الجو هدوووء قطع الهدوء جوال أبوعصام اللي رن ،، رد أبوعصام:هلا أبوفواز عصام كان نعسان أول ماسمع أبو فواز التفت لأبوه بسرعه:.... أبوالعنود:هلابك كيف الحال؟؟ أبوعصام:الحمدلله مانسأل إلا عنكم أبوالعنود:الحمدلله ،، والله يابو عصام مادري شاقولك؟؟ أبوعصام:خير!! أبوالعنود:والله يابوعصام مثل ماانت عارف المليادير عبدالله السجيدي توفى أبوعصام:الله يرحمه أبوالعنود:وبنته صديقة العنود والعنود نفسها تأجل الملكه شوي عشانها أبوعصام ناظر عصام:أجل تبغى تاجل الملكه عشان وفاة أبوصديقتها أبوالعنود:إيه والله عصام أشر بايديه وحرك شفايفه بدون صوت:لا لا لا لا أبوعصام كتم ضحكته:والله يابوفواز الولد مستعجل ومثل ماانت عارف من زمان وهو يبي يتزوج وحجزنا القاعه وصعبه نأجلها أبوالعنود:وصعبه تحتفل بملكتها وصديقتها متوفي أبوها أبوعصام:عاد وش نسوي؟؟كلنا بنموت وهذا قضاء وقدر أبوالعنود:أوكي براحتك أبوعصام:سامحنا يابوفواز كان نفسنا نلبي طلبك بس موبايدنا أبوالعنود:لا معذور مع السلامه أبوعصام:مع السلامه سكر أبوعصام وبدا يحكي لعصام السالفه وعصام راااافض أبوالعنود سكر وقال للعنود:رفض العنود باحباط:لاااا أبوالعنود:شسوي؟؟أنا حاولت فيه بس مصر العنود:.... أبوالعنود حز في خاطره دلوعته ووحيدته زعلانه قال:حاكي عصام ممكن يوافق!! العنود باستنكار:مستحيل أبوالعنود:حاولي العنود فكرت شوي بعدها قالت:اعطيني رقمه أبوالعنود عطاها رقمه وطلع ،، العنود ناظرت رقمه بتردد بعدها ضغطت على الأخضر..... عصام رجع يكمل فطوره لكن جواله رن طلع وناظر الشاشه *****055 يتصل بك استغرب الرقم لكنه رد:هلا العنود تجمعت الدموع في عيونها ونفسها تسكر السماعه بس قالت بصوت واااطي:عصام!! عصام عرفها من صوتها الناعم المدلع قام وطلع:هلا العنود:أنا العنود عصام:إيوه عرفتك كيفك؟؟ العنود:الحمدلله وسكتت لوكان الوليد كان ضحك وقال أنا بخير عصام:آلو العنود:إيوه معك_سكتت شوي_عصام عصام يدق قلبه بمجرد نطقها لاسمه بدلعها:لبيه العنود:آآآ صديقتي توفى أبوها ومرره متأثره وماتاكل إلا من ايدي وأبغى أأجل زواجنا اسبوع ورا شرايك؟؟ عصام ماعرف شيقول صعبه يرفض وهو مايبغى يأجلها:العنود كلنا بنموت مو معقوله نأجل زواجنا عشان فلان مات العنود:بس هو مات قدامها وأكيد تعرف قصة موت عبدالله السجيدي وحالتها النفسيه مره زفت عصام:أوكي نعمل حفله صغيره نادي خوالك وأعمامك وخوالي وأعمامي بس العنود سكتت تفكر أحسن لها مايحتاج زفه وزبرقه وكشخه زايده وهي ماتبغى كل هذا:أوكي عصام ابتسم:اتفقنا العنود:اتفقنا ،،أكيد حكالك بابا عن اني بأكمل دراستي عصام:إيوه أكيد من حقك العنود:أوكي ماأطول عليك ومشكور على تفهمك عصام:شدعوه العنود!!أنا خطيبك وزوجك قريب مابينا شكر العنود:تسلم مع السلامه عصام:مع السلامه سكر وتنهد(متى أتزوج ويصير هالدلع ملكي وحلالي؟؟)مشى لسيارته وتوجه لعمله قصـــــــر السجيـــــــدي عبير كانت نايمه بسابع نومه بعد يوم متعب وكئيب الوليد صحى من بدري عشان وراه شغل كثيييير كان وهو يبدل يفكر بينه وبين نفسه(أول أروح للمستشفى أقدم استقالتي بعدين أروح للشركه أعرف الشغل كيف؟؟وأعرف طبيعة الشغل)لبس ثوبه وشماغه عشانه بيروح للشركه وكشخ ونزل ناظر طاولة الأكل وتجمعت الدموع في عيونه العاده إذا كان أبوه موجود يكون جالس يقرا الجريده لكن على طول تذكر حكي العنود(أنت رجال البيت ياوليد وأنت المسؤول عن أمك وخواتك لازم تكون قوي ......... أوعدني تكون أقوى)قال بصوت مسموع:أوعدك جلس على الطاوله وبدا يفطر(الله يازين الحريه لو غيداء فيه كانت جلست تحن وتزن على راسي وتشكى)شيخه نزلت وجلست ودموعها على خدها ،، الوليد قال:مافيه صباح الخير شيخه بهدوء:صباح الخير الوليد قام وجلس جنبها وقال بابتسامه حنونه:شيخ شفيك؟؟ شيخه غطت وجهها وهي تبكي:ماأبغى أروح للمدرسه أبغى بابا الوليد مسح على ظهرها:خلاص بابا راح للجنه إن شا الله وهو يبغاك تدرسين عشان ترفعين راسه إذا تحبين بابا سوي اللي يبغى عشان ترفعين راسه بكره يقولون عبدالله الله يرحمه جاب بنت ولا كل البنات مؤدبه ومتفوقه وعاقله هذا اللي يبغاه بابا_ابتسم_صوح؟؟ شيخه ابتسمت ودموعها مغطيه وجهها البريئ:صوح الوليد:وتقدرين تعتبريني بابا من ألحين شيخه:والله الوليد:إيووون شيخه:ههههه الوليد وقف:يلا افطري أنا رايح للدوام شيخه بابتسامه:إن شا الله بابا الوليد ابتسم لها وطلع ركب السياره وراح للمستشفى فـي المــســتـــشــفـــى نزل الوليد من السياره ودخل المستشفى ،، أول مادخل الكل التفت له الثوب والشماغ يعطيه هيبه وقوه خاصه مع عيونه الحاده ،، جمانه فتحت فمها ملابسه تتحكم فيه وتغير شكله وكانت أول مره تشوفه بالثوب خقت خقه موب صاحيه وكل الممرضات والدكتورات خقوا ،، جمانه تبغى تكشخ به قدام الكل تقدم له ومدت ايدها وقالت:أحسن الله عزاك في والدك الوليد صافحها:الله يجزاك خير توجه للإداره وطق الباب وقدم استقالته لكن مدير المستشفى قال:لا يادكتور الوليد أنت دكتور معروف وعليك طلب واستقالتك خساره للمستشفى أرجوك أعد النظر في المسأله الوليد ناظره(خسيس وماهمك إلا الفلوس):والله يادكتور يوسف أنا الوحيد المسؤول عن أموال الوالد وشركاته بعد وفاته خاصه إن ماعندي اخوان عشان كذا أنا مضطر مدير المستشفى وقع على الإستقاله مغصوب وهو ما وده لأن الوليد بشاطرته وخبرته عليه طلب ومصدر رزق للمستشفى ،، طلع الوليد وتوجه للشركه بشخصيه حازمه صارمه بسبب ظروف العمل العنود ركبت السياره وتوجهت للجامعه ماتبغى تكون باقيه على أخر سنه وكان لازم تسوي كذا عشانها وعشان عبير ،، دخلت القاعه وبدت تكتب مع الدكتوره ومركزه نروح نشوف العرسان رؤى كانت نايمه بذمه وعواد صحى من بدري وبدل عشان يروح يساعد الوليد في أمور ،، رؤى حست بحركته وقامت وقالت بصوت ثقيل:صباح الخير عواد التفت لها وهو يسكر أزارير الثوب وابتسم:صباح النور رؤى:ليه صاحي من بدري؟؟ عواد وهو يلبس جزمته:بأروح الشركه مع الوليد رؤى:آها عواد خذ شماغه وطاقيته وعقاله وجلس بجنبها وأعطاها خده:بوسه سريعه حياتي رؤى دفت خده:هههه روح للشغل قبل عشان ماتكبر السالفه عواد رجع خده:بس بوسه رؤى باست خده:يلا عواد عطاها الخد الثاني:وهذا عشان مايزعل رؤى باسته بسرعه:خلاص روح عواد باس خدها:مع السلامه حياتي باشتاقلك وطلع رؤى ناظرته مبتسمه إلى أن اختفى بعدها رجعت تكمل نومها عواد نزل وباس راس أمه ووصل خواته للمدارسهم وجامعاتهم وتوجه للشركه ،، دخل الشركه وتوجه لمكتب المدير العام طلب من السكرتير يدخله وعلى طول دخل أول مادخل قام له الوليد وحضنه بقووه ،، عواد بادله الحضن:والله لك وحشه ياالدب الوليد:حتى أنت والله_بحزن_شفت المصايب اللي تجمعت فوق راسي عواد:هونها وتهون الوليد:الحمدلله_جلس ورا مكتبه_يلا تعال نبدا الشغل عواد استغرب حالته تغيرت بسرعه أيام العزا ماكان يحاكي أحد وألحين تحسنت نفسيته ،، جلس على المكتب:أشوفك نفسيتك حلوه الوليد سند نفسه على الكرسي وسحب نفس:آآآه ياعواد جتني لحد بيتي عواد:مين؟؟ الوليد ناظره:العنود عواد:والله!! الوليد:والله جت وشحنتني وراحت عواد:هههه حلوه جت وشحنتني الوليد:والله أحس نفسيتي تغيرت من بعد جيتها عواد:وغيداء؟؟ الوليد:أووه خبرك عتيق طلقتها عواد بصدمه:طلقتها!! الوليد:إيه ليلة وفاة أبوي الله يرحمه رجعت البيت وأنا منهار ونفسي في خشمي وتستلمني هواش وصراخ أخر شي قالت طلقني وطلقتها ومع كل طلقه كف عواد انفجر ضحك:ههههههههههههه كف مع كل طلقه هههههه الوليد:انصدمت لما شافت دموعي وخبرتها عن وفاة أبوي وبان عليها الندم وطردتها وطلعت وهذا أخر علمي بها عواد:حرام وربي رحمتها الوليد:الطلاق كان أفضل حل أنا ماأطيقها وهي تتنرفز مني عواد تنهد:وألحين!! الوليد حرك إيديه:خلاص مابغى زواج وارتباط بأعيش باقي عمري عزابي ياحلو العزوبيه عواد بخبث:ماراح تقدر تصبر الوليد:تحسب كل الناس مثلك أنا عندي القدره أمسك نفسي عواد أشر بايده وقال باستهزاء:تعال بس يااللي عندك القدره نبدا الشغل الوليد ضحك ورفع الملفات وحطها على الطاوله وجلس على الكنب الجلدي:يلا ولازم نخلص بدري عشان الظهر بأروح للمحكمه أخلص اجراءات الحريه قصدي الطلاق عواد ضحك وجلس بجنبه ،، الوليد قال وهو يفتح أول ملف:شيوخ مره متأثره متضايقه من بعد وفاة الوالد عواد:الله يعينها_سكت شوي وقال_شرايك أجيب عندها تلعب معها وتغير جوها الوليد ناظرها:والله فكره عواد:خلاص العصر أجيبها والله يعينكم عليها بتشب ببيتكم الوليد:ههههههههه وبدوا شغلهم وعواد ينبهه عالأشياء المهمه يـــوم الخميــــس زواج العنــــود&عصـــام اليوم اللي تمنت العنود إنها تموت ولايجي ،، كانت مسكره على نفسها الغرفه وتبكي طول ليلها ومانامت ،، أم العنود طقت الباب:يلا عنودي ماما بتجي المصففه ألحين وأنتي ماتروشتي العنود:حاضر ماما أم العنود راحت والعنود جهزت ملابسها ودخلت تتروش ،، تحت المويه اختلطت دموعها بالمويه البارده طاحت عينها على شامبو هيربل اسنسز وتذكرت ((الوليد جالس في حديقة بيت العنود والعنود جالسه بجنبه ومايله عليه بحيث يكون ظهرها على صدره الوسيع وضامه رجليها بين ايديها والوليد حاط ايده اليسار على خصرها وايده اليمين مدخلها من تحت ابطها وحاطها على صدرها دخل وجهه في شعرها اللي مخليته على طبيعته الكيرلي وقال:الله ريحة شعرك روووعه العنود:هذا شامبو هيربل بالتوت الوليد:مره ريحته حلوووه العنود رفعت راسها وناظرت دقنه الطويل:أنت شتستخدم أي شامبو؟؟ الوليد نزل راسه يناظرها:كلير للرجل العنود أشرت على أنفه الطويييل:فيه كسره هنا!! الوليد:إيه هذا حادث من أيام الطفوله العنود:بس تصدق مره معطيك شكل حلو الوليد ممدها على فخوذه:بس هذا اللي معطيني منظر حلو العنود:اممم_مسكت دقنه_خلني أشوف وبدت تتأمل ملامحه الوليد دخل ايديه في خصرها يدغدها:وألحين؟؟ العنود:ههههههههه خلاص تهبل تهبل ههههههه الوليد:قولي حبيبي العنود:هههههه حبيبي ههه الوليد:من حبيبك؟؟ العنود:هههههه وليد هههه الوليد:قولي حبيبي وليد العنود:حبيبي وليد ههههه الوليد:بس!! العنود:حبيبي وحياتي وقلبي ههههههه خلاااااااص الوليد تركها:يلا العنود قامت بسرعه وركضت وقالت من بعيد:لا تصدق الوليد ركض وراها:أوريك العنود انحاشت:ههههههههههه)) طفت الدش ولبست روبها وطلعت جففت شعرها ولبست عبايتها وتوجهت للقاعه مع أمها اللي كانت مبسوووطه ،، وصلوا للقاعه ودخلت المصففه وبدت شغلها من مكياج وتسريحه والعنود ماسكتها نفضه وماسكه دموعها بالقوه ،، انفتح الباب:بووووووووووووو العنود التفت وصرخت:عبووور_ركضت لها وحضنتها_ماتوقعتك تجين عبير بعدت عنها:قلت لازم أكون بجنبك يمكن أردلك وبأكون خلف الكواليس العنود:هههههههه كويس انك جيتي عبير جلست:يلا كملي شغلك رجعت المصففه تكمل شغلها وعبير تسولف وتحاول تطلع العنود من جوها الوليد ماكان داري عن زواج العنود كان جالس ورا مكتبه ويشتغل بجد مع مهند وعواد عند الرجـــــــــال عصام كاشخ بالبشت الأسود والشماغ الأبيض وفاك الكشره من إلى ويستقبل المعازيم ،، وقف بجنبه أخوه ابراهيم وقال:خفف من ابتسامتك الله يفشلك ترا مو أول واحد تتزوج عصام بفرح وحماس:مستانس يابرهوم مستانس مو مصدق إن زواجي اليوم ابراهيم:هههههه يااخي كلنا أعرسنا قبلك ماسوينا مثلك عصام:بس أنا غير بأتزوج بعد 28 سنه عنوسه ابراهيم:هههههه وقــــــت الزفـــــــه الزفه طبعا بتكون للعروس وحدها لأن الحفله مصغره وأهل عصام ماعندهم هالخرابيط ،، انزفت العنود على موسيقى حزينه وشعر لحامد زيد ،، كانت لابسه فستان أصفر زاهي بأطراف بني مخصر وطويل وأكمام جوبنيز نازله على أكتافها وعالصدر ممسوك بمغاطات ومكياج كامل ومخليه شعرها على طبيعته بس رافعته بطريقه عشوائيه ،، مابالغت في لبسها ومالبست أبيض لأنها ماتبغا ،، جلست على الكوشه وبدوا الناس يسلمون عليها ويباركون وهي ماسكه دموعها بالقوه لاتنزل ،، بدوا البنات يرقصون وهي كانت مكشره لاارادي تكشر نفسها تمسك اللي يرقصون وفرحانين وتفجر فيهم ،، رفعت راسها فوق وشافت عبير واقفه وتناظرها بعيون باكيه ،، تخيلت انها الوليد وتجمعت الدموع في عيونها وبدت تنزل على خدها الناعم ،، أم العنود مسحت دموعها:عنودي حبيبتي لاتبكين بيخرب مكياجك العنود بصوت باكي:ماقدر ماما ماقدر رفعت راسها وناظرت عبير ،، عبير أشرت لها بايدها مع السلامه وغطت وجهها وراحت تركض ،، هنا العنود ماقدرت تمسك نفسها غطت وجهها وبدت تبكي ،، أم العنود بسرعه مسكتها وطلعتها فوق حتى بدون زفه وداعيه عشان محد ينتبه لدموعها ،، طلعوا لجناح العروس وهدت العنود وضبطت الكوافيرا مكياجها ودخل عصام مبتسم أول مادخل انصدم من جمالها حس بدقات قلبه طبول وتنفسه ارتفع ابتسم بتوتر وباس ايدها:مبروك العنود:..............(تخاف ترد وتتفل في وجهه) عصام توقعها مستحيه جلس جنبها:ماني مصدق ياحياتي إنك صرتي لي العنود:....... عصام رفع راسها:حبي ليه مستحيه أنا زوجك؟؟ العنود(مو هنا المشكله انك زوجي)تجمعت الدموع في عيونها:..... عصام:له له له ليه الدموع؟؟_مسح دموعها اللي مانزلت_لاتخافين ياقلبي أنا مستعد أكون لك أب وأم وأخ وأخت وزوج العنود(الله لا يقوله):..... عصام طفش من سكوتها:يلا عاد فكي النونه وابتسمي العنود ابتسمت غصب:.... عصام:فديت الإبتسامه_وقف ومد ايده_يلا العنود مسكت ايده ومشت معه ،، لبسها عبايتها وركبوا السياره وتوجهوا للفندق عبير رجعت من للقصر ودموعها على خدها تبكي على حظها وحظ أخوها وحبيبها الوليد دخلت غرفتها وقفلت عليها الباب ورمت نفسها على السرير وانفجرت بكي ،، الدموع هي وسيلتها الوحيده للتعبير عن مشاعرها وأحزانها رغم انها تكره الدموع تحس انها ضعيفه إذا بكت الوليد دخل القصر تعبااااااان استغرب سيارة عبير وطاهر يركنها وينزل(غريبه وين بتروح عبير في مثل هالوقت؟؟)دخل القصر وتوجه لغرفة عبير طق الباب:طق ،، طق عبير:مين؟؟ الوليد:أنا عبير توهقت:لحظه ولود أبدل وأجيك الوليد:أوكي انتظرك وجلس في الصاله عبير غسلت وجهها وطلعت(هذا شجابه ألحين؟؟ووش يبغى؟؟يارب سترك)ابتسمت للوليد وجلست جنبه:..... الوليد ابتسم لها:كيف نفسيتك اليوم؟؟ عبير بحزن:كويسه الوليد:وين كنتي طالعه؟؟ عبير انصدمت:شدراك؟؟ الوليد:شفت طاهر يركن سيارتك عبير بتلعثم:اممم آآآ كنت كنت الوليد عقد حواجبه:شفيك احكي!! عبير:كنت عند العنود عشان زواجها اليوم الوليد دق قلبه طبول لما قالت العنود ،، صرخ بصدمه:اليوم!!! عبير بخوف:إيه الوليد همس:بهالسرعه!!! عبير:عشان المعرس مستعجل وهي تبغى زواج وملكه بيوم واحد الوليد بهدوء:وكيف كانت؟؟ عبير ماتبغى تلعقه أكثر:عادي الوليد ناظرها:مبسوطه!! عبير ماتبغى تكذب سكتت:..... الوليد فهمها وقف ومشى لجناحه:.... عبير وقفت:الوليد!! الوليد وقف:.... عبير:لاتضايق نفسك هذا قضاء وقدر الوليد وهو معطيها ظهرها:بحاول بحاول ومشى عنها عبير تنهدت ورجعت لغرفتها الوليد دخل غرفته وقفل عليه الباب بدل الثوب ولبس بيجامته وجلس على السرير وطلع ألبوم صور العنود وبدا يرتبها وهو ماسك نفسه لا يدعي على غيداء اللي رمت الألبوم وتعطفت بعض الصور .... دخل أخر صوره مكانها وبدا يتفرج عليها بحزن(العنود للحين تحبني وقلبها متعلق فيني ،، طيب ليه طلبت الطلاق..!!أكيد مغصوبه ،، بس من اللي غاصبها..!!)اسند راسه على القاعده الخشبيه للسرير وزفر خلاص مل الدموع ماعاد يبغى يبكي زياده على اللي بكاه ،، رجع الألبوم مكانه وتمدد على السرير وتغطى وناااااام على طول من التعب فــي الفنـــــــــدق نزل عصام ماسك ايد العنود ومبتسم ..... دخلوا جناحهم وبالتحديد غرفة النوم ،، عصام فصخ شماغه:بدلي على بال ماأطلب العشا وطلع العنود جت اللحظه اللي كانت خايفه منها فصخت عبايتها وايدها تنفض بشكل مو طبيعي فكت تسريحتها بسهوله ومسحت مكياجها لبست قميص نوم لنص ساقها أسود وشفاف كله وأكمامه جوبنيز وممسوك من منطقة البطن ،، ناظرت شكلها في المرايه وتجمعت الدموع في عيونها(أسود لون الوليد المفضل..!!وبألبسه لغيره)تعطرت بعطرها فرزاتشي وحطت لها قلوس ورتبت شعرها وطلعت ،، عصام ابتسم لها ودخل بدل ولبس بيجاما وطلع وتعشوا ،، العنود ماكان له نفس تاكل شي وكانت تاكل ببطئ شدييييد على عكس عصام اللي كانت نفسه مفتوحه على الأخر وياكل بهدوء ،، خلصت العنود وقفت وقالت:الحمدلله ودخلت الغرفه ،، عصام خاف انها تنام(والله ماتنامين أنا ماصدقت أتزوج)قام بسرعه ودخل الغرفه وكانت العنود طالعه من الحمام وتمسح ايديها ،، ابتسم لها وغسل ايديه وطلع جلس بجنبها على السرير وقال:حبي فيك شي؟؟مادري ليه أحسك متضايقه..!! العنود ابتسمت غصب:لا حـ... حـ... حبيبي يتهيأ لك عصام زادت ابتسامته وقرب منها ومرر ايده على أكتافها وظهرها:أنا أسعد انسان بالدنيا اليوم العنود حست بقشعريره بجسمها من لمسته:و.. و.... وأنا بعد عصام مددها على السرير وتمدد بجنبها ولصق فيها وباس خدها وجبينها وشفتها و..... العنود غمضت عيونها ونزلت دموعها اللي كانت شايله طوال الأسبوعين اللي فاتوا قاعد يصير ألحين عصام بدا يداعبها وتشششششششششششش مشفر(*_^) عواد رجع من الشركه تعبااااان ودخل البيت باس راس أمه وجلس:وين رؤى؟؟ أفنان بغيض:مانزلت ولاشفناها طول اليوم عواد تفشل:..... أم عواد تبرر لها:معليه ياولدي أكيد متضايقه عشان أبوها ومتأثره الله يرحمه عواد بسرعه:إيه صح مره متأثره حتى مانامت أمس بس تبكي أفنان مادخل مزاجها بس سكتت:.... عواد كان جالس مع أهله يسولف وهو وده يطلع عند رؤى اشتاق لها ،، أفنان صريحه وماعندها وقت:روح روح عادي أسمح لك عواد وقف:عناد فيك بأروح وإلا أنا عادي أفنان لوت بوزها:إيه واضح عواد:يلا تصبحون على خير أم عواد:وأنت من أهله ياولدي_راح عواد والتفتت على أفنان وضربتها على خفيف_وانتي شعليك؟؟الله يهنيهم..!! أفنان تأشر بايدها:أنا هذي رؤى ماارتحت لها بنوب بنوب نواف التفت لها ومد ايده:ههههههههه حلوه بنوب هذي طقي!! أفنان دفت ايده:رايقة لك بعد أنت كمل فلمك أبرك لك_بقهر_ياربي أنا هذي رؤى ماارتحت لنظراتها أم عواد طنشتها وقالت لنواف:نويفان اقلبه على العربيه نواف صرخ بكذب:سكرت يمه سكرت أفنان صرخت:ماحد حاس فيني عواد طلع فوق لجناحه وشافها جالسه في الصالة قاوم ابتسامه بغت تنرسم على شفايفه وسوى نفسه عااادي سلم وفصخ شماغه وجلس على الكنب يفصخ جزمته ،، رؤى ردت السلام واستغربت حالته العاده بوسات وأحضان وكلام معسول ،، عواد فصخ ثوبه وتمدد عالسرير ،، رؤى جن جنونها طول اليوم جالسه وحدها طفشانه أخر شي يجي وينام قامت وجلست جنبه:حبيبي عواد من تحت الغطا:نعم رؤى:امم بتنام؟؟ عواد:شرايك!! رؤى:وأنا؟؟ عواد رفع الغطا وناظرها:شفيك؟؟ رؤى رفعت أكتافها:مافيني نوم عواد:وأنا فيني النوم رؤى تجمعت الدموع في عيونها:بس أنا جالسه طول يومي انتظرك أخر شي تتركني وتنام عواد(يالله دموعها جاهزه):.... رؤى:حبيبي فيك شي؟؟ عواد(أخيرآ)جلس على السرير:إيه فيني ليه مانزلتي عند أهلي تحت؟؟ رؤى:هذا اللي مزعلك!! عواد:إيه رؤى:حبيبي كل واحد وشخصيته وأنا مو اجتماعيه بطبعي عواد:بس هذولا أهلي وبتعيشين باقي عمرك معهم رؤى(إيه هين أحلق رمشي)ابتسمت:ولايهمك حياتي باجلس معاهم عشانك عواد باسها:هذي زوجتي اللي أنا أعرفها رؤى ضحكت بدلع وطريقتها المغروره:ههههههههههههههه >>الله يستر منك ومن أفكارك يارؤى<< لـبـــــارت الـعــاشـــــر يـــــــوم جديـــــــد وعـرســـــان جـــــدد العنود انقلبت وهي نايمه وصدمت بشي فتحت عيونها وناظرت وجه عصام تذكرت ليلة أمس وتجمعت الدموع في عيونها خلاص فقدت أعز شي على قلبها أقبلت على حياة جديده وهي ألحين هي حرمه ماعاد هي مثل باقي البنات كانت تتمنى إن الوليد هو اللي **** ويكون أول رجل في حياتها بس للأسف ربك كاتب غييير .. نزلت دموعها وبدت تتأمل عصام صحيح كان وسيم لكن وسامته عاديه تلقاها في نص شباب السعوديه مو مثل الوليد طول وجذابيه ورزه وجسم ووسامه .. عصام بدا يفتح عيونه وغمضت عيونها بسررعه .. عصام فتح وشاف وجه العنود ابتسم(ياسلام في أحلى من هالوجه يصبح عليه!!طبعا لا)قام وتروش وبدل .. العنود مثلت ان توها صاحيه فتحت عيونها:صباح الخير عصام بابتسامه عريضه:صباح النور العنود ابتسمت غصب:.... عصام جلس جنبها وباس كتفها:صباحيه مباركه لأحلى عروس شفتها في حياتي العنود حست بغصه في حلقها كانت تتمنى تسمع هالجمله من الوليد:الله يبارك بعمرك عصام:يلا حياتي بدلي عشان نفطر بسرعه على بال مانلحق طيارتنا العنود:اييييييش؟؟بس أنا أبغى أسلم على ماما وبابا وزيد أخوي وأودعهم!! عصام:خلاص توك شايفتهم أمس العنود:بس ماودعتهم عصام بدون اهتمام:حتى أنا ماودعت أهلي بس موطايرين لكن الطياره بتطير العنود زمت شفايفها وقامت بنرفزه ودخلت الحمام(الله يكرمكم)وخبطت بالباب:طراااااااخ عصام نقز من صوت الخبطه:من أولها كذا_تأفف_ياربيه طلع وطلب الفطور واتصل بأهله يسلم عليهم العنود داخل الحمام سمعت جوالها يرن خلصت بسرعه وطلعت وردت:هلا عبير بهدوء:أهلين كيفك؟؟ العنود:تمام انتي كيفك؟؟ عبير تنهدت:ماشيه العنود بخوف:الوليد عرف!! عبير:إيه العنود:كيف ردة فعله؟؟ عبير:عادي حزن وسألني عنك ودخل غرفته العنود(معقوله نساني..!!أكيد مشاعره تجاهي بردت):..... عبير:آلو عنودي معاك!! العنود بلعت غصتها:إيه معك عبير تغير الموضوع:وين بيكون شهر عسلك؟؟ العنود بملل:ماليزيا عبير:قد رحلتي لها ماليزيا كذا مره!! العنود:وش أسوي؟؟هو حجز لماليزيا عبير:ماعاد أحد يروح ماليزيا شهر عسل العنود مقهور:ولا بعد يقول يمكن اسبوع ونرجع_قلدت صوته الحاد_ظروف عمل عبير:هههههه_سكتت فتره وقالت_يلا أجل ماأطول عليك أتركك ألحين وحاولي تأقلمين نفسك خلاص هذا زوجك العنود:إن شا الله عبير:مع السلامه العنود:مع السلامه سكرت وبدت تجفف شعرها بايدها عصام خلص من مكالمته ورجع للغرفه وشاف العنود جالسه قدام التسريحه بروب الحمام وتجفف شعرها .. خق على شكلها بالروب الأبيض اللي ورد بشرتها وشعرها متروك على أكتافها بعشوائيه .. تسارعت دقات قلبه ومشى لها وجلس على ركبه عندها وقال:حبي أنا آسف عاللي صار بس الطياره مو بايدي أخليها تقلع متى مابغيت!! العنود ناظرته بحده وتوجهت للدولاب تطلع ملابسها:.... عصام وقف:خلاص ياقلبي لاتكبرين السالفه العنود ناظرته وملابسها بايدها يعني أطلع:.... عصام ابتسم:أوكي بدلي عشان نفطر سوا وطلع العنود بدلت ولبست لها بنطلون جينز سكيني أسود على بدي فوشي صارخ وحطت لها روج فوشي وبلاشر وحاست شعرها بايدها عشان يتجعد وطلعت جلست على الطاوله وبدت تفطر بهدوء عصام ناظرها بكل الأشكال حلوه مدلها زيتونه بالشوكه:خذي هذي من ايدي ياحبي العنود ناظرته ببرود ورجعت تفطر:.... عصام رجع الشوكه وتنهد:يعني شيرضيك؟؟ العنود:بأروح أودع أهلي عصام:ياحياتي ياعمري افهميني طيارتنا بعد ساعه مافيه وقت العنود:إلا فيه وقت وإذا على الخطوط السعوديه زد ساعتين من عندك عصام باستسلام:أوكي نروح نودع أهلك بس بسرعه العنود ناظرته بانتصار:لو موافق من أول أحسن عصام مافهم نظرتها وماحب يدقق عشان ماتصير مشاكل:... خلصوا فطورهم وتوجهوا لبيت العنود وودعوهم وتوجهوا للمطار بعدها ومن المطار لماليزيا عبير نزلت لابسه عشان تروح للجامعه وشنطتها وعبايتها بايدها وجلست تفطر .. ثواني ونزل الوليد بالثوب والشماغ وسلم وجلس يفطر ماقدر يمسك نفسه وسأل:العنود وين بتروح شهر عسلها؟؟ عبير:ماليزيا الوليد بشماته:ههههههه ماتوا اللي يروحون شهر عسل ماليزيا عبير بحزم:ولود كل واحد على قد حاله الوليد مو من طبعه يتشمت بأحد بس في هالموضوع غييير:.... خلصوا فطورهم وكل واحد راح لدوامه السعوديــــه_جـــــده المصحــــه النفسيــــه العصـــــــر تركي دخل ونفسيته كويسه توه راجع من الجامعه وشبعان نووم وبايده وجبات ماكدونالدز له ولبدور دخل المصحه ولغرفة بدور:مساء الخير بدور ابتسمت:مساء النور تركي جلس ومدلها الوجبه:تفضلي بدور خذتها:مشكور ماكان لازم تعب نفسك تركي:لا عادي لا تعب ولا شي فتحوا وجباتهم وبدوا ياكلون وقال تركي:كيف نفسيتك اليوم؟؟ بدور:الحمدلله تمام بس قولهم ماابغى حبوب_عفست وجهها وطلعت لسانها_طعمها وعععع تركي ضحك على ملامح وجهها:ههههههههههه معليه اصبري عشان صحتك بدور ابتسمت لضحكته:طيب أبغى لابي وجوالي ودفتر مذكراتي تركي:أوكي أجيبهم لك بس وينهم؟؟ بدور:في غرفتي على الكومدينه تركي:ولايهمك أجيبها لك_غمز_صرت شاعر بدور تجمعت الدموع في عيونها بس هالمره دموع فرح .. تركي تغير 180 درجه طوال الأسبوع اللي راح وهو حنون معاها ومرح ويزورها كل يوم:..... تركي ابتسم:شفيك تناظريني كذا؟؟ بدور مسحت دموعها وهمست:فرحانه ياتركي فرحانه أول مره في حياتي أفرح كذا تركي كسرت خاطره ورحمها ابتسم:إن شا الله دوم بدور:إن شا الله_سكتت شوي وقالت_اممم تركي تركي ناظرها:هلا بدور بتردد:امم يعني اممم تركي ابتسم يطمنها:قولي شفيك خايفه؟؟ بدور لعبت باصابعها وناظرتها:لا بس كنت بأقول إذا جيتك عندي فيه تعب عليك عادي لاتجي تركي:لا عادي لا تعب ولاشي بالعكس أوسع صدرك وصدري_ناظر الشباك_يوووووه غربت الشمس_وقف_تأخرت مواعد الشباب بدور قامت ومسكت ايده:لاتروح انتظر شوي بليز تركي تعود على لمساتها .. تعجبه طريقتها إذا قالت بليز ترقق الحروف وتشد على الياء والزاي ابتسم:حلوه بليز قوليها ثانيه بدور:ليه؟؟ تركي قلدها:بلييييز بدور ضربت كتفه:هههههههه تركي:لا جد قوليها بدور:بليز تركي جلسها:والله مواعد الشباب وماقدر أخلف وعدي مع السلامه وطلع بدور راقبته وهو يطلع مبتسمه ((خلوني أخذ أسطر أحكي لكم فيها عن تركي .. تركي مثل ماعرفنا من الرياض وجاي يدرس في جده وهو انسان حنوووووووون وحساااااااااااس لأبعد درجه وقلبه رهيف لكن على الرغم من هذا إلا أنه لاينقصه أي شي من صفات الرجوله يعني رجل بمعنى الكلمه ووسيم وعريض وطويل)) نرجع للرياض عاصمتنا الحبيبه أبو فراس طق بلسانه:ياابن الحلال كذاب ولا من بتوافق على مريض نفسيا!! أبوصافي وهو سكراااااان من القهر وبلسان ثقيل:ههههه ولا يقول أحبها لمياء بقهر:حبه برص أبوحمد هو الوحيد اللي كان صاحي عشان يفكر .. قال بقهر:أوما لو كان يكذب قسم بالله نهايته على ايدي أبوفراس:أنا أقول ارموا عليه لمياء وقولوا بتتزوجها شئت أم أبيت أبوصافي بضحكه مقززه وعاليه:هههههههههههههههههه حلوه أبوحمد:والله فكره لمياء ناظرته:عقلك في راسك!! أبوحمد:لا مو نرميك نرميك لا تدخلين عليه وتغرينه إلى أن يــ**** وبعدها نقول لازم تتزوجها عشان تستر عليها لمياء انصدمت تعرف عمها مستعد يعمل أي شي عشان الفلوس بس مو لهدرجه:انهبلت!! أبوحمد:فيه عندك حل ثاني؟؟ لمياء:لا_سكتت شوي وقالت_طيب دوروا أي شي غير الزواج مني امم تزوير أو سرقه أو أي شي أبوحمد:مانقدر هالفزاع هالـ#### مايفوته شي لمياء:طيب دور طريقه ثانيه!! أبوحمد:مافيه وافقي بس لمياء بحيره:عطني وقت أفكر أبوحمد زفر:فكري لمياء راحت تمشي بدلع .. أبوفراس صفر:على وين ياحلو؟؟مابعد سهرنا مع بعض!! لمياء ناظرته باحتقار:على ### وطلعت أبوصافي وأخوانه مالهم هيبه قدام عيالهم وأهلهم لأنهم يشوفونهم سكارى عند مهند كان في السياره متوجه لشركته ناظر الإشاره وكانت حمراء بس هو بيلف يمين لكن السيارات اللي قدامه مانعته وهو ماعنده الجرأه انه يضرب بوري يخاف .. انتظر الإشاره وولعت أخضر مشت السيارات ومشى معاهم لكن لما وصل كانت الإشاره صفرا ولف يمين لكن كانت فيه سياره جايه طيراااان لجهته غمض عيونه وترك السياره ماشيه .. راعي السياره سحب بريك بسرعه ووقف .. في هاللحظه وقف مهند وسحب نفس .. صاحب السياره الثانيه نزل وهو يصرخ بعصبيه:ماتشوف ووجع ياالـ### ياالـ### مهند انتفض جسمه بخوف:.... الرجال تنرفز منه فتح الباب وسحب مهند مع بلوزته:ياالـ### تحسب كل الناس خدم أبوك جد عيال الفلوس ماتربوا<<قال هالحكي لأنه شاف سيارة مهند البانورما الفخمه وعرف انه مو هين مهند:.... الرجال تنرفز من سكوته ومد ايده بيوجه له بوقس:### مهند غمض عيونه بقوه وعض شفايفه:..... الرجال استغرب حالته مادافع عن نفسه بالعكس مستسلم له .. واحد وقف سيارته ونزل وصلح بينهم ومهند ملتزم الصمت .. الرجال عرف ان فيه شي قال لصاحب السياره:ياخوي خلاص حصل خير وسيارتك ماجاها شي_قصر صوته_وأصلا الرجال شكله مو صاحي صاحب السياره صرخ:إذا كان مجنون المفروض ماينعطى سياره ويدوج في الشوارع بس وش نقول وتفل عند رجل مهند وراح مهند رجع للسياره ودموعه مجمعه في عينه لأنه سمع حكي الرجال .. ركب سيارته ووقف على جنب واسند راسه على المرتبه وغمض عيونه ونزلت دموعه بكثافه وبسرعه كل يوم يزيد كرهه لأبوه بسبب المواقف اللي يتعرض لها في الشارع .. قطع الجو رنين جواله .. سحب نفس ورفع الجوال نايف يتصل بك ابتسم والدموع مغطيه وجهه ورد:هلا نايف بهدوء على غير عادته:هلا مهند كيفك؟؟ مهند:تمام أنت كيفك؟؟ نايف تنهد:زفت مهند:أفا ليه؟؟ نايف:أنت ألحين وينك؟؟ مهند:ولا مكان<<كلمة الوليد إذا أحد سأله وينك وهو في الشارع نايف:أوكي تعال لبيتي في الملحق مهند:أوكي جاي سكر وتوجه لبيت نايف ربع ساعه وهو واصل بيت نايف اتصل بنايف وخبره انه وصل .. نايف بدوره طلع ورحبه ودخله للملحق بعد السؤال عن الأحوال قال مهند:خير نيوف!!سلامات ليه متكدر؟؟ نايف بحزن:خطبت مهند:هههههه طيب مفروض تفرح نايف:أي أفرح يارجال!!خاطبها من حدود شهر وللحين ماردوا_ناظره_أخاف ترفضني!! مهند:وليه ترفضك!!أنت رجال ونعم نايف:ماعليك زود لكن شهر كثيره مهند رفع أكتافه:يمكن عندها ظروف!! نايف:أي ظروف!!أنت تدري من خاطب؟؟ مهند:مين؟؟ نايف:بنت خالتي أخت الوليد مهند انشل جسمه بالكامل من الصدمه .. حس بطنين مزعج في اذنه وان الدنيا سودت:.... نايف هزه:مهند مهند بتوتر:معك .. عادي نايف:أي معي وأي عادي يارجال شكلك ماتدري شقول؟؟أنا أقول ........ مهند كان يسمعه لكن مو بوضوح يحس انه يحكي من داخل بير من الصدمه:.... نايف صرخ:مهنـــــــد مهند ناظره:معك والله معك نايف:أي معي ولي ساعه أناديك وماترد مهند مايدري ليه عنده أمل انه يكون مايقصد عبير:لا بس كنت أفكر الوليد أخته متزوجه!! نايف:لا الثانيه مهند:شيخه وبزر نايف:تستهبل!!فيه وحده بينهم تدرس أخر سنه في الجامعه مهند تجمعت الدموع في عيونه كان يتمنى ان الوليد يطلعه أخت جديده بس للأسف كان يقصد عبير همس:تحبها؟؟ نايف:لا بس أنا من زمااااان حاط عيني عليها مهند توه بينطق قاطعه رنين جواله فزاع يتصل بك رد بسرعه:هلا فزاع:هلا عم مهنــ.... مهند قاطعه وهو يوقف:جاي جاي_سكر وناظر نايف_اعذرني يانايف بس والله جاني شغل نايف نسى حالة مهند وعقدته:كنت داري انك ماوراك فايده اذلف بس مهند جرحه حكيه وطلع شغل السياره وحرك بسرعه .. نزلت دموعه(بتتزوج بتتزوج_عض شفايفه_لا ياربي لا) نايف داخل في الملحق ضرب جبهته:يي شلون نسيت عقدته ياربي شسوي؟؟ مهند وقف سيارته في الباركنق ونزل يركض ودموعه على خده دخل البيت وبدا يصرخ:مـــــــــامـــــــــا .. مـــــــــامـــــــــا أم مهند نزلت من الدرج تركض وهي تصرخ:What??‎ مهند ركض لها ورمى نفسه في حضنها وهو يبكي بصوت عالي:.... أم مهند بخوف [بعد الترجمه] :مابك ياحبيبي؟؟ماالذي حدث؟؟ مهند بصوت مخنوق ووجهه على كتفها قال بالعربي العاميه:تزوجت ياماما!!تزوجت!! أم مهند عقدت حواجبها:لم أفهم!! مهند بالإنجليزيه:تزوجت ياماما أم مهند:من!! مهند:عبير أم مهند شهقت:ماذا؟؟ مهند:أجل تزوجت_وبدا يتأوه وينحب بشكل يقطع القلب_ أم مهند ضمته لصدرها وجلسته:اهدأ ياحبيبي لا عليك مهند بكى على صدرها بصوت عالي:..... أم مهند دخلت ايدها في شعره الكثيف ومسحت عليه وبدت تغني بصوتها الهادي أغنيه أجنبيه طبعآ:************<<تخيلوها أنتم مالي نفس أكتب<<مسويه تعرف مهند بعد فتره هدا وصار بكيه شهقات:.... أم مهند بحنان:كيف عرفت انها تزوجت؟؟ومن من؟؟ مهند قالها القصه من أولها لأخره وختمها بـ:أنا حزين ياأمي حزين أم مهند:ليس شرطآ أن تتزوج هي مجرد خطوبه قد ترفضه مهند:أخشى أن توافق خاصه أنه ولد خالتها_ناظرها_سأجن إذا تزوجت سأجن أم مهند نزلت دموعها:صدقني أحس بك مهند:لن تحسي حتى تجربي أم مهند بصوت مرتجف:ومن قالك انني لم أجرب؟؟ مهند عقد حواجبه:كيف؟؟ أم مهند ابتسمت بحزن وناظرت قدام:كنت شابه مراهقه حين التحقت بالثانويه ولم أكن أعرف أحدآ وقتها لكن لفت نظري شاب دائمآ يجلس مع مجموعته لكنه كان ينظر لي طوال الوقت_ابتسمت_كنت أخجل وأخفض عيني خجلآ إذا تلاقت عيني بعينه وبعد فتره تقدم مني وألقى علي السلام وجلس بجانبي وتبادلنا أطراف الحديث ولم تغب عني نظرات الإعجاب التي لمحتها في عينيه .. أحسست بشعور رائع وقتها وأحسست أني أعرفه من منذ مده بعدها أصبح صديقي الوحيد وبعد مده أخبرني عن شعوره تجاهي وأنه يحبني كدت أجن وقتها من الفرحه ولم أتردد للحظه بأن أخبره أني أبادله نفس الشعور .. وقتها عشت أفضل أيام عمري وأسعدها .. كان الكل يعرف عن حبنا الشديد ويحسدنا عليه ودرسنا معا نفس الجامعه وسكتت مهند باندماج:أكملي أم مهند تنهدت:في يوم عاد أبي من السعوديه لأن عمله كان متنقل وأخبرني بالخبر الصاعقه حين قال جهزي نفسك زواجك بعد أسبوع بكيت كثيرآ وقتها ورفضت لكن أبي كان مصرآ وأقنعني بأن رجال السعوديه رجال صالحين ورجال يعتمد عليهم لكني على الرغم من ذلك رفضت لكنه زوجني إياه بحجة أنه لا يوجد سبب لرفضه ذهبت ذلك اليوم للجامعه وأنا أبكي سألني كرستو عن سبب بكائي فأخبرته بالقصه حينها انفجر بالبكاء وارتم في حضني_ناظرته_والباقي أنـ..... سكتت أول ماشافته نايم بسلام ابتسمت من يومه صغير وهو ينام إذا حكت له حكايه .. مددته وفصخت نعاله وراحت تكمل شغلها الــيــــوم الــثــــانــــي فـــي ماليزيـــــــا عصام جالس في الصاله بالشورت والبدي الحفر .. صرخ:عنودي حبي يلا تأخرنا العنود طلعت وهي تلبس ساعتها:يلا جايه عصام ناظرها بالقميص الأسود بأزارير أماميه ووااااااااسع مرره مثل (النقا) وطويل لأول فخذها وأكمامه واسعه وحاير (ثلاث أرباع) مع بنطلون جنز كوحلي ورابطه شعرها المليس وروج وردي وبلاشر عصام:بتطلعين كذا!! العنود هزت راسها:امم عصام مارضى بس سكت خاف تزعل:أوكي يلا العنود لبست نظارتها ومسكت ايده ونزلوا للبحر .. جلس عصام على الكرسي وتمدد:الله جو خياااااال العنود جلست بجنبه:لا والله حر عصام:أحسن من جو السعوديه العنود ناظرت البحر:امم ممكن عشانه بداية شتا بس السعوديه أحلى فديت ترابها عصام وقف بسرعه وفصخ البدي حقه:وااااااي من زمان ماسبحت العنود مشت معه للشاطئ وجلست على الصخره وبايدها كاميرا الفيديو تصوره .. عصام رمى نفسه في المويه وبدا يسبح بمهاره وهو مبسوط .. العنود كانت تصوره فجأه شافت الوليد في الكاميرا يبتسم لها ابتسمت ابتسامه عريضه ورفعت تأشره .. عصام مبسوط ورفع ايده يأشر الناس كانوا يراقبونهم مبتسمين عروسين حلوين ويحبون بعض<<مادروا إن العنود مادرت عن هوا دار عصام وتأشر لخيال الوليد العنود تناظر الكاميرا مبتسمه صحاها من أحلامها قطرات مويه بارده على وجهها شهقت شهقه من قوتها بغت تطيح على ظهرها لكنها تمسكت في خصر عصام العاري المبلل .. عصام ابتسم عاجبه الوضع .. العنود انتبهت لنفسها وبعدت عنه وقالت:خرعتني عصام:هههههه_قلدها_خرعتك العنود:سخيف ومشت للطاوله وجلست عصام ركض وراها:هههههههه عنودي والله أسف بس لي ساعه أناديك ولا رديتي العنود ناظرته:جد!! عصام:إيه والله ساعه العنود:آسفه شكلي سرحت عصام حط ايده على خدها:حبي فيك شي؟؟ العنود تحس عااااادي مو مثل إذا مسك الوليد وجهها تخجل وتحمر خدوده ونفسها انها ماينزل ايده .. ابتسمت مجامله:لا ما فيني شي أنا طبعي كذا أسرح كثير عصام:شرايك نروح نتغدى جعت بعد السباحه؟؟ العنود:حتى أنا والله جيعانه لبس عصام البودي ومشوا للمطعم وهم ماسكين ايدين بعض الوليد جالس على طاولة الفطور مع أمه وعبير اللي كانت طفشاااانه ومالها خلق الجامعه بس لازم تروح أخر سنه وأهم سنه .. أم الوليد رن جوالها أم نايف يتصل بك ردت:هلا أم نايف عبير التفتت بسرعه:..... أم نايف:هلا بك .. كيفك؟؟ أم الوليد:الحمدلله انتي كيفك؟؟وكيف العيال؟؟نايف وأخوانه!! أم نايف:والله بخير .. كيف الوليد وأخواته؟؟إن شا الله نفسيتهم أحسن ألحين!! أم الوليد تنهدت:الحمدلله والله للحين بس أفضل من أول أم نايف:الله يعين_بحرج_والله مادري شقولك ياأم الوليد بس والله نايف مقلقني ام الوليد ناسيه الموضوع:خير!! أم نايف:لا بس يسأل عن رد عبير والله أدري والوقت مو مناسب بس نايف والله مقلقني أم الوليد:لا والله معذور بس تعرفين أول شي مرضت بعدين_ارتجف صوتها ودقنها_صار حادث عبدالله_تجمعت الدموع في عيونها_الله يرحمه لكن ان شا الله نرد عليك قريب أم نايف:والله عاذرتكم بس نايف الله يهديه أم الوليد تضايقت:الله يهديه أم نايف:يلا أجل مانطول عليك مع السلامه ام الوليد:مع السلامه_سكرت السماعه وناظرت عبير_هذي أم نايف تسأل عن ردك عالخطبه عبير:ماما ألحين بابا ميت من اسبوع وجايه تسأل عن ردي في الخطبه أم الوليد:قلتيها اسبوع يعني خلاص انتهت أيام العزا اللي شرعها ربك وحزنك عليه ماراح يرجعه الوليد:ويحق لها لاطعتهم شهر وأكثر عبير رفعت شنطتها وعبايتها:الحمدلله وراحت الوليد:شفيها عصبت؟؟ أم الوليد بعبره:هي كذا من توفى عبدالله الوليد قام ولحق عبير:عبور عبير التفتت:هلا الوليد:العصر إذا صحيتي من نومك أبغاك بموضوع عبير:أوكي وراحت الوليد ركب سيارته وحرك للشركه وعبير راحت للجامعه بعد العصـــــــــر الوليد راجع من صلاة العصر وهو يدعي ربه انه يهون عليه ويعينه على المصايب اللي فوق راسه .. لمح مهند يطلع من المسجد وهو منزل راسه وواضح من شكله انه مهموم .. ناداه:مهنـــــــــد مهنـــــــــد مهند رفع راسه ومشى له وصافحه:.... الوليد استغرب حالته:خير هنود شفيك؟؟شكلك مو على بعضك!! مهند:لا مافي شي بس هموم الشغل الوليد:أعمامك سووا لك شي؟؟<<طبعا مهند خبره باللي صار لأنه مايخبي عنه أي شي مهند:لا قلت لك هموم الشغل الوليد مامشت عليه:تعال معي مهند مشى معه بدون صوت:.... دخل مهند القصر مع الوليد اللي قال:روح للمجلس وأنا بأبدل وأجيب لك شي تشربه مهند مشى للمجلس وجلس عالكنب .. ناظر المجلس بحزن نفسه ترجع أيام أول أيام ماكان مع عبير في بيت واحد صحيح ماكان يجلس معها أو حتى يناظرها لكن مجرد وجوده معها في نفس البيت شعور حلو............. عبير نزلت من غرفتها وسألت الشغاله:سولاف وين الوليد؟؟ سولاف:مستر الوليد في مجلس عبير:مشكوره وراحت للمجلس مهند كان جالس وسمع صوت شبشب يقرب منه استغرب هذي مو مشية الوليد رفع راسه يناظر مين؟؟ عبير دخلت المجلس وهي سرحانه لكنها انصدمت من اللي جالس قدامها همست:مهند مهند فتح عيونه على أخرها ووقف لاارادي وهو يناظر عبير بصدمه:.... عبير انشل لسانها عن الحكي ورجلها صارت ترجف بشكل مو طبيعي وماقدرت توقف جلست على الأرض بقوه ودموعها على خدها:.... مهند خاف عليها وركض لها ورفعها بايديه:عبير فيك شي؟؟ عبير ناظرت في عيونه مباشره ودموعها على خدها وهي تصرخ بداخلها(أحبـــــــــك يامهنـــــــــد أحبـــــــــك وأعشـــــــــق ترابـــــــــك)لكن هالحكي ماتجاوز شفايفها المرتجفه:... مهند دق قلبه بقوه وماقدر يفسر نظراتها:.... عبير بعدت عنه وطلعت وهي تجر رجلها جر .. رمت بنفسها عالكنبه وانفجرت بكي:... مهند راقبها وهي تطلع واستغرب حالتها .. طلع جواله وأرسل مسج للوليد وطلع بسرعه وأطرافه تنفض بشكل مو طبيعي ، ركب السياره وحرك بسرعه وطلع ودموعه على خده ، عض على سبابته بقهر (ليه يارب؟؟ليه يصير فيني كذا؟؟آخخ لو ماسوى بابا اللي سواه كان أنا بأحسن حال_زفر_استغفر الله وأتوب إليه) تذكر شكل عبير وهي تهمس بإسمه وابتسم برائتها وعفويتها اللي تشع من عيونها تخليك غصب تبتسم (تعرف إسمي غريبه!!بلا ذكاء زايد أكيد الوليد حكى لها عني ، ياترى وش شعورها أول ماعرفت قصتي؟؟أكيد شعور رحمه وشفقه ، ومستحيل تكن لي غير هالشعور) عبير كانت مغطيه وجهها بالكنب قالت بصوت باكي:أحبـــــــــك يامهنـــــــــد أحبـــــــــك وأعشـــــــــق ترابـــــــــك وبدت تنحب الوليد فوق وصله مسج وفتحه ((من مهند جاني شغل ضروري واستئذن)) تنهد أكيد فيه شي ويتهرب مني خلني أشوف عبير وسالفتها بعدها افضى له .. نزل يركض وشاف عبير متمدده عالكنب ومغطيه وجهها مشى لها:عبور عبير رفعت راسها ووجهها مغطى بالدموع وارتمت في حضنه وكملت بكيها بصوت عالي:.... الوليد ضمها لصدره ومسح على شعرها بحنان:عبور شفيك؟؟ عبير ماقدرت تمسك نفسها صرخت بصوت مخنوق وهي على صدره:ماابغى نايف ياالوليد مابغاه الوليد:أوكي أوكي ماراح يصير إلا اللي يرضيك بس انتي اهدي عبير بعدت عنه بسرعه:جد!! الوليد ابتسم:أكيد مستحيل أغصبك على شي انتي ماتبغيه عبير بسرعه:وماما؟؟ الوليد بحزم:أنا ولي أمرك وإذا رفضتي رفضي من رفضك عبير جلست وقالت بفرح:ماتدري ياالوليد شكثر كنت شايله هم هالخطوبه!! الوليد جلس بجنبها:لا ياعبير حطي في بالك إن مستحيل أغصبك_سكت شوي_بس ممكن أعرف سبب رفضك؟؟ عبير:مادري ليه قلبي ماارتاح لهالمشروع!!استخرت وماارتحت أحس انه بيفشل الوليد:لا أهم شي الراحه إذا مو مرتاحه لا تتزوجينه عبير حطت ايدها على وجهها وهي تناظر قدام:مو مصدقه ياربي مو مصدقه_ناظرته ولمعت عيونها بفرح_ماتدري ياالوليد شكثر فرحني كلامك هذا الوليد توه بينطق قاطعته أم الوليد وهي تدخل:هاه أشوفكم مجتمعين من دوني عبير بلعت ريقها:..... الوليد انتبه لها وهمس:لا تخافين خليها علي عبير ابتسمت:أثق فيك_وقفت ومشت لأمها وحضنتها_أحبك ياماما أحبك وراحت تركض أم الوليد فرحت لأن نفسيتها تحسنت لكنها في نفس الوقت استغربت .. ناظرت الوليد:شفيها؟؟ الوليد أشر لها تجلس:أنا أقولك تعالي!! أم الوليد جلست بجنبه وبدت تسمع فـــــــوق عبير دخلت غرفتها فرحانه وسكرت الباب ورفعت جوالها وكالعاده كل ماتفرح أو تحزن تتصل بالعنود العنود كانت جالسه مع عصام بلوبي الفندق يشربون عصير ويسولفون لأن الليل دخل عندهم رن جواله تؤام روحي يتصل بك ابتسمت لعصام:سوري حبيبي ثواني بس عصام ابتسم لها بمعنى خذي راحتك:.... العنود ردت:هلا عبير صرخت:باركيلي ياالعنود باركيلـــــــي عصام كتم ضحكته على صوتها العالي والعنود ابتسمت له بحرج وقامت بسرعه:خير شفيك؟؟ عبير:رفضت نايف قلت للوليد اني مابغاه وقال مستحيل أغصبك على شي انتي ماتبغينه_بحماس_فرحانه ياالعنود بأطير من الفرحه العنود فرحت لها من كل قلبها وقالت:مبروك عبير:هذا اللي طلع منك العنود:هههههه شتنبغيني أسوي؟؟ عبير:زغرطي_بلهجه كويتيه_يببي العنود باستهبال:لول لول لول عبير:يرحم أمك لاعاد تفكرين تزعرطين .. يلا مع السلامه أنا بأحتفل بطريقتي الخاصه وسكرت العنود ناظرت الشاشه توأم روحي تم الفصل ابتسمت بحزن أكيد عبير بتنادي وجدان والشله ويطلعون لمجمع ويفلونها .. لو انها ماتزوجت كان راحت معهم وانبسطت عصام قطع عليها تفكيرها:حبي شفيك؟؟ العنود ناظرته وابتسمت:هذي صديقتي تبشرني بخطوبتها عصام ابتسم:ماشا الله مبروك العنود:الله يبارك فيك عصام:واضح مبسوطه من صوتها العالي العنود تذكرت عبير وانها رجعت لطبيعتها:ههههههه هي كذا اذا انبسطت تقوم تصرخ عصام لف ايديه على أكتافها ومشى معها:وأنتي؟؟ العنود ناظرته:شفيني؟؟ عصام:إذا انبسطتي وش تسوين؟؟ العنود(خلني انبسط أول):عادي أفرح بقلبي ماقد عبرت عن فرحتي بطريقه معينه عصام:اممم دخلوا لجناحهم وقال عصام:شرايك ننام؟؟ العنود فهمت قصده وتأففت بينها وبين نفسها علها عصام كل يوم ينام معاها و**** لكن في نفس الوقت عرفت نقطة ضعفه انه انسان شهوته تتحكم فيه عبير سكرت منها وشغلت الإستريو الكبير وهي ترقص وتتمايل بفرح بعدها اتصلت بصديقاتها كلهم وطلعوا للفيصليه وبعد مالفوا أسواق الفيصليه ومحلاتها تعبوا وراحوا لمطعم يتعشون عبير وهي جالسه على الطاوله وقفت وقالت بحماس:أول شي ادعوا ربكم انكم ماتنحرمون مني ثاني شي لا تتوقعون ان هالعشا بيتكرر هو مره وحده في العمر ضحكوا البنات وعلقت صفيه:لا ان شا الله دوم خلود:في العمر ياختي كان قلتي في السنه على الأقل عبير:رحمتكم بصراحه وبأفكر في الموضوع وألحين تفضلوا بدوا البنات ياكلون ومبسوطين وعبير بس تضحك وتعلق والبنات مستغربين فرحتها المفاجئه لكن مااهتموا<<أهم شي العشا رؤى جالسه مع أهل عواد وساكته وهي نفسها تقوم بس عشان عواد .. أفنان جالسه من القهر تاكل الفواكه وهي تناظر رؤى بطرف عينه وكيف تناظرهم بغرور .. رؤى طفشت من الجو وتأففت:أوف مناهل ناظرتها:رؤى فيك شي؟؟ رؤى بغرور بعدت شعرها عن كتفها:لا بس طفشت من السوالف اللي تقولها نص اللي تحكون عنهم مااعرفهم مناهل وبشاير ناظروا بعض بصدمه من وقاحتها .. أفنان ماتسكت ولسانها طويييييل توها بتنطق إلا بدخلة عواد اللي فرح أول ماشاف رؤى جالسه مع أهله:السلام عليكم الكل:وعليكم السلام باس راس أمه وجلس:فاتني شي؟؟ أفنان:لا مافاتك وياليتك متأخر شوي عواد مافهم:شفيكم؟؟ مناهل ترقع:مافينا شي بس فنو متمشكله مع نواف كالعاده عواد ابتسم:ونواف وينه؟؟ أم عواد:هاوه زوجتك هنا وتناديه عواد:عادي يمه توه صغير خليه يتهنى شوي لاحق على هالأمور_صرخ_نــــــواف نــــــواف تعال نواف جا وهو منزل راسه:سم عواد:تعال اجلس ماعليك منهم توك صغير نواف عصب:أنا رجال عواد سحبه:اجلس يارجال بكره تتمنى يحصلك رؤى ناظرت نواف وانبهرت بوسامته أحلى من خواته وأخوه(وفعلا نواف كان وسيم بكل معنى الكلمه كان أبيض وأنفه طويل وعيونه كبار وناعسه وفمه واسع وتميزه شامه في خده وشعره أسود وكثيييف وقاصه فرنسي وواصل لعيونه):... نواف جلس وهو مستحي:... أفنان:هههههه أوخص نويفان مستحي نواف ناظرها بحده:.... أفنان فركت ايدها في بعض:خل نطلع حرتنا دامه ساكت رؤى ابتسمت أفنان تذكرها بعبير نفس حركاتها وخفة دمها(ياالله ياعبير اشتقت لك .. اشتقت لخفة دمك وضحكتك .. بس مـ....)قطع عليها أفكارها عواد وهو يقول:وانتي يارؤى؟؟ رؤى:هاه إيه صح الكل:هههههههههههه عواد بغيض:حتى انتي رؤى:ايش؟؟أنا ماكنت معكم أصلآ عواد وقف وناظر خواته وأمه:تصبحون على خير الكل:وأنت من أهله راح عواد ورؤى على طول وقفت:تصبحون على خير ولحقته لفوق ودخلت وراه عواد فصخ ثوبه وشماغه ومسوي زعلان وماحكاها .. رؤى قربت منه ومسكت اذنه:من تغلى تخلى عواد ماقدر يمسك نفسه:هههههههه رؤى ابتسمت لضحكته وهي ملاحظه كيف تتغير شخصيتها قدامه:.... عواد جلس على السرير:رؤوو حياتي أرجوك تعبان وأبغى أنام رؤى:نام وش أسوي لك؟؟ عواد:غني لي رؤى:صوتي مو حلو عواد:عادي بأسمعه رؤى فكرت شوي بعدها قالت:أوكي تمددت جنبه وتغطت وسحبت نفس وبدت تغني بصوت عادي .. عواد كان يتأملها وهي تغني مبتسم إلى أن نااااام لـبـــــارت الحــــــادي عشــــــر بعــد أسبــــــوع الساعه 7:00 صباحآ بتوقيت ماليزيا العنود طلعت لعصام ملابسه وبدلت ملابسها وجلست قدام التسريحه تجفف شعرها بايديها ،، عصام طلع من الحمام وهو لاف على خصره فوطه طولها شبرين وجسمه مبلل ،، العنود اتسعت عيونها بصدمه:..... عصام حك شعره المبلل وقال بحرج:سوري نسيت الروب العنود ناظرت انعكاس صورتها في المرايه:أوكي جهزت ملابسك عصام فرش بلوزته على السرير بيبدل:.... العنود صرخت:لا مو هنا عصام:عادي زوجتي العنود خذت شنطتها وطلعت ،، عصام رفع أكتافه وبدل وطلع:يلا العنود عند مراية المدخل تحط لها روج:ثواني_خلصت ودخلت الروج_يلا عصام مسك ايدها:يلا العنود مشت معه:عصام عصام:اللااااااااااه من زمان ماسمعت اسمي من فمك العنود ناظرته:ليه؟؟يفرق!! عصام:أكيد يفرق ياقلبي العنود عاااادي ماتحس بأي شي إذا دلعها أو مدحها أساسآ ماتحس بأي شعور تجاهه لا حب ولا صداقه ولا أخوه ولا حتى كره:.... عصام قاطعها:عنودي فيك شي؟؟ العنود تثاوبت:فيني النوم_ناظرته_حبيبي مو لو أنا طالعين الظهر أحسن عصام يأشر بايده يوقف تاكسي:لا والله الجو حلو وحلاة حديقة الحيوان الصباح ركبوا التاكسي والعنود حطت راسها على كتف عصام ونامت وعصام مبسوط معجبه الوضع ،، وقف التاكسي وهز عصام كتفه:يلا عنودي وصلنا العنود قامت وفركت عيونها:وصلنا!! عصام طلع ومد ايده:يلا العنود مسكته وطلعت نزلوا للحديقه وبدوا يتفرجون على الحيوانات ومبسوطين ويسولفون ،، وقفوا عند العصافير وكانت ألوانها حلوه ،، العنود قالت باعجاب:يااااااي روعه ألوانها خقق شاب خليجي كان واقف جنبهم مع صاحبه وقال:والله ماالخقق إلا أنتي ياروعه العنود ناظرته والشاب خق أول ماشاف عيونها وقال:أبوك ياالعيون هبلتي فيني تـ.... قطع حكيه بوقس من عصام:يا### الشاب رد له البوقس وتجمعوا الناس وبدا الضرب يحمى ،، العنود مو مصدقه اللي قاعده تشوفه أخر شي مسكت عصام:عصام خلاص عصام:يا وقح يا ### ياحقير مامليت عينك الشاب يحاول يدافع عن نفسه لكن مافيه فايده عصام مسيطر على الوضع ،، صاحبه رفع عصام ووجه له بوقس على وجهه إلى أن نزل الدم من أنفه العنود صرخت:عصــــــاااام ركضت له وسحبته من ايد الشاب وطلعت منديل من شنطتها ومسحت به الدم:هدي نفسك حــ... عصام قاطعها وهو يقوم ،، العنود مسكته:أرجوك عصام عشاني طنشه عشاني عصام ناظرها:.... العنود بدلع:بليز عصام ابتسم:عشانك بس وقفته العنود وقال عصام باحتقار:ماراح أحط عقلي بعقول بزران ومشى مع العنود اللي مدت له علبة مويه مثلجه:حطها على أنفك عصام حطها على أنفه وهو يغلي من داخل من القهر:... شاب سعودي قال لخويه:أوووه قويه الهوشه بس لو اني مكان هالعصام كان والله لأدفنه بمكانه خويه قال:والله ماينلام هالشاب شايف قمر عصام ناظره بحده ،، الشابين بلعوا ريقهم وحطوا رجلهم العنود ضحكت على أشكالهم الخايفه:هههههههه عدلتهم عصام جلس على الطاوله من التعب:جيعان العنود:أوكي أروح أجيب لك شي تاكله وعلى حسابي هالمره عصام مسكها:وين؟؟انهبلت أخليك تروحين وحدك العنود أشرت على محل صغير يبيع كرسبي:هنا قريب تقدر تشوفني عصام:أوكي راحت العنود وعصام يراقبها بعيونه للحين مو مستوعب ان كل هالجمال والدلع والرشاقه له وحلاله ،، العنود مدت له الكرسبي والعصير وجلست وبدوا ياكلون ويسولفون<<الله اشتهيت كرسبي العصــــــر السعوديــــــه الوليد جالس ورا مكتبه يفكر(أكيد ألحين العنود جالسه مع هالعصام وتضحك معه_حس بدمه يغلي بمجرد تخيله للمشهد_آخخخ ياالقهر ليه تسوين فيني كذا ياالعنود؟؟معقوله نسيتيني!!ونسيتي أيامنا الحلوه!!)سحب له نفس وشق ورقه من التقويم وكتب: ضـــــاعـت أحـــلامــــي وظـــل الحــــزن فــيـنــــي واهـتـــديـــــــت للـطـــــريق اللــــي يـوديــنــي عـــلـــى دمــعـــي ورحـــت يـــاالـحـــــزن لــيـتــــك مـثــل دمـــعـــي وتـــنـــــزل لا رقـــيـــت بـــــس أعــــرفـــك لــو مـسـحــت الـــدمـــــع تـبـقــى مامـــســحـــت عفط الورقه بايدينه ورجع يكمل شغله وهو بين لحظه ولحظه يسرح ويفكر في العنود عند عـــــــواد :خلاص طفشت انبطت كبدي عواد سكر الباب وقال:قصري صوتك رؤى لفت عليه:عواد حس فيني أسبوع ماطلعت من البيت_حطت ايدها على راسها_بانفجر أنا ماتعودت على كذا ببيت أهلي أسبوع ماأطلع أسبوع عواد قدر شعورها:أوكي يلا البسي وأوديك وين ماتبين_ابتسم_رضيتي رؤى ابتسمت:إيوه عواد:فديتك والله يلا انتظرك ونزل رؤى لبست عبايتها ونزلت:يلا عواد أنا جاهزه أهل عواد ناظروه وهو تفشل ،، وقف:أوكي يلا ركبوا السياره وقال عواد وهو يحاول يمسك نفسه:ثاني مره ماتسوين اللي سويتيه رؤى ببراءه:وش سويت؟؟ عواد:أنا اللي أناديك مو انتي اللي تجين تقولين يلا أنا رجال ولي هيبتي رؤى:عادي عواد صرخ:لا مو عادي بالنسبه لي رؤى خافت أول مره يصرخ عليها عواد كذا:..... عواد صدره يرتفع وينزل من العصبيه:.... رؤى بعد فتره:خلاص ياعواد آسفه بس أنا كذا طبعي عواد:حصل خير_وقف السياره_يلا انزلي رؤى ناظرت المجمع الله من زمان عن المجمعات هوايتها الفرفره بالأسواق والمجمعات ، فتحت الباب ونزلت بسرعه ،، عواد ابتسم وطفى السياره ونزل ،، رؤى لفت السوق لف وهي مبسوطه وتضحك ،، عواد لاحظ كيف نفسيتها اختفلت لما طلعت للسوق انبسط لكن في نفس الوقت تضايق من نظرات الرجال لرؤى بسبب عبايتها وقرر يفاتحها بالموضوع بعدين مهند جالس على مكتبه مع فزاع وهو سرحان ،، فزاع لاحظ سرحانه وكيف متغير ماعاد صار يهتم في نفسه وتغير كثير عن أول سأله:خير طال عمرك فيك شي؟؟ مهند تنهد:سلامتك_سكت شوي وقال_فزاع فزاع:سم مهند:سم الله عدوك ، شل الأوراق ألحين بعدين نكمل شغلنا فزاع:حاضر ضف أوراقه وطلع مهند سند ظهره على الكرسي براحه وغمض عيونه(عبير تزوجت نايف .. عبير تزوجت نايف .. عبير تزوجت نايف .. عبير تزوجت نايف .. عبيـ....)قطع عليه تفكيره رنين الجوال نايف يتصل بك تأفف بينه وبين نفسه كره نايف وكره عبير وكره الساعه اللي عرف فيها الوليد ، خلاص يبغى يرجع مثل أول في غرفه لوحده وبين أربع جدران .. نايف يتصل مره ثانيه تأفف ورد:آلو نايف:هلا مهند كيفك؟؟ مهند:تمام أنت كيفك؟؟ نايف:مهند أسف عالحكي اللي طلع بالغصب والله مهند:لاعادي والله ماشلت بقلبي_يضيع الموضوع_هاه كيف النفسيه؟؟ نايف:زفت وشد عليها مهند بحزن:للحين ماردوا!! نايف:إلا ردوا وياليتهم ماردوا مهند:بشر!! نايف بقهر:رفضت يامهند رفضت مهند من الفرحه وقف ومااعرف شيقول:... نايف:آلو مهند معاي!! مهند فرحاااااان:إيه معك_قال عشان مايحسسه بشي_معليه يانايف أنا متأكد انه خيره لك ربك مايختار شي إلا فيه خير لك نايف:والله كان نفسي أتزوجها مهند خاف:مو أنت تقول ماتحبها!! نايف:إيه صحيح لكن كنت أبغاها بسبب أخلاقها وسمعتها الطيبه مهند:ربي يعوضك بأحسن منها بس أهم شي انك ماتشيل بقلبك على أحد نايف:لا والله يقول الوليد انها استخارت وماارتاحت وانها أصلآ تبغى تكمل دراستها مهند:الحمدلله على كل حال نايف:والله انك ريحتني بكلامك يامهند مشكور مهند:حق وواجب يانايف أنت حسبة أخوي نايف:تسلم يلا أجل ماأطول عليك مهند:مع السلامه نايف:مع السلامه سكر مهند وجلس مبتسم فتره فجأه نقز وصرخ بحماس:yeeeeeeeeeeees فزاع فتح الباب بسرعه:سم طال عمرك ناديتيني مهند لف له وناظره:مبسوط يافزاع مبسوط_بصيغة أمر_اصرف للموظفين راتب شهر فزاع بصدمه:راتب شهر مهند جلس على المكتب وكتب في ورقه ومد لها:اصرف للموطفين راتب شهر فزاع:بس طال عمرك مـ.... مهند قاطعه:سوي اللي قلت لك عليه فزاع باستسلام:حاضر طلع فزاع ومهند سند راسه على كرسي المكتب مبتسم ، رفع جواله وأرسل رساله ((الوالد(الوليد) عواد كركر زيد الله يحيكم اليوم العشا عندي لاتأخرون)) وقام يجهز نفسه للعزيمه وهو مبسوووط في الليــــل الوليد+زيد+عواد مجتمعين في بيت مهند ، الوليد:أووووه من زمااااان عن الجنز عواد ناظر مهند:إلا وش سر هالجمعه المفاجئه؟؟لاتقول دين ترا ماعندنا مهند:هههههه لا دين ولا ما يحزنون بس مبسوووط وأبغاكم تشاركوني فرحتي زيد بابتسامته الهاديه:وليش مبسوط؟؟ مهند وقف وصب القهوه:عاد لا تصيرون ملاقيف احمدوا ربكم الوليد:خلونا نرجع أيام الإستراحه أيام الرقص والإستهبال عواد ناظر زيد:جايب العود؟؟ زيد:ماينزل من السياره عواد:تعجبني فاهمني جبه زيد وقف:أوكي جاب زيد العود وبدوا يغنون ومبسوطين ورجعوا أيام الاستراحه والفله الـيـــــوم الثانــــي الـعصـــــــر عواد جالس مع أهله يسولف استئذن وطلع فوق ودخل جناحه:رؤى .. رؤى رؤى جت:هلا عواد ماسك نفسه:مو إنا اتفقنا تجلسين مع أهلي وتصير أختهم رؤى بغرورها:سوري أنا ماقدر أجلس معاهم يسولفون عن ناس أنا مااعرفهم وجلستهم تطفش عواد بعصبيه:هذولا أهلي واذا سبيتهم تسبيني رؤى ضمت ايديها لصدرها:والله أنا ماأبغى أجلس معهم ومااظن انك راح تغصبني عواد:ماراح أغصبك_أشر باصبعه بتهديد_لكن حطي في بالك ان هذولا أهلي واذا انتي ماتبغينهم أنا بعد ماأبغاك وطلع رؤى مااهتمت مرده لي جـــده_الـمصحـــه الـنفسيــــه بدور جالسه على سريرها قلقانه اسبوع ماجاها تركي بتموت من الخوف ، تخاف صار له شي ،، الممرضه دخلت ومعها صينية الأكل وقال بدون نفس:يلا الأكل بدور بجفاف:ماابغي أكل الممرضه بعصبيه:انتي عاوزه الدكتور يفنشني لازم تاكلي بدور دفت الصينيه وصرخت:مـاأبـغـــــى الممرضه ناظرت الصينيه ورجعت ناظرت بدور وصرخت:انتي مقنونه وقربت منها تضربها بدور حاولت تبعدها:سيبيني سيبيني يا### يا### لكن مافيه فايده الممرضه جثه ماشا الله وبدور نحييييفه ،، بدت تضرب بدور وبدور تحاول تتفلت منها :اتركيهــــــــــــــــــا الممرضه التفت للصوت الرجولي الخشن المزمجر وشافت تركي واقف يناظرها والشرار يتطاير من عينه ، قالت:دي مقنونه بوص عملت إيه بالصينيه!! ورجعت تكمل الضرب تركي ابعدها عن بدور ودفها بعنف:ياحقيره انتي ممرضه؟؟ألحين!! الممرضه طلعت بعد مارمت كم كلمه وقحه ،، تركي التفت لبدور وشافها متكومه على نفسها وتبكي وأثار الضرب والمشوخ على جسمها النحيل<<مشوخ مو شموخ ،، حس انه حقيييييييير لما فكر يتركها لوحدها قرب منها ورفعها ومددها على السرير ،، حس بدمه يغلي وأعصابه انفلتت وهو يسمع تأوهاتها وبكيها ولسانها اللي ينادي باسمه:تركي .. آآه .. تركي .. تركي .. آآآآآه تركي طلع معصب ودخل غرفة المدير بدون أذن وصرخ:هذا مستشفى صحه نفسيه!!كذا تعاملون المرضى!! المدير خاف ووقف:هد أعصابك فهمني السالفه ومايصير إلا اللي يرضيك تركي فهمه السالفه وختمها وهو يضرب الطاوله بايده وصرخ:وماراح يرضيني إلا انكم تفصلونها هذي نقمه وعذاب للمرضى المدير:أوكي عطني مواصفات الممرضه ومايصير خاطرك إلا طيب تركي عطاه مواصفات الممرضه ورجع لبدور ، دخل عليها وشافها تشرب مويه ،، بدور أول ماشافته ركضت له ومسكت ايده ودموعها على خدها وقالت برجاء:تركي وينك؟؟بليز لا تتركني وحدي مره ثانيه تركي ناظر وجهها البريئ والدموع مغطيته ولانت ملامحه وابتسم:ولايهمك ماراح أتركك مره ثانيه بدور ماصدقت:أوعدني!! تركي:..... بدور حركت ايديه:أوعدني تركي بتردد:أو.... أو.... أوعدك بدور ضمته:كنت عارفه تركي غمض عيونه(وين القرار اللي قررته؟؟مو أنت مقرر تسحب مسؤوليتك عنها وتتركها!!لكن أرحمها ، هي وحيده وحزينه ومريضه ومالها غيري ، شكلها يكسر الخاطر ماقدر قلبي رهيف ومـ.....)قطع عليه أفكاره بدور وهي تحط ايدها على وجهه:تروك تركي ابتسم بتوتر:تروك!! بدور ابتسمت:شفيك؟؟ تركي يدور بعيونه عالمكان أهم شي مايناظرها:مافيني شي بدور سحبته:تعال اجلس تركي:لا بأروح أجيب أغراضك اللي وصيتيني عليها بدور:أوكي لاتطول تركي راح وشغل السياره وهو يفكر(ياربي ليه ماقدر اقسي قلبي قدامها؟؟ليه تكسر خاطري؟؟ليه أرحمها؟؟)سحب نفس طويل ونزل ودخل شقتها وكانت على نفس حالتها محيوسه ومكركبه دخل الغرفه ورفع اللاب ودفتر مذكراتها وجوالها وجا بيطلع لكن لفت انتباهه صوره الكثيره المعلقه على الجدار والطاولات وكانت كلها صوره وحده لكن مطبوعه بأحجام مختلفه هذي هي الصوره اللي عفس الشقه يدورها أخر شي تطلع عند بدور ،، ماأمداه يفكر لأن محمد قطعت عليه أفكاره وهي تدخل وهي تبكي وتمسك كم تركي:تركي بدور وينها؟؟ تركي التفت عليها(معقوله للحين مانستها وتبكي عليها!!لهدرجه تحبها!!):.... أم محمد ضربت راسها:ماتت!!_جلست على الأرض_أنا الغلطانه أنا الغلطانه تركتها اسبوع بدون ما اسأل عنها أنا الغلطانه تركي انصدم ماتوقع انها تحبها لهدرجه ، رفعها عن الأرض:ياخاله بدور بخير وما ماتت!! أم محمد ناظرته وابتسمت من بين دموعها:جد!! تركي:إيه تعالي معي أنا رايح لها ألحين نزلوا وركبوا السياره وتركي يفكر(صورتي!!شمعنى أنا اللي معلقه صوري!!معقوله تكون جد تحبني!!)وصلوا للمستشفى ونزلوا وأم محمد تسرع بخطواتها ،، دخلوا الغرفه وشهقت أم محمد:بدور بدور التفتت لها وابتسمت:خاله أم محمد ركضت لها وحضنتها وهي تسألها عن سر اختفائها المفاجئ وبدور تشرح لها شاللي صار ،، تركي لفت انتباهه دفتر مذاكراتها الأحمر فتحه وانصدم ان اسمه مكتوب بأول صفحه بخط فنان وملون بطريقه مرتبه ومتناسقه ،، فتح الصفحه الثانيه وكانت مليانه كتابه ،، قلب الصفحات بدون مايقرا لكن لفت انتباهه صفحه عنوانها [اقنعه ياجسدي الكسير بأن روحي تحتويه] فتح صفحه ثانيه وكان مكتوب عنوانها [اكرهك ياجسدي عندما تذوب آلمآ] قرا السطر الأول كثير منا يتألم لكن ألم عن ألم يختلف لكن الألم الحقيقي هو ألم المشاعر ، نعم حين يصد عنك من يحبك هنا يكون ألم المشاعر .................... قطع عليه قرأته صوت أم محمد واللي تغير وصار فيه نبرة فرح:تركي اقرب اجلس ليه واقف؟؟ بدور ناظرت الدفتر اللي بين ايديه وقالت في نفسها أحسن يمكن يحس بحبي له:... تركي حط الدفتر وجلس معاهم يسولفون وهو سااااكت جالس يفكر في بدور والصفات الحلوه اللي يكتشفها يوم عن يوم مثل طيبة القلب والوفاء والمرح يـــــــــوم جـديـــــــــد نبدا بعواد ورؤى عواد صحى من نومه وهو متضايق ومتكدر زوجته وحبيبته اللي عاش من عمره خمس سنين يفكر ويرسم أحلامه معها طلعت انسانه مغروره ومايهمها إلا نفسها ،، رؤى حست فيه لكن مابينت له ،، عواد لبس وخلص وطلع هو بيموت من القهر انها ماقامت تراضيه وأمس رجع وحصلها نايمه ،، رؤى ما جاها النوم من التفكير كانت تفكر في مشكلة عواد وكيف تحلها(ليه يارؤى تسوين كذا؟؟مو انتي تبغينه يكون بصفك!!على كذا ماراح يكون بصفك ابد!!لازم أراضيه عشان أكسبه بصفي_ناظرت الغرفه وعلى شفتها ابتسامة خبيثه_قريب بأترك هالخرابه وأعيش في قصر الكل يحلم فيه)وقفت قدام المرايه وقالت بغرور:أنا رؤى السجيدي وهذا مو مقامي وبدت تفكر وتخطط كيف تراضي عواد؟؟ ماليزيـــــــــا العنود جالسه تبرد أظافرها وهي تفكر وتهوجس ،، الأمطار منعتهم من الطلعه ، عصام طلع من الغرفه وناظرها وابتسم ، مشى وجلس بجنبها ، العنود ماحست فيه ولا طقت خبره جالسه تفكر في الوليد ،، عصام استغرب ماحست فيه:حبي العنود نقزت من الروعه وحطت ايدها على قلبها:بسم الله الرحمن الرحيم عصام ضحك على شكلها:هههههههه العنود ناظرته:خرعتني عصام:من كنتي تفكرين فيه؟؟ العنود:بولا شي وابتسمت هذي كلمة الوليد دايم يقولها عصام:لا بعد هالابتسامه لازم أعرف!! العنود:ماأفكر في شي_قالت تضيع السالفه لأنها بتبكي لو فكرت زياده بالموضوع_وش كنت تبغى؟؟ عصام شبك ايديه وبدا يلعب بأصابعه وهو منزل راسه يناظر ايديه:اممم أنا سبق وقلت لك ان ممكن نقطع شهر العسل بأي وقت بسبب ظروف عملي_رفع راسه وناظرها_ولازم نرجع بكره للسعوديه عشان ظروف عملي العنود كانت تناظر ايده:عادي أنا مقدره ظروفك عصام باستغراب:يعني مو زعلانه!! العنود هزت راسها بالنفي:لا_ناظرته_ليه أزعل؟؟ عصام:يعني قلت يمكن تقولين هذا شهر عسلي ومن أولها كذا وشي مثل كذا!! العنود:لا عادي هذا خارج عن ارادتك عصام ابتسم:يعجبني فيك تفهمك العنود:بس تفهمي!! عصام باس خدها:كلك على بعضك تعجبيني ياأحلى عنوده العنود ابتسمت:أوكي أنا بأحاكي ماما وأخبرها عصام وقف:وأنا بأطلع أكمل اجراءات السفر طلع والعنود اتصلت بأمها تخبرها نرجع للسعوديـــــــــه عبير جلست على طاولة الأكل وهي تقول ببشاشه:صبااااااحو الوليد ناظرها:هلا عبير بدت تاكل وتسولف وتضحك والوليد ملاحظ كيف نفسيتها تغيرت من بعد رفض نايف ،، أم الوليد ماكانت متقبله فكرة رفض عبير لنايف وبشده لكن لما شافت نفسيتها تحسنت سكتت وخضعت للأمر الواقع ،، عبير قالت:أقول ولود شرايك أترك الجامعه وأجي أساعدك في الشركه؟؟ الوليد ابتسم:حياك عبير:لا جد أجي!!عادي مافيها شي_ناظرت أمها_شرايك ماما؟؟ أم الوليد:انهبلتي على أخر سنه عبير:إيه عشان يقولون سيدة الأعمال عبير بنت عبدالله السجيدي أول آنسه سعوديه تقتحم السوق السعودي وبقوه_ضمت ايدها وحركتها بحماس_الله فله أم الوليد+الوليد:هههههههههه عبير:مالي شغل بأترك الجامعه واجي عندك ولود الوليد:لاحقه ان شا الله خلصي دراستك وحياك بأي وقت عبير:يووووه انتظر ثلاث شهور أم الوليد:اللي صبرك ثلاث سنين يصبرك ثلاث شهور عبير وقفت وقالت بغطرسه مضحكه:الله يعيني بس وراحت الوليد ضحك على شكلها وقام وراح لشركته العصــــــــــر عواد صحى من النوم وفتح عيونه ببطئ شدييييد وناظر الغرفه كانت طالعه حمرا بسبب الستاره الحمرا اللي عكست نور الشمس والغرفه فاااااضيه ومافيها غير السرير اللي نايم عليه ،، عقد حواجبه(وين راحت الغرفه؟؟) ،، انفتح الباب ودخلت رؤى وهي مبتسمه ابتسامه عريضه وتمشي بدلع بالكعب العالي وهي تحط رجل قدام رجل ،، عواد فتح فمه من جمالها وحس بدقات قلبه طبول ،، رؤى كانت طاقه أبو الكشخه كانت لابسه قميص نوم ضييييييييق مرررره بعد ماعرفت ان عواد معجبه جسمها ويشدونه الحريم الملينات والقميص قصيييييير لأول فخذها وكأنه بلوزه طويله من قصره ولونه أحمر وعليه قماش أسود شفاااااااااف وتوب بين مفاتن صدرها وفيه دوائر سودا وخصر نازل والطبقه اللي تحت حمرا فاقعه وفيها نفشه ومن ورا الظهر كللللله مفتوح تغطيه حبال سخييييفه حمرا ،، وكانت قاصه شعرها طبقات من أوله لأخره بطريقه جنونيه بينته أكثر وكان واصل إلى نص رقبتها ومستشورته على جوا ومطيحه خصله على جبينها وماسكه طرفها بفيونكه حمرا من على جنب بدلع ، وحاطه مكياج خفييف لأن عواد مايحب هالخرابيط وروج أحمر فاقع ، ولابسه صندل أسود شوكه ، عواد ماقدر يبعد عينه عنها من جمالها أشعة الشمس الحمرا عطتها هاله من الجمال ،، رؤى قربت منه وجلست على طرف السرير وحطت ايدها على صدره وقالت بدلع:مسا الخير عواد مايقدر على دلعها لكنه مسك نفسه:..... رؤى قربت منه وصارت لاصقه فيه وقالت بدلع وهي تمرر ايدها على وجهه:عودي عواد حس ان جسمه وقف من لمستها خلااااص ماعاد تحمل دلعها:..... رؤى ابتسمت باغرا:سوري حبيبي عواد بدون أي تعابير:وبأي عذر!! رؤى:آسفه كانت زلة لسان عواد:.... رؤى لفت ايدها على رقبته:يلا عودي سامحني_بأسلوب طفولي_أهون عليك عواد ناظرها وابتسم:لا ماتهونين رؤى باست خده:حياتي أنت أعرفك ماأهون عليك عواد لف ايده على أكتافها ومددها وتمدد بجنبها ، وقال هو يمرر ايده على نحرها وصدرها:شهالحلى؟؟ رؤى:عجبك؟؟ عواد قرب منها:مررره رؤى:أنا قصيت شعري بنفسي عواد دخل ايده في شعرها وقرب راسها من صدره:روووعه رؤى:كل هذا عشانك عواد باس رقبتها:بعد عمري وتشششششششششششششش مشفر(*_^) فـي الليــــــــــل الوليد نزل من سيارته بالجنز والتيشيرت ، سمع صوت الضحكات والطبول وابتسم ناوي يخربها اليوم قبل مايسافر للصين ، فتح الباب بهدوء ودخل وصرخ:شبااااااااب الشباب التفتوا وصرخوا:ولوووووود ركضوا له وبدوا يسلمون عليه بحراره واللي يحضنه واللي يبوسه مشتاقيييين له من بعد وفاة والده ماشافوه ، الوليد بادلهم السلام والأحضان وجلس معهم وهو مبسوط (حلو انك تعرف ان أصحابك يحبونك وهذا واضح من ابتسامتهم وأصواتهم اللي ارتفعت) ، عواد قال:ايييييه ياالدنيا ألحين ولود الداشر اللي ماغير يتبطح في هالإستراحات صار المليادير الوليد الكل ضحك وقال الوليد:حرام عليك والله انـ..... واحد من الشباب قاطعه وقال بلهجته الجداويه:هتطولوا وانتوا تهرجوا نبغى الوليد يرقص من زمان عن الرقص والفله الوليد:ههههههه اللي يسمعك مايسمع صوت الطبول اللي واصل لباب الإستراحه عواد وقف وقال:والله طق وأغاني ومحد حولك وبدا يقلد الشباب وهو يصدر أصوات وتعليقات مضحكه الشباب تسدحوا من الضحك ورفع مهند الطبل وبدا يطبل ويغني والشباب يرقصون ،، الوليد وقف بيرقص وارتفعت أصوات الشباب التشجيعيه ،، مهند غير الأغنيه:وقولوا باسم الله على غزال طب قولوا باسم الله ......الخ عواد ضحك:كثر منها غزال الوليد رجفه برجله على خفيف وعواد طاح بتعمد وقال بدلع:وي شوي شوي تراني خف الريشه الوليد طنشه وبدا يتمايل قدامه ويتميع وعواد يناظره باحتقار مصطنع ،، لكنه بعد فتره قام وبدا يستهبل ويرقص ويحرك ايديه بدلع والوليد يجاريه بالرقص بمهاره وظلوا يسولفون ويضحكون ويستهبلون إلى الفجر وبعدها كلهم رجعوا لبيوتهم وهم مايشوفون غير السرير من التعب الساعــــــــــه3:00 الليل السعوديــــــــــه عصام فتح الباب والعنود دخلت بسرعه ورمت نفسها على الكنب ونامت من التعب ، عصام هزها:عنودي قومي نامي فوق العنود بصوت تعباااان:اتركني أنام عصام ناظرها وكيف نايمه بعمق تنهد ورفعها وطلعها للغرفه ومددها على السرير وبدل وناااااام يــــــــــوم جديــــــــــد الوليد نازل من غرفته يركض وراه رحله للصين ، فارس كان جالس في الصاله وأوله ماشافه وقف:الوليد الوليد التفت له:سم!! فارس ناظره:طالع؟؟ الوليد:إيه وراي رحله فارس باحباط:لاااا الوليد:ليه؟؟شتبي؟؟ فارس:مايصلح أقوله لك وأنت مستعجل الوليد جلس:ياعمي لامستعجل ولا شي والطياره تحت أمري لو آآجلها عادي فارس جلس بجنبه:اممم بصراحه أنا أنا_بسرعه_أنا أبغى أتزوج الوليد انصدم مومصدق:.... فارس:شفيك؟؟ الوليد:لا بس مصدوم فارس:عادي كلنا بنتزوج الوليد:حاط في بالك وحده؟؟ فارس:بصراحه إيه الوليد ابتسم:من هي؟؟ فارس:ساره بنت عمك عبدالعزيز الوليد:ماشا الله وش عرفك فيها؟؟ فارس:آآآآ بصراحه أنا شفتها بالغلط أيام أبوي في المستشفى الله يرحمه الوليد تضايق لكن مابين ، دف ايده وغمز:من ورانا؟؟ فارس استحى:لا والله مابيني وبينها شي بس أنا شفتها بالغلط وعجبتني وسألت أمي وقالت ساره وألحين أنا قلت لأمي وعمي نروح نخطبها ولازم تكون معنا الوليد (ليش تتزوج أصلآ؟؟):.... فارس أشر قدامه:ياهو وين سرحت؟؟ الوليد عدل جلسته:إيييييه يالدنيا فارس اللي أكفخه وأخذ ألعابه بيتزوج فارس ضحك:ههههههه كبرنا وبنشوف حياتنا الوليد وقف ووقف معه فارس:هاه شقلت بتجي معي!! الوليد:والله أنا وراي رحله لكن بأجلها عشانك_ناظره وابتسم_مبروك مقدمآ فارس ابتسم:الله يبارك فيك :خيااااااااااااانه الوليد وفارس مفزوعين التفتوا لعبير اللي صرخت وقال الوليد بشوية عصبيه:أنا أبي أفهم شي واحد ليش الصراخ؟؟متى تتـ.... عبير قاطعته وهي توقف قدامه وتكمل جملته:متى تتركين طبعك الخايب؟؟ماني تاركته دامكم ماتعلموني أسرار البيت_ناظرت فارس وقالت بدلع_أجل فارس بيتزوج وماقلتوا لي!! الوليد:أولآ أنا توي دريت ثانيا هذاك دريتي وش بتسوين؟؟ عبير طنشته وقالت لفارس:من بتتزوج؟؟ فارس قال برومانسيه:ساره بنت عمك عبدالعزيز عبير صرخت:سوووير والله عرفت تختار وأنا أختك فارس:أنا سألت أمي عنها ومـ.... عبير قاطعته:عارفه سمعت الوليد:ههههههه_رفع حواجبه_أجل ليش تسألين؟؟ عبير أشرت على راسها:بس كذا الوليد سأل فارس:متى قال عمك بتروحون تخطبوها؟؟ فارس:الأربعاء الوليد وقف:على خير عبير:بأروح معكم فارس:لا راح تكون خطوبه صغيره الوقت مو مناسب للفشخره بعد حكيه ساد على المكان صمت حزين وكل واحد يفكر في أبوه وشكثر افتقده الوليد تنهد وطلع ولحقته عبير ، فارس جلس على الكنب وسند راسه وناظر فوق وتذكر قبل ثلاث اسابيع ((فارس كان يمشي في ممر المستشفى وحاط ايديه في جيبه ومنزل راسه ،، دخل جناح والده وسمع صوت ضحكات أكيد فيه أحد تأفف وجلس في صالة الإستقبال وحط ايديه ورا راسه وسند راسه عليه وبدا يفكر ويهوجس ، انفتح باب غرفة أبوه وطلعت بنت لابسه سكيني أسود وقميص كروهات أسود وعنابي ودخلت دورات المياه ،، فارس تنح وكأنه نازله عليه من السما نفس المواصفات اللي يبغاها شعرها طويل وأسود ونحيفه وطويله وبشرتها خمريه ،، ابتسم هذي اللي يبغاها ،، البنت أو ساره بالأصح طلعت ووقفت قدام المغاسل وغسلت ايديها وقربت وجهها من المرايه تناظر شكلها بعدها فكت شعرها وبدت تحركه يمين ويسار وتخلله بأصابعها النحيفه وتتمايل بجسمها وتغني بصوت واطي ،، بعدها رفعت شعرها باهمال وطاحت خصل على وجهها من نعومته ولفت بتدخل لكنها وقفت أول ماشافت فارس جالس ويناظرها وهو كاتم ضحكته ،، جلست دقايق تناظره بصدمه بعدها دخلت تركض ،، فارس ابتسم وطلع وشغل سيارته وحرك(ياسلام نحيفه وبشرتها خمريه وشعرها طويل وعيونها كبار هذي اللي أبغاها لازم اسأل أمي عنها) )) ابتسم وقام يروح لشغله وهو يفكر ويخطط في نفس هالوقت وشخصيه جديده ســــــــــاره كانت جالسه على سريرها وتذكر موقف فارس كانت تذكره ملامحه زين وهو جالس على الكنب بالقميص الزيتي والبنطلون البيج الواسع ومليان جيوب والكاب زيتي وشعره الطويل الكثيف باين من تحت الكاب وفاتح أول أزاريره ،، ابتسمت بحالميه:... أختها شيخه(حتى هي على جدتها)ناظرتها ورجعت تناظر المجله اللي بايدها وحركت راسها:لا حالتك صعبه ساره تنهدت:يهبل ياشيخه يهبل شيخه ناظرتها وعقدت حواجبها:مين؟؟ ساره:مادري شيخه:ههههههه الحمدلله الشكر ساره ناظرتها:لا جد شفته ولا عرف مين!! شيخه شهقت وخبطت صدرها:شفتيه!!_لفت جهتها وقالت بحماس_قولي كل شي ساره قالت لها السالفه كلها وعلقت شيخه:ههههههه الله يفشلك رقصتي قدامه ساره باحراج:مارقصت بس هزيت على خفيف وتمايلت شيخه:ههههههههه ماقصرتي ساره:ياالله ياشيخه تخيلي ماراح عن بالي من يوم شفته هذاك اليوم شيخه:ههههههه ياعيني عالحب ساره:لا والله ماأحبه بس أحس بشعور غريب تجاهه أحس اني أعرفه من زمااااان وقد شفته وأحس انه حلالي شيخه انفجرت ضحك:ههههههههه ملكت الرجال!! ساره تمددت على السرير وشبكت ايديها ورا راسها وناظرت فوق:شيخه أنا أحكي جد صورته مو راضيه تروح عن بالي شيخه جلست بجنبها:سوير أخاف حبيته ساره ناظرتها ورجعت ناظرت قدام:لا لا ماأحس بشي تجاهه لكن أحس انه يخصني_ناظرتها_وأنتي تعرفين حاستي السادسه شيخه وقفت:أنا أقول أكيد حب وتراك عورتي راسي من الصباح وأنتي تقولين هالحكي وطلعت ساره ناظرت ظهرها وهي تطلع زفرت:أحسن لي أنام_تمددت وتغطت بتنام فجأه قامت وصرخت_أوووف اطلع من راسي_حركت راسها_اطلع من راسي شيخه صرخت من تحت:سويره وصمخه نامي وبطلي هالصراخ كانك مجنونه ساره:ياااااااااااارب ورمت نفسها على السرير بقوه تحاول تنام الـبـــــارت الـثانــي عشـــــر يـوم جـديــــــــد عواد رجع من دوامه تعبااااان دخل غرفته وهو مايناظر غير السرير فصخ ثوبه ولبس بيجامته ورمى نفسه على السرير وتغطى ،، تو النوم بدا يداعب عيونه لكن رؤى قطعته وهي تفتح الباب وتدخل:أووووه حبيبي جيت!! عواد بطفش وهو مغمض عيونه:شوفة عينك رؤى جلست بجنبه على طرف السرير:كويس جيت عشان تشوف أهلك وش مسوين؟؟ عواد جلس على السرير وقال باهتمام:خير!! رؤى مدت له علبه صغيره:شوف ،، شوف عمتك لولوه وش معطيتني هديه؟؟ عواد أخذ العلبه وفتحها وكان بداخلها حلق أذان ذهب أصفر ،، ناظرها:طيب!!! رؤى:تستهبل أحد يلبس هذا ألحين يعني عجزانه تنزل السوق وتشتري على الأقل ذهب أبيض ماعاد أحد يلبس أصفر عواد بغى يصطرها كف لكنه مسك نفسه ،، تمدد وتغطى:كل انسان وماديته رؤى رفعت الغطا:أنا أحاكيك عواد ناظرها:رؤى ياحبيبتي ياحياتي أنا ألحين تعبان وبأنام وجايه تحاكيني عن سخافات حريم رؤى بعصبيه:لا موسخافه أحد يهدي عروس_أشرت بالعلبه_هذا الشي عواد رجع يتغطى:ماتبغينه بعييه رؤى وقفت:ماراح أبيعه ولا شي هذا حده الزباله وجت بترميه في الزباله لكن عواد صرخ:لا مجنونه انتي ترمين ذهب بالزباله!! رؤى رمت العلبه عليه:أنا مابغاه تصرف فيه وطلعت وهي تتأفف عواد(مصحيتني من نومي عشان هالسخافه_ناظر العلبه_انهبلت هذي ترمي ذهب في الزباله!!)تنهد:عيال الفلوس رجع العلبه في الدرج ونام على طول من التعب العنود صحت من نوم وهي تحس بألم فضيع في ظهرها ،، ناظرت البيت المتواضع بأثاثه وعقدت حواجبها(أنا وين!!)ماامداها تفكر لأن عصام طلع من المطبخ وبايده تفاحه ولابس بيجاما:صح النوم العنود ناظرته ورجعت تناظر البيت والدموع مجمعه في عيونها(يعني هذا بيتي!!هذا هو عش الزوجيه مع ..مع عصام)عند هالنقطه ماقدرت تمسك نفسها نزلت دموعها كانت تتمنى يكون زواجها من عصام حلم أو كابوس وتصحى منه وتحصل نفسها عند الوليد وفي حضنه:.... عصام قرب منها وجلس جنبها وحط ايده على ظهرها:حبي شفيك؟؟ليه الدموع؟؟ العنود مسحت دموعها:سلامتك مافيني شي بس ظهري يألمني شوي لأن طريقة نومي غلط_ناظرته وابتسمت غصب_ومشتاقه لماما عصام مسح على شعرها وناظر في عيونها مباشره:ولا يهمك هذا إنا في السعوديه وان شا الله نزورهم اليوم العنود(حنون بس مو مثل الوليد)وقفت:أوكي أنا بأروح أخذ شور وأجهز نفسي عصام بابتسامه:أوكي راحت العنود وهي تناظر البيت وتنقل نظرها بين أثاثه وتحفه اللي ماتقارن بفلتها مع الوليد ،، دخلت غرفتها وناظرتها بحزن ،، جهزت ملابسها ودخلت الحمام وهي تفكر في حياتها مع عصام ألحين بس بدت حياتها الحقيقيه مع عصام عبير صحت العصر من نومها ناظرت جوالها وكان فيه مسج جديد فتحته ((من توأم روحي أنا وصلت السعوديه من أمس الليل)) ابتسمت بفرح اشتااااااقت للعنود اسبوعين ماشافتها وهذي أول مره في حياتها تحصل العاده كل يوم تشوفها ،، فكرت تتصل عليها لكنها قالت أكيد مشغوله قامت تروشت ونزلت تحت وشافت فارس جالس قدام لابتوبه ويشتغل عليه ،، قالت بمرح:أووووه معرسنا قاعد يغازل فارس ناظرها:ههههههههه حرام عليك والله قاعد أشتغل عبير جلست جنبه وناظرت في اللاب:أشوف أتآكد!! فارس لف اللاب جهتها:هاه ناظري عبير ناظرت الشاشه وكان مفتوح على برنامج الإكسل ومليان جداول وكلمات وأرقام انجليزيه ،، دفت اللاب:خلاص عورني راسي فارس:ههههههه هذا أخر أساليب المغازل ورجع يكمل شغله وعبير تناظر البلازما عبير طفشت ، ناظرته وجمعت ايديها:ماقلتنا يامعرس وش خططك بعد الزواج؟؟ فارس:هههههههه خططي بعد الزواج وأنا توني ماخطبت عبير:عادي حلو تفكر في بعدين فارس سند ظهره وزفر:مادري ياعبور خايف ترفضني عبير على طول جا في بالها خطوبتها من نايف لكنها على طول مستحها من بالها وقالت بتوتر:وليه ترفضك!!أنت رجال ونعم<<سبحان الله نفس رد مهند لنايف لما شكى له فارس:مادري بس أنا خايف_ناظرها_يعني ممكن تكون تبغى واحد بعينه أومرتبطه عاطفيآ بشخص ثاني عبير بلعت ريقها وارتبكت لكنها قالت تخبي ارتباكها:هههههههههه الحمدلله والشكر الدراسه بفرنسا خلتك تخرف_ناظرته_ياحبيبي ترانا بالسعوديه مو بفرنسا فارس:حتى لو بالسعوديه يعني ما يحصل حب قبل الزواج!! عبير قوست شفايفها وحركت راسها:اممم ممكن لكن نادر وأغلبه يكون حب بين القرايب وساره ماعمري حسيت بأنها تميل لأحد من قرايبها فارس:ماتدرين عن اللي في القلوب عبير لفت بجسمها جهته وقالت بعقلانيه:لا أنا بنت وأعرف البنات ،، البنت ماتقدر تتحكم بنظراتها وتعابير وجهها وخجلها وارتباكها اذا ذكروا اسم اللي تحبه عشان كذا تكون مفضوحه خاصه قدام البنات لأنهم هم اللي يفهمون لغة عيون البنات الثانين فارس باعجاب:ما شا الله شكلك مجربه عبير ابتسمت بتوتر وقالت بمزح:ياليت فارس:ههههههههه عبير بتردد:فارس لو دريت اني أحب واحد وش بيكون شعورك؟؟ فارس قرب منها وفتح عيونه لأخر حد وقال بهدوء مرعب:أقطع رقبتك ورقبة اللي تحبينه عبير خافت ودفته:وجع خرعنتني فارس رجع مكانه:هههههههههه عبير وتعرف تفكير فارس المتزن:لاجد فروس وش يكون شعورك؟؟ فارس سند ظهره وزفر:والله شوفي هذا يعتمد على طريقة حبك له ،، يعني مثلا إذا كنتي متعرفه عليه في شات أو في ترقيم فهنا أقطع رقبتك ورقبته وأركزها على الكوبري الملك فهد أما إذا كان حبك له عادي يعني مثلا شفتيه بالغلط أو أعجبتي فيه من حكي أحد عنه وكتمتي هذا الشي بداخلك وماتميعتي معه فهذا عادي وبالعكس يعجبني هذا الحب عبير:ما شا الله عليك تعجبني فارس ناظرها بخبث:أسئلتك أكيد لها هدف!! عبير نفسها تحكي له بس فيه شي يمنعها ،، قالت:لا والله من الفضاوه فارس:والله مادري عنك ورجع يكمل شغله وعبير بدت تفكر وتهوجس في حكي فارس المغـــــــــرب العنود وعصام طلعوا لبيتهم وتوجهوا لبيت أهل عصام وسلموا عليهم وتقهوا معاهم ،، بعدها توجهوا لبيت أهل العنود ،، العنود كانت في السياره تسولف ومبسوطه انها بتروح لأهلها ،، عصام لاحظ تغيرها وانبسط يمكن قربها من أهلها يغير من سكوتها وسرحانها المتكرر في شهر العسل ،، وصلوا لبيت أهل العنود ونزلت العنود بسرعه ودقت الجرس ،، زيد طلع يسحب رجليه وفتح الباب ،، العنود صرخت:زيووود_رمت نفسها في حضنه_وحشتني زيد انصدم من هذي اللي رمت نفسها في حضنه وتدلعه لكنه تذكر العنود لف ايده على خصرها وضمها:الحمدلله على السلامه العنود وهي على صدره وتسمع صوته الهادي بنبرته الحنونه حست بشعور حلو حست بأمان الأخوه حست بأن لها سند وعضد في هالدنيا تعتمد عليه بعد ربها ثم أبوها ،، ألحين بس ذاقت طعم الأخوه وعرفت حلاوتها ،، قالت بصوت مرتجف:الله يسلمك زيد ابعدها عنه وناظرها:ادخلي أمي مشتاقتلك حيييييل العنود ابتسمت:وربي حتى أنا بأموت من الشوق دخلت تركض وزيد مد ايده لعصام:الحمدلله على السلامه عصام ابتسم وسلم عليه:الله يسلمك سمعوا صوت صرخة العنود:مـــــــــامـــــــــااااا زيد ضحك وقال لعصام:تفضل عصام دخل وراه وهو مبهور بذوق البيت ومااستغرب لأنه شاف أناقة العنود واهتمامها بمظهرها ،، طاحت عينه على العنود وهي في حضن أمها ،، زيد قال بمزحه:بس خنقتوا بعض أم العنود ضمت العنود أكثر:خلني أعوض اشتقت لها العنود ناظرته وهي في حضن أمها وخدها على صدرها:خليه يغار زيد قرب منها:إيه أغار ابعدي عنها وسحبها العنود ضحكت وجلست وبدت تسولف وتحكي وتضحك مبسوطه ،، عصام كان بين فتره وفتره يناظر العنود ،، بعدها جا أبو العنود وسلموا عليه العنود وعصام واستئذنوا ،، ركبوا السياره وقال عصام:وين نروح ألحين؟؟ العنود بتردد:امم أنا نفسي أروح لصديقتي مشتاقتلها عصام:صديقتك مين؟؟ العنود:عبير السجيدي عصام سكت يفكر يوصلها لبيت طليقها ولا لا!! بعد فتره قال:السجيدي بيت طليقك؟؟ العنود ناظرته وصرخت بعصبيه مالها مبرر:إيه بيت طليقي وأنا اللي طلبت منه الطلاق وأنا رايحه أزور أخته صديقتي مو رايحه أزوره هو ورجعت تناظر قدام وصدرها يرتفع وينزل من العصبيه عصام انصدم من عصبيتها اللي مالها مبرر وكان أول مره يشوفها وهي معصبه:... العنود انتبهت على نفسها ،، حطت ايدها على راسها وايدها ترجف بشكل واضح وقالت:سوري مادري وش فيني!!بس أنا أتنرفز من هالطاري عصام سحب نفس:حصل خير العنود ناظرته وكان واضح من صوتها إنها ماسكه بكيها:بليز عصام لا تحاكيني في هالموضوع عصام تنهد:أوكي ، أوكي العنود ناظرت قدام وهي ماسكه دموعها بالقوه:... عصام شغل السياره:أوكي أوصلك ألحين لبيت صديقتك وأنا بأروح للإستراحه أسلم على أخوياي من زمان عنهم وأرجع لك العنود:.... عصام حرك لقصر السجيدي قصــــر السجيــــــدي الوليد دخل وشاف فارس جالس على اللاب عاقد حواجبه بتركيز ،، وعبير جالسه وضامه الخداديه لحضنها وتناظر البلازما وبالها مو مع البرنامج صرخ:السلاااااام عليكم عبير وفارس نقزوا من الروعه:بسم الله الوليد ضحك على أشكالهم وجلس:وينكم فيه؟؟ فارس طفى اللاب:أنا راسي عورني من الشغل وبأروح أخذ شور بارد وأنااااام ولا أحد يصحيني الوليد:لا تنام ألحين بيأذن العشا فارس بطفش:أوكي بانتظر وطلع الوليد ناظر عبير:وأنتي؟؟ عبير:أنا جـ..._قطع حكيها مسج_لحظه فتحته وكان من رقم غريب ((عبور اطلعي عند باب القصر بسررعه)) عبير خافت من اللي بيعرف اسمها ويطلب منها تطلع عند الباب ،، الوليد لاحظ لونها اللي انخطف قال بشك:عبور شفيك؟؟ عبير ناظرته:مادري رقم غريب مرسلي اطلعي عند باب القصر بسرعه!! الوليد:يمكن غلطان عبير:لا عارف اسمي الوليد:يمكن وحده من صديقاتك بتسوي لك مفاجأه عبير سكتت تفكر بعدها صرخت:عنوووووودي وطلعت تركض الوليد دق قلبها بمجرد سماعه اسمها وقف عند الشباك وبدا يناظر ،، عبير كانت واقفه عند الباب تناظر السياره المكسيما السودا اللي دخلت القصر ،، عصام دخل القصر وهو يناظره بانبهار واعجاب من جوا أحلى وأفخم بكثيييير ،، دار على النافوره الكبيره ووقف ونزلت العنود ،، عصام قال:إذا جيت بأتصل عليك وأطلعي العنود مشتاقه لعبير ومو جوه بس قالت تسكته:أوكي ، أوكي سكرت الباب وحرك عصام وطلع ،، العنود وقفت تناظر القصر بشوق اشتاقت للقصر واشتاقت لأهله ،، الوليد حس بدمه يغلي وأعصابه انشدت وهو يشوف العنود راكبه مع عصام وتحاكيه وتودعه ،، عبير أول ماشافت عصام طلع وتسكرت البوابه طلعت تركض وهي تصرخ:عنووووود العنود ناظرتها وابتسمت:... عبير ارتمت في حضنها بقووووه لدرجة ان العنود كانت بتطيح لكن ثبتت نفسها ،، عبير قالت:اشتقت لك مووووت ياحماره العنود ضمتها:ههههه وأنا أكثر الوليد كان يراقبهم من الشباك ويسمع أصواتهم المرتفعه من كثر الشوق ،، حس بدقات قلبه طبول ونفسه ارتفع ،، اشتاااااااااااااااق لها موووووت ونفسه يكون مكان عبير ،، ناظرهم وعبير تلف ايدها على خصرها(حركته اللي يحبها) ويدخلون داخل ،، سحب نفس وطلع وهو طالع شافهم يدخلون مجلس الحريم ،، العنود لفت بتدخل وطاحت عينها بعينه ،، اختفت ابتسامتها وانمغص بطنها ورجلها قامت ترجف ،، الوليد ناظرها بعتاب حـزيــن .. ومامعـي غيـر " التعـب " ومسـآمر دمـوعي .. ، وتطيـح من التـع ـب .. ( تنهيـدتي ) محـد ٍ شعـر فيهـآ ..!! [ كتمـت الهـم ] في صـدر السكـوت وصـآحت ضلـوعي كـأن الروح يـآ .. / روحـي .. تبينـي بس مـآ ابيهـآ .! على شـآرع " أمـل عـــُمـري " وقفـت و ملنـي لـوعي .. اليـن ( استوطنـت ضيقــه ) .. وبـدت ْ أول ليـــآليهـآ .. خـذ الصـوت ْ .. بطرف رآس الـورق واستجمـع جمـوعي .. جمـوعي سـآلفـة " ونــّـه ! " سأمـت لميـن أوديهـــآ ..!! انـا يـدّي على خـدي .. وعلـى رجلـي ظهـر كوعــي !! وعلى وجهـي [ مـلآمح غيبتــك ] وشلـون أخبيهـآ ... ؟ اذا غيــم الهـوى قصـّر .. فـ أنـــآ ( مـآ جـف ينبـوعي ) ! على غصـون الهيـآم اللي .. من إحسـآسي مسقيـّهــآ .! .. { " آحبـــگ " .. لو طغـى جـور الزمـآن .. ولا غـدا طـوعي .. " أحبـــگ " لـ .. / آخــر حدودي معك ( وان طـآل تـآليهـآ )! آحبــگ .. لكـن " الـبعــد " يجبـرني اكتـب دمـوعـي ... ! وجيتـك .. مـآ أبـي غيــرك .. يحـس بـ .. / ( حـرْ مـآ فيهآ ) .!! العنود ماقدرت تستحمل أكثر لفت ودخلت ،، الوليد سحب نفس طويييييل وطلع لغرفته ،، عبير:خوفتيني برسالتك من وين لك هالرقم؟؟ العنود وهي تفصخ عبايتها:هههههه هذا المطلوب ،، هذا جوال عصام عبير:زين خبرتيني عشان أغازله وغمزت العنود بدون اهتمام:حلالك عبير تغير الموضوع:شهالكشخه؟؟شهالحركات؟؟ العنود كانت لابسه فستان ناااااعم أزرق حريري وقصير لحد ركبتها وعند الصدر حركه معينه بكريستالات فضيه ومن ورا فتحه صغيره من عند الظهر ،، وعامله (بف) بشعرها من قدام واللي ورا رافعته ببنس كريستاليه ناعمه بطريقه حلوه ،، وحاطه مكياج خفيف وناعم ،، وصندل فضي عالي ،، دارت على نفسها:شرايك؟؟ عبير:رووووعه_قالت بغرور_كل هالكشخه عشاني العنود جلست وقالت باستهزاء:مره شايله همك ،، ياحبيبتي هذا عشان أهله رحت لهم قبل عبير جلست وقالت بحماس:عنده خوات؟؟ العنود:إيه ،، أربعه أتوقع عبير:حلوات؟؟ العنود:يووووه لاحقه عالسوالف بس روحي جيبي لي شي أشربه ترا بأموت من العطش عبير وقفت:من عيوني بس ترا ماجهزت شي لأنك ماخبرتيني العنود:أحسن أنا ماابغى تكلفين على نفسك عبير أشرت بايدها:دقايقز العنود ضحكت وراحت عبير دقايق ورجعت وبدوا يسولفون وينكتون والعنود تقولها عن ماليزيا ووين راحت؟؟ووين جت؟؟وهم مبسوطين عنـــد عـــــواد كان قاعد مع أهله وضام الخداديه وحاط ايده على خده ويهوجس صحاه من هواجيسه صرخه من أفنان من لسانها الطويل وهي داخله في وجهه:عوادووووووووووه عواد نقز ورمى الخداديه ولاارادي ووجه لها كف قوي:طرااااااااااااخ أفنان مال وجهها من قوة الكف وبدت تكح من قوة الصرخه وعيونها تدمع:كح كح كح كح عواد خذ الكاس وشربها بسرعه ،، أفنان شربت المويه وناظرت عواد بدون تعابير ،، عواد ناظرها بخوف:فنو أفنان من قال هالكلمه انفجرت بكي ،، الكل انفجر ضحك على شكلها:هههههههههههههههههه أفنان ضربت عواد:وجع شهالكف!! عواد ميت ضحك:ههههههههه والله هههههههه والله آسف بس هههههههههه انتي خرعتيني هههههههههههه أفنان تذكرت شكلها وانفجرت ضحك:ههههههههههههه نواف ماتمر السالفه كذا لازم يتشمت بأفنان:وانتي دمعتك جاهزه كخ كخ كخ أفنان رفعت ايدها:جعلك تجربها قل آمين عواد مسك دقن أفنان وناظر خدها وقال بخوف حنون:يألمك؟؟ أفنان تجمعت الدموع في عيونها وارتجف دقنها من نبرة الحنان اللي في صوته طول عمره حنون معها ويعاملها أفضل من معاملة أبوها الجافه:..... عواد قال لنواف:بسرعه نواف جب ثلج نواف راح يركض وجاب ثلج ومده له ،، عواد أخذه وجا بيحطه على خد أفنان لكن أفنان دفت الثلجه بايدها وارتمت بحضنه وانفجرت بكي ،، عواد خاف ماتوقع انه يألمها لهدرجه بعدها وابعد خصلات متمرده طاحت على وجهها البريئ:فنو فيك شي؟؟آلمك الكف!! أفنان ناظرته وقالت بصوت باكي:عسل عسل على قلبي دامه منك_ارتمت في حضنه ودخلت وجهها في صدره_أحبك ياعواد أحبك يايبه وبدت تبكي وتشهق ،، الكل تأثر بالموقف وتجمعت الدموع في عيونهم على كلمة أفنان (يبه) صحيح كانت كلمه لكن كان لها وقع كبييييير في قلوب خوات عواد اللي كانوا يحبون عواد أكثر من مما يحبون أبوهم ،، نواف قام من المجلس وطلع برا ،، عواد دمعته صعبه وماتنزل بسرعه لكنه تأثر بكلمة أفنان صــــــــــــــــــــــمــــــــــــــــــــــت حزين ساد الجو مايربكه إلا شهقات أفنان اللي على صدر عواد وشهقات خواته وعبراتهم ،، رؤى كانت واقفه فوق وتناظرهم حست بدمها يغلي من القهر والغيره أول ماارتمت أفنان في حضن عواد لكن أول ماسمعت كلماتها وناظرت المشهد الحزين تجمعت الدموع في عيونها ،، فعلاآ المشهد كان مؤثر ويقطع قلب اليهودي .... أطياف جت تركض ورمت نفسها في حضن عواد وهي تبكي وتطبق المثل المشهور (((مع الخيل ياشقرا ))) ،، عواد أبعد أفنان وأطياف عن حضنه ومسح دموعهم وابتسم بحنان:حتى أنا أحبكم ،، واذا تحبوني جد لاتبكون دموعكم غاليه أفنان تشهق من البكي:.... عواد بمزح دفها على خفيف:فنو خلاص عاد مصختيها مو لهدرجه الكف يألم أفنان ضحكت والدموع مغطيه وجهها:هههههههه والله يألم عواد مسك دقنها:فرجيني_ناظر خدها وكان أخضر وأطرافه بنفسجي_أووووه صار أخضر حطي الثلج ويخف أفنان ابتسمت:ان شا الله عواد وقف وقال بصوت أنوثي يقلد أمه:بأروح أشوف نواف الله يعيني على هالعيال وطلع وهو يردد كلمات أمه المعتاده ،، خواته انفجروا ضحك على تقليده:ههههههههه عواد طلع للحوش وشاف نواف جالس على الدرج ومنزل راسه وجامع ايديه وحاطها على جبينه ،، جلس بجنبه وحاط ايده على ظهره وقال:نواف نواف غطى وجهه وانفجر بكي ،، عواد قال:ليه الدموع؟؟لاتقول تحبني بعد!! نواف هز راسه بالنفي:... عواد:ههههههههه وفي وجهي ياالحمار نواف ناظره وابتسم من بين دموعه:لا مو قصدي كذا بس أنا ماأبكي عشان كذا عواد:أجل ليه؟؟ نواف:بكره مجلس أباء عندنا في المدرسه_غطى وجهه وقال بصوت مخنوق_وأنا ماعندي أب صحيح أبوي كان جاف معي لكن أبغى أب لازم يكون عندي أب أسولف عنه وعن تمشياته معي لو بالكذب بس أنا ماعندي أب خلاص حتى لو بأكذب ماقدر عواد:ليش تكذب؟؟قل الصراحه نواف ناظره:أقول أبوي مايجلس معنا ومايمشينا تبغاني أقول كذا!! عواد(الله يسامحك يايبه بس ،، هذي فايدة تفكيرك الخاطئ):خلاص يانواف هذي صفحه وانتهت وادعي لأبوك بالرحمه مهما كان هذا أبوك ويحبك نواف:وأنا بعد أحبه بس ليه يعاملنا كذا؟؟ عواد:خلاص عاد أنت جالس تقلب صفحات قديمه وانطوت إنا عيال اليوم ،، افرح وانبسط ولا تبين حزنك لأمي ترا اللي فيها كافيها نواف مسح دموعه:حاضر عواد وقفه ودخل معه ،، وقال:يلا أجل تصبحون على خير الكل:وأنت من أهله عواد طلع ورؤى لماشافته راحت تركض ،، عواد فتح الباب ودخل بدون أي تعابير:السلام عليكم رؤى جالسه:وعليكم السلام عواد جلس على السرير وفصخ جزمته:.... رؤى جلست بجنبه:أدري زعلان علي عشاني ماجلست معكم ،، أنا كنت بأنزل بس احراج لأن الجلسه كانت عائليه<<تكذب طبعآ عواد لف لها:رؤى وشهالحكي!!مو أنا قلتلك انتي مثل أختهم رؤى نزلت راسها وقالت بتمثيل:بس أحس اني داخله غلط عواد:لا غلط ولا شي ،، انتي مرة ولدهم وحسبة بنتهم رؤى:ولا يهمك من بكره بأجلس معاهم عواد(ياكثر ماقلتيها)تنهد:أوكي رؤى ابتسمت:... نرجع لقصر السجيدي من بين السوالف اللي راحت وجت قالت عبير:فارس بيخطب العنود بابتسامه:والله مبروك ،، من بيتزوج؟؟ عبير بضيق:الله يبارك فيك ،، بيتزوج ساره بنت عمي عبدالعزيز العنود:وليه متضايقه؟؟ عبير:اليوم لما جلست مع فارس قال لي انه خايف انها ترفضه وأنا على طول تذكرت خطبتي من نايف وخفت ان يصير رد دين وترفضه ساره لأن رفضت نايف بدون سبب العنود:بس انتي مارفضتيه من دون سبب،انتي قلبك معلق بواحد_ارتجف صوتها_وصعبه تتزوجين وقلبك متعلق بواحد غير زوجك عبير:مادري خايفه العنود:لاتخافين ولاشي وخلك عادي انتي ماغلطتي عبير ناظرتها:وانتي؟؟ العنود ناظرت قدام ابتسمت باستهزاء:أنا!!_ناظرتها وزفرت_قلتلك حالي ادعيلي بس عبير توها بتنطق لكن جوال العنود سبقها ،، العنود ناظرت الشاشه عصام يتصل بك ردت:هلا عصام:هلا حبي يلا أنا انتظرك العنود:أوكي_سكرت ووقفت_يلا استئذن عبير وقفت معها:وين بدري؟؟ العنود وهي تلبس عبايتها:بدري من عمرك بس شوفة عينك أنا مو مثل أول أروح وأجي متى ماأبغى صرت تحت حكم رجال_باست خدها_أشوفك على خير مع السلامه عبير حضنتها على خفيف:مع السلامه ولا تقطعين العنود:إن شا الله طلعت العنود وعبير تراقبها إلى ان اختفت ،، بعدها تنهدت وقالت:الله يهون عليك وطلعت لغرفتها العنود ركبت السياره وحرك عصام وطلع الوليد كان واقف في شرفة غرفته وبايده عصير بارد ،، ناظر تحت شاف العنود تطلع وعليها عبايتها وتركب مع عصام ،، ناظر السياره بحزن سحب نفس(اييييييه ياالعنود بعد ماكنتي في حضني وتدلعين علي صرتي محرمه علي وأنا مابعد تزوجتك ،، خلاص صرتي حرم عصام وصار عصام سند والجدار اللي تكتبين عليه همومك وهواجسك)مرت نسمة هوا واقشعر جسمه رفع راسه الجو بدا يبرد والشتا قرب وقرب يكمل السنه وهو بعيد عن العنود وحضنها الدافي ،، دخل غرفته وسكر باب الشرفه وتمدد على السرير وتغطى وناااام يــوم الأربعـــــاء خطوبـــة فــــــارس فارس جالس في صالة القصر بالثوب والشماغ من زماااااان عن الشماغ أربع سنين مالبسه لكن الثوب يلبسه كل جمعه حتى في فرنسا ،، كان جالس ويفرك ايديه في بعض بتوتر وكل شوي يعدل شماغه ،، الوليد نزل كاشخ:يلا فروس فارس ناظره:هاه إيه يلا ووقف طلعوا وفارس توجه لباب السواق ،، الوليد قال:أقول انهبلت أنت تبغى تخم لك أول جدار أنا بأسوق فارس ركب قدام وشغل السياره الوليد وحرك:شكلك متوتر!! فارس:مررره الوليد:هههههه أجل ليلة الزواج وش بتسوي؟؟ فارس:عاد أنت مجرب الوليد تذكر ليلة زواجه من غيداء وتنهد:أي زواج يارجال اللي تحكي عنه أشوا اني ماشفتها ولا قبلت جهتها فارس ناظره بصدمه:أوما ماقبلت جهتها!! الوليد:والله فارس ناظر قدام وحرك راسه:انسان غريب الوليد:لا غريب ولا شي ،، إذا كنت حاط في بالك وحده وساحرتك وماتفكر إلا فيها_أشر على صدرها_خذها مني مستحيل تناظر غيرها مهما كانت فارس بخبث:أفهم من كلامك ان ماقد جا يوم وخريت!! الوليد:ههههههه والله أكذب عليك إذا قلت لا ،، أكيد جت أيام وحسيت بشهوتي وغريزتي تحركت ومافيه رجال في الدنيا ماتتحرك شهوته إلا إذا كان مريض لكني ذاك اليوم طلعت ودخلت غرفه ثانيه وعقبها صرت أصوم فارس انفجر ضحك:هههههههههههههههههه تصوم عن زوجتك ماقلتلك غريب!! الوليد:يارجال ما الغريب إلا الشيطان_وقف السياره وطفاها_يلا انزل شف عمانك وصلوا فارس ناظر سيارات عمانه وهي توقف وينزلون عمانه ،، قال بتوتر:الله يستر نزلوا وسلموا على بعض وعمان فارس بيحرقون الوليد بنظراتهم خلاص صار المليادير الوليد السجيدي ،، شيخه جت تركض وطفت النور ووقفت عند الشباك ،، ساره قالت:وجع ماتشوفيني أقرأ شيخه:أووش تعالي شوفي الوليد ساره بحماس:الوليد وجت تركض دخل الوليد بجنب فارس وعمان فارس واستقبلهم عبدالكريم أخو ساره وبدوا يسلم عليهم ويرحب فيهم ،، شيخه حطت ايدها على خدها وقالت بخقه:يهبلللللللللللللل ساره كانت مصدومه وتناظر فارس:هذا هو ياشيخه ،، والله هو شيخه ناظرتها ورجعت تناظرهم:مين؟؟ ساره:هذا اللي شفته في المستشفى شيخه ناظرت فارس:والله دخلوا وجلست ساره على السرير وهي تنفض:شيبي؟؟ شيخه:هذا ولد خالتهم اللي كان يدرس بفرنسا ساره ناظرتها:شدراك؟؟ شيخه:ماما تقول الوليد وفارس ورجال ثانين والرجال اللي شفتيه هو الشاب الوحيد والباقي شياب والوليد نعرفه أكيد فارس ساره همست:فارس!! شيخه:والله مو شين ساره:..... شيخه جلست:ياترا شيبون!! ساره تنفض:خايفه شيخه:الحمدلله والشكر ليه؟؟ ساره:مادري بس اللي أعرفه اني كرهت فارس هذا شيخه تمددت على السرير:نفسي أعرف شيبغون؟؟ عنـــد الرجـــــال بعد السلام والحفاوه والسؤال عن الأحوال قال عم فارس الكبير:والله يابو عبدالكريم انا جاين نطلب القرب منكم أبو عبدالكريم:حياكم الله عم فارس:وجاين نطلب ايد بنتكم ساره_أشر على فارس_لولدنا فارس على سنة الله ورسوله هنا فارس قام ينفض ومسك الوليد يهدي نفضته:.... أبوعبدالكريم كان حاس ان فيه خطوبه:حياكم الله ولنا الشرف وانا موافقين لكن الرأي الأول والأخير للبنت عم فارس:حق وماراح نمنعها من حقها_وقف_يلا أجل نستأذن أبو عبدالكريم وقف:وين تعشوا معنا؟؟ عم فارس:تعشى معكم العافيه والله مستعجلين أبو عبدالكريم:علي الطـ.... عم فارس قاطعه بسرعه:استغفر يارجال المره وش دخلها؟؟ أبو عبدالكريم:استغفر الله عم فارس:مره ثانيه ان شا الله أبو عبدالكريم:براحتكم كان ودنا بس مره ثانيه ان شا الله عم فارس:الله يكرمك أبوعبدالكريم:حياكم الله طلعوا أعمام فارس وفارس والوليد مع عبد الكريم ،، الوليد قال لعبدالكريم قبل مايطلع:والله وكبرت ياالبزر عبدالكريم:ههههه ماعاد إلا العرس الوليد انفجر ضحك:ههههههههههه مستعجل خلص دراستك أول عبدالكريم:لا ان شا الله في هالصيفيه من بعد التخرج يجيك كرت زواجي الوليد:الله يوفقك ،، مع السلامه عبدالكريم:في أمان الله سكر الباب ودخل للصاله وشاف أبوه واقف في الصاله قال بمزح:يبه خليني أنا أخبرها أبو عبدالكريم:يلا عبد الكريم:لا امزح أبو عبدالكريم:جرب هالمره عبدالكريم تحمس للفكره:أوكي_صرخ_ســــــاره فــــــوق ساره بخوف:ياويلي ، ياويلي عبدالكريم يناديني شيخه:ليه التوتر والخوف؟؟روحي شوفي شيبغى!! ساره:حسبي الله عالهالفارس كرهته شيخه:هههههههه ساره نزلت لعبدالكريم:هلا عبدالكريم:تعالي أبغاك ساره بلعت ريقها وناظرت والدها اللي ابتسم يطمنها ، ابتسمت له بتوتر ودخلت ورا عبدالكريم:هلا عبدالكريم جلس:اجلسي ساره جلست:.... عبدالكريم بجديه:شوفي ياساره انتي كبرتي ووصلتي لسن الزواج ساره انتفضت أطرافها:... عبدالكريم:واليوم تقدم لك واحد وهو فارس ولد خالة الوليد ساره ناظرته بصدمه:... عبدالكريم:الرجال ونعم فيه لكن الراي رايك فكري زين وردي لنا ساره هزت راسها وطلعت لفوق تركض دخلت الغرفه وسكرت الباب وتسندت عليه ،، شيخه ركضت لها:هاه شفيك؟؟ ساره تناظر قدام في اللامكان:خطبني شيخه صرخت بحماس:واااااااااو حركتات طلع الرجال عاشقك_ناظرتها_شقلتي؟؟ ساره جلست على السرير:مادري ياشيخه مادري_ناظرتها وابتسمت_بس تصدقين حبيته شيخه:ههههههه الله يخسك توك تحسبين عليه وتقولين أكرهه ساره تنهدت:قلب الزوجه شيخه:ههههه يعني موافقه ساره:مبديئآ ايه لأن الرجال كامل لكن لازم استخير شيخه:أكيد التجئي لربك عشان يوفقك ترا هذا زواج وعشره وتكمله عمر يعني مو لعبه ساره:ياالله مو مصدقه شيخه دفتها:ياحركات شافك وعشقك مثل الروايات_جمعت ايديها ورفعت راسها_يارب عقبالي ساره:على كذا مو متزوجه بتعنسين شيخه حطت ايدها على خصرها:وليه ان شا الله؟؟ ساره:بينحاشون اذا شافوك وبيعتزلون الزواج مـ.... شيخه قاطعتها وهي تدفها وتجلس فوقها:يادبا ياحماره ياكـ### ساره:هههههههههه نروح نشوف الخطيب (فـــارس) كان متمدد على سريره وحاط ايديه ورا راسه يهوجس بتوافق وإلا لا؟؟جلس وناظر الدروج وبدا يعد(بتوافق ، مو موافقه ، بتوافق ، مو موافقه بتوافق ، مو موافقه ، بتوافق ، مو موافقه ، بتوافق ، مو موافقه ، بتوافق ، مو موافقه ، بتوافق ، مو موافقه_طق بلسانه وبدا يعد الورد المشجر على الستاره وطلعت بتوافق ، ابتسم_أكيد بتوافق)رجع تمدد وهو يهوجس ويفكر إلى أن نااااام وهو يردد بتوافق ، مو موافقه يوم جديد وبدخول هذا اليوم يمر على وفاة عبدالله السجيدي شهر وزواج العنود اسبوعين وشوي الوليد جالس على كرسي مكتبه وهو مسترخي براحه ،، قطع عليه استرخائه عواد وهو يدق الطاوله بقوه عشان يتخرع ،، لكن الوليد قال وهو على نفس وضعه:عويد ترا شايفك من دخلت عواد ضرب ايديه في بعض:خساره كنت بأخرعك الوليد ابتسم بهدوء:ياحلو الإسترخاء عواد جلس:ماقد جربت الوليد اعتدل في جلسته وناظره:جرب والله ترتاح عواد:ما أعرف أقعد بدون ماأفكر الوليد:أنا كذا في البداية لكن بتتعود عواد:ماعلينا_رفع ملفات وأشر عليها_ورانا شغل الوليد غطى وجهه ورجع لورا:لااااا ياربي خلاص طفشت شغل عواد حط الملفات على الطاوله وجلس على الكنب الجلدي:ماعليه اصبر ،، متى رحلتك للصين؟؟ الوليد قام من على المكتب وجلس بجنبه:مادري متى ماأفضى بأروح عواد:إذا ربحت هالصفقه بتحقق أمنية الوالد الله يرحمه وبتمسك السوق باصبع الوليد لمعت عيونه:وهذا اللي مصبرني هذي كانت صفقة الوالد ينتظرها من زمااااان ولما جت توفى عواد:الله يرحمه الوليد مسح وجهه وتنهد:الله يرحمه ،، بس ترا هالصفقه بتطول سنه أو سنه وست شهور عواد:بأروح معك أول شهر والباقي أسامه مو مقصر الوليد ابتسم:ياحليله أسامه رجال عواد:إيه والله ونعم فيه الوليد سحب أول ملف:يلا نبدا بدوا يشتغلون وهم بين فتره يسولفون ويضحكون وينكتون ثم يرجعون للشغل ثم يرجعون يسولفون عنــد العنـــــود كانت جالسه قدام البلازما وتناظر ،، عصام نزل لابس بيطلع ،، العنود قامت بسرعه:بتطلع؟؟ عصام مايقدر يشوفها ومايسوي شي لازم يبوسها أو يضمها أو يداعبها ،، باس خدها:إيه يابعد عمري ومستعجل العنود طفشت بوسات وضمات على الطالعه والنازله والشي إذا زاد يفقد لذته ،، وهي أصلا خلقه ماتحس بشي تجاهه ،، شبكت ايديها:امم طيب وصلني لأهلي ماجلست مع ماما وزيود عصام:من عيوني العنود ابتسمت:تسلم لي عيونك عصام:يلا انتظرك في السياره العنود طارت من الفرحه أخيرآ بتطلع من البيت ،، قالت بحماس:دقايق وطلعت تركض طلع عصام وشغل السياره ودقايق وجت العنود وركبت وحركوا لبيت العنود أو بالأصح بيت أهل العنود ،،،،،،، وصلوا البيت والتفت عصام للعنود:يلا حبي وصلنا العنودفتحت الباب وابتسمت من ورا اللثمه:مشكور ونزلت عصام أرسل لها بوسه و ابتسم لها وحرك ،، العنود وقفت مكانها تناظر سيارة عصام من ورا إلى أن اختفت تنهدت وضربت الجرس ،، زيد داخل يلبس شماغه بعد ماأفطر مع أمه واستغرب من بيجي هالوقت ،، الشغاله طلعت بتفتح الباب ،، لكن زيد قال:ارجعي مكانك فيه رجال في البيت يفتح الباب وطلع أم العنود كانت واقفه عند باب المطبخ تراقب المشهد ،، ابتسمت زيد من صغره وهو غيووور حتى على الشغاله:.... زيد طلع وفتح الباب وماحس إلا بشي أسود نط وحضنه ،، صرخ بروعه:يماااااااه ودفها العنود بعدت عنه وهي ميته ضحك على شكله:ههههههههه ياخواف زيد ناظرها يستوعب:العنود!! العنود قلدته:إيه العنود زيد:وش جابك؟؟ العنود رفعت حواجبها:هههههه أمحق استقبال ،، إلا أنت اللي وش جايبك من صباح الله؟؟ زيد:أبوي طلع من الفجر عنده شغل وجيت عند أمي العنود تناظره وهو يحكي والدموع مجمعه في عيونها(ليتني أدري عن سر هالنظره الحزينه اللي في عيونك ياأخوي):... زيد أشر قدامه:ياهو العنود:هاه إيه وش كنت تقول؟؟ زيد:كنت أقول أنا رايح للدوام تبغي شي!! العنود:سلامة عمرك زيد:مع السلامه ولا تروحين بدري أبغى أجلس معك العنود:جالسه إلى المغرب زيد:حلو_فتح الباب_يلا مع السلامه العنود:مع السلامه طلع زيد ودخلت العنود للبيت وكان الجو هدوووووء (لأن أم العنود متعود تفطر مع أبو العنود من بعد صلاة الفجر وترجع تنام) في هالجزء راح تنقل لكم العنود المشهد بنفسها العنـــــــــــــود فصخت عبايتي وأنا أناظر البيت وكأني أول مره أشوفه ،، خلاص هذا مو بيتي بيتي اللي مع عصام وعش الزوجيه ،، نقلت نظري بين زوايا البيت وأنا أناظر التحف اللي أنا اخترتها بنفسي ،، طلعت لغرفتي وأنا أمشي بهدوووء ومسرحه ،، فتحت باب غرفتي وناظرت الأثاث (السرير_الدولاب_التسريحه_الأريكه_الكومدينه_المكتب_ البلازما) كانت مرتبه وكأنها جديده ،، حسيت السرير يناديني ويعاتبني ، حسيته يقول ليه رحتي وخليتيني؟؟اشتقت لدموعك ، اشتقت لشهقاتك ، اشتقت لأشعارك ، اشتقت لسوالفك وشكيك ، اشتقت لقفزاتك ورقصك علي لما خطبك الوليد ، اشتقت لك ،، ماقدرت أقاوم ركضت ورميت بنفسي على السرير بأقوى شي أقدر عليه وانفجرت بكي وأنا أقول:حتى أنا اشتقت لكم ونفسي أرجع لكم ، ياليتيني ماعرفت الوليد ولا عصام ولا عبير ولا حتى ماما ياليتيني درج أو خشبه أو طاوله أهم شي ارتااااح من هالعذاب اللي عايشته بعد فتره قمت من على سريري ومشيت للشباك وفتحته ،، أول مافتحته مرت نسمة هواء باااارده وداعبت خصلات شعري غمضت عيوني وسحبت نفس طويل بعدها فتحت عيني وابتسمت ، منظر الشمس والعصافير تخليك غصب تبتسمين ، ابتسمت ودموعي على وجهي ، ابتسمت والدموع على خدي ، ابتسمت وبداخلي دموع غير الدموع اللي خدي وأكثر بعد ، غمضت عيوني وغينت صوتي ماكان حلو لكن كان مقبول ، غنيت وأنا أتمنى الكل يسمعني ، غنيت وأنا مالي بالأغاني لكن الألم خلاني غصب أغني :: بــلاحـب بــلاوجـع قــلب وش جــانــا مـن ورا هـالحــب غــيـر الألــم غيـر التعــب وش جــانــا يــانــاس أنا مــابـي دفــا قــلبي مـن الحــب اكتــفــى ويــن العــشق ويــن الــدفــا ودانــا يــاقـلبي يكــفي مـاجــرى الجــرح تــوه مــابــرى مــاجــانـا مـن الــدنيا تـرى كــفانــا جــربت فـي مــره الهــوى وأخــلصــت أنــا وقــلبــي سـوى وفــــجــأه كــذا الغــالــي نـوى ينســانــا يــاشــوق خـذ مـني وعــد مــاعــاد نشتــاق لأحــد ارحــل بــدربــك للابــد وانســانا مــاعــاد يغــرينـا العشــق مـاصـارنـا ويــاه نتفـق والحــظ ماعــمره اتفــق ويــانــا مسحت دمعه وحيده نزلت على خدي ،، مادري المفروض أنا اللي أغني هالأغنيه ولا الوليد ،، هنا ابتسمت الوليد ياااااه اشتقت للوليد اشتقت له موووووووت ،، مشيت للتسريحه وطلعت صوره للوليد وكالعاده بستها بهدووء وضميتها لصدري مالي إلا الصوره مالي إلا الخياااااال أم العنود مرت من الغرفه واستغربت ان الباب مفتوح ،، دخلت وشافت العنود واقفه وضامه ورقه لصدرها:العنود أنا التفتت بسرعه ،، ناظرت الساعه 11:45 يااااااه بهالسرعه!!حاولت أدخل الصوره في التسريحه وأمسح دموعي بدون ماتنتبه لي ماما لكن على مين!!مو على ماما اللي أنا متأكده انها عرفت أنا وش أفكر فيه من دخلت الغرفه ،، ابتسمت ابتسامه عريضه وحضنتها:ماما اشتقت لك أم العنود بادلتها الحضن وابتسمت:وأنا أكثر_بعدتها وناظرت في عيونها_متى جايه؟؟ :اممم من طلع زيد ام العنود:أووووه من زمان :إيه اشتقت لغرفتي وجلست فيها ومر الوقت بدون ماأحس أم العنود(أقطعي ايدي إذا ماكنتي تفكرين في الوليد)لفت ايدها على خصرها ومشت معها:احكي لي عن أخبارك؟؟ و............. :متأكده!! لمياء ناظرت عمها أبوحمد ورجعت ناظرت قدام وقالت وهي تهز رجلها بتوتر:إيه أبوحمد ابتسم بفرح:كفو هذي لمياء تربيتي اللي أعرفها لمياء وهي خايفه من اللي تسويه ، حركت العلكه بفمها:ومتى بتعزمونه؟؟ أبوحمد:من بكره لمياء ناظرته بصدمه:بهسرعه!! أبوحمد قرب منها:إيه يمكن إذا صار شي يطلق خطيبته لمياء وقفت:أوكي اتفقنا أبوحمد مسك ايدها وناظرها:لا أوصيك يالمياء ترا الثروه بين ايديك لمياء:لا توصي حريص أبوحمد:كفو أبوصافي دخل وهو سكران وشاف أخوه وهو ماسك ايد لمياء بنته ، جن جنونه وقرب من أبوحمد ومسك مقدمة ثوبه وهو يصرخ:ياحيوان ياخسيس يا#### أبوحمد ابعده:أنت فاهم غلط أبوصافي رجع يمسكه:لا أنـ... لمياء قاطعته وهي تبعده عن عمها:بابا أنت فاهم غلط والمفروض ماتمشي ورا أفكارك لأنك سكران ودفته وطلعت وهي تعلك وتتغنج في مشيتها أبوحمد ناظره أخوه باحتقار وطلع ،، أبوصافي جلس وحيد في الخيمه:وش فيهم راحوا؟؟ أبوحمد طلع وركب سيارته وطلع جواله وطلب رقم مهند ثروتي عنده جاري الإتصال...... عند مهند كان قاعد مع الوليد بكوفي ،، ناظر الشاشه أبوحمد يتصل بك ارتجف وناظر الوليد وهو يقول بخوف:عمي الوليد سند ظهره:رد مهند بلع ريقه:لا أخاف الوليد:يعرف صوتك في الجوال؟؟ مهند:لا الوليد مد ايده:عطني أرد مهند ناوله الجوال والوليد رد:هلا أبوحمد لاحظ اختلاف الصوت بس قال هذا مو صوت فزاع أكيد مهند يتغير صوته إذا حكى بالجوال:السلام عليكم الوليد:وعليكم السلام أبوحمد:كيفك يامهند ياابوي؟؟ الوليد(خسيس):الحمدلله أبوحمد:سلامات صوتك مبحوح الوليد ناظر مهند:إيه والله جو متغير ومعي لوز أبوحمد(جعله من هالحال وأردى):ماتشوف شر الوليد:الشر مايجيك أبوحمد:والله يامهند ياابوي انا عازمين عمانك وعماتك بكره وودنا انك تجي الوليد:بكره!! أبوحمد:إيه والله بكره تجي تشوف عمانك وعماتك وعيالهم وتعرف عليهم الوليد قال يقهره:والله ياعم أنا بصراحه كان عندي اجتماع مع شركة سيارات عشان سيارات الشركه بس بأكنسل الموعد عشانك مهند كاتم ضحكته شهالكذب!!:.... أبوحمد خاف وقال بسرعه:لا إذا الصفقه مهمه لا تأجلها الوليد كاتم ضحكته:لا عادي أصلا أنا زبون مهم عندهم ومايقدرون يفرطون فيني أبوحمد بقهر:أوكي أجل ننتظرك بكره تعال أنت والوالده ومن يعز عليك وموعدنا في إستراحة العايله الوليد:أوكي أبوحمد:مع السلامه الوليد:مع السلامه سكر الوليد وانفجر ضحك مع مهند لدرجة إن الكوفي كله التفت عليهم:هههههههههههههههههههههههههههه مهند بضحكه:وش سويت؟؟ الوليد مسح دموعه:والله مشت عليه مهند بقلق:شيبي؟؟ الوليد:يعزمك بكره لجمعة أعمامك في استراحتكم مهند:وافقت؟؟ الوليد:أكيد مهند نزل راسه وخبط الطاوله:ليه؟؟ الوليد:لا تخاف أنا بأروح معك مهند ناظره بسرعه:جد!! الوليد:إيه هو قال اعزم من يعزك عليه والوالده مهند:ماما مستحيل تجي أصلا هي ماتفهم عربي وأكيد بيحتقرونها ويجرحونها الوليد:خلاص لاتروح أجل مهند وأرعبته فكرة ان أمه تجلس مع حريم أعمامه الحقودين:أكيد ماراح تروح الوليد ابتسم:بس شرايك بضفقة السيارات؟؟حلوه!! مهند:هههههههه والله أنا صدقتك الوليد:شغل هههههههههه >>لا يامهند لاتروح صدقني راح تندم<< الـبـــــارت الـثالــث عشــــــر اليــــوم الثـــانـــي :هلا مهند:يلا أنا عند الباب انتظرك الوليد:أوكي وسكر مهند رجع الجوال بجيبه وعدل شماغه وتسند على الصدام وضم ايديه لصدره وناظر القصر(ياترى وش تسوي ألحين؟؟نايمه ولا قايمه!!تضحك وإلا تبكي!!جالسه وإلا واقفه!!شبعانه وإلا جوعانه!!وإلا هي أساسآ طالعه ومو بالقصر!!) داخل القصر وبالتحديد غرفة عبير عبيــر قامت فتحت الستاره والشباك عشان يتغير هواء الغرفه ، لكنها وقفت أول ماشافت مهند جالس عند سيارته ويناظر شباكها ، حست بقلبها يدق بقووووه فضيعه وتنفسها ارتفع ورجلها قامت ترجف مهند انتبه للنور اللي اشتغل التفت وناظر خيال أنثى ماكان واضح وجهها لأن النور جاي من وراها لكنه جزم بأنها عبير بسبب جسمها مستحيل تكون أم الوليد لأنها أسمن أو شيخه لأنها أصغر أو شغاله لأنها لابسه بنطلون أكيد عبير هذا جسمها الرشيق مستحيل ينساه ، عيونه مافارفت الشباك وقلبه قام يضرب سامري عبير انتبهت ان النور مشغل وعلى طول بعدت عن الشباك وهي ترجف وجلست على السرير مهند ناظرها وهي تبعد ثم اختفت وتنهد ، ماأمداه يكمل تنهيدته إلا الوليد طالع وهو كاشخ بالثوب والشماغ الأبيض ويقول:شرايك؟؟ مهند ابتسم:معرس الوليد ناظره من فوق لتحت:والله انت اللي مو مهين طلعت تعرف تكشخ مهند مسك ياقته:أعجبك الوليد دفه على خفيف:يلا بس ركبوا السياره وتوجهوا لإستراحة عائلة مهند فـــــي الإستراحــــــــــه :هاه فهمتي؟؟ لمياء بارتباك:إيه فاهمه أبوحمد:ليه التوتر؟؟ لمياء وأطرافها تنفض ، قالت بعصبيه ووقاحه:أنت شايف هالشي اللي بأسويه سهل ولفت وطلعت أبوحمد طاح وجهه ورجع لمجلس الرجال مهند وقف السياره ونزل ، ناظر السيارات الموقفه والكثيره وانتفضت أطرافه:... الوليد وقف بجنبه وناظر الإستراحه:هذي إستراحتكم؟؟ مهند بصوت مرتجف:إيـ..إيه الوليد مشى:يلا مهند مسك ايده:... الوليد انصدم من برودة ايد مهند كانت بارده مثل الثلج ، التفت له وناظر وجهه صار شاحب وأصفر من الخوف ، قرب منه:هنود ليه الخوف؟؟ مهند تجمعت الدموع في عيونه:الوليد أرجوك خلنا نرجع الوليد مسح دموعه قبل تنزل وقال:لا تخاف أنا معك وربك معك مهند مسك ايده بقوه وهو يناظر السيارات برعب:.... الوليد مشى معه ودخلوا الإستراحه ، مهند أول ماشاف الرجال جالسين ويناظرونه حس إن الدنيا تدور به ورجوله ترجف وشد على ايد الوليد ، الوليد تمنى إنه رجع:السلام عليكم الرجال:وعليكم السلام أبوحمد انصدم مو مصدق إن الوليد السجيدي المليادير المعروف في استراحته ، وقف وبدا يرحب بصوت مرتفع:هلا هلا ياالله حيهم الوليد ميز صوته:الله يحييك سلموا عليهم ومهند ماابتعد عن الوليد ويحس برغبه شديده بالبكي ،، أبوحمد طلع جواله ودق على أصحابه يجون عشان يكشخ بالوليد قدامهم ورجع يجلس وصوته مرتفع من الوناسه عنـــــد الحريــــم لمياء جالسه في نص المجلس بلبسها الفاصخ وحاطه رجل على رجل وتعلك ومتوتره ،، كانت لابسه فستان عنابي وزيتي مشجر لفوق ركبتها كان أقرب مايقال له قميص نوم من فصاخته ، سيور وفتحة الصدر كبيييييره ومرسومه على صدرها ونص صدرها واضح وفتحة الظهر مفتوح لأخر فقره في ظهرها وشعرها رافعته بطريقه ناعمه بورود عنابيه ومكياج خفيف مع روج عنابي وعدسات رماديه وكعب عالي باختصاااااار كانت فتنه وكل هذا عشان تغري مهند (يالله يالمياء ليه متوتره بهالشكل؟؟بس اللي باسويه اليوم صعب ، طيب وإن رفض يتزوجني وقعدت كذا!!لالا ماتوقع عمي بيغصبه ، خلاص يالمياء تراه مجنون ماراح ولا جا لاتشيلين هم) حاولت تهدي نفسها بهالفكره لكن التوتر والنفضه مستمره ،، الحريم كانوا يناظرونها بحقد وغيره كانوا يعرفون وقاحة لمياء وسلاطة لسانها وقلة أدبها والشر اللي يمشي فيها مجرى الدم عشان كذا يتجنبونها ومايحطون عينهم في عينها عنـــــد الرجــــــــال دخلوا أصحاب أبوحمد المجلس وهم يتلفتون يدورون الوليد مو مصدقين أبوحمد ،، الكل ناظرهم باستغراب (هذولا شيبغون؟؟) ،، أبوحمد قام ورحب بهم وعرفهم على اللي في المجلس ولما وصل عند الوليد قال بفخر:الوليد عبدالله السجيدي المليادير المعروف أصحاب أبوحمد أحرقوا الوليد بنظراتهم من فوق لتحت وسلموا عليه وجلسوا وهم مانزلوا عينهم عنه ،، أبوفراس وأبوصافي وياسر(صديق العائله)مستلمين الوليد حش ، أبوفراس:يلــ##### هذا وهو كذا أجل خواته شلون!! أبوصافي:نفسي أشوف خواته ياسر يناظر الوليد بانبهار ، أنيق والإبتسامه مافارقت شفته وواضح تواضعه من طريقة حكيه اللبقه مع الكل ، سأل أبوصافي:أبوصافي أبوصافي:هاه<<هويت من جبل إن شا الله أمحق رجال ياسر:اللي بجنب الوليد مين؟؟ أبوصافي ناظر مهند بحقد:هذا الـ### الـ### مهند ياسر ناظره بصدمه:مهند!! عمره ماتخيل شكله كذا بهالوسامه أشباهه وملامحه مو مثل عايلته ابدآ ، مهند لف وطاحت عينه بعين ياسر وابتسم له بارتباك ، ياسر بادله الإبتسامه وعلى طول مهند نزل عينه ، ياسر كسر خاطره واضح عليه انه مو طبيعي من تصرفاته ونظراته اللي مليانه خوف وارتباك....... صافي كان جالس يناظر مهند بحقد طول عمره وبنات العايله يتمنون الزواج منه بسبب وسامته لكن من بعد ماتعالج مهند صار يتمنون مهند الوسيم البطران الجذاب أبوحمد دق على لمياء دقه وقطعه بعدها التفت لمهند وهمس له:مهند ياابوي رح جب فناجين زياده الفناجين ماتكفي مهند ناظر الوليد بصدمه ، الوليد أشر له (رح عادي) ، مهند قام من دون أي كلمه وتوجه للمطبخ ....... لمياء أول مارن جوالها قامت وهي ترجف وبسرعه توجهت للمطبخ ، الكل استغرب حالتها المرتبكه وسرعتها ......... مهند أول ماطلع كان في وجهه شغاله قالت بسرعه:يبغى فناجين؟؟ مهند استغرب كيف عرفت؟؟:إيه الشغاله أشرت على غرفه مشتركه لقسم الرجال والحريم وفيها العشا وأغراضه:هناك مهند ابتسم:شكرا وراح الشغاله الفرحه مو سايعتها ركضت للمطبخ وقالت للمياء:خلاص روح لمياء على طول ركضت بدون كلمه ، الشغاله استغربت العاده تسب تشتم تناظر باحتقار بس ماسوت لكنها قالت يمكن عقلت ربك كريم لمياء فتحت الغرفه ودخلت وسكرت الباب بقووه ،، مهند كان واقف ومنحني لكرتون ويطلع فناجين ويصفها بالصينيه ، حس بالباب يتسكر بقوه ورفع راسه وشاف لمياء واقفه قدامه بفستانها الفاصخ وتبتسم له بدلع ، طاح الفنجان منه وناظرها بصدمه:... لمياء انبهرت بوسامته ماتوقعته وسيم لهدرجه زادت ابتسامتها وقربت منه وهي تعلك وتلف خصله من شعرها طاحت على رقبتها بين اصبعها:... مهند رجع على ورا وهو خايف ومتوتر ومرتبك وكل شي:.. لمياء تقرب وهو يرجع إلى أن تعثر بكرتون فاضي وطاح على ظهره ، لمياء مسكت ايده بسرعه قبل يطيح وقالت بدلع:بسم الله عليك مهند حس بقلبه يدق بقوووه وتنفسه ارتفع ورجله قامت ترجف ، ابتسامة لمياء المتمرده ذكرته بابتسامة أبوه وقت الحادثه وقف جسمه بالكامل وتجمعت الدموع في عيونه:..... لمياء خقت على شكله البريئ والدموع في عيونه ويناظر فيها بخوف ، حست كأنها تناظر طفل من البراءه والخوف حطت ايدها على خده:شفيك؟؟ليـ.... مهند قاطعها وهو يبعد عنها ويلصق في الجدار وهو يصرخ:لاااااااا لاااااا مـــامــــا لااااا ابعدي عني لمياء بعدت عنه وهي خايفه مو مصدقه إن اللي قدامها رجال بشنبه ويصرخ كذا وينادي ماما:.... مهند مستمر في الصراخ:ابعدي عني ، ابعدي لاااااا مـــامـــا عبير عبيــــــــــر لمياء خافت قربت منه:خلاص خلاص اسـ.... مهند قاطعها وهو يرجع ورا أكثر ويضم رجليه لصدره ويحط ايده على إذنه ويزيد بالصراخ ودموعه نزلت وصوته بح من الصراخ وشماغه طاح:ابعدي ، ابعدي...... الوليد يناظر باب المجلس وهو يهز رجله بقلق ،، ياسر يناظره وهو مستغرب حبه وخوفه على مهند (معقوله فيه صداقه كذا؟؟) ،، فجأه سمعوا صراخ مهند المرتفع ،، الوليد وقف بسرعه:مهند وطلع يركض لمكان صراخه ،، لمياء بذكائها وفطنتها قالت أكيد بيسمعون صراخه ويجون تخبت داخل دولاب فاضي ،، الوليد فتح الباب ووراه أعمام مهند ، ركض له وحضنه:مهند مهند اهدى مهند ارتمى بصدره وتمسك بمقدمة ثوبه ودموعه على خده:الوليد لاتتركني أرجوك ابعدها عني الوليد ناظر أعمام مهند باستغراب:.... أعمام مهند تغيرت وجيهم وانخطف لونهم:.... الوليد وقف مهند وهو ضامه بايد وصرخ بعصبيه:حقيرين واطين ولد أخوكم وتسون فيه كذا!!أجل الغريب شتسون فيه؟؟_تلفت في الغرفه_وينها؟؟وينها الحقيره؟؟ لمياء كانت تطالع من فتحه صغيره ولما شافته يتلفت سكرت الدولاب بسرعه وأصدر صوت:طراااااخ الوليد ترك مهند وفتح الدولاب وشاف لمياء جالسه وتناظره بخوف ، عصبيته أعمته ومد ايده وسحبها بعنف ودفها بقووه إلى أن صرخت:آآآآآه الوليد رجفها برجله:ياحقيره ياواطيه هذا ولد عمك من لحمك ودمك وتـ..._انتبه لنفسه وانه يضرب بنت_استغفر الله_رفع مهند اللي متمسك فيه بقوه وناظر أعمام مهند وتفل_تفوو عليكم ### وطلع ركب مهند في السياره وسكر الباب وحرك ،، مهند كان منهار ويبكي وينحب ويحكي حكي مو مفهوم ،، الوليد توجه لبيت مهند أم مهند كانت في بيتها تدور قلقانه وخايفه على مهند مو مرتاحه لهالعزيمه أبد ، سمعت صوت سيارة مهند تدخل البيت ، ركضت بسرعه وطلعت لكنها انصدمت بالوليد ينزل مهند ويسكر الباب وهو سانده ، صرخت:مهند وركضت الوليد رفع راسه وناظرها ، مهند رمى نفسه في حضن أمه:ماما أم مهند قالت بخوف: [بعد الترجمه] ماذا حصل؟؟مابه؟؟ الوليد:ادخليه الأن وسأخبرك فيما بعد سندوا مهند وطلعوه لغرفته ومدده ونااااام على طول من التعب ، أم مهند والوليد نزلوا تحت وحكى لها الوليد السالفه كلها وطمنها بعدها استئذن وطلع ،، أم مهند طلعت لغرفة مهند وناظرت مهند وهو نايم بسلام وتجمعت الدموع في عيونها (مسكين تعذبت كثيرآ) ، مهند فجأه شهق وهو نايم وقال:ماما ابعديها عبير ماما أم مهند حطت ايدها على فمها تمنع شهقتها ودموع تنزل بكثافه ، جلست على طرف السرير ومسحت على وجهه وهي تدعي أن ربي يحفظه وتقرا اللي تحفظه من القرأن فـي الإستراحــــه من بعد ماطلع الوليد من الغرفه ساد صمت في الجو ، لمياء تنفض بشكل مو طبيعي من الخوف والرعب ، وأعمام مهند ندمانين وحاقدين لأن خطتهم مانجحت ،، أبوحمد قال يحاكي لمياء:آآآ مـ... لمياء قاطعته بعصبيه وهي تأشر باصبعها اللي يرجف:لا تحكي_أشرت على الباب_اطلعوا برا أبو فراس عصب من هي عشان تطردهم ، أشر بايده:هيه من أنـ.. لمياء قاطعته وهي تصرخ:بــــرااااااااا أبوحمد وعارف عصبية لمياء وشرها سحب أبو فراس وأبو صافي:خلاص ياجماعه خلونا ألحين نرجع للضيوف طلعوا ودخلوا المجلس والكل يناظرهم بخوف وترقب ،، أبوصافي قال:حصل خير ياجماعه الولد تعبان وتجيه هالحاله بين وقت ووقت الرجال بأصوات متفرقه:الله يشفيه_الله يشفيه لميـــــاء داخل الغرفه متوتره ومعصبه وحالتها النفسيه مأتشه وترجف وتنفض وكل شي ،، ناظرت شماغ مهند طايح مع عقاله وطاقيته وتذكرت شكله وعيونه مدمعه ويناظرها بخوف وكأنه طفل ،، اجتاحها شعور غريب ماتدري خوف وإلا تعب بس تحس إنها بترجع رغم إنها ماأكلت شي ، وكبدها قامت تقلب وغثيان غريب ودوخه ،، رفعت الشماغ والطاقيه والعقال وطلعت نادت الشغاله:خيريه خيريه ياحماره خيريه جت تركض:نعم لمياء:جيبي عبايتي بسررعه خيريه:حادر وراحت تركض لمياء صرخت:بسرررعه رجعت خيريه والعبايه بايدها ومدتها لها:تفدل لمياء سحبتها بعنف:بدري كانت نمتي داخل يالـ#### وراحت خيريه كشرت بوجهها وهي تقول في نفسها هذي تعقل!!تموت إذا ماهزأت ........ لمياء ركبت السياره مع السايق وتوجهت لبيتها وشماغ مهند بايدها .......... عـــــــواد كان جالس في الصاله بجنب رؤى اللي واضح عليها الطفش وتتأفف ، كان طاقها هواجيس ويفكر في رؤى ،، بشاير لاحظت سرحانه وقفت وقالت بأدبها وهدوئها ولباقتها:عواد ممكن عواد ناظرها بعدين وقف ومشى معها بدون كلمه:.. دخلوا غرفة جلسه أرضيه وسكرت بشاير الباب وقالت:سلامات عواد أشوفك مسرح وتهوجس شفيك؟؟ عواد سكت شوي يفكر يقولها ولا لا!!بس أخر شي قرر يقولها لأنها أكيد تحس باللي يحس به ، جلس وتنهد:ياالله يابشاير أنا خايف من شخصية رؤى اللي اكتشف فيها كل شوي شي جديد وصفه جديده بشاير جلست بجنبه وبعد فتره قالت وهي تناظر قدام:آسفه عواد ناظرها وعقد حواجبه:على ايش؟؟ بشاير ناظرته:آسفه لأنا ماسألنا عنها ولا عن أخلاقها_عدلت نظارتها الطبيه ورفعت أكتافها_كنا متوقعينها مثل عبير_زمت شفايفها_لكن للأسف طلعت عكسها عواد ناظر قدام:لا تلومين نفسك ولا تلومين أحد أنا بعد كنت معاكم بس الندم ألحين مايفيد اللي راح راح أنا أحكي عن ألحين وش أسوي؟؟ بشاير:والله مادري شقولك!!مشكله كبيره بصراحه لكن ما في أحسن حل من إنك تصارحها عواد:حكيت معها كثييير وقلتلها لكن مافاد حتى لو جلست تجلس بس تسكيت وتتأفف أنا أبغاها تكون أخت لكم وتاخذ وتعطي معكم بشاير:حاول باللين امـ.... عواد قاطعها وهو يحرك ايديه بطفش وعلا صوته:افهميني يابشاير المشكله مو بس في الجلسه مع أهلي هي مغروره وشايفه نفسها بشاير:.. عواد بعد فتره زفر وحط راسه بين ايديه وقال:آسف يابشاير بس والله غصب علي صعب إنك تكتشف بعد الزواج إن اللي كنت تحبها ونفسك فيها من صغرك تطلع مغروره وشايفه نفسها عليك وعلى أهلك بشاير حطت ايدها على كتفه وقالت بحنان:ما عليه ياعواد اصبر عليها وحاول تبين لها إن هالشي مايعجبك من تقاسيم وجهك عواد بزفره:وإذا مانفع؟؟ بشاير:طبق الشرع صارحها بعدها اهجرها بعدها اضربها عواد ناظرها:انتي عارفتني أنا مستحيل أمد ايدي على بنت بشاير:بس هذا يعتبر نشوز وربك محلله وشارعه وضرب على خفيف عواد بعناد:ماقدر أمد ايدي على بنت فكيف أمدها على زوجتي اللي أحبها!! بشاير:طيب أنت جرب ألحين اللي قلت لك بعدين نفكر عواد وهو متأكد انه ماراح ينفع:وإذا مانفع؟؟ بشاير:ياربي أنت ليش كذا تعقد الأمور؟؟ عواد باصرار:واذا مانفع؟؟ بشاير:أكيد إذا مانفع طلقها مستحيل تكملون باقي عمركم على هالحال عواد ناظرها بصدمه:مستحيل!!أنا أحبها وماصدقت أتزوجها وانتي بكل بساطه جايه تقولين طلقها بشاير بعقلانيه:لا نستبق الأمور أنت ألحين جرب ولا تحط في بالك انه ماراح ينفع لأنه فعلا ماراح ينفع عواد بضيق:مادري يابشاير هالموضوع مقلقني بشكل ماتصورينه حتى مانعني من النوم بشاير:لا تشيل هم ربك معك وماراح يصير إلا اللي كاتبه ربك عواد ابتسم:الله يريحك يابشاير مثل ماريحتيني بشاير بابتسامه:حاضرين لطيبين عواد:مشكوره بشاير حمر وجهها لأنها خجوووله:مابينا شكر عواد ناظرها (آآه يابشاير ليتك مو أختي كان ماترددت لحظه اني أتزوجك) :..... بشاير استحت من نظراته قالت تصرف:يلا نطلع قبل ماتقلق أمي طلعوا وكانت رؤى جالسه تناظرهم بغيره وحقد ،، عواد باس راس أمه:يلا يمه تصبحين على خير أم عواد:وأنت من أهله رؤى لحقته ودخلوا الغرفه وعواد يفكر وسرحان ، رؤى فضولها بيذبحها:امم شكانت تبغى بشاير منك؟؟ عواد ناظرها بمعنى وش دخلك؟؟:.... رؤى قربت منه أكثر:مو أنت تقول أنا أختهم كيف أكون أختهم وأنا أشوفهم يعاملوني كأني غريبه!! عواد تنهد (عرفت تلعبها) :كانت تحكي معي عن الجامعه وأغراض تبغاها رؤى مااقتنعت:وليه تحكون لوحدكم؟؟ عواد وهو يلبس بلوزته:والله هي نادتني أقول لا_تمدد وتغطى_أنا تعبان وأبغى أنام رؤى بقهر:وكالعاده أنا أقعد لوحدي عواد من تحت الغطا:والله محد قالك اسهري ولا تصحين إلا العصر رؤى تأففت بصوت عالي وطلعت وردعت بالباب:طراااااااخ عواد ناظر الباب:وجعه تغطى ونااااام ملكـــــة فــــــارس كانت ملكه مختصره ومقتصره على الرجال (خوال وأعمام فارس وخوال وأعمام ساره) فـــــــارس كان جالس بالبشت مرتبك ومتوتر ، أبوعبدالكريم جاه وقال:هاه يامعرسنا ماودك تشوف عروستك؟؟ فارس ناظره:هاه آآآ إلا أكيد أبوعبدالكريم:هههههه يلا عبدالكريم ينتظرك برا فارس طلع ومشى مع عبدالكريم ودخل الغرفه ،، عبدالكريم وهو ماسك الكاميرا الفيديو:سمى بالله وادخل برجلك اليمين واقرا السؤال مره ومرتين وثلاث وراجع قبل تسـ.... فارس قاطعه وهو يدفه:والله إنك فاضي عبدالكريم ضحك ودخل فارس للغرفه وكانت ساره جالسه بفستانها الأخضر الزاهي جوبنيز وطويل ومخصر ومسكه من تحت الصدر بكريستاله ناعمه ومكياج خفيف لأنه أول مره يشوفها مع روج فوشي وشعرها مستشور وتاركته على أكتافها بنعومه كان شكلها يصرخ نعومه وأنوثه ،، فارس تسارعت دقات قلبه وابتسم بتوتر ، قرب منها وباس ايدها وقال:مبروك ساره وهي منزله راسها ووجهها حمر من الخجل ، قالت بصوت واااااطي أقرب للهمس:الله يبارك بعمرك أم عبدالكريم جابت العربيه وعليها الكيك والعصير والدبل ، سلمت على فارس وباركت لها وفارس بدوره باس راسها لكن الدموع تجمعت في عيونه أول ماشافها وسمع صوتها الحنون اللي كان مشابه لصوت أمه لكنه مسكها بالقوه وابتسم لبسوا بعض الدبل وأكلوا الكيك وعبدالكريم بس يصور ويعلق ، بعدها طلع فارس ، وساره طلعت تبدل عشان يطلعون يتعشون بالمطعم ، الوليد بارك لفارس وكلمته أمه وباركت له ، الوليد واقف بجنب فارس قدام السياره مع عواد ومهند ، عواد قال:ماودك نوصلك؟؟ترانا بالخدمه الوليد ومهند ضحكوا وقال فارس بضحكه:لا مشكور ماتقصر أعرف أسوق الوليد:ومتى عندك نيه تفصخ البشت؟؟ فارس ضرب جبهته:إيه صح نسيت وفصخ البشت ساره في غرفتهاترجف وتنفض بشكل مو طبيعي ، حطت ايدها على رقبتها:خايفه ياشيخه شيخه تهديها:شي طبيعي أول مره تشوفينه بس بعدها بتتعودين ساره:ياليتيني ماوافقت شيخه شهقت وقالت بسرعه:استغفري استغفري ساره بضحكه:استغفر الله أم عبدالكريم فتحت الباب:الرجال ينتظرك تحت وانتي تضحكين وتسولفين ساره تجمعت الدموع في عيونها وقالت بصوت فيه عبره:ماما خايفه أم عبدالكريم وهي تلبسها عبايتها:ياحبيبتي هذا شعور طبيعي لكن أول ماتجلسين معه بتنسين كل شي وتندمجين جت بتلف الطرحه لكن ساره مسكت ايدها:ماما ادعي لي أم عبدالكريم نزلت دموعها اللي ماسكتها وقالت وعينها بعين ساره:الله يوفقكم ويجمع بينكم على خير ساره حضنتها ونزلت دموعها وأم عبدالكريم بادلتها الحضن ، شيخه نزلت دموعها ومسحتها وبعدتهم عن بعض:خلاص الرجال ينتظر ساره بعدت عن أمها وحضنت شيخه وهي مستمره بالبكي ،، عبدالكريم فتح الباب:حشى كل هذا تبـ...._سكت أول ماشاف ساره حاضنه شيخه وأمه تبكي مشى لهم_أوهو علينا ماخلصت هالدموع من الصبح وأنتوا تبكون ساره بعدت عن شيخه ومسحت دموعها:يلا خلاص أنا جاهزه عبدالكريم مسك ايدها ونزلوا تحت ، فارس أول ماشافها ارتبك وحمر وجهه وبان عليه ،، الوليد وعواد ومهند ماسكين ضحكهم بالقوه ،، فارس فتح لها الباب وركبت ساره وفارس التفت لهم:شتناظرون؟؟ماعندكم نيه تذلفون؟؟ عواد وهو يحاول يناظر ساره:معرس وتقول هالحكي فارس ضربه على خفيف وشغل وحرك ،، عواد تنهد:ياحظه مهند:هذا وأنت معرس عواد ناظره:ياحبيبي أيام الملكه مو مثل الزواج الوليد:ههههههه والله لأعلم رؤى عواد تضايق من طاريها وتذكر مشاكلها الكثيره وبان عليه:.... الوليد لاحظ تغير وجهه وعرف إن عنده مشاكل مع رؤى وكان متأكد من هالشي لأنه يعرف طبيعة أخته لكنه سكت:.... بعدها استئذنوا وكل واحد راح لبيته ..... فـــي المطعـــم فارس طلب العشا ورجع جلس مكانه وهو ساكت وساره ساكته وكل واحد ينتظر الثاني يحكي فارس (أحكي يافارس أنت الرجال) استجمع قوته ومسك ايدها:.... ساره حست بكهربا من لمسته ورفعت راسها بسرعه مصدومه:.... فارس ابتسم لها بتوتر:السوري قلبي اسمعيني ساره:.... فارس بشاعريه:أنا ماأوعدك بحياة حلوه وسعاده أبديه أكيد رح تحصل لنا مشاكل وأكيد بيجي يوم ونختلف ومانحاكي بعض لكن أوعدك إني أحبك من كل قلبي وماأقصر معاك بشي إذا كنت أقدر عليه وأراعي ظروفك_مسك ايدها بايد وحده وأشر باصبعه بايده الثانيه_لكن أبغى منك حاجه وحده بس ، أبغاك تراعيني وتراعين ظروفي وظروف عملي وتصبرين علي_زادت ابتسامته_وتحبيني مثل ماأحبك ساره أعجبها أسلوبه الرزين ونفسها ترد عليه لكن مستحيه:.... فارس شد على ايدها:السوري احكي ليه ساكته؟؟أنا زوجك ساره:.... فارس ابتسم وقال بمزح:ما أظن بتصبرين انك تجلسين ساكته طول الوقت ساره ابتسمت بخجل:وش تبغاني أقول؟؟ فارس:أوووه يعني أعيد حكيي من أول ساره:ههه لا مايحتاج أوعدك أعمل اللي تبغاه وأراعيك وأحبك مثل ماتحبني ما انتبهت لحكيها إلا بعد ماخلصت نزلت راسها بسرعه ووجهها قلب أحمر من الخجل ،، فارس ابتسم ابتسامه عريضه:عادي قلبي لاتستحين مني ساره منزله راسها وتتمنى الدنيا تنشق وتبلعها:... قطع عليهم القرسون وهو جايب العشا ،، بدوا يتعشون وساره حبه حبه بدت تسولف وتندمج مع فارس ،، بعدها طلعوا وفارس وصل ساره لبيتها وتوجه لبيته ســــــــاره دخلت البيت وتوجهت لغرفتها بسرعه ، فتحت الباب بسرعه وسكرته وتسندت عليه ،، شيخه كان جالسه على اللاب والتفتت للباب أول ماسمعت صوته وشافت ساره واقفه ، مشت لها وقالت:جيتي!!_مسكت ايدها وقالت بحماس_أحكي لي وش صار؟؟وش ماصار؟؟ ساره مشت للسرير وهي فارده ايديها بفرح:وناسه ياشيخه وناسه_التفتت لها وصرخت_مبسوطه مبسوطه مبســـوطـــه شيخه جلستها وسحبت الكيس اللي بايدها:وريني ساره سحبته:أنا بأفتحه شيخه حركت ايديها بحماس:طيب بسرعه ساره فتحته بحماس وترقب وبان لها الكرت فتحته وقرته بينها وبين نفسها وشيخه قاطه معها ((ماأعرف بالهدايا وحركات البنات الحلوات مثلك لكن هالمره جربت أختار وحدي ومن دون مساعدة أحد وإن شا الله تعجبك زوجك ومحبك للأبد :: فارس ويدلعوني فروس ^_*)) شيخه صرخت بحماس:يااااااااي يجنن ساره ناظرتها بحده:هيه وش يجنن تراه زوجي!! شيخه:أقول افتحي بس خلنا نشوف شفيه؟؟ ساره فتحت العلبه وكان بداخلها ساعه ألماس كبيره وفخمه وتبرق شيخه شهقت وناظرتها:مو هذي اللي كان نفسك فيها بس ماما قالت خليها لبعدين!! ساره والدموع تجمعت في عيونها من الفرحه وقالت بصوت مرتجف:إلا شيخه حطت ايديها على خدها:واي صدفه ماتحصل في الأحلام ساره بصوت واضح فيه العبره:مو مصدقه ياشيخه مو مصدقه أحس اني بحلم أنا فرحانه ومرتاحه أول مره ارتاح مثل كذا وغطت وجهها تبكي شيخه بعد فتره قالت بابتسامه:الله يتم عليك هالفرحه ساره مسحت دموعها:آمين وياك شيخه:فرحتي من فرحتك ساره حضنتها بقووووه وهم يبكون بعد فتره شيخه بعدت عنها ومسحت دموعها وأنفها أحمر من البكي:هههههه ياحبك لدموع كأنك ماصدقتي إني أعطيك وجهه ساره ضحكت من بين دموعها:هههههههه شيخه بحماس:أحكي شصار؟؟_حركت ايدها_أحكي كلللل شي من طق طق إلى السلام عليكم ساره فصخت عبايتها ورمتها في سلة الملابس وتربعت على السرير وقالت بحماس:اممم أول شي .........<<ذكر آنفآ خخخخ^_* فــــــــارس رجع للبيت ودخل أول مادخل كانت عبير واقفه في وجهه:نياهاها وأخيرآ_سحبته وجلسته على الكنب وفركت ايديها في بعض وقالت بحماس طفولي_يلا أحكي فارس انفجر ضحك على شكلها:ههههههههههههههههه واثقه إني بأقولك عبير:بتقول ورجلك فوق رقبتك فارس رفع حواجبه:بعد تهزأ_وقف_أجل ماني قايل عبير سحبته بقوه إلى أن طاح على الكنب:أقول بتقول وأنت ماتناظر الطريق فارس بضحكه:أقلع أم الأسلوب اللي تعرفيه عبير:لا تضيع الموضوع فارس باستسلام:طيب بس بأبدل أول ماني طايق نفسي بالثوب عبير بعناد:مافيه_بلهجه كويتيه_تحجى فارس وعارف عبير مثل الوليد أم العناد:طيب أول شي ...... يــــوم جديــــد نبدا من عند غيداء صحت الصباح وتروشت وفرشت أسنانها ولبست ونزلت تحت أفطرت وطلعت الدوام (طبعا غيداء رجعت لوظيفتها والوليد اللي رجعها لأنه هو اللي كان سبب في استقالتها وغيداء رفضت لكن خالد أصر عليها لأنها لازم تشغل نفسها عشان ماتموت من التفكير والهم) ،، وصلت للمستشفى نزلت وسلمت على الموظفات ودخلت غرفة التبديل بدلت وطلبت لها كوفي ساخن يدفيها من البرد وجلست مكانها بهدووء وطقتها هواجس ،، الموظفات كانوا يناظرونها وهم ملاحظين سرحانها وشخصيتها اللي تغيرت وصارت هاديه وسمنت مررره لأن غيداء من النوع اللي تطلع حرتها بالأكل ،، مريم بدفاشتها دفت كرسيها لنهى اللي كانت تناظر شكلها في المرايه وتعدل روجها ،، مريم قالت:أقول ماتلاحظين غيداء سمنت نهى ناظرت غيداء وقالت بدلعها المتصنع الماااااصل:إلا ملاحظه مريم:ياقلبي عليها أكيد من الهم والغم نهى:أنا لو مكانها أموت من الهم أحد يفرط بالوليد السجيدي مريم حركت ايديها:وي وي وي أنا ماأقدر أحط عيني في عينه أخاف يغمى علي من الخقه نهى طقت ايدها:هههههه حلوه مريم:جد غيداء رشفت رشفه من الكوفي وهي تناظر الناس اللي رايحه واللي جايه وتهوجس قطع عليها جوها رجال أربعيني رافع بايده بنت ويسألها:لو سمحتي غيداء:نعم كيف أساعدك؟؟ الرجال:قسم الجلديه أي دور؟؟ غيداء على طول تذكرت الوليد وخنقتها العبره وارتجف دقنها:.... الرجال رفع صوتها:لو سمحتي غيداء سحبت نفس:إيوه في الدور الرابع الرجال رفع حواجبه:مشكوره وراح غيداء حطت ايدها على خدها وبدت تفكر (ياترى الوليد ألحين شقاعد يسوي؟؟أكيد مبسوط ومستانس لأنه طلقني وأفتك مني) فيصل دخل وطاحت عينه على غيداء حس إن الحياة رجعت له من جديد وتفتحت بوجهه ، ابتسم بفرح وتوجه لها:صباح الخير غيداء ناظرته (بعد ماحكت لها جمانه عن حالته أيام زواجها وصحته اللي تدهورت وكيف تحسن لما تطلقت تأكدت إنه يحبها) ابتسمت وبان من عيونها:صباح النور فيصل فرح وزادت ابتسامته:كيفك؟؟ غيداء ابتسمت ابتسامه جانبيه:الحمدلله أنت كيفك؟؟ فيصل أشر بايده:تمام ، شرايك أعزمك عالفطور؟؟ غيداء:لا مشكور أفطرت فيصل باحباط:لاااا من بيفطر معي أجل؟؟ جمانه قاطعتهم:أنا بالخدمه فطور غداء عشا حاضرين غيداء ضحكت وفيصل علق:الظاهر مالي إلا انتي جمانه:مردك لي فيصل:الله يعيني ، يلا مشينا جمانه أشرت بايدها بحماس:yeeees وراحوا ،، غيداء كانت تراقب جمانه من بعيد وهي مو مصدقه إنها متزوجه ، غيداء ماكانت تدري ولا قد سألتها لأنه ماجا في بالها يوم إن جمانه المرجوجه اللي مطيحه الميانه مع دكاترة المستشفى تكون متزوجه لكنها انصدمت لما قالت لها في يوم في يوم زوجي وسألتها إذا متزوجه؟وقالت إيه نهى ومريم كانوا يراقبونهم وقاطين ومعهم ، مريم قالت:أقول نهيو نهى بعصبيه:وش هذي نهيو؟؟إسمي نهى مريم:نهى ولا شقحا ماتفرق ، فيصل يحب غيداء نهى:لاااا فيصل مغزلجي ومرقم نص ممرضات ودكتورات المستشفى حتى الفلبينيات مريم:لا ياحبيبة قلب أمك هذا أول بعد ماحبها ماعاد رقم أحد نهى ناظرت غيداء بقهر وغيره:مادري شلاقين فيها هالغيداء؟؟ مريم بحسره:الحظ ياعمري نهى ناظرتها:والله صادقه العنــــــــود جالسه على طاولة الطعام تفطر بهدوء وبجنبها عصام عصام قطع الهدوء:حبي!! العنود ناظرته:هلا عصام:اممم اليوم بتأخر شوي تعشي وحدك العنود بطفش تركت اللي بايدها:ياربي يعني إلى متى كذا؟؟طول النهار طالع والليل نايم والمغرب قصير وأغلب الأوقات تطلع للإستراحه!! عصام:طيب أنا شسوي هذي ظروف عملي؟؟ العنود مو ولهانه على الجلسه معاه لكن عشان يقول لها روحي لصديقاتك:طيب أنا أطفش!! عصام:أوكي روحي عند أمك وأهلك العنود تبغاه يقول صديقاتك:أهلي 24 ساعه عندهم كأني ماتزوجت عصام وهو ماوده لكن شيسوي مضطر:روحي لصديقاتك بسايق أهلك العنود بفرحه:والله!! عصام ابتسم:أكيد العنود ابتسمت:مشكور عصام مستعد يسوي أي شي أهم شي تدلعه ، ابتسم:اتفقنا العنود:اتفقنا بعدها طلعوا وركبوا السياره ووصل عصام العنود للجامعه وتوجه لشغله فــــي الجامعــــه عبير جالسه وتناظر بوابة الجامعه من ورا نظارتها القوتشي وهي تتأفف (والله وصارت تتأخر هالعنيد!!الله يرحم أيام العزوبيه تنلطع ساعه تنتظرني لكن ألحين انقلب الوضع) العنود دخلت من البوابه وعبايتها عليها وتتلفت ،، عبير ركضت لها وحضنتها:ياحماره والله صرتي تعرفين تتأخرين العنود:هههههههههه عبير ابتسمت لضحكتها:مبسوطه اليوم!! العنود شبكت ايديها بايدها وجلسوا عند البوابه وقالت بحماس:تخيلي اليوم قلت له إني أطفش ومادري ايش وجررته بالحكي إلى أن قال روحي لصاحباتك بسايق أهلك عادي عبير:والله!! العنود:والله عبير شدت على ايدها وقال بحماس:ونااااسه يعني بنرجع مثل أيام أول العنود:لا عاد مو لهدرجه أنا متزوجه ووراي بيت عبير دفت ايدها:أوخص ياحركات وراك بيت العنود ابتسمت بحزن:إيه للأسف عبير تغير الموضوع:ألحين أبي أفهم ليه مافصختي عبايتك؟؟ العنود ناظرت شكلهم وأنها جالسه بعبايتها على الأرض عند البوابه والبنات يناظرونهم وطاح وجهها:والله الفشله عبير انتبهت لنفسها:إيه والله قاموا وهم ميتين ضحك على شكلهم وتوجهوا للمحاضره جــده_المصحـــه النفسيـــه بدور كانت جالسه عالسرير وضامه رجليها لصدرها ولافه ايديها عليها وحاطه دقنها على ركبها وتهوجس وتفكر هاجسها الأخير كان تركي دايم تفكر وتهوجس فيه تخاف مايجي وينقطع عنها فـــي نفـــس هالوقـــت تركي كان جالس في شقته وسايح في جلسته وماد رجليه عالطاوله وساند رقبته على الكنب براحه وضام الخداديه بين ايديه وسرحاااااان ويفكر وعايش في صراع مع أفكاره (>>مو أنت تقول ياتركي بأتركها؟؟كيف بتتركها وأنت تعلقها فيك يوم عن يوم؟؟<< >>بس أنا ماقدر إذا شفت عيونها تكسر خاطري وأرحمها!!فكيف أعملها ألحين لما عرفت إنها تحبني؟؟<< >>قسي قلبك أنت تعرفها وتعرف أصلها وطيشها قسي قلبك<< >>بس أنا وعدتها ومن وعد وأخلف منافق!!<< >>هذي إنسانه طايشه وراعية بلاوي زين إذا كانت تصلي<< >>إيه صح لازم أقسي قلبي هذي إنسانه طايشه وأنا أكثر واحد أعرف بلاويها لازم أقسي قلبي<<) تذكر شكلها بقميص النوم الفاصخ وبجنبها الشاب الوسيم وهو بيحرقها بنظراته وحس باحتقاره لها يتجدد وتجدد كرهه لها وقام وطلع وركب سيارته وهو مقرر إنه يطلعها من المصحه ويرتاح من همها ...... وصل للمصحه وتوجه لغرفتها وهو عاااااازم إنه يتركها ، فتح الغرفه ، بدور رفعت راسها بسرعه وأول ماشافته ابتسمت وركضت له ومسكت ايده وهي تقول بفرح:كنت متأكده إنك ماراح تخلف وعدك وتتركني تركي أول ماناظر شكلها وهي متكوره على نفسها كسرت خاطره ورحمها وأول ماناظر عيونها الخضرا اللي تلمع وتنطق بالبراءه لانت ملامحه وابتسم لا ارادي:.... بدور أول ماشافت الإبتسامه انرسمت على وجهه ارتاااااحت وحست بأن شي ثمين رجعها ارتمت بحضنه وهي تبكي:... تركي غمض عيونه (ليه تكسر خاطري؟؟ليه ارحمها بمجرد ما تطيح عيني بعينها؟؟ليـــــــه؟؟) حط ايده على أكتافها وابعدها عنه وناظر في عيونها مباشره:طيب ألحين أبغى أعرف ليه تبكين؟؟ بدور مسحت دموعها بظهر كفها ببراءه وكأنها طفله وناظرته وهي رافعه راسها لأنه طوييييل وقالت:أنا دايم ياتركي من تطلع من عندي وأنا أطقها هواجس وأفكار ونزلت راسها وسكتت تركي باهتمام:في ايش تفكرين؟؟ بدور لعبت باصابعها وهي تناظرها وقالت بتردد:امم آآآ أخاف... أخاف إنك ما... ما تجي وتتركني تركي كسرت خاطره لهدرجه تهمها جيته ، ابتسم:لا تخافين أنا وعدتك ومستحيل أخلف بوعدي بدور ارتاحت وسحبته بايده وجلسته وطلعت غداها اللي ماكلته ، تركي رفع حواجبه:ماتغديتي؟؟ بدور:لا مالي نفس_ابتسمت_بس ألحين انفتحت نفسي تركي ابتسم:سمي بالله بدور أشرت له:حياك تركي أشر بايده:مشكوره_حط ايده على بطنه_شبعااااان كلي انتي بدور:مايصير أكل وأنت تناظرني!! تركي حط ايده على عيونه:كذا ماأناظر بدور:ههههههههه<<إيوه من قدك تركي بجنبك *_^ وبدوا يسولفون ويضحكون وهم مبسوطين الـبــــارت الـرابـــع عشـــر بعــد مــرور أربــع شهــور وبكذا يكون مر على وفاة أبوالوليد ست شهور وكم يوم وزواج العنود خمس شهور وثلاث اسابيع بتحكي لنا كل شخصيه بنفسها وش صار معها & الوليـــــــــد & طوال الشهور اللي راحت وأنا أشتغل وأتعب في شركات وحلال والدي الله يرحمه ، الحمدلله قدرت أمسك مكان الوالد وأكسب ثقة الموظفين ومحبتهم لكن كل هذا ماأشغلني أو أنساني العنود وأيامها الحلوه ، دايم أفكر فيها قبل ماأنام وأتخيلها وأتفرج على صورها ، ودايم أشيل هم مهند وأعمامه وخايف عليه منهم وفي نفس الوقت هم رؤى وعواد اللي أشوفه بعيونه مشاكله مع رؤى حتى لو ماقالها لي بلسانه ، هذا غير المسؤوليه اللي على أكتافي من مسؤولية أمي وعبير وشيخه وفارس وزواجه يعني هموم ومسؤوليات مايقوى عليها رجال كبير يعرف للحياة فكيف أنا شاب ماعرف في الحياة ولا مشاكلها ولا قد في حياتي تحملت مسؤوليه؟؟هذا غير رحلتي للصين وشرق أسيا اللي تأجلت كثيييير بسبب الظروف & العنـــــــــود & في الشهور اللي فاتت عشت مع عصام والدمعه ماتفارق عيني ، صحيح عصام كان حنون معاي وطيب لكن القلب ومايهوى ، وليد متربع على قلبي ومانع غيره من دخوله ، حاولت أنساه لكن ماقدرت كل شي حولي يذكرني فيه حتى ملامح وجهي وضحكتي تذكرني فيه لكن بالرغم من كل هذا ماقصرت على عصام بأي شي وأعطيته كل حقوقه الطاعه وواجبات المنزل وحقوق الفراش ، صرت أطبخ وأنظف لأني زوجه وهذا شي واجب علي وربي فارضه علي ولازم أسويه ، اجتهدت بجامعتي وقدمت كويس بالاختبارات الحمدلله وأنا قاعده انتظر النتيجه & مهنـــــــــد & في الشهور اللي راحت نفسيتي ساءت كثيييير من بعد موقف لمياء لأن المشهد نفسه وسبب عقدتي انعاد علي لكن بطريقه أخرى وأسلوب مختلف ، حالتي النفسيه تدهورت وزادت حدة عقدتي مثل مايقول زياد وقلت جماعاتي واختلاطي بالناس وكل هذا بسبب أعمامي حسبي الله عليهم ، كانوا في الفتره اللي راحت يتصلون علي كثييير لكني ماأرد عليهم وفزاع يصرفهم إذا جو عندي في شركتي ، عبير اللي تقلب قلبي بين ايديها ماغابت عن بالي لحظه وحده كنت محتاج لها كثييير لكن على قولتهم ((العين بصيره والإيد قصيره)) & عبيـــــــــر & رجعت مثل أول البنت الفرفوشه اللي الضحكه ماتفارق شفتها وأضحك كل اللي حولي رغم اني أشيل بين عضلات صدري هم من هموم العشاق لكن أنا طبعي كذا مابغى أحسس اللي حولي بضعفي إلا إذا اشتد الوضع وطلع الأمر من ايدي ، اجتهدت كثيير في دراستي والعنود ماقصرت معاي كانت تفهني وأفهمها ونذاكر مع بعض مثل عادتنا لكن عمر طيف بابا ماغاب عن بالي كنت أفكر فيه وأسرح وأهوجس لكن سرعان مااتذكر كلام ربي وأقول (إنا لله وإنا إليه راجعون) ومهند بعد ماغاب عن بالي ولا لحظه لكن اللي محيرني إن الوليد ماصار يحكي عنه ، أخاف إنه لاحظ شي علي أو إن مهند فيه شي & عـــــــــواد & رؤى في الشهور اللي راحت سبب في مشاكل البيت بأكمله مو بس معاي أنا ، مشاكلها وصلت مع أطياف أختي الصغير واكتشفت إنها انسانه تمتلك عقل صغيييير وكأنها طفله حاطه دوبها دوب أختي أطياف مثل مره كانت جالسه في الصاله كالعاده تنتظرني وأخواتي في المطبخ ((أطياف كانت تلعب مع بنات أختها مناهل الصغار ويلعبون في غرفة الألعاب ، صرخت أطياف:بأروح أشرب مويه وتوجهت للمطبخ وريف بنت مناهل صرخت:أطياف تعالي بسرعه شوفي دحوم وش سوى؟؟ أطياف بطفوليه جت تركض من المطبخ وبدون ماتدري مال الكاس وانكب على الأرض وعلى رؤى ،، رؤى شهقت:وجع ماتشوفين_مسكت اذنها_ماتناظرين أحد يركض والكاس بايده!! أطياف بلا منازع بكت من الخوف:.... أفنان جت من المطبخ تركض وأول ماشافت المنظر قالت بلسانها الطويل:هيه انتي اتركيها وسحبت أطياف رؤى بعصبيه:أنا لي اسم واسمي رؤى إذا ماتدرين مو هيه_بغرور_جد ناس همج أفنان صرخت:ايييش إنا همج يااللي ماتستحين مو كافي متحملينك عشانك زوجة عواد بس رؤى جلست ورفعت المجله وقالت ببرووود:والله أنا جالسه في بيت زوجي مو بيتك أفنان:هذا بيت أبوي مو بيت زوجك وحتى لو كان بيت زوجك عواد قبل مايصير زوجك هو أخونا ياقليلة الحيا رؤى شهقت ووقفت وأشرت على نفسها:أنا قليلة حيا!! أفنان:إيه أجل اللي ترفع أنفها على أهل زوجها وأمه وتحط عقلها في عقل بزر مو قليلة حيا رؤى عصصصبت وقربت منها:احترمي نفسك ياالملسونه أفنان:محترمتها قبل ماأشوفك انتي اللي احترمي نفسك ، وأنا مو ملسونه الظاهر ماسمعتي صوتك وانتي تحكين رؤى:لا عاد زوديتها وقربت منها ومدت ايدها وأفنان ماتقصر ،، عواد صرخ:بس انتي وياها أفنان ورؤى وقفوا وناظروه:.... عواد وهو واصل حده قرب منهم:استحوا على وجيهكم صوتكم واصل لأخر الشارع ماتستحون انتوا بنات وأصواتكم عوره رؤى قربت منه:كويس جيت عشان تشوف أختك شسوت؟؟ أفنان:إلا وانتي الصادقه عشان يشوف زوجته اللي تحط عقلها بعقل بزر شسوت؟؟ رؤى أشرت عليها:شفت شفت هي اللي تغلط أفنان:أنـ.... عواد قاطعها:خلاص مابغى أسمع شي_طلع الدرج_ومابغى غدا ناس تسد النفس رؤى لحقته ودخلت وراه الغرفه ،، عواد طنشها وبدا يبدل وجلس على السرير وتمدد:.... رؤى جلست على طرف السرير:حبيبي زعلت؟؟ عواد من تحت الغطا:رؤى أنا تعبان وأبغى أنام اتركني رؤى بانفعال:بس لازم تعرف الحقيقه عواد (يالله الواحد راجع تعبان وهذي مستلمته مشاكل):.... رؤى حكت السالفه واختمتها بـ:شفت أن أختك الغلطانه ولسانها طويل عواد بعد الغطا وجلس:يعني انتي ماغلطتي لما حطيتي عقلك بعقل بزر؟؟ رؤى أشرت على تنورتها القصيره:شوف شوف شسوت!! عواد:يارؤى ياحبيبتي هذي بزر تعرفين شمعنى بزر؟؟ رؤى:طيب أفنان شدخلها؟؟ عواد:أفنان تدافع عن أختها رؤى عارفه إنها غلطانه بس غرورها يمنعها تعتذر:.... عواد عارف بل متأكد إنها عارفه غلطها بس ماتبغى تطلع نفسها هي الغلطانه:شفتي إنك غلطانه رؤى بعدت شعرها عن أكتافها وقالت بغرور:خواتك بصراحه ينرفزون عواد:ومشكله بعد إذا كانت زوجة أخوهم تنرفزهم رؤى:أوكي بأصير بعيده عنهم بس أنت لازم تقولها تبعد عني عواد تنهد:مافيه غير كذا)) هذا مثال بسيط لشجارها المتواصل مع خواتي ولا يغركم حكيها ووعودها لأنها ترجع مثل أول وأردى ، جلساتي في البيت قلت بسببها لكن ماأنكر إني للحين أحبها ودلعها ينسيني الدنيا ومشاكلها لكني أحاول أمسك نفسي قدامها وماأبين لها عشان ماتستغله لصالحها ، وفي نفس الوقت ماقدر أشكي للوليد وأقوله أختك مغروره مالي إلا الصبر لكن لا تسألوني إلى متى؟؟ & رؤى & طوال الشهور اللي راحت انحرمت من أشياء كثيره أقلها الطلعه والبلازما كل واحد يبغى قناه ، حاولت في عواد إنا نطلع لبيت لوحدنا لكنه رفض وبقوووه وقال شيلي هالشغله من راسك أهلي مالهم غيري لكن ياأنا ياهو ونشوف & بــــدور & أنا لو أقول من ألحين للصباح مبسوطه وفرحانه مايكفي لوصف شعوري وفرحي ، أنا فرحانه ومستانسه تركي ماصار يفارقني كل يوم يجي العصر ويجلس معاي إلى المغرب أو أحيانا العشا ويروح وأحيانا يجي الليل يتعشى معاي ونسهر سوى ومايدخل علي وايده فاضيه لازم يجيب معه عشا أو صينية حلا أو شوكولاته أو لعبه ذكاء ننشغل بحلها مع بعض يعني باختصاااار فــرحــاااااانــه عدد النجوم & تركــــي & أنا قررت إني أبقى مع بدور لحد ماتتحسن حالتها وتطلع من المصحه بعدها خلاص أنساها وأرجع مثل أول ،، طوال الشهور اللي فاتت وأنا أعاملها مثل أختي وهي نفس الشي تعاملني مثل أخوها صحيح أشوف الحب في عيونها لكن عمري ماراح أنسى أصلها وطيشها وماضيها & فــــارس & الحمدلله اكتشفت إن اختياري لساره كزوجه لي وشريكة حياتي كان صحيح وماندمت عليه ، وكانت متفهمه تأخر زواجنا بسبب عدة أمي ، وألحين زواجي قرب وأنا جاهز والوليد ماقصر معاي & ســــاره & أنا بعد نفس الشي فارس كان رجل بكل ماتعنيه الكلمه وزوج كفو ، كنت متخوفه بداية ملكتنا من الزواج وكيف أتعامل معه؟؟لكن فارس سهل لي أشياء كثييييره ودخل قلبي من أوسع أبوابه وطوال هالشهور وأنا مجتهده مابقى مجمع مازرته ومابقى مصمم ولا مصفف مااتفقت معه وألحين الحمدلله أنا جاهزه & غيــــــداء & أنا باختصر حكيي بجمله وحده اشتقت له مووووووت دايم أفكر فيه ومافارق خياله بالي نفس ترجع أيام زواجي منه لو يهزأني ويضربني بس أهم شي أكون بجنبه وقريبه منه ، ندمت قد شعر راسي إني جادلته في يوم أو عصبت عليه ليتني سكت وصبرت ماكان صار اللي صار ، فيصل وماأدراك مافيصل ، فيصل رجع مثل أول يحابيني بين الموظفات ويتقرب مني وأنا متأكده إنه يحبني لكن قلبي ملكه الوليد مــن يـلــــوم الـعــيـــن لـو تـــذرف دمــــــوع؟؟ مــن يـلـــــوم الـقــلـــب لـو صـفـــق وصـــــاح؟؟ لـيـتـنــــي وســـط الخـــلا أعـطـــش وأجــــوع بــس أشوفـــك وابتســـم وأنســى الـجـــــراح الريـــاض_قصر السجيـــدي فارس جالس وشغال مسجات مع ساره وعبير مندمجه مع الفلم بقووووه ،، الوليد دخل يركض وتزحلق عالسيراميك ورمى بنفسه على الكنب:سلااااااام عبير:....(مندمجه مع الفلم) فارس ضحك وبدا يضغط بجواله:... الوليد:مالت محد حولك_صرخ_فــــــارس فارس التفت له وقال بجفاف:خير؟؟ماتشوفني مشغول!! الوليد:أقلع أم الشغل اللي تعرفه قم بس تلعب معي سله فارس:أترك زوجتي وأجلس ألعب معك سله!! الوليد أشر بايده:ياخي تراك أقلقتنا كأن محد تزوج غيرك فارس رجع لجواله:مشكلة الغيران الوليد اختفت ابتسامته وبدا يفكر (هو صحيح غيران من فارس عشانه توفق بزواجه؟؟لا فارس أخوي ومستحيل أغار منه):.. عبير لاحظت سكوته بعد جملة فارس ، التفتت تناظره وشافته مسرح ، تضايقت على أخوها يضحك ويتصنع الضحك وهو من داخل مكسور ، همست:وليد الوليد من أول ماقالت وليد فز قلبه والتفت لها بسرعه:.. عبير عرفت ليه التفت بهالسرعه ، سألته:شفيك؟؟ الوليد زفر وعدل جلسته:مافيني شي_ابتسم_بس محد عطاني وجه عبير(واضح ياالوليد إنك تمثل) ، هزت راسها:للأسف ياالوليد مثل على الكل إلا علي الوليد نزل راسه بحزن:.. عبير قامت وجلست بجنبه وحطت إيدها على ظهره:ولود خلاص العنود مستحيل تصير لك هي ألحين لغيرك_شبكت أصابعها ببعض_وتزوجت وأتوقع فاهم أنا شأقصد؟؟ الوليد بعد فتره قال بهدوء:عبير عبير:نعم!! الوليد وقف وقال بنفس الهدوء:إذا تحبيني جد لا عاد تحاكيني بهالموضوع وراح عبير تنهدت (مافيه فايده) التفتت لفارس ورمت عليه الخداديه:وأنت ياالعاشق إذا ناداك الوليد رح معاه فارس ناظرها:وجع ، خير شتبغين؟؟ عبير قامت وقربت الجوال منه:ماأبغى شي خلك في جوك وطلعت فارس ناظرها:شفيهم؟؟ الوليـــد دخل غرفته وسند ظهره للباب:ماراح يحس فيني أحد_حرك راسه بيأس_ماراح يحس فيني أحد رفع جواله وأرسل رساله لشخص وناااااام العنـــود كانت جالسه تناظر البلازما وبجنبها عصام مندمج في شغله ولابس نظارته الطبيه ، كان الجو هدوووء وصوت البلازما واطي والأنوار مطفيه ومشغلين أنوار الأبجورات الصفرا ، العنود رن جوالها بمسج وفتحته ((حبي الأول تعودت أفارق ناس وانساهم بدمعة.. لكن ?انت? لو جفت دموع عيني مانسيتك..)) العنود ارتبكت وتجمعت الدموع في عيونها ،، عصام ناظرها ولاحظ ارتباكها:خير حبي فيه شي؟؟ العنود ابتسمت بارتباك:لا حبيبي كمل شغلك ولا تهتم عصام ناظرها لثواني ورجع لشغله ،، العنود تحس برغبه شديده في البكاء لكنها ماسكه نفسها بالقوووه ،، عصام بعد فتره فصخ النظاره وفرك عينه بتعب:آآه العنود:سلامتك عصام ناظرها:تعبت من الشغل ، شرايك نطلع ننام؟؟ العنود:أوكي ووقفت عصام لف ايده على خصرها وطلع معها

>>>>>>>>>>>>>>> تكملة الجزء السادس <<<<<<<<<<<<<<

منشورة في: روايات سعودية